رواية بين قبضتهم وقلبه الفصل الثامن والعشرون 28 – بقلم رقو الجوهر

▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭.

❂رقــــــو ـ الجـــوهر ❂

بـين قبضتهُم وقلبة

قناة تلي :

💙 .

..

سمعته غلق الدُش بسرعة رجعت المحفظه لمكانها طلع ينشف بشعره

ديهم : مريتي وين القميص

ياقوت : هاا اي هسه اجيبه

ديهم : استعجلي حبيبي ممكن

جبته اله وهو يسشور بشعره كتله

هذا القميص

جرني من ايدي مبتسم وشمر القميص ع الكرسي لزگني بصدره وگال

ديهم : يول ليش جاره عيونچ بالكحل؟

جرن گلبي وسحلن شواربي .

كل تفكيري يم الصوره وخرت منه ببرود

بدون اي ردة فعل تغيرت ملامح وجهه وگال

ديهم : بويه ياقوتَ بيچ شي؟

ماجاوبته انطيته ضهري اعصر بأيدي احاول اكتم وجع گلبي بداخلي تقرب مني وخر شعري من رگبتي ضمني وشفايفه لاحت رگبتي همس

ديهم : ياقوتَ بابا احجي انا اعرف بيچ شي انتِ مو طبيعية

دفعته مني ورحت كعدت ع الكرسي ماسكه ايدي الاثنين اعصر بيهن والحسره بگلبي ما اكدر اتقبل قربه مني اجه دنگ كدامي ومسك ايدي باسها

ديهم : احجي ياقوتَ خوفتيني عليچ والله

ياقوت : دَيهم

ديهم : دنيتو كلها انتِ

ياقوت : صورة نور شتسوي بمحفظتك؟

عگد حواجبه بأستغرب وگال

ديهم : نور وصورة وبمحفظتي؟ شدتحجين ياقوتَ؟ ياقوت : اتأكد بنفسك ذيج محفظتك

ديهم : ما اريد انا متأكد بمحفظتي وبگلبي

ماكو غيرچ

ياقوت : جذاب

دمعتي نزلت گال

ديهم : كل عقلج وتبچين هم؟ يُبا والله ماكو شي يخصها يمي

ياقوت : جيب المحفظه

ديهم : ياقوتَ

ديهم : جيبههاااا دَيهم

راح يجيبها فتحها وشاف الصورة ارتبك باوعلي وشمر المحفظه ع جربايه واجه يمي

دديهم : ياقوتَ وحق الله ما ادري منين اجت هاي الصورة

ياقوت : اشش ولاااا حررف اسكتتتت

ديهم : حبيبي اسمعيني

ياقوت : هههههه شسمع يديهم شسمع

هم مثل كل مره تگلي بالغلط ومادري شنو

لو ماعندي شي وياها لو اريج مخليه الصوره بالغلط مووو؟؟؟ دَيهم اعذارك ههاااااي اقبح منك خلاص اني ملييييت من جذبك ومنك

ديهم : ها ها بلشنه بعد ماتنطين مجال ناكل خرا

ياقوت : قصدك ما انطيك مجال تجذبب

وتطلع تبريرات فاشله مثلك

ـ ياقوتَ احجي عدل

لزمت خصري وگتله

ـ انتِ صير رجال وبعدين احجي وياك عدل

عض شفته السفليه وابعد شعره عن عيونه وضرب الرف بقوة وصرخ

ـ ايدچ وخرريهااا لا اكسرهاااا الچ

ـ لا تعلي صوتك بوجهي

ـ كلمه ثانية اطيح حضج فاااهمه

ـ تهديداتك هاي ماعاد تقدم ولا تأخر

ـ اي وبعدين ؟….

توا اريد احجي كال

ـ قبل لتحجيها طلاگ ما اطلگ لو تموتين

ـ مو بكيفك هسه طلگني دَيهم

يلبس بقميصه ويحجي كال

ـ بأحلامج… تنجبين وتكعدين نتفاهم

ـ لو تطلع براسك نخله ما ابقى يمك

ـ هههههه وين تغيحين مني جُماره انا الحَبيب

ـ اكل خراااا فد نعال انتَ عاد

ـ ليش تغلطين حيوااانه

ـ ما اريدك مو گوووةةة مو اجبارري طلگني

مسح شواربه يعدلهن وهو يباوع بالمرايه التفت باوعلي وابتسم بطرف شفته اجه يمي وكال

ـ  اكعدي خلينه نتفاهم

ـ تلعب نفسي منك شلون تريد نتفاهم؟ اصلاً لوثتني ضرب راسه بأيده بقووة وصاح

ـ ياااقوتَ !!

