رواية آثار الحب – الفصل الثلاثون
الفصل ٣٠✍
السلام عليكم حبايبى 👐👐
الخوف … شئ صعب جدا بالنسبة لكل انسان فى هذه الحياه سواء أكان هذا الشخص قويا سواء هذا الشخص ضعيف كلا منا معرض للخوف وعلى اشكاله تقع مثلا الخوف من فقدان العزيز والغالى الخوف من اى شئ ……………………………………………… …………………..
رأى اسر كل تسجيلات الكاميرات وراى اليد الذى سحبتها واقسم بداخله بأن يكسر هذه اليد الذى لمستها ….
لم يستطع ان يأخذ رقم العربية لشدة سرعتها … ظل يدور بالسيارة وكأن عقله توقف ظل يتذكرها ويفكر فى حالها الان … وقف فى مكان خالى ونزل من سيارته ظل ينهج بصوت عالى يريدها يريد اخذها فى احضانه يريدها بقوه
اسر بصوت عالى …. مين .. مين الو،،، الى عمل ميييين مش هسيبكم مش هسيب اى حد كان مشترك فى الموضوع ده مش هسيب اى حد
ظل يفكر قليلا حتى خطر على باله كريم وتذكر ما حدث قبل ذلك وتذكر التهديدات التى جاءت له التى كان محتوها ،،،،، هاخدها منك وهحرق قلبك ،،، فى كل مره كانت تأتى له رسائل على نفس النهج .
،،،،،،،،………………………………….. ………………………..
فى غرفة ما تجلس دانه على سرير فى وضعيت النائمة لم تقوى على القيام وكريم يجلس امامها على الكرسى يبتسم بخبث …..
دانه ببكاء …..انت بتعمل كده ليه عايز منى ايه
كريم بضحكه شريره ….. هاهاهاه كل ده مش عارفه انا عايز اعمل ايه ..
رعبت دانه من تخيل الموقف وتلقائيا وضعت يدها على بطنها وابتلعت ريقها ….
دانه بخوف …. االله يخليك سيبنى فى حالى انااا اسفه على الى حصل قبل كده
كريم وهو يقترب منها وعيونه يتخللها الشر وهى تبتعد برعب ….. هدفى فى الحياه ديه حجتين وشاور بإصبعه ،،الاولى انتى والتانية احرق قلب جوزك حبيب قلبك عليكى ….
ابتعد عنها وهو مازال يضحك بشر لازم يشوفك وانتى فى حضنى لا ومش كده وبس هخليه مسلوب الاراده كده بيتعذب ومش قادر يعمل حاجه …
نظر لها رائها تحاوط بطنها بقوه فضحك بصوت عالى … هاهاها اللعبه احلوت لا وحامل كمان لا ده انا ربنا بيحبنى بقا هحرق قلبه عليكى وعلى الى فى بطنك هعيشه طول عمره يشوف الموقف ده
نظرت له دانه بكره وقامت ببطئ من مكانها ومسكته من ملابسه بقوه ظلت محافظه على هدوئها كثير لكن الان لم تسمح بذلك …..
دانه والشر يتطاير من عينيها ،،،،، انت عارف لو سيرة اسر جيت على لسانك ولا ابنى وبالله العظيم ما هرحمك متفكرنيش علشان سكتلك يبقا انا ضعيفه لا فوق فوق يا إما هتفوق على سواد .
