رواية كل هذا الحب – الفصل الخامس والأربعون
45
الحلقة 45 …والاخيرة
قرأه ممتعة
ابراهيم بعد ما غني لحنين… طلع علبه من جيبه و فتحها وبحزن ووجع… انا كنت جايبلك
ده مع الفستان الاحمر… هديه ليكي في عيد ميلادك وكنت هطلب منك انك توافقي علي جوازنا واعملك احلي واجمل فرح في الدنيا
بس الظاهر محدش بياخد اللي هو عايزه… وانا عمري ما اخدت حاجه انا عايزها… ولا حتي الإنسانة الوحيدة اللي انا حبتها وعشقتها… وعمر قلبي ما دق ولا هيدق لحد غيرها بس اوعدك اني هبطله يدق خالص لإنه من غيرك هو ميت
فالاحسن انه يموت بقا ويرتاح
وبيبص لياسين… ربنا يسعدك معاه واتمني انه يسعدك السعادة اللي انا مقدرتش اديهالك
وابقي قولي لهمس ان هيما كان بيحبك اوي اوي
وقرب من حنين وباسها من جبينها بحب وعشق و حزن… ابقي خلي بالك من نفسك ياحنين روحي… وابقي افتكريني لو كنت استحق انك تفتكريني… وسابها ومشي
حنين واقفه مش عارفة تعمل اية… تجري ورا حبيبها وعشقها الأول و الاخير… وتقوله ان انت وبس اللي حبيبي ومها يحصل انا برضه مسمحاك… لأني أنا اتخطيت مرحله الحب والعشق ووصلت لمرحله الجنون
ياسين قرب منها و بجديه… روحيله يا حنين روحيله… صدقيني هو بيحبك وبيعشقك… و يمكن اكتر منك كمان… هو غريق و روحه في ايدك انتي… مديله ايدك تاني وسمحيه و أبدوا حياتكوا من جديد… انتي متعرفيش ايه اللي حصله زمان عشان يعمل فيكي كدا
رعد قربت منها وبصدق وجدية… اظن كدا اتأكدتي انه بيحبك وبيعشقك… اسمعي كلام ياسين وسامحيه وابدأي حياتك من جديد معاه
حنين بدموع… بس انا سامحته قبل كدا كتير اوي… وكل مره يخليني أندم اني سامحته وكمان اخد مني بنتي و كرهها فيه
رعد بجديه وصدق… هو المرة دي اتعلم الدرس كويس وأكيد بعد فراقكم السنين دي كلها والعذاب اللي شافه… اكيد هيفكر الف مره قبل ما يعمل حاجه تزعلك أو تكون سبب في فراقكم تاني
وبجديه وصدق… روحيله يا حنين روحيله… وسيبي قلبك علي حريته ومتحكميش علي قلبك وعلي نفسك بالعذاب طول العمر كفايه كدا كفاية
حنين بصت لرعد…وبصت لياسين اللي اتكلم بضحك😂😂😂… اقسم بالله انتي لو مروحتيش ورا الواد ده واتجوزتوا وخلصتونا بقا… لاكون شايفلك عريس ومسفرك انتي وهو المريخ وارتاح منك… هااا ايه رأيك هتروحي ورا الواد وتتجوزيه ولا اجوزك واحد غيره واسفركم المريخ؟؟
رعد بضحك😂… انا لو منك اروح وراه بدل ما المجنون ده يسفرك المريخ
حنين من غير ما ترد عليهم طلعت تجري
و ياسين بضحك😂😂… رايحه فين يا حنون
حنين بضحك… رايحه اخد حبيبي ونسافر المريخ وطلعت تجري وراء ابراهيم
ياسين بضحك😂… اه يا بنت اللعيبة… ضربت عصفورين بحجر واحد… من ناحيه هتاخد حبيبها ومن الناحيه التانيه يسافروا المريخ تصدقي فكره برضه
رعد بضحك😂… فكره ايه يا مجنون انت عايزهم ميرجعوش تاني ولا ايه
ياسين بضحك… اه والله عشان نرتاح منهم بقا
رعد بجدية وصدق… ربنا يخليك ليا وميحرمنيش منك أبدا يا ياسو انت فعلا نعم الصديق والأخ
ياسين بجدية… ولا يحرمني منك يا قلب ياسو يارورو حبيبتي… و بجدية اكتر… بعد ما مشيوا الناس البسيطه اللي كانت في الحفله
