رواية بين قبضتهم وقلبه – الفصل الثلاثون
30
▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭.
❂رقــــــو ـ الجـــوهر ❂
بـين قبضتهُم وقلبة
قناة تلي :
💙 .
..
فأنا اغار من عابر فقط عابر ، فما بالك بجليس يُحادثك ثم يبتسم من بَعدك
..
………..
جايبلها وياي بلورة زجاجية لأن شفتها كاتبه تعليق ع التيكتوك
– كانت امنيتي مُنذ الطفولة وما زالت .
وكعت البلورة من ايدي وانكسرت وانچفه مايها شلتها من الكاع وانا اعيط اخذت شالها وعباتها وطلعت وما اعرف شلون وصلت المستشفى كل الطريق ايدي ترجف زين ما سويت حادث دخلت المستشفى شايلها بين ايديه ودمها يجري على هدوميي
ديهم : الحگووليي ولككمم مرررتييي راااح
تموووتت بييين ااادييةةةة
.اجتني ممرضه وصاحتلهم
ـ السديه بسرررعه
جابوو السديه وخليتها عليها دخلت وياها
وانا بس ابچي ما سكتت اهجس غيحي تريد تطلع من صدري وغصة ببلاعيمي اريدها بس تكعد واسمع صوتها الدكتوره تريد تخيط ايدها بدون بنج كتلها
ـ بنجيها يلا تخيطين
ـ ماعدنه وقت مرتك يادوب گلبها ينبض
نازفه دم هواي
ـ توووجعهاااا ايدها اذا بدون بنج يا حيوووااانه عصبت ونترت بوجهي وكالت
ـ احترم نفسك لا تغلط لو تخاف عليها جان ماخليتها تنزف دم هلكثررر وماتدري عنهااا
تعاركت انا وياها وطلعوني برا
شواي واجت ممرضه كالت
ـ اضبط اعصابك اذا تبقى هيج حتى مرتك
ما يسلموها الك
ـ منو الما يسلمها الي ؟ انتو ؟
ـ القانون ، شوف الشرطة تتجول بكل مكان كلمة وحده من الدكتوره تكدر تكللهم انتَ مسوي هيج
بـ مرتك
ـ هههههه طيب واذا كعدت مرتي واعترفت
انا ما اذيتها ومو انا السويت بيها هيج شلون بيكم ؟ ـ ويمكن تكون انتَ السبب فعلاً وبالاخص هسه منتشره هيج جرائم
ـ ولا اي احد يتجرأ ياخذها من ايدي اذا حابين روسكم تبقى متركبه على اجسامكم لا تاخذوها مني واذا حابين روسكم تنفصل عن اجسامكم جربوا ابعدوها عني
اتعلثمت وهيه تحجي وكالت
ـ وانت منو حتى تهددني
ـ بكلمة وحده مني المستشفى بكبرها تنسد وحتى انتَ اطيرين من وضيفتج هاي الما عرفتي شلون اديريها صح
قاطعنه صوت واحد من الشرطة وكال
ـ لك شهل صدفة اليوم منو هنا
ـ هلا بالحبيب رضاوي شلونك
ـ هلا بيك رَيس
ـ وين الغيبة هاي لا تتصل لا تسأل
ـ والله ازوجت
ـ هههههههه اسكت لا تكمل ماكول غير الله يعينك شتسوي هنا
ـ مرتي مريضه وجبتها للمستشفى
الممرضه : تعرفون بعض؟
رضـا : اي وانتِ تعرفيه؟
الممرضة : لا ليش هوَ منو؟
رضـا : ابن العقيد ، والنائب **** غيدان
( ابو بلال )
بلعت ريگها مرتبكه وكالت
ـ المسؤول عن المستشفى نفسه؟
ـ اي نعم نفسو ليش صايره مشكله بينج وبينه؟
ـ لا بس مرته تعبانه ويريد يشوفها غصب
ـ اي خله يشوفها يحق له غير مرتو
ـ تفضل عيني اتفضل ونعتذر عن الازعاج .
دخلت للغرفة البيها ياقوتَ ايدها مخيطيها ولافيها بشاش ويمها ممرضه كتلها
ديهم : ايمت تكعد؟
ـ تحتاج بطل دم
ديهم : شنو فصيلتها؟
ـ O-
طلعت الها ايدي وكتلها
ديهم : اخذي مني
ـ شنو فصيلتك؟
ديهم : نفس فصيلة دمها
سحبت الها بطل وخلتو الها بعد مدة خلص البطل
و ياقوتَ بدت تصحصح
ـ حبيبي تسمعيني
ـ هممم
ـ ليش تسوين بنفسج هيج يا امي
تحجي بصعوبه وكالت
ـ ليش ما خليتني اموت
ـ تموتين لخاطر منو ؟ منو يسوى يا بويه
حتى انا ما اسوى والله .
نزلت دمعتها وعيونها بصعوبة تفتحهن
ـ ياقوتَ
ـ هاـ مافكرتي بحالي؟ مافكرتي شيصير بيه اذا صارلج شي وين اغيح وشلون اعيش من غيرج
ما ارتاحيت بحياتي خلوني ارتاح بموتي
ـ وانا ؟ راحتي انتِ دنيتي كلها انتِ
تريد تحجي ماتكدر كتلها
ـ اعزاز گلبي انتِ لا تحجين بويه ارتاحي
نمت وانا ماسك ايدها وهيه هم نامت
ـ ياقوت ـ
بعد مده كعدت لگيت دَيهم مشتري تلفون جديد فتحته اتأكد من الرقم لكيت الشريحة نفسها القديمه مالته دزيت رساله لنور
ـ هلا نورا شلونج ممكن تجين لمستشفى
الـ**** .
ـ شكد رقم الغرفة وشتسوي بالمستشفى؟
كمت ببطئ امشي شفت رقم الغرفة شكد كتبت الها
ـ رقم الغرفة 17 مريض ما اكدر احس مشتاقلكم انتِ واريج
ـ هسه جايه حبيبي .
واني راجعة لفراشي شفت الميز المتحرك مال ادوات العمليات رحت اختار شي بحيث ما اتعب بس اغرزه بنص گلبها تموت وتخلصني اخذت شي يشبه السجينه رفيع وحاد خليته بردن ايدي ورجعت لمكاني .
بعد مدة اندگ الباب و دَيهم تحرك بس ما صحى من نومه لأن تعبان دخلت نور وياها بنتها اريج شافتني وانصدمت ماتوقعتني اكون موجوده كالت
نور : هلا ياقوتَ سلامات
كتلها بخفوت
ياقوت : اششش دَيهم نايم تعاي يمي نسولف
اجت سحبت الكرسي وكعدت مسكت ايدي وكالت نور : دَيهم راسلني وكال تعاي للمستشفى خفت بيكم شي
ياقوت : اي وبعد
نور : والله خفت حيل
دخلت الممرضه اخذت الميز المتحرك وسدت الباب وراها اباوع لـ دَيهم نايم يم رجليه بسابع نومه نزلت من الجربايه وافتريت عل نور وهيه مخلوسه مني دنگت يمها وهمست بأذنها
ياقوت : عرفين الي تحاول تتقرب من دَيهم
شنو ممكن اسويلها ؟ .
نور : شنو تقصدين!
ايدها مخليتها ع السديه كتلها
ياقوت : قصدي معروف و واضح بس انتِ متفهمين بالكلام .
خنگتها بأيدي وغرزت السجينه بكف ايدها
ـ ددييهمم .
دمها يصب مثل النافورة على صوتها فز دَيهم مرعوب واني خانگتها اريد اموتها جريت السجينه ورجعت غرزتها بمكان ثاني وهيه شاغت روحها وتعيط اجاني دَيهم يريد يبعدني عنها واني مستمرة اغرز السجينه وارجع اسحبها اسحب روحها
وياها من اسحبها دمها القذرة دمر ملابسي
حتى وجهي انهاريت عليها ماسكه السجينه بأيدي موجهتها لگلبها اريد اغرزها و دَيهم مقيدني من وره
ـ ياقوتَ حبيبي لااااا لا تورطين حالج ياااا بووويه
ـ وخررررر عني دَيهم اررريد اموووتهااااا واخلص من شررررهاااا .