ـ مريض نفسي تضرب براسك لأنك مرريييض

نـ فـ سـ ـي

غمض عيونه بنفاذ صبر انطاني ضهره يعصر بأيده اخذ نفسه شويه يحاول يهدئ من عصبيته رجع التفت لي

ـ ياقوتَ اكعدي نتفاهم

ـ ما اگعد عندك شي گوله هسه

ـ بويه وحگج وانتِ اعز من اليمين ماعندي شي ويه نور

ـ كااافي تحلف بيه دمرتني

جبت عمرك تحلف بيه جذب انتَ ذرة صدُك مابيك بعت اهلي لخاطرك حتى اشتريك حسافة طلعت متستاهل

ـ ياقوتَ بشنو احلفلج وعلي الفحل والعباس

ابو فاضل ماعندي شي وياها

صار يبرر واني دموعي تنزل عشرة عشرة

ـ اانا ما اكلج هيه بريئة لا بنت الكلب عرفت تلعبها صح وتوكعني بحفرتها بس وغلاتج وغلات عيونج الاحبها ما …

قاطعته وانا اصيح وابجي

ـ  لاااا تحلف بعيونيييي دمرتهن هلكد ماحلفت بيهن دَيهم من شنو مخلوق انتَ؟؟ تحسب بنات الناس لعبة بأيدك؟؟ هسةةةةة توديني لأهلي

ـ لو على جثتي

ـ سهله

دورت تلفوني اريد اتصل بـ اشهب اجه يمي روحه طايره يريد ياخذه من ايدي ضميته ورا ضهري

ـ وخررر ابو النسواااان الله لا يوفقك لا تاخذ تلفوني

ـ جيبي ياقوتَ

ـ ما ما والله ما انطي عووفه هذا تلفوني

ـ جيبيي لا انعل ساسج

اخذه مني غصب واني ضليت اصيح وابچي توجه للباب يريد يطلع

ـ الباب ماتشوفينوو الا من تسمعيني وتقتنعين

انا ماعندي شي ويا هاي النعال نور

وعقابها ذيج ال**** حاسب حسابو .

لحگته وصرت اضرب بطنه واصيح

ـ ما اررريدك اصلاً غلطه عمري من حبيتك انت منين طلعت لي اجيتني بلاء

ـ ياقوتَ ارجعي اريد اذلف من ارجع نتفاهم

ـ ما ابقى يمك لو دقيقة عوفني اروح لأهلي

ـ شلون اعيفچ؟ انا ماصدگ لگيتچ ضاع نص عمري وانا ادورچ

ـ انجب هاي السوالف مابقت تأثر بيه لا تحجيها بعد ما اريد اسمععههاااا

متجاهلني وكمل طريقة طالع برا لحكته اركض ومسكته بقوة

ـ وصلني بطريقك على بيت اهلي

ـ يااااقوتَ ما اريد اذيج ارجعي للغرفة

ـ والله ما ارجع هسةةةة تودينييي

ـ لا اله الا الله .

طلع وسد الباب خليت اصابعي بين الباب ماريده يقفله

ـ ياقوتَ لاااا  اصابعج ح تتأذه يااااقوتَ ماتسمعين شدا احجي

رجع دخل للبيت وجرني من ايدي سحلني للغرفة واني اتوسل بي ياخذني لأهلي دفعني شمرني بالغرفة وبسرعة قفل الباب عليّ صرت اضرب بالباب وابچي

ـ الله لا يوفقك ماتخاف الله انتَ شلون هيج تحبسني اني مو حيوان عندك اني بشر والله

اسمع صوته رايح وهوَ يگول

ديهم : انتِ مـلاك مو بشر …احبچ يُبا

ديهم : تحبك حية ابن الزفررره تعال افتح الباب

لا تروح وتخليني هيج محبوسه مثل المسوي جريمة اختفى صوته عرفته طلع وعافني ضليت اصرخ الا تعبت ضليت كاعده ابچي بسكوت وافكر شلون هيج خيب ضني وطلع حاله حال كل واحد مر بحياتي ودمرها، وللاسف ماجان العوض الي عن اهلي وعن كل اللي عشته كلهم نفس الشي ماكو اي اختلاف بينهم

انضرب الشباك بقوه عرفته هذا ابو گبع اجه صرت اتراجف من الخوف اريد اكوم رجليه ماتشيلني رحت ازحف زحف يم الشباك واتختل بسد الجربايه والرفوف صرت يم الشباك واشوف بس خياله يمر يخطف خطف من سرعته رد تراجع ببطئ وكأنو يسمع صوت انفاسي خلف الشباك الغرفة ضلمه وبرا ضوه خياله يبين اشرلي بأيده ع الشباك بمعنى افتحي وشايل بأيده ورقة مسكت طرف الستارة اريد اوخرها حتى اشوفه هبطت من الخوف گلبي صار بطني وخرت الستارة شويه! بس على گد عيني حتى اگدر اشوفه شايل ضرف بأيده وخر الگبع عن راسه ونزع القناع طلع شكله يختلف عن تصرفاته كلش عادي وملامحه بريئة اشرلي ع الضرف

يأشر يحاول يوصل الفكرة بلعت ريگي وانا مركزه بشكله والخوف اختفى مني حسيته كلش بريئ وعنده شي يريد يوصله الي خله الضرف بالشباك ولبس الگبع براسه والقناع وراح ردت افتح الشباك بس خفت لا يطلع خاتل ويرجع يدخل غصب عني ويسوي لي شي يمةةة لا ما افتحه رجعت لمكاني غفيت بالكاع بعد مدة حسيت بي طبع بوسه بخدي فتحت عيوني شفت دَيهم شمر سويچ السيارة والتلفون ع الرف وكال