قوليلي بقي يا رورو ومتهربيش من سؤالي… قوليلي… يامن فين وايه إللي حصل مخليه مختفي كدا انا متأكد ان في حاجه حصلت ولازم اعرفها منك دلوقتي
رعد سكتت وبهروب… ولا حاجه يا حبيبي احنا كويسين استني هجيب لك حاجه تشربها
ياسين شدها من أيديها وقعدها… ياريت متهربيش من سؤالي اكتر من كدا… لانك المرة إللي فاتت لما هربتي منه سبتك براحتك… علي أساس يوم ولا يومين ويامن هيظهر… بس انتوا بقالكوا كتير و هو مظهرش ممكن تجاوبيني وبلاش تهربي من سؤالي اكتر من كدا
رعد بجديه وغضب… اجاوبك علي ايه؟؟؟
اقولك انه انسان غبي و مجنون… اقولك انه مكنش عايزني اطلع مهمة المسيري… ولما طلعت هددني انه هيسيب البيت ويمشي… اقولك انه بيتهمني دايما اني مقصره معاه وانه هو اخر اولوياتي
وبدموع… اقولك انه الايام دي كلها… غايب عني ومفكرش يسأل عني… وعن ولاده علي العموم انا مبقتش عايزاه ومش عايزه أشوف وشه تاني
ياسين شدها لحضنه و بمشاكسة… انا اصدق انه غبي… واصدق انه مجنون ويسيبلك البيت… واصدق كل حاجه وكل حاجه… الا اني اصدق انك مش عايزه تشوفي وشه تاني… لان حبه بيجري في دمك ومستحيل الحب ده يروح بالساهل كدا
اما بقي انه سايب البيت و مبيسألش عنك انتي و ولاده انتي عارفه ظروفه ايه ولا حصله ايه… ولا ايه السبب انه غاب كدا ومسألش ؟؟؟
رعد طلعت نفسها من حضنه وبقلق بتداريه… ايه هي ظروفه هااا… وايه إللي هيكون حصله… وانا عمري ما هسأل عليه ولا اشوفه هو فين… أكيد هو عند واحده من معارفه اللي كان يعرفهم زمان
ياسين بجديه وثقة… انتي عارفه و متاكده مليون في الميه ان يامن عمره ما بص لوحده غيرك من ساعه ما اتجوزتوا… لانك انتي وولاده أهم من الدنيا كلها عنده… ومالين عليه حياته يعني متضحكيش علي نفسك بالكلمتين دول
وبجديه اكتر… صدقيني من معرفتي بيامن السنين اللي فاتت دي… ااكدلك انه هو ميبعدهوش عنك غير الشديد القوى
رعد بقلق… انت عايز تقول اية ؟؟؟
ياسين بجدية… انا مش هاقولك حاجه… بس عايزك تسألي قلبك و تسمعيه هو هيقولك ايه… لاني متأكد انك من تاني يوم هو مجاش فيه انك قلقانة عليه وبتكابري وبتداري… لاني عارف رعد صديقه عمري هي بتبقي قلقانه ازاي علي إللي حواليها… ما بالك بقي لو حد غاب عنها واللي غاب ده يبقي نبض قلبها هتكون قلقانه عليه ازاي ؟؟؟؟
اسمعي قلبك يا حبيبتي وامشي ورا قلبك… و شوفي جوزك و حبيبك و عشره عمرك فين و روحيله… وانسوا الزعل اللي بينكم… وانا متأكد انك هتلاقيه واتمنى انه يكون كويس بس معتقدش انه وهو بعيد عنك هيكون كويس وباسها من جبينها ومشي
رعد دموعها نزلت اكتر واكتر لان ياسين معاه حق في كل كلمه قالها… لانها فعلا قلقانه علي يامن وقلقها كل يوم بيزيد عن اليوم إللي قبله وقررت تدور عليه وتشوفه فين وايه إللي مانعه عنها هي و ولاده… هو مهما كان حبيبها و جوزها وابو عيالها اللي متقدرش تستغني عنه ابدا
************************#كل_هذا_الحب_عشق_حنين_بقلمي_ملكه_القلوب_دي_دي_فتحي_صفحتي_الشخصيه_باسم_اللهم_اسالك_الفردوس_لوالدي
عند مروان 👇👇