بنتها عاطت وبس تبجي من شافتني هيج سويت دَيهم بصعوبة اخذ السجينه مني واني اتلاهث من العصبيه وايدي غركانه بدم نور الساقطة دخلو علينا الدكاتره مفزوعين من صوت عياطها العوبه اخذوها الدكاتره وطلعو وهيه تبچي وروحها شايغه من السويته بيها
دَيهم : حبيبي اهدي يااا يمه شسويتي ولج وشجابها هيه القندره هنا
بس اتلاهث ومصدومه من نفسي رجعني للسديه ويحجي وياي
ـ ابوي انتِ شهل عصبية والانفعال اللي عندج والله اخاف عليج يصير بيج شي
ـ ما م مايصير بيه شي بس ارتاح منها تعبتنننيييي
ـ اخخخ يا بويه مو هيج تتصرفين من راسج والله اخاف يا امي اخاف عليج
ـ وليش خايف تريد ترفع دعوة خليها مو خايفه
ـ يخسى اليمد ايدو عليج ابترها الوو والله بس خايف من اعصابج هاي
ضليت اتلاهث وصرت اتعرق وحالتي ادهورت للأسوء راح دَيهم جاب الممرضه انطتني ابرة بالكانونه هدئت ونمت بعد مدة صحيت على صوت دَيهم وهو يكول لدكتوره
ـ بكل الاوقات لازم تاخذ هاي الحبوب؟
ـ اي لازم ضروري لأن اعصابها تعبانه وبس حبوب المنوم تخفف من توترها وتخليها تنام وقت اطول
ـ طيب هيه مضرة وتسبب الها اكتئاب بمرور الوقت شلون تاخذها
ـ مثل حالتها تحتاج المنوم وضروري هم لأن عدها حاله نفسيه وتوتر لا ارادي من اقل كلمة حاول تخفف ضغط عليها ترا بعدين يأثر عليها وتتحول حالتها للأسوء .
بقى يسولف وياها واني بصعوبه فتحت عيوني راحت الدكتوره كال دَيهم
ـ صح النوم اميـرتي
باسني بأيدي وگال
ـ نغيح لبيتنه
ـ اي اخذني
ـ مليتي من المستشفى؟
ـ همم
ـ تاكلين وبعدين نغيح
ـ لا بالبيت اكل
ـ تأمرين امر امي انتِ
ساعدني وكومني من السديه وصلني السيارة واني بصعوبة اشوف من الشمس كلش قويه اذكرت نور وكتله
ـ دَيهم
ـ يـبعد اهلو انتِ
ـ العوبه شصار عليها؟
ـ طلعت من المستشفى بس بعدها مرعوبه من الصار
ـ همم
ـ لا تشغلين بالج بهيج امور بويه ريحي حالج
وصلنه البيت ولكيت امي متصله بيه هواي اتصلت بيها وكتلها
ـ هلا يمه شلونكم
ـ هلا ياقوتَ بنيتي وينج؟
هواي اتصلت عليج
ـ جنت بالمستشفى مريضه يمه
دَيهم يباوعلي خايف عباله اكللها عن الصار كالت
ـ يمه اليوم بالليل نجيكم ابوج حلمان بيچ ضايعه بغابه والذئاب والضباعه تنهش بيچ
سمعها دَيهم لأن اني فاتحه مكبر صوت كتلها
ـ ليش يمه شعجب اجيت بأحلام ابوي؟
ـ يكول دوم دوم احلم بيها مره حلمان بيچ جايه عليه وكايلتله بابا ساعدني يوميه جاي اتعذب وابوج مو مرتاح يكول الا اروح اشوفها
ههههههه سبحان مغير الاحوال هيج تغير ابوي وصار يهتم بيه!
ـ انجبي ياقوتَ هذا ابوج و واجب عليج تحترمي
ـ ههههه بعيني يمه باجر تتغدون يمنه مو؟
ـ اي نجيكم ع العشه ولا تسوين كلشي راح اطبخ اني وابوج يريد يقرالج ويرقي لج ع الاكل حتى تتعافين وتبطلين تجي بالاحلام
ـ تمام يمه سلميلي عل يمج كلهم بس انتو ومنو تجون؟
ـ اني وابوج و اخوانج اثنينهم و شيلاء
سديت الخط واباوع لـ دَيهم وجهه ما يتفسر
ديهم : شعجب تذكروج اهلج؟
ياقوت : والله حتى اني مستغربه هههههههه
ديهم : حاجيه الهم شي عن حياتنه؟
ياقةت : مثل شنو؟ هااا اممم قصدك من طفيت جكارتك برجلي؟ لو من ضربتني على حلكي وطگن دم؟ لو من اذيتني بالضرب لأن تغاار ؟
ـ شنو تعايريني ؟
ـ هاي حقيقة انتَ هواي اذيتني ولازم تتحمل كلامي القاسي وياك
احجي وافصخ بالكانونه
حتى ابن عمك ما سلم منك ردت تموته الله ستر جان ماخلصت من شر عشيرتك ومشاكلهم هما من دون كلشي ميحبوني اعقل دَيهم هاي مو غيرة هذا هوس ومرض يجي يوم ويقتلك ومتحس بي .
ساكت كوه ماسك نفسه واني احجي ما سكتت غير الموضوع وكال
ـ ياقوتَ حبوب المنوم لا تهمليها
ـ يولن ولا اخذ شي
ـ لا تعاندين هاج يلا اخذيها
اخذتها وحسيت جسمي ارتخه واعصابي هدئت ونمت .
صار الليل واني وياه عادي ماكو شي بينه
بس اني ما اطيقه مبتعده منه اجو اهلي وجايبين العشه وياهم جهزت العشه ع الطاوله وشيلاء تساعدني وابوي يباوعلي واحس اكو كلام يريد يكوله بس ميعرف شلون اتعشينه وكملنه
وابوي و دَيهم ونوار واشهب يسولفون ويضحكون وامي يمهم هم رحنه للمطبخ اني و شيلاء نسوي چاي كالت شيلاء
ـ ياقوتَ
ـ ها حبيبتي
ـ اكو شخص تقدملي
ـ اي
ـ اني ما اريده بس امي تريدني اوافق
ـ وابوي؟
ـ ابوي وتعرفيه ماعنده بنيه تختار من كيفها هو يحدد مصيرها
ـ قصدج يجبروج عليه ؟
ـ هما جبروني اصلاً و نوار تحلفني اذا ما اوافق يكسرني تكسير
ـ والحل
ـ قنعي امي تبطل تضغط عليّ لأن ياقوتَ
والله ما اريده
ـ وانتِ شايفه امي تسمع كلام احد؟ يمه امج متسوي غير البراسها ومحد دمرنه غيرها هيه ونوار
ـ ياقوتَ انتِ مرتاحه؟
ـ اذا اكلج اي اجذب عليچ! خليها سكته الله يخليج دخل علينا دَيهم وكال
ـ ياقوتَ چايج طول
ـ ثواني ويجهز
اشرلي الحگه للغرفة وراح گلت لشيلاء
ـ شوشي عينج ع الجاي ما اطول
لحگته وكتله
ـ ها خير
ـ ابوچ الكواد يشمر عليّ كلام
ـ ليش شعنده وياك؟
ـ يلمحلي يريد ياخذج
ـ هههه مياخذني لتخاف
حجيت كلامي واريد اطلع صاح وكال
ـ ياااقوتَ دا احجي كل عقلي والله ابوچ لمحلي يريد ياخذج ومايرجعج انا خايف ياقوتَ خايف صدك ياخذج وبعد ما يردج الي والله احرگ عشيرتكم بكبررهااا
ـ اهدأ لا يطگ لك عرج جاي اكلك لتخاف
حتى لو يگلي امشي ما اروح وياهم
مسكني من ايدي والضحكة شگت حلكه وكال
ـ احلفيييي
ـ وغلاتك صرت كل اهلي انتَ
احتضن وجهي بكفوف ايده وكال
ـ حاسبتني اهل ؟
ـ روحي وراحتي وعلاجي وملجأي
تنهد وكال
ـ الله يهديني و ما اخيب ضنچ
ـ على فكرة
ـ امممم
ـ ما الي غيرك انتَ و امك
ـ بس انا
ـ تغار من امك؟
ـ اموت مو بس اغار
ـ بس هيه حنينة عليّ وتحب….
