رواية حياتي فقط – الفصل السادس عشر
الفصل ١٦
فلاش باك
في بدايه التمرين
رنا : علي
علي ببرود : نعم يا رنا
رنا : انت قولت انك هتتقدملي النهارده علشان نكمل الخطه
علي بضيق : ماشي وانا هكمل معاكي في الخطه
حياه سمعت رنا وهي بتقول لعلي انه يتقدملها وقررت تروح عنده تفهم منه ايه الموضوع بعد التمرين وفضلت قريبه منه طول التمارين بعد انتهاء التدريب
حياه ذهبت لعلي علشان تسأله ونادت عليه : علي !
!ولكن في شخص ملثم من وراها راكب موتوسيكل
ضرب نار عليهم ولكن علي شافهم بعِد حياه فجأه واخد الرصاصه مكانها
باك
حياه بصوت عالي وصدمه : علييييي !!!!!!
سيف شافها جري عليه بسرعه وشاله هو والدكاترة
ملك مصدومه ومش بتتحرك
في المخيم
جوا في العمليات
دكتور عبد الله : الرصاصه جنب القلب ولازم دكتوره حياه تكون معانا
دكتوره مني : انا هخرج أجبها حالا بتخرج برا بتلاقي ملك والاء وسيف وطارق وباقي الظباط والدكاترة
دكتوره مني : محتاجين دكتوره حياه معانا في العمليه لأنه العمليه خطيره وباسرع وقت
الاء : انا هروح اشوف هي فين واجبها بسرعه
سيف : استني انا هاجي معاكي ويخرجوا يلفوا عليها
سيف بيلاقيها قاعده في الارض ومنهاره في العياط
سيف : دكتوره حياه محتاجينك جوا
حياه مش بترد ومستمره في البكاء
سيف صعبت عليه وقعد جنبها : العياط مش هيعمل حاجه هما محتاجينك دلوقتي
حياه ببكاء حاد وعنيها حمرا من كتر البكاء : انا …. انا السبب كان المفروض اكون انا اللي جوا مش علي
سيف : طب اهدي قولتلك قبل كدا دا قضاء وقدر وربنا عايز كدا لازم تقومي دلوقتي علشان علي لازم تنقذيه مش انتي عايزه تردي جِميلُه عليكي
حياه بصوت يقطع في قلب سيف : مش ..مش هقدر اشوفه قدامي كدا
سيف : لا هتقدرى انا عارف دكتوره حياه كويس وهي بتنقذ راجل مريض كان احتمال نجاته وشفائه ١٠ %
حياه بدأت تتشجع وقامت وبصوت يكاد اكتسب بعض الثقه : ايوا …انا هقدر انقذه
سيف : يلا بسرعه هما منتظرينك دلوقتي وانا هفضل هنا مستني تجي وتقولي العمليه نجحت
حياه قامت بسرعه وذهبت للمخيم
سيف كان قاعد بيفكر في كلام الباشا وفعلا حياه حياه في خطر وانه كان يقصدها هيا مش علي
****************
في المخيم
دكتور عبد الله كان بدأ في العمليه وحياه جات في الوقت المناسب وكانت متوتره وبترتعش ولكن دكتور عبد الله شجعها وبدأت في العمليه وبعد فتره طويله من العمليه فجأه قلب علي وقف
في الخارج
الممرضه بتجري وملك بتوقفها وبتقولها في ايه
الممرضه : قلب دكتور علي وقف والدكاترة جوا هيعملوا له انعاش
ملك بتسمع كدا وبيغمي عليها
الاء بصوو عالي : ملك ! !!!
وبياخدها الدكاتره وبينقولها لسرير وبيفوقوها وهي شبه نايمه وفي عالم تاني وبتنادي : علي !! علي
!!!
عند علي
حياه : هاتو جهاز الانعاش بسرعه
عبد الله : جابه واعطاه لحياه وعادت ضربات القلب مره تانيه
وبعد عده ساعات كان الليل يسود المكان حياه خرجت هي والدكاترة وعرفت من الاء اللي حصل لملك وذهبت ليها مسرعه
حياه : ملك وحضنتها بسرعه
ملك بصوت مبحوح: حياه ، عل…علي يا حياه
حياه بتحاول تهديها : علي كويس وبخير يا روحي
خرجنا الرصاصه وساعه كمان وهيستعيد وعيه وهيكون بخير ان شاء الله
ملك هديت : عايزه اشوفه
حياه : ساعه كدا وادخلي شوفيه يا روحي
ملك بدموع : انا بحبه اوي يا حياه كان قلبي هيقف
حياه بتحاول تهديها وتطبطب عليها : نفسي افهم ليه بتعملي في نفسك كدا وحست بثقل عرفت ان ملك نامت
فخرجت وسابتها ترتاح
طارق : الدكتور علي عامل ايه دلوقتي
حياه : ساعه ويفوق ونشوف حالته وتتذكر سيف
وتفتكر انه قالها هيفضل هنا لحد ما تيجي فتذهب اليه مسرعه
في الساحه حياه بتجد سيف واقف والدنيا برد
حياه بذهول : لسه واقف
سيف : ما انا قولتلك اني هفضل لحد ما تيجي ، ايه اخبار علي !!
