رواية كل هذا الحب – الفصل السادس والأربعون
الخاتمة الجزء الاول
الخاتمة… ج1
قرأه ممتعة
حنين وهي مازالت علي دموعها و شكواها لربها لقيت ايد بتتحط علي كتفها وحنين اتخضت وبفرحه… ابراهيم!!!!
وبصت وراها تتاكد… ولقيت شخص مخيف… وبخوف ظاهر… انت مين و عايز مني اية؟؟
الشخص بشر وجمود… انا مين… ده ميهمكيش
و عايز ايه… فمش انا اللي عايز
حنين بجديه وخوف… امال مين إللي عايز؟؟؟
الشخص بشر اكتر… موني هانم هي اللي عايزاكي… وموصياني عليكي… نعمل معاكي الواجب… وقرب من حنين… ولسه هيحط ايديه علي بوقها
حنين صرخت بصوتها كله… ابرااااااهيم… الحقنيييي
وفي اللحظه…الشخص كان مخدرها و مشي بيها
حنين قامت من النوم و بصريخ… ابرااااهيم ابرااااهيم انت فين الحقني
همس قامت وحضنتها وبخوف… مالك يا دادة مالك
و زينب دخلت تجري هي واحمد عليها
وحنين بحزن و وجع… فين ابراهيم… يا ابله زينب هو فين ؟؟؟
زينب قربت منها وبجدية وخوف علي اخوها… ان شاء الله هيظهر يا حبيبتي ان شاء الله
همس بدموع… طب هو غاب ليه يا عمتو هو مش عايز يجي ليه هو أكيد زعلان مني
زينب قربت منها و مسكت وشها و بدموع… هو عمره ما هيزعل من همسته و بعدين هيزعل منك ليه يا حبيبتي
همس بدموع و بصت لحنين… عشان كان كل يوم يكلمني عن الدادة حنين ويقولي انه عايز ياخدني و نروح لها وإن هي ماما و انا كنت برفض… وبخاف تاخدني و تحرمني منه
وبدموع و شهقات ومازالت باصه لحنين… والله أنا بحبك اوي… من أول ما شوفتك واستخبيت معاكي… بس لما لقيتك هتاخديني من بابا ابراهيم خوفت منك
وبرجاء… ارجوكي يا ماما حنين قولي لبابا ابراهيم إني بحبك اوي و عمري ما هزعلك مني تاني… بس ارجوكي رجعيلي بابا يا ماما حنين ارجوكي… انا هموت من غيره والله هموت من غيره… لانه هو أبويه وأمي و أخويا و صديقي وكل حاجه في حياتي.. ارجوكي يا ماما لو بتحبيني رجعيلي بابا ارجوكي
حنين شدتها لحضنها وبدموع و شهقات… ان شاء الله هيرجع يا حبيبتي ان شاء الله هيرجع… و طلعت همس من حضنها و قامت و بجديه… انا لازم اروح للعقيد رعد و هي اكيد اللي هتوصلنا ليه
زينب وأحمد بجديه… واحنا كمان هنجهز و هنروح معاكي
همس بجدية… وانا كمان هروح معاكم ادور علي بابا ابراهيم
حنين قربت منها و مسكت وشها وبجدية وحب… تأكدى يا همستي اني مش هرجع غير و بابا ابراهيم معايا
همس… بس انا خايفة انتي كمان تروحي و تغيبي عليا
حنين بحب وحنان… متخافيش يا حبيبتي ان شاء الله هرجع انا و هيما حبيبك و حبيبي
وسابتها ودخلت اخدت شاور… وصلت و دعت ربنا ان حبيبها و معشوقها يكون بخير ومفيش حاجه تأذيه وراحت هي و زينب و احمد #للوحش_المقنع
************************#كل_هذا_الحب_عشق_حنين_بقلمي_دي_دي_فتحي_صفحتي_الشخصيه_باسم_اللهم_اسالك_الفردوس_لوالدي
عند رعد👇👇👇
رعد بعد ما ياسين خرج… قعدت تفكر في كلامه مع قلق قلبها على حبيبها اللي هي بتداريه… قررت تشوفه فين وغايبه ده سببه ايه
و اتصلت علي وئام علي أساس انها اخته و قريبه ليه وللأسف مكنش عندها… وكمان اتصلت علي ادهم و علي اصحاب يامن برضه مفيش حد طمنها عليه
و هما بقالهم 16 سنه مع بعض وكل الاماكن إللي بيروحها محدودة… وبقلق لنفسها… طب هيكون راح فين
وخطر في بالها كل الاماكن إللي ممكن يروح فيها الا مكان واحد و هو مكانهم المفضل
وبجدية و تفكير… معقول يكون راح هناك معقول… وقررت تروح وتشوفه… لأن المكان ده اخر امل ليها انها تلاقي يامن فيه وفعلا راحت عشان تدور عليه
وراحتله مكانهم المفضل واتصدمت من اللي شافته هناك!!!
