رواية حياتي فقط – الفصل الثامن عشر
الفصل ١٨
تستيقظ ملك وعلي وجهها ابتسامة جميلة فهي تظن ان كل ما حدث كان حلم ، ولكن ازعجها صوت وصول رساله لتجدها من علي ، ففتحتها وتفاجأت مما وجدت حيث كتب ” صباح الخير علي احلي عيون في الدنيا ، وحشتني الكام ساعه دول ” ابتسمت ملك وصرخت بسعادة فلم يكن ما حدث حلم ولكن صوت صراخها ايقظ حياه وروان
حياه بنعاس : فيه ايه علي الصبح
روان : فيه ايه يا ملك بتصرخي ليه
ملك بابتسامة: مطلعش حلم كان حقيقه ، كل دا حصل امبارح
حياه ابتسمت فهي تعرف ماذا تقصد ، اما روان لاتعرف شيء فهي تقضي معظم الوقت مع سلمي
روان : طب فهموني طيب بتضحكوا علي ايه
حياه : اصل ملك وعلي هيتخطبوا قريب ان شاء الله
روان باقتضاب فهي لم تتابعتهم من عده ايام ، واذا علمت سلمي فسوف تذلها مره اخري ثم قالت : الف مبروك يا ملك
ملك بخجل: الله يبارك فيكم
روان بمرح : والست الاء اللي في سابع نومه دي مسمعتش حاجه
حياه : دي لو الدينا اتهدت مش هتصحي ثم حاولوا يصحوها ولكن بدأت تصحي بعد فتره طويله
الاء بنوم : فيه ايه علي الصبح ، مالكم كدا متجمعين
ملك بابتسامه: اخيرا يلا علشان ننزل ، قومي البسي
الاء : ومالك مبسوطه كدا ليه ، دا انا يا شيخه قولت انك بتخافي تضحكي ، خايفه علي وشك يكرمش ولا حاجه
ملك بغضب مزيف : وانت مالك يا رخمه
ونزلوا واتجهوا لعملهم
____________________
بعد فتره في المخيم
الاء في اوضتها : يدق الباب ويدخل طارق
الاء : اتفضل يا سياده الرائد
طارق بمرح : ايه الاحترام اللي نزل عليكي فجأه كدا
الاء بتضرب ايديها بمنظر طفولي مضحك :لا حول ولا قوة الا بالله، لا حول ولا قوة الا بالله، يعني لا كدا عاجب ولا كدا عاجب ، اعمل ايه شلتوني
طارق ضحك علي منظرها
الاء اتوترت: كنت عايز حاجه
طارق : كنت عايز اتبرع بالدم
الاء قامت من مكانها وجابت الحقنه وطان ينظر لها وهي لحظت فتوترت ولكن سحبت منه الدم
طارق : ممعكيش حاجه كدا ولا كدا
الاء بعدم فهم : حاجه زي ايه
طارق : اكل يعني
الاء : اه ، استني واخرجت له كسين مولتو وشبسي وببسي وقالت دول ينفعوا
طارق: حلوين ، رضا ، حد لاقي
الاء : بس تبقي تقول اني بعمل مصايب تاني
طارق باستغراب مزيف : انا !! وقال بتمثيل وهو يغير صوته يقطعني ، د ا انتي ست العاقلين كلهم
الاء ضحكت عليه بعلو صوتها
طارق ابتسم : بس خلاص ، وخرج وسابها
_________________
في أوضة علي
حياه : صباح الفل ، عامل ايه
علي بابتسامة: صباح العسل ، عامله ايه
حياه بابتسامة هي الاخري وهي تقوم بالكشف عليه : لا دا احنا مروقين علي الاخر ، ممكن اعرف السبب
علي بابتسامة : علي اساس هي مقالتلكيش
حياه ضحكت
فقال لها علي : مش سالكه انتي علي فكره
حياه : وانا عملت ايه بس ، بس الحمد لله بقينا كويسين خالص اظن دا بفضل ملك
علي : المهم عايز اخد رايك في حاجه ، اخطبها هنا ،ولا استني لما نرجع