قاطعني ببوسة وكال
ـ اشش صرت اكرهه امي بسببج
ـ دَيهوم ينتظرونه ترا
كرصني من خدي حسيته انشلع
ـ اووف شحبچ بنت حكومي الچلب
ـ يشور بيك لا تحجي عليه
راح عليهم عدلت شالي ولحكته لكيت شيلاء صابه الچاي وكاعدين يشربون
دَيهم : ياقوتَ چاي من ايدج .
صبيت له وانطيته كعدنه نسولف
ابوي يحجيلنه عن ايام قبل وشكد جانت الدنيا بخير وحلوه اني كاعده بصفه كمل سالفته وكلنا سكتنه والهدوء سكن المكان وفجأة اباوع بوجه الكل كلهم يباوعولي بنضرة غريبة وكأنو شافو شي خرطت العافيه بلعت ريگي ناشف ابوي مركز بيه و دَيهم موسع عيونه توا يريد يحجي ابوي اشرله بأيده يرجع لـ مكانه
ياقوت : بابا شبيكم
ماكملت كلامي ماحسيت غير بأيد ابوي تخطف
من يمي وتمسك حية راسها شكبره
ياقوت. :يمممةةةةة دَيهم الحگلي .
اجه طايره روحه ودار وجهي عن ابوي حتى لا اشوف الحية بأيده وكال
ديهم : اهدي ياقوتَ بويه انا يمچ
اسمع بس صوتها تنفث بي باوعت شفتها تمشي على ايد ابوي
ياقوت : بااابااا راح تلدغكككك
حڪيم : لا بنيتي الحية ما تلدغ السادة ولا تأذيهم
ـ صدك بابا؟
ـ والله باوعي
يمشيها على ايده مثل الحاكمها حتى صوتها اختفى مسيطر عليها بشكل كامل
اشهب : اكتلوها وادفنوها
حڪيم : لا اخذها وياي للبيت
ياقوت : ليش بابا
حڪيم : تحمي من العين والحسد .
خلاها بقفص دَيهم مال الحمامات وكال
حڪيم : الحية شتسوي ببيتكم؟
ـ ماعرف بابا مع العلم اني ما ابقي الباب مفتوح
حڪيم : احتمال اكو واحد بيكم عليه نذر
ولهسه ما وافي بنذره .
دَيهم ديشرب ماي شرگ بالماي وهو يشرب عرف نفسه هو المقصود لأن جان يگلي وعد اعوضج
و طيح حضي بزياده وهذا يعتبر نذر بركبته تعللو يمنا بعد مده راحو اريد اطلع اوصلهم للباب الخارجي دَيهم يخوزر بيه ماطلعت لأن مالي خلگ مشاكله وهم الجو بارد وكلشي مو لابسه بأكتافي وصلهم ورجع
ـ جُماره
ـ همم
ـ نطلع؟
ـ اي اي امانه
ـ اتحضري يلا
ـ وين نروح
ـ امشي وياي مغمضه وبعمرج ما تضيعين
من الفرحة ضميته وايدي حاوطت ركبته هو هم ضمني وخرت منه وكتله
ـ رايحه ابدل
ـ البسي اليعجبج جُمارتي
ـ اي حتى بنص الطلعة تصير مكافش من الروس اسمع بس ضحكته واني رايحه بدلت ولبست شي يرضي حتى ما يتسودن عليّ ردت اخلي حمره بس ضميتها بالجنطه كلت هناك اخلي خاف يرزلني خليت بس رموش خفيفة وتنت لخدودي و ايلاينر طلعت لكيته واكف ينتظرني بس شافني انخطف لونه وعگد حواجبه ونضراته اتحولت لـ سطح عمامه
خايف لا يشوفوني فتح باب السيارة وكال
ـ اصعدي حبيبي
صعدت اجه صعد يمي رفع الجام وصدمني من شفته مضلله بزياده بحيث كلشي مايبين صافن بيه يتأملني
ـ دَيهم الجام حيل مضلل
ـ اي نوع كرون عاجبج تشديلي يبعد عمري
ـ ههههههههه
ـ والله العظيم انتِ تجلطيني بأسئلتج
ـ والله دَيهووم انتَ تضحك مضلل الجام من حوري اني قابل صرت انجلينا جولي
ـ تغيح فدوه لأضفرج
طول الطريق ما سكتنه بس نسولف كال
ـ تحبيني؟
ـ هئ
ـ حبيني عليج العباس
ـ هئ انچب
ـ والله انا حبيب وفقير واموت عليچ
ـ ههههه اييي حيل حبااب
ـ يول شتقصدين
ـ ما اقصد حاشاه
سكت شويه ماسك ايدي تنهد وكال
ـ لو ابوچ ماخذج مني اليوم شسوي بيهم ؟
ـ اممم شتسوي جنتل مان ؟
ـ والله ما اخلي الفجر يطر وابوج عايش بحيث هذا اخر ليلة اله جانت بس الله تلطف بحاله وما خلاه يشوف شري
ـ عمك سيد هسه يدري بيك شحجيت عنه
ـ هسه نايم بحضن ابابيل
ـ انچب لتحجي هيج
ـ اوي تحسستي
ـ هئ
ـ اموت ع الهئ مالتج
ـ رَيس
ـ عيون وگلب الرَيس
ـ مشتهيه موطه
ـ اخخ الله
ـ لا انچب دَيهم لتصير سرسري
ـ بويه منين اجيب لج شتاء وين اكو موطه هسه
ـ فدوه ففففدوووه اشتريلي اشتهيتها
ـ اكو بس حاره ماتريديها ؟
كفخته على ايده وكتله
ـ ديلااا عاااد اني هم صوجي طالعه وياك
ـ والله بيچ نومه للصبح ما اهدچ
ـ يمه شنو متحلف بيه!
ـ مشتاگلج اشتياقي شلون امحيه الا بهاي الطريقة
ـ يماااااا
ـ ههههههههه تخافين مني
ـ دَيهم سوالفك تجبر الواحد يخاف منك
سفط السيارة عض شفته وعيونه ذايبه وگال
ـ ما اتعبچ اريحچ وتريحيني وليدي
توا يريد يمسكني طفرت من السيارة
ـ بنت الكواد وين نزلتي بنص الشارع اصعدي بعدنه ما وصلنه
قشمرني وصعدت يمه
قفل ابواب السيارة رجع كرسي السيارة وره صارت مساحة كدامه اخذني بحضنه كعدني والمكان ضلمه وماكو احد لأن الوقت متأخر سحب شالي عن شعري وشمره على صفحة وانفاسه تتسارع
لابسه كيلوت فتح ٣ دگم من قميصي ودفن راسه بصدري يلتهمه حسيت بحرارة انفاسه لفحتني صارت تمطر وصوت المطر يضرب الجام مال السيارة اخذ شفايفي بين شفايفه يبوسهن بقوة تفاعلت وياه وصرت اخذ شفايفه بشفايفي عضيت شفايفه بقوه ديهم : بربوك اول مرة تستحي وماتقبل بعدين تصير أسـد .