*************************عند حنين👇👇
حنين و زينب و احمد راحوا لرعد عشان تساعدهم… يلاقوا ابراهيم وللأسف لقوها خرجت… وراحوالها الجهاز و سألوا عليها ومكنتش هناك
وحنين حست بالعجز… و زينب دموعها نزلت بخوف و رعب علي اخوها
وحنين مكنش قدامها غير انها تستعين… بياسين وفعلا راحوا له الشركة وبعد السماح لهم بمقابله ياسين
ياسين أول ما شافهم وبضحك😂… أكيد جايين عشان تعزموني علي الفرح بس انا مش هاجي غير لما البأف هو اللي يعزمني بنفسه
وبضحك اكتر😂… قصدي ابراهيم هو زعلان مني ولا ايه… اكيد المزه دي وببص لحنين… فهمته إن كان قصدي شريف
وبص لحنين و بضحك😂… هااا يا مزه فهمتيه ولا هتلبسيني انا فيه
حنين بدموع و حزن… ابراهيم من ساعة ما كان في الحفله واحنا مش عارفين نوصله… ومش عارفين هو راح فين
ياسين بشبه ضحك😂… خيبه ليكون موت نفسه يا اااختي عليه و علي سنينه… هو الواد ده ايه مبيشبعش غم… يارب اعمل ايه في النصيب الاسود اللي رماكي انتي و البأف بتاعك ده في طريقي
زينب بدموع… يلا يا حنين نمشي من هنا يلا
ياسين بجدية…وببص لزينب… انتي مين ؟؟؟
هو طبعا شافهم في الشركه لما راح لابراهيم بس كان مركز مع ابراهيم مخدش باله منهم
احمد بجدية وعنف… اظن المفروض تسألني انا مش هي
ياسين بجدية… طب هي مين… وانت كمان مين؟؟؟
احمد بعنف… مش مهم احنا مين عن إذنك… ولا لسه عندك شويه تريقه عايز تتريقهم علينا؟؟؟
ياسين قام من على كرسيه وبجدية اكتر…انا اسف انا مقصدتش ابدا انا كنت بهزر معاكم و مقصدتش اتريق ولا حاجه
زينب بدموع و حزن… اخويا مش عارفين هو فين وانت قاعد تتريق عليه
ياسين بجدية… انا اسف انا بحسب الموضوع بسيط طب دورتوا عليه في كل الاماكن إللي محتمل يروحلها
حنين بدموع… ايوه دورنا ومحدش يعرف عنه حاجه
ياسين بجدية… طب يلا بينا نروح لرعد الجهاز
حنين بحزن… انا روحتلها بس هي مراحتش النهارده.. وكمان روحنا البيت و ملقنهاش
ياسين بجديه و تركيز… أكيد راحت ليامن المكان بتاعهم
حنين بجدية و رجاء… طب ارجوك قولنا المكان ده فين.. لانها الوحيدة إللي تقدر تساعدنا اننا نلاقي ابراهيم
ياسين بجدية وصدق… للاسف انا معرفش المكان ده… لإنه خاص بيهم هما الاتنين وانا محاولتش أسال عليه قبل كدا
… بس احنا ممكن نروح الجهاز و نقابل اللواء صبري وهو اكيد هيساعدنا
احمد بجدية… ومين اللواء صبري ده؟؟؟
ياسين بجدية وأمل…. ده يبقى ابو رعد وهو مش اقل منها كفاءه يلا بينا
وراحوا للواء صبري الجهاز وبعد السماح لهم بالدخول
اللواء صبري بجديه واستغراب…خير… وبيبص لياسين.. اكيد مجيتك دي وراها مصيبه قول يا اخرة صبري فيه ايه
ياسين بجدية حكاله… علي كل إللي حصل من ساعة ما كانوا في الحفله لغايه لما حنين و زينب وأحمد راحوا له
اللواء صبري بجدية… مع إن اللي انت بتقوله ده مش تخصننا… بس مؤكد هحاول اساعدكم واكمل مهمه بنتي علي ما ترجع علي خير ان شاء الله
وبجدية اكتر… لازم ندور في كل المستشفيات و اقسام البوليس لإنه اكيد لو أذي نفسه أكيد دول عندهم خبر
زينب بدموع وخوف… لا هو هيكون كويس ومش هيحصله حاجة
