رواية الضحية – الفصل الثالث
“اشتقت لوجه لا أدري مافعل التراب به”
رانيا: فتحت الباب ومن اول ماشفت خالاتي طحت ع اركابي معاش قدرت نوقف عرفت انه صاير شئ.
خديجة:تحضن في رانيا وتبكي كله كاتب كله كاتب يابنتي.
كميلة: اوخيتي الغالية .
رانيا: فجاة بديت نحس في كلامهم يبعد ونسمع في صوت جنان تعيط وتقولهم قالتي بنجئ علاش هكي……ومعاش حسيت بشئ الا وانا في المستشفى.
خديجة: سبحان الله من يقول محسن بيروح وهيا بتموت❤️.
كميلة: الله يرحمها ويغفرلها.
خديجة: كيف بتشوفها رانيا وهيا شبه متشوهة ومحلامها متغيرة.
كميلة: محسن تعبان كان هذا راهو عرف كيف يتصرف مع رانيا.
خديجة: سبحان الله مقيولة قسمك ايجيك واجلك تمشيله.
جابوا الجنازة وكالعادة جابوها في اسعاف ركبوا اخواتها شافوها وبعدين جاء دور بناتها…
رانيا: ملامح امي متغيرة مش هيا بكل معاش قدرت نشوف خفت وجنان انهارت رغم اني في قمة انهياري لكن تفكرت كيف توصي فيا ع جنان لاخر لحظة وكأنها حاسة بروحها بتموت….
قيس: ربي يرحمها ويغفرلها خالتي الباهية ياسركم انزلوا.
انس: خليهم يشوفوها امهم .
محسن: ياسر كيف ماقال قيس.
غزالة: نبي نشوفها .
خديجة: في خاطري ياعقرب ع اساس تحبيها ماهو تكرهي اسمها ..
محمد: حولوا خلي امي تشوفها..
كميلة: خديجة راك تتكلمي ساد اولادك شادين الدور متعك.
خديجة: ايه خالتهم ولا تبيهم زي اولادك لايهشو ولاينشوا.
محمد: واقف من بعيد يفنص في رانيا باش تفهم وتخش لكن هيا في وقت غيرته هيا قلبها ينزف ع امها….
طلعت سيارة الاسعاف وانتهت قصة عايدة للي عاشت طيبة وماتت مظلومة…..
رانيا: فراغ امي مستحيل يسده حد كل يوم نوقف نتفكر وين كانت توقف شن كانت تقول كيف تفيق فيا للفجر كله محفور في ذاكرتي وكأنه ينعرض قدامي …..
محسن: معاش قادر نخش للحوش ياريتني مانزلت غيرت العجلة متع السيارة يارتني متت معاها.
خالد: راجل خديجة اتقى الله في نفسك ربي هكي كاتبلها تموت بتعارض امر الله .
محسن: راهي رفيقة عمري ، كيف بنخش لداري ونشوف مكانها فاضي من مازال بيسأل عليا.
خالد: ربي يعوظك في بناتك يارب.
محسن: ايه والله.
أنس: شن ياقيس نشوف فيك معاش عندك صنعة غير حوش خالتي الله يرحمها..
قيس: مصح وجهك الحق بنات خالتك ماعندهم حد غيرنا ولاناسي نفكرك.
انس: وانت عاد الحنين بابا الكل ياعطيك قهرة وخلاص واضح عليك عيونك في رانيا درت العار راهو.
قيس: تسكر فمك ولا نتكلم معاك بطريقة ثانية بالك تفهمني خير…
انس: تبي نخشلك واسطة في الموضوع عادي مايحشمك شئ انت تبي رانيا وانا ناخد جنان وزيتنا في دقيقنا وتمشي الامور.
وهما يتكلموا لين وقفت خديجة ع رأسهم ….
خديحة: ياسلام والله الذئاب البشرية مدايرة اجتماع توا ياحقير منك ليه هذا كلام ينقال بالكم فيه انتم الحب توا ولا تحسابوا رانيا وجنان يستنوا في حبكم ….نوض تل يشحطك انت وياه.
ومر ع وفاة عايدة ثلاثة شهور محمد يحاول يوصل في رانيا لكن بدون فايدة ماتردش عليه..
محمد: صفاء اليوم بنرفعك لحوش خالي محسن نبيك تقولي لرانيا ترن عليا.
غزالة: من المطبخ طيح سعدي وخلاص الولد ولدي والعرف مش عرفي…
محمد: راهي بنت خوك كانك ناسيه.
غزالة: انت للي ناسي انه عندي بنت اخ اخرى اسمها جنان زي فلقة القمر ..