ـ ماردت اگعدچ اميـࢪتي ، بس بستچ ترا

فركت عيوني ورجعت اباوع له احاول اصحصح

ـ شكد ساااافل ومتهمك الا نفسك

يضحك بأستفزاز وينزع بقميصه گال

ـ هذا السافل يحبچ يموت اذا ما يشوفچ

ـ لا تاكل خرا زايد وتضل تجذب على روحك

على اساس تحبني ما اصدك بيك بعد

ـ بت الزفررره لا تغلطين لجج هوَ انا صوجي دلالي طَول لسانج

ـ انتَ جذاب خاين تحب اثنين بنفس الوقت اني كرامتي متسمح لي اكمل وياك يا اني يا لاء محد ثاني

باوعت له وعيوني غرگانه بدمعها

ـ نفسي جزت منك دَيهم طلگني

اجه يمي ثنه ع ركبت رجله بالكاع رفع فكي بأيده وكال

ـ بيا فتحه عاجبج تندفنين كلمة طلاگ

دعد لا تلفضيها على لسانج يااااويلج اخر مره احذرج .

راح من يمي يدخن وانطاني ضهره

ياقوت : انتَ تحبها لـ نور شكو مبقيني يمككك روحلها خل تفيدك هيه وبنتها اني اريد ارجع لـ … بعدني ماكملت كلامي طشر الغراض اللي ع الميز كلها وصاح

ديهم : اااخخخ انا كل شوي لازم اعيد كلامي؟ اخترعت منه ضليت بس ابچي باوع لي شافني هيج صار يعصر بأيديه يخفف من العصبيه يحاول يهدئ كعد يمي بالكاع تنهد وكال

ـ بشنو احلفلج حتى تصدكين ماعندي ويه نور يُبا حتى هاي المحفظه شوفي بعينج فتحها طلع صورة نور وشعلها بالجداحه وشمرها بالكاع

ديهم : ياقوتَ انا احبچ وحگج ماكو بگلبي غيرچ افهميني يابويه والله تعبت

ياقوت : وصورة نور شجابها على محفظتك ؟

ديهم : ما اعرف والله بس اوعدچ

اكسرلها ايدها لـ نوور لأن ماكو غيرها خلاها بمحفضتي

ـ ومحفظتك شتسوي بأيد نور وشلون كدرت توصلها؟ دَيهم انتَ جاي تروح تشوفها هيه وبنتها وتكعد وتسولف وحتى بنتها تصيحك باااابااا واني ساكته ومتحمله لخاطر ما ازعلك بس لهناااا وكااااافيي ما اتحمل اكثر

ـ لا تبچين بويه والله گلبي يأذيني من اشوف دموعج ونور والله …

مسك ايدي ويحجي دعفعت ايده

ـ عووفني وروح لـ نور وبنتها خل يفيدوووك

كام من يمي شويه وينفجر كملت كلامي وكتله

ـ لو على موتي ما اخليك تلمسني بعد

رجع يصرخ وطشر الغراض مالتي اللي عل ميز وكال ـ احلفلج بالله ورسوله ماعندي شي وياها

ـ و محفظتك منين تحصلهااا نوووور؟ لو ما انت تنام يمها وتروح تشوفها اني مو غشيمه دَيهم

ـ ولجج وين انااام يمهااا هو انا اليوم بالمطعم متسودن على عطرررج ساطر راسي سطر حتى اللي بالمطعم كلهم كالو غرگان الولد يشوفوني اشم بكيتر شعرج صرت ما اضبط غيحييي انا هايم بيچ ياقوتَ ااانااا هاااايم  وتحرم عليّ بنية غيررج ايمتى تفهمين

ـ جذاااب ومنافق وحجاي وجهين وابن ***هم من وحده لوحده

ـ انا ابن *** مو اي تمام بس انا احبچ ياقوتَ احبچ

ـ لا تكول احبج حبك جذبه جنت عايشة بوهم اني وهسه صحيت يس بعديش بعد مافات الاوان

ـ انا صح اروح لـ نور بس مجرد اشوفها شنو محتاجه ماعندي اي شي وياها

اخذت مخدتي وغطه من الكنتور ورايحه للصاله وهو يحجي

ـ ياقوتَ احجي وياج!

ماحسيت بس ايده تجرني من ايدي كتله

ـ وخررر اريد انطمر بالصاله لو هاي هم متصير عندك شمرني بالغرفة وكال

ـ اذا تعانديني حتى الهوى التتنفسي عندي ممنوع احرمج منو ياااقوتَ

ضليت ابجي واشاهك

ـ شتريد مني عوفني اريد اروح لأهلي

ـ عتبة الباب متشوفيها اذا ماتصدكين انا ماعندي شي ويه هاي البربوووك

ـ الله ياخذك انت ويااها اني شكو شعليه بيكم

سوو التريدووو بس خليني ارجع لأهلي

ـ بأحلامج تشوفين بيت اهلج

ـ شكد عااار مكدورك عليّ لأن بنيه

تجاهلني زدت بالبچي واناظغ

ـ كافي بچي

انفجرت بالبچي اكثر وبس اشاهگ اتغطيت باللحاف وكعدت ع الجربايه مبتعده منه اجه

ـ اششش لا تبچين

صرت اشاهگ اكثر كال

ـ گلت لا تبچي

ن مسح دموعي قرب شفايفه يبوسني بشفايفي دفعته وكتله

ـ وخرررر حقيررر لا تلمسني والله لو اخر يوم بعمري لأشرد منك

ـ تشردين؟ وووين لبيت اهلج؟ اصلاً هما مايريدوج  لو لخواتج تشردين؟ هم ما يستقبلوج وين تشردين فهميني؟ ما الج غير دَيهم فااااهمه

