رواية الضحية – الفصل الرابع
“هناك صدمات تستطيع نسيانها مع الوقت وصدمات لاتغادرنا حتى الموت”
رانيا:واقفة في الباب ونشوف في جنان طالعة تسلم عليها…
فهيمة: اهلا ياحلوة اكيد انت جنان صح.
جنان: صح انت مرت بوي ياريت تكون احنينه وطيبة زي ماما عايدة…
فهيمة: نوعدك رح اتحبيني وتقوليلي ياماما…..
رانيا: وكانه العالم وقف بيا فهيمة مرت خالي وبابا كيف جت وين كانت السنين هاذي كلها وعلاش هيا معقولة تموا النساوين معاش فيه غيرها سكرت باب الدار وطلعت هاتفي نتصل بي خالتي ونرعش….
خديجة: الو اهلا حبيبتي كيف الحال.
رانيا: حالي مش باهي ياخالتي بابا بابا كان نقولك من تزوج .
خديجة: خيرك شن فيك بس .
رانيا: بابا تزوج فهيمة تعرفي من فهيمة مرت خالي علي الله يرحمه.
خديجة: شميت ريحة الشياط من قبل انا لكن امك الله يرحمها كانت تقولي تتخايلي تتوهمي
لبست عبايتها وطلعت لقيس قتله وصلني لحوش خالتك.
قيس: شن فيه.
خديجة: بعد توصلني توا تعرف شن فيه ، طلعت
وهيا يدور عليها الدجاج الاسود وصلت لحوش محسن فتحت الباب وخشت.
فهيمة: شن ياماما دفيتي الباب اصحي هذا حوش وليه حرمة ولا تحسابيه حوش اختك زي قبل لالا
توا اتصلي وياأما نقولك تعالي ولا شدي مكانك…
خديجة:فهيمة الخامرة للي حوشها قريب يطلع منه الدود قبل دارت لسان وبدت تتكلم وتعلم فيا الاصول.
فهيمة: احترمي نفسك خير مانعرفك قدرك…
خديجة: بدون ولا حرف هجمت عليها طول ونزلت فيها ضرب…قريب ماتت بين ايديها والمصيبة مش هاذي المصيبة انه جنان ضربتها مع خديجة ….
قيس: سمع الدوشة وخش طلع امه وحل الموضوع.
روح محسن ولقاء العروس في حالة مايعلم بيها الا ربي مقعمزة تبكي …
محسن: شن فيك من داير فيك هكي بس ….
بكل ظلم وتبلي شافتله وقالت
فهيمة: خ خ خديجة وبنتك رانيا…..انا من البداية هكي بعد صبر السنين هكي جازاتي ….
رانيا: نسمع فيها ومعاش قدرت حتى ندافع ع نفسي لساني تعقد ….دموعي ينزلوا بس….
محسن: رانيا رانيا وشدها اعطها طريحة قريب قتلها لولا جنان جت بينه وبين رانيا…
جنان: لا يابابا ،راهي تكذب انا للي ضربتها وربي رانيا مادارت حاجة….
محسن: هذاك وين سيب رانيا…
رانيا: ضاقت بيا الدنيا تفكرت امي بعد ماشفت فعلا بوي بأمي واليتيم يتيم الام رفعت ايديا ودعيت ربي ياخدلي حقي الظلم ظلمات…
فهيمة: وهيا تمسح في دموعها اه اه اخيه ع عمري للي ضاع هدر وخلاني نشوف بنتي واقفة ضدي…
محسن: نقصي صوتك وبلا جو دراما للي تبيه كله صار تبي ادمري نفسيتها اعقلي .
فهيمة: حتى انت جاي ضدي مانلومش بنتك وخالتها بكل.
رانيا: نتفكر فيها كانت ليلة طويلة مامعاي حد خاطي جنان كنت حاطة رأسي ع راجلها ونبكي بحرقة كانت تصبر فيا….
جنان: ماتعدليش عليها العجوز اهيا …
غزالة: صفاء اتصل خالك مبكري وقال ضارب بنته رانيا قريب قتلها..
صفاء: علاش ،شن دايرة من عملة.
