القائمة الرئيسية

الصفحات

رواية ثأر الارواح الفصل الخامس والثلاثون والأخير - النهاية

رواية ثأر الأرواح الفصل الخامس والثلاثون 35 والأخير بقلم الكاتبة هاجر العفيفي

رواية ثأر الارواح الفصل الأخير

بعد مرور شهر على كل الأحداث ال فاتت جاء موعد الامتحانات والجميع استعد ليها مى وريناد ومريم وكلهم كانوا قلقانين جدا لانهم أخر فتره كان فيه مشاكل وضغط كتير ومكانوش عارفين يركزوا

فى فيلا سامر ومريم
(سامر كان مشترى فيلا ليهم بس كانت بتجهز وكانوا قاعدين فى منزل والده فتره مؤقته)

سامر : ياحبيبتى اهدى القلق ده غلط عليكى وعلى البيبى
مريم بتوتر وقلق : دى أخر سنه ياسامر يعنى التخرج أنا خايفه أووى
سامر راح عندها وضمها باطمئنان : صدقينى ان شاء الله هتنجحى وهتجيبى أحسن مجموع كمان اهدى بقا
مريم وضعت راسها على كتفه : أنا مش عارفه انا من غيرك كنت هعمل ايه انت ال وقفت جمبى وشجعتنى ان اكمل وكنت معايا خطوه بخطوه عكس ناس كتير مابتصدق تتجوز عشان تذلهم مش تقف جمبهم انت بجد حسستنى بمعنى الأمان انا جمبك بحس ان ملكه وكل ال انا فيه ده بفضل ربنا ووقفتك جمبى وبدعى ربنا ان يحفظك ليا طول العمر ياحبيبى وزوجى وحب الطفوله
سامر ضمها اكتر ليه بحب : الكلام ده كتير عليا أوووى انا كلى ليكى انتى ياحياتى انا أول ماقولت ياحب كنتى انتى أول حب ظهر ليا وكان أجمل حب وايام الطفوله دى كانت اجمل ايام عشتها معاكى كنت بحاول أحافظ عليكى عشان لما تكبرى تكونى ليا بس وفعلا الحمد لله ربنا استجاب وجمعنا انا وانتى
مريم بحب وضحك : فاكر لما مسكت ابن جيرانا وخليت وشه شوارع اليوم ده انا مبطلتش ضحك
سامر بغيظ : ماهو الواد ده كان لازقه ورخم وسذج كده وكل شويه يرخم عليكى
مريم : تقوم تسكت لاء روحت قابلته بعد المدرسه وعينك ماتشوف الا النور الواد راح المستشفى وانت كنت هتتحبس
سامر بضحك : بس ساعتها هو طلع جدع وقال ان محصلش حاجه وخلاهم يخرجونى
مريم : يااااه أيام كانت جميله
سامر بغيظ : كان عاجبك المعاكسات
مريم بمشاكسه : لاء كان عاجبنى غيرتك ياحبيبى
سامر : على اساس ان دلوقتى مش بغير عليكى ده انا لو شوفت حد بيكلمك بالغلط بكون هقتله
مريم بدل : بحبك
سامر : احم نشوف النتيجه وبعدها نشوف الحوار ده مع بعض
مريم : ههههههههههه
سامر بنفاذ صبر : صبرنى ياااارب
وفجأه جه لمريم ماسدج وكانت نتيجتها
مريم بصدمه وفرحه : انا نجححححت ياسامر بتقدير جيد جدا
سامر حضنها بفرحه وحب : مبرووك ياقلبى ومن نجاح لنجاح دايما
مريم : الحمد لله يارب الحمد لله
سامر قرب منها : كنت عايز اكمل معاكى موضوع كده
مريم فهمت قصده وضحكت : لاء لما اطمن اهلى الأول
سامر : هنطمنهم وهنعمل كل حاجه بس هقولك
مريم : ههههههه لاء وسابته وخرجت تجرى
سامر بغيظ : ماشى يامريم لما تيجى بس
**
مى بصراخ وفرحه : سيييييف
سيف بخضه : ايه يامى حصل ايه اتكلمى
مى : نجحت ياسيف نجحت
سيف بفرحه : بجد الف مبرووك ياحبيبتى بس جبتى ايه
مى : امتياز مع مرتبة الشرف خلاص هحقق حلمى واكون دكتوره قد الدنيا الحمد لله يارب
سيف : يعنى خلاص افراج
مى بعدم فهم : افراج ايه
سيف : نعمل فرحنا بقا ونفرح زى الناس
مى بتفكير : اممم ايه رايك كمان اسبوع
سيف : ليه هنستنا اسبوع
مى : ال خلاك تصبر ده كله مش هيخليك تصبر اسبوع
سيف : حاضر يامسهل يارب ده انا هعمل فرح فوق الفرح
مى بضحك : ههههههه للدرجه دى
سيف قرب منها ومسك ايدها وقبلها بحب : ياحبيبتى انا بحبك ومش عايز أى حاجه تمنعنى عن رؤيتك أبدا بتمنا انام واقوم على عيونك احنا شوفنا كتير فى حياتنا ومن حقنا نفرح شويه
مى بصتله فى عيونه بحب : أنا بحبك أووى ياسيف
سيف بابتسامه : رغم كل ال عملتوا فيكى زمان
مى بحب : حبك ليا نسانى أى حاجه حصلت حنانك بيمحى أى ذكره وحشه حصلت المهم دلوقتى اننا مع بعض
سيف بمشاكسه : بحبك يامغلبانى
مى بابتسامه : بحبك يانبض القلب
**
مروان سافر خالص بعد مافقد الأمل فى مى وأروى كانت بتحاول تنتقم منه بس جت على دماغها فى الأخر وخطيبها عرف انها ماشيه مع شباب كتير