ـ وانتَ مستغلني لأن عرفتهم هيج وجاي تسوي بيه التريده موو

ـ لا اله الا الله

اتمددت ع الجربايه وانطيته ضهري وبس ابچي غطاني ونام بصفي وخرت الغطه بعناد كال

ـ تعاي

بس ابچي ا جاوبته

ـ ما سمعتي شگلتج؟

هم ما جاوبته ماحسيت بس ايده تسحبني وتلزگني بجسمه قيدني بحضنه اخذ شعري يشمه

ـ وخررر ما اريدك روحي تلعب منك مو اجباري

ـ  اي اجباري

دفن راسه بركبتي يشمها واني احاول ابتعد منه مقيدني

ـ اكرررهك

همس وكال

ـ انا هَايم حتى بعنادج وكرهج اليه اكرهيني وانا اهيم بيچ

ـ هههههههه ضحكتني واني ما اريد اضحك

ـ اشش اسكتي ، احبچ وانتِ ساكته

يحجي بصوت ذايب واني منفجره بالبجي

ـ عوفني اريد انطمر

ـ انطمري بحضني

ـ انام بشارع ولا بحضنك

ـ اشش نامي

ـ وووخررر ونام بعيد مني روحي تلعب منك

ـ ما اعرف انام اذا ما احضن

ـ اي حقك من كثر حبك للأحضان حبيت اثنين بنفس الوقت

ضربته وابتعدت منه رجع جرني

ـ تبقين بحضني لا اندمچ

ضليت ابجي ما سكتت واحس كلبي يريد ينفجر من كمية الوجع اللي بداخلي وهو نام ولا همه بعد ساعات من البجي صار راسي يدور من الوجع واختنكت اريد النفس حسرة اذكرت الضرف اللي بالشباك ابعدت ايده عني ببطئ ورحت للشباك فتحته واخذت الضرف فتحت الضرف مكتوب بي

ـ انتبهي لـنفسج من زوجج وبيتكم

هاي الديرة مو امان وزوجج اللي تضني يحبج ترا ضنج كله غلط زوجج عنده اكثر من علاقة وخاين وعايش بنص الحرام وما يدري عن نفسه ولا مقدر النعمة اللي عنده وهاي النعمة انتِ الف واحد يتمناج ويتمنى يكون بمكانه بس للأسف ضيعتي نفسج وياه .

عيوني صارن براسي من الصدمة وايدي ترجف ومغصتني بطني من القريته اخذت الجداحه من الرف وحركت الورقة واني بداخلي الف سؤال وسؤال وبعدين رجلي صدك عليه هاي السوالف

هو اني لگفته ويا نور بعد ويامن راح اللگفه

واني شعليه طبه مرض بس اريد اروح لبيت اهلي ويطلگني وخليه يسوي اليريده ينجاز رجعت اتمددت ع الجربايه صافنه ع السگف واسأل نفسي وين راح تصير تاليتي بأيد اهلي لو بأيد هذا الحقير النايم بصفي صار يكح انطاني ضهره وشفت المفاتيح جوه مخدته اخذتهن ببطئ خايفه لا يحس بيه لبست عباتي والشال و رحت امشي على اطراف اصابعي متوجهه للباب الخارجي توا اريد اخلي المفتاح بالقفل واجاني صوته وهو يگول

ـ ااخخخ تعبتيني جُماااره

ـ ححقيررررر خليني اروووح لأهلي ما اريد اضل يم …

صم حلكي بأيده وكال

ـ ايمتى تفهمين؟ لو على جنازتي ما اخليج توصلين بيت اهلج

اخذ المفتاح من ايدي واني ارافس خنگني كاتم على انفاسي اخذني سحل للغرفة ملخت روحي تملخ واضرب بي وبروحي وميقبل يعوفني وخر ايده عن حلكي وگال

ـ هنا تعيشين وهنا تموتين ياقوتَ موتج وحياتج يمي انسي اهلجج

ـ ولككك ما تفهم ما اررريدك حتى نومتي يمك احس نايمه يم عدوي يم واحد ذبح احد من اهلي

ما اررريدك ماتفههممم

ـ جؤ ما افهم

ـ الله ياااخذك

ـ امين وياخذج وياي لأن مستحيل اعيفج

يحجي يحاول يستفزني

ـ غصب عنك تطلگني مثل الچلب ما اضل على ذمتك لو مهما سويت

ـ وهسه انتِ شنو؟

ـ مو على ذمتك ولا بأحلامك اخليك تلمسني بعد

ـ تتحديني؟

ـ اتحداااك اعرفك صدُگ رجال اذا حاولت

ولو محاولة تتقرب مني

يضحك حك طرف حاجبه وتحمحم وكال

ـ لو نمت وياچ غصب واخذت الاريدو

شتسوين مثلاً

ـ اكسررهااا لأيدك حيواااان

راح ينام متجاهلني ويضحك

ـ نفسج ما اسمعو اريد انام

ـ جيب المفتاح

ـ لا اله الا الله

ـ انطيني المفتاح وخليني اروح والله نفسي متريدك جزت منك

ـ انا اريدچ ، اموت بلياچ

ـ انتَ مريض نفسي شلون تتقبل شخص ميريدك

ـ مريض ؟؟ هههههه اي مريض

ـ وتعترف هم؟

ـ مريض بيچ من زمان هسه يلا عرفتي ؟

ـ هه سوالف المراهقين هاي ماتبطلها

ـ اشش حسج ما اسمعو

ـ الله ياخذك

ـ ما ياخذني الا اخذ غيحج

هو نام واني نمت بالكاع وبس ابچي والله مو بيدي ما اكدر اتقبله هو وخياناته ونوب طلع عنده هواي علاقات اشمئزيت منه

……….