صار يقسى وياي بوساته وتعمد يورمهن ويترك اثر عليهن خله خشمه بصدري يشمه وصعد لركبتي وصل شحمه اذني واخذها بشفايفه يلتهمها وانفاسه تخترق اذني دافيه ذوبني وعيوني سلهمت براحة
ججه بهمس
ـ ذايب بيچ انا يول دمرتيني انتِ گليلي من شنو خالقچ ربنا
رن تلفون دَيهم توا اريد احجي گال
ـ اشش خليني ذايب خليني متهني
انقطع الاتصال وبعدها اجته رسائل هواي اخذ التلفون يشوف منو واتغيرت كل ملامحه من قرأ الرسائل
ـ ياقوتَ يلا مانبقى هنا
ـ شبيك دَيهم شصاير
ـ بعدين بس انطيني مجال
وخرت عنه وشغل السيارة ومشى لمحت سيارة ورانه تلحگنه و عين دَيهم ع السيارة وايده ترجف ومرتبك
ـ حبيبي منو ملاحگنه
ـ بابا ابوس ايدچ ممكن تهدئين نوصل وافهمج سكتت بس گلبي مو مطمئن عرفت اكو شي صاير دخل منا وطلع منا يحاول يخليه يضيعنا وابد ما رجعنه للبيت بس دخلنه بمكانات غريبة اول مره اشوفها
ـ ديهوم مانرجع لـ بيتنه؟
نتر بعصبيه وكال
ـ كااافي تسألييين ما تجزعين .
برطمت بزعل وسكتت بعد مانطقت بحرف
بعد معاناة گدر دَيهم يخليهم يضيعونه اباوعله يلهث من التعب تعبووه حيل اتصل على صاحبه
ـ اشڪرك رضاوي والله لو ما انتَ جان هسه بس الله يعلم بحاليي . بعد غيحي ابن امي الكلف
سلملي ع الوالد .
سده ورجع باوعلي
ـ ليش خايفه
ـ ما خايفه
ـ اسف بويه عليت صوتي عليج قبل شويه
ـ ديهوم
ـ عيون دَيهوم انتِ
ردت ارجع اسئله بس خفت يشمرني من الجامة ياقوت : جوعانه
ديهم : افا بنيتي جوعانه لا والله يخسى الجوع . اخذني لمطعم اول مادخلنه جوه لگينه ابن عمه محمد اخو رائد وجه دَيهم انگلب صار ما يتفسر محمد : هلا والله شلونك رَيس شهل صدفة الغريبة ديهم : هلا بـ ابن العم
ضمو بعض محمد رجع باوعلي مد لي ايده وگال
ـ شلونج ياقوتَ
دَيهم اخذ ايد محمد وصافحه بمكاني خازره وگاله
ـ زينه
ماسكني بأيده الثانيه سحبني وراه حتى محمد
ما يشوفني طلعنه حتى بدون ما ناكل دورنه غير مطعم كعدنه ناكل و دَيهم ساكت صرت اخاف
من سكوته اباوعله ياكل بشراسه يبرد گلبه بالاكل
ـ هواي اكلت
ـ الزلم تاكل على گد افعالها.
خلصنه ورحنه لـ مكان كله درابين صغيرة وبيوت طين قديمة والجو مغيم وتمطر وصوت الرعد هادئ يريح الاعصاب وبأيدينه گهوتنه اخذه الگهوه من ايدي وگال
ـ يلا جُماره
ـ وين
افتر فتح لي الباب ونزلنه نمشي بين الدرابين والمطر ينزل علينا و دَيهم ضامني جوه قمصلته
ـ ليش ما جبتي قمصلتج وياج بويه ح تتمرضين
ـ ما اهتم دام انت موجود ميجيسني البرد
ابتعدت عنه ورحت اركض واضحك بالمطر عثرت وكعت گال
ـ ورني ور هذا كعبچ شو دنزعي يبااا
نزعلياه وشاله بأيده واني اكمز بالمطر واضحك
ـ ديهوومم شواربك صارن يضحكن عدلهن
ـ هههههه يول البربوگ والله اذا جيتج
ـ صرت عتوي مبلل .
شمر الحذاء واجاني واني اركض منه يريد يمسكني كمت اضحك وما اكدر اركض ومسكني
ركز بيه واني بين ايديه وگال
ديهم : تشوفين مطر الله شگدو
ڪلو ما يرويني
انا ارتوي بضحكتج ، بسوالفچ ، بصوتچ ، بعيونچ الاحبهااا انتِ تشبهين المطر وانا اشبه الارض الناشفه اجيتي ورويتيني . وَردت سنيني كلها بس ايدچ جاست ايدي
ياقوت : عساني لا انحرم منك
ديهم : ولا منچ ابوي انتِ
بسته بشفته تچوي رغم الجو بارد غمض عيونه ذايب احتضن خدي بكفوف ايديه وصار يبوس بيه نوب باس عيوني ووجهي كله ماترك جزء ما باسه
ديهم : تعاي .
اخذ ايدي وايده الثانيه حاوطت خصري وصار يتمايل ويمايلني وياه يمين ويسار صار يدندن توا يريد يغني قاطعته واني ادندن
:
حين التقيتك عاد قلبي نابضاً
وجرى هواك بداخلي مجرى دمي
وشعرت حضنك دافي ورائيتني
رغم الحياءِ اذوب فيه وارتمي
قُلي ايا رجلاً لأي قبيلة
ولأي عصراً او لجنسً تنتمي
ولمن تعود اصول عينيك التي
اضحت قناديل الضياء بعالمي
كملت وهمستله
ـ تحبني
ـ اكو احد ما يحب غيحو !
ضحكنه سوا وكال
ـ ذبت بصوتج منا ورايح دوم تغنيلي
ـ تأمرني رَيس
ـ هوَ بقى رَيس يمج يصير اخف من الهوى .
رجعنه للسيارة وهو شايل حذائي بيده واني اكمز كدامه
ـ كافي بابا يلا نرجع للبيت ح تتمرضين
ـ هئ نبقى شويه بعد
ـ جؤ جُماره لا تعاندين
ـ حباب حباااببب
ـ لا تباوعيلي بهاي النضرة
ـ ما ليش
ـ ما ارفضلج اي طلب اوافق واني الممنون اصعدي يُبا اصعدي اخذج لغير مكان
ـ الله صدك والله
ركضت وصعدت بالسيارة
ـ على كيفج يا امي بالراحة وليدي لا تتعورين
اخذني لـ نهر دجله نزلنه خبلنه وافترينه شواي شو وجهي جمد من البرد وصرت كوه احجي هو يسولف وياي ويشمر حجار بالماي
ـ ياقوتَ بويه
حسيت جسمي كله اتجمد اريد اجاوبه ما اكدر باوعلي وكال
ـ مو احجي ويا … سوده عليّ شبي وجهج يحيلي يتلمسه بأيده كال
ـ ثلجج ولجج جسمج جااامد متحجين متكولين!! شالني يوديني للسيارة كوه حجيت وكتله
ـ مم ماكدر دد يهم
ـ لا تخافين بويه انا يمچ راجعين للبيت يا امي راجعين .
خلاني بالسيارة وصار يسب ويغلط على روحه لأن جابني هنا والجو بارد
طول الطريق ارجف وهو مشغل تدفئة
ديهم : نوب خدودها حمر يا الله جان صار بيچ شي من صدك اشگ هدومي
ياقوت : مم مابيه دَيهم بس برردانه
ديهم : تعاندين وراسج يابس كتلج نرجع للبيت
قلد صوتي وحركاتي وكال
ـ عاندتي حبااب حبااااببب .
حصرتني الضحكه ماكدر اضحك عضامي تأذيني من البرد وصلنه البيت لگينه محمد اخو رائد واكف بالباب الخارجي مالتنه دَيهم بس شافه استغفر ربه فتح النه باب الكراج سفطها دَيهم وكال
ـ عدلي شالج بويه
عدلته ونزلت راح يفتح باب البيت بالمفاتيح رحت يمه اجه محمد وكال لـ دَيهم
ـ رَيس
ـ دَيهم ها حمودي
ـ محمد انا والشباب راح نجي نكمل سهرتنه يمك بالحديقة
عصر المفاتيح بأيده بقوه واني صرت ارجف
ـ حمودي انا رجال متزوج وعندي حرمه بالبيت زحمه تسهرون يمي الناس شتكول عليّ؟ وانا ما اريد اي حجاية تمس حرمتي ولا حتى ريشة تمسها
ـ حرمتك مثل اختنه
ـ دَيهم واليفكر يگرب صوبها او يتدنالها بالزين
او بالشين غاح يجرم على عمرو صدگني ما يخلص من شري .
