رواية بين قبضتهم وقلبه – الفصل الثاني والعشرون
22
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
❂رقــــــو ـ الجـــوهر ❂
بـين قبضتهُم وقلبة
وتعالو بقناة تلي تعالو ياقوت تحجي بيها
قناة :
💙 .
..
مـَا تجيـن؟ ”
هـواي صحنـالج تعالي شبيـج
مـَا تستـوعبين مثَلي ما تلگيـن واللـه
طيـَب وگلـش حـنين ردَي احـسلج يحلوهِ
خـاف امـوت وتـالـُي ماينـفـع
بـعـد تتنـدمـين
..
ديهم : وخررر و شنوو يعني ياقوتَ تنقهر من احجي وياهااا؟ انتَ ما تعرفها محد يعرفها مثليي ياقوتَ ماترتاح الا لمن احجي الها وتسمع صوتي .
قيدوني الدكتور وسالم يحاولون يطلعوني من يمها ديهم : وخروووو اررريدد ابقققى يمهاااا خلها تجاوووبني ياقوتَ تجاوبنيي متخلينيي انتظررر ياقوته يجاوبني گلبها قبل لسانها متغيح وتعيفني هيه الهوى الاتنفسو اشهگها ويا كل شهگه هوى . مستمرين يجروني يطلعوني من الغرفة وانا مثبت رجليه بالارض احاول ما اخليهم يطلعوني لو بحيلي الاولي املخهم تملخ بس خان بيه الحيل
سالم : دَيههمم كافيي انا مو كتلك لا تعيط ولا تبچي حتى لطم صرت تلطم ولكك عايشة شجرالك عايشة البنيه ما ماتت
ديهم : عيفووونييي بس خلونييي يمهااا ما اصررخ والله مااا اصررخ اسكت النفس اكطعوو ماخليها تسمع شي مني بس خلووونييي يمهااا
دفعت الدكتور وصحت
ـ خلووونيي يمهااا خليني اشبع منها شوووف اخاف بعد ماشوفهااا .
احجي ودموعي تصب بلال اجه واكف مصدوم اول مره يشوفوني ابجي على احد بحياتي ما باچي كدامهم
ديهم : بس عيفووونييي ما اخليهااا والله ما اخليههاااا اريد ابققى يمهااا مرررتي ماتكدر بدونييي تعبااااانه بس خلووووني اشوف شنو اليوجعهاااا وين متأذيةةةة
ـ امشيي دَيهم مو زين عليك
رجعوو قيدوني يسحبوني برا
ديهم : انكسرررت ايديييي انا السبب اناااا كل الصار منيي اخخخخ يابوووويه شصاااار بيچ يا امي ياقوتَه اخخخ ريييت الموووت ياخذني ولا يااااخذج
ابجي واصيح واضرب على صدري شگگت ملابسي تشگگ والناس كلها وكفت تباوع بالمستشفى واحد يسأل الثاني هذا شبي وليش هيج يبجي منو ماتلو
ديهم : الله لا يوووفقكم خلوووني يمهاااا ياقـوته ما تطيب اذا مو انااا يمهااااا انا اعرفهاااا شُمامه تعباااااانه خاااايف تعيفنيييي وتغييييح يا يممه يذبوون الترااااب على گبري ولا يذبونوو على وجهج الحلوو يا بوويه انتِ .
دفعتهم اريد اغيح الها باوعت لـ باب الطوارئ لغرفتها وصحت
ديهم : اكععدييي ياقوووتَه كوووميي لا تموووتين ابووس ايدچ لا تناااامين كافيييي نوووم اكعديييي دَيهم ما يستاهل حتى الهوى بدووونج .
رجعوو قيدوني وانا رايح الها اريد اشوووف شمعتي اريد اضل يمها مايخلونييي
لزموني سحبوني للغرفة الجنت بيها
ديهم : كووومييي ياقوتَه حتى الهوووى يحرررم عليّ اذا انتَ ما موجوده ولجججج اكععدييي لا تعانديينييي ابووس ايدج يبعد ابوييي وامييي كوووومي لا تعبين گلبي .
