رواية مرات اخويا – الفصل الثامن عشر
الفصل الثامن عشر.
الفصل الثامن عشر _ مرات أخويا.
___
انتهي طه من تناول طعام الافطار ثم قال ل والده بهدوء
=بابا انا خارج رايح الشركة ومريم هتكون معايا ، هتعرف تخلي بالك من تالا وماما في نفس الوقت؟
=ايوا يابني متقلقش روح انت لشغلك.
=ماشي يا حاج لو عوزت مني حاجه كلمني وكمان الخدم كلهم موجودين هنا والحرس ف متشلش هم اي حاجه.
=ماشي يا بني روح ربنا يكرمك
قبل يد والدته ورأسها ثم ودعها هي الاخري وذهبت خلفه مريم بعدما ارتدت ملابسها ، أحط بيديه حواليها يحميها عن أعين الحرس حتي دلفت الي السيارة ودلف هو الاخر فقالت بتساؤل
=انت اللى هتسوق؟.
=اه اومال هجيب سواق يعني.
هزت رأسها بهدوء ثم أسندت رأسها علي نافذة السيارة وأشعل هو الراديو على سورة البقرة ليصدر صوت هاديء جميل بسيط فقالت مريم بتساؤل
=ممكن أسألك سؤال؟
=اكيد قولي.
=إيه هو فضل سورة البقرة وليه هي مهمه للدرجة دي انا عارفة ان كل القرآن مهم بس ليه هي بالذات؟
=بصي يا مريم هقولك كل الاحاديث التي ذُكِرت عن سورة البقرة دلوقتي بس ركزي فيها كويس،،، – صح ذلك عن النبي صلى الله عليه وسلم، كما في صحيح مسلم وغيره، قال النبي صلى الله عليه وسلم: لا تجعلوا بيوتكم مقابر إن الشيطان ينفر من البيت الذي تقرأ فيه سورة البقرة.
– وقال رسول الله صلى الله عليه وسلم: من قرأ آية الكرسي دبر كل صلاة مكتوبة لم يمنعه من دخول الجنة إلا أن يموت. رواه النسائي وصححه الألباني في صحيح الجامع الصغير.
– قال صلى الله عليه وسلم: اقرؤوا القرآن فإنه يأتي يوم القيامة شفيعاً لأصحابه، اقرؤوا الزهراوين: البقرة وآل عمران فإنهما يأتيان يوم القيامة كأنهما غمامتان أو غيايتان أو كأنهما فرقان من طير صواف تحاجان عن أصحابهما. اقرؤوا البقرة فإن أخذها بركة وتركها حسرة ولا تستطيعها البطلة السحرة. رواه مسلم.
– عن عبداللَّه بن مسعود -رضي الله عنه- عن النبي -صلى الله عليه وسلم- قال: «إن لكل شيء سنامًا، وسنام القرآن سورة البقرة ، وإن الشيطان إذا سمع سورة البقرة تقرأ خرج من البيت الذي يقرأ فيه سورة البقرة” .
كل دي احاديث عن الرسول بتوضح أهمية سورة البقرة وفضلها وانها بتطرد الشياطين من البيت، وبم ان الرسول أكد عليها في أكثر من حديث اذًا هي مُهمة جدًا كمان فيه فوائد ليها هقولهالك دلوقتي.
1- قراءة سورة البقرة يعتبر علاجًا فعالاً لأعمال السحرة ويذهب الأرواح الشريرة ويُبطل الحسد والحقد.
2- قراءة سورة البقرة باستمرار يزيد المال والرزق بركة.
3- قراءة السورة الكريمة يزيد الصحة بركة ويشفي من الأمراض، ويحمي منها.
4- سورة البقرة تحصن البيوت من شر الشياطين، حيث تهرب من المكان الذي يتم قراءة هذه السورة الكريمة فيه ولا تدخله أبداً.
5- آخر آيتين من سورة البقرة لهما أفضال وبركات كثيرة، وهي تحصن من يقرأهما من كل شر إذا قرأهما كل ليلة .