خطيه الولد ضل يتبلعم احتار شيجاوبه عافه ومشى اجه دَيهم فتح باب البيت طبينه جوه وكتله
ـ رَيس انتَ شكد صلف ؟
ـ هسه يلا دريتي ؟
ـ دخيل الله لسانك شكد جَسر لسانك شطوله رَيس لتحجي ويا الناس هيج عبالك هادود !
ـ اشش لا اطيح حضج
ـ رَيس انتَ ليش تغار هيج ؟
ما جاوبني كتله
ـ حُـر انتَ ليش هيج الشر يجري ويه دمك
ـ اتقي شري اذا غرت
ـ بس انتَ حتى وياي شرير
ـ ها شو هيج صار الحجي ؟
ـ والله يعني ملاحضة عليك حتى اهلك يخافون منك بس يسمعون حسك ينخلسون لو اني منهم ولا اخاف
ـ منو الما خايف ولج ؟
ـ اني
ـ هو هذا اليتزوج طفلة يصير مضحكة لأمة محمد
راح للحمام يسبح كتله
تعال اني مو طفلة لتعيدها بعد
ـ طـ ـفـ ـله تبقين طفلةةةة
ـ انچب ديهوم مو طفلة مو طفلةةة
ـ امبلا طفلة
دخل للحمام كسرت باب الحمام عليه من الضرب كال ـ امشي لفراشج ادفي
ـ افتح الباب
ـ والله لو مو مريضه اخخخ خليني ساكت
ـ افتحةةةة
ـ شواي افتحةة بس اطلع
ـ انچب السريري
ـ يطرب عليچ السرسري
رحت اخذت حبة منوم واتمددت بفراشي
على ما طلع هو اني غفيت حسيت بي ينزعني بملابسي لساني ثكيل كوه انطق الكلام كتله
ـ دديهم
ـ عيونه انتِ بابا ملابسج مبلله ميصير هيج شلون تنامين بيهن
ـ ها نامي بنياتي نامي
فارش النه بالارض نومني وغطاني حسيت شي دافي يم رجليه باوعت لگيته يدفي برجليه ع الصوبة مسكت ايده وكتله بدون وعي
ـ تعال يمي ديهوم
ـ من اكوللها انتِ طفلة تزعل يااربي حتى تصرفاتها تشبه الاطفال
ـ ديهوم ترا اسمعك
ـ اي بويه سمعيني جعل محد غيرج يسمعني
دفه رجليه وخله الصوبه مقابيل وجهي بس ابعدها حتى لا تچويني حسيت نفسي دفيت وحبة المنوم منا خلتني اطفي رفع راسي ونومني على صدره يتلمس خدي بأيده يتأكد خوما بعده بارد فتح التلفون يتصفح ع التيك واني غطست بسابع نومه .
كعدت الصبح لكيته نايم كمت سبحت بسرعة ولبست ملابسي ورحت اسويله ريوك اجاني مسج من ريماس كاتبه
ـ ياقوتَ من يروح دَيهم للشغل امرج .
ما ارتاحيت لجيتها اكيد عدها سالفة جديده كملت الريوك ورحت اكعده
ياقوت : ديهوم يلا كووم
ديهم : اممم
ياقوت : كوم حبيبي سويت ريوك النه
ديهم : گايم گايم حبيبي
ياقوت : جوووعانه يلااا .
كعد يفرك بعيونه ويتثاوب
ديهم : شعجب كاعده من صبح اليوم؟
ياقوت : يول جوعانه بطني مغصتني واني نايمه .
كرصني من خدي وگال
ديهم : جوعانه العوبه لو اعتمد عليچ تختفين من الجوع
راح يغسل واني رحت للمطبخ شواي ولحكني فات من يمي ضربني بس يتحارش
كعد ع الكرسي يشرب چاي والجكاره بيده گال ديهم : تعاي ورثيها الي
ياقوت : جداحتك وين
ديهم : تولي ورثيها الي
اخذتها منه ورثتها من الطباخ وخليتها بشفايفه سحبني وكعدني على رجليه ايدي حاوطت رگبته وايدي الثانيه على صدرة العب بأصابعي يتأملني سحب نفس من الجكاره وزفره تنهد واردف
ـ احبچ
بسته بشفته گال
ـ شلونج اليوم
ـ زينه
ـ وايدچ؟
ـ مابيها شي
ـ شو ابوسها
خليتها على شفايفه مكان الجرح باسها وگال
ـ جنتي ناويه تعيفيني ؟
ـ اعوف الدنيا كلها
ـ انا دنيتچ
ـ وكل ناسي الاحبهم
ـ محد غيري ؟
ـ ولا اي احد
ـ انا وبس
ـ همم
ايده احتضنت خدي وحجة بخفوت
ديهم : حبچ يشبه المووت
ياقوت : شلون؟
ديهم : صعب ينعاد مرتين
ابتسمتله كال
ديهم : من اصبح بوجهج يوميه
حتى الرزق يجيني ما اعرف منين والضحكة متفارگ وجهي
ياقوت : صدك والله
ديهم : لا تخليني جُماره حتى لو چنتي نار وتحرگيني لا تخليني احرگيني حيل تعودت احبچ بس من احترگ
ياقوت ; تحترگ بناري!
ديهم : نارچ ولا جنة فراگج
عصر جكارته بأيده وطفاها
اخذ شفايفي يبوسهن .
همس بخدر
ـ يول گلبي بنارچ ذاب وتچوه
رجع اخذ شفايفي يبوسهن دفعته وكتله
ـ الريوگ
كمت من يمه گال
ـ خبيثه دومچ مخربة اللحضات الحلوة تعاي يمي .
ـ ها
رشرلي على رجله كعدت وصرنا ناكل سوا كملنه وراح يبدل حتى يروح للمطعم
ديهم : جُماره
ياقوت : ها يروحي
ديهم : قمصلتي يبعد حيلي
ياقوت : ع المعلق
ديهم : ماكو تعاي دوريها
نشفت ايدي ورحت اشوفها
ـ حبيبي خليتها بـ …
اول ما طبيت الغرفة جرني من ورا سد الباب وقفلة وحصرني ع الحايط مركز بيه
ديهم : يول ليش تعذبين بيه ؟ ها
ـ دَيهم شغلك
ـ اشش يولي
ـ دَيه …
اخذ شفايفي بين شفايفه قبل لا اكمل كلامي ذبت بحركته بس احاول ما اخضع له احس من ما يتقرب مني يبقى يحبني اكثر وميكدر يأذيني ابعدته وكتله
ـ ديهم
ـ يول شحلات شفايفج من تندهّه بأسمي
يبوس بيه ويعصر مناطق جسمي بقوة وحرارة انفاسه برگبتي ذوبتني سلهمت عيوني وبطلت امنعه .
نزل ايده يمشيها من ضهري لأردافي عصرهن بقوة وايده الثانيه على صدري بدون تفكير بخوف واستغراب كتله
ـ هاي شبيك دَيهم شنو هل تصرفات ؟
ـ مابيه شي اشش
احاول ابعده مني كتله
ـ وخر اريد اروح
ـ جؤ اشش
حسيت نفسي تلعب منه ماعرف ليش اول مره يجيني هيج شعور
ـ وخررر دا اگلك
سحبني من شعري ورفع راسي وشفايفه ملامسه شفايفي
ديهم : كلمة زايده اخلص عليچ
نزلت دمعتي وهو بعد ماسكني من شعري
اخذ شفايفي يبوسهن بشراسة حسيتهن خدرن ورمن بنفس الوقت صرت ابچي واشاهگ بصوت عالي وخر و شفت دم شفايفي بشفايفه فرني ودفعني ع الچرباية اجه يمي يبوس بركبتي ويترك اثار عليها صوت شهكاتي على وصرت ابچي بصياح حَس على نفسه وتوقف باوعلي وگال
ـ ياقوتَ بويه شبيج
ـ عووفني ففدووه
عافني وابتعد عني والحيرة والاستغراب بعيونه واني بس ارجف رحت للمطبخ اركض شربت ماي وجهي عرگان وجسمي كله يرجف غسلت وجهي وانفاسي تتلاهث هاي شبيج ياقوتَ شنو هذا الاحساس الغريب ؟ هذا زوجج مو احد غريب لتتخبلين نشفت وجهي واحاول اكون بخير واستعيد توازني شواي واجه دَيهم لابس ملابسه يريد يروح للشغل اجه يمي ضمني
ـ اسف بويه خوفتج
ـ ها لا حبيبي اني مدري شبيه اصلاً
ـ جؤ مابيج اي شي انا ضغطت عليچ اعذريني حبيبي
توا اريد احجي باسني بخدي وگال
ـ احبچ انتبهي لنفسج وغده لا تطبخين شواي اجيبلج
ـ تمام حبيبي
ـ شنو جاي على بالج تتغدين
ـ مادري بكيفك
ـ تمام وليدي
وصلته للباب واني مصدومه من نفسي
مو مستعوبه السويته شلون امنع دَيهم يتقرب مني وليش هيج خفت منه واحس نفسي چازه منه!! شواي واجت ريماس جايبه وياها حلويات وكرزات و عصائر
ياقوت : كلفتي على نفسج رموسه الثلاجه مليانه والله
ريماس : لاااا هذا مو من عندي
ياقوت : اممم
ريماس : هذا من خطاب دزه الج
ياقوت : رجعي منين ما جبتي
ريماس : ليش؟
ياقوت : سوي مثل ماكتلج ولا تسألين
ريماس : طبج مرض انا اكلهن .