اخذوني وخلوني ع الفراش وانا اعيط واهلوس
ـ ياااقوته اكععديي كووميي شوفي شصار بحالي بلياااچ شمععتيي لجج اتبهذلت ياقوته اتبهذلت بدوونج
اسمعهم يهدون بيه وانا ولا يمهم
صيحت لحد ماتعبت
ـ بعـد مرور ايـام ـ
فتحت عيوني بصعوبه يمي بلال و سالم
ديهم : اخذوني اشوف ياقوتَ
سالم : ارتاح دَيهم ياقوتَ ميخلون احد يدخل عليها . ماكدر احجي اكثر من هيج رجعت غفيت من الوجع والبچي والعياط واللطم تعبت
كعدت بعد فترة احس جسمي كله متكسر ماكو احد يمي بس تلفوني مكسور وموجود يمي رفعت ايدي احاول اخذ التلفون اهجسها متشنگه من الوجع واصابعي ثكال وكأنُ صارلي سنين من متمدد اخذت التلفون وفتحته باوعت للتاريخ صفنت استوعب سوينا الحادث بتاريخ ـ 2021:9:7 ـ
وهسه التاريخ ـ 2021:12:29 ـ
يعني صار لي 4 اشهر بالمستشفى !!
اجت على بالي ياقوتَ شمرت التلفون فصخت الكانونه وذبيتها ايدي الثانيه توجعني مكسوره ولحد هسه ما طايبه رحت اركض لغرفتها مثل الخبل بس هيه بالي اهجس انفصلت عن العالم وضايع مثل الغرگان ويريد مرسى تنقذو اريد بس اشوفها او اسمع شي منها وصلت غرفة الطوارئ فتحت الباب مالكيتها فارغة
ماتن رجليه اتجمدت بمكاني
ديهم : وينهااااا ولككممم يااااقوووت وينههاااا
وكعت بالكاع حيلي مات رجليه ماتشيلني
ـ بس جيبوهااا اليي وينهاااااا يا بوووويه مرررتيي ولكممم مرررتيي
صرت اضرب على صدري اهجس نار وشابه بضلوعي عليها اريد بس شي يطفي ناري وجسمي كلو يتراجف شافتني ممرضة واجت تركض بأتجاهي والناس كلها تباووع وانا اصيح وابجي
ـ ووينججج ياااقووت بس ارريد اشوفهااا بووويه صارلها اربعة اشهر هناااا وانا مو مو يمهاااا ولكم مو يمهاااا اخخخ بوويااا خاف ماتت وما شفتهااا يمهه لاااا لاا ياقووت متعيفنيي .
اجت الممرضة تحاول ترفعني من الكاع ماكدرت دفعتها
ـ كوم عيني مرتك موجودة بالغرفة المقابيل غرفتك . هجست الدم رجع مشى بيها رحت اركض للغرفة المقابل غرفتي بيها جام شفاف كبالها شفتها نايمة وملامحها متغيرة مو ذيج ياقوتَ القوية الحلوة البريئة الاخذت گلبي بضحكتها نايمة ماتحرك ساكن ودگات كلبها ما تنسمع عيوني تصب بدون ما ادري ما اسيطر على حالي
فتحت الباب ودخلت عليها امشي بهدوء خايف افززها من نومتها هيه نومها خفيف انا اعرفها
صرت يمها اتمددت بصفها ع السديه واتغطيت وياها صوت دكات گلبها يادوب ينسمع وينعدن كلش قليلات يا يمه عمت عيني شعرها ملفوف فتحتو اشتميتو نفسوو عطرها ما تغير يبعد غيحي يابوي
ضليت احاجيها واسمع الممرضه تكول لـ اهلي
ـ خلووه يمها عوفووه لحد يحاجيه .