مروان بعد ما عمل الحاجه اللي حرمها الله الا في الحلال ونام هو والي معاه… وهما شبه عرايا قاموا الصبح ولما شافوا نفسهم كدا اتصدموا
ومروان بص للي جنبه بتركيز اوي و هي كمان بصتله اوي وبصدمه ودهشه… انت ؟؟؟انتي ؟؟؟
مروان بجدية وعنف… انتي بتعملي اية هنا ؟؟
موني بجديه وعنف… نفس إللي كنت بتعمله… لاني مش عارفه انا جيت هنا ازاي وايه إللي حصل امبارح
مروان بجدية وغضب… انتي اخت صاحبي ومينفعش أبدا اعمل معاكي انتي كدا… ازاي تساعديني على ده إزاي
موني بدموع… صحبك هو فين صحبك ده فين
مروان بجدية وحزن… يعني اية فين صاحبك… انتي بتتكلمي علي اساس انه مامتش من 12 سنه
موني بصريخ ودموع… لا هو مامتش من 12 سنه هو لسه ميت قريب… والسبب في ده العقيد زفت… لما كانت رايحه تجيب حنين والبنت إللي معاها
و تقبض علي بابا… واسر ضربوه بالنار ومات… وهي اخدت حنين والبنت إللي معاها… وكمان ابراهيم الشخص الوحيد اللي اتجوزته وحبيته طلقني وخان حبي ليه وحب حنين
يعني حنين الزفت هي السبب في كل حاجه وحشه حصلت لي في حياتي
وبنتقام وشر… وحياه كل نقطه دم نزلت من بابا و واخويه… وحياه حرقه قلبي علي إللي بحبه وهي اخدته مني… لازم انتقم منها و اخليها تتحصر علي عمرها وتحصل بابا واخويا
مروان بدهشه واستغراب… قوليلي الحكايه من الاول وايه حكايه إن اسر مماتش من 12 سنه و مات دلوقتي
موني حكيتله… من ساعه ما المسيري هرب أسر واعلن انتحاره… لغايه لما راحت الفيلا لابراهيم لما كان حاطط لها المخدر في العصير عشان يعرف منها التفاصيل اللي هو عايزها
ولما فاقت ملقتش ابراهيم حواليها ولبست و راحت الفيلا بتاعتهم
لقيتها كلها دمار وخراب و دخلت بخطوات مميته ولقت أسر مايت و غرقان في دمه… ولقت ابوها مرمي جثه وهو كمان ميت… و فضلت تصرخ لغايه لما اغمي عليها
وبعد وقت قامت وراحت لحياه الضياع والشرب والرقص والمحرمات وكل شيء خليته لنفسها متاح
مروان سمع منها واتأكد ان موني هي إللي هتساعده في الإنتقام من ابراهيم… عشان يوصل لحنين قلبه… وياخدها هي وبنته ويهرب بيهم ويختفوا في اي مكان
وبجديه… يبقا احنا هدفنا واحد
موني بعدم فهم… يعني ايه هدفنا واحد؟؟؟
مروان بجديه … يعني ابراهيم حطم حياتي انا كمان وانا عايز انتقم منه واخد حنين وانتقم منها بمعرفتي… وانتي تشوفيلنا حد من اللي كان بيساعد ابوكي واخوكى يساعدنا في مهمتنا دي
موني بجديه وسوال… قولي ابراهيم عمل فيك ايه؟؟؟
مروان بجديه ومكر… انا هبقي اقولك بعدين.. بس دلوقتي عايزك تشوفيلنا 4 او 5 من اكلي لحوم البشر… يخطفوا حنين وكمان يجيبوا البنت الصغيره إللي كانت معاها وانا هديكي صور ليهم
موني بجدية… بس انا عايزة انا اللي اموتها وانتقم منها
مروان بمكر وخبث… متقلقيش ثقي فيا لان انا هنتقم منها بمعرفتي
موني بجديه… بس انا عايزه ابراهيم عشان اعذبه زي ما عذبني و خاني
مروان بجديه… كدا حلو اوي اوي يبقا تدي للرجاله صورهم التلاته يرقبوهم وفي الوقت المناسب
