رواية كل هذا الحب الفصل الثالث والأربعون 43 – بقلم ديدي فتحي

الحلقة 43

قرأه ممتعة

ياسين دخل وهو ماسك ايد حنين في إيده وبثقة وجديه… اقدملكم نفسي انا ياسين السيوفي صاحب شركة السيوفي للاستيراد و التصدير وشركه السيوفي للتصميمات

وبص لحنين اللي واقفه متوتره من نظرات ابراهيم اللي كلها غيره عليها وغيظ من ياسين

وياسين كمل بستفزاز لمشاعر ابراهيم… أقدملكوا… حنين سيف الدين… دراعي اليمين… و سكرتيرتي الخاصه… وبمكر و خبث… ومش بس كدا لانها خطيبتي وخطوبتنا كمان اسبوع ان شاء الله وانتوا من اول المدعوين علي حفل خطوبتنا

الكل اذبهل واتصدم من اللي هما سمعوه من ياسين… وكمان حنين… اه هي عارفه الخطه بس متوقعتش أبدا ان ياسين ياخد الخطوة دي بسرعه كدا

الكل وقع علي الكرسي اللي كان قاعد عليه

الا ابراهيم اللي قرب من حنين وبصدمه و زهول… ايه معني الكلام إللي هو بيقوله ده؟؟؟…اوعي تقولي انه حقيقي اوعي… قولي انه بيهزر… قولي انه بيخرف… قولي اي حاجه… غير إنك تقولي ان اللي بيقوله ده الحقيقه

وبجديه ومسك دراعها… مش معني اني سيبتك لما اعصابك ترتاح وتهدي انك تروحي تتخطبي لغيري لان انا مش هسمحلك بده أبدا فاهمة

حنين من توترها مش عارفة ترد… وياسين لما لقاها كدا اتدخل وشال ايد ابراهيم من علي دراع حنين… وبجديه و تخذير… اوعي تسمح لنفسك تاني مره انك تمسك ايد خطيبتي كدا اوعي لان المرة الجاية هندمك لو عملت كدا تاني

ابراهيم بعنف و غضب… وانت مين عشان تسمحلي ولا متسمحليش… وبجديه وتملك… “” ودي كانت غلطه ابراهيم وحافز لحنين إنها تلغي التوتر بتاعها “” لان انا جوزها وحبيبها وعشقها الأول والاخير ومستحيل أصدق انها تحب و تتخطب لغيري بالسهولة دي فاهم

حنين ردت بعنف وغضب… الكل فاهم الا انت اللي مصمم علي إني لسه بحبك وملكك بس احب اقولك اني خلاص مبقتش بحب…. ولسه مكملتش

ابراهيم حط ايده علي بقها منعها انها تكمل وبايده التانيه لف ايديها حوالين وسطها وبعنف وغضب… إوعى تكملي فاهمه اوعي تكملي لأنك لو كملتي مش هتعرفي انا هعمل فيكي ايه وفيه ايه فاهمه

حنين حركت وشها و شالت ايده اللي علي بقها وهو مازال مرجع ايديها التانيه حواليها وبعنف وغضب اكتر منه…. انت أكيد اتجننت لو فكرت اني ممكن ارجعلك تاني لانك أناني وانا بطلت احبك

ابراهيم و هو مازال مكتفها وبعنف وغضب و شراسه… و انا هثبتلك انك لسه بتحبيني و بتعشقيني زي ماانا بحبك وبعشقك

وفي لحظه كان مقرب شفايفه لشفايفها… وده كله واحمد و زينب و ياسين واقفين و متابعنهم

وياسين أول ما لقا الامور اتطورت كدا خاف لحنين تضعف و ميعرفش يكمل خطه رعد قرب منهم وهما كانت انفاسهم اختلطت ببعض اوي

وابراهيم لسه هيلتهم شفايف حنين… كان ياسين ضربه بالبوكس في وشه… و ابراهيم فقد التركيز للحظات وقبل ما ينتبه للي عمله ياسين

كان ياسين شادد ايد حنين… و بشبه ضحك😂😂😂 عشان ميتكشفش… يلا بينا نهرب بسرعة يلا… اجري ياحنون اجري هتودينا في داهيه… و طلعوا من المكتب و من الشركه كلها بخطوات سريعه وركبوا العربيه… وياسين طار بيها قبل ماابراهيم يفوق من الضربه… و راح الجهاز لرعد هو و حنين