احجي بخفوت يمها كتلها
ديهم : كومي ياقووته انا يمج انا دَيهم اكععدي حبيبي ما تموتين وانتِ زعلانه مني ابد ابد ما تموتين متعيفيني جُماررة
احجي وياها وامسد بشعرها واتلمس بگلبها ومركز بدكاته
ديهم : كوومي شمعة دَيهم بيتنا ينتظرنه عجل المن سويتو انا اذا مو الج كومي ورانه عرس و زفة كلها تحجي بيها بعدني ما شبعت منج شووف يابوووويه كوومي انا ما متعود عليج هيج ذبلانه وتلفانه وتعبانه انا متعود عليج بضحكاتج وسوالفج الترد غيحي فُقدت عقلي بدونج وبالگوه جاي اصبر واول مره اهجس بغيحي ضگت المر انهدم حيلي بلياچ ياقوتَ ومابقى بيه صبر اكعدي بعدني مانمت بحضنج ولا سولفتلج شكثر احبچ اكعدي وشوفي حالي شلونو بلياچ مثل اليتيم اليدور اهلو ترضيها دَيهم يتبهذل هيج؟ ترضيها انا حبيب عيونچ يصير بيه هيج؟ اكععدي ياقوتَ اكعدي وسولفيلي واضحكيلي وابجي يمي وسبيني و عانديني واضربيني وحتى حتى اكرهيني سوي التريديه بس اكعدي اكعدي يا امي شديلي حيلج بس هل مره لخاطري لا تضعفين انا ادري انتِ سباعيه وتكدرين وغيح تكعدين وتكليلي دَيهم جنت اسمعك وانتَ تحجيلي كلامك قواني انا اعرف كلشي اعرف ادري بكلبج يسمعني و ادري انتِ كاعده وبكلشي حاسه بس مو كادره تنطقين او تكعدين عمت عيينيي عليج ياابوويه انشلت ايدي من دعمت السيارة واذيتج ريت الله لا عافاني انا السبب باللي انتِ بي هسه
احجي وابجي دموعي مايوڪفن غصه بكلبي
ـ كومي نطلع سوه نسهر ونسولف واحجيلج نكته واضحكج اكعدي وصيحي لي دَيهم حتى اسمي بدونج مو حلو وما الو معنى يبعد البيت واهلو اكععدي لا تمرمرين گلبي تدريني احبج ليش اتعبيني
تعرفين متت الف موته يلا حصلتج متت وما صرتي اليه اخذتج وشردت بيج وحاربتتت العشيرة كلها علمودج واخر شي تعيفيني ياقوته؟ لا والله اتخبل غيحتي من اديه
لجج انا انتظر يوم يوم دقيقة دقيقة تكبرين كدام عيني حتى اخذج من وانتِ طفلة امشي وراج واراقبج عشگتج من وانتِ طفلة وها حتى من شفتج بسوبر ماركت ابوج جنت متعمد تشوفيني اريدج تحبيني انا استاهل تحبيني ياقوته استاهل تكعدين لخاطري تعب گلبي وما صرتي الو كل يوم جان يمر عليّ وانتِ بعيده عني احسبو مو من الايام اهجس عمري ناقص بدونج كومي حبيبي
انچوه گلبي چوي بلياچ تلَوع تلوع وانتِ علاجو ياقوته انتِ الشمعة الضويتيلي دنياي جانت ضلمه يدونج وانتِ اجيتي شمعة وضويتيها خليتي دنيتي كلها نور جنت عايش بعالم غريب حتى رحمه ماجان اكو بكلبي انا الكلها تخاف مني ويخافون يگربون صوبي اجيتي انتِ و گدرتي تسيطرين عليّ بشكل كامل صرتي نقطة ضعفي انا الجنت حتى نقطة ضعف ماعندي جنت معدوم الاحساس انتِ رجعتيني للدنيا انا شلون جنت عايش بدونج؟ وبعد مالكيتج تردين تعيفيني ابد لا تعيفيني ياقوته ارجعيلي ابوووس ايدج ارجعيليي .
وانا اسولف وياها حركت اصابعها شدت على ايدي وانا لازم ايدها فزيت ارجف وفرحان لزمت ايدها ابوس بيها
ـ اي ياقوته اي انا يمج تسمعيني موو بلي تسمعينيي اكعدي ابوي انتِ اخذج لـ بيتنا تشوفيه وتختارين كلشي تحبيه كومي زرعت لج ورد جوري ورد الجهنميه لأن انا اعرف تحبين ذني النوعين سويت لج كلشي تحبيه كومي ابد لتعيفيني ياقووته وو ما اخليج زعلانه مني بس سمعيني صوتج ورديلي غيحي انا ابررلج كلشي والله گلبي ما اخذتو بنية غيرررج تحررم عليّ النسواان من بعدچ الدنيا ماتوگف على احد بس توگف عليچ ياااقوته والله توووكف عليج كووومي ابووس ايدج .