كعدت تاكل بيهن وتسولف ماسكتت
غفيت وهيه بقت تسولف دوختني بعد مدة فزيت على صوتها تضحك فتحت عيوني شفتها هيه و دَيهم يضحكون
ريماس : يلا ديهوم چاووو دربالك على حلوتنه ديهم : بالج من الطريق وكبل للبيت لا يمين ولا يسار والله اذبحج
فركت عيوني استوعب وكتله
ـ شكد الساعة
ـ اميرتي الساعة 8 بالليل شكد تنامين ما تشبعين نوم
ـ ههههه والله مدري عبالك بعمري ما نايمه ضليت اتثاوب وكاعده ومغمضه عيوني احس اريد ارجع انام طبع بوسه بجبيني وكال
ـ كومي حبيبي جبتلج شغلات تحبيها
ـ شنو جبت
احجي وعيوني منعسات كال
ـ جبتلج بيتزا وببسي وكنتاكي وهواي شغلات بعد
ـ انتَ توكلني؟
ـ اذا ما اوكل بنيتي اوكل منو ؟ يلا بابا كومي كمت غسلت وجهي وبس دَيهم دخل للحمام يمي حسيت بشعور غريب احس روحي كرهت وجوده هو ماتقربلي عرفني لهسه خايفه ارتچه ع الحايط مكتف جسمه ونازع قميصه و جسمه طالع عاض شفته السفليه وصافن بيه كتله
ـ بيك شي حبيبي؟
ـ مشتاگلج .. كلشي بلياچ فاهي
قرب مني وحصرني ع الحايط دفن راسه بركبتي يمشي خشمه على طول ركبتي يشمها وصعد لخدي يشمه همس
ـ يول عطرچ
ـ ها
ـ اشش انتهي من اشمه
ابعدت وجهي عنه ما اريد اشوفه ودفعته بصدره صفن بيه شويه وكال
ـ شجرالج ياقوتَ؟ ليش كارهه گربي منج!
نزلت دمعتي واحس غصة بلعومي صميت حلكي ماريد اشهگ كدامه واضوجه مني اكثر عفته وطلعت رايحة للمطبخ بچيت الما مليت وتعبت غسلت وجهي واحس خنگه بصدري كاتمه على انفاسي واحس البيت خانگني طلعت برا اشم هوى فد ارتاحت نفسيتي من طلعت
شواي ورجعت طبيت للبيت لكيت دَيهم ماسك تلفوني ومصدوم يفتش بي
ياقوت : شتسوي جيب تلفوني!
باوعلي وعيونه حمر وانفاسه تتلاهث كال
ديهم : حسافه اسگيتج بتعب روحي وتالي التعب بيج ما ورد
ياقوت : شـ شنو شكو
ديهم : شكو؟ انتِ هسه تفهميني شكو
مسكني من ايدي ولواها ورا ضهري
ياقوت : اوي ايدي هاي شبيك
فتح التلفون وشوفني صورتي بالشلحة المارونيه كال
ديهم : هاي شنو؟
ياقوت : شـنوو
ديهم : المنن دااازتهااااا
ياقوت : والله مادزيتها لحد
ديهم : رااااح اكفرررر
عاف ايدي وضرب راسه بقوة وضل يصيح اخترعت منه وكعت بالكاع وحصرت نفسي بالزاويه
ديهم : خطاااااب شعندو يتصل علييج؟
ياقوت : دَيهم والله
ديهم : ومنين جبتي رقموووو وشلووون كدر يووصلج
ياقوت : هسه افهمك
ديهم : يااااااقوتَ صورج عند خطااااابببب وتوا دازهن الج واتساب ويتغزل بيج .
دنگ يمي ومسك فك حلكي بقوة ونتر
ديهم : تعرررررفين شنو يعني يتغزل بيججج؟؟ يعني اليوم ما اخلي راسو مركب بجسمو
دفعني وكام يصيح ويكفر ويكسر بالغرفة ضرب المراية وكسرها وايده تنزف دم وميز المكياج مالتي كله كسره هوَ وعطوراته والمرايات مالته حتى صورتنه مالت العرس شالها ضربها بالكاع وكسرها واني ماسكه راسي خايفه منه اجه يمي جرني من شعري وانفاسه تتلاهث بوجهي
ديهم : انا تخونيني ياقوتَ ولججج اخخخخ . ضربني راشدي طوش اذني وجهي اشتعل بنار واني بس اشاهگ وابچي
ياقوت : ببب بس خليني …
ضربني على حلكي كام يصب دم وكال
ديهم : اشش اششش لتحجين ابداً لتحجين ولج هاي سوايه تسويها بيه؟ تخونيني و ويامن؟ ويا واحد رخيص ونعال ما يسوى انا تنطين بيه يول؟ انا اهون عليچ يا رخيصة اخخخ
ضربني راشدي مره لخ ورجع ضربني على حلكي اريد احجي ميخليني يضرب ويصيح
ديهم : وحده رخيصة خاينه حرامات التعب بيچ طلعتي ماتسوين بنت شارع ماعندج ذرة شرف . تعب وعافني
ياقوت : والله هيه هيه
ديهم : اششش ولا حرررف انتِ محد ياخذ غيحج غيري والله موتج على ايدي ياقوتَ .
رجع يضرب بيه ويكول
ديهم : ولج تخونيني ويا هذا العااااررر حابتووو تريدينووو ؟؟ والله اخذج غيحج بيدي وماتصيرين الووو وانا اكول ليش كارهتني ومتقبلين اتقرب منج اثاريه خراااا خطااااب حبيب الگلب مأثر على عقلج وماخذ گلبج
لواني من ايدي روحي شاغت
ديهم : لو تموتين ما اطلگج الا اخليج خدامة جوه ايدي اكفخ بيج واهينج شلون ما اريد
ياقوت : ففدوه دد دَيهم عوفني بس هسه افهمكككك
ديهم : اموووتججج ولا تصيرين الووو مو حباً بيج لا لااا كرهانيه الچ اريد اعذبج اضوكج العذاب الانا ضگتووو
ياقوت : دد دَيهم هيه ريماس هيه والله
ديهم : وحبيب گليبج خطووبييي شواي وتسمعين بي بمقبرة النجف ابتعد مني وكال
ـ اصلاً لوثتيني انا ماترهملي هيج مره حسبالي شريفة وبنت اوادم حسافه جنت اشوفج تعويض لكل خساراتي حسافه اثاري انتِ خساراتي كلها .
طلع جكارته ورثها والغرفة كلها متكسره ومدمره والهدوء سكن المكان يجر حسرة ويه كل جرة نفس تنهد وحجه بصوت مبحوح وكال
ديهم : يَـ ريت امي بشهرها وطارحتني ولا اعيش واشوفچ خنتي بيه .