وخبط علي مكتب رعد وأول ما دخل قعد علي الكرسي وحط ايده علي قلبه وبيحسس علي جسمه و بضحك😂😂😂… الحمد لله انا لسه عايش

رعد بستغراب وبتبص لحنين اللي مش مستوعبه اللي ياسين عمله ورعد اتكلمت بستغراب… في ايه يا مجنون انت… ايه اللي حصل جيت علي هنا ليه و مروحتش علي شركتك

ياسين حكي لرعد كل اللي حصل ورعد سخسخت علي روحها من الضحك وبضحك😂😂😂…اه يا مجنون والله انت فظيع… وطالما اخدتك الشهامه كدا و ضربته ليه بقا هربت ومكملتش حركه الشهامه دي لاخر ليه

وبتبص لحنين… و انتي يا حنون تهربى بكل سهولة كدا مش كنتي تواجهيه

ياسين بضحك😂😂😂… تواجه مين يا أمه دي كمان شويه كانت هتقوله يلا بينا علي الماذون يا مجنون حنين… دا الواد أول ما قرب منها عنيكي ما تشوف الا النور لقيتها سخسخت علي نفسها كدا… ووشها احمر كدا… وكانت هتلبسنا في الحيط

🤕حنين بهروب و غيظ و بدفاع عن نفسها… علي فكره انا كنت هعضه في شفايفه ومكنتش هسمح له يقرب مني أبدا

ياسين سخسخ علي نفسه و بضحك😂😂😂… شوفوا مكر البت قال هتعضه قال… بدل يا اختي ما تعضيه كنتي بعدتيه عنك من الأول و خلاص… و

علي رأي المثل” بحبه ومقدرش علي بعده”

رعد بضحك😂😂😂… كدا غلط علي فكره اسمه

“لا بحبه ولا بقدر علي بعده”

ياسين بضحك😂😂😂… عارف يا ختي بس انا عدلته لانها فعلا بتحبه ومتقدرش علي بعده

حنين بغيظ من ياسين… علي فكره انت غتت اوي و وغلس اوي

ياسين بضحك😂😂😂… وعلي فكره انتي مسهوكه اوي اوي اوي… يا بت راحين نمثل علي الواد الجديه والقوة تقومي تلبسينا في الحيط… يخربيت عقلك يا شيخه

يلا بقا وقتكم معايا خلص وهروح ومش هروح الشركة لان بوسبس مراتي وحشتني آوي وعايز احل مشاكلي معاها براحتي وبعدين الولاد اكيد مش هناك عشان كدا همشي والحق وقتي بدري بدري

رعد بضحك😂😂😂… اقسم بالله انت هتموت مولع من كتر اللي انت بتعمله ده… يا إبني ارحم نفسك انت مبتزهقش من حل مشاكلك دي

ياسين بتوهان… هو في حد يزهق من حل المشاكل دي يا رورو…دا البت بوسبس أول ما بتلبسلي الحته الحمراء بدوب معاها و مبحسش بنفسي غير تاني يوم الصبح وهيييييح بقااا😂😂😂

رعد بضحك😂… هييح عليك يا شيخ ده انا خايفه علي الناس منك… انت ايه و خبطته علي صدره

ياسين بغيظ… انتي اللي ايه يا شيخه محسساني ان المسهوك بتاعك بيرحم نفسه يعني… يلا انا ماشي سلام بقا

رعد بشبه جديه… ماشي يا ياسو هسيبك تمشي بس وصل حنين للفيلا الأول وبعدين امشي

ياسين بغيظ… وانا مالي يا ختي هو انا خلفتها و نسيتها ولا ايه متوصل نفسها هي صغيره

حنين بغيظ منه… اه هوصل نفسي عشان تلحق تحل مشاكلك مع مراتك

ياسين بضحك😂 لرعد… الحقي دي فهمت و بقت معانا علي اسطوانه واحدة

رعد بضحك😂… بركاتك يا ياسو بركاتك يلا بقا امشوا انتوا الاتنين من هنا ورايا شغل كتير… وصبري الشرير هيعلقني ولسه هيخرجوا لقوا اللواء صبري واقف قدامهم وبغيظ… بقي أنا شرير يا بنت صبري

رعد بضحك😂… مين قال عليك شرير يا حبيبي دا انت الحب والعشق يا حبيبي

صبري بغيظ… والله!!!!