ومازن كان خطب ملك وبيحاول ينسيها أى ماضى لايستحق الذكر وحسسها بالأمان وهى مبسوطه بوجودها جمبه وحددوا ميعاد فرحهم مع الباقى عشان يبقا الفرحه تلاته

اما نادر بقا سيف قرر يديلوا حقه طبعا عشان ده الشرع بس الشركه متنازلش عنها لأنها وصية يوسف الله يرحمه بس للاسف نادر كان شغال مع أكبر مافيا فى ايطاليا وغدر بيهم وهما مسبوش حقهم وبعتولوا ناس من مصر يخلصوا منوا بس الحادثه سببت اصابته وعجز عن المشى تماما
**
فى احدى الايام

ملك أخدت مازن وصممت انها تروح لنادر ومازن كان معترض تماما بس هى اترجته ان يوافقها رايها وهو اضطر يوافق عشان بيحبها وبالفعل راحت معاه ووصلوا عند بيت بسيط والبيت ده ال كان فيه نادر بعد مالمافيا أخدوا كل مايملك راحوا وطلعوا عندوا ولقوا الباب مفتوح ودخلوا
نادر كان جالس شارد فى كل ال حصلوا
ملك دخلت براحه ومازن كان معاها
ملك : نادر
نادر بصلها بصدمه : ملك!
ملك بسخريه : أيوه ملك يانادر ايه فاكرنى
نادر بندم : طبعا ياملك انا مش عارف أقولك ايه أنا
قاطعته ملك بدموع : انت ايه! انت انسان انانى مبتحبش غير نفسك ال حصلك ده ذنبى وذنب أبوك الغلبان ال مات من قهرته بسببك انت عارف يانادر بعد ماسيبتنى وهربت وعدت السنين ربنا عوضنى بأحسن منك مليوووون مره وارجل منك وهو ده وشاورت على مازن
مازن راح عندها ومسك ايدها : ملك اهدى يلا نمشى
ملك باعتراض : لاء لسه لما يعرف الاول ان هو كان سبب تدمير كل ال حواليه ان هو نقطه سوده وأخرة حبه لنفسه وحبه للفلوس بقا لوحده
نادر بصلها وعيونه مليئه بالدموع والندم
ملك بسخريه : لو عرفت تيجى فرحى أنا ومازن ابقا تعال عشان تشوف عوض ربنا ليا وحياتى موقفتش من بعدك يلا يامازن
مازن أخدها من ايدها ونزل معاها ونادر حدف كل حاجه كانت جمبه بدموع وعصبيه : كده خلاص كل حاجه راااحت كل حاجه راااحت يااااااارب سامحنى انا غلط كتير ياااااارب