اجاني صوت ابوها حكيم وهو يكول
حڪيم :كوم ابني كوم شدتسوي بنفسك انتِ جبير ورجال وتفهم وواعي لا تبچي عيب الزلم تبچي . مسحت دموعي وكفت لحيلي
ـ عيب الزلم تبچي بس مو عيب الزلم تنمد ايدهم على بنيه مو هذا عقلك عموو؟
ـ شو هيج تحجي هسه هيه بيا حال وانتِ تسفط مدري وين احترم نفسك دَيهم
اجه ابوي يصيح عليّ
غـيدان : شو هيج دَيهم هذا عمك احترموو وانتَ الممنون اعتذر منو هسه كدامي .
عفتهم وطلعت لكيت بلال برا
ـ صيح الدكتور
ـ ليش
ذ صيحو لا انعل والديك
غيح يصيحوا شواي واجه ويا الدڪتور
ـ رخصني اريد اطلع منا
ـ ماكدر صحتك مو تمام
ـ وشعليك بصحتي غيح اطلع بدون رخصة
ـ على مسؤوليك لعد
ـ اي على مسؤوليتي لحد يدخل
احجي وافصخ بالبلاستر اللي على جروح رجلي وايدي وصدري شلعتهن وطلعت معلگ ايدي مكسوره ولحد هسه ما جابره
اريد اطلع لاكاني اشهب بالممر
اشهب : شلونك دَيهم الحمد لله على سلامتك
ـ الله يسلمك بعد غيحي انا بخير بس عينك على ياقوتَ علما ارجع
اشهب : تدري شبيها ياقوتَ
ـ اي ادري
اشهب : يعني تدري هيه بغيبوبة؟
انصدمت ردت انجلط من السمعتو
ـ من ايمت وهيه هيج وماكعدت يعني؟
اشهب : لا ماكعدت صارلها اربعة اشهر و الدكتور يكول عدها رضوض بالدماغ واحتمال جبير تفقد الذاكرة
سكت ورجع كال
ـ كارثة اذا فقد الذاكرة دَيهم!
ـ خلها تكعد حتـلو فاقده الذاكرة اهم شي تكعد عود شويه شويه تتذكر واذا ما اتذكرت انا اذكرها غصب .
واحنا نسولف اجت امها حجت بعصبيه
ـ متاخذها عاااد وتخلصنه من مصايبها ومصايبك مريت من يمها اريد اغيح رجعت تحجي
ابابيل : بس تكعد تاخذها وجهك وجهه ما اريد اشوفه بعد شلعتوو كلوبنه مو خلفة الله زتكم علينا غضب
اتجاهلتها وكملت طريقي سالم اجه وراي
ـ وين تريد دَيهم انت مو زين
ـ تعال وصلني
ـ وين
ـ اذا متوصلني انا اسوق
ـ لا اوصلك بس كول
ـ وصلني لـ بيتنا
وصلني طبيت سبحت وبدلت واكلت لان حيلي ميت مابيه حتى حيل خابرت مُنير
ـ مُنير تكدر تحصل لي رقم خطيبها لسارة بنت الچلب ـ ها اي اكدر احصله بس شتسوي بي
ـ اررريده بسررررعةةة مُنيررررر جيبوو الي من جوا الكاع اريدووو
ـ شبيك معصب
ـ مُنير كلامي ما اعيدوووو الرقم تنبشوو من تحت الاررررض وتجيبوووو لا كلشي بيناتنه ينتهي
ـ اعصابك حبيبي بس انطيني وقت والله بعيني
ـ يلا ولييي
سديتو بوجهو
رجعت للمستشفى يم ياقوتَ اهلها واهلي كلهم موجودين
ديهم : شعدنه حفلة لو شنوو يلا كلمن يرجع لبيتووو بس انا ابقى يمهااا
غـيدان : دَيهم انجب شو صاير متعرف تسولف؟
ـ يابه اخذ عمي وغيحووو وانتن البنات يلا اخذن امي وغيحن وانتِ عمه هم غيحي واشهب بقت يمك تبقى تغيح معليه بس انا وحدي اريد ابقى يم ياقوتَ ميحتاج كل هل عدد شعدنه فزعه .