كريم ضحك بصوت عالى ….، هااهاهاهاه لا كمان شرسه بموت فى الشرسين انتى من الصبح مسهلاها عليا دفعها على السرير بقوه تأوهت من الدفعه واردف هو ،،، وحالا بقا نتصل بأسوره حبيبك علشان يجى يشوف حبيبته فى حضنى
دانه ببكاء ،،،،، اياك تعمل كده مش هسمحلك مش هسمحلك
كريم وهو يضع التليفون على اذنه وينظر لها وضحكة الشر فى عينه ،،،،، اووو حضرة الظابط ليك وحشه والله
فى هذا الوقت تأكد اسر من ظنونه ورد بشر ،،،،، أقسم بالله ماهرحمك
كريم بشر ،،،، ده انت عرفت اكيد لازم ظابط بقا ومخبرات بس المرادى هتخسر مش هتبقا ولا حاجه
اسر بغضب ويكاد ان يفجر العالم من حوله …… يا ابن ،، وحيات الى خلفك مهرحمك ولو تعرف تقرا الفاتحه على اما اجى يبقا كويس و لو لمست شعره بس من مراتى يبقا انت جنيت بالقوى على نفسك
كريم وهو يشغل السبيكر ،،،،، ههههههه شعره وحده لا انت كريم كلها هتبقا معايا كل جسمها مش شعره وحده وشدها من حجابها بقوه حتى وقع من على رأسها ،،،ولا ايه يا حبيبتى
دانه ببكاء ….. حرام عليك الى انت بتعمله ده احنا عملنالك ايه
اسر عندما سمعها وسمع حديثه احترق قلبه …… يا ابن ،، يا ابن ،، ثم قال بنبره حنونه ،،،حبيبتى متخافيش انا جايلك حالا جايلك وهحاسب كل الى عمل كده
دانه ببكاء وخوف ،،،،، اسر انا خايفه عليك وعلى ابننا مش عايزه اخسركم
اسر وهو على وشك البكاء …. انتى بتقولى ايه ابننا هيبقا كويس وانتى هتبقى كويسه اهم حاجه متخافيش واهدى كده علشان متتعبيش وانا جيلك حالا
كريم بشر ،،،،،، مستنيك فى جحيمك
اسر بفحيح قوى ،،،،، مش هرحمك واغلق الخط
اتصل بذياد وطبعا بمجرد اتصال كريم عرف اسر المكان اسر بسرعه ،، استنانى فى المكان ده ،،،،
ذياد …. فيه ايه يا اسر
اسر بسرعه ….. دانه مخطوفه وهقفل حالا علشان انا فى الطريق
ظل طوال الطريق يتذكر كلام كريم وبكاء دانه وقلبه يتقطع ويود ولو وصل للمكان فى اسرع وقت حتى يأخذها فى حضنه ويستمد منها قوته مره اخرى .
……………… ………………………………………………..
،،،، جزر المالديف ،،،،
تجلس شهد على البحر ومحمد محتضنها وشهد تجلس بتزمر …. يوووه بقا عايزه انزل البحر
محمد بتعب من كثرة حديثه فى هذا الموضوع …. شهد أظن انا اتكلمت فى الموضوع ده الف مره مفيش نزول عايزه تنزلى هنزلك بسيين خاص اكتر من كده مفيش
شهد بتحاول تقنعه ….. وايه الغلط فى كده يعنى منا هنزل بمايوه اسلامى وانت معايا محدش يقدر يعمل حاجه
محمد وهو مقفل هذا الموضوع …. لا
شهد بغضب ….. لا ليه ما كل الناس فى البحر اهوه اشمعنا انا وانت نزلت حالا وانا اعده متفرجه
محمد بهدوء وهو يحاول يمتص غضبها … حبيبتى لما نروح هنزلك فى البسين نزول مش هتنزلى مش كل من هب ودب يتفرج على جسمك
شهد …. ليه هنزل ببكينى يعنى ما هو بلبسى يا محمد
محمد بغضب …. لبسك ده مش هيتبل وهيلزق فى جسمك بصى مفيش نزول وقومى يالا نرجع الفندق
شهد بحزن …. ده شهر عسل ولا شهر نكد
محمد … ماهو حضرتك الى بتنكدى انا قولت لا يبقا لا
شهد افأفت من غيرته الكبيره تحبها ولكن احيانا تصبح اكتر من الازم
شهد …… خلاص سيبنى اتفرج وبس ولا ده مينفعش ثم قالت بطفوله …. اه وعايز الاناناسه الى فيها عصير ديه
ضحك محمد على طريقتها وطفولتها التى بات يعشقها مؤخرا …. اناناسه ،،، ماشى يا ستى هقوم اجبلك الاناناسه وجاى واياك تكلمى حد فاهمه
شهد بتزمر …. حاضر يا بيه
ضحك على طريقتها وذهب عنها ليأتى بكما تقول ،،، اناناسه ،،،
محمد ذاهب يشترى العصير فإصطدم بجسد ناعم امامه نظر بأسف …. اسف
البنت …. omg
محمد ….. I’m sorry
البنت ….. don’t worry
ثم نظرت له بإبتسامه جذابه وقالت بهمس انثوى …I’m christen ,,what’s your name baby
استغرب محمد من طريقتها ولكنه جاوب على سؤالها .. Mohammed
رددت اسمه بإغراء …. ohh Mohammed sweet name
محمد بمجامله …. thanks
وغادر من امامها اما هى اعجبت بجسمه الرياضى وشكله وارادته لها فقالت فى نفسها …. I liked you and your body
ثم اكملت …. I strongly want you he can’t refuse me never
احضر لها العصير وظلوا مع بعض يشربون ويتحدثون فى مواضيع كثيره .