نايمة وحسيت بأصابعه يمررها على ضهري  فزيت ودفعته

ـ يول انا الحَبيب تخاف مني؟

ـ وخررر ايدك

ـ كومي اسبحي وتعاي نتريك بالمطبخ

ـ ما اريد

ـ ماعندي احد مايريد

ـ السم هم اجباري

ـ  كملي والحگيني

راح للمطبخ يدندن ومتونس ولا كأنو متعاركين اني وياه وبيناتنه زعل شكد بلا احساس

ما سبحت بس غسلت وجهي ورفعت شعري ورحت للمطبخ لكيته  يسوي ريوگ باوعلي وكال

ـ جاي اسوي حليب لـ طفلتي

گلبت عيوني بضوجه خله كوب الحليب كدامي

ـ شفت شعرج واگع بالمشط العصر اخذج لدكتوره

ـ انجب احسنلك

ـ صايره هواي تغلطين وانا اكبر منچ احترمي

ـ  صدك؟ ديلا انجب مره لخ

كفخني على حلكي وكال

ديهم : لا تتعلمين تغلطين حلكج اشگوو والعباس ياقوت : ديلا وخررر لا تلعب نفسي من صباحية الله .

اندگ الباب راح يباوع من الشباك گال

ـ خواتي اجن لا تفتحين حلگج بحرف عن الصار بينه ضليت ساكته ما جاوبته راح يفتح الباب اجن يضحكن ويسولفن

ريام : دكولي خل نغيح نشوف عيالي شبيهم مابيهم ريماس : بذاته ياقوتَ

رغد : هلا بچنتنه الحلوه يمه يمه شو حضنه

اجت وحضنتني

ياقوت : بنات حبيباتي والله ما متعوده اطلع

على احد من جنت بيت اهلي اني متعوده بالبيت ريام : احمم متعوده لو اخوي يغار عليچ من عدنه ضحكن سوا وكالت ريماس

ـ يبوووو دَيهووم ابد ميغار

رغد : اووو اكثر واحد هادئ هوَ دَيهم

هوَ مرتچي ع الكاونتر يتصفح بالتلفون بس باله يمنه اني اعرف هذا ابليس

دَيهم : ياقوتَ انا رايح للمطعم تمام وانتن خلي وحده منجن يمها لا تغيحن كلجن

ريماس : انا انا ابقى

رغد : لا اانااا

ريام : اشش كافي دوختنه اي وحده عادي

راح دَيهم واحنا ضلينه نسولف ونضحك ودزن دلفري سندويجات وببسي وبيتزا واكلن وشبعن خبال وراحن بقت يمي ريماس متمدده بالصاله ع القنفه ودندن وحاطه الهتفون بأذانها رايحه بغير عالم واني افكر بهذا الترك لي رسالة يم الشباك منو وليش تهمه مصلحتي وهيج اني اهمه! التفكير ماكلني اكل  ياقةت : رموسه

ما تسمعني هاي

ياقوت : زربااا رموووسه

هم ما سمعت ضربتها بالمخده فزت ونزعت الهتفون ريماس : ها اميرتنه الحلوه

ـ رموسه اريد احجيلج شغله

عدلت كعدتها وركزت وياي بدقه

ـ اي كولي

ـ رموسه بس وعد متحجين لأحد؟

ـ عيب عليج المن احجي يابه اوعدج

حجيت الها كلشي من الاول للأخير عن هذا الشخص المجهول وصارت تضحك بأستمرار بدون توقف الا اختنگت