اشهب : راح اخذ امي واروح شتحتاج خابرني
ديهم : تمام
غيحوة كلهم وعيفوني يمها وحدي
دخلت عليها اشوفها مو متحركة لحد هسه على نومتها ياا بووويه كل ما اشوفها يتگطع گلبي تگطع كعدت يمها احتضنت ايدها بين ايديه وحجيت بهدوء
ديهم : ياقوتي
بستها بأيدها وكملت احجي
ـ والله لأندموو الجان سبب بمرضج الا اكرهووو بعيشتووو غيح اخليه يترجاني اسامحوو يترجاني اتركوو بحالووو يول انا مررريتي شمعتي شمعة سلفنا يصير بيها هيج واضل ساكت عمت عيني مو رجال اذا سكتت
رن تلفوني شفتو مُنير
ديهم : ها مُنير جبتوو؟
مُنير : اي لكيته بس كلي شتسوي بي اول
ديهم : دزوو ومعليك
ـ كول شتسوي بي
ـ لا تكفررررني مُنير بس دزوو بعدين اكلك
ـ راح ادزه بس مو تسوي مشاكل وتفضحنه وتصير من وجهي
ـ لا ما اسوي شي بس دزوو
بعد معاناة دزو اليه اتصلت بي
ـ خطيبتك سارة؟
ـ لا منو انتَ؟
ـ ما يهم منو انا المهم شنو اعرف على خطيبتك تغيرت نبرة صوتو وكال
ـ شتعرف ومنو سارة
ـ هههههههه غيح اسدو وتابع واتسابك
سديتو وخليت الرام القديم مالتي بالتلفون طلعتلي صور سارة كلها بالرام من جانت بحياتي جنت محتفظ بيهن وهسه اتذكرتهن مدري شلون واجت ضابطه دزيتلوو صورها كلها عل واتساب وحتى بدون حجاب شافهن
ديهم : من تقرر تزوج اخذ وحده شريفة لا تطفر حي الله وتتورط
رجع يتصل ما جاوبتوو حرك التلفون حرك وما جاوبتوو ضليت كاعد اسولف ويا ياقوتَ
ـ بنيااتي اذاا ما اخذت ثارج هيج اتعنالهاا للرمادي وحق الله اانحرهاا وانحر الخلفوها هم وارجعلج انا مكاني يمج غيحي الكيتها بيج شلون جنت عايش من انتِ ماجنتي بحياتي ما ادري يمكن جنت ميت سكتت شويه ورجعت احجي
ديهم : تعرفين ليش بطلت ابجي واتوسل بيج تكعدين؟ لان انا اعرف انتِ تسمعيني و غيح تكعدين متعيفيني ياقوته ابد متعيفينيي انا ادري بشمعتي گلبها ما يطاوعها تعيفني
احجي وابوس بأيدها قربت يم وجهه بستها بخدها خدها دافي چوة شفايفي ارتاحيت يعني دمها يمشي بجسمها بشكل منتظم الحمد لله
ـ وليدي بسررعه طيبي واكعدي ورانه زواج وبيت ومسؤوليه واطفال تذكرين من كتيلي اريدهم يشبهونك وانا اكلج لا اريدهم يشبهووج هههههههه وعد بس تكعدين التريدي يجرالج حتى ماي عيوني تاخذينوو
رن تلفوني ريماس تتصل جاوبتها
ديهم : ها رموسه
ديهم : ماكعدت؟
ـ لا بعدها
ـ شلونها؟
ـ تبين زينه حالتها مستقرة رموسه دزيلي بطانيتي ومخدتي ويا سالم
ـ تمام
ـ اسمعي غيحي لكنتوري تلكين ملابس لـ ياقوتَ دزيلياهن هم
ـ خويا منين جبت ملابسها
ـ اخذتهن الها وضميتهن من فترة المهم لا تسألين هواي رموسه سوي الكتلج عليه
ـ ماشي خويا
شواي واجه الدكتور
ـ لازم احد يبات يمها
ـ انا باقي هنا لمن تكعد
ـ لا حتـلو ليلة تبات وليلة لا
ـ لا ما اعيفها لمن تكعد
ـ انتَ شتصير منها
ـ كل اهلها
ـ ههههه زوجها؟
ـ بكيفك شتريد شوفني انا كلهم الها
شلون وضعها
ـ جيد وضعها بس لا تسولف يمها على اشياء تضوجها احتمال اتأثر على حالتها حاول قدر الامكان تحجي الها عن اشياء تفرحها تريح بالها
ـ و الضربه البراسها؟
ـ اتحسنت والرضوض بدأت تختفي بس احنا خايفين من الصدمة لأن الضرب اثرت على راسها يمكن تصحى بس ماتتذكر شي
ـ دكتوور خليهااا بسس تصحى حتـلوو متذكر شي بس خليها تكعد وتسولف وياي انا قابل لو تكعد خبله هم ااانا راضييي .