وبيبص لياسين وحنين و بجديه… يخربيتك إنت مش راحم نفسك أبدا اقسم بالله لأكون مروقك عند مراتك

ياسين بضحك😂😂😂… اقسم بالله أبدا دا انا مظلوم… ودي وبيشاور علي حنين… أنا معرفهاش بس أعرفك انت وبحبك انت… وانت انت ولا انتش دارى انت انت حبي وغرامي

صبري بضحك😂… اقسم بالله انت صمويل دماغك فوتت علي الاخر وهتجنن قريب… و بيبص لحنين هتقول دي مين ولا اتصل علي بوسي مراتك وهنعرف كلنا مين دي

ياسين شد حنين من ايديها وبضحك😂… لا بقا بنتك الشريره اللي زيك تعرفك هي مين… عشان الحق احل مشاكلي مع مراتي قبل ما عيالي يرجعوا ويغلتوا علينا سلام يا شرير سلام

و بيبص لرعد وبضحك 😂… سلام يا بنت الشرير

وشد حنين من ايديها وخرج وركبوا عربيته وصلها الفيلا بتاعه رعد وراح هو يحل مشاكله مع بوسي حبيبته

************************#كل_هذا_الحب_بقلمي_ملكه_القلوب_دي_دي_فتحي_صفحتي_الشخصيه_باسم_اللهم_اسالك_الفردوس_لوالدي

اللواء صبري بعد ما ياسين خرج هو و حنين

وبسؤال وجديه لرعد… ايه الحكايه يا بنت صبري قوليلي

رعد بجديه… مفيش حكايه ولا حاجه يا حبيبي كل الحكايه ان في واحد مش عارف قيمه الجوهره اللي في ايديه… وكل شويه يحط عليها تراب او يرميها لغيره… فا احنا عايزين نعرفه قيمه الجوهرة دى ايه… و فعلا هيسمح لحد ياخدها منه ولا هيفتح قلبه و يحط الجوهرة دى فيه ويخبيها عن كل الناس

صبري بضحك😂… شريرة انتي يا بنت صبري و ملكيش حل

رعد بضحك😂… تربيتك يا سيادة اللواء يا شرير

صبري بضحك😂… ماشي يا بنت صبري ماشي وبجدية… بس قوليلي الواد المسهوك جوزك فين بقاله كام يوم مجاش الشغل و عليه شغل متاخر عايزه يخلصه

رعد بهروب و بجديه… معلش يا سياده اللواء انا هاخد شغله اخلصه و هو لما يجي يبقا يستلم ويكمل

صبري بجديه و سؤال… تخلصيه انتي ليه هو فين انا بحسبه تعبان وواخد اجازه… ايه الحكايه طمنيني

رعد بجديه… مفيش حاجه يا حبيبي اطمن

صبري بجديه وقرب منها و شدها قعدها علي الكنبه وقعد جنبها و بحب… مالك يا حبيبه ابوكي مالك

رعد بصتله بحزن ونفسها تحكي ليه بس مش قادره و فضلت السكوت

وهو شدها لحضنه و ضمها آوي وبحب… عارفه مهما يكون اللي حصل بينكوا… تاكدي من حاجة واحده بس… ان هو بيحبك وبيعشقك واتخطي مرحله الحب والعشق دول من زمان و وصل للجنون

رعد بحزن و بدموع… والله يا بابا انا كمان بحبه و بعشقه بس هو دايما بيتهمني انه آخر اولوياتي و ان انا مبحبهوش

صبري بحب…طب احكيلي ايه اللي حصل وانا احكم مين اللي معاه الحق ومين إللي غلطان

رعد سكتت… وهو اتكلم وبحب و جديه… صدقيني لو اتكلمتي هترتاحي

رعد بعد لحظات من سكوتها حكيتله علي اللي حصل لغايه من اول يامن ما قال لها هسيبك لو تطلعتي المهمه… لما سابها وقالها هسيبك لغايه لما ترتاحي شويه… ومشي و سابها

