رواية الضحية – الفصل الخامس
رانيا: لما سمعت الاسم حسيت روحي نحلم حسيت اني كنت عايشة وهم كبير ،وهذا وين فقت بكف كبير .
جنان: اصبري مستحيل اكيد عمتي غلطتت طلعت جنان تجري للصالة …
غزالة: اول ماشفتها اهلين بمرت ولدي الغالية قمر ماشاء الله…
جنان: شن تقولي انت هبلتي اكيد محمد يحب رانيا كيف طاوعك قلبك تكسري خاطرها حرام عليك للي اديري فيه لو مش خايفة ع نفسك خافي ع بنتك…
فهيمة:تحشمي ع وجهك شن الكلام هذا للي تقولي فيه لكن الله غالب رباية عايدة شن بيطلع منها ….
رانيا: انا نسمع وبديت نحس في الصوت بعيد وفجأة ظلمت الدنيا قدامي معاش فقت الا وقيس وخالتي جنبي….
خديجة: اهو فاقت الحمدلله ع سلامتك يابنتي قريب رحتي فيها خيرك شن فيك …
رانيا: حضنت خالتي وانا نشم فيها في ريحة أمي كنت خاطري نحكيلها ع للي يوجع فيا لكن شن بنقولها نحب ولد عمتي للي خطب البنت للي كنت حاسبتها اختي…
قيس: الحمدلله ع سلامتك، لو تبو حاجة انا موجود برا …
خديجة: قعمزت في جنب رانيا ع السرير ومسحت دمعة كانت نازلة من عينها ،حرام العيون الحلوة هاذي تبكي ،مش رح نسألك خيرك لانه نعرف الدموع هاذي ،دموع حرقت قلب ..
رانيا: لما قالت هكي انهرت بالبكاء طلعت غلي كنت كامدة دموعي…
خديجة: الخالة ،أم احكي شن فيك .
رانيا: خلاني كله الكلام والحب كان وهم ويوم فكر يبدلني اختار جنان كيف مازال بنقدر نشوفلها كنت حاسبتها اخت مش بنت خال..
خديجة: حرايمي زي امه وخاله شن كنتي متوقعة منه ،امسحي دموعك واعفسي ع قلبك الف من يتمنى عفستك عمرها ماتوقف ع انسان …
رانيا: لكن هوا كان كل شئ عندي مش اي انسان عمرك مارح تحسي شعوري …
خديجة: طيح سعدك منا خالد كيف خديته قصة حب طويلة عريضة ويما خالك علي الله يرحمه طاح فيا طرايح ع خاطر المسلول خالد وتنهدت وقالت اه….وخلاص فعلا الحب يرمي ع قندولة..
رانيا: ضحكت وانا في عز دموعي توا طلع قندولة.
خديجة: وتحسابي الحياة الزوجية نحبك ونموت فيك وحبيبتي والله ايام تفوت عليا كان نلقى نصب عليه البنزينةونولع فيه النار لكن خايف الفرخين يقعدو يتامى وتحصل فيهم خالتك…
في حوش محسن….بعد روحت غزالة
فهيمة: جنان جنان تعالي نبي نهدرز انا وياك .
جنان:شافتلها بكل غل وحقد بصفتك شن.
فهيمة: بصفتي امك …
جنان: وهيا مصدومة نعم نعم مش كان خديتي مكانها بتصدقي انك امي.
فهيمة: كنت مدايرة في حسابي اليوم اهو رح ايجئ وتعرفي الحقيقة هذا كتيب العائلة متعنا شوفي اسمك وامك شن اسمها…
جنان:كنت نشوف لي بابا ونستنى فيه يكذب كلامها لكن نزل رأسه ….
محسن: انا راجلك عمتك وعايدة كانت عمتك اخت بوك .
جنان: نبي رانيا ارفعوني لرانيا.
فهيمة: فقدت اعصابها وناضت ضربت جنان انا امك اما رانيا للي تبيها …
جنان: الام للي تربي وتسهر مش الام للي تجيب تحدف لغيرها قطعة من كبدها هذا كان عندك كبد اصلا ، وبكل حقارة جاية واخدة راجل عمتي معناها كنتي حاطة عينك ع حياتها من قبل…
فهيمة: تبي تزيد تضربها .
