رواية بين قبضتهم وقلبه – الفصل الواحد والعشرون
21
▬࣪▭𝅼▬࣪▭𝅼▬࣪▭
❂رقــــــو ـ الجـــوهر ❂
بـين قبضتهُم وقلبة
وتعالو بقناة تلي تعالو ياقوت تحجي بيها
قناة :
💙 .
..
لا تروحين مَن اديني
وخاف ازعلچ
خاف أأذي گلبج الچنة فراشة
تحَمليني
انتِ حلوة
واني تَعبان مَن اجيتچ
ناسي واهلي متعَبيني
وخاف اجي تَعبان يَمچ
حطي ادينچ فوگ جَرحي وطَيبيني
امي كالت دينك يكمل بالزواج
وانتِ ديني
..
ـ ياقوتَ ـ
طبيت ساكته هزيت راسي لـ اشهب بمعنى شبيهم عاكد حواجبه متعصب شبيهم ذوله ماتدخلت توجهت صاعدة الغرفتي لغرفتي واجاني صوت نوار
نوار : محد فسد مرتي وديحها غيرج انتِ اساس البلاوي كلها ام الزلم فار دمي ورجعت باوعت له ياقوت : اخذ فره على نفسك شمسوي بحياتك حتى الله ديجازيك هيج مو كل سالفة وثانيه خليتني سبب
تقرب يمي وانفاسه تنفر من العصبيه ويرجف
توار : مسرررة جايي تكوول ياقوتَ ورطتني وسويت علاقة بشخص وهيه الجابته عليّ وعرفتني عليه تعاي فهميني بأي حق تورطين مرتي بهيج سوالف تجمدت رجليه من السمعته وبقيت واكفه مصدومه اباوع لـ مسرة موتها من الكتل شويه وتموت البنيه وتأشرلي تتوسلني اكول اي انا السبب
ياقوت : لا مو اني واني شعليه اورط مرتك بهيج امور عيب عليك استحي نوااار شلون تتهمني
نوار : اتهمج شنوو مسرة جاي تكول انتِ الجايبته الها احجي صدك انتِ لو لا؟
ياقوت : لااا مو اني و رجائاً مسرة لا تدخليني بهيج امور حليها بينج وبين رجلجج
مسرة : بلي انتِ ورطتيني شلوون تنكرين ياقوتَ مو اجيتي عليّ للغرفة مره تخابرين على واحد وكتيلي هاج احجي وياه وحجيت وكلي اريد رقمج وكلتيلي انطيه ياه شمدري نوار ما يحس
ياقوت : احترمي نفسچ مسرة شهل حجي اني يمتى اجيتج وكتلج هيج؟؟ شهل خريط التحجيه
مسرة : وتنكرين ياقوتَ؟ شلوون تورطيني وتنكرين
نوار : هاي سوالفج ما ابرئج منها
ياقوت : لا نوااار لا والنبي مالي علاقةة روح اتاكد منها اضربها موتها خل تعترف انا ماخصني بشي مادخلني والله
ضربني راشدي وشد شعري بقوه ويحجي
نوار : تكوليلي منو هذا منووووو ومنين تعرفيه؟؟ ياقوت : مم ما اعرفه نوار وحق الله مالي علاقة بالصار ويا مسرة
نوار : جذابة ام الزلم تاريخج محد نساه ترا كل احنا نتذكره
صار يضرب بيه ويغلط
ياقوت : وخررر عنييي لا تضررب والنبي دَيهم يكسر ايدك
لزم فك حلكي وخشمه ينفر من العصبيه
نوار : اذا بيج حض كوليله على السويته بيج وخليه يجي اخليج تشيليه جنازه من هنا
دفعني وكعت عل درج على بطني واتوجعت اجت يمي شيلاء تحاول تساعدني
ياقوت : وخرريي لا تقربين يمي! ايدج لا تلمسني انتِ مو اختي انتِ شيطان
نوار : وتتهمين اختج على اساس عدها علاقه
بـ خطيبج العار روحي شوفيه شديسوي من وراج لو مكدورج على شيلاء
ياقوت : انت لا تمسلت بدون متفتهم السالفة
نوار : ومسرة ورطتيها هل ورطة هاي وحق الله لأدفعج ثمن كل شي سويتيه يا عاق
ياقوت : اكدر لمرتك عود تعال تمرجل عليّ اذا هيه خاينتك اني شكو كلشي وذبيتووه براسي
نوار : ممسسرررة لمي غراضج وگبل لبيت اهلج مسرة : نواار وابني
نوار : ابنج تااااخذيه وياااج شمدريني يمكن يطلع مو ابني كوميييي مسرررة
ضلت تتوسل بي واني صعدت لغرفتي ياقوتَ تكولين لـ دَيهم عليه وخليه يدفنه لو خيولي؟ لا خليه يولي خاف يجي دَيهم وتصير عركه جبيره ماتنفض بعد ومنا اخاف ع المسودن يصير بي شي انسي الموضوع ياقوتَ لا تجيبين طاري
ـ اليوم الثانـي ـ
دنيا ليل اجيت انام اتصلت بـ دَيهم مايرد اسمع صوت واحد يدك بالشباك عرفته طرزان رحت يم الشباك وخرت الستارة واكف يأشرلي وبهمس
ـ افتحي الشباك
ـ شجابك يمه عزا بعينك
فتحت له الشباك وطفر يمي
ـ تعودت ع شباك لازم
ـ ههههههه بطعم شوفتج حلو اذا مو هيج بالختله
ـ يمكن راح نزوج وتبقى تطفر من الشباك
ـ جؤ كلشي يختلف
كعد بالكاع كعدت يمه يحجيلي ركز بعيوني وكال
ـ بوويه شبيهن عيونج
ـ شبيهن دَيهم مابيهن
ـ محمرات باچيه مو؟
ـ هئ مابچيت
ـ احد حجه وياج غثج من اهلج؟
ـ هئ
ـ صدك ماكتيلي شنو السالفه ذاك اليوم شكو يعيطون ـ ديهوم سالفه طويله