صبري بجديه ومكر… طب انتي اللي رفضتي وجوده اهو زعلانه ليه دلوقتي من بعده عنك

رعد بدموع… انا كنت فكراه هيرجع بليل او هيرجع تاني يوم ويجي يصالحني…وبجديه… عارف يا بابا من ساعه ما اتجوزنا عمري ما نمت غير وانا في حضنه… حتي لما كنا نبقي زعلانين كان يشدني لحضنه وانام فيه ويوم و اتنين و زعلنا يروح… بس ببقا في حضنه

وهو بقاله كام يوم اهو بعيد عني وانا بضحك وبداري اللي جوايا… عشان خاطر الولاد ميحسوش بحاجه ولا حد من اللي حواليه يلاحظ… وكل اللي يسألني عليه اقوله مسافر بس انا من جوايا حزينه اوي

صبري بجديه وحب… ان شاء الله يا حبيبتي هيرجع وبمكر و خبث… ولو مستعجله علي رجوعه  روحيله ياختي و رجعيه دا انتي بنت صبري وأكيد مش هتغلبي وهتعرفي مكانه فين و هترجعيه

رعد طلعت نفسها من حضنه… وبهجوم… لا مش مستعجله ومش هدور عليه ولا اروحله… لان هو اللي مزعلني ولازم يجي و يصالحني… ويقولي حقك عليا يا رعد قلبي حقك عليا

صبري بضحك… ربنا يهديكي يا بنتي انتي و المسهوك جوزك… يلا هسيبك تخلصي شغلك ولسة هيخرج

رعد قامت و حضنته وبحب… ربنا يخليك ليه يا حبيبي وميحرمنيش منك أبدا

صبري بحب😂… ولا منك يا حبيبتي وبمشاكسة… لو الواد ده مظهرش علي آخر الاسبوع لازم تشوفيه هو فين و تروحيله و متحرميهوش انه يقول الكلمتين اكتر من كدا لاحسن يتجنن ولا يموت

رعد بغيظ اكتر… بقولك ايه يا سيادة اللواء يا شرير

صبري بضحك😂… متقوليش حاجه يا بنت صبري… وفري كلامك للمسهوك بتاعك وباسها من جبينها و خرج

ورعد قعدت تسترجع ذكرياتها مع حبيبها العاشق المجنون و كملت شغلها وبعد وقت ليس بكثير روحت فيلتها

*****************************#كل_هذا_الحب_عشق_حنين_بقلمي_ملكه_القلوب_دي_دي_فتحي_صفحتي_الشخصيه_باسم_اللهم_اسالك_الفردوس_لوالدي

ابراهيم بعد ما ياسين ضربه بالبوكس في وشه لحظات وفاق من ضربته ولسه هيخرج وراهم

زينب شدته من ايديه وبجديه… هما مشيوا هتروح وراهم فين

ابراهيم بعنف وغضب…مبقاش ابراهيم عز الدين لو ما اخدتهاش منه واديتله بدل البوكس ده عشرة

وبجديه لزينب… قوليلي هي شركته دي فين

زينب بجديه وخوف عليه… انت هتعمل ايه الامور متتاخدش كدا خلينا نقعد ونشوف هتعمل ايه وهترجع حنين ازاي

ابراهيم بجديه و غضب… لا دي حربي انا لوحدي… وانا اللي لازم اخوضها بنفسي مهما كان التمن و مهما حصل… انا سبتها مره وخليتها مطمع لكل واحد وضعفت… بس المرة دي انا يا قاتل يا مقتول… و حنين يا أما ليه او للموت يلا قولي فين عنوان شركته دي بسرعه

زينب بجديه و خوف عليه… اسمعني بس يا حبيبي احنا هنساعدك و

احمد جوزها بمقاطعه وبجديه… زينب ابراهيم معاه حق في كل اللي قاله هو زمان خسر حنين وسابها بس المرة دي لازم يخوض الحرب لوحده ومن غير مساعدة حد فينا يا إما هيخسرها للأبد… و إدا ابراهيم العنوان

وبجديه… العنوان اهو ورينا هتقدر ترجع مراتك ازاي

وباستفزاز لمشاعره… عارف لو حد بص لزينب مراتي مجرد بصه بس… انا همحيه من الدنيا كلها ما بالك بقا انه عايز يخطبها ويتجوزها ويخليها ملكه هو