…………………………………………………………………
اسرع اسر على السلالم فى هذا الوقت كان كريم يجلس على الكرسى ويتفحص دانه من راسها الى اطرافها وهى تجلس خائفه للغايه لم تستطع اخفاء خوفها …
كان الباب مفتوح وهذا ما اقلق اسر للغايه ظن بأنه هرب ولكنه دخل المنزل وقال بصوت عالى ،،،، انت فين يا و،،
سمع كريم صوته فإبتسم بشر وقال بصوت عالى .. احنا هنا يا حضرة الظابط الفيلم خلاص لساله تكه وهنقول اكشن
اسرع اسر ناحية الغرفة بسرعه وعندما راه يجلس بجانبها ويضع يده على خصرها وهى تقاومه ببكاء…
اتجه اسر ناحيته شده من ملابسه وظل يكيل له الضربات … بتلمسها يا و،،، مش قولتلك مش هرحمك
كريم ومازال على نفس الضحكه …. هاهاها اضرب كمان عايزك تبقا فى قوتك ديه ثم قرب من اذنه اصلها اخر قوه هتبقا عندك زاد اسر فى ضربه يكيل له الكمات فى وجهه وفى بطنه ولم يرحم جزء فيه
دانه بتعب …. اسر خلاص الله يخليك خلاص ياله نروح
اسر وقد اخذ باله من تعبها فإتجه ناحيتها وبقوه احتضنها ويقبل رأسها احتضنها بقوه فقد احس بأنه خسرها خسر نور حياته خسر طفلته …
ظل يتفحص وجهها رأى طرحتها منزلقه من على رأسها وضع الحجاب على رأسها ثم قال … مش هرحمه
دانه ببكاء …. اسر متوسخش ايدك بيه خليه الحكومه هى الى تتعامل معاه ابعت قوه تيجى تاخده فى وضعه هنا بس انت لا متوسخش ايدك بيه
اسر بغضب …. مش هسيبه يا دانه هاخد حقك
قام كريم من على الارض بتعب ولكنه لم يستسلم وضع يده فى جيبه واخذ حقنه منها ووقف وراء اسر وبسرعه غرسها فى رقبته
كريم بضحك بصوت عالى جعل دانه ترجف من الخوف … مش قولتلك هعيشك طول عمرك تندب على نفسك
اسر بغضب …. انت عملت ايه ومسكه من قميصه ،، عملت ايه فى هذا الوقت لم يهمه نفسه بل دانه وطفله فمن سيحميهم ظن بأنها حقنه قاتله فأراد ان يرجعهم الى المنزل سالمين ثم يموت فى اى وقت لكن الان لا
كريم …. هدى اعصابك بس وانت هتعرف
بدأ مفعول الحقنه يعمل فى جسد اسر الذى بدأ يهبط على الارض لا يستطيع المقاومه ولكن عينه لم تغلق بل مفتوحه تنظر الى دانه والى بطنها ظل على هذا الحال حتى وقع على الارض وعينه مفتوحه ولكن جسده مشلول لم يستطيع تحريكه .
كريم بشر ….. اقدر اقولك الحقنه ديه فيها ايه حاجه كده تخلى جسمك مش قادر يتحرك بس عينك الحلوه ديه مفتحه كده و لسانك ده بيتكلم و عينك ديه هتنزل بدل الدموع دم
اسر بضعف …. موتنى بس سيبهم متعملش ليهم حاجه
كريم بضحكه شريره … مش قولتلك قوتك ديه لوقت
دانه ببكاء حاد وهى تقوم ناحية اسر …. اسر قوم قوم هساعدك ونقوم نمشى من هنا
نظر لها اسر بضعف شديد وعينه اصبحت حمراء وقال بضعف …. امشى بسرعه دافعى عن نفسك بأى حاجه
دانه ببكاء …. مش هسيبك هنروح مع بعض
شدها كريم من يدها بقوه وزقها على السرير وهى تبكى وتصرخ …. حرام عليك احنا عملنالك ايه وظلت تصرخ وتصرخ وهو يحاول التحكم فى حركة جسدها
اما اسر ظلت الدموع تذرف من عينه حاره تسقط على فمه حارقه وقال بصوت ضعيف لم يقوى على اخراجه …. موتنى بس سيبها … ظل يردد هذه الجمله كثيرا
ضربته دانه برجلها اسفل معدته بقوه وجاءت ان تسرع تستنجد بأحد اسرع ناحيتها وحملها رماها على السرير وصفعها بقوه …..