وحنين بتبص للواء صبري.. بدموع وحزن ونفسها يطمنها
وهو اتكلم بجدية… ان شاء الله هيكون كويس… نتأكد بس انه مش في المستشفيات ولا حد بلغ الاقسام بحاجه و مؤكد هنوصله ان شاء الله
وفعلا دوروا عليه في كل المستشفيات و الأقسام ومحدش وصلهم لحاجه عنه
واللواء صبري بجدية… انا هكثف البحث عنه و ان شاء الله في ظرف 24 ساعه هنوصله متقلقوش وروحوا انتوا و استنوا مني تليفون
و زينب و احمد وحنين مشيوا.. بعد ماودعوا ياسين… اللي قالهم انه هيتواصل معاهم علي التليفون عشان يطمن علي ابراهيم… ومشوا وهما في قمه حزنهم
وهما مروحين و مازالوا في العربية
زينب بتذكر ودموع… انا عرفت ابراهيم ممكن يكون فين… بس يارب احساسي ميخونيش و يطلع فعلا هناك
*****************************كل هذا الحب… عشق حنين… بقلمي دي دي فتحي… صفحتي الشخصية… باسم… اللهمّ أسألك الفردوس لوالدى
$عند مروان و موني$👇👇
مروان بجدية… لواحد من الرجاله اللي جابهم هو و موني… عشان يخطفوا حنين و ابراهيم… و ينتقموا منهم
و بجدية للشخص… انت منفذتش ليه يا حيوان انت مش معاك أوامر مني انك تخطفهم وتجبهوملي في اسرع وقت… يبقي منفذتش ليه ؟؟؟
الشخص بجديه… يا باشا اللي اسمه ابراهيم ده مظهرش من امبارح… وإللي اسمها حنين دي… معاها اتنين وعمالين يلفوا من هنا لهنا… يعني مش لوحدها
مروان بعنف وغضب… وانت يا حيوان مش عارف تتصرف وتخلص عليهم و تجبهالي
وبغضب اكتر… انا عايزها بأي شكل و بأي تمن… فاهم!!! حتي التمن كان حياه اللي معاها دول
الشخص بجديه… هما قدامي في العربية أهم يا باشا ومش عارف رايحين فين… انا ممكن اقطع عليهم الطريق انا واللي معايا… و نخلص عليهم ونجيبلك حنين
مروان بجدية وشر… استني شوفهم رايحين فين يمكن رايحين للزفت ابراهيم… ولو كانوا رايحين له فعلا خلص عليهم… وهات لي حنين وابراهيم بأي شكل و بأي تمن فاهم؟؟؟
الشخص بجدية وثقه…فاهم يا باشا فاهم… طالما اديتني أوامر بكده… يبقي اقري الفاتحه و شويه واجيبلك ابراهيم وحنين لو كانوا رايحين ليه ولو مش رايحين ليه هجيبلك حنين
مروان بجدية وشر… وانا منتظرك واعرف ان حياتك انت واللي معاك مقابل انك تجيب لي حنين و ابراهيم فاهم و قفل الخط في وشه
وموني اتكلمت بشر و انتقام… ليه مخلتهوش يخلص عليهم وليه عايز تجيبهم هنا
مروان بجدية ومكر…. انا هاخد حنين انتقم منها زي ما انا عايز… و هسيبلك ابراهيم تقتليه… تولعي فيه… اعملي اللي انتي عايزاه فيه
************************
$عند رعد$👇👇
راحت ليامن الجزيرة ولقيت حاله غير الحال
لقيته نايم في اوضه نومهم وحواليه صور كتير ليه هو ورعد… وكمان دقنه طويله و الحزن والكسره مالين وشه
جريت عليه و قربت منه و شالته و حضنته… وبدموع و خوف عليه… ليه عامل في نفسك كدا يا مجنون ليه
يامن بتعب و بصوت خافت… عشان الحياه عندي ملهاش أي لازمه من غيرك انتي… لانك امي وابويه واختي واخويا و كل حاجه في دنيتي وغمض عيونه