ـ ولج ههههههههههه

تريد تحجي ماتكدر

ـ سرطان بكلبج شكوو كولي ههههه

ـ هذا ههههههه شسمه يا يمههه هههههههه

ـ منوو خرب ابوووج

ـ صبري هههههههه اغسل واجيج ههههههه

راحت غسلت واجت فحطانه كوه تحجي

ـ ولج هذا نفسو اللي گتلج يسلم عليج

ـ بررربج وتعرفين شكاتب لي بالضرف؟

ـ اعرف انا حافظتو حفظ هذا الشخص

ـ ومنين تعرفيه انتِ؟

ـ غير رفيج سالم و دَيهم

ـ بسـلا!! …

ماكملت كلامي ضحكت وكالت

ـ ي ايي هوَ الجان ويه سالم من وصلوج للصالون ـ

ـ تحجين صدك؟؟ بس تدرين اني ما ارتاحيت له من اول مره شفته بيها سبحان الله

ـ هههههه بالعكس كلش حباب وطيوب وبيني وبينج؟

ـ اي؟

ـ يعرف كل اسرار دَيهم و سالم بحيث هسه اذا اسئله عليهم يحجيلي كلشي

ـ وانتِ وين تلگيه حتى تسألي ؟

ـ هو نفسو ابو الخط مالتي يوديني للمدرسة يوميه

ـ رموسه

ـ ها يعيوني

ـ دَيهم يخوني

ـ اعرف بكلشي اعرف ياقوتَ خطاب حجالي كلشي

ـ خطاب منو؟

ـ هو نفسو رفيج دَيهم الشافج بالسيارة ونفسو الي ترك لج ضرف بالشباك

ـ اسمه خطاب؟

ـ اي وهوَ ساكن كلش قريب من عدنه يوميه اشوفو بكاميرات بيتنه يفتر بشارعنه

د كليله ياقوتَ تكول خل يبطل حركاته الخايسه هاي ويخوف بيه شكو يريدني افتح الشباك؟

ـ ضلت بنفسو يشوفچ عن قرب يگول اتمنى نضرة من عيونها القاسيه

ـ انچبي يلا كافي رموسه عيب عليه ميستحي شكد ادبسزز لعد

ـ حقج ماتعرفينو ينحط ع الجرح يطيب

فتحت تلفونها تراسل وتضحك وتباوع لي

ريماس : ياقوته

ـ همم

ريماس : خطاب يسلم عليچ ههههههه

ـ خرا عليج وعليه هم ك

ـ ههههههه لا هوَ خطيه هاي فوك فضله

عليچ هيج تجازي

ـ اي فضل؟

ـ ياقوته اصحي دَيهم مو مثل ما انتِ تفكرينو

ديهم من يوم يومو خاين وبعمرو ما حب غير نفسو

ـ ها اي هو صح عنده اغلاط بس يحبني

ضحكت وكالت

ـ  اكص ايدي منا اذا ما طلعتي لاكفتو يخونج وجاي تخبين سوالفو

ـ اي خاني بس شسوي شنو الحل رموسه دليني اني ضايعه

ـ لحل واحد وماكو غيرو اذا سمعتي مني حياتج كلها تتغير للأحسن

ـ احجي عاد

ـ اصبري اصعد اتصل ويا خطاب وارجعلج راحت وبقيت انتظرها

شواي ورجعت فحطانه ضحك

ـ وجع شكوو

ـ ولجج يضحك خرب يومو سوالفو تجنن المصكوع تحمحمت وكالت

ـ توا جان يحجي لي عن دَيهم

ـ شنو يحجي؟

ـ يكول طاري النسوان ما يوكع من لسانو من يطلع ويايه

ـ مافهمت!

ـ لجج غبيه يعني يباوع لهاي ويتغزل بذيج ويحجي عن جمالهن وعندو شويه سرسره اخوي واعرفو

ـ سرسرة؟

ـ اي يحب حتى المزوجات ههههه اخواني واعرفهم ساقطين

ـ لعد ليش ماكتيلي من الاول اخوج هيج؟

ـ غير يگطع لساني

ـ واني شنو ذنبي؟ ورطتوني بواحد مريض

ـ ذنبچ هذا المريض حَبچ  صعب تخلصين منوو

ـ اريد الله ياخذني حتى اخلص منه ومن اهلي

ـ امداج كل هذا جمالج وتتمنين الموت؟ لو انا مكانج اعيش حياتي وطز حتى بـ زوجي

ـ رموووسه جاي تلمحين لـ شي انتِ احجي شعندج!

ـ قبل ما احجي انطيني الامان انو الموضوع ما يوصل دَيهم ولا اهلي

ـ أبداً اوعدچ

ـ لازم تراقبين دَيهم وتمسكينو مسك اليد وكون عندج دليل بأيدج وبهاي الحاله حتى بالمحكمه تكدرين تكولين اريد اطلگ منو لأن يخوني

ـ واني من اريد اطلگ حتـلو بدون سبب مو الا سبب ما يهم

ـ لا ياقوتَ لازم سبب لأن دَيهم غاح يعاند يطلگج والقانون من يشوفچ مضلومه يجبرو يطلگ وهو الممنون هم

ـ ههههههه اخوج لو مو بس ينسجن لو ينعدم هم يقبل يموت ولا يطلكني

ـ اعرفو هو هيج متملك

ـ ياريت بس متملك وشكاك هم

ـ احنا خواتو جان يشك بينه تصدكين من اتزوجج خلصنه منوو و ارتاحينه ههههههههه

ـ ههههه واني طاح حضي

ـ بعدچ صغيره والحياة كدامج تكدرين تعيشيها مثل ما تردين

ـ بعد الصار بيه ما اريد اعيشها ولا الي نفس بيها

ـ حقج غير انتِ حضج جابج على اخوي لو شخص غيرو حتى يستحي يباوع لغيرج

كافي رموسه رجائاً

ضجت من نقاشنه اني وياها واحس روحي مقبوضة رن تلفونها فزت وكالت

ـ ياااااا هذا خطاااب

راحت للغرفة تحجي وياه واني ضليت وحدي افكر معقولة دَيهم هيج طلع؟ المشكله ما استبعد هلشي اني لگفته يحاجي نور اكثر من مره معقولة ماعنده غيرها؟ وصورة نور اللي بالمحفظه! هم تخليني اصدك بكلام ريماس دَيهم ابداً مو بريئ عنده اسرار ضامها مو سر ولا سرين!

