رواية حياتي فقط – الفصل السابع عشر
الفصل ١٧
حياه في مكتب عبد الله: خير يا دكتور فين الحاله دي
عبد الله : الصراحه يا دكتوره مفيش حالات ولا حاجه أنا معجب بيكي وعايز اتقدملك
حياه لسه هتتكلم : م…..
فجأه سيف بيدخل : خير فين الحاله اللي هتشوفيها بقي
عبد الله بتوتر : ان..انا كنت عايز الدكتوره في موضوع خاص
سيف بنظره قاتله : والموضوع الخاص دا ميتأجلش لبكره
عبد الله بتوتر ومش عارف ينطق حياه بعصبيه من تدخله : وانت مالك يا حضره الظابط واتفضل بره بعد اذنك
سيف نظر اليها نظره اربكتها وخرج بعصبيه
حياه بهدوء : انا اسفه جدا يا دكتور عبد الله بس انا مش بفكر في المواضيع دي نهائي وعايزه اركز في شغلي ، وولا المكان ولا الزمان مناسبين للمواضيع دي وربنا يرزقك بالأفضل مني
عبد الله: وانا هحترم قرارك ومن النهارده هنكون زمايل بس
خرجت حياه ولقت اللي بيسحبها من ايديها فجأه
حياه: انت يا بني آدم انت، انت ازاي تسحبي كدا
سيف بنظره حارقه : كان عايز منك ايه ومتحوريش علشان مكنش فيه حالات وبعدين انا مش قايلك حياتك في زفت في خطر واي مكان تروحين تقوليلي
حياه باستفزاز: وانت مالك ، و بعدين هو قالك موضوع خاص
سيف : قولتلك من النهارده انتي تحت حمايتي ولازم اعرف كل حاجه عنك وبتشوفي مين وبتعملي ايه
حياه : ليه انا في سجن
سيف : اسوء وحياتك ، وبعدين ايه الموضوع الخاص اللي ميتأجلش للصبح ، وشغل المكاتب بالليل دا مينفعش هنا ، كلكم واحد ، صنف زباله
حياه وقد فهمت مقصده وقالت بعصبيه مفطره : اخرس !!! تعرف انت أحقر واحد شوفته في حياتي، انت ازاي تظن فيا الظن دا للدرجادي شايفني مش محترمه وبعدين النبي صلى الله عليه وسلم قال: قال رسول الله ﷺ: ((إياكم والظنَّ، فإنَّ الظنَّ أكذب الحديث)).وانت كررتها مره و اتنين وانا مش هسكت وإياك ثم إياك تمد ايدك وتلمسني او تكلمني مره تانيه وسابته ومشت
سيف اول مره حد يكلمه كدا اول مره ميكونش عارف يرد وكلامها بيتردد في ودنه بعد فتره من صدمته قام ذهب لاوضته
____________**************__________
في غرفه علي ملك بتاخد بالها منه وكل فتره بتديه العلاج وعلي بيكون عايز يخرج شويه يغير جو فملك بتاخده و تساعده تخرجه بره
علي : ملك روحي ارتاحي انا بقيت كويس والله
ملك : ماشي شويه وهمشي
علي : انتي كنتي خايفه عليا لاموت
ملك بتسرع : بعيد الشر عليك متقولش كدا
علي : للدرجادي خايفه عليا
ملك : طبعا مش اخويا
علي باحباط : اخوكي !! انتي عارفه كويس اني مش اخوكي
ملك بتوتر وقد بان علي ملامحها: يع..يعني
علي قاطعها قال بربكه : ملك …انا بحبك والله العظيم بحبك لو انتي معجبه بحد او في حد في حياتك قوليلي وساعتها بجد هتمنالك كل الخير مع اللي تختاريه وهبعد عنك قوليها لآخر مره انك مش عايزاني
ملك بتوتر وسكوت ومش عارفه تعمل ايه تقوله هي كمان انها بتحبه وانها كانت هتموت لما قلبه وقف ولا تسمع كلام عقلها انها مش مناسبه ليه وانه يستاهل حد احسن منها
علي وقف وقال بحسره : خلاص يا ملك مش محتاجه كل التفكير دا ردك وصلي وانا من النهارده مش….
