القائمة الرئيسية

الصفحات

رواية ثأر الأرواح كاملة جميع الفصول بقلم هاجر العفيفي

رواية ثأر الأرواح كاملة جميع الفصول بقلم الكاتبة المصرية هاجر العفيفي عبر مدونة كوكب الروايات

شخصيات الرواية

  • كامل القناوى : والد البطله يملك من العمر 55 عام اصله صعيدى لكن اتجوز فى مصر بس بعد عمر طويل حصل مشاكل ورجع هو ومراته وبنته الوحيده وعاشوا فى الصعيد
  • سميحه الأنصارى : زوجة كامل ووالدة البطله تملك من العمر 50 عام ست طيبه جدا وحنونه وبتحب زوجها وبنتها جدا
  • مى كامل القناوى : بطلتنا فتاه جميله ورقيقه تملك من العمر 19 عام كلية طب لها عيون زرقاء وبشره بيضاء وغمازه فى احدى وجنتيها هاديه جدا ومش بتحب حد فى الدنيا غير والدها ووالدتها فقط
  • مراد القناوى : أخو كامل ووالد البطل يملك من العمر57 عام حنون جدا وله شركه خاصه به بيديرها هو وابنه زوجته متوفيه وعايش مع ولاده
  • سيف مراد القناوى : بطلنا يملك من العمر 29 عام له عيون عسلى وشعر اسود كسواد الليل وبشره قمحيه شاب مستهتر جدا وبيسهر مع بنات وبيخرج ومش بيشيل مسئوليه له جسد عريض
  • سامر مراد القناوى : ابن مراد واخو سيف شاب هادى جدا عكس سيف يملك من العمر 25 عام بيدير شركة والده له بشره خمريه وعيون سوداء وشعر بنى كثيف وجسد رياضى
  • ريناد مراد القناوى : بنت مراد الوحيده على الولدين بنت رقيقه جدا شقراء لها شعر اصفر وعيون بنى ومرحه جدا وبتحب والدها واخواتها وهما أغلى ماتملك من بعد وفاة والدتها
الشخصيات الاساسيه ياقمرررات الباقى مع الأحداث..

رواية ثأر الأرواح الفصل الأول

فى احدى محافظات الصعيد الجوانى وخصوصا فى محافظة أسيوط
فى احدى البيوت التى يظهر عليها ثراء أهلها
تستيقظ فتاه من نومها بهمه ونشاط تقوم تدخل الحمام تاخد شاور وتبدل ملابسها وتخرج تأخذ احتياجتها وتنزل

فى الأسفل

كان الجميع متجمع على مائدة الافطار تنزل عليهم مى
مى بابتسامه مشرقه : صباح النور
كامل وسميحه : صباح الخير
كامل : اول مره تصحى بدرى يعنى وبالنشاط ده
مى : ورايا شوية حاجات هعملها كده عشان يعنى السفر
سميحه برضوا يابنتى مصممه تسافرى
مى : ياماما انتى عارفه ان مش هضيع الكليه منى دى فرصه ليا انا
كامل : وانتى قررتى هتقعدى فين فى مصر
مى : مانت عارف يابابا هاروح اقعد مع بنات صحابى فى السكن
كامل : وانا مش موافق انك تقعدى بنت لوحدك كده
مى : انا مش لوحدى معايا
قاطعها كامل : يابنتى انا خايف عليكى انا مليش غيرك انتى هتكونى مع بنات برضوا يعنى مش هكون مطمن عليكى
مى : طب حضرتك عايزنى اعمل ايه
كامل : هتروحى تقعدى عند أخويا مراد
مى باستغراب : عمى مراد اظن ان مفتكرهوش أووى
سميحه : صح عندك حق ياكامل فعلا ده اكتر مكان هنكون مطمنين على مى فيه
كامل : عمك مراد طيب جدا يامى وكان بيحبك زمان وهيفرح لو روحتى وبقيتى معاه
سميحه : بس فى مشكله ياكامل
كامل : ايه هى
سميحه : اخوك مراد عنده ولاد وكده وبرضوا مش عايزين
قاطعها كامل : أنا واثق ياسميحه ان مراد هيحافظ على بنتى
مى : يعنى ده اخر قرار يابابا
كامل : اه ده الصح يابنتى
سميحه : وربنا يرجعك بالسلامه لينا يارب
مى قامت وقفت بابتسامه : يارب انا هاروح اشوف كام حاجه واجهز عشان همشى بكره
كامل : ماشى ياحبيبتى خلى بالك من نفسك
مى : حاضر يابابا سلام
سميحه : مع السلامه ياحبيبتى ربنا يحفظك من كل شر يارب
***
فى القاهره