6- القراءة اليومية لسورة البقرة تجعل الإنسان دائمًا في حفظ الله ورعايته محصنًا من شر الإنس والجن.
7 – سورة البقرة يوم القيامة تشفع لقارئها وتحميه من نار وحرارة هذا اليوم وتقيه من عذاب النار.
8- سور البقرة تشتمل على الآية رقم 255 وهي آية الكرسي، أعظم آيات القرآن الكريم والتي تحفظ قارئها من كل شر، فإذا قرأها ليلاً يحميه الله من الشياطين حتى يصبح، ومن قرأها في صباحه وقاه الله من كل الشرور حتى يمسي.
كل دي حاجات تبين أهميتها، ك قراءة وسماع، علشان كده عاوزاك تواظبي عليها علي قد ما تقدري.
ابتسمت قائله
=هحاول على قد ما أقدر بجد اواظب عليها، شكرًا أوي يا طه علي كل الكلام ده صراحه بحسدك انك حافظ كل ده.. بس انت جميل بجد وبتفدني جدًا وبتقربني من ربنا أوي كمان، يابخت اللى هتتجوزك وتكون انت حبيبها وجوزها.
قالتها بعفوية شديدة ف التفت ينظر لها ثم ضحك بهدوء استوعبت كلمتها فقالت بخجل وقد احمرت وجنتيها
=يعني ما عدا انا.
=انتِ تطولي.
نظرت له بغضب طفولي وهي تضع يديها في وسطها قائلة
=ايوا أطول وأطول أكثر من كده كمان ، إيه مش عاجبك.
أخرج لسانه لها وهو يغيظها، ففعلت هي نفس الفعلة ثم اعتدلت وهي تضم يديها معاً بغضب طفولي، رمقها طه وهو يضحك بخفة علي طفولتها وأفعالها المجنونه الغير متوقعة.
مر الطريق بسلام حتي ركن طه سياراته امام مقر شركته ثم قال وهو يلتفت لها
=يلا إنزلي.
هزت رأسها بحماس شديد ثم هبطت من السياره وسارت خلفه داخل الشركة، كانت كبيرة مرتبة منظمه الجميع يعمل بكل قوة، كل من يمر يُلقي التحية علي طه بحب وود فهو محبوب من قِبل الجميع رغم عصبيته وجديته في العمل الا انه يمتلك قلوب حنون معهم جميعاً.
وصلوا الى غرفة طه فقال طه بهدوء
=دي أوضتي تحبي تشتغلي معايا فيها، ولا تروحي قسم المُحاسبة؟
=أي حاجه ، هشتغل جنبك أحسن.
=تمام تعالي.
توقف امام السكرتيرة التي رحبت به بشدة قائلة
=نورت يا طه بيه.
=نورك، دي مدام مريم هتشتغل معايا في نفس الاوضة عاوزاك بقي تجيبي ليها مكتب صغير علشان تعرف تقعد عليه وتجيبي ليا قهوة وهاتيلها عصير فراولة.
=تحت أمرك يا طه بيه.
دلف طه الى المكتب ل تدلف خلفه مريم بوجه متهجم، فقال بحيرة
=مالك فيه حاجه ؟
=انا عاوزة أسألك سؤال يا طه لا بجد هموت لو مسألتوش.
=وتموتي ليه، اسألي .
=طالما انت راجل محترم وعارف دينك ده كويس جدا ليه مخلي فيه بنات تشتغل في الشركة وفيه كمان عندك سكرتيرة ست !
=اولاً انا اه عارف ربنا بتعامل معاهم بحدود بغض بصري علي قد ما بقدر ، ف اظن كده مفيش حاجه غلط بعملها، مش هقطع عيش العمال يعني البنات كلهم محترمين ولبسهم كويس انا بأكد علي حته اللبس علشان ما اشلش ذنب حد كمان فيه فصل بين مكان الستات والرجالة، ماعدا السكرتيرة بتاعتي بس بتشتغل معايا وفيه راجل برضو مساعدي.. مش شايف غلط طالما مبعملش حاجه غلط .