حياه بتعجب : هنا !! ازاي يعني متستني لما نرجع وابقي اطلب ايديها من بابا ، احنا بنتنا غاليه يا دكتور علي
علي : والله !!دلوقت متعرفنيش ! ثم انا بابا وماما عارفين ، وهي خطوبه ايه يعني دا مجرد البسها الخاتم والكل يعرف اننا مخطوبين ولما نرجع نكتب الكتاب علي طول
حياه بخبث : ااه قولتلي !!! طب عادي لما نرجع نعمل خطوبه كبيره ونعزم قرايبنا كلهم وخلاص
علي : انتي متخلفه !! بقولك انا عايزهم هنا يعرفوا اننا مخطوبين علشان لو وقفت او اتكلمت معاها ومحدش يقرب منها
حياه بابتسامة: بتغيري عليها يا بطه
علي : بطلي برود وقوليلي رايك ، …ولا اقولك مش عايز حاجه انا كدا كدا هعلن اننا مخطوبين
حياه بابتسامة كبيره : وتقولي انا اللي مش سالكه ، بس علي العموم الف مليون مبروك يا حبيبي، ربنا يتمملكم علي خير يارب
علي بابتسامه: المهم متقوليش حاجه هعملها مفاجأه
حياه : ناوي علي ايه
علي: بصي ………….. …بس مش عارف أجبها ازاي هناك
حياه بسعادة : متقلقش انا هساعدك يا برو بس هتعرف تعمل دا هنا
علي : علي النعمه انا مليش غيرك ، انا كان سهران معايا الرائد محمد وقولتله ووافق
حياه ضحكت : دا انت مخطط بقي من زمان
علي : هعتمد عليكي
حياه : عد الجمايل بس
علي : مردودالك في الافراح ان شاء الله
حياه خرجت وسابته
_______________
في مكان آخر
الباشا : قولتلي انك معاك اسبوع وتجيب القرص والنهارده اليوم الاخير
المجهول : وانا عند كلامي ، وقدرت اوصله بس لازم تخطف الدكتوره الاول علشان الاتفاق ولا ناسي
الباشا : مش ناسي بس هما زودا الحراسه شويه حولها ومش هقدر بسهوله اخطفها من نصهم ، وخصوصا لو سيف هو اللي بيحميها بنفسه
المجهول بغضب وعصبيه : وطالما مش عارف بتوافق ليه من الاول ، انا هتصرف واشوف افضل وقت تنفذ فيه واكلمك
الباشا: انا جاهز انا ورجالتي، هنستني منك الوقت المناسب
وفقل المكالمه
الباشا بفرحه: ههه واخيرا هقدر اوصل للقرص
مساعده: ممكن سؤال يا باشا
الباشا : علشان انا فرحان بس هخليك تسأل
مساعده : هو ايه اللي علي القرص دا ، انا عارف ان اللي بيكون معاه بيكون ليه صلاحيات كتتير
الباشا: هههه صلاحيات بس ! دا اللي بيكون معاه مسموح انه يعمل اي حاجه ويكون ليه حصانه كامله ومش بس كدا بيكون فيه كارت فيزا مفتوح يعني تصرف براحتك ، اقدر أزور اي مكان في العالم واقعد فيه براحتي وكمان مطلوب من اي دوله انا بروحها توفري سكن واكل وخدم وكل حاجه ههههه وقال بخبث واللي يهمني نقدر ندخل الاسحله والاعضاء بسهوله اوي ولا حد يقدر يكلمنا ولا يوقفنا بمجرد بس احصل عليه هترفع لفوق اوي
مساعده بذهول : كل دا
الباشا : واكتر ، لازم اجيبه باي تمن
____________________
عند سيف
سيف : محمد بدل مكاني النهارده وانا هبقي دربهم بالليل
محمد : ليه مالك
سيف : انجز بس يلا علشان متتاخرش وخرج محمد