محمد: توا للي بتبني مربية عليها كبد اكثر من للي من لحمك ودمك.
صفاء: الله غالب المحبة بخوث.
محمد: انت سكري فمك واسكتي وديري شن قتلك.
غزالة: نقطع يدي كان ماتتطلعش تكلم في واحد من اولاد خالتها فلوس وعلم بتشوفلك انت علاش وهما في حالة الوفاة مصاريف سيارة ماشية وسيارة جاية.
محمد: ناض وهو بيهبل من كلام امه للي زي السم ولكن في نفس الوقت شاك ومش راضي ع وجودهم في حوش خاله….
لبست صفاء وطلعت مع محمد ….وصلوا لحوش محسن نزلت صفاء ومحمد قاعد في السيارة…
جنان: اهلين صفاء كيف الحال.
صفاء: تمام كيف حالكم انتم ، وين رانيا .
جنان: في الكوجينة ادير في قهوة لقيس .
صفاء: بكل خبث طلعت الهاتف ومشت للمطبخ بعد ماتسبلت لجنان اعطيني بندول وقفت صورتهم…..
جنان: صفاء قعدت ندور فيك شن اديري اهنيا …
صفاء: شئ بنروح سلام ،توا نرجع مرة ثانية.
محمد: خيرك طلعتي بسرعة شن صار كلمتيها.
صفاء: كلمت من الهانم اطيب في القهوة لولد خالتها واهيا صورتها كيف ماقالت امي شوف بعينك باش تعرف انك مضحوك عليك…
محمد: من الصدمة والكلام للي سمعه معاش حس بروحه الا نازل وخاش لحوش خاله.
رانيا: لما سمعته يعيط عرفت انه بتصير مصيبة .
محمد: شن واقفة اديري معاه بروحك في المطبخ يامتربية يابنت خالي .
رانيا: والله ماندير في حاجة نطيب في القهوة.
محمد: القهوة سبلة باش يخش فوتيه ع غيري.
قيس: معاش قدر يسكت طول ضرب محمد وبدت رانيا تعيط وتحاول تفكهم من بعض .
لعند خش محسن وشافهم يتعاركوا.
محسن: شن فيه بعقولكم انتم .
محمد: اسأل بنتك ياخالي شن واقفة ادير في المطبخ مع ولد خالتها…
محسن: شن الكلام للي تقول فيه شن ادير يعني قهوة وانا نعرف بنتي شن وقيس شن تربيته.
محمد: فعلا تعرف انا للي نستاهل شن دخلي اصلا وطلع محمد وهو بيموت من الغيرة مش متقبل فكرة انه رانيا واقفة في نفس المكان هيا وولد خالتها…
صفاء: عاجبك العياط والعار ع خاطر شن بالله توا تستاهل هيا.
محمد: مانبيش نسمع ولا كلمة لين نوصل للحوش.
صفاء: ساكتة ..
رانيا: حاضنة جنان وتبكي تخايلي ماخلا ماقال عليا خاينة ومش متربية ….هذا هو هكي قال غيره شن بيقول.
جنان: امسحي دموعك انا نعرف من وراء الموضوع اصلا.
رانيا: من قصدك.
جنان: الحرباء صفاء لانه جت سألت عليك قوتلها اطيب في قهوة لقيس….
ثاني يوم جت غزالة لخوها وقعدت تهدرز عليه قريب ساعة وبعدها طلعت….
محسن: تعالوا نبيكم في كلمتين.
جنان: نعم يابابا.
محسن: الموت حق والحي يبي والميت يبي مافيش حد بيحس بفقدان عايدة غيري مصيركم اديروا حياش وانا نقعد بروحي والوقت طويل…
رانيا:من المقدمة كان واضح الكلام للي يبي يقوله.
محسن: عمتك غدوا بتمشي تخطلبي وبنقرأ الفاتحة طول …
جنان: علاش مستعجل خلي نشوفوها.
محسن: بعد غدوا تشوفها في الحوش وتتعرفوا عليها براحتكم.
رانيا: ماقدرتش نشد دموعي بالساهل هانت عليه امي نضت خشيت لدار….
جنان: مش راضية لكن واضح انه مصمم بعد جيت غزالة للحوش….
بعد يومين …
محسن: تفضلي ياعروسة لحوشك.
رانيا: كيف فتحت الباب باش نشوف وكان…
الفصل التالي اضغط هنا
يتبع.. (رواية الضحية) اضغط على اسم الرواية لتجد الفهرس كاملاً بجميع الفصول.