حجيت له الموضوع من الاول للتالي بس ماكتله نوار ضربني طبعاً غير يدفنه واني ما ناقصني مشاكل
ديهم : يمكن حوبتج صح بطت بس ما خطت
ـ امم المهم الشماته مو حلوه الله يصلحهم ويهدي بالهم
ديهم : الله لا يهدي بالهم ولا يصلحهم كون اكثر من هيج بعد
ـ دَيهم لا تدعي حرااام
ديهم : جؤ مو حرام كل السوو بيج وتدافعين عنهم؟ ـ دَيهم ما اعرف احقد
ديهم : ويلوموني ليش احبج؟
ـ همم ليش
ديهم : غيحج بريئة وكلبج ابيض من سواد كلوبهم يبعد غيحي وفوك كل هذا حلوه يبوووي
ـ اممم تطرب ع الحلواات
ديهم : ما اطرب بس عليچ جُماره
ضل يحجي ما يسكت نايم على رجليه ويسولف كعد وكال
ـ شمعتي
ـ ها
ـ تعاي
كعد ع جربايه واشرلي عل مشط جبته اله كعدت بالكاع فَـل ضفيرتي يمشط لي وكل شواي يوكف يرجع يشم شعري ونوب يمشط
ـ دَيهم شوكت نخلص لباجر؟
ـ حبيب انتَ ما تنمل مو بيدي وداعتك
ـ طيني تلفونك
ـ ها هم قطارات
ـ اي حباب شويه واطفي
ـ جؤ حبااابب دَيههمم
ـ ياقوتَ لا تتموعين هيج ابوس ايدج
ـ لييش
ـ اتعبيني من تجرين اسمي بلسانج هاج التلفون يلا اخذته منه العب وهو يمشط لي كمل وضفرلي شعري نزل يمي كعد يمي و احسه يطبع بوساته بركبتي ويرجع يشمها
ـ دَيهمي راح تخسرني
همس باذني
ـ عطرچ دمـر احوالي جُمارره
احس بأنفاسه تلفح بركبتي حاره اسحب رگبتي منه ويرجع يشدني لجسمه بس يحوس رجع كعد كبالي يتأملني واني العب بالتلفون دفن راسه بركبتي يشمها بخنگه وهمس
ـ شربت هواي وتعاطيت بس كلهن ماكدرن ينسني ملامحچ انتِ مزروعه بعقلي ياقوته
ـ دَيهم حَ اخسر واموتك رجع حجه
ـ دخلت شماعية گلت انساج ولا اي دكتور گدر يشفيني منج مريض بيچ مرض ما الو علاج اطلعي من راسي ياقوتَ تعبتيني
خسرت وشمرت التلفون وخزرته
ـ خسرتني
ـ تعاي لحضني
ـ شكو
ـ تعاي بت الچلب خايفه اعضج
رحت بحضنه وبس نحجي بهمس خايفين اهلي يسمعونه
يتأمل عيوني ويبتسم خطيه الرجال ذايب
ديهم : ما اعيفج لمن تنامين
ياقوت : لا دَيهم ترجع هسه
ديهم : اشتاقيت اشوفچ وانتِ نايمه كلبج يرضاها تبقى بنفسي؟
هزيتله راسي بـ لا سولفنه هواي وتشاقينه لمن ملينه رحت انام ع جربايه ولحكني بس يحوس ما يكعد كمز ع جربايه كل حيله
ديهم : بس الزمج يا ياقوته لأطلع ضيم الايام الغيحت بيج
ياقوت : انچب دايح مسربت
ديهم : بليلة عرسنه حبيبي مو هسه
ياقوت : اخاف انام يمك
ديهم : حقج انا خايف من غيحي ما اسيطر عليها ههههه
ياقوت : ححباب كوم روح
ـ جؤ اشاقة حبيبي تعاي
ـ ما اجي
ـ تعاي بشرفج
رحت يمه اباوعله نزع قميصه
ياقوت : شدسوييي دَيهم؟؟
ـ انزع شأسوي يعني؟
ـ ماتستحي انتَ
ـ اهوو غير مرتي
نام بصفي نمت على ايده مبعده جسمي عن صدره جرني لجسمه حسيت بنعومة صدره كزبر جلدي اسمع دكات گلبه كلش واضحه بلع ريگه ينطق كلماته ومركز بيه حجه بخفوت
ديهم : شيصبر گلبي منا لمن اخذج يول شيصبرني جسمي ارتخه وسيطر عليّ بشكل كامل بكلامه
احس بدفو انفاسه بخدي مقربني حيل اله
ياقوت : دَيههم وخرر متخاف اهلي يشوفوك يمي حجه بخفوت وهو ذايب يتأملني يلتمس خدي بأصابعه وكأن يحفض ملامحي
ديهم : انتِ الشي الوحيد الاخاف منو ياقوتَ
، الموت ، السجن ، الرصاص ، الدم ، كلهن ما اهابهن اتونس بيهن تعرفين شنو اليخوفني؟
خوفي الوحيد يوم الـ تروحين مني وما الكاچ يمي هذا الرعب والدمار والخوف والموت اليه
حبيني ياقوتَ انا استاهل تحبيني أبداً لا ترحميني بحبچ ولا تشفيني اريد الموت يجيني منچ الله لا يشفيني
اتسرسحت ضليت ساكته واحس بجسمي دفى بحضنه وهوَ يحجيلي رجع كال وهو يتلمس وجهي بأصابعه بهداوه وتركيز ومغمض عيونه وبس گلبه يگله احجي حجه بهمس
ـ انتِ بأحضاني واحسچ بعيده شهل حب الغريب ياقوتَ؟
ـ حبيبي
ـ جؤ جؤ مو حب هذا هوس انا مهووس بيچ مهووس بعطرج وبسوالفج وبملامحج مهووس ومريض ياقوتَ مجرد تفكير احد يلمح خيالج افقد عقلي ومدري شيصير بيه
سكت وابعد وجهه عني ابتسم بخبث ومد ايده لأردافي وكال
ديهم : خل نتشلتح شويه شمعتي
سحب ثوبي بأيده كمزت من يمه
ـ دَيههممم حركاتك بطلها
ـ جؤ ما ابطلها
تقربلي يسحبني من الدشداشه ويبتسم ويعض بشفته حاولت اشرد منه ماكدرت له صرت يمه ع جربايه يتأملني ويحسب برموشي ويا كل رمشة بوسه بعيوني