سيف في نفسه وهي مين دي يعني علشان اعطل شغلي علشانها ، من امتي بيهمه حد وبيعمله حساب بس اقنع نفسه انه مش عايز يشوفها
أثناء التدريب
محمد : السلام عليكم انا اللي هدربكم النهارده مكان الرائد سيف هو عنده مهمه دلوقت وهيدرب دكاتره بالليل مكاني اومأوا له
الاء : طب والله ربنا نجده، دا انا كنت ناوياله علي نيه سوداء
حياه : علي الاقل مش هشوف وشه !! في ستين داهيه خنجر بيه
وأدوا التمارين وبعد الانتهاء حياه حكت لالاء علي اللي علي ناوي يعمله وانه هيعمل زي احتفال صغير كدا في الساحه وهيقول للدكاتره يجوا والمطلوب مننا محدش يعرف ملك واننا نعرف نجبها هناك واخبروا روان والتي واقفت علي مساعدتهم ولكن اخبرت سلمي ورنا بكل شئ
الاء : الله !! وانا هقعنها يلا بينا
وذهبوا للمخيم واخدوا ملك وذهبوا لاوضتهم
_________________
المجهول : انا لقيت الوقت المناسب ، النهارده بالليل هديك الاشاره تنفذ وقاله هيعمل ايه علشان يأمن الوضع ويخطفها بسهوله
الباشا بفرحه : هكون في عربيه سوداء علي بعد ١٠٠ متر من المكان في نفس اللحظه اللي هستلم فيها القرص هتسمعي خبر الخطف
حل الليل وتقريبا كان علي اخبر جميع زملائه ان يتجمعوا في الساحه وقد سمح لهم الظباط بعد ان قاموا بزياده الحمايه (طبعا دكاتره الشيفت التاني بيتابعوا الحالات )
في اوضه الفتيات
الاء : ايه رايكم نخرج زي اليوم اللي فات وننزل تحت نقعد
ملك : ويحصل زي المره اللي فاتت ويجمعوا كلهم ومش هنعرف نستمتع ، لا انا مش نازله عايزين تنزلوا انتي انزلوا
حياه : ليه يا ملك تعالي معانا ، مش هنسيبك لوحدك
روان : كمان لسه بدري العسكري مش هيقولنا حاجه هو بيجي الساعه ٨ دلوقتي لسه ٧
ملك بقله حيله : طب يلا
حياه والاء وروان لبسوا وكانت حياه ترتدي فستان اسود كانت قد اخدته معاها وطرحه بيج مع اصرار الاء ان تضع المكياج لأنها خطوبه اختها حتي ولو كانت في هذه الظروف فلن تتكرر مره اخري ، ولكنها وضعت مكياج بسيط مما جعلها جميله كدا ، وارتدت الاء فستان نبيتي لبعد الركبه ذو اكمام دنتيل ووضعت المكياج وتركت لشعرها العنان فقد اذداد طولا بعض الشئ ، اما روان فرتدت فستان قصير زيتي ووضعت المكياج وتركت شعرها أيضا وبعد أن انتهو انتبهت لهم ملك
ملك قالت بصدمه : هو انتو رايحين فين ، ايه اللبس دا ، انتو مدركين اننا في الصحرا ودلوقتي احنا جايين في شغل
الاء : احنا حبينا نغير كدا حتي ولو مره واحده حتي مش هنفضل مكبوتين كدا علي طول يلا انتي كمان البسي اي فستان جبتيه معاكي
حياه : يلا يا ملوكه
ملك : انا حاسه ان انتو رايحين فرح بجد
روان : فرح ايه يا ستي !!احنا حبينا نغير جو بس وبعدين مفيش حد تحت الظباط في المعسكر والدكاترة في المخيم واحنا هنكون بعيد عنهم
أخرجت لها الاء فستان بيج طويل : البسي دا هيكون جميل عليكي
ملك: لا طبعا مستحيييييل !!!!