و رعد صرخت بصوتها كله… يااامن يااامن… فوق يا حبيبي فوق انا اسفة يا حبيبي… حقك علي قلبي وعنيه يا حبيبي حقك عليا… أنا اللي غلطانه فوق يا حبيبي فوق وللأسف لا حياة لمن تنادي
****************************كل هذا الحب… عشق حنين… بقلم.. دي دي فتحي… صفحتي الشخصية.. باسم… اللهم أسألك الفردوس لوالدى
$عند باسم في احدي المستشفيات في امريكا$👇
نجده علي سرير يرقد في إحدى الغرف في المستشفي هكذا هو حاله من حوالي شهر من وقت ما اسر ضربه بالنار طلقتين و أخد منه حنينه و نزل بيها مصر
ويصحي ويفوق… ومرات فوقانه اقل من مرات غيابه… وأمه قاعده جنبه… مكتئبه و حزينه…
بعد ما أسر ضربها علي دماغها وفاقت و طلعت لابنها و لقيته غرقان في دمه
واتصلت علي الاسعاف اللي جت واخدت باسم… ونقلته المستشفي ومن وقتها وهو مازال في العناية المركزة بيصحي ويغيب… وكل ما يفوق يسأل عن حنين قلبه… وأمه لا حول ليها ولا قوة و دموعها نازلة وخلاص
وفي يوم باسم كان خلاص بيلفظ انفاسه الاخيرة وبينهج و بصوت متقطع… سامحيني يا حنين سامحيني
أمه قربت منه و بدموع وحزن… ارجوك يا ابني متتكلمش و ريح نفسك
باسم بدموع وتعب… ارجوكي يا أمي روحيلها وخليها تسامحني علي اللي عملته فيها… ارجوكي يا أمي روحيلها.. لأن انا كمان عذبتها وحرمتها من حرية الاختيار وكنت أناني معاها… عشان تفضل ليا ومتروحش لغيري ارجوكي يا أمي روحيلها و خليها تسامحني و غمض عيونه و امه صرخت بصوتها كله… إاااااابني
بس كان خلاص فارق الحياه بعد معاناه من التعب اثر ضرب اسر ليه بالنار
وامه قررت تاخد جثة ابنها مصر وتدفنه هناك… وبعد الإجراءات و التصاريح… نزلت مصر ودفنته… وقررت تروح لحنين تطلب منها انها تسامح ابنها علي اللي هو عمله فيها
****************************
$عند حنين $👇👇👇
وهما مازالوا في العربية… زينب افتكرت المكان الوحيد إللي ممكن ابراهيم يكون فيه ويروحله وهو “المقابر”
وبدموع و حزن… هو اكيد هناك أكيد… هو لما الدنيا بتضيق بيه وميلقيش ليه مكان فيها بيروح هناك
حنين بدموع و حزن… مش ممكن يكون قاعد هناك وهيعمل ايه كل ده لوحده
زينب بجديه… انا حاسه إنه هناك بس يارب نلاقيه فعلا و يكون بخير
احمد بجدية… ان شاء الله يكون هناك و بخير…
وغير طريقه وراح للمقابر
والرجاله المكلفين بخطفهم مازالوا ماشين وراهم بعربيتهم
وبعد وقت ليس بقليل وصلوا المقابر
ورجاله موني إتصلوا علي مروان اللي أتكلم وبجدية وعنف… هاا قولي إنهم معاك لأني اكتفيت من الانتظار ومش هصبر عليك اكتر من كدا فاهم
الشخص بجدية… هما لسه مش معايا يا باشا بس وقبل مايكمل
مروان اتكلم بمقاطعه و بعنف وغضب… امال اتصلت عليا ليه يا حيوان انت؟؟
الشخص بجدية واستغراب… اتصلت عشان اقولك انهم داخلين المقابر يا باشا… ومش عارف داخلين ليه وهيعملوا ايه
مروان بستغراب… وهما هيروحوا المقابر ليه؟؟؟
وبجديه… انا لازم اعرف فيه ايه… أكيد الموضوع ده فيه إن… وانا لازم اعرفها
و بجدية اكتر … قولي انتوا فين بالظبط عشان اجيلكم… ولو طلعوا قبل ما أجي… هاتلي حنين و ابراهيم وخلص علي الباقي فاهم أنا عايز ابراهيم و حنين اللي عايشين بس… والباقي ميت وانا مسافه الطريق واكون عندك و لسه هيمشي