ـ بعد ما اشوف
ـ انچبي خليني مركز
سكتت حسبهن وكمل باوعته مبتسمه كتله
ياقوت : شكد عدد رموشي
ديهم : الجفن العلوي 345 رمشة والجفن السفلي 80 رمشة نضربهن بعيونچ الحلوات الاثنين يصير العدد الكُلي 850 رمشة بس اشك بنفسي غلطت بالعدد تعي نعيد
ـ لا دَيهم بعدين كوم روح حباااب
ـ والله لو تدري العشيرة اجيج بالختلات يابووويه حكومي اول واحد ينجلط ونوب نايم بفراشج
ـ ناوي تجلط ابوي؟
ـ اي اخلص منو تعبني من خلف لي بنية وخلاني اركض وراها مثل المجنون
بالكوه خلصت منه بس يبوس ويعض ويكرص ويحضن اخر شي راح
اليوم الثاني كعدت على صوت امي تصيح
ابابيل : ياقوتَ كوميي طمره الساعه 10 كومي غسلي ملابس اخوانج
كعدت صفنت شويه اريد استوعب رحت شديت شعري توا اريد اطلع رن تلفوني دَيهم يتصل
ـ ها حبيبي
ـ صباح الحب شمعتي
ـ احجي بسرعه امي تصيح
ـ عيفيها تحضري اجيت اخذج
ـ وين
ـ تختارين الوان الجدران نصبغهم سوه
ـ امانةة
ـ دقايق واكون يمج لا تتأخرين
ـ لا ما اتأخر
سديته ورحت بسرعه سبحت ونشفت شعري ومشطته ولبست بشت مفتوح وجوا البشت مخور وشال بس شمرته خليت عطر وحضرت حذائي رجع اتصل
ـ ياقوتي انا يم بيتكم انتظرج
ـ اجيت حبيبي
بسرعه لبست الحذاء ونزلت طايررره
ابابيل : وين وين يا اميرة الهواشم
ـ ماما دَيهم ينتظرني برا بعدين بعدين نحجي
كلت كلامي واني طالعه صاحت
ابابيل : انعل ابوج لابو دَيهم لابو الجابكم علينا ولج تعااااي
كملت طريقي وصلت يمه صعدت بالسيارة باوعلي ضايج صفن وكال
ـ ياقوتَ انا يوم من الايام غيح اموت والسبب انتِ
ـ ياا ليش حبيبي
ـ شنو تتعمدين تضوجيني بهذا لبسج
ـ دَيهم شبي لبسي؟
ـ بوويه ضيك ماتشوفينو واول مرره اشوف عباية مفتوحه
ـ اروح ابدل
ـ هاذ استهتار زايد منج ياقوتَ وشعرج شكو طالع لفي الشال لا اخنگج بي خنگج الحمزه كون
ـ لا دَيهم هيج حلو
صار يضرب على رجله ويكول
ـ استغفر الله العظيم ياربي صبرني ياقوتَ لفي للخرا الشاااال
صار عصبي خفت ولفيته كل الطريق يحجي عليه لأن شعري طالع
ـ دَيهم شسوي ما اعرف البسه من اطلع احبه هيج
ـ كلشي لازم يتغير ياقوتَ بعد ماكو هيج لبس
وصلنه البيت فتح لي الباب ونزلت خطيت اول خطوة واني احس راح الكه كل الامان بهذا البيت احس الحب ماراح يفارگني بس ادخل هنا نوب هوَ بس يتلفت خايف احد يشوفني وكل شواي واحد يمر يسلم عليه كلها تعرفه فتح باب الحديقه وصاح
ـ فوتي ياقوتَ شبيييج شكو صافنه
ـ شبيك دَيهم على كيفك
ـ متشوفين الشارع متروس عالم
دخلت جوه ولكيت الحديقة مليانه ورود واشجار انواع اغلبها ما اعرفها
مساحتها حيل جبيره ضليت مصدومه من جمال المنظر والجوارين كلها عل سطح ومدينتهم هيه ريف وهيه مدينه وبيها روح وناس هواي تفتر وتسولف وتضحك باوعت وحده من فوك السياج البيت البصفنه تسأله عني وكالت
ـ منين الحلو؟
ضحكت اجاني صوت ريماس وهيه تكللها بصوت مليان طرب
ـ سامرائي
وتطگ بأصبعها نوب هاي انطربت وياها
ـ منين العسل؟
ريماس : سامرائي
ـ منين العسل؟
وتردلها ريماس سامرائي جرني من ايدي ياخذني للبيت واسمعهن يغنون بيها وراي بعالي صوتهن متقصدات يسمعوني
:
اسمر ياحلو الطول ياحنطاوي
يل وجنتك طلعت كمرنا الضاوي
عنبر خدودك عطر شفاف الكاس
انا بهواهن ياترف مو راوي
ومنين الحلو ؟ سامرائي
ومنين الگمر ؟ سامرائي
ومنين العسل ؟ سامرائي
ريماس : هههههههههه
ـ دَيهم ايدي خلعتها
ـ هو اريد اخلعها امشي
ـ الله دَيهم هذا بيت منو البصفنه
ـ بيت ابن عمي وابن عمه فوك السطح
ـ حلو بيتهم
ـ امشييي ياقوتَ
يباوع لـ ابن عمه ويخزر بي ويدردم ويا نفسه
ديهم : ابن ****شتباوع من فوك السطوح
دخلنه للبيت نوب هذا يمشي سريع تعبني
ديهم : ياقوتَ شفتي المنطقة شلونها
اصبعج ما اريدو ينلمح من الباب بعدين
ـ هسه اخذني وبعدين هددني
ـ بس لمحوج كلها التمت عليّ ماريد تنطين وجه لحد بعدين
يحجي ومتعصب وعاگد حواجبه شويه ويدفني
ـ دَيهووم شكو ضايج؟
ـ مو ضاااايج بس اسكتي ياقوتَ
يحجي كلامه و ايديه ترجف ونضراته متشتته يروح ويرد والجكاره بأيده
ـ رجعني للبيت اذا ضجت!