مازن : خلاص عملتى ال عايزاه اهدى بقا
ملك بدموع : انا مبسوطه أووى انك واقف جمبى فى كل حاجه
مازن بابتسامه : ايه يابنتى مش انتى زى أختى برضوا لازم اقف جمبك
ملك بصدمه : أختك!
مازن بضحك : بهزر ياحبيبتى انتى حياتى الجديده وعمرى ال جاى
ملك بخجل : ربنا يخليك ليا يارب
مازن :ويخليكى ليا يا أجمل ملاك رأته عينى
ملك : انا اسفه ان جبتك هنا بس كان نفسى يشوفك يشوف ان اخترت صح وربنا عوضنى بيك
مازن بابتسامه : ممكن مفيش أسف تانى انا تحت أمرك ياملكه
ملك بضحك : كده كتير عليا
مازن بغمزه : مفيش حاجه تكتر عليك ياجميل
ملك : احم طب يلا نمشى بقا
مازن بضحك : يلا ياحبيبتى
وركبوا الاتنين العربيه ومازن شغلها ومشيوا
**
بعد مرور ايام

جاء موعد الزفاف المنتظر وهو يوم تاريخى بالنسبه ليهم كل واحد هيجتمع بحبيبته وكان مقام فى أكبر الفنادق بالقاهره

فى غرفة البنات

مريم : الله الله أحلى قمرات النهارده ايه الجمال ده
مى : تسلميلى ياقمرى انتى ال قمر
ريناد : ماخلاص ياقطه انتى وهيا بطلوا دلع
مريم : والله الله يكون فى عون أحمد متجوز صاحبه
ريناد بصدمه : قصدك ايه يابت
مريم : ولا حاجه يختى بس فين الرقه فين الرومانسيه فين العريس يجى ياخد المصيبه دى
مى : ههههههههه عندك حق ههههههههه
ريناد بغيظ : بقا كده ماشى ودونى على بيت حبيبى نعيش مع بعض فيه ماتحضرينا ياست ملك وتشوفى العيال دى
ملك بقلق وتوتر : اسكتوا انا عايزه اعيط
مى : لاتقلقى يافتاه كلنا عايزين نعيط بس نخلى العياط ده وقت أخر
مريم : متخافيش يابنتى يلا ياجماعه عشان الناس جت تحت
وفجأه الباب خبط وكان سيف والباقى
سيف : ها يجدعان لسه كام سنه
مريم بضحك : خمس سنين ياشباب
أحمد : نادولى رمضان صبحى ال معاكوا ده
ريناد وهى بتاكل : نعم ياحبيبى
الجميع ضحك عليها
مريم : والله ماكدبت ده هى أرجل من رمضان صبحى
ريناد : لو مبطلتوش تحفيل هسيب الفرح وامشى وابقوا شوفلكم عروسه غيرى
أحمد : لاااا انا ماصدقت يلا ياختى
مازن : طب يلا ننزل احنا تحت نستناهم
الجميع : يلا
وبعدها طلع كامل وأخد مى ونزل وكانت مى لابسه فستان يشبه الأميرات أبيض منفوش وشعرها كان شكله جميل أووى وسلمها لسيف وهو باس جبينها ووصاه عليها
وبعدها طلع أخد ملك ونزل سلمها لمازن وبرضوا كان فستانها شديد الجمال ووصاه عليها برضوا
ومراد طلع أخد ريناد ونزل سلمها لأحمد وفستانها لايقل جمالا عن مى وملك

عند سيف ومى

سيف بحب : ايه الجمال ده تعرفى انك النهارده اجمل بنت شوفتها فى المكان كله
مى بتذمر : يعنى انا كنت وحشه
سيف : مين يقدر يقول كده انتى ملكة جمال الفرح أصلا
مى بخجل : بجد
سيف باتسامه : اه والله