موني بجدية وانتقام… استني انا جايه معاك و مروان معترضش… وفعلا راحت معاه
زينب و احمد وحنين دخلوا المقابر… بخطوات مميته… وراحوا لمقبره ابوها وامها
وأول لما قربوا من القبر اتصدموا لما لاقوا ابراهيم نايم قدامها
زينب جريت عليه وقربت منه و حضنته اوي وبدموع و رعب عليه… ليه كده يا حبيبي ليه نايم كدا
وحنين أول ما شافته قلبها اتكسر نصين و حست انها مجرمة… وانها عمرها ما حبيته عشان لو كانت حبته مكنتش وصلته لكدا ابدا
دموعها نزلت بوجع وقهر وقربت منه وهو مازال في حضن زينب
وبدموع…. انا اسفة يا حبيبي انا اسفه يارتني كنت فعلا موت قبل ما اشوفك كدا… يارتنى كنت موت يا حبيبي
زينب بدموع و بتهز فيه…فوق يا حبيبي فوق… ارجوك متحرقش قلبي عليك يا حبيبي
احمد بجدية… انا هجيب مايه من العربيه واجي بسرعة
وفي لحظه كان جايب المايه وجه ورش علي ابراهيم
و ابراهيم بدأ يفوق وبتوهان و حزن… ارجوكي يا أمي خديني عندك… ارجوكي خديني أنا مليش مكان في الدنيا دي سبتيني ليه يا امي سبتيني ليه
احمد بجدية… اسنديه معايا يا زينب اسنديه نطلعه من هنا
ابراهيم بصريخ بعد ما انتبه لوضعه… انا مش همشي من هنا ابعدوا عني و سيبوني في حالي بقا أنا مش عايز حد وبيبص لحنين وبدموع وحزن و وجع… ومش عايزك انتي كمان لانك طلعتي اقسي قلب فيهم عليه
وقبل ما حنين ترد احمد شد زينب وطلعوا بره… و زينب لسه هتتكلم وتعترض… احمد بصلها و بجدية… احنا هنستناهم بره في العربيه وخرجوا
و زينب بجديه لجوزها… انا خايفه يصمم علي رأيه وميخرجش
احمد بجدية وثقة…اكيد هيخرجوا لان حنين استحاله تسيبه كدا
حنين بصت لابراهيم بدموع وحزن و وجع… انا عمري ما كان قلبي قاسي عليك… لان طول عمري بحبك و بعشقك… وعمري ما كرهتك… كنت دايما بتمني حبك و قربك… كنت دايما بتمني افضل في حضنك
وبدموع و شهقات… و انت طول عمرك قاسي عليا
حتي لما ضربتني وهنتني وطردتني… كان نفسي تسمعني.. كان نفسي الاقي في قلبك شويه حب ليه… عشان تديني فرصة ادافع بيها عن نفسي
وبدموع اكتر… كان نفسي لما كنت في الغيبوبة تدخلي و تطمني انك هتفضل معايا… كان نفسي اسمع منك متبعديش عني لاني بحبك ومقدرش استغني عنك.. بس انت عمرك ما حبتني ولاحتي كان ليا مكان في قلبك… برغم ان حبك بيجري في دمي بس انا ولا حاجه بالنسبالك… وحتي لما قررت اختفي مقدرتش ابعد عنك بس انت اللي بعدت عني
بس اوعدك اني هختفي المرة دي ومش هتشوفني تاني و لسه هتقوم
ابراهيم شد ايديها بدموع و وجع… وانا عمري ما حبيت ولا هحب قدك انتي… لاني من أول ما شوفت صورتك اللي بعتيهالي و ده وخد ايديها حطها علي قلبه❤️ وده عمره ما دق ولا هيدق لحد غيرك
وبدموع… عارفه عمره ما بيدق كدا غير وانتي معايا وقريبه مني
حنين بدموع… طب ليه عملت فيا كل ده… دا انا اترجيتك كتير إنك متبعدش عني… وانك تيجي و تتقدملي واني هرفض مروان عشانك… ليه رفضتني.. طالما انت بتحبني ليه؟؟؟
ابراهيم بدموع اكتر و وجع وكسره وبيشاور علي قبر ابوه و امه عشان متبقيش زي دول عشان ميجيش اليوم واموتك فيه