حياه بابتسامة أظهرت غمازتها: العمليه نجحت الحمد لله وساعه وهيفوق
سيف بابتسامه : مش قولتلك انا واثق انك هتنجحي
حياه بامتنان: الفضل ليك انك وقفت جنبي ومستسلمتش
سيف بيحس انها بردانه : طب تعالي جوا الجو برد
حياه : الجو جميل خليني شويه وانا كمان ساعه هدخل اطمن على علي
سيف : خلاص هقعد معاكي
حياه خرجت شيكولاته من جبها : تاخد
سيف ضحك واخدها منها : هي علي طول معاكي كدا
حياه بابتسامة: طبعا دي العشق
سيف في نفسه يا بختها
بعد فتره حياه : تعرف ان علي دا ابويا التاني
سيف : ازاي!!
حياه وهي بتاكل شوكولاته : علي كان يعتبر ابن ماما وبابا الأول لانهم جابوني بعد ٨ سنين جواز ، وعمو وعمتو ماتو وسابو علي وهو صغير وبابا وماما اخده وربوه كأنه ابنهم وبعد ما انا اتولدت علي هو اللي سماني حياه ، مكنش ليا صحاب كنت بعتبره هو صاحبي الوحيد ، كنت اي حاجه اخاف منها اقوله ، كنت في المدرسه كنت بافتخر قدام زمايلي ان ليا اخ دخل طب ، اما هو دخل الجامعه سابنا وقعد في شقه لوحده ساعتها انهارت من العياط كنت عندي حوالي ٩ سنين لاني خلاص بقيت لوحدي ولما شفت ملك حبتها اوي وجات عاشت معايا وساعتها بقينا احلي اخوات ، وعلي كمان كان بيجي يقعد معانا تخيل كنت بغير لما علي كان بيهتم بملك وضحكت ،
سيف حاسس بغيره ومش عارف السبب : طب واهل ملك فين
حياه مرضتش تقول انها كانت في ملجأ: ماتو وهي جات عاشت معايا وميبقاش ليا غيرها هي اصلا احلي حاجه حصلتلي
سيف ابتسم علي حبها لملك رغم انها مش اختها بالدم
حياه : الوقت عدي بسرعه انا هروح اطمن علي علي
سيف اومأ ليها
حياه لفت وشها ليه تاني : شكرا ليك مش عارفه لو مكنتش رحت كان حصل ايه وذهبت
****،*************************
عند علي كان لسه مفقش
ملك قاعده جنبه والدموع مغرقه وشها : علي اصحي، فتح عينك بقي !! انت تعرف اني قلبي كان هيقف ، انا اسفه علي كل حاجه انا زعلتك فيها ، مش هزعلك تاني والله بس قوم علشان خاطري ، والله بحبك وما حبيت حد قدك انت الوحيد اللي وقفت جنبي انت وحياه خلتوني عمري ما احس اني يتيمه وبتعيط جنبه بشده وبتحط دماغها علي السرير ولكن بتحس بأيد بتلمس دماغها
ملك بتقوم بسرعه : علي !! انت كويس
علي بوجع : م..ملك !!