ضمت شفتيها بغيظ
=هو غلط لان ممكن يحصلك فتنه طول مافيه بنات بالجمال ده حواليك.
=هو من ناحية الجمال عندك حق بس متقلقيش انا بعرف أسيطر علي نفسي والحمدلله .
رفعت نظرها اليه بغضب شديد قائله
=في النهاية انت راجل لازم تبقي عينك زايغه، عموما انا ماليش دعوة انت حر وسع ليا بقي.
تخطته بعصبيه مفرطه، ليضحك هو بشدة ثم اتجه نحو مكتبه وجلس ليعمل في هدوء وهو ينظر لها ولحركاتها العشوائية كل قليل، دلفت السكرتيرة وهي تضع المكتب مع العمال والكرسي ثم قالت بهدوء
=ده المكتب اللى حضرتك طلبته أتمني يكون كويس..
قالت مريم وهي تنظر لها
=بصيلي انا واتكلمي .. لانك جايبة المكتب ليا مش ل طه بيه ف اظن لازم تاخدي رأيي انا فيه ولا ايه..
ضحك طه في الخفا ولم يتحدث، فقالت الاخري
=بس انا شغاله عنده مش عندك وهو اللى طلب مني ف لازم اسأله هو… ها ايه رأيك يا طه بيه..
قالتها وهي تغيظ مريم عمدًا التي نظرت لها بسخط قائله
=بنات آخر زمن!
قال طه بهدوء
=خلاص اتفضلي انتِ دلوقتي يا نوال ومتنسيش القهُوة وعصير الفراولة.
=عيوني ليك يا طه بيه.
ثم خرجت بهدوء نظرت لها مريم بضيق ثم بدأت في العمل بهدوء علي اللاب الذي اعطاه لها طه، وبعض الملفات، إنغمسا كلاهما في العمل ولم يخلو من نظراتهم كل قليل لبعض ..
قال طه وهو يتمطع بخفة
=مش جعانه؟.
قالت وهي تضع يديها على معدتها
=جعانه اوي.
=اطلب ليكي إيه ، مشاوي؟
=لاء انا عاوزة كشري.
=رمرمه؟
هزت رأسها وهي تضحك قائلة
=بقالي كتير مكلتش من الاكل ده ،كمان انا عاوزة سندوتشات كبدة.
ابتسم قائلا
=نجيب رمرمه، ليه لاء وربنا يسترها، بس الرمرمة ألطف برا بكتير.. قومي بينا.
=علي فين والشغل!
=انتِ طلعتي مهووسه شغل أكثر مني، النهاردة اول يوم متضغطيش علي نفسك غير اني عندي ميعاد مهم ف كده كده لازم نخرج بدري.
=خلاص ماشي
أغلقت كل شيء وسارت خلفه حتي وصلوا الي محل هبط طه قائلا
=ثواني وجاي.
ذهب ليأتي بعلبتانْ من الكشري، ثم دلف مرة اخري وذهب الي عربة الكبدة ثم قال
=انزلي.
هبطت برفق ثم قال
=روحي اقعدي هناك كده ثواني وجاي.
إشتري من الكبدة بعض السندوتشات ووضع معه المخَلل، ثم عاد لها وفتح كل الطعام قائلا
=اتفضلي يا ستي، كُل اللى طلبتيه اهو… كلي براحتك بقي وبعدين نطلع على المستشفي.
ضحكت بخفة وهي تبدء في تناول الطعام بشراهة فهو طعامها المفضل وهو الاخر كان يأكل معها ويتحدثون في ايام الدراسة عندما كانوا يأكلون هذا الطعام فقال طه وهو يضحك
=فاكرة أول مرة اتقابلنا فين !