سحب نفس ورجع زفره بقهر
ـ اوفف تعالي ياقوتَ
اخذني يشوفني البيت
ـ اللهه دَيهم يجنن يجنن
ـ صدك؟ خاف ماعجبج
ـ دَيهم صدك تحجيي يجننن
ـ تعاي للغرفة الاساسيه مالتنه الالوان كلها بيها
ـ بس ديههوم احس جبير هواي؟
ـ اشوفو صغير
ـ اممم
رحنا للغرفة شكلها يخبل وكلش مميزه مضويه تضوي تختلف عن باقي البيت رفع ردن قميصه يخلط الالوان
ـ لا دَيهم اريد اللون ابيض بس
نزعت شالي والبشت رحت يمه اساعده
ديهم : تدلل علينا جُمارة
فتح علبة الصبغ الابيض وطلعت رولة وصرنا نصبغ بالحايط سمعنا صوت نسوان يضحكن برا كال
دَيهم : دقايق وراجعلج
ـ تمام
همس وهوه يمشي
ـ انتبهي ياقوتَ لا يطفر لعيونج الحلوه صبغ
شواي ورجع بأيده مفتاح
ـ شسويت؟
ـ قفلت البيت
ـ ليش
ـ عربنا سمعن بيج هنا واجن يشوفنج
ـ عادي دَيهم عيب تقفله
ـ لا ياقووتت مو عادييي ما اريد احد يشوفج
ـ دَيهم دتبالغ
ـ هسه شتريدين تريدين يحطنج بنصهن ويضل يباوعن لج موووو
ـ اعصابك حبيبي شجاك
ـ استغفر الله ياربي انا رمووسه اللي غيح تجلطنيي رمووسه اخخ يرموووسه بس الزمج اطلع ضيمي بيج .
يحجي ويصبغ بالحايط
مابقى شي ونخلص وهذا ضايج ولونه مخطوف
ياقوت : شبيك دَيهم هاي كله لان اجن بنات عربكم يشوفني؟
ديهم : جؤ
ياقوت : جذاب
ديهم : يعني شتردين اكلج اي اييي هذا السبب وهسه خايف اغيح ارجعج والكاهن بالباب
قربت يمه لزمته من عضلاته وكتله
ياقوت : دَيههممي ترا بنات مثلي عادي
ديهم : واذا بنات ابويه انتِ غيرتي متعرف حتـلو طفل هم
ياقوت : يلا دَيهم احنا جايين نتونس ما جايين حتى نعكر مزاجنه
انرسمت الابتسامة على وجهة وطبع ايده البيها صبغ على خدي متعمد
ياقوت : دَيهههمم لااا دمرتنيي
لمس خشمي وترسه صبغ جريت الرولة مال الصبغ ووسخت قميصه صبغ
ـ ديلاااا هيج احسن
ـ ههههههه مو اطمسج بسطل الصبغ يولي
دمرته بالصبغ تدمر
ـ كافي يلا لا تصرفين مثل الاطفال ياقوتَ
ـ انت تتحارش لمن وسخت وجهي يلا ارتاحيت
ـ كافي ياقوتَ لا تلعبين بالصبغ هسه يطب بعيونج مستمره اشيل صبغ واشمره عليه
اجه يمي وقيدني بأيديه يمنعني العب بالصبغ
ديهم : كافي تشاقيت وياج وانچلبتي
ايديه كلهن صبغ مسحتهن بقميصه بصدره والقميص اسود
ديهم : ترا انزعو واتصلخ كدامج
ـ عادي شنو يعني؟
صفن بيه احتضن وجهي بين ايديه مدنگ عليّ وعينه بعيني همس
ديهم : احبچ ياقوتَ والله ميت بيچ وبأسمچ وبالخلقچ .
اندگ الباب حجة بضوجه
ـ عود اجيت هنا اخلص من اهلها تطلعولي انتم تحوسون وراي جنكم امها
ـ انچب وامشي افتح الباب
ـ جؤ نسوان عربنا ذني ماعدهن سالفه
ـ دَيهم افتحه عيب شيكولون علينا
ـ اي ليش لا افتحو ياقوتَ؟
ـ دَيهم احلف بعد ما اطلع وياك
ـ ههههههه مو بكيفج ماتطلعين اسحلج من شعرج سحل
الباب كسروو وهما يدگون
ياقوت : طيني المفتاح
ديهم : جؤ
ياقوت : دَيهم مو وكت غيرتك الناس شتكول علينا
ـ خلهم يكولون ليريدوه
يصبغ بالحايط ويحجي ولاهمه
ـ جيييب المفتاح
ـ ههههههه تذكرين من اخذتج من بيت اختج وكل شويه تكليلي جيب المفتاح
ـ يا يممه لو بيدي اشبعك كتل بوكتها
ـ ههههه ومن انطيتي بيه كدام الضابط
ـ ها ديهوم حاقد عليّ؟
ـ جؤ عزيزة گلبي انتِ
ـ بشرفك افتح الباب
اجانه صوت ريماس تصيح
ريماس : ديههووم افتح الباب اجن بنات عمنه يريدن يشوفن ياقوتَك .
راح للباب يفتحه ويدردم مدري شبي
فتحه واجاني صوتهن وهنه يكولن
ـ ها ديهووم قافلين الباب شعدكم؟
من المستحه تمنيت الكاع تنشگ وتبلعني وين تضمين روحج ياقوتَ وووين يمممةةة اجن يمي بالغرفة سلمت عليهن وحده ورا الثانيه اباوعلهن يمه ذني يخرعن ابد مو حلوات حقه دَيهم عافهن واختارني كالن لـ دَيهم
ـ من شفناها اجت ونزلت تمشي وياك گلنا دَيهم صدك اخذ بنت السادة
ابتسم شويه ورجع الغضب ترس ملامحه
ريماس : ما شفتن شي بعد بنات ياقوته كلش طيوبه اجت وحده منهن يمي ولزمت ايدي وكالت
ـ اللهه ذني اضافرج الطبيعيات؟
ياقوت : اي اضافري
الثانيه كالت
ـ هذا لون صبغ اضافرج البيجي منين احصل درجتوو كلش حبيتها
اجت يمي الثالثه تتلمس بشعري وكالت
ـ ياقوته هذا شعرج لونه عسلي طبيعي لو صبغة؟ ياقوت : شعري الطبيعي
اجت الرابعة كالت
ـ ياقوته ملابسج من وين ماخذتهم حبيتهههم
ياقوت : اخذتهن من سامراء حي الشرطة محلات البو دوش
ـ بشرتج تخبل ليش هيج صافيه