اسر بحرقه …… لو عملتلها حاجه مش هرحمك
كريم وهو ينهج …. لسه فيك صوت لا مغلطش الى قال عليك ذئب
دانه بصراخ …. سيبنى حد يلحقنا
فى أسفل العماره كان ذياد ينتظر فى الاسفل فأسر لم يريده ان يصعد لكن الوقت تأخر وهو لم ينزل سمع صوت صراخ من اعلى فأسرع وهو يتذكر كلمات اسر ،،،،، لو منزلتش اطلع خد دانه مش عايزها تشوف حاجه تزعلها
دخل الغرفه رأى كريم يحاول الاعتداء على دانه واسر مرمى على الارض يردد هذه الجمله والدموع تزرف من عينه .. اتجه ناحية كريم وظل يكيل له ضربات قاسيه واخرج مسدسه ضربه فى رجله وفى ذراعه ..
دانه ببكاء …. اسر الحق اسر بسرعه خايفه يكون حصله حاجه
ذياد وهو يغض بصره … طب البسى الطرحه وانزلى اركبى العربيه وانا هاخد اسر وهسبقك
دانه … لالا انا هستناكوا
اسر وهو على وشك الدخول فى اغماء …. انزلى
نظرت له دانه بحزن وقلبها يؤلمها على حاله فأرتدت حجابها ونزلت تنتظره
اتصل ذياد بقوه تأتى لاخذه …. اما هو ظل فى محاوله لشد اسر او حمله ولكن جسده ثقيل اثر الحقنه ظل ذياد يشده حتى وصل امام السياره كانت دانه تقف امام السياره بخوف شديد
دانه برعب ،….. حصله ايه مغمض عينه ليه
ذياد …. اغم عليه هنروح المستشفى حالا اركبى بسرعه يالا
ركبت دانه السياره و ادخل اسر بجانبها فى هذا الوقت جاءت القوه فقال ذياد ….. مرمى فوق اهوه خدوه لغاية ما جى
افراد الامن …. اوامرك يا فندم
فى السياره دانه محتضنه رأسه عند صدرها وتتذكر منظره وهو يبكى كالطفل لم يستطع ان يفعل شئ اكثر موقف وجعها فى حياتها وهو نظرة الضعف التى رأتها فى عينه دائما قوى نظراته نظرات واثقه وبسببها هى نظر هذه النظره التى لم تتخيله فى يوم ان ينظرها …..
،، اصعب احساس العجز لما تبقا شايف وسامع ومش عارف تعمل حاجه احساس مهلك بيحصلنا كتير زى واحنا نايميين مثلا ونحلم بكابوس ومش قادرين نقوم او انت حاسس بكل حاجه حواليك ومش قادر تتكلم مش قادر تحرك نفسك بس انت سامع وشايف ،،،،
وصلوا امام المستشفى اسرع ذياد الى داخل المستشفى … جيبوا نقاله بسرعه
حملوا اسر من السياره ووضعوه على النقاله واسرعوا الى الداخل … اسرعت دانه ورائه وهى تبكى
………. ………………………………………………………….
فى فيلة الحديدى …..
والدة اسر … قلبى مش مطمن ليه مجوش اتصل يا أدم بأخوك كده واطمن عليه
ادم بإعجاب من خوف امه ….. ايه المشكله فى كده ماهو كل يوم بيتأخر
والدة اسر …. انا ام يا بنى قلبى دايما حاسس بيكم .
اتصل ادم بأسر ولكن لا يوجد رد …. مش عارف فيه ايه مبيردش
والدته …. قولتلك قلبى مش مطمن طب اتصل بذياد اكيد عارف اى حاجه
اتصل ادم بذياد…. ايوه يا زيزو ازيك
ذياد بإرهاق … الحمد لله
ادم …. اسر معاك فى الشغل
ذياد وهو يأخذ نفس ….. بص ………..
ادم بغضب ….. انت بتقول ايه ازاى كده وهو عامل ايه انتوا فين
ذياد ….. اهدى كده هو فى العمليات حالا ومراته هنا اعده وخايف ليحصلها حاجه تعالى بسرعه
ادم وهو يأخذ محفظته ومفاتيح سيارته ويذهب بسرعه
والدته …. فيه ايه انا قلبى مش مطمن
ادم بسرعه …. اسر فى المستشفى ودانه تعبانه
والدته …. يا بنى انا جايه معاك
اخذها واتجهوا الى وجهتهم …………..
