رواية الضحية – الفصل السادس
“تموت قصص لتولد قصص أخرى”
رانيا: كنت نستنى في ردة فعل محمد احيانا القلوب قداش غبية تتعلق بناس ماتعرفش الحب
مر الاسبوع الاول وانا كل يوم نقول خلاص اهو اليوم بيجئ بيقولي انا نحبك مهما صار بينا انت ليا وانا ليك ….
جنان: اسبوع يعادل شهر عندي نفيق ع نكد نرقد ع نكد للي المفترض اسمها امي رافضة فكرة اني نفركش الموضوع مع عريس الغفلة محمد…
غزالة: مدامه حتى رانيا نخطبت خلي انديرو بدل الفرح فرحين…
محمد: انا قررتي تخطبيلي واسكتت وضميت فمي انا انك تجبريني نشوفها وهيا مع غيري هلبا الحق…
صفاء: شن فهمك هاذي حركات باش تقدر تنساها .
محمد: مليون الف مرة نقولك اطلعي منه الموضوع.
غزالة: اختك تبي مصلحتك للي انت ماتندريش عليها .
محمد: كنت اضعف واحقر من انه نقوي قلبي وندافع ع حب حياتي رانيا سيبتها اضيع من ايديا وانا ساكت ومسلم …
خديجة: انا نعرف يابنتي انه قلبك مع شخص ثاني لكن صدقيني الظروف عذره يحطه الشخص الضعيف باش يبعد لو كان يحبك ربع الحب للي شفته في عيونك مستحيل يفرط فيك ماتعرفيش الخير وين للي نعرفه ومتأكدة منه انه قيس يحبك ومستحيل تندمي ع قرارك هذا في يوم من الايام….
رانيا: كنت نسمع في كلام خالتي وهو ينزل ع قلبي زي البلسم …وندعي ربي يقويني باش ننسى ونتخطى قيس انسان مخلص ونظيف مايستاهلش مني انه نخونه ولو بالتفكير.
فهيمة: علاش عطيتها ولا ،ضروري بنتي نخطبت تلحق حتى هيا…
محسن: اسمعي، بنتي ماعندكش بيها علاقة مش ساد تخطيطك انت وغزالة اختي مازال حتى مع ولد خالتها تبي توقفي فيها…
فهيمة: اقل ضريبة ممكن تدفعها باش ننسى الخسائر للي مريت بيها ع خاطرك…
رانيا: كنت نضم بالصدفة سمعت جزء من النقاش بينهم…
محسن: من ضربك ع ايديك ،انت اصلا سبب في كل حاجة صارت في حياتي مستحيلة تكوني بشر زينا تقولي مخلوقة من ضلعة من شيطان…
فهيمة: ايه نسيت ماهو انا للي…
محسن: سكري فمك نصيحة مني ليك خير مايصير تصرف ثاني تندمي عليه…
فهيمة: معناها دير حل واثبت نسب جنان ليك لانك انت بوها …وللي يغلط يتحمل نتيجة غلطه.
محسن: مريضة انت تبي تفضحيني في عقاب عمري معقولة.
فهيمة: ايه نبي نثبت حقها من بيستعرف بيها .
محسن: كانك تحكي ع الورث انا مستعد نكتبلها الحوش بإسمها غير سكري فمك…
فهيمة: شن سكري فمك ، حق بنتي ونبي نضمنه واكتبه بإسمي انا.
محسن : علاش شن انت بنتي ولا هيا.
فهيمة: انا امها للي نحرمت منها اسنين وانا نعرف مصلحتها بنتي مضحكة ينضحك عليها بكلمتين لو غزالة تعرف الموضوع تفرح فرح.
محسن: ساهل ساهل…سكريه الموضوع توا لين انا نكلمك.
رانيا: الكلام للي سمعته قهرني خلاني مصدومة معقولة بابا هوا اب جنان وكيف هانت عليه امي باش خانها….لبست عبايتي وكلمت خالتي كميلة وقتلها تعالي ارفعيني…
كميلة: مسافة الطريق ونكون عندك …
جنان: خيرك وجهك اصفر شن فيك .
رانيا: كنت خاطري نقولها ابعدي عليا اكيد تعرف السر هذا …مافيا شئ تعبت من حوسة الحوش.
جنان: هاتي منك معاش تمسي شئ لين تشدي حيلك وترجعي صحتك .
رانيا: اصلا خالتي جاية في الطريق بنطلع.
جنان: ايه غيري جوك الحوش مولي طاقة سلبية يفدد.
طلعت رانيا هيا وكميلة لحوش خالتها خديجة الطريق كلها وهيا ساكتة .
رانيا: كيف بنحكيلهم الموضوع مش ساهل هذا موضوع شرف ونسب .
خديجة: شن فيه رانيا تكلمي.
رانيا: نبي مهما ايصير الكلام للي تسمعوه يقعد بينا لانه اي تصرف غلط رح يرجع علينا .
كميلة: احكي شن صاير.
رانيا: قعمزت وحكيتلهم للي سمعته بالحرف لأنه مافيه ماندس طبعا ملامح خالاتي كانت كفيلة تفهمني انهم في قمة الصدمة ….
خديجة:وربي من وقت كان خالك عايش وكنا نتجمعوا العيلة كلها كنت انجئ نقول لامك ردي بالك من فهيمة شبحاتها تخوف …
كميلة:كيف طوعها قلبها ادير هكي لاعلي للي تحمل معاها المرة قبل الحلوة يستاهل وعايدة الطيبة الحنينه هكي جزاها….
خديجة: صارلها زي للي يربي في فرخ الحنش في كمه معقولة ربت بنت محسن الخاين.
رانيا: جنان “الضحية” في الموضوع شن علاقتها بالشئ للي صار …
كميلة: حتى ربي قال﴿ قُلْ أَغَيْرَ اللَّهِ أَبْغِي رَبًّا وَهُوَ رَبُّ كُلِّ شَيْءٍ ۚ وَلَا تَكْسِبُ كُلُّ نَفْسٍ إِلَّا عَلَيْهَا ۚ وَلَا تَزِرُ وَازِرَةٌ وِزْرَ أُخْرَىٰ ۚ ثُمَّ إِلَىٰ رَبِّكُم مَّرْجِعُكُمْ فَيُنَبِّئُكُم بِمَا كُنتُمْ فِيهِ تَخْتَلِفُونَ﴾
خديجة: انا مقهورة تعرفوا شن معناها زنا ولا نفهمكم
كيف بنقدر نجامل جنان كيف بنتقبل كلمة ياعمتي من فمها…
رانيا: لو فهيمة حست انه احنا اعرفنا للي صاير رح تزيد تتقوى وادير مافي بالها خلوها عايشة في خوف مرات خنقة الكلب خير من قتلته وبالنسبة ليا جنان هيا اختي زي قبل زي توا عمري ماننسى وصية امي …
كميلة: ربي يكملك بعقلك يابنتي هذا الصح جنان عاشت يتيمة الاب ورغم انه بوها حي …
رانيا: انا توا بنروح لانه عقرب زي هاذي معاش نخليها بروحها بكل لازم يكونوا عيوني عليها.
خديجة: ردي بالك ع روحك وقت تشكي في شى طول اتصلي حتى في نصف الليل.
روحت رانيا لحوشهم وكأنه شئ لم يكن ….
فهيمة : تتكلم في الهاتف ….ايه للي نبيه كله رح ايصير هانت .
الفصل التالي اضغط هنا
يتبع.. (رواية الضحية) اضغط على اسم الرواية لتجد الفهرس كاملاً بجميع الفصول.