اجت ريماس وصاحت

ـ  ياقوتَ ياقوتَ ولج يااااقوته

فززتني كتلها

ـ  يماااا شبيج

ـ يول خطااااب يكول عندي موضوع وياها ضروري!

ـ شنو الموضوع شصاير

ـ شغلة تخص دَيهم وحيييل ضروريه ما تتأجل

ـ لااا مـ ما اا اكدر احجي وياه دَيهم مخلي عليّ 100 ميسمع صوتي احد غيره

ـ دوليي انتِ و دَيهم وخيانتو الج؟ بهاي السرعة نسيتيها

ـ رر رموسه

ـ انجبي وحاجي هسه هوَ وياي عل اتصال ويسمع صوتج

كتلهابقلق

ـ مـ ما ادري احس صعبة عليّ!

ـ لأن اول مره وهم لأن اخوي المعقد حابسج كاتم على انفاسج عقدج معاه

سكتت اكل بشفايفي كالت

ـ شو دهاچ احجي معاه والله خبلني ميت يسمع صوتج

بدون وعي او تفكير احذت التلفون منها كل همي اعرف شنو يعرف عن دَيهم وشنو اسراره المضمومه

ـ اا الو

ـ هلا والله

ضليت ساكته متوتره ورجليه صارن يرجفن وجبهتي اتعرقت

ـ شلونك

ـ تـ تمام

ـ ما ضنيتك هيج تخجل

ـ لا ما خجلانه

ـ واضح واضح ههههههه

ـ ليش تحجي بصيغة ولد؟

كال بخفوت

ـيمي جماعتي

ـ ها لعد اخذ راحتك بس عندي كلام وياك بخصوص موضوع

ـ ماشي اوصل البيت واخابرك ضلعي

ـ تمام

سديت الخط وشمرت التلفون لـ رموسه

ـ الله ياخذج ورطتيني امشي جيبي لي ماي اشرب

ـ غاح يجزعني دامو سمع صوتج يوميه يريد يسمعو راحت تجيب لي ماي شربت واني احس ريگي ناشف من السويته ومصدومه مدا اصدك گدرت احاجي احد غير دَيهم

بس والله هو جبرني على هذا الشي اجت الفرصة لعندي اكشفه بأي طريقة حتى لا يضل يجذب  ريماس : ههههههه شجاج ما نام فوگج ترا بس سلام ـ اكلي خرا ينام فوكي شنو

ـ اعصابج ست

ـ عيب ريماس والله ازعل اذا تحجين هيج

ـ اوك اوك خلاص

شواي واتصل بـ ريماس اخذت التلفون منها وكتله

ـ احجيلي شتعرف عن دَيهم

ـ احتاج كعدة وياج طووويله يلا اگدر احجيلج كلشي ـ احجي حتـلو تختصر فدوه

ـ دَيهم يحب نور و دوم يحجيلي عنها

ايدي صارت ترجف من السمعته

ـ نور ادري بيها ماكو غيرها؟

ـ بس ماتدرين يوميه يروح يشوفها وحتى بنتها مرات اشك هاي بنته مو بنت زوجها المتوفي

دَيهم يحبها هواي

بقيت ساكته مصدومه من السمعته كال

خطاب : تگدرين ادزيلي رقمج الخاص

اتواصل وياج على فكرة انا ما اثق بـ ريماس ماكدر احجي شي وهيه يمج!

باوعت الها مركزه وياي

ـ تت تمام خطاب بعدين نحجي

سديت الخط بوجهه روحي طفرت وايديه تتراجف حتى النفس ضاگ عليّ

ريماس : شنو حجالج وهيج صار بحالج؟

ـ ممكن تخليني وحدي رموسه

ـ ياقوتَ

ـ رموووسه

ـ تمام انا رايحه حبيبتي باجر امرج

راحت وبقيت وحدي بالبيت افكر بكلام خطاب بعدين اذكرت الباب مفتوح واني وحدي بالبيت

و دَيهم بالشغل ركضت لبست عباتي والشال وطلعت بالشارع ادور سيارة توصلني والشمس قويه كلش مسويه فّي بأيدي لعيوني كوه اشوف لمحت خطاب واكف بالفرع يتأملني من بعيد درت وجهي عنه سويت نفسي ما شفته بنت عم دَيهم باوعت من فوك السياج وكالت

ـ اليوم الگمر طالع للشارع

ـ حبيبتي هدى ممكن تخابريلي سالم يجي يوصلني لبيت اهلي

ـ خير ياقوتَ

ـ كل خير حبيبتي بس ابوي مريض واريد اروح اشوفه

ـ ياااا سلامتو يغيحي هسه اخابرو

راحت تخابره شواي واجه سالم

ـ خيرج ياقوتَ

ـ ابوي مريض اريد اشوفه

ـ سلامات يارب شبي ابو نوار

ـ والله ماعرف لهسه محد حجالي من اهلي هو رايحه اشوفه شبي

ـ قربنه نوصل قربنه عود خابريني طمنيني عنه هذا رقمي

كتبه بورقه وانطاه الي

ـ ان شاء الله خويه بالك من الطريق

ـ شنو تحتاجون خابروني ياقوتَ لا تترددين انا مثل اخوانج نوار واشهب

ـ متقصر يبعد اخيتك

وصلني ونزلت يم بيت اهلي دخلت جوه لكيت امي تسوي بالغده و شيلاء بالصالة وك العادة ابوي بالمضيف نوار شافني وراح ضايج لغرفته