فى احدى المناطق الراقيه بالقاهره

فى شركة القناوى

فى مكتب مراد القناوى كان بيتكلم فى الفون مع أخوه كامل
مراد : ياه ياكامل ياريت والله انا طول عمرى نفسى أشوف مى والله فرحتنى
كامل : ربنا يحفظك والله هو ده العشم
مراد : هتيجى امتى عشان اخلى سامر يروح يجيبها من المحطه
كامل : بكره ان شاء الله هتكون عندكم
مراد : تنور طبعا فى وقت
كامل : تسلم يارب ياحبيبى معلش بقا شغلتك عايز حاجه
مراد : متقولش كده ياكامل انا لو مشغول هفضيلك نفسى عايز سلامتك يارب
وقفل معاه ومسك تلفون المكتب وكلم السكرتيره
مراد : نهى ابعتيلى سامر مكتبى
نهى : حاضر يافندم
وبعد مرور قليل من الوقت دخل سامر مكتب والده
سامر بابتسامه : حضرتك عايزنى
مراد : اه يابنى تعال
سامر دخل قعد قدام والده باحترام
سامر : خير يابابا
مراد : بنت عمك هتيجى بكره تقعد معانا فتره عشان انت عارف هما كانوا موجودين فى مصر بس بعد كده حصل شوية مشاكل اضطروا يسافروا الصعي
ودلوقتى مى لازم تيجى مصر عشان كليتها ودراستها ووالدها رفض انها تقعد فى سكن وقالى انها تقعد عندى أحسن
سامر : عادى يابابا هتكون زى ريناد والبيت كبير ماشاء الله
مراد : المشكله مش فى كده
سامر : أومال ايه
مراد : المشكله فى أخوك سيف انت عارف ان مستهتر وعمره ماهيتعدل انا مش خايف على البنت غير منه هو
سامر : نحاول نبعدها عنه
مراد : ماهو ده ال هيحصل بس برضوا عندى نسبة خوف منه انت عارف سيف مش بيعمل حساب لحد
سامر : ربنا يستر متخافش ان شاء الله خير
مراد : يارب المهم انت هتروح تستقبلها بكره ان شاء الله من محطة القطر
سامر : حاضر عينى طبعا
مراد : تسلم ياحبيبى والله انا مش عارف اخوك مش زيك ليه مع انه هو الكبير بس معرفش طالع كده ازاى
سامر : ربنا يهديه لنفسه يابابا
مراد : يارب يارب
سامر قام وقف : عن اذنك بس ورايا شوية شغل بس هخلصهم واعدى عليك تانى
مراد : تمام
سامر خرج ومراد ركز فى شغله
***
فى جامعة القاهره

ريناد : مريم مريم مريم انتى يااااابت
مريم : اااايه مانا جمبك أهو
ريناد بمشاكسه : سرحان فى ايه ياجميل
مريم : مفيش ياختى
ريناد : امممم فهمت اكيد فى الواد سامر أخويا انا عارفه ان هو مز ويستاهل
مريم خبطتها فى كتفها : ياغلسه
ريناد بغمزه : بس صح ولا مش صح اعترفى يلا
مريم : ماهو مش معبرنى خالص النهارده
ريناد : ياستى خضتينى طب مانتى عارفه سامر علطول مشغول بقولك ايه بلاش سامر خدى سيف ههههههه
مريم : هو خضار يابنتى افهمى سامر مش متعود ميكلمنيش خالص كده طول النهار
ريناد : زيدى يازيدى
مريم : ريناد حبيبتى امشى من وشى
ريناد : يابت بهزر هو اكيد مشغول
مريم : ممكن
ريناد بغمزه : متزعلش ياجميل مش هيطير منك
مريم بغيظ : انا ماشيه
ريناد بضحك قامت جريت وراها
ريناد بضحك : استنى يامجنونه
***
فى المساء

فى احدى الاماكن المشبوهه كان سيف جالس فى احدى التربيزات وهو بيشرب بطريقه فظيعه وحواليه بنات كتير واصحابه (او زى ماتقوله أصحاب السوء)
كريم : الخروجه مش بتحلو غير وسيف باشا معانا
رامى : عندك حق ياكريم هو ال بيظبطنا فعلا
سيف بغرور : يابنى انا مش بيهمنى فلوس انا بحب مزاجى وبس
بنت من احدى البنات : طب ومش ناوى تدينا نصيب ولا ايه ياباشا
سيف طلع من جيبه رزمه من الفلوس وحدفها على التربيزه وقالها : لاء طبعا خدى وزعوا على بعض
بنت بضحكه وقحه : هههههههه تسلم ياباشا
وفضلوا طول الليل زى كل ليله يسهروا وهو يصرف ويروح بيته بعد طلوع النهار
reaction:

تعليقات