ابراهيم بصله بغضب و شراسه… دا هتكون جنازته قبل ما تكون جوازته وسابهم وخرج… بعد ما خد عنوان شركه ياسين

وبعد خروجه زينب… وبجديه وعنف لجوزها… ليه اديتله العنوان وليه قولتله الكلام ده و استفزيته كدا

احمد بجديه… عشان دي فعلا حربه لوحده ودي حبيبتة و مراته هو ولازم يثبتلها إنه بيحبها و بيعشقها

زينب بدموع… بس انا خايفه عليه اوي

احمد شدها لحضنه وبجديه و حب… متخافيش يا حبيبتي لأن حنين هي كمان بتحبه و استحاله تسمح لحد يأذيه

زينب بدموع و أمل… يارب يا احمد يا رب

احمد بجديه… ان شاء الله يا حبيبتي ان شاء الله

******************************

ابراهيم اخد العنوان وطار بعربيته… وراح شركه ياسين اللي اتصدم من منظرها وهيئتها… وبمقارنه بشركته فهي ولا حاجه لإنه علي طول مهمل فيها بادارتها

بس منظر شركه ياسين بيثبتله إنه راجل اعمال ناجح وعرف ان خصمه مش سهل أبدا

ودخل وسأل علي مكتب ياسين وطلب يقابله

وموظف الامن بتاع الشركة قاله انه خرج من ساعتين هو و السكرتيره الخاصه بتاعته ولسه مرجعوش لغايه دلوقتي

ابراهيم بجديه للامن و بغضب… هي مش سكرتيرته الخاصة… دي مراتي انا فياريت متقولش عليها كدا تاني وتخلي بالك المره الجايه وانت بتتكلم عن مراتي وسابهم ومشي

و موظف الامن مستغرب من كلام ابراهيم… اللي رجع لعربيته وقعد فيها و مستني رجوع ياسين وحنين… واستني حوالي تلات ساعات ومحدش جه

ونزل و راح لموظف الامن تاني وبسؤال… ممكن أعرف ياسين جه ولا لسه

موظف الامن بجديه… ياسين بيه لسه مجاش يافندم وطالما أتأخر كدا يبقى مش هيرجع النهارده… وبعدين خلاص كلها شويه وهقفل الشركه عشان ميعاد انتهاء العمل قرب

ابراهيم بجديه… طب هو بيجي امتي

موظف الامن… بيجى كل يوم الساعة 9 الصبح يا فندم

ابراهيم بجديه اكتر… وحنين مراتي بتيجي امتي

موظف الأمن… بتبجي معاه يا فندم

ابراهيم بستغراب وصدمه… يعني ايه بتيجي معاه

موظف الامن.. معرفش يا فندم بس انا بشوفها بتيجي كل يوم مع ياسين بيه في عربيته

ابراهيم مشي من قدامه مش مستوعب معني كلامه

يعني ايه بتيجي معاه كل يوم يعني… هي قاعدة معاه في بيته ولا بيجبها معاه ازاي كل يوم… و ركب عربيته وروح بيته بس هيتجنن وعايز يعرف ازاي ياسين بيجيب حنين معاه كل يوم

وهو ماشي سرحان خبط في همس اللي واقفه حاطه ايديها في وسطها بعد ما فكت الجبس بتاع ايديها و رجليها

و بغيظ… الله الله يا استاذ هيما طول النهار بره و كمان جاي مش شايف حد قدامك ممكن أعرف انت كنت فين طول النهار

ابراهيم مع إنه مضايق من اللي حصل و هيتجنن… بس منظر همس وهي كدا و كلامها… خلاه يضحك غصب عنه و بمشاكسة و استفزاز… مالك يا سوكه يا عبيطة… اغيب ماغبش اخبط مخبطش انتي مالك هو انتي مراتي وانا مش واخد بالي ولا حاجه

همس بغيظ منه… لا انا مش مراتك بس انا بنتك و حبيبتك و امك وابوك واخوك و اخ… ولسه هتكمل

اتكلمت زينب اللي متابعه الحوار من الاول… وربنا لو كملتي و قولتي اختك لأكون مخلياكي تعدي النجوم في عز الظهر آنتى وابوكي ده