يجيبوهم… بس اهم حاجه تكوني واثقة في الرجاله دي وانهم يقدروا يجيبوهم من غير اي احتمال للغلط و لو حتي بنسبة واحد في الميه
موني بجديه وثقة… متقلقش لان اللي هيجيبهم مش اي حد وهما فعلا من اكلي لحوم البشر
مروان بشر و انتقام… هو ده المطلوب و اللي انا عايزه بالظبط
*************************كل هذا الحب… عشق حنين… بقلمي… دي دي فتحي… صفحتي الشخصية… باسم… اللهم أسألك الفردوس لوالدى
عند حنين👇👇
حنين بعد ما جريت وراء ابراهيم… راحت وراه عشان تلحقه بس لاسف… ملحقتهوش وقررت تروح له الفيلا
وفعلا راحت وخبطت وبعد السماح لها بالدخول دخلت وأول ما دخلت
زينب بصدمة ودهشه… حنين!!! وجريت عليها وحضنتها وبحب ودموع… انا كنت متأكده إنك هترجعي يا حنين والله كنت متأكده… لأن حبك لابراهيم مش ممكن يروح بسهوله كدا… ربنا يهديكم لبعض يا حبيبتي ونفرح بيكوا يارب وتجيبيوا لنا شروق الصغيره بقا
حنين بابتسامة وامل… ان شاء الله يا ابله زينب ان شاء الله
زينب شدتها من ايديها وقعدتها… وحنين بتبص حواليها و عيونها بتدور علي ابراهيم
و زينب فهمتها وبجديه… هو زمانه جاي يا حبيبتي هو راح مشوار ولسه مجاش
حنين استغربت لانه ماشي من عندها بقاله كتير… يعني المفروض يكون وصل
وبجديه وصدق… ان شاء الله يوصل علي خير… وبتبص لقيت همس اللي أول ما شافتها كانت هتطلع لفوق
وحنين قامت من مكانها وراحت لها وقعدت علي ركبتها قدامها… و بحب وحنان وابتسامه… عامله اية يا حنون يا جميله النهارده
همس بعنف… انا مش حنون… لان انا همس… همس ابراهيم وبس
حنين بابتسامة… طب عامله اية يا همس ابراهيم وبس النهارده… يا رب تكوني أحسن
همس بجدية… الحمد لله انا كويسه عن اذنك و سايبها و طالعه
حنين شدتها من ايديها وقفتها وبحب ومكر و مشاكسة… علي فكرة أنا بحب هيما اكتر منك
همس بعنف وغيظ… لا انا اللي بحبه اكتر منك واكتر من اي حد في الدنيا
حنين بحب ومشاكسة ومكر… بس انا بحبه قد البحر وقد السما يعني اكتر منك
همس بغيظ اكتر و هجوم و طفوليه… لا انا بحبه اكتر منك… لاني بحبه.. اد البحر والسما واد الشمس والقمر واد النجوم… يعني اكتر منك بكتير
حنين بمشاكسه… مع إن الشمس والنجوم والقمر حاجات في السماء بس هعديهالك يا همستي
همس بجدية… علي فكره انا همست هيما وبس
حنين بحب و مشاكسة… طب ايه رايك لو تبقي همستي انا كمان… وتحبيني شويه صغننين قد كدا… وبتشاورلها بايديها
وهمس سكتت… و حنين بإصرار وحب… يعني لما تحبيني شويه صغننين بس… مش هيقلل حبك لهيما ابدا… وبحب واشتياق… اعتبريني صديقة ليكي… او اخت ليكي… او ام ليكي… انا راضيه بأي حاجه… المهم يبقا ليا مكان في قلبك وبس
همس بجديه و تفكير… لا انا مش هعتبرك صديقة ليه ولا اختي ولا هعتبرك امي
حنين كان نفسها تقولها أنا فعلا أمك… اللي اتعذبت كتير عشانك و استحملت اكتر بس سكتت عشان متخسرهاش تاني
وهمس كملت بطفوليه… انا هعتبرك الداده بتاعتي… لان هيما هو امي وابويا وصديقي واخويا واختي… وكل حاجة ليا… هااا ايه رأيك موافقه تبقي الداده بتاعتي ؟؟؟