يمممة سطرني عبالك ما شايفات صاح بيهن دَيهم شبه معصب
ديهم : بنات مو لحيتن شويه شمعتي ياقوته حلوه من الله كل هذا ما يحليها هيه تحليّ
ـ هههههه وين لكيتها يول ووين شفتها وشلون قبلو ينطوها الك ال هواشم معروفين ما ينطون بناتهم للغريب
اجه يمي طب بنصهن شافنه وابتعدن عني يتقربلي لزم ايدي ويحجي
ديهم : اخذتها غصب ع اليرضى والما يرضى
ريماس بس تضحك كالت وحده منهن
ـ بس ياقوتَه انتهبي ترا هواي هنا بعربنا عشگن دَيهم وما گلبهن
ياقوت : ههههههه هوَ فضلني عليهن فـ ما اهتم
ـ اي دربالج يبوگنو منج ترا حاسداتج عليه وبعدهن ما شافنج
دَيهم رن تلفونه طلع برا يخابر و ريماس اخذت وحده من بنات عمها وراحت تشوف البيت اجت يمي وحده منهن تحجي بخفوت
ـ شعجب كل هذا جمالج وقبلتي بـ دَيهم؟
ـ وشبي دَيهم؟
ـ لا مابي بس لأن اهلو ما ينجرعون وحيل يتعبون الچنه
ـ وضحيلي اكثر شنو تقصدين؟
ـ انا ما احب اخرب بس مكانج بينهم غلط ماترهمين وياهم
ـ انا ماخذه دَيهم مماخذه اهله
ـ ههههههه ميعوفوج بحالج حتى لو بيتج وحدج واذكرج بعدين هنادي شنو كالتلج
بقيت صافنه عليها هاي شتحجي معقوله صح كلامها؟ وبعدين شعليه بأهله انا ماخذته اله
واحنا نسولف اجت وحده كالت
ـ چنتنا الحبابه انا مرت حماچ بلال
ياقوت : كل الهلا حبيبتي
سلمت عليها ضلت تتبوسم وتحجي
ـ مصارت فرصة اشوفج قبل هسه
ياقوت : عادي ولا يهمج
ـ ماتوقعتج بهذا الجمال الف هنيالو لـ دَيهم عليج
ـ عيونچ الحلوه يروحي
ـ عادي تنطيني رقمج؟
ـ اي عادي ثواني
ـ تعرفين صرنا زوجات الاخوة انا وياج يعني طاحت الميانه
ـ هههه اكيد حبيبي
انطيتها رقمي واتصلت بيه تتأكد منه
ـ اراسلج عودينه ان شاء الله
ـ تمام شكم طفل عندج؟
ـ ماعندي الله ماكتب لي
ـ شكد صارلكم متزوجين؟
ـ 6 سنوات
ـ عن حب؟
ـ لا عمي اخذني لـ بلال لأن انا بنت صديقو وهوَ الرباني
ـ ها شعجب مصار عندج؟
ـ بعدين احجيلج كلشي سالفه طويله
عرفتها مماخذه راحتها من بنات عم دَيهم ومو حابه تحجي كدامهن
رجع دَيهم واجت وياه وحده تسولف شايله كيس جُكليت من الكباار كالت الديهم
ـ اوكف اوكف يم الكيك مالتك
وكف يمي الضحكة شاكه حلكه صارت تطش الجُكليت فوكانه شبعنه تضرب بالجكليت
ـ كللللوووش
انا بس صافنه ذولي شبيهم كالت لديهم
ـ الف مبارك مدلل بيتنا شايف خير ان شاء الله
ـ مشكورة ام حمودي الله يبرد گلبج على حموي ويطيب بالسلامة
باوعت له واشرتله بحواجبي منو هاي؟
ديهم : مرت ابن عمي
اجت يمي لزمتني دگ بوس
ام حمودي : دربالج على وليدنه ياقوتَ ترا ديهوم ذهب صافي
اباوع لـ دَيهم شواي ويدفنها ماعجبه الوضع لأن تبوس بيه واني ضليت اوزع ابتسامات شعرفني بيهم اول مره اشوف ناس هيج عدها طاقة ايجابية واني عايشة بنص الناس السلبية
بنت عمه كالت
ـ دَيهم هاي شمسوي بـ ياقوتَ وجهه كله صبغ
غمزت بنت عمه الثانيه وكالت
ـ دعيفيهم متونسين يا هدى الا تخجليهم كدامنه
ـ يمكن ازعجناكم بس جان عدنه فضول نشوف التسودن عليها دَيهم وماعاد يندل دربو منين
دَيهم بس ساكت خجل من كلامهن طلع برا يخابر وعافني بنصهن ولككك تعااال اخذني راح اتخبل منهن كالت وحده منهن
ـ ماعندج اخت بعد؟
ـ بلي بس صغيره
ـ نريدها لأبن اختنا
ـ صغيره ابوي ما ينطيها
ـ لمن تكبر
ـ كلشي قسمة حبيباتي
ـ عاد هيه حلوه مثلج؟
ـ اي حلوه تخبل
ـ عندج صورتها؟
ـ لا
اتعمدت ما اشوفهن صورتها هم ياخذنها لأبن اختهن وتفضحني بتصرفاتها الطايشة
ـ ياقوتَ هم حبيتي احد قبل دَيهم؟
ـ لا دَيهم اول حب بحياتي
ـ اللهه حلو الحب مو ياقوتَ؟
ـ شعور ما ينوصف
نوب هاذن يريدن يجرن لساني اجه دَيهم وكال ديهم : ياقوتَ يلا ارجعج للبيت ماضل وكت
ياقوت : اي بس البس شالي وعباتي
لبستهن ولزم ايدي كدامهن طلعني من نصهن اسمعهن يتهامسن ويضحكن احس يحسدني عليه وعلى حبه اليه
طلعنا برا رايحين وابن عمه بعده فوك السطح صاح بعالي صوته
ديهم : ااااصعدلك انحرررك نحررر يـ ابن العم انزل استر لك
يباوعله وعيونه تجدح من العصبيه وشاد على ايدي بقووه ابن عمه مانطق بحرف نزل من السطح وهذا اباوعله مضيك عيونه من العصبيه شويه وينجلط نوب يجر بأيدي جر اجاني صوت ضحكة بنية وهيه تكول
ـ ها اها انچب يالشامت
اهيي انچب يالشامت
شد ذراعة وعرس بيه
انچب يالشامت .