سمعت كلامه وانفجرت بالكلام وكتله
ياقوت : رموسه والله هيه الاجت عليّ وكالت يريد يحجي وياج وضلت تلح وتلح وحتى تدري كالو كالووو عنك عندك علاقات هواااي وتخوني وحتى هما كلولي انتَ تحب نور ويوميه تروح تشوفها والله العظيم رموسه هيه الورطتني هيه عدها رقمه وتحجي وياه وهو ابو الخط مالتها مو ؟ .
سكت ميجاوب رحت يمه ابجي وكتله
ـ احجيييي دَيهم ابوس ايدك مصدكني مو ؟ والنبي ما خنتك ولا اخذ گلبي احد غيرك بس هيه رموسه كالت يريد يحجي وياج وبعدين اني حتى رقمه ما اخذته منين جاب رقمي
ساكت وعيونه حمر دم وايديه ترجف
ـ وها ترا هو نفسه الكتلك يضرب بالشباك ويفتر عل بيت ويخوف بيه والله هوو هيه رموسه كلتلي بس والله العظيم ما دنت نفسي عليه ولو ذرة ولا فكرت بي اصلاً هيه بس مره وحده وحجيت ويا من تلفون ريماس لأن كلي يعرف شي عنك حيل خطير واني كتلني الفضول.
اباوعله يعصر بأيديه وجسمه يرجف وجبهته عرگانه شويه وينجلط كام لحيله ودفع الكرسي هنااااك فززني وطلع بدون ما ينطق حرف
ـ ديهم ـ
بسرعة صدكتها لأن ما استبعد هاي سوالف ريماس انا حافضها سوتهن قبل هل مره طلعت متوجه لبيت اهلي و ياقوتَ تركض وراي وتحجي
ـ اوكف دَيهم وين رايح لا تفضحنه الله يخليك . طبيت بيت اهلي وصحت
ديهم : ريمااااس
على صوتي كلها التمت اجت ريماس وشايله الكتاب بيدها تقرأ و ياقوتَ واكفة وراي وماسكه ايدي
ياقوت : لااااا عوفهااا دَيهم الله يخليك
ريماس : ها خويا خير .
جريتها من شعرها وضربتها راشدي صارت تبچي وتعيط
ريماس : بلاااال الحگليييي
ديهم : محد يلحگلللج اليوم ساقطة
بلال :فهمنه شكوو شمسويه رموسه
خواتي كامن يبچن و سالم ما موجود بس امي وصارت تتوسل بيه اعيف ريماس
ـ اي خيتي الحبابه شمسويه؟؟؟ بشنو مورطه مرتي
ـ والله والله ممسويه
ضربتها على حلكها بقوة دمها يجري
ديهم : خطااابببب صاحبي شوصلووو لـ مرتي ريماس : واني شكو اسألها هذيج وراك
جريتها من شعرها اقوى صرخت
ريماس : يمممةةةةة
ديهم : جاي اسألج جاوبيني خراااا خطااااب شعندج ويااااه وشيريد من مرتي اكيد حجالج
ام بـلال : ولك يمصكوع يديهم دفهمنه شنو السالفه والله گلوبتنه خلصانه من الهبطات
اجت ريهام تريد تخلصها من ايدي
ـ عيف اختك اذا مرتك مو راحة اختك شعليها لويت حلكها من كالت هيج دموعها نزلت كتلها
ـ مره لخ تعلمي شلون تحترميها لـ مرتي وعدلي الفااااضج
دفعتها وكعت بالكاع وانا ماسك شعر ريماس وهيه تشاهگ من الخوف
ـ جيبي تلفونج
ـ شتسوي بي؟
ـ كتلج جيبي تلفونج
ـ ببب بالغرفه
ـ رررررغد
رغد : هااااا
ديهم : جيبي التلفون وتعاي
راحت تجيبو وصحت بيها
ديهم : يااااويلج اذا لگيت شي محذوف
رغد : صار خويااا صار
بلال : شبيك دَيهم شتمسلت انتَ خطاب
و ريماس ومرتك شكو شصاير؟؟
ديهم : انت اكل خرا شد گرون احسن لك
و *** خلي بمكانو *** اشرفلك ولا تنسى تتحجب
كلت لريهام
ديهم : يول هاي تربيتج لخواتج؟؟ جبتي عمرج تكولين معليكم بيهن ومعليكم تالي طلعن كلهن ي****من ورانه والله لأشرب من دمكم واحد واحد انتوا مستهترين زايد و عيونكم طلعت لأن انا مو بالبيت غفلت عنكم .
محد جاوبني كلهم ساكتين و ياقوتَ بس تبجي اجت رغد وجايبه التلفون
ديهكم: الباسورد؟
ـ ها
ـ الخراااااا البااااسورد
فتحته وايديها ترجف فتشتو مالكيت شي عفتهم وطلعت برا نزلت برنامج يسترجع المحذوفات كلها
ـ ياقوت ـ
انفردت بيه ريماس وبلشت بالغلط والكلام المو حلو بيه كالت
ريماس : **** اثاري صدك لو كالت ريهام بنت شارع مدري منين لفيناج وجبناج هاي فوك زينتنه وياج حبيناج وقدرناج تخربين اخوونه علينا
ياقوت : ريماس لا نضل نضحك على بعض انتِ بنفسج اجيتي للبيت وكلتي خطاب يسأل عليج ريهام : الله يعلم هسه شحجيتي وياه حتى بينه انطيتي وبنفسج وشرفج رخصتي لوين ماكو واحد عار ضحك عليج وفضحج
ياقوت : اكلن خرااا والله ماكو غيرجن **** وبرابيك وانتِ ريماس ورطتيني كتيلي يعرف هواي شغلات عن دَيهم وقنعتيني احجي وياه ام بلال : اشش يمه كافي اثنينجن غلطانات شلون تحجن ويا واحد غريب وماتعرفنه يمه بناتي حرام بالله العظيم حرااااممم
باوعت لي وشافتني ابجي كالت
ـ تعاي بنيتي تعاي يمي لا تبجين لتخافين دَيهم يحبج دام يحبج ما يعيفج والله ولا ينطي گلبو يفرط بيج وانا هم احجي وياه واهدي اسكتي يا يمه لا تبجين بس اوعديني لا تكررين هيج اغلاط تخرب بيتج يا يمه والمره ما الها غير زوجها محد يفيد لا اب وام ولا اخوان .
ضمتني واني بس ابجي و ريماس مستمره تغلط وتسب بيه شواي واجه دَيهم فاير دمه هادود وعاض شفايفه شويه ويگطعهن شافته ريماس اجه عليها طلعت تركض من الباب الخلفي وتعيط
ريماس : سااالممم الحگليييييي ولككك بلاااالل خوووويههه غاح يموتنييي هذا والله هذا مجنون يموووتنيييي
تركض وتعيط و دَيهم طاير وراها يركض
ديهم : تعاااايييي بنت الكلب نعل ابوووج لابووو ابوي الما عرف يررربيج اووووكفييي لا تررركضين والله الزمج لو اطيرين
طلعنه نركض وراهم وخوات دَيهم يتعايطن خايفات لا يكتلها
ديهم : يول اووووكفيييي خرررب بأبوي الكواااااد الخلف شله ماال ****
الامن يركضون وراه يريد يلزمووو وهو طاير چنه طرزان مسكها وضربها راشدي بقووة شمرها بالكاع
ديهم : ولججج انا اخووج تسوين بيه هيج نعلا علا ابووي الكوااااد الما عرف يربيجن لابوووو امي الدايحه الفاهيه الغافله عنجن .
شالها من الكاع وملخ شعرها تملخ بيده
فقدت بين ايديه من الكتل واهله محد يكدر يكرب عليه ويخلصها من ايده وبلال بس يحجي
بلال : غااااح تموتها لاختك يول كااافي فضحتنه كدام الجيراااان الله لا يخليك لو ياخذك ويخلصنه منك .