عند أحمد وريناد

أحمد : يارب يكون ريحنا حضرتك النهارده
ريناد : أنا جعاااانه
أحمد بصدمه : انتى كلتى قبل الفرح ياحبيبتى
ريناد : وايه يعنى انا عايزه اكل
أحمد : حاضر بعد الفرح
ريناد : هو مش فى بوفيه فى الفرح
أحمد بنفاذ صبر : بوفيه ايه ياحبيبتى ده مش لينا ده للمعازيم
ريناد بضيق : يووووه
أحمد : سامر ياعم سامر تعال شوف أختك ال عايزه تاكل البوفيه دى
سامر بضحك : ايه الفضايح دى
ريناد : مش عايزه اكل خلاص سديتوا نفسى
سامر : ياهبله فى اكل كتير بعد الفرح
ريناد بفرحه : بجد ياسامر هيييه
أحمد : صبرنى ياااارب

عند ملك ومازن

مازن بحب : مبروك ياملاكى
ملك بخجل : الله يبارك فيك
مازن : مبسوطه
ملك : جدا انا مكنتش متخيله ان هكون زى بقيت البنات دى وافرح زيهم
مازن : هو انتى أقل منهم فى ايه انتى تستاهلى أكتر من كده ربنا يقدرنى واسعدك
ملك : يارب ويقدرنى اسعدك ياحبيبى
مازن قبل يدها وبص فى عينها بحب

وبعد وقت اشتغلت أغنيه (ألف ماشا الله) لرامى جمال والجميع قام يرقص عليها
الكلمات

الف ماشا الله عليك ياجمااالها عنييك
ياااقمررر نورلى حيااااتى
انا من الليله بدوووب وهواك مكتوب
ولا عمرى هاتوب فى حيااااتى
الف ماشا الله عليك ياجمااالها عنييك
ياااقمررر نورلى حيااااتى
انا من الليله بدوووب وهواك مكتوب
ولا عمرى هاتوب فى حيااااتى

صدق ال شاااافك قاااال
ولى من دا جمال
ويدوب من سحر عنييك
وانا حن قلبى ومال انساك ده محال
ولا روحى هتغلااااا عليييك
وياك لفيين ماتروووح ياحبيب الرووح
ده انا قلبى مسلم لييييك

الف ماشا الله عليك ياجمااالها عنييك
ياااقمررر نورلى حيااااتى
انا من الليله بدوب وهواك مكتوب
ولا عمرى هاتوب فى حيااااتى

بتمناااا عمرى يطوول جمبك علطووول
ولا عمرى فى يوووم أنساااك
غيرك انت والله مليييش
وفى قلبى مفيييش
ده حياااتى ورووحى معاااااك
والله ماسيبك يووم ولا هبعد يووم
ولأخر عمرررى معااااك

الف ماشا الله عليك ياجمااالها عنييك
ياااقمررر نورلى حيااااتى
انا من الليله بدوب وهواك مكتوب
ولا عمرى هاتوب فى حيااااتى

وانتهت الأغنيه والجميع كان مبسووط انهم وبعد معاناه وصعوبات كتير قدره يتجمعوا ويحبوا بعض الفرح انتهى وكل عريس أخد عروسته وسافروا شهر العسل ومريم وسامر سافروا من جديد وهيعملوا شهر عسل جديد
وانتهوا من عذاب ومشاكل ودخلوا فى سعاده دائمه مليئه بالحب والأمان والاهتمام دخلوا فى دنيا الحب الحقيقى مش الكدب والغش والخداع وكل واحد خد نصيبه وخد جزاته

تمتتت

الحكمه هنا مش معنى ان حياتك مش كلها سعاده أو فرح معنى انك هتفضل كده دايما أو ربنا نسيك بالعكس ربنا مخبلنا الأحسن دايما الحاجه ال تروح يجى أحسن منها ربنا بعد عنك الشخص الغلط عشان يبعتلك نصك التانى نصيبك فى الحياه ال هيعوضك بكل الحياه ومتاعبها ويحتويك بالحب والأمان خدى ال يحسسك ان الدنيا بخير مش كلها مشاكل وخلاص
السعاده من قلبى للجميع ❤

ياريت بقا اشوف رايكم ودعمكم ومش عايزه تم وكده لاء انا عايزه راى سواء بالسلبى أو الايجابى عشان عندى روايه ليكم جديده بس هتنزل يوميا لو عايزينها اكتبوا فى الكومنتات ♥🔥
بحبكم أجمل فانز
reaction:

تعليقات