ملك بفرحه : اهدي خالص ومتتكلمش انا هنادي لحياه
وخرجت مسرعه تنادي لحياه
حياه : علي !! وكشفت عليه ووجدت حالته مستقره
وبعد فتره علي بيستعيد قوته شويه والدكاترة بيجيبوا يشوفوه وملك بتفضل معاه ويفضل بيص ليها
*********************
في اليوم التالي
حياه تدخل تشوفه تاني وبتلاقي حالته مستقره وبتعيط بشده
علي بهدوء : ب..بتعي..بتعيطي ليه بس
حياه بدموع وبتقرب منه : كدا تضحي بحياتك علشاني انا مستهالش دا كله
علي : انتي…تستاهلي..الدنيا..كلها.مش حياتي بس ..وبعدين انتي بنتي مش اختي يا حياه
حياه : ربنا ما يحرمني منك ابدا
الباب بيدق ويدخل طارق وسيف ومحمد : الف سلامه علي يا دكتور
علي : الله يسلمكم مكنش ليه لزوم تتعبوا نفسكم
سيف : دا واجبي علينا انتو في حمايتنا واحنا مسكنا اللي ضرب نار وهنعرف مين وراه
علي : بس ليه هما …عايزين يأذوا حياه
سيف : مش عارف ، قريب اوي هنعرف
طارق : بس الاكيد في حد من جوا بيبلغهم مكانها لانه هيعرف منين انها كانت في المعسكر
سيف : بس لحد الوقت دا لازم دكتوره حياه تاخد بالها من نفسها ومتخرجش الا وحد معاها وانا هكون بنفسي بحميها ومتابعها
حياه باحراج : لا انا هعرف احمي نفسي كويس
علي بخوف عليها : لا يا حياه حضره الظابط عنده حق احنا كنا سوا والدكاترة كلها معانا وحصل ضرب نار لازم حد يكون بيراقبك ويراقب الناس حواليكي
محمد : وانا هزود الحراسه علي السكن
سيف : الف سلامه مره تانيه وخرجوا
**********************
في مكان آخر
الباشا بعصبيه : مين اللي قال للحمار دا ينفذ دلوقتي
مساعده بتوتر : انا قولتله بس يراقبها
الباشا ضربه بالقلم: وهو هينفذ لوحده
مساعده : انا قولت علشان اللي بيساعدنا يعرف اننا مش بنهزر ويجيب لينا القرص علشان طول
الباشا بعصبيه: غبي ! ونزل فيه ضرب لازم القرص يكون معانا الأول وبعدين ننفذ دا آخر انزار ليك معايا غلطه كمان وهيكون رصاصه في دماغك المتخلف دا جايباه نصين
مساعده بخوف وقام باس علي ايده: صدقتي مش هعمل كدا تاني سامحني غلطه ومش هتتكرر
الباشا زقه برجله : مشغل بهايم ومساعده هرب من امامه
بعد فتره رن علي سيف
الباشا : علشان تعرف اني مش بهزر الرصاصه المره دي جات في قلب دكتور تاني الرصاصه الجايه في قلب القموره ان شاءالله
سيف بعصبيه : قسما بعزه جلاله الله لو مسكتك ما هرحمك
الباشا : هههههههه تبقي بتحلم في المشمش ان شاء الله لو عرفت تلمس شعره مني بس بس علشان خاطر القموره أصلها الصراحه مزه وتستاهل هديك ٤ ايام كمان تجيب القرص بدل ما اجيبه بطرقتي ههههههه وقفل
سيف بعصبيه شديده: يابن *****
************
عند حياه بتفضل مع علي
وبتجي ملك تاخد بالها منه
علي : ملك انتي كنتي بتقولي ايه امبارح
ملك باحراج وبتوتر وبتحس ان علي سمعها وهي
بتقوله انها بتحبه : لا مفيش كنت قاعده جنبك بس
علي : اصل مش فاكر حاجه فكنت بحسب بتقوليلي حاجه مهمه
ملك في نفسها كويس انه مش فاكر ولا سمع حاجه : لا مفيش حاجه
وبتخرج حياه تشوف باقي المرضي وبترجع لمكتبها بتلاقي سيف قدام مكتبها
سيف : لازم اي حاجه هتعمليها بلغيني بيها واضغطي علي الجهاز اللي معاكي لو حصلت اي حاجه طارئه وانا مش معاكي
حياه: تمام
ومشي سيف
أثناء التدريب حياه بتدرب هي والاء وملك بتستأذن علشان تفضل مع علي
دكتور عبدالله بينادي علي حياه وسيف بياخد باله ودكتور عبد الله بيقرب من حياه: دكتوره حياه في حاله مريض عايز اخد رايك فيها
حياه : تمام يا دكتور بعد التدريب
سيف بيلاحظها وبيقول ليها : كان عايز منك ايه
حياه : مفيش حاجه
سيف بيتعصب وبيمشي وبيكملوا باقي التمارين
بعد التمارين حياه بتقول لألاء تمشي هي تروح السكن وهي هتشوف حاله وتيجي
حياه تذهب لمكتب عبد الله: خير يا دكتور فين الحاله دي
عبد الله : الصراحه يا دكتوره مفيش حالات ولا حاجه أنا معجب بيكي وعايز اتقدملك
حياه لسه نتتكلم : م…..
فجأه سيف بيدخل :……
يتبع ………….
ياتري سيف هيعمل ايه ؟؟
مين الباشا دا وعايز القرص دا ليه ؟؟؟؟
وعلي وملك هيكملوا ولا كل واحد هيلاقي حد يعوضه ؟؟؟؟
اللهم صل وسلم على نبينا وحبيبنا محمد وعلى آله وصحبه أجمعين ❤️❤️❤️
*********************
الفصل التالي: اضغط هنا
يتبع.. (رواية حياتي فقط) اضغط على اسم الرواية لتجد الفهرس كاملاً بجميع الفصول.