رواية حياتي فقط – الفصل التاسع عشر
الفصل ١٩
أول ما وصل العصير مع الشباب علي بينادي علي الكل علشان يشربوا سلمي اخدت كوب عصير لتعطيه لسيف وحياه بتشوفها وبتتغاظ منها
سلمي بدلع : اتفضل
سيف ببرود : مش عايز ، وبتصر عليه سلمي
سيف ينظر الي حياه وبيلاقيها متغاظه فبيقرر يغيظها اكتر : طب هاتيه وبالفعل اخده وشربه وهو ينظر الي عين حياه
الاء : الحفله تحفه مكنتش متوقعه انها تكون كدا
حياه بابتسامة : معاكي حق ، انا كمان متوقعتش انها تكون كدا بس اهم حاجه ملك مبسوطه
الاء : تعالي نشرب عصير
حياه : يلا
فجأه الكل بيحس انه دايخ والدينا مشوشه قدامهم فحياه بتاخد بالها
حياه : هما مالهم كدا داخين كدا ليه
الاء : انا حاسه كدا برضو وبتروح لملك اللي قعدت علي الكرسي مغمضه ملك !!! ، ملك !!
حياه : بتلاقي الكل بدأ يوقعوا في الارض ف لسه بتصوت فيه عربيه جات من وراها وضربوها علي دماغها
الاء شافتهم فصرخت باعلي صوتها : حيااااه !!!!
ولكن بيضربوها وبتقع في الارض
سيف بيكون دايخ والدينا مشوشه ولكن بيشوف رجاله نازله وبيضربوا حياه فبيجري ناحيتها ويضرب فيهم
سيف بعصبيه وعيون تكاد تري : سبها يا حيوان
وبيضرب فيهم ولكن فيه واحد بيضربه علي دماغه ويخدوها ويمشوا
_________________
عند الباشا في العربيه
المجهول : دا القرص اهو ، اتمني تكون نفذت الاتفاق
الباشا بخبث : الباشا لما يتفق علي حاجه مبيرجعش في كلمته ، وهي زمانها علي وصول تحب نعمل معاها ايه
المجهول بابتسامة: عذبها ، شوهها ، اقت*لها اعمل فيها أي حاجه بس المهم مترجعش
الباشا بضحكه شريره : نشوفها علي الطبيعه الأول
ويمشي المجهول
ووصل العربيات مكان ما بيدو انه قريه والتي يديرها الباشا
واحد : احنا وصلنا يا باشا نعمل ايه
الباشا : حطها في المخزن تحت علي ما أفضلها
واحد : تحت امرك يا باشا
الباشا وهو يتخيل ماذا سيحدث له في الايام القادمه
وعلي وجهه ابتسامة خبث : خلاص كل اللي نفسي فيه هيحصل ، محدش هيقدر يقف قدامي من تاني ولكن يهدم أحلامه صوت مساعده
مساعده: مصيبه يا باشا
الباشا : فيه ايه يا زفت
مساعده : القرص دا مزيف ، أول ما حطيته في الجهاز بتاعه ، مشتغلش
الباشا بعصبيه مفرطه : يعني ايه !! اتضحك عليا !! وربي ما هرحمه !!!
مساعده : هو ازاي اصلا دا اتعمل منه واحد مش اصلي محدش يعرف يعمل كدا
الباشا بحقد وعيون تملأها الشر : اكيد هو سيف !! هو اللي عمل كدا !!محدش يعرف يعمل كدا غير اللي معاه
مساعده بخوف : اهدي بس يا باشا ، لازم نفكر في حل كويس
الباشا اتصل بالمجهول : بقي بتضحك عليا ، وتسلمني المزيف
المجهول بصدمه : يعني ايه !!
الباشا : يعني مش دا القرص الحقيقي، ومش انا اللي اخر الزمن حد زيك ينصب عليا ، قسما بالله لو مجبت القرص الحقيقي لأفضحك
المجهول : طب استني عليا هتصرف وابلغك
الباشا رمي التليفون واتكسر ميه حته
بعد فتره حياه ابتدت تفوق ودماغها واجعها من الخبطه: ااه ، انا فين وبدأت تخبط علي الباب وتقول بصوت عالي : افتحولي، عايزين مني ايه
احد الحراس : ايوا يا باشا ….، فاقت
الباشا نزل عندها وفتحوا الباب كانت حياه واقفه : انت مين !!