عافني الدكتور ومشى وهوه يضحك
شواي ورن تلفوني خطيب سارة يتصل انطيتو رفض رجع اتصال وهم انطيتوو رفض بقى يتصل وارفضوو اخر شي سويتوو صامت
ديهم : جُماارتي سويتو صامت حتى لا يزعجج هل حثاله هو وخطيبتوو .
دَيهم شتخرط الدكتور شكالك اسكت يمعوود خل اسكت احسنلي
اجه سالم جايبلي الفراش وملابس ياقووت چفت كبل للغرفة بسرعه غطيت شعر ياقوت بأيدي
ديهم : هييي شبيييك سااالم متشوف اختك بدوون حجااااب
ـ اسف والله ما ادري
بسرعه دار وجهوو
ـ استغفر الله سااالمم ليش تكفرررني
دورت شالها ماكو كتلوو
ـ ذب الملابس واطلع لا تدير وجهك عليناا بسرررعه يلااا براااا .
ذب الملابس والفراش وطلع من الغرفه
رحت اخذت الغطه هجست ايدها بيها بروده غطيتها وخليت مخده الثانيه ورا ضهرها وكعدتها لأن ادري بيها تعبت وهيه نايمه
ديهم : حبيبي بس تكعدين يابوويه اشعل الجو ولججج مو بس الجو العرااق اشعلوو بس اكعدي وسمعيني صوتج الحلو هذا
رحت اتمددت يمها واحجي
ـ ياقوته بس تكعدين انطيج تلعبين قطارات و وعد ما اخذوو منج اخليج لمن تملين وتذبينوو للتلفون انا اسف بوويه على كل يوم جنت بي قاسي وياج انا اسف بويه بيوم زعلتج انا اسف بيوم چنت بعيد عنچ انا اسف اذا قصرت مره بحبي الچ بس اكعدي كلشي غيح يتغير شمعاااتي .
سمعت صوت صياح برا فزيت اشوف شكو اجه واحد كال
ـ ابني الدعمتوو خطيتوو برگبتك اذا مااات صارلووو اربعة اشهر مشلول نشلل نصفي اذا ما تشافى ابني خطيتوو اريدها منك
يبجي ويحجي شفتوو هيج صرت ابجي وياه
ديهم : عموو انا فاهمك بس لو تشوف مررتي ما جان حجيت وياي هيج مرتي مو زينه عمو اذا ابنك تضرر انا هم مرتي اتضررت وبعدين حتى الكاميرات كالو الخطأ جان من الطرفين مني ومن ابنك بس انا جنت سبب الحادث والله وجاي اعترف لك بس ابووس ايدك لا تدعي ولا تتحسب عليّ اخاف توكع خطيئة ابنك بـ مرتي والله ياخذها مني ويحرگ كلبي عليها عمو انتَ مبين محروگ كلبك على ابنك وهم مبين عمو انتَ على نياتك ادعيلي ياقوتَ تطيب واشوفها كدام عيني وافرح بشوفتها
احجي ودموعي تصب الحجي صار يبچي اكثر
ديهم : عمو اذا صار شي بأبنك حقوو تاخذوو من ذراعي بس لا تدعي عليّ اخاف الله يكسر ضهري
بمرتي وتطلع بيه حوبتك اذا صار شي بأبنك موجود القانون اشمرني بالسجون وخليني اتعفن بيها بس لا تدعي وگلبك محترگ على ابنك اخاف تطلع حوبتكم بيه وانحرم من مرتي كلشي ولا مرتي عمو كلشي اخذ مني اخذ غيحي انا قابل بس مرتي لا جعل يومي قبل يومها
ـ كافي ابني كافي اني اعتذر اجيت وقهرتك فوك قهرك والله ما ادري اجيت بدون وعي وحجيت هيج .