همس بضحك😂… في ايه يا زوزو ما تخلي روحك طويله شويه كدا… وبمكر… وبعدين متزعليش ليه اتنين اخوات بنات انا وانتي يايتي ولا تزعلي

زينب بغيظ… لا ياختي ملهوش غير اخت واحدة وهي انا هو انتي مش مكفيكي ده كله… عايزه تاخدي دوري كمان

همس لسه هترد… اتدخل عمرو بستفزاز لهمس… عشان هي غتته و غلسه انا مش عارف خالوا مستحملها ازاي دي لو تحت ايده كنت علمتها الادب والله

همس قربت منه وبستفزاز اكتر منه… عارف ياااد انت لو ملمتش لسانك واحترمت نفسك هلملك شويه عيال واخليهم يقولوا لك العبيط اهو العبيط اهو… لان فعلا شكلك يدي علي عبيط وانت واقف وبتتكلم كدا عن ستك وتاج راسك

عمرو بمكر وخبث وبيبص وراه… هااا مالك يا خالو

و همس بتلقائيه و بصت وراها ولسه هتمشي عمرو حط رجليه قدام رجليها وقعها… ووقف سخسخ من الضحك😂😂😂 علي منظرها هو و زينب وابراهيم

و همس بصتله وبغيظ… وربنا لاعرفك مقامك كويس وقامت بشر وغضب

ولسه هتروحله ابراهيم شالها وهو بيضحك😂😂😂… استهدي بالله يا سوكة يا عبيطة استهدي بالله… هو عمل ايه يعني… دا حتي الواد غلبان ومش قادر عليكي

همس بعنف و غضب … سبني يا هيما سبني… وبتوعد وربنا لازم اعلمه الادب… وبتبص لزينب… عمتو ابعدي انتي من هنا عشان متزعليش مني… من إللي انا هعمله فيه

زينب بضحك😂… اعتبريني مش هنا يا ختي و اعملي اللي انتي عايزاه واللي نفسك تعمليه فيه

عمرو بجديه… نزلها يا خالوا نزلها… لما نشوف سوكه العبيطه دي هتعمل ايه والله لاكون قاطع لها لسانها ده ومعلماها الادب

ابراهيم بضحك😂😂😂… وعلي ايه يا ابني الطيب احسن انا هاخد بنتي ونطلع ننام

وطلع بيها… و همس بتزق فيه وبغضب… سبني يا هيما سبني اعلمه الادب

ابراهيم بيضحك 😂😂😂ودخل بيها اوضتهم… مش كفايه يا ختي أمك معلماني الأدب هتبقي انتي و أمك عليه

همس بتجاهل لكلامه وبهروب… سبني يا هيما سبني

ابراهيم حطها علي السرير وبضحك😂😂😂… هو انا مجنون عشان اسيبك… و شدها لحضنه… يلا بقا يا قلب هيما عشان احكيلك حدوته قبل النوم وتنامى لأن بكره ورايا مشوار مهم اوي

همس بسؤال… مشوار ايه يا هيما اوعي تمشي و تسبني تاني

ابراهيم بحب… متخافيش يا قلب هيما… انا هرجعلك بس مش لوحدي هرجعلك ومعايا حنين روحي

همس بعدم فهم… يعني ايه ؟؟

ابراهيم بجديه… ان شاء الله بكره هتفهمي كل حاجه يا حبيبتي يلا بقا بطلي كلام عشان احكيلك حدوته وننام