الباشا بضحكه خبيثه : انا عملك الاسود زي الفستان دا بالظبط
حياه : ابعد بتقرب كدا ليه
الباشا : بس مكنتش اتوقع انك حلوه اوي كدا
حياه بخوف : عايز ايه ، انا والله ما عملت حاجه، ولا اذيت حد ، ابعد عني ، انت واحد قد ابويا
يتقرب منها الباشا يتحسس وجهها ولكنها ضربته في بطنه جامد : ابعد عني متلمسنيش، يا عليييييي!!!!!يا سييييييف !!!!! تعالو الحقوني
الباشا : لا طلعتي بتخربشي كمان ، حلو انا احب النوع دا ، وبعدين مفيش حد ينقذك مني
حياه اتشجعت وقالت : واموتك كمان لو ايدك دي قربت مني او لمست شعره مني حتي
ودخل رجاله من بره لما سمعوا الصوت جوا
الباشا بضحكه: هههه اتصدقي خوفتيني ، بس انتي تعرفي سيف ، شكله حبيب القلب
حياه : علي الاقل هو مش بيستخبي ويخطف في المداري زيك
الباشا بعصبيه : علشان كلامك دا هخلي الرجاله تروق
عليكي شويه ويوجه كلامه علي الرجاله وقال بخبث : بس براحه يا شباب دي مهما كان ضيفه عندنا
الرجاله : اوامرك يا باشا
حياه بتصوت لما حد بيقرب منها وبتضربه بكل قوته وتحاول تفتكر كل الحركات اللي اتعلمتها في التدريب وبالفعل بتعرف تدافع عن نفسها لحد ما حد بيضربها علي رجلها بحاجه زي كرباج كدا بتصرخ حياه باعلي صوتها
واحد منهم : كفايه عليها كدا وبيسبوها وبيخرجوا
حياه بتقع علي الارض وبيغمي عليها من كتر الضرب
_____________
عند سيف بعد فتره من الوقت وتقريبا ٢ بالليل يبدأ يفوق وبيحس في الم رهيب في دماغه وبيفتكر اللي حصل لحياه فبيتعصب وبيلاقي كلهم في الارض ومش عارف ايه اللي حصلهم ولكن يبدأ طارق يفوق وشويه شويه كلهم بيفوقوا ومش عارفين ايه اللي حصل
طارق بصداع شديد : ايه اللي حصل !! انا مش فاكر حاجه
محمد : ايه اللي حصل!!ازاي نمنا كلنا كدا في الارض
سيف !!مالك ايه الدم دا
سيف : حياه اتخطفت
طارق ومحمد مصدومين: اتخطفت !!!!
فبيتصدم علي اللي كان وراهم وكان عايز يسألهم ايه اللي حصل وقال بصوت عالي صادم : حياه فين
طارق : اهدي بس علي ، هنلاقي حل وهترجعلك سليمه
علي بعصبيه ونرفزه : اهدي ازاي يعني ، وهي مش هنا ، دي امانه في رقبتي ، والله لو ما رجعت ما تعرفوا هعمل ايه
محمد : متقلقش هنعمل كل اللي في ايدينا علشان نرجعها
ملك بتروح لعلي : علي !! حياه والاء فين
علي بعصبيه وغضب وهو لا يدري ماذا يقول : دا كله بسببي لو معملتش زفت حفله كانت زمانها هنا ، ياريتني ما عملت حفله ولا كلمتك ولا عرفتك من أصله، هقول ايه لماما وبابا دلوقت ، معرفتش اصون الامانه ، معرفتش احميها
ملك مصدومه من كلامه وقالت بنبره ألم : دا فعلا بسببي ، انا مستحقتش افرح ولا اضحك حتي ، وعايزه اقولك هي كمان اختي واكتر منك كمان وسابت ليه الخاتم
وقالت بحزن وبدموع: انا اسفه علي كل اللي سببته سببتهولك وسابته ومشيت ولكن علي لم يستوعب اي كلمه فكل ما يفكر به هو حياه
سيف دخل مكتبه واتصل علي الباشا وجد تليفونه مغلق فاتعصب اكتر وخرج
بعد فتره عالجوا الاء وبتقول وهي بتعيط بشده : حياه يا ملك !! وملك بتبكي أيضا
الباب خبط دخل سيف : لو سمحتي عايز اعرف ايه اللي حصل
حكت له الاء علي ما حدث وهي بتبكي
وخرج سيف ولكن وجد تليفونه بيرن
الباشا : هههه مش قولتلك حتي لو خسرت فأنا كسبان
سيف بعصبيه مفرطه : إياك تقرب منها وديني لاموتك في أيدي
الباشا : لسه برضو بتهدد ، شكلك لسه متعرفش بتكلم مين ، بس كويس انك قلقان عليها ، بس تعرف علي الحقيقه طلعت احلي
سيف وقد اسودت عيونه من الغضب : وربي ما هرحمك ، انجز عايز ايه
الباشا بخبث: القرص الأصلي يجي ولو عملت فيها شاطر او حاولت تتذاكي وتبلغ حد هبعتهالك حثه وساعتها ابقي شوف ذكائك عملك ايه
سيف بغضب : إياك تجي يمها ، او بس تلمسها
الباشا باستفزاز : تصدق معاك حق حرام اقتلها ، حرام الجمال داكله يموت ، ايه رأيك اتسلي بيها شويه علي ما تيجي او اقولك اتجوزها علشان لو فكرت تلعب بديلك وتبلغ الشرطه هتكون مراتي ومفيش حد بيخطف مراته معاك لبكره باليل ساعتها انت اللي هتقرر ياما هتكون مراتي او ترجعلك او ممكن مقدرش استحمل لبكره ههههه وبيقفل الخط
سيف رمي الموبايل وقعد يفتكر كل المواقف اللي حصلت بينه وبين حياه واعترف لنفسه انه بيحبها لأ بيعشقها ، هي الوحيده اللي قدرت تعلي صوتها عليه وسكت ، ومكنش عارف ليه مش بيرد عليها زي الطبيعي بتاعه ، وكان بيستغرب من نفسه اشمعنا هي بالذات ، واشتعلت نار في قلبه لما تخيل ان الواطي دا
هيتجوزها واقسم انه هحاول يرجعها حتي لو فيها موته
طارق و محمد دخلوا وحكي لهم سيف وقال محمد : يتجوزها !!!! يعني ايه!!