سمعت ضحكة بنات هواي وراي
ديهم : اليوم مانخلص
التفتت اشوفهن يممه ذني منو انوب
ـ والحاااكم كاال
هذا العريس منين
والحااااكم كال
هذا العريس منين
اجن يهوسن بأتجاهنه صارن يمنا واخته كالتله
ـ ها ديهومي وين ماخذ عروستنا؟
ـ رغد منا العالم لا تهوسين
ـ شنو تخاف احد يشوفها يول
يضحكن ويغمزن واخته تكرص بأديه
ديهم : اانچبي يلا ما اشاقه وياج امشي ياقوت جرني من ايدي بعصبيه واخذني ع سيارة صعدني بسرعة صعد يمي والناس تمر بشارعهم وتباوع علينا عبالك اول مره يشوفون بشر
ديهم : انا شلون نسيت جام سيارتي ماضللتوو اخخخ يـ ياقوتَ اخخ بععددد توووبةة اجيبج هنااا ياقوت : للييش حبيبي والله اتونست
ديهم : انتِ متونسة و دَيهم مشعول ابووو ابووه الفراشات طلعت من خشمي يممه هذا يغار عليّ
ياقوت : حبيبي شغلي اغنيةة
ديهم : لمن نطلع من عربنا
ياقوت : واذا دَيهم شغل
ديهم : كافيييي ياقوووتتت ترا شويه وانجلط ماتحسين بيه
يحجي بعصبيه ونضراته مبعدهن عني انخلست من رزلني طول الطريق ساكته مانطقت بحرف اباوعله يطفي جكارة ويورث الثانيه بعدها بسرعة مينطي مجال
ياقوت : دَيهم كافي اختنگت
ـ صار بويه بس هاي
كملها وطفاها ورث الثانيه
ـ مو كلت بس هاي؟
باوعلي مضيك عيونه
ـ وبشنو اطفي نار الغيرة الشاعله بغيحي ؟
ـ دَيهم لتسوي بروحك هيج والله صرت اخاف عليك
تقربت حضنته من عضلاته وخليت راسي ع چتفه
ـ خايف اخسرج بسبب غيرتي الزايده ياقوتَ
ـ هئ متخسرني
ـ اغـار عليچ من الجابتج للدنيا والوب الووب من يجي على بالي شلون شالتج 9 اشهر بطنها
عيوني دمعت من كلامه صار يمسد بشعري ويبوسه ويحجي وبايد الثانيه يسوق
ديهم : اغار حتى من افكر شلون عشتي الـ 17 سنة من عمرج وانا ماكنت موجود بيها منو شافج منو حّليتي بعيونو اغار حتى من اللمس شعرج وانتِ طفلة
يحجي ويبوس بيه واني اتأمل سوالفه كتله
ياقوت : احبك دَيهمي
كلتها وضميت راسي بصدره
ـ يغيحلج فدوه دَيهمج يبعد حيغي
رجع حجه بخفوت
ـ شعملتي بأحوالنه يـَ جُماره شعملتي مرمرتينه
يـَ جُماررره
دنگ يبوسني بشفتي باسني بقووه وحجه بصوت عالي
ديهم : بنيااااات دَيهم يول شعملتييي بينااا
الفراشات صارت تطلع من خشمي من الفرررحة سحبت تلفونه اتصفح بي دخلت انستا لكيت رسالة من وحده اسمها سارة فتحتها كاتبتله
ـ دَيهم انطيني فرصة واسمعني اريد احجي وياك لا تخلي البينه ينهدم بسهولة حبيبي دَيهم نسيت ايامنه بشوارع الرمادي وسوالفنه انتً مو كتلي عفتها
لـ خطيبتك ورجعتلي .
فار دمي مدري شصار بيه اتخبلت شويه واموت من العصبيه ابتعدت عن دَيهم
ـ دَيهم
ـ يبعد اسمو كولي حبيبي
ـ ششنو هاي المسجات؟
ـ وينها اشوف
اخذ التلفون ضيك عيونه يركز بالتلفون ورجع هبط وكال
ـ ياقوتَ انا افهمج
ـ شنووووو هاااااييي ديههمممم؟
ـ ياقوتَ اهدييي افهمج
ـ تفهمني على شنووووو؟ على خيانتك اليه
ـ ياقوتَ غيح اكفر اصبري
ـ ولا دقيقةةةة اصبررر عليك بعد نزلنييييي هنااااا
ـ ياقوووت اسمعيني
مد ايده يحتضن وجهي دفعته وكتله
ـ وخرررر ايددك الحقيرررر هااااييي المسجااااات لحبيبة الگلب مووو؟
ـ ياقووووتتت
ـ احجيييييي جبان ليش تخاف
كلت كلامي وضربت تلفونه بالجام مالت السيارة فلشته تفلش صار ستين وصله
ـ خرررب اشتعلوووو اهلججج اسكتييي ياقوووت اسكتيي نوصل وافهمج
ـ نزلنيييييييي ما اررررريد اشوووفك وجهك بعععدددد نزلنييي ياااربييي كل ما اكول هاهيه ارتاااااحيت يطلعلي شي صفح دَيهم انت ماتوووووب اكرررهك اكررررهك نزلنيييي
ـ انا احبج يغيحي فدوه اغيحلج هسه نتفاهم
ـ حتى حبككك ما اررريده حبك كله جذبه اليخوووون ميحب ديههمممم نزلنيييي
ـ ياااقوووت غييح اسويييي حادث بسببججج اهدييي لا تكفرينييي
ـ نزلنيييي ديههمممم ما اطييق اشوووفك شوفتك تكرهني حتى حياااااتييي
ـ خرررب****
لزمته من ايده اليسوق بيها احاول اخليه يوكف حتى انزل
ديهم : يااااقوتتت لاااااا غيييح ادعمهاا وتتأذين يااااقوتتتت
دفعني ولزكني بالكشن رجعتله انووب لزكت بي اريده يوووكف
ديهم : ياااقووووتتت لاااااا راح ادعمهاااا واذيججج ماتفهمييين خرررب بالخلفووووج لاااااا
فرط الستيرن من ايده وهو يحاول يبعدني
انگلبت السيارة بينه عيوني طفت اسمع بس صوت دَيهم يصيح ويضرب على خدي
ـ ياقوووت اصحيي
فتحت احاول استوعب الحادث السيارة مگلوبة بينه و دَيهم وجهه كله دم وايده مجروحه وتنزف وريحة الدم تارسة السيارة عيوني رجعت تطفى واجانه صوت سيارة الاسعاف احس بماي الاطفائية بلل جسمي و دَيهم صوته اختفى
اخر شي سمعته قبل لا افقد وعيي يكولون
ـ اسحبوووهم قبل لا السيارة تنفجررر اطلعوووهم وضعهم بخطررر الحااادث قوووي قادر الله اذا طلع واحد منهم عايش كلشي صار اسود
بعد ماشفت ولا سمعت شي .