=في ماك، وكل واحد طلب كبدة واحنا اصلا منعرفش ان هناك مفيش الحاجات دي.
ضحك طه قائلا
=انا عمري ما روحت الاماكن دي كانوا اصحابي بيحتفلوا بيا بسبب اني انقبلت في شركة ك تدريب كنت لسه مخلص دراسة .
=وانا كنت لسه في اولي جامعة، ايام والله وأحسن ايام… دي كانت أحسن فرصة اتعرف فيها علي حد.
=بجد يا مريم ؟
=ايوا طبعاً، لاني بسببك عرفت ياسين حب حياتي
نظر لها بألم ثم هز رأسه بصمت وهدوء، لم يلاحظون من التقط لهم عدة صور بالهاتف ثم أرسلها ل فتاة تُدعي ” شهد”.
انتهي طعام طه ومريم فقال طه وهو ينهض
=تعالي هوصلك البيت بعدين هخرج علشان عندي مشوار.
=خليك انا ممكن اروح لوحدي.
=لا طبعا مينفعش لازم اضمن سلامتك..
=شكراً.
هز رأسه بصمت ثم صعدوا معاً طوال الطريق كانوا صامتين الا نظراتهم ، توقف امام الفيلا ليقول
=وصلنا، انزلي .. ولو عوزتي حاجه ابقي رني عليا.
هزت رأسها قائله
=حاضر.. اكيد.
نظرت له قليلا وهي تشعر بشيء غريب يجبرها ان تبقي معه شعور غريب ومختلف وكأنها لاخر مرة ستراه، فقالت بقلق
=خلي بالك من نفسك يا طه.
رفع نظره لها قائلا
=خايفة عليا؟
نظرت له ولم تتحدث ثم هبطت من السيارة ودلفت للداخل تنهد طه وهو يضغط بيديه على رأسه ليفوق لنفسه قليلًا، ثم انطلق بالسيارة مرة اخري الي المكان الذي يود عباس ان يراه فيه …
فقال وهو ينظر للرسالة
=غريبة المكان متطرف جدا اشمعنا عاوزني في المكان ده.
وصل الي المكان وركن سيارته ثم مرت نصف ساعة وجاء عباس ووقف يتحدث معه فقال طه
=جبتني في المكان ده ليه ! افتكرت هنتقابل مع حد من الدخليه.
أنهي كلمته وخرج رجال صادق وصادق أيضًا الذي نظر له قائلا
=اهلا ب طه.. اخو ياسين!!
نظر لهم طه بحيرة
=انتوا مين…
رفع صادق سلاحه قائلا
=احنا اللى جايين ناخد روحك.
اطلق طلقه بسلاحه لتأتي في الهواء لانه تنحي جانبا ثم اخرج مسدسه من جيبه وبدء في اطلاق النار عليهم وهو يركض ولكن السلاح لم يكن فيه الا طلقتين ، كان الرجال كثيرون علي طه يضرب احدهم ينهض الاخر حتي امسكوه بين يديهم وظلوا يضربوه بكل قوة وقسوة، فقال عباس بملل
=خلينا نخلص خدوا روحه وخلينا ندفنه قبل ما حد يمر من هنا أو يشوفنا.
=المكان ده مقطوع محدش بيمر منه… ومع ذالك يلا ناخد فعلا روحه ونخلص ورانا شغل كتير أوي.
رفع مسدسه على طه الذي كان الدم يهبط من كل مكان في جسده وينظر لهم بتعب وعيون ذابله، فقد خارت كُل قواه بالفعل اطلق طلقتين ليصاب بواحدة في يديه. والاخري في قدمه… صرخ بألم ثم فقد وعيه بعدها فقال صادق للرجال
=يلا اتخلصوا من الجثة بسرعة.
_____
يُتبَّع.
رايكم مهم.🦋
الفصل التالي: اضغط هنا
يتبع.. (رواية مرات اخويا) اضغط على اسم الرواية لتجد الفهرس كاملاً بجميع الفصول.