طارق : اكيد حد مراقبنا هنا لأن القرص اللي اتدهولي اتسرق ودا معاناه ان …
علي اتي وخبط علي الاوضه : في اي اخبار ، انا مش هطمن الا لما نرجعها
حكي له سيف عن الباشا ولكن طمنه انها مسألة تخصه وهو المسئول عنها وسوف يرجعها
علي بغضب وحده : نعم !!!!! يعني ايه يتجوزها
محمد : بس لو اتجوزها مش هنعرف نرجعها تاني حتي لو وصلنالها
علي بغضب : دا انا اموته فيها …..ثم قال طب وايه العمل هنرجعها ازاي
طارق بتفكير : مفيش غير حل واحد
سيف باستغراب : ايه هو
طارق : هو ………………
_____________
بعد فتره
سيف بيدخل يجهز اسلحته ولبسه
طارق : انت هتعمل ايه!! انا هاجي معاك
سيف ماشي الساعه ٦ الصبح هنمشي
سابه طارق ومشي
سيف كلم الباشا ووافق علي كلامه وقاله العنوان وجهز سيف وكتب ورقه لطارق ومحمد انه مستحيل يخاطر بيهم وانه قد المهمه دي وهينقذها وكتب لعلي ميقلقش حياه هترجعله بالسلامه واخد موتوسيكل مشي
___________________
بعد عده ساعات كانت الشمس طلعت وفاقت حياه ولقت نفسها في نفس المكان اخدت تدعو ربها ان ينجيها وتخرج من المكان دا بخير وسليمه
ولكن الباب فتح ودخل الباشا : جهزي نفسك يا حلوه ، النهارده فرحك
حياه بعدم فهم : فرح مين ؟
الباشا بخبث ونظره حقيره : فرحك ؟،؟ ولا تحبي نعيش سوا من غير جواز
حياه : انت واحد زباله وحقير و متخلف وربنا عمره ما هيسيبك
الباشا وقد استفزته وقال باستفزاز : خلي العقاب كمان شويه علي ما يجي المأذون وخرج
حياه : يارب ساعدني ، يارب انقذني وظلت تدعو ربها
في الخارج
الباشا : هات مأذون القريه بسرعه
المساعد : وليه تتزوجها يا باشا
الباشا بحقد : اصل انا مش غبي ، انا متأكد مليون في الميه ان سيف ذكي ومش هيجي لوحده وهيجيب معاه حد ، وساعتها هطلع من المولد بلا حمص ، وقال بخبث إنما لو اتجوزتها مش هيقدر يعمل حاجه وكمان ههدده بيها علشان يجيب القرص واطلقها
مساعده: دا انت دماغك دي سم
الباشا ضحك خبيثه: هههههه
وأسرع يجيب المأذون
بعد عده ساعات
المأذون : حرام ، طالما العروسه مش موافقه الزواج لا يجوز
المساعد وجعل مسدس علي دماغه : اكتب وانت ساكت والا .
فخاف الشيخ وسكت
حياه : مش همضي ولو عايز تموتني موتني،
ضربها الباشا كف مما جعل شفتيها تخرج دم : امضي والا اموتلك حبيب القلب قدام عينك دلوقتي
حياه : علي جثتي ان اتجوزك ، الموت رحمه عنك
الباشا : خلاص انتي اللي قررتي دلوقتي هبعت رجلتي يخلصوا علي كل الدكاتره زمايلك وكمان حبيب القلب
حياه : لا ، لا كله الا هما
الباشا : هتمضي ولا
حياه ببكاء : همضي خلاص ولسه هتمضي
سمعوا صوت ضرب نار بره
الباشا بغضب وضرب حياه بالقلم مما جعلها تترنح : امضي بسرعه والا قسما بالله اموتلك الشيخ دا قدامك
دخل سيف الاوضه : وهو ينفع برضو تتجوز واحده متجوزه !!!
يتبع …………….
قولولي رأيكم في البارت ❤️❤️❤️❤️
اللهم صل وسلم على نبينا وحبيبنا محمد وعلى آله وصحبه أجمعين ❤️❤️❤️❤️
ممكن تصوتوا للرواية ❤️❤️
الفصل التالي: اضغط هنا
يتبع.. (رواية حياتي فقط) اضغط على اسم الرواية لتجد الفهرس كاملاً بجميع الفصول.