بعد فتره
ملك : مش عايز يتوسع شويه
الاء : اسكتي !!اما احط الروج
ملك : ليه دا كله
الاء بعصبيه: تعالو امسكوها مش عارفه اتزفت اشتغل
ملك بابتسامه: خلاص مش هتكلم تاني والله بس عايزه اعرف ليه دا كله
حياه : مفيش عادي يعني وبعدين ما احنا كلنا لابسين زيك اهو
وبعد أن انتهو كانت ملك جميله جدا بالفستان البسيط الذي جعلها تبدو كأميره حقيقية، فكان المكياج رقيق
أظهر ملامحها
حياه ادمعت عندما رأتها
الاء : انتي بتعيطي ليه انتي كمان وربي ما حاطه مكياج لحد تاني دي شغلانه تقرف
حياه بدموع وعينها بتلمع : اتخيلت انك بالفستان الأبيض وهتمشي وتسبيني
ملك وهي تقول بدموع : مين دي اللي هتسيبك انا هفضل قاعده معاكي مش رايحه في حته
روان بتأفف : في ايه !!! فعلا لازم الستات دول لازم يقلبوها نكد
الاء : معاكي حق يلا يا حببتي منك ليها ننزل
_______________
بعد فتره
نزلوا للساحه
ملك : طب المفروض نجيب حد يولع نار علشان نقعد
فجأه اشتعلت النار في كل مكان مما جعلت الساحه منيره ووجدت الدكاتره والظباط جاهزين كأنهم في فرح اتصدمت ملك
ملك : هو فيه ايه ، هو في فرح هنا وانا مش عارفه
غمزت ليها حياه وشاورت ليها
لفت ملك نظرها وجدت علي يتقدم منها وهو حامل بوكيه ولكن ليس ورد بل ورق علي شكل ورد
علي بابتسامة وهو يعطيها البوكيه: معلش الظروف بقي
اتصدمت ملك ولم تقدر علي الكلام
علي : ملك !! انتي سامعاني
انتبهت له ملك اخذت ملك البوكيه وهي غير مصدقه ماذا يحدث : دا بجد
علي : طبعا يا روحي
واخدها وبعد فتره البسها الدبله اللي يحتفظ بها في كل وقت والبسته الدبله هي الاخري وهي لا تصدق ان علي قام بكل ذلك ثم سمعوا صوت تصفيق عالي من الدكاتره والظباط وقام احد الدكاتره بتشغيل الاغاني لكن بصوت ليس بعالي
حضنتها حياه والاء واتي باقي الدكاتره ليهنيؤهم
اتي سيف ولم يكن يعلم ماذا يحدث : هو فيه ايه هنا
فانتبه له الجميع ولكن محمد قال مفيش حاجه تعالي بس هفهمك واخد سيف بعيدا
حكي له محمد
سيف بغضب : اعمل فيك ايه ، اقتلك دلوقتي ولا اموتك ضرب قالبلي الساحه كباريه
محمد : وفيها ايه يعني دي مجرد حفله صغيره عرضها عليا دكتور حسيت انه مكتب من عشرين سنه وقولت افرحه
سيف : يا حنين !!