…….
اسمع صوت اهلي يسولفون يمي احاول افتح عيوني ما اكدر افتح بصعوبة مغوشات كلشي ما اشوف جسمي معدوم من الحركة احاول ارفع ايدي ما اكدر امي يمي تسولف وتبجي
ـ دَيهم يمه كعدت ياااا يمه الحمد لله سلامتك
لا تتحرك يا يمه لا تتحرك يوليدي .
خواتي يمي يبچن ويحجن ووياي
ـ شلونك دَيهم تحس بوجع؟
كلشي ماكو بالي غير ياقوتَ
ديهم : ياقوتَ وين؟
رغد : البنج مأثر عليك الدكتور لكه بجسمك شضايا هواي
ديهم : بيش الساعه شكد صارلي هنا
ام بـلال : صار 5 ايام وليدي
ديهم : وياقوتَ وووين؟
ساكتات ما يجاوبن احس روحي تطلع مني
ديهم : ياااقووووتت وووويييينن احد يجاوبنييي
ام بـلال : وليدي يمه ياقوتَ ماكعدت من الحادث لهسه .
هجست جسمي كلو اتجمد والخوف احتل گلبي بلعت ريگي بصعوبه والصدمه ترست بملامحي وخواتي يبچن
ديهم : شكووو تبجن ياقوووتت شبيهااااا
محد يجاوبني منهن وحركتي معدومه احاول اكوم خانتني رجليه ما تشيلني وحيلي مو ذاك الاولي
ديهم : اخذنيييي اشوووف ياقوووت
ريماس : كلشي مابيها خويا والله العظيم
ديهم : اخذينيييييي ريمااااس غيح انجنننن اخخخ يا يابه
اجو ابوي و بلال وسالم
غـيدان : صوتك تصييييح مثل الحرررمه
ديهم : اخذونييي لـ ياقوووت اشوفها هسههه تاخذونيييي
غـيدان : الدكتور ما يقبل احد يدخل عليها ممنوعه من الزيارات
ديهم : وليييييش ممنوعه من النعال الزيارااااات وين الدكتووووررر اريدوووو جيبوليااااه
محد يجاوبني وجسمي ما يتحرك وكله جروح وملفلف ببلاستر وقطن وايدي مكسوره و راسي مضروب بي ويدور من الوجع باوعت لـ امي وحجيت بهستيريه
ديهم : ليش ماكعدت لهسه مرتييي يا يممةةةة
ماا تموووت وتعيفنييي مووو لا لا يايممةة ياقووووت ماتعيفنيييي .
امـي بس تبجي ماتجاوبني
ديهم : اخخخخ ولكممم اخذووونييي اشوووف مرتييي اشوووف جمررتييي .
ارتجيت على ايدي احاول اكوم ماكدرت باوعت لرموسه بصفي تبجي
ديهم : رموووسه اخذيني اشوفهاا
متجاوبني راح يموتونيييي
ديهم : اخخخخ لا يا الله بيهاااا شي مررررتيي بيهاااا شي يممةةةة مريتييي غييحت من ايديه شمعتي النورت لي دنيتي غيييحتتت يا يممةةةة بعد بعد منو يكلي دَيهم ويجرهااا بلسانووو منوووو
ولكمممم منوو يعاندنيي بعد منووو منووو يكولي احبك دَيهمي منوو يكلي من بعدهااا
ام بـلال : كلشي مابيها ياقوتَ والله مابيها يا ابني بس اهدأ مابيها شي بس حالتها خطرة
دفعتهااا وانا ابجي واصيح
ديهم : لا تجذبوووون انا كلبي ناغزنييي بيهااا شي انااا اعرف جُمارررتيي مو بخييررر
يحلفولي مابيها شي وما مصدك بيهم عندي احساس قوي يكول يجذبون عليّ
غـيدان : كافييي دَيهم انت مو جاهل انت رجااال كاعد وتبجي مثل النسوان عييب
ديهم : مررررتييي بس اخذونييي اشوفهااا ابوس ايديكم اخذوونييي بس اشوفهااا والله بس حتـلوو من بعيد انا قابل
بلال : وشواااربك العليك دَيهم لا تخزززينه منا العااااالم
دفعتووو وكتلو
ديهم : وخرررر ارريد اغييح اشوفهااا اذا بيها شي مو بس ابچي عليها اشگ زيجي على طولووو والله
كلت كلامي وانا احاول انهض واغيح الها حاولت وحاولت لمن تعبت ماكدرت اجه سرالم يريد يكول شي اكو سالفه بحلكوو ومن شافني كاعد سكت كتلو ديهم : انتَ الوحيد تحس باللي انا بيّ حبيبتك ماتت بين ايديك تحس بوجعيي موووو سااالم تعال گلي ياقووت شبيها
اجه يمي جر نفس ورجع زفرو خله ايدو على فخذ رجلو ومدنگ راسو تنهد وكال
سالم : اهدأ ياخوي اهدأ واحجي لك كلشي
ديهم : يعنيييي ماتتت
سالم : لااا عايشه الحمد لله عايشه
ديهم : يعني ما ماتتتت بعدهااا بعدهاااا اخذنيي عليهااا خويه اخذنييي اخخخخ
رجعت اعيط واضرب على رجليه بقوووه جروح رجليه انفتح خياطهن ابوي صاح للدكتور
ديهم : كوااااد ما يگرررب صوبيي اشوووف ياقوووت بالاول
سالم : خويه خلهم يخيطون رجلك وبعدين احجي بس والله ثق بيه ياقوت عايشه
اجو الدكتور وبأيدو ابرة مخدر يريد يخليها بالمغذي ملخت الكانونه من ايدي ما اريدو يخدرني حتى ما انام اريد اغيح اشوفها لـ ياقوتَ
ديهم : وخرررر ابن ال**** لا تخدرنييي ما اريد الابره
قيدوني وسالم وياهم قيدني ضربولي الابرة بأيدي اسمع ابوي يحجي ويا اهل السوينه وياهم حادث هم حالتهم خطرة هذا اخر شي سمعتوو والغلط والفشار مافارك لساني عل دكتور وسالم
بعد مدى كعدت لگيت جروح رجلي مخيطيها سالم كاعد يمي بس هوَ ماكو احد يمنا حجيت بلسان ثكيل
ديهم : سالم وديني لـ ياقوتَ اشوفها
سالم : خويه اصحى وانا اخذك
ديهم : صاحي انا صاحي وديني هسههه
سالم : اهدأ
ديهم ; شبيهااا ياقوتَ متريدوني اشوفهاااا اعترف خاف ماتتت والله امووت ورااااهاا
سالم : خويه مرتك بخير بس خلوها بقسم الطوارئ ديهم : ولييش بقسم الخرااا الطوارئ يعني حالتها مو زينه موو احجييي غيح اتخبل
حجه بحسره وكال
سالم : ياقوتَ مو زينه دَيهم عدها اصابات بالدماغ وكدمات ورضوض بالرقبة
وحسب ما كال الدكتور صايرة صابتها صدمة من الحادث ولحد هسه ماكعدت من يوم الحادث غيح يوجهوها لقسم الصدامات بس يكول الدكتور تتشافى بأذن الله معليها شي لتخاف خويه .