محسن: خليها شن متوقعة منها تاخدك في الاحضان …البسي نمشوا لي رانيا في المستشفى.
جنان : مسحت دموعي وطلعت معاه ، لكن مش نفس شعور قبل انه بوي شعور تقزز ،وقرف كيف تزوج مرت نسيبه قبل وهانت عليه ماما عايدة وهيا جاية تبي تعاود نفس الفليم وتقهر رانيا ع محمد وانا طبعا كبش الفداء لصفقة الفاشلة اهيا…
في حوش غزالة….
صفاء: تستاهل اكثر الله فاتني الجو ياريتني شفتها وهيا منهارة باش نشمت فيها…
غزالة:من الصدمة وجوها قعد كل مرة لون لين لقتها جنان طايحة في دراها جت خالتها وحبيب القلب قيس رفعوها للعيادة…
صفاء: زي القطوس بتسعة ارواح امتا تموت بس ونرتاح منها …
محمد:من للي تحكو عليها هاذي تقطعوا فيها من بكري.
صفاء: حبيبتك سابقا طاجت عليهم اليوم ورفعوها للمصحة..
محمد: رانيا خيرها.
غزالة: شن دخلك بيها انت خليك في خطيبتك جنان وانساها للي ماتتسمى.
محمد: طلع برا واتصل بي خاله اخد منه العنوان ولحقهم..
رانيا: شفت جنان وهيا خاشة عليا وجهها فيه اثار ضرب،من ضاربك؟
جنان: مش مهم توا المهم انك كويسة، انا نعرف للي صار اليوم مش شويا راني مصدومة زيك واكثر لكن للي نعرفه انك اختي الكبيرة للي نحبها ومستحيل نقبله محمد وخصوصا اني كنت شاهدة ع حبكم .
خديجة: من جابك.
جنان: عمي محسن هو للي جابني.
رانيا: اول مرة تقوليها عمي محسن كنتي تقولي بابا شن فيه…
جنان: خدت يد رانيا وشدتها؛عرفت انه فهيمة امي ياريتني متت مع ماما عايدة قبل مانعرف انه انسانة زي هاذي امي.
خديجة: معليشي ياعمتي هذا قدرك ومافيش حد يهرب من قدره.
جنان: ممكن للي نحس فيه من وجع اكبر من للي في قلبك يارانيا الحبيب يتغير ،لكن الام مستحيل تقدري تغيريها…
محسن: واقف يشوف للأمانة للي خلتهاله عايدة للي ماعرفش يصونها ،ومشاعره انا ظلمت نفسي بزواجي من فهيمة ….كله بسبب هذيكا الغلطة لو يرجع الوقت بس مستحيل نكررها…
محمد: خالي كيف حال رانيا توا …
قيس: انت شن جاي ادير مش خطبت جنان طير روح شن تبي فيها رانيا…
محسن: واقف بينهم مش فاهم شئ علاش قيس هكي يقول لمحمد….
محمد: انا نكلم في خالي ورانيا بنت خالي من حقي نطمن عليها….
خالد: وهو جاي رانيا انا نبيها لولدي قيس بشرع ربي …
محمد: من الصدمة مش مصدق للي سمعه…
محسن: خلي تطلع ع خير وهيا ليه مش رح تلقى احن من خالتها وولدها…
قيس: احيانا يكون عوض اكبر مما تتخيل …
خديجة: شن الدوشة هاذي متعهم يحسابوا ارواحهم في مربوعة خلي نطلع نشوفهم…
طلعت خديجة …
جنان: مستحيل نقبله ماتشغليش بالك بكل انت اختي حبيبتي نموت ولا نكسرلك قلبك…
محمد: روح والندم ياكل فيه ضيع حب حياته ع خاطر حقد وكره امه….
الفصل التالي اضغط هنا
يتبع.. (رواية الضحية) اضغط على اسم الرواية لتجد الفهرس كاملاً بجميع الفصول.