ملك مقاطعاه وقالت بصوت يكاد يكون مسموع: ب ..حبك
علي بذهول وصدمه وقد توقف لسانه عن الكلام : ا..ايه ..انتي قولتي ايه
ملك بتوتر : لا .. ما انا مش هقولها تاني
علي : هو اللي انا سمعته صح ، انتي قولتي بحبك
ملك بخجل وقد احمر وجنتيها
علي بسعاده وكأن روحه رجعتله : طب اعمل ايه يا ربي دلوقتي اخدك اكتب عليكي ولا اقول باعلي صوتي اني بحبك
ملك بخجل وهي لسه علي وضعها : خلاص بقي يلا نمشي
علي بحب : تعبتي قلبي يا ملك ، اخيرا قولتيها ، تعرفي انا بحلم اسمع منك الكلمه دي من قد ايه ، من وانتي في الاعدادي، اول مره شوفتك خطفتي قلبي بس ليه كل التعب دا ليه رفضتي فهميني
ملك بتوتر وبتبص للارض ومش عارفه تقوله ايه : اصل ..مكنش فيه حاجه
علي : ملك ! بصيلي ، احنا بإذن ربنا هنبدأ حياتنا سوا ، ومش لازم نخبي حاجه علي بعض قوليلي كل حاجه مخبياها عني ، وليه عملتي كدا وصدقني مش هتعصب ولا هزعل ولا هعمل حاجه لان دا كله من الماضي ومش هاممني اكتر من انك معايا دلوقتي
ملك بخجل وقد اكتسبت بعض الثقه لتقص عليه : الصراحه انت تستاهل حد احسن مني، لاني مش زي ما بابا وماما حياه معرفينك اني بنت قربيه ماما ، وماما وبابا الحقيقين اتوفوا وهما ربوني ، الصراحه هما جابوني من دار أيتام ومش عارفه فين بابا وماما الحقيقين واذا كانو عايشين ولا ميتين ، بس الاكيد ان ماما وبابا حياه هما اللي بعتبرهم ابويا وامي بجد ولو عشت عمري علشان اوفي ليهم حقم مش هقدر ، عمرهم ما فرقوا بيني وبين حياه دايما اللي عندها عندي ونظرت اليه بدموع ولكن لم يظهر عليه أي علامات اندهاش ، قولت ايه بعد اللي سمعته ، اظن انت اللي مش هتكمل ، وانا والله مش هزعل علشان دا حقك و…
علي : تعرفي انا نفسي في ايه دلوقت
ملك : ايه ؟ لو مش عايز..
علي : للاسف مش هعرف اقولك نفسي في ايه دلوقتي !!
ملك : طب ايه ردك علي الكلام دا
علي : ردي بكل بساطه اني عارف الكلام دا كله وان الكلام دا ميفرقليش ولا يهمني وزي ما قولتلك كل اللي يهمني انك معايا دلوقتي
ملك باستغراب : ازاي عارف ؟؟؟؟
علي : ماما ثناء قالتلي لأنها عارفه اني بحبك ومش من سنه ولا اتنين من ١٠ سنين ، بس كنت خايف اقولك لانك لسه صغيره ، وكانت خايفه عليكي وقالتلي علي الكلام دا وقالتلي سر بيني وبينها واني معرفكيش الكلام دا و اني مزعلكيش واقف جنبك علي طول لأنها خافت حد يوقع بينا بالكلام دا ومحدش ضامن عمره
ملك : بس انت عمرك محسستني انك عارف
علي : ببساطه لانه مش فارقلي ، كل اللي فارقلي انتي ، واضاف ..يااه يا ملك يعني دا كله والبعد دا كله علشان كدا ، دا انا قولت انك بتكرهيني
ملك : انت محسسني انه موضوع بسيط كدا ليه ؟؟
علي : انتي اللي مكبراه يا ملك ، مفيش حاجه مستاهله بس انا عايز تعويض بقي عن كل حاجه
ملك : تعويض !! اطلب اللي انت عايزه
علي بغمزه وخبث : اي حاجه !!