فى ،،،المستشفى ،،،
خرج الطبيب من غرفة اسر اسرعت دانه ناحيته …. كويس صح هو كويس
الطبيب بعمليه …. اهدى يا مدام ديه كانت مجرد حقنه بتشل الجسم لمده معينه وكمان ساعه جسمه هيرجع تانى
دانه ببكاء …. يعنى هو كويس بجد مفيهوش حاجه هيمشى عادى
الطبيب…. الاستاذ كويس حمد الله على السلامه
فى هذا الوقت جاء ادم ووالداته
ادم بخوف …. ايه الى حصله فيه ايه
ذياد قام لتهدئته … اهدى اهدى ديه كانت مجرد حقنه مؤقته
ادم بغضب …. مين الى عمل كده مين
ذياد …. واحد اسمه كريم كان خاطف مرات اخوك
ادم بغضب …. والله ما هسيبوه هموته
ذياد…. يابنى اهدى خلاص الشرطه خدته
ادم ….. ليه مقولتليش
ذياد ….. مكنش فيه وقت المهم حالا انه كويس بس مراته انا حاسس حبه وهتقع
نظر ادم لدانه فرأها فى حضن والدته تبكى بقوه ووالدته تهدأها
والدته …. مش انتى قولتى انو هو كويس وسمعتى الدكتور اهوه
دانه ببكاء …. انا السبب انا السبب
جاء ادم اليها …. انتى ملكيش ذنب كله من الو،،، ده اه لو شفته مش هرحمه
دانه …. طب انا عايزه اشوف اسر
ادم ….. هو هيخرج حالا لاوضه عاديه وكلنا هنشوفه
امأت دانه برأسها واغمضت عينيها بقوه فما مرت به لم يكن سهل ابدا .
….. .،………………………………..،،………………،،،،،،،،،،،
،،،، جزر المالديف ،،،،
فى المساء تقام حفله على البحر
شهد بفرحه …. مبسوطه اوى الحفله تحفه
محمد بحب …. اهم حاجه اشوفك مبسوطه
كانت واقفه وفى يدها كاسه من العصير المفضل لها ،، فراوله ،،،
شهد وهى تشده من يده …. عايزه ارقص سلو فى الجو الحلو ده
امسكها من يدها برومانسيه وكانت على اغنية all of me
وضع يده فى خصرها وظلوا يتراقصون على الرمال والنيران المشتعله الذى اعطت الدفا للجو والجميع سعيد اما شهد ومحمد فهم فى عالم اخر ينظر اليها نظرات عشق امتنان وهى سعيده تبتسم بفرحه وكأنها ملكت العالم اهى فى حلم لا لا ف يده تحتضن خصرها ويدها تحتضن رقبته والقلوب تدق دقات عاشقه
محمد …. نفسى العالم يقف وانا وانتى هنا بنرقص مع بعض
شهد بإبتسامه …. وايه كمان
محمد بهيام …. وافضل جنبك كده وابص لعينك الى بتلمع ديه
شهد …. هتفضل مشاعرك نحيتى كده عمرك مهتتغير
محمد …. حياتى معاكى مهما حصل فيها هيكون جواها العشق والحب
ظلوا يرقصون وتبدلت الاغنيه الى سنيوريتا ..
ظل يدورها ويراقصها ولكن بعيد عن انظار الجميع
شهد احتضنته وقبلته من خده …. بحبك
محمد قبلها من شفتيها …. بعشقك
شهد بخجل….. محمد حد يشوفنا
محمد …. انتى مراتى يعنى ابوسك فى الوقت الى يعجبنى والمكان الى يعجبنى
….. darling ,,, حبيبى ،،،ترجمتها .
هذا الصوت الذى جاء من ورائه
محمد …. كريستن
كريستن ……yes miss you darling
نظرت شهد لمحمد نظرات غضب وغيره ثم تركته ….
محمد بغضب …. شهد
كريستن …..what …..
……………………………………………………………
اتمنى الفصل يعجبكم ونفسى اوى اشوف اراء الناس فى الروايه سلبى او ايجابى وتفاعلكم هو الدعم ليا فى انى اكمل الروايه بسرعه ….
أشوفكم على خير فى فصل جديد
بقلمى / شهد عبد الحليم
الفصل التالي: اضغط هنا
يتبع.. (رواية آثار الحب) اضغط على اسم الرواية لتجد الفهرس كاملاً بجميع الفصول.