غزالة:ربي يستر علينا قال لاقيها هيا وقيس ولد خديجة بروحهم…
محمد: واقف من بعيد وقلبه نار معقولة رانيا هكي يطلع منها.
غزالة: من قبل واضح عليها مش مربية غير انت ولدي اعمى ربي يحفظ جنان ويكملها بعقلها الحق ع صغر سنها مافيش واحد شكى منها …
محمد: مستحيل الكلام اهو اكيد فيه حاجة.
صفاء: شن مثلا خالي يكذب عليها راهي بنته .
محمد: مانعرفش من يكذب لكن هذا للي عندي عقلي مش مستوعب .
غزالة: الانسان من اول كف يفيق وانت كفوف ومازال راقد ع أوذانك …
وطلعت وخالاته واقف فكرة ترفعه وفكرة تجيبه..
رانيا: اتصلت بيا خالتي تسأل عليا ماقدرتش نشغلها عليا ونقولها بوي ضربني ع خاطر فهيمة.
خديجة: بوك الخاين الرخيص خلاص تم نساوين معاش فيه غيرها انا بصراحة الف حاجة تلف في رأسي من ناحيته…
رانيا: اه صدمتي انا بروحها خايفة جنان تعرف انها امها شن بيكون موقفها …
خديجة: ايه والله واجعتني جنان حتى انا .
رانيا: رمتها وهيا لحمة حمراء محتاجة حنها وجايتها توا وهيا مرأة تبي تحن عليها…
خديجة: مصدقة انت انها راجعة ع خاطر جنان اخر همها اصلا …
فهيمة: مقعمزة برا هيا ومحسن يهدرزو، امتا بنقولها الحق .
محسن: قتلك اصبري نفسيتها اخر همك معقولة.
فهيمة: بنتي مش قادرة تشوف لوجهي .
محسن: لو تعرف جنان وتصيرلها حاجة اتحملي ماايجيك
وهما يتكلموا لين فجأة سمعوا عياط قوي في الحوش…..
جنان: شادة في رانيا وتعيط كذب كذب انا امي عايدة بس مانعرفهاش هاذي.
رانيا: باهي اهدئ حبيبتي اهدئ شوية.
فهيمة: بنتي خيرك ياروحي شن فيك شن درتيلها .
رانيا: تشوفلها ومتجاهلة كلامها وحاضنة جنان.
محسن: بسم الله عليك خلاص اهدئ شوية بنتي توا نفهمك.
جنان: تبكي قولها تحول من قدامي مانبيش نشوفها مانعرفهاش انا…
ناضت فهيمة وهيا بتموت من الغل بنتها راس مالها في الدنيا تكرهها….
مر اسبوع الحوش ساكت وكأنه حوش اشباح رانيا ماتحكيش مع بوها وفهيمة ….جنان مازال تقنع في نفسها انه فهيمة مش امها لعند في يوم رن هاتف محسن.
محسن: الو غزالة.
غزالة: كيف حالك ياخوي.
محسن: الحمدلله شن اخبارك انت والصغار.
غزالة: بخير الحق غدوا نبي انجئ نهدرز عليك كلمتين.
محسن: شغلتيني احكي.
غزالة: مافيش إلا كل خير محمد ولدي يبي بنتك .
محسن: تتفضلي في أي وقت الحوش حوشك.
سكر منها الهاتف وخش قال لي فهيمة سن ناقص غدوا اختي غزالة تبي اتجئ تخطب لولدها..
جنان: سمعت الكلام جت تجري قالت لي اختها رانيا وفرحت .
رانيا: الحمدلله ياربي هذا وين ارتحت معناها محمد مش مصدق كلام اخته .
جنان: انت نيتك صافية معاه وين بيلقى زيك اصلا …
رانيا : الفال ليك …
ثاني يوم البنات يجهزو في كل شئ ورانيا قالت لخديجة وفرحتلها ….وجت غزالة حاملة ومحملة بكل خير وقعمزت تهدرز ع خوها ومرته انا جاي بنخطب لولدي محمد بنتك ..
الفصل التالي اضغط هنا
يتبع.. (رواية الضحية) اضغط على اسم الرواية لتجد الفهرس كاملاً بجميع الفصول.