اومأت له ملك فقال عايز حضن
ملك بخجل وقد احمر وجنتيها : يا قليل الادب يا سافل وانا اللي مفكراك محترم
علي بضحك وابتسامه واسعه : وهي كدا قله ادب دا حضن برئ
ملك : انا ماشيه وكانت لسه هتمشي
علي :طب استني طيب ساعديني ..ااه ..اااه
ملك بخضه وقربت منه : علي !! مالك!!! حصلك ايه !! انا اسفه
علي : طب متجيبي بوسه وانتي حلوه كدا
ملك ضربته في كتفه : واحد قليل الادب
علي : ااه ، طب براحه شويه راعي اني لسه يدوب خارج من عمليات
ملك ساعدته ووصل الاوضه وكانت لسه هتمشي
علي : ملك النهارده احلي يوم في حياتي
ملك ابتسمت : واحلي يوم في حياتي انا كمان وخرجت وسابته غارق في بحر أفكاره
_______________**********______
في السكن
الاء : مالك بس يا حياتي ! ايه اللي حصلك
حياه بدموع : الاء هو انا باين عليا مش محترمه
الاء بعنف : قطع لسان اللي يقول كدا ، هو فيه في أدبك وأخلاقك ، ليه بتقولي كدا
حياه : طب ليه كل اما يشوفني يقولي كدا انا عملتله ايه
الاء: مين المتخلف دا وانا اروح ابططه وأخبزه واعجنه اتهبل دا ولا ايه
حياه : زفت باشا
الاء: خنجر بيه !!
حياه بنرفزه : قصت لها ما حدث وهيكون مين غيره
الاء : واحد متخلف وحقير وزباله ومش متربي و طب قسما بالله لاروح ليه اولع فيه دلوقتي ازاي المتخلف دا يقولك كدا
حياه : انا كرهت نفسي بسببه
الاء: ولا يهز فيكي شعره ، بس انتي سكتيله
حياه : لا طبعا هزقته شويه
الاء: ايوة كدا ، … طب وليه رفضتي عبد الله
حياه : انتي عارفه اني مش بفكر في الموضوع دا دلوقت وان الشغل بالنسبه لي هو الأهم
الاء : طب مش يمكن يكون غيران علشان كدا قال كدا
حياه فكرت شويه وقالت معقول يكون غيران ورد عقلها لا طبعا: غيران !! ايه يا ستي دا واحد يحب يقرف الناس بس
ملك دخلت وهي بتغني
الاء : الله ،الله علي الناس الرايقه
ملك بسعاده بتضحك لهم
حياه : مالها دي ، دي اول مره اشوفها بتضحك كدا
ملك : تخيلوا ايه اللي حصل مخليني مبسوطه كدا
الاء : ايه ، المخيم ولع
حياه : لا المعسكر اللي ولع
الاء : لا يكون فيه صاروخ نزل ولا حاجه وفجر المكان
حياه: يكونشي زلزال
ملك : ايه الافكار الزفت دي بقولكم مبسوطه خمنوا بفهم
حياه : مهو مش معقول يكون علي قالها بحبك وهي واقفت
الاء : اكيد دي بت نكد
ملك بتبص لهم : بس هو دا اللي حصل
حياه والاء في صدمه ومش مصدقين : دا بجد!!!!!!!!
ملك : فيه ايه اللي حصلكم بقولكم انا وعلي خلاص هنتخطبوا
حياه والاء مصدومين اكتر ومش بيتكلموا
ملك : فيه ايه !!!