حنين بعدم فهم… طالما بتحبنى هتموتني ليه
ابراهيم بصريخ… عشان أبويه كان بيحبها بجنون وهي عمرها ما حبيته… عشان كأنت عايزه كل حاجه (الفلوس والفيلا والعربيه) وده إللي كان موفرهولها… وكانت عايزه الحب بمفهومها هي… مع انه كان بيحبها وبيعشقها وهي كانت بتمثل عليه انها بتحبه هي كمان
وبدموع اكتر… بس كانت بتخونه مع صديق ليا… يعني بتحب واحد من سن ابنها… ولما اكتشفت ده
اتصدمت و قولتلها وواجهتها… وبدموع وانين يقطع القلوب وهي بلا مبالاه قالتلي….انا عمري ما حبيت أبوك لأنه بالنسبالي بنك مفتوح 24 ساعه… وعمري ما هحبه لأن قلبي مليان بحب غيره
وكمل بدموع وانينكنت بشوف خيانه امي لأبويا ومش قادر أتكلم ولا انطق
وفي يوم قررت اموت عشيقها ده… وفعلا كنت هنفذ ده عن طريق حادثة من مجهول… وهي عرفت واتجننت ولما عرفت ان انا اللي عملت كدا
وقررت تواجه ابويا وتطلب منه الطلاق… بس هو عشان كان بيحبها وبيعشقها… مكنش مصدق اللي هي بتقوله لانها كانت بتمثل طول الوقت عليه انها بتحبه وبتعشقه… وهي في الحقيقة بتحب فلوسه وبس
والوضع فضل كدا حوالي شهر كمان وفي يوم ابويه وهو راجع من السفر بعد ما كان هيغيب في السفر اكتر من كدا… رجع لظروف تعبه واكتشف خيانه امي ليه مع صاحبي
وابراهيم سكت وبص لحنين اللي دموعها نازله وقلبها موجوع علي كلام حبيبها ومعشوقها
وبحب و عشق… كمل يا حبيبي كمل انا سمعاك قول كل اللي جواك يا حبيبي عشان ترتاح
ابراهيم حط ايده علي وشه وعيط بوجع وصوت عيطته علئ
وحنين شدته لحضنها وضمته اووي وبجديه وحب… خلاص يا حبيبي طالما مش عايز تكمل متكملش ووقت ما تكون عايز تتكلم… هسمعك بقلبي قبل ما أسمعك بعقلي
ابراهيم وهو مازال في حضنها مسك في هدومها بخوف و رعب… واستخبي اكتر في حضنها زي العيل الصغير وبدموع و شهقات… هو قتلها يا حنين ابويا قتلها قتل أمي قدام عنيا ولما جريت عليه… ادافع عنها… و اترجاه عشان يسيبها زقني ووقعت وراسي اتخبطت… ومحستش بنفسي غير بعدها وانا في المستشفى
و زينب اختي وجوزها جنبي ولما قومت وسألت علي امي قالولي انها ماتت… وابويا اتسجن فتره و بعدها جتله سكته قلبيه ومات… وقبل ما يموت كتب وصيته اني مخدش حاجه من فلوسه ولا من شركته عقاب ليا اني كنت رايح ادافع عن أمي
وبدموع و شهقات اكتر وهو مازال في حضن حنين… والله برغم اللي هي عملته عمرى ما كرهتها… كنت بحبها اوي وكان نفسي تبطل اللي هي بتعمله علي الاقل عشاني انا و زينب
وزينب كانت اتجوزت وانا اللي كنت فاضل معاها وشاهد علي كل افعالها وخيانتها لأبويه
وعدا سنه واتنين… وانا بعمل كل حاجه واي حاجه حرام… مع اني عمري ما عملت حاجه حرام ولا شربت ولا عصيت ربنا وكنت بصلي… وكنت من الاوائل علي دفعتي… بس بعد إللي حصلي ده… بقيت اكتر واحد بعمل معاصي وبعصي ربنا… وبعمل الغلط وانا عارف انه غلط و… بغمل الحرام وعارفه انه حرام… وكنت بكلم بنات كتير اوي علي النت واعلقهم بيا و اكسر قلبهم أمان مني ان مفيش واحدة مخلصه لواحد ولا بتحبه