من سمعت كلامو حتى الاحرف نسيت شلون انطقها ضيعت الكلام واهجس انفصلت عن العالم اجمع
بقيت ساكت شوية وصحت
ديهم : اخخخخ وتكلوليي مابيهااا شييي ولكمم شلوووون مابيها كل هذا الصااااير بيها وتكلوليي مابيهااااااا ولكممم بنيتيي ماتكعععد بعععد اناا اعرررف اعرفهاااا ماتتحمل
لزمت سالم من ياخة دشداشتو اتوسلو
ديهم : غيحها ما تتحمل يا سالم انااا اعرفهاااا مرررتيي حساسه من الهوى تتأذى انااا اعرررفهاااا كوووم ودينيي عليهاااا سااالم كووووم
سالم : حتى لو اوديك ما يخلوك تدخل تشوفها والله
اتذكرت هييه سارة السبب بالصار ويانه
ديهم : سالم وين تلفونيي لكك جيب تلفونيي اخخخخ يا سااارة الله لا يوفقج تدريي اذا صار شي بـ ياقوتَ شسوي بيهاااا حتى السيد المحدد ما يفكها مني بعد
سالم : وسارة شعليها؟
ديهم ; ولك ياقوتَ قرت رسايلها الدازتهن اليه وعبالها لحد هسه احجي وياها ولكككك اخخخخ بس جيبولييي هاي الچلبة بنت الچلب شعملت بحياااتي دمرتهااا دمااار شدعي عليج يا سارة ريتج بالچتيل
رجعت اتوسل بسالم وكتلو كوووم اخذنييي يسااالم غيح اموووتت اذا ماشفت ياقووت بعيني! اخذنييي والله خااايف اموت وما اشوووفهاااا .
ضليت اتوسل بـ سالم لمن قنعتوو ياخذني الها
سالم : غيح اخذك الها بس ماتعيط يمها وتلطم هاي اذا الدكتور قبل يدخلك عليها
ديهم : بسس اخذني والله حسي ما يطلع اريد بس اشوفها حتـلو من بعيد
جابلي الكرسي المتحرك وساعدني اكوم وخلاني عليه اخذني عليها للطوارئ الباب قافلينوو صحت
ديهم : وووين الخرااا الدكتووور خلهم يفتحوون الباب اررريد اشوف مررتي
اجه الدڪتور
ـ ممنوع زيارات هسه وبعدين شكو مطلعينو من غرفتوو مو بلغناكم مو زين عليه لازم يرتاح الحيل .
ما اعرف منين جبتوو وكفت لحيلي ودفعت الكرسي ولزمتوو من ياخة زي الدكتوراه مالتو وكتلووو ديهم : افتححح البااااب ارررريد اشوفهااااا لـ مرررتي
الدڪتور : ايدك احترم نفسك
ديهم : خلينيي اشوفهاا وانا احترمك .
سالم : دكتور مرتوو ويريد يشوفها من كعد لهسه ماسكت حتى جروحو انتفحت بكثر ما عيط وبچه
ديهم : افتتحوو للخرا
سالم : اعذرنه دكتور اخوي مو بوعيوو ويحجي هيج الله يخليك بس خليه يشوفها حتى لو 5 دقايق .
قبل الدكتور بعد معاناة وخلاني ادخل عليها دخلت للردهه كوه امشي وحيلي مو هو نفسو بس اريد اشوفها صرت يمها وشافتها عيني متمدده عل سديه والاجهزه حواليها محاوطتها وصوت دكات گلبها بالجهاز تضرب ببطئ ووجهه الحلو مورم والجروح تارسه ملامحها وراسها مضمد وضحكتها الحلوه ماكو مختفيه وحتى الضعف واضح بجسمها اتمنيت مييت ولا شايفها بهاي الحالةة قربت وكعدت بصفها قربت كلش من وجهه وصوت نبضات گلبها ينحسبن من گد ما بطيئة عرفتهااا مو زينه
صار وجهي يم وجهه لمست خدها بأطراف اصابعي امسحو بخفة كلو جروح وخدوش متأذيه حيييل متأذيه
ديهم : كومي ياقوتَ كومي
كومي وكليلي دَيهمي يبعد دَيهمج ميت بدونچ انا .
شو هاي ماترد ما تجاوبني اتهسترت اضحك واحجي
ديهم : اصحي جُمااارررره انا انا ادري بيج تشاقييين ويااي كومي لا تشاقيين وياي هيج شقه ثكيل كوومي يلا عاركيني وعانديني انا قابل والله قابل حتى لو تعانديني … بس ارجعييلييي ابوووس ايدججج شمعتييي كوووميي يااا اميي كوميييي . صوتي صار عالي رجعت احتضنت وجهه بأيديه احجي ودموعي تصب
ـ كووومي ابويه انتِ مو مو چنه نسولف وتكليلي ما اعييفك دَيهم انتِ وعدتينيي جُمااارررره كووومي . اجه سالم على صوتي يسحبني يبعدني عنها والدكتور وياه
ـ مو زين عليها اذا تسمعه وتتأثر بي وتنقهر احتمال من القهر ماتتحمل
ديهم : وخررر و شنوو يعني ياقوتَ تنقهر من احجي وياهااا؟ انتَ ما تعرفها محد يعرفها مثليي ياقوتَ ماترتاح الا لمن احجي الها وتسمع صوتي
يتبـع …. ♥
……………………………….
رايكم بلباااااارت
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.