حنين بحزن بتداريه… موافقه طبعا بس الدادة طماعه شويه… و عايزه مكان في قلب همستها ممكن؟؟؟
همس بطفوليه… ممكن يا دادة حنون ممكن
حنين بدموع وفرحه… يبقي اديني عربون دلوقتي
همس بطفوليه وعدم فهم… يعني عايزني اديكي ايه يا دادة حنون؟؟؟
حنين بحب وعشق… عايزه همستي تديني حضن كبير اوي… ممكن يا قلب وروح الدادة حنون
همس بحب و طفولية… ممكن يا حنونتي ممكن وحضنتها
و حنين ضمتها اوي اوي لحضنها وغمضت عيونها وحمدت ربنا ان ابراهيم لقاها ورباها… ورحمها من الشوارع وعذاب الايام… واحتواها وبقا ليها كل حاجة وقام بدور الاب والام لها وعرفت و اتأكدت في اللحظه دي انها سامحت ابراهيم… كفاية إللي هو عمله مع بنتها و حبه لها و خوفه عليها
وزينب قربت منهم اللي متبعاهم من الاول وبدموع… ربنا يلم شملكم يا حبيبتي و يفرح قلبكم يارب
حنين بحب وأمل… ان شاء الله يا ابله زينب
وبجديه و قلق… هو ابراهيم متعود يتاخر كدا يا ابلة زينب
زينب بجدية و قلق هي كمان… لا مش متعود يتاخر كدا انا هرنله كدا اشوفه فين و رنت… بس للأسف لقيت تليفونه مقفول
ورنت علي احمد تسأله عليه يكون معاه في الشركه او شافه و هو قالها انه مش معاه و ميعرفش هو فين
وزينب قفلت و بجدية و خوف… هيكون راح فين هو قال رايح مشوار وخلي بالك من همس ومشي
حنين قعدت علي الكرسي بخوف و قلق و دموعها نزلت
و زينب قربت منها و وبجدية وخوف علي اخوها… ان شاء الله هيرجع يا حنين ان شاء الله… انتي متعرفيش هو بيحبك ازاي… وايه إللي حصله لما حس انك هتروحي منه وهتروحي لغيره
حنين دموعها نزلت اكتر… وبصت لهمس اللي واقفه مرعوبه علي ابراهيم وبخوف عليه… بابا فين يا دادة حنين هو مش هيرجعلي تاني بس هو وعدني انه مش هيسبني تاني ولا يبعد عني تاني
وانتي ياداده وعدتينى قبل كدا لما كنا عند الراجل الوحش… انك ترجعيلي هيما ارجوكي يا دادة حنين رجعيلي بابا ارحوكي
حنين شدتها لحضنها اوي وبدموع… ان شاء الله هيرجع يا حبيبتي ان شاء الله… لان هيما عمره ما هيقدر يستغني عن همسته حتي لو استغني عن حنين
همس طلعت نفسها من حضنها وبجدية ودموع… لا يا دادة حنين هو بيحبك اوي اوي عارفه طول ما احنا كنا مسافرين بره وهو مش بيحكيلي غير عليكي انتي… وعمتو زينب… وقد ايه هو بيحبكم وان انتي روحتي عند ربنا وعمره ما هيتجوز تاني ولا هيحب تاني لانه متجوزك انتي… وبيحبك انتي
وبدموع اكتر…. هو هيرجع يا دادة حنين مش كدا… هيرجع عشان بيحبني اوي وبيحبك انتي كمان و بيحب عمتو زينب اوي… مش كدا يا دادة هو هيرجع مش كدا؟؟؟
حنين مسكت وشها بحب وصدق… ان شاء الله هيرجع يا قلب الداده ان شاء الله هيرجع لينا كلنا لأننا منقدرش نستغني عنه أبدا… روحي يا حبيبتي العبي مع عمرو و محمد وان شاء الله بابا هيما هيجي دلوقتي
همس بجديه و صدق… لا يا دادة انا هروح اصلي وادعي لربنا كتير انه يرجعلي… بابا ابراهيم وانه يكون كويس وبخير ويجي وياخدني في حضنه زي كل يوم
حنين بجديه و دهشه… انتي بتعرفي تصلي يا همس بجد بتعرفي ؟؟؟
همس بجدية… طبعا بعرف يادادههيما علمني الصلاة… وقرايه القرآن… وكنا بنصلي سواء انا و هو