ومع الحاح زينب وزعلها اتجوزت أول مره وطلقتها… وتاني مرة و طلقتها… لأني كنت دايما بشك في كل تصرفاتهم وهما في عنيا دايما خاينين
وبعدها خطبت مرتين وسبتهم وفضلت اكلم بنات واكسر قلبهم و هكذا
لغايه لما اتعرفت عليكي انتي و طلع نفسه من حضن حنين… و مسك وشها وبدموع وحب و عشق… والله العظيم… والله العظيم… من أول ما شفتك وانا قلبي دق لك انتي وبس… ولما طلبتي مني اجي اتقدملك كان نفسي اجي واكمل حياتي معاكي… بس خوفت اقتل بايدي اكتر انسانه حبيتها في حياتي خفت لتكون نهايتك الموت علي ايديه
وهو و مازال ماسك وشها وبدموع… و لما حاولت اكلمك تاني و رفضتي تكلميني اتجننت… وأكدت لنفسي انك أكيد عمرك ما حبتيني وكنتي بتمثلي عليا زي ما امي كانت بتمثل علي ابويه
وكنت هنتقم منك بطريقه تانيه غير الفيديو اللي انا فبركته… بس رودي بنت عم مروان جت قدمت لي الطريقة علي طبق من دهب و ساعدتني اني انتقم منك وانتقمت منك علي أساس انك مبتحبنيش
بس بعد كدا اكتشفت إنك بتحبيني واثبتيلي ده و قررت أصارحك بمشاعري واكمل معاكي انتي وبس حياتي… وقبل ما يحصل ده دخل القدر ولعب لعبته معانا وبعتلنا أسر عشان يهدم كل احلامي من قبل ما يتحقق منها ولا حتي حلم واحد
وبعدنا عن بعض ست سنين وبدموع وحزن و وجع… والله عمري ما نسيتك ثانيه وحدة في ال ست سنين دول… وكنت حاسس انك عايشة وما موتيش والله عمري ما قولت لهمس حاجة وحشة عنك و عمرى ما كرهتها فيكي… وكنت دايما بدلها الحب والحنان اللي جوايا اللي انا مقدرتش اديهولك
وبدموع… ارجوكي سامحيني يا حنين روحي… ارجوكي اغفرلي اللي انا عملته فيكي… والله عمري ما حبيت ولا هحب حد غيرك
حنين حطت ايدها علي ايده اللي مازال ماسك بيها وشها وبحب وعشق جارف… حنين روحك عمرها ما زعلت منك عشان تسامحك لانك انت وبس 👇👇
لانك انت وبس اللي انا حبيته ومازالت بتحبه
لانك انت وبس عشقي و معشوقي الأول والاخير
لانك انت وبس كل حياتي و أمالي
لانك انت وبس اللي ليه (كل هذا الحب يا عشق حنين )
وبمكر و مشاكسة…هااا هتطلع من هنا وتجيب لي احلي فستان وتعملي احلي فرح ونجيب شروق الصغيره ولا هتفضل هنا في المقابر و متعملش حاجه؟؟؟
ابراهيم بحب وعشق و بيقرب وشه… بوش حنين وبهمس يخطف القلوب… انا بحبك اوي اوي ياحنين روحي… والله بحبك وبعشقك ونفسي اجيب منك دسته… واعيش انا وانتي اللي ضاع من عمرنا
حنين بعدت عنه وبجدية و مشاكسة… انت مش واخد بالك اننا في المقابر… ولازم نخرج منها بقا لاني هموت من الرعب
ابراهيم لسه هيرد عليها كان رد مروان اللي متابع هو و موني من وقت و محسوش بيه لما ضرب زينب و جوزها اللي كانوا مستنينهم بره في العربية… ودخلولهم
ومروان اتكلم وبشر وغضب وانتقام… متقلقيش ياحنين قلبي لانك انتي بس اللي هتخرجي من هنا… اما هو هدفنه هنا حي واشفي غليلي منه… و ارجع الحق لاصحابه تاني… وانا وبس اللي صاحب الحق ده
انتظروا الخاتمة ج2
الفصل التالي: اضغط هنا
يتبع.. (رواية كل هذا الحب) اضغط على اسم الرواية لتجد الفهرس كاملاً بجميع الفصول.