همس نامت في حضنه وبجديه… ماشي يا هيما احكيلي يلا

ابراهيم بحب وعشق و توهان👇👇👇

😴😴 😴😴

((#كان_يا_مكان_كان_فيه_ملاك_شافت_شيطان_و_في

#يوم_وليله_حبيته_و_عشقته_و_حولته_من_شيطان

#لعاشق_ولهان_حاربها_بكل_قوه_عشان_يفضل

#شيطان_بس_هي_بحبها_و_عشقها_خسرته

#الحرب_وخليته_يرفع_رايه_الاستسلام_ولما_رفعها

#دخلوا_شياطين_تانين_اخدوها_منه_وحولوا_حياته

#و_حياتها_لجحيم_و_خلوه_يبعد_عنها_سنين_وسنين_

#و_قابل_حوريه_جميله_واخدها_و_حولت_حياته_لجنه

#ونعيم_و_فضلوا_عايشين_فيها_لغايه_لما_قرروا

#يخرجوا_من

#الجنه_ولما_خرجوا_منها_قابلوا_شياطين_تانين_و

#وخطفوا_حوريته_منه_وعاش_حزين_مكسور_وقابل

#الوحش_الغول_اللي_قلبها_بيساعي_الكون_وساعدته

#عشان_ترجعله_حوريته_ومن_غير_ما_يكون_في

#الحسبان_رجعتله_ملاكه_تاني_وهو_كان_حاسس_انه

#بيحلم_او_انها_خيال_ومش_حقيقه_وشدها_لحضنه

#واتأكد_انها_ملاكه_اللي_حولته_من_شيطان_لعاشق

#ولهان_و_للاسف_لقاها_نسياه_ولما_افتكرته_قالتله_انا

#كرهاك_واختارت_البعد_عنه_مع_إنه_دايب_من_العذاب

#ومشتاق_لحبها_وحضنها_ماهي_حبيبته_وعشيقته

#والكون_ما_يساوي_عنده_من_غير_حبها_وعشقها_ليه

#وبعدت_عنه_واختفت_وظهرت_ومعاها_مجنون_بيقول

#عليها_حبيبته_وخطيبته_وان_شاء_الله_هيكون

#نهايته_الموت_لو_فكر_ياخد_حنين_الروح_و

#وعشق_ابراهيم))

😴😴😴😴

ابراهيم خلص حكايته وبص لهمسته لقاها نامت وهي حضناه… باسها من جبينها و ضمها اووي

واتمني حاجه واحده بس انه يضم امها قريب اوي زي ما هو ضامم بنتها كدا… ونام وهو دايب و هيمان في عيون حنين اللي احلي من عيون الغزلان

تاني يوم قام من النوم… ولبس

وهمس قربت منه وبحب… متتاخريش عليا يا هيما

ابراهيم بصلها بحب وعشق… قلب هيما و عقل هيما انتي حاضر مش هتأخر عليكي وخفي علي الواد عمرو شويه هو مش قدك

همس بمكر… لا تقلق يا هيما لا تقلق… وبمكر لان انا هروقه والله

ابراهيم بضحك😂😂😂… والله انا كدا قلقت اكتر يلا سلام و نزل تحت وقابل زينب

اللي اتكلمت وبجدية وخوف… ارجوك يا حبيبي خلي بالك من نفسك

ابراهيم بحب… متخافيش يا حبيبتي انا رايح ارجع مراتي متقلقيش وباس جبينها وخرج

وهي دعت له ان ربنا ييسر اموره ويحميه

ابراهيم ركب عربيته و راح بيها شركته ياسين اللي كان وصل هو و حنين من لحظات

و راح لموظف الامن ولسه هيساله… قاله انهم لسه واصلين

ابراهيم بجديه… تمام انا عايز ادخله ضروري

موظف الامن ثواني يا فندم هبلغه

وفعلا بلغ ياسين ان ابراهيم عايز يقابله وهو قاله خليه يطلع

وياسين قام بسرعه وخرج من مكتبه… وطلع لحنين في مكتبها… و شدها من أيديها… و دخل بيها مكتبه وساب الباب مفتوح

وزق حنين علي الحيطه وقرب منها جامد… وحنين بتحاول تبعده عنها

وبجديه واستغراب… بتعمل ايه يا مجنون ابعد عني

ياسين بضحك😂😂😂… اسكتي يخربيتك خليني اسبك الدور هتودينا في داهيه

حنين بعدم فهم… في ايه انا مش فاهمه حاجه

ياسين بضحك😂😂😂ولا عمرك هتفهمي… اسكتي بس وأنا هبقي افهمك انتي غبيه ليه… لفي ايدك بس حوالين رقبتي بسرعه واسكتي

حنين لسه هتعترض… لقت ابراهيم داخل… فلفت ايديها حوالين رقبه ياسين

وياسين لافف ايده حوالين وسطها وقريبين من بعض اوي

وابراهيم اتصدم أول ما شافهم كدا وقرب منهم بخطوات مميته

وبعنف وغضب وشراسه و غيره ظاهره… انت بتعمل ايه ده انت اخر يوم في عمرك النهارده