ولما نكون عايزين حاجه من ربنا نصلي وندعي له وهو هيديني الحاجه دي وكمان لما نكون فرحانين نصلي و نشكر ربنا عشان ربنا يفرحنا بالحاجه دي اكتر و اكتر
حنين و زينب اتصدموا من كلام همس… ومن تعليم ابراهيم لها
وحنين بجدية وحب… روحي يا همستي… روحي صلي و ادعي ربنا انه يرجع لينا هيما علي خير
وان شاء الله ربنا هيستجيب منك… وانا كمان هخلص مع عمتو و اروح اصلي و ادعي ربنا انه يرجعلنا بالسلامة
همس بحب و طفوليه… حاضر يا دادة حاضر وطلعت تصلي و تدعي لهيما قلبها
وحنين بصت لزينب… و زينب بجديه وقلق… في ايه يا حنين انتي عارفه حاجه ومخبياها عليا؟؟؟
حنين الدموع لمعت في عيونها… و زينب بقلق اكتر… ارجوكي طمنيني يا حنين اية إللي حصل ؟؟؟
حنين دموعها نزلت وحكيت لها علي كل إللي حصل… من اول ابراهيم ما دخل فيلا رعد وطلعلها الخاتم من جيبه لغايه لما قالها قولي لهمس ان هيما بيحبك… وابقي افتكريني وباسها من جبينها ومشي
زينب دموعها نزلت وقلبها اتنفض… وحست ان اخوها ممكن يعمل في نفسه حاجة او ممكن يبعد عنها تاني وعيطت بحزن ووجع
وحنين كمان عيطت ولنفسها… معقوله يكون ابراهيم اختار البعد او الموت… معقول يسيبها تاني ويبعد عنها بعد السنين دي كلها… يعني هي مش مكتوب لها انها تعيش معاه… مش مكتوب يكون من نصيبها… وعيطت بدموع وشهقات
وزينب شدتها لحضنها و بحزن و دموع… ان شاء الله هيرجع وهيكون بخير وهيظهر هو أكيد مش هيحرق قلبنا عليه وبجديه… روحي اطلعي لبنتك وطمنيها و ان شاء الله هو هيجي علي خير
حنين بحزن و خوف عليه.. ان شاء الله يا ابله زينب يرجع علي خير ان شاء الله
وطلعت فوق عند همس… ولقيتها قاعده جنب الشباك… وبتبص علي بوابة الفيلا عشان تشوف ابراهيم وهو داخل
وحنين دخلت وقربت منها وبحب وحزن… همستي الجميله قاعده كدا ليه ؟؟
همس بدموع وحزن… بابا هيما وحشني اوي… وخايفه ميجيش تاني و يسبني في الدنيا لوحدي واتعذب تاني
حنين شدتها لحضنها بدموع وحب…متخافيش يا حبيبتي هو هيجي وان شاء الله هيكون كويس وبخير
همس بدموع… ان شاء الله يا دادة ان شاء الله
حنين بجديه وحب… ممكن يا همستي تيجي تنامي في حضن الدادة علي ما بابا يرجع ممكن؟؟؟
همس بدموع… لا انا هفضل هنا عشان لما بابا يجي انزل اقابله علي طول
حنين بحب… طب تعالي استنيه علي السرير بلاش قعده الشباك دي
همس بجديه… لا انا هفضل قاعدة هنا… هيما كان دايما يقعد كدا… ولما اسأله قاعد كدا ليه يا بابا يقولي انا حاسس انها جايه و حاسس إنها ممتش وانها عايشه وهتيجي واشوفها
وبدموع و حزن لحنين… بابا كان دايما حاسس انك عايشه ما موتيش وكان نفسه يشوفك اوي
حنين دموعها نزلت… لانها لما كانت فاقدة الذاكرة… كانت عايزه دايما تفضل قاعدة جنب الشباك وتبص منه وكانت حاسه ان حد بيناديها حاسه ان حد هيجي وياخدهاو متعرفش ان حبيبها كمان مستنيها😔
حنين شدت همس لحضنها وبجديه وحب… تعالي احكيلك حدوته علي ما هيما يرجع ايه رأيك
همس بجديه وامل… يعني علي ما تحكي لي الحدوته هيكون هيما رجع ؟؟؟