محمد : وبالنسبه للمخيم فيه الدكاتره اما بالنسبة للعساكر انا قولتلهم فيه حفله بالليل وهما وافقوا براحتهم، نتسلى شويه طيب بدل ما احنا ضرب وزعيق ليل نهار ، ويلا انت كمان غير هدومك والبس حاجه حلوه من بتوعك دول وتعالي فك شويه
سيف فقد اعصابه من تصرفات محمد : انت عارف هيجي يوم ومش هعرف امسك نفسي عنك وأفضل اضرب فيك لحد ما تقول حقي برقبتي
محمد : وانا أطول اضرب من ايد سيف بيه باشا الهلالي
سيف : والله لو حصل حاجه
قاطعه محمد : متقلقش مفيش حاجه هتحصل
بعد فتره
كان علي وملك يرقصون
وايضا حولهم باقي الدكاتره وكان الظباط في مكان بعيد قليلا عن الدكاتره البنات وكانو يرقصون أيضا كأنهم لم يفرحوا من ١٠٠ سنه
علي : مبسوطه
ملك بسعاده : حاسه اني بطير ، شكرا علي كل حاجه
علي : اطلبي انتي بس وشوفي هعمل ايه
فخجلت ملك وذهب علي للشباب وتركها مع البنات والتفت لالاء وروان اللي يرقصون وحياه واقفه جنبهم بتسقف بس وهي مبسوطه وجنبها سلمي التي تتوعد لهم وباقي الدكاتره البنات
اتي سيف ووقف جنب طارق الذي يظهر عليه الضيق : مالك
طارق بعصبيه : مفيش
سيف : لا اكيد فيه حاجه ، دا قولت زمانك مهيص مش انت بتموت في الحفلات برضو
طارق وقد انفعل اكثر : ليلتها سوداء ، انا هعرفها ازاي تلبس فستان زي دا وذهب ليراها
سيف ضحك عليه وقد أدرك ما يحدث له : مجنون
و بدأ يتجول بعينه ليراها فوجدها في زيها الاسود البسيط الذي يجعلها جميله ، بل فاتنه اقسم في نفسه انها اجمل فتاه رأها وانها تخطف الانظار من حولها ولكن افاق علي هذا ، كيف ترتدي مثل هذا هنا واغمض عينه وقرر ان يتوقف علي التفكير بها فبعد ما حدث لن يكلمها مره اخري سيحميها فقط من بعيد وسلمي عندما رأته اخدت تتقرب منه فكانت ترتدي فستان بينك قصير للغايه ولكنه يتجاهلها
عند طارق سحب الاء من يديها واوقفها علي جنب
الاء : فيه ايه ، بتشدني كدا ليه
طارق بغضب : ما تهدي شويه ، ولا انتي حابه العيون اللي يتبصلك دي
الاء : ايه الهبل اللي بتقوله دا
طارق : وبعدين ملقتيش غير الفستان المقرف دا
الاء وقد حست بالانكسار من كلامه ولكم لم تظهر ذلك : وانت مالك ، انتي مين انت علشان تتدخل في لبس
وتركته وذهبت
بعد فتره قالت حياه لالاء وروان انهم يجيبوا العصير
ذهبت الاء لتأتي بالعصير الذي احضرته هي وحياه وروان ووضعوه في كوبايات وعندما ذهبوا ليحضروه وكان معهم ٤ شباب
حياه : مالك يا الاء
الاء : مفيش ما انا زي الفل اهو
ولكن وجدوا الباب مفتوح
حياه باستغراب : الاء مش انا قولتلك اقفلي الباب بعد ما نخلص
الاء باستغراب هي الاخري : انا قفلته
وعندما فتحوا الغرفه اللي سابو فيها العصير ووجدوا العصير زي ما هو لذلك لم يقلقوا ولم يهتموا
حياه : التربيزات دي لو سمحت انقلوهم وبالفعل نقلها الشباب
وذهبوا للحفله
وعندما وصل العصير شرب الكل منه ولكن بعد فتره ……
يتبع ………
انا اسفه جدا علي التأخير بس حصلت شويه ظروف 🫠🤍وانا طولت البارت تعويضا لكم ❤️
متنسوش تقولولي رايكم وتصوتوا للرواية ❤️❤️❤️
اللهم صل وسلم على نبينا وحبيبنا محمد وعلى آله وصحبه أجمعين ❤️❤️❤️
الفصل التالي: اضغط هنا
يتبع.. (رواية حياتي فقط) اضغط على اسم الرواية لتجد الفهرس كاملاً بجميع الفصول.