سلمت عليهم وكعدت يم شيلاء بالصاله

ـ ياقوتَ شبيج؟ وجهج ما يتفسر

ـ مابيه بس شويه تعبانه

ابابيل : بنيتي لعد وينه دَيهم؟

ـ بالشغل ماما

ـ استغربت لان ما اجه وياج هو ما يعوفج

ـ اييي بس والله يشتغل وماعنده وقت

ـ خير ان شاء الله بنيتي

كملت الغده واجه ابوي اتغدينه سوا وكال ابوي

ـ صاير بينكم شي انتِ وزوجج؟

ـ ها! لا بابا ماكو شي سمعان شي انتَ؟

ذ لا ما سمعت بس سألتج من باب الضروره لأن جيتج هيج وفجأه خلتني اشك

ـ لا بابا بس مشتاقتلكم ماكو شي

ـ خير بنيتي ان شاء الله خير

نوار : امممم حسبالنه زعلانه

جان گتلج ردي منين ما اجيتي بيتنه يتعذرج

ـ هذا بيت ابوي محد يكدر يطردني منه غير ابوي نوار : هه وانتِ لهسه حاسبه نفسج من عدنه

وحده رخيصه .

اشهب : نوااار كافي شنو من گلب شايل الناس كلها تنسى وانتَ لاااااا .

ضرب الطاوله بقوة وراح لغرفته ضايج راحت لاحكته مرته

ـ حبيبتي ايلاف انطيني توته

ـ اي هاچ

اخذتها وكعدتها بحضني الاعبها يمه يمه تجننن تنوكل من جمالها

ابوي كال لنوار

حڪيم : انتَ اسكت ولا كلمه البيت بيتي وذني بناتي يجن ايمت ما يريدن لا تدخلن بعد رواحنه الله ما اخذها حتى تتحكم بكيفك

اني طرت لأن رزله صار الليل و توته يمي بالغرفة واني متسليه وياها اندگ الباب

ـ ادخل

اجت امي كعدت يمي وكالت

ـ شلون دَيهم وياج بنيتي؟

اتمددت على رجليها ودموعي تصب

ـ يمه شبيچ من اجيتي واني ادري بيچ مو راضيه على زوجج .

ـ يمه يضربني ويأذيني ويخوني واني ساكته

ـ هما هيج الزلم هاي اني شوفيني متحمله ابوج صار 30 سنة

ـ مع احترامي الچ بس انتِ ساكته عن حقج ، يمكن لأن اهلج ربوج هيج شغلتج بس تتحملين الرجال وتكونين وياه بلا احساس

ـ هيه المره المعدله وبنت الاصول تتحمل زوجها وتصبر عل حلوة والمره وياه

ـ ليش حتى نصبر؟ ومن شنو خايفين؟ ليش منحجي ونوكف بوجه اللي يضلمنه ونطالب بحقنه؟

ـ حجي الناس ياكل وجوهنه واني ما اريد سالفة مو حلوه تمسجن

ـ همكم الناس؟ عجيب يا يمه لحد هسه اذكر من حرمتوني من دراستي وطفولتي حتى بس تسترون عليّ بشي اني ما سويته كلكم ضلمتوني يا يمه صارت تبچي وياي واني اشاهگ لأن اول مره اتجرأ واتمدد على رجليها واشكي الها

ـ شبيدي اني كله من اخوج نوار حتى حوبتج طلعت بي كل ما يجي طفل بعد فتره يموت

ـ اي يايمه الحوبة تبطي بس ماتخطي ياريت نوار مو ضالمني ولا ضالم نفسه وياي اذاني يمه كلش اذاني جان اني مو هذا حالي ولا جان انجبرن اتزوج حتى اطلع من سجنكم

ـ بس ابوج راد مصلحتج بوكتها وخلاج تتركين الدراسه

ـ يمه اسكتي عليج الله شنو يريد مصلحتي اني شسويت جنت طفلة والله طفلةةةة هلسوالف ما اعرفها وحتى انتِ يا يمه ما وكفتي وياي ولو مره دائما جنتي ضدي

ـ هاي قسمتج من دون خواتج يا يمه شبدينه

ـ الحمد لله يمه بس محد رحمني منكم ، هههههه يكولون الاهل سند بس  اهلي كسرو ضهري

ـ  انسي الماضي واتحملي زوجج بشينه وبزينه مانخلص من حجي الناس اذا اطلكتي

ـ للأسف انتو زرعتو فكرة العيب والخوف والحرام بعقلي بحيث لو تشوفوني انضلم وانكتل وانهان كدامكم ماتحجون ومحد ياخذ حقها فقط لأنو اني لو وحده من خواتي تبترون الايد التنمد عليهن واني؟…. اني لازم اطيع كلامكم وامشي بأمركم بحجة العيب والحرام وبحجة مصلحتي وخايفين عليّ بس مابيكم واحد يخاف الله بيه

ـ ارجعي لـ بيتج وزوجج يا يمه لا اخ ينفع ولا اب وام ينفعون زوجج هوَ سترج وغطاج ستر البنيه بزواجها خلت راسي ع المخده وراحت ضليت ابچي الا من حسيت راسي شويه وينفجر .

يتبع …

▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭

بارت قصير لان ماڪدر انزل باجر اعذروني احبكم