حنين بجديه وامل… ان شاء الله يا حبيبتي هيكون رجع… واخدتها وراحوا علي السرير… و شدتها لحضنها وحكيت لها حدوته
وهمس نامت قبل حنين ما تخلص حدوتها ونيمتها وونزلت… لزينب اللي اتصلت على جوزها جه وإتصلوا علي كل معارفهم عشان يسألوا عن ابراهيم وللأسف محدش عرف ولا عارف هو فين
الكل خوفه و قلقه علي ابراهيم زاد… وحنين بجديه… احنا لازم نبلغ البوليس… اوانا هروح للعقيد رعد هي أكيد اللي هترجعهولنا
زينب بدموع و حزن… ابراهيم كان روحه فيكي وفي همس… معقولة يبعد ويسبكوا… ويسبني معقول مش هشوف اخويا تاني معقول
وعيطت بوجع وحزن… واحمد شدها لحضنها يطمنها و بجدية… احنا هنستني للصبح لانه خلاص الوقت اتاخر ولو مرجعش لغايه الصبح هبلغ بختفائه
حنين و زينب باعتراض… لا احنا هنبلغ دلوقتي ونروح للعقيد رعد… او ننزل ندور عليه
احمد بجديه… صدقوني مش هتوصلوا لأي حاجه دلوقتي… كلها كام ساعه والصبح يطلع استنوا بس لغايه الصبح ويلا روحوا ريحوا شويه
زينب لجدبه ودموع… لا انا مش هنام انا هدور على اخويا
احمد بجدية… ان شاء الله يا حبيبتي هندور عليه الصبح وهنلاقيه… وبيبص لحنين… وانتي يا حنين روحي نامي شويه انتي كمان
حنين بجدية… أنا هقعد شويه في الجنينه وبعدين هبقا اطلع انام
احمد بجدية… ماشي بس متتاخريش اوي لان الوقت اتاخر… و سابها واخد زينب و راحوا اوضتهم
حنين خرجت وقعدت في الجنينه… وافتكرت لما كانت هي و ابراهيم في الجنينه أول مرة لما شفايفه لمست شفايفها والمرة التانيه لما فضل باصص عليها
#وبصت_للنجوم_وبحب_واشتياق_يا_نجوم #الليل_زوريه_وان_كان_نايم_ارجوكي_لا_تزعجيه_وان #كان_صاحي_قربي_من_خده_و_بوسيه_وبهمس_قوليله #حنين_روحك_مشتاقه_ليك_ودايما_قلبها_كان_بيناديك #لانك_معشوقها_وروحها_فيك_واوعي_تصدق_انها_
#تنساك_لان_هواك_بيجري_في_دمها_حتي_الممات #ارجوكي_يا_نجومي_هاتيلي_معشوقي_وارحميني
#من_أنيني
#ارجوكي_يا_نجومي_روحيله_واترجيه_ولحضني
_ورجعيه
وعيطت بوجع وحزن… و ورفعت ايديها لرب النجوم اللي ما بيغفل عن هموم العباد
ونادت ربها بدموع ورجاء 👇👇
يا رحيم يا رحمان… ارحمني من العذاب
يا حنان يا منان.. منء عليا بهدي القرآن
يا غفور يا غفار… اغفر لي اللي كان
يا مقتدر يا قادر… بقدرتك رجعلي اللي غايب
اللهم إنك عفو تحب العفو فاعفوا عنا يا رب العالمين
لا اله الا انت سبحانك اني كنت من الظالمين
ومازالت علي دموعها و شكواها لربها لقيت ايد بتتحط علي كتفها وحنين اتخضت وبفرحه… ابراهيم!!!!
وبصت وراها تتاكد… ولقيت شخص مخيف… وبخوف ظاهر… انت مين و عايز مني اية؟؟
الشخص بشر وجمود… انا مين… ده ميهمكيش
و عايز ايه… فمش انا اللي عايز
حنين بجديه وخوف… امال مين إللي عايز؟؟؟
الشخص بشر اكتر… موني هانم هي اللي عايزاكي… وموصياني عليكي… نعمل معاكي الواجب… وقرب من حنين… ولسه هيحط ايديه علي بوقها
حنين صرخت بصوتها كله… ابرااااااهيم… الحقنيييي
انتظروا الخاتمة
الفصل التالي: اضغط هنا
يتبع.. (رواية كل هذا الحب) اضغط على اسم الرواية لتجد الفهرس كاملاً بجميع الفصول.