حياه والاء: هه هه وحضنوا ملك الف مبروك يا حبيبتي
وقالت الاء : عندنا فرح ، عندنا فرح ضحكوا كلهم علي هبلها
_______________*******______________
في اوضه سيف بيفكر في كلام حياه وبيفكر ازاي ما تحكمش في نفسه وقال كدا واتعصب بالشكل دا طرق الباب ودخل طارق ومحمد
طارق : مجتش تشوفنا ليه قبل ما تنام ، انت كويس
سيف : مفيش
محمد : طالما قال مفيش يبقي فيه ، مالك يا بوص
سيف : ابعد عمي يا محمد ابوس ايدك مش ناقصاك
طارق باستغراب : ليه ايه اللي حصل
محمد: هي الدكتوره حياه دي قالتلك ايه انا شايفها خارجه متعصبه وانت كمان
سيف بعصبيه : متجبش سيرتها قدامي انا مش طايق نفسي ، فاكره نفسها ايه يعني ، كلهم صنف زباله
وعاملين نفسهم محترمين
طارق باستغراب: اهدي بس وفهمنا اللي حصل
محمد : اكيد سمعتها كلمتين سم زي عادتك
سيف مسكه من قميصه : انا دلوقتي ماسك نفسي بالعافيه ونفسي اضرب في حد ابعد علشان ميكونش الحد دا انت
طارق فكهم من بعض : في ايه يا سيف !! اهدي
محمد : ونضرب بعض ليه ما عندك البوكس اهو يا عم متضرب فيه
سيف قعد يضرب في البوكس بغل وطلع فيه كل عصبيته
محمد بصدمه : نهار اسود !!! كان هيضربني كدا دا ربنا نجاني
طارق ضحك عليه: انت لسه شوفت حاجه اومال لو كان متعصب اوي
محمد بنبره مرحه : هو كدا مش متعصب !! علشان كدا مش بيدرب قدام حد خوفا علي مشاعر اللي قدامه
سيف وقد هدي الي حد ما : تحب اطلع فيك شويه من عصبيتي
محمد: لا المسامح كريم يا عم سيف .. هه ..المهم هديت احكي بقي اللي حصل
طارق لمحمد : مش هتهدي الا لما يديك بوكسين في وشك الحلو دا
محمد : كله الا وشي ، ما تنجز بقي يا استاذ سيف ايه اللي حصل خلاك كدا
سيف بالرغم انه كتوم بس بالنسبه ليه طارق ومحمد
مش بيخبي عليهم حاجه وقص عليهم كل حاجه
محمد: تصدق معاها حق مليون مره قولتلك صوابعك مش زي بعضها وهي باين عليها محترمه ومش بتاعه الكلام دا
سيف : وهو انا بحكيلك علشان تدافع عنها
طارق: خلاص طالما متضايق منها كدا خلي محمد هو اللي يتابع حمايتها
محمد : وانا موافق ، دي هتبقي احلي مهمه
سيف بنظره قاتله وضغط علي رجله
محمد بارتباك : ااه ، مفيش احلي من سيف باشا طبعا للمهمه دي
طارق ضحك عليه وقال شكلك وقعت ومحدش سمي عليه
محمد بضحك هو الاخر : وقعت يا حلو، يا دبله الخطوبه عقبالنا كلنا
سيف : قسما بالله لو ما سكتوا لاجي اضرب فيكم ومحدش هيعرف يسلكم من ايدي
طارق : وعلي ايه يا عم انا ماشي
محمد بغمزه : وانا كمان ماشي ، بس هي تستاهل برضو وفر هاربا من امامه
يُتبع ……….
اسفه علي التأخير بس الروايه هتنزل يوم ويوم علشان الدراسة ومفيش وقت للكتابه ولو كتبتها بدري هنزلها علي طول ❤️❤️ومتنسوش تقولولي رأيكم ❤️❤️
اللهم صل وسلم على نبينا وحبيبنا محمد وعلى آله وصحبه أجمعين ❤️❤️❤️
الفصل التالي: اضغط هنا
يتبع.. (رواية حياتي فقط) اضغط على اسم الرواية لتجد الفهرس كاملاً بجميع الفصول.