مستمر يضرب بيها انتهت بين ايديه
ديهم : اكعدييييي لا تموتيييين ماتموتيين بهل سهولةةة بعدووو گلبي نارو ما طفتتتتت اكعديييييي
صار يضرب بيها راشديات وبطنها برجله يحاول يكعدها دمه طلع من حلكه وهو معصب عض لسانه وجرحه واني واكفه مصدومه منه
ديهم : ولكككممممم بس جيبولييي خنجررررر خراااا نعال اي شي هسه اكُر راسها كَـر بالنعاال حرامات احط الخنجر على ركبتها واريحها
ريماس تمثل عليه ماتت حتى يعوفها وهو نغل عارفها تمثل
اجه سالم ومسكه من صدره يحاول يبعده عنها وهو منهار عليها بالضرب حتى سالم ماكدر يسند صدره يمه هذا شكد عصبي نوب اهله كلهم يتراجفون منه
سالم : ديههمممم يول دَيهم كااااافي غاح تموتهاااا اوووكف خويااااا جاي احجي ويااااك بغلاتي على كلبك عيفهااااا
دَيهم منهار بالضرب ومنفصل عن العالم كله وعيونه حمر دم ودمارات جسمه طگت حتى قميصة تشگگ وهو لابسه من العصبيه رفعها من الكاع وكللها
ديهم : كوووومييييي اكعديييي **** بربووووك تورطين مرتي وتردين تموتين مرتاحه؟ لا والاسموو الله حتى الله ما يخلصج من ايدي
ياقوت : دَيهم عوفهاااا عليك الله فدوه راح تموتهااا
رحتله اريد افكها من ايده وماكدرت صدره وحيله قوي ما ينسند عض شفته بقوه شويه ويگطعها بأسنانه من العصبيه
ديهم : اااااخخخخخ
عضها من گصتها ملخ لحمها بأسنانه
فزت شاغت روحها وعاطت
ريماس : عيييفنيييي الله ياخذك ويخلصنه منككك شسووويت بيةةةةة
اباوع لـ دَيهم لحمها بأسنانه ودمها تارس حلكه ابتعدت مرعوبه وكمت ارجف وكعت بالكاع اجت ام دَيهم تبجي شالتني من الكاع غطت عيوني حتى لا اشوف المنظر وتحجي ويا دَيهم وتكله
ـ لو الله ياخذني ويريحني منكم اهون والله اهووون مرمرتوني محد غاح يجلطني ويجيب مرضي غيرركم عيفهااا لأختك يااا يااابه شخليت بيهااا البنيه ماتت بين ايدك ولككك عيفهااااا يالمجنوووون
رجعت تحجي وياي واني اشاهگ بحضنها كالت
ـ اش يا يمه الله يعينج على دَيهم الله يسااااعد گلبج يااااا يمه شلون متحملتووو ما ادري تمسح على راسي تحاول تهديني
بلال : ابوي مريض ومو هنااا العب جوله يديهم اهجم البيت هجاااام بعد منو يگدر لراسك اليابس
ريهام اخذت ريماس للمستشفى و دَيهم صوت انفاسه تتلاهث رغم هو بعيد عني كال
ـ امشي ياقوتَ
ام بلال : اارذلف وحدك متغيح وياك
ديهم : وليش عيني؟
ـ البنيه تتراجف منك شمسوي بيها هيج يعاملون المره ؟ لا والله مو هيج هذا مو تعامل هذا مرررض بيك ولازم تتعالج يااا يمه
ـ كلشي مابيها يمه ، يلا ياقوتَ كومي
ـ والله ولا تاخذها بنيتي ياقوتَ حبيبتي تبقى يمي لمن عقلك يرجع لراسك وتتعلم شلون تحجي وياها
اني بس ابجي خزرني ووكال
ـ كافي تبچين اسكتي
ام بلال : لا والله يا يمه ابچي يبعد عمري ابچي حتى البچي يحرمونه منو لا والله بردي كلبج والله فلا تسكتين
دَيهم : انطيني مرتي
ـ والله وتخسى وتعگب تاخذها من هين تبقى يمي لمن ترتاح مخرعها لـ بنيتي
ـ اوفف يمه بس ….
قاطعتنه وكلتله
ـ لا حول ولاقوة الا بالله كتلك بعدين انا ارجعها يمك ولكك دشوف البنيه شلون ترجف منك مثل السعفه
رجعت تحجي وياي وتكول
ـ عمت عيني يا امي شمسوي بيج هذا المجنون والله اذا ما يرد عقلوو براسوو ويعدل اسلوبوو وياج اهججو من الديره مو بس من البيت
ابجي بنيتي ابجي بردي كلبج لا تخليها حسرة يا امي انتِ
عافـنه وراح
ـ ديهم ـ
اخذت السيارة من الكراج وطلعت لـ بيت خطاب هو عايش وحدو اهلو كلهم ميتين بس عندو اخت وحده عايشه وياه وصلت بيتو نزلت امشي بأتجاه بيتو وصحت
ديهم : خطاااااااب
ماكو اي جواب رجعت صحت
ديهم : خطاااب العاااار الصگط
اجاني صوته من وره وهوه يكول
خطاب : هلا رَيس خير شكو تصيح
التفتت اشوفو واگف وجسمو يرجف يعرف نفسو مسوي مصيبه وملامحو ما تتفسر انداريت رايحلوو وفاير دمي احسو يغلي غلي واصل لراسي جريتو من قميصوو ومطلتوو بالارض شبعتوو كتل ما انطيتو حتى فرصة يحجي او ينطق بحرف وبيتو منعزل عن العالم وبعيد شوي شوهت وجهو تشوه اخذتوو سحل لبيتو ربطتو بحبل وصميت حلكو بـ وصله دورت تيب مالكيت كعدت كبالو ادخن بجكارتي كتلو
ديهم : تدري اليفكر ولو تفكير يخلي عينو على مرتي شنو اعمل بحالوو ؟
يهز راسه بـ لا قصدو هو ما الو ذنب ويحاول يبررلي موقفوو ضحكت بعالي صوتي خلصت جكارتي اخذت ايدو المربطه وكتلو
ديههم : ايدك القذرة الحاولت توصل لـ مرتي محد غاح يصگطها الك غيري .
طفيت الجكاره بأيدو صاح شايغه روحو
غحت للمطبخ ادور على اختوو مالكيتها يمكن طالعه شفت سجينة الفواكة ع الكاونتر اخذتها وغحت يموو كتلو
ديهم : اختك البربوق شوكت ترجع افكر اتونس عليها شويه .
احجي وياه وامرر السجينه على ايدو مسكت اصابعو وبترتهن الاربعه دمو يصب ترس ملابسي صرخ وبعدها فقد من الوجع
ديهم : جؤ لا لا لا اصحى ما اخليك تموت بعدنه ما تعادلنه
صرت اضرب بي راشديات اريدو يصحى فقد الوعي من صدك جبت ماي ورشيتو بوجهو شهگ وفتح عيونو لوسعهن ودم اصابعو يجري بالكاع وهوه يصرخ عبالك مريه
ديهم : خليك وياي بعد ثآري ما اخذتو مربع وخرت الوصله عن حلكوو وهو يرجف شويه ويسويها على نفسوو من الخوف وريگو ناشف ميكدر يبلعوو مشيت السجينه على رگبتو وخليتها يم حلكو يباوع للسجينه وفاتح عيونو لوسعهن
ـ طلع السانك
ـ لاه لـ…
ـ اشش لا تضوجني طلع لساااانك
ـ رر رَيس والله هيه ريماس اجتني وتريدني العب على مرتك
سحبت السانو بأيدي وغرزت السجينة بلسانوو صرخ ودمايتو ترست حلكوو سحبت السجينه وكتلو
ـ مره ثانية لا تجيب طاري مرتي على لسانك
سمعت صوت اخته وهيه جاية تكول
ـ خطاب حبيبي وين انتَ جبتلك الفواكة التحبها .
باوعتلو وابتسمت بوجهو بخبث
رجعت الوصله على حلكوو سديتوو وكتلو
ديهم : هسه غاح يبلش اللعب على اصولو
يتـبع …
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
شرايكـم بــلعضة
انا بصراحة طرت طرت من الفـرحة
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.