واحنا نسولف اجت بنيه متعصبه تقربت مني ضربتني بصدري بقوه وكالت
ـ اااررريد اخووي منكك اذا مااات او صاااار بي شي انتَ متخاااااف الله شلووون تدعمه اعممى مااتشوووف الله يعميييك
ـ اختي والله ماجان ب …
قاطعتني وهي تكول
ـ اخوووي انشل وما الي غيرررره وابوووي مريض اذا صار شي بأبوي من القهر على اخوي فلا اسامحك وبعد مدري منو ما يخلصك مني .
دخيلك ربي هاي شجاها ابوها لازم خاصرتوو توجعوو ويكح
ـ شبي ابوج
ـ مرريض مرض اليطب كلبك ويمووتك عفت كل العالم واجيت دعمت اخووي
تحجي وتبجي وسانده ابوها ابوها كال
ـ لا تدعين يمه بنتي هو هم مرته مو زينه گلبه مچوي مثلنه الرجال اما بأيده شي
اخذت ابوها وراحت وهيه مستمره تغلط وتصيح عليه بعالي صوتها وتدعي وابوها يحجي وياها
ـ كافي تدعين بنتي .
رجعت يم ياقوتَ وبيه خيبة امل اكبر خفت يموت اخوها وتصير خطيتو بركبتي والله ياخذ مني ياقوت ويكسر ضهري بيها عقاب اليه
ضليت ابجي وانوح يم ياقوتَ لمن تعبت ونمت
بعد مدة فزيت احد يدگ الباب غطيت شعر ياقوتَ وكلت
ديهم : ادخل
دخلت البنيه نفسها اللي اخوها دعمتوو اجت يمي باوعت لـ ياقوتَ وهمست
ـ مرتك؟
ـ اي
ـ عندك اطفال منها؟
ـ بس عقد سيد بعدني ما اخذتها ماشبعت منها يبعد امي وابوي
اخذت ايد ياقوتَ بستها رجعت كالت
ـ خطبتها على حب ؟
ـ من هيه وصغيرة انتظرها تكبر كدام عيني ومتت الف موته وما كبرت وخطبتها بعد تعب بعدني ما عوضتها عن ايامها العاشتها بحسره وضيم وقهر ما لحكت اعوضها عن كلشي بعدني
ـ انه اسفه غثيتك قبل شويه بكلامي
ـ انتِ هم حقج محترگ كلبج على اخوج ماكو فرق بينه انا وياج عايشين نفس الوجع بس انا اهجس وجعي اكبر
ـ شلون؟
ـ ياقوتَ مو بس حبيبة الي ياقوتَ كل دنيتي هيه صارت لي اخ واخت وام واب وصديق ودنيا بكبرها انا وجعي اكبر من وجعج اختي
ـ چا وانه هم ماعندي بس اخوي
ـ انا مرتي تعادل ديرة وعشيرة بكبرها لو يخيروني بين الاثنين افضلها حتى على اهلي يا اختي ماتدرين شصار بيه بدونها اتبهذلت واتمرمرت
ـ الله يصبر كلبك وتطيب ان شاء الله وتتزوجون وتكونون احلى عرسان
ـ مشكوره اختي
ـ اسفه مره ثانيه
ـ عادي ولا يهمج
ـ اخوي لحد هسه وضعه ماتحسن وحالتنه الماديه صعبه وحايره منين ادبر له
ـ وليش حايرة انا المسؤول عن الصار وياه وانا اتكفل بكلشي
ـ انت هم عندك مرتك وتحتاج
ـ انتِ لا تهتمين تكاليف علاج اخوج كلها توصلكم ولا تاكلون هم فلوس وبلغي للحجي وكليلو لا يشيل هم شي .
ـ جداً اشكرك ولو احس زحمه اجيت وشكيتلك همي
ـ عادي اثنينا عايشين نفس المعاناة اذا اجيتي وشكيتي همج بالعكس يمكن تخففين عن نفسج
ـ لهسه خجلانه منك من غلطت عليك ودعيت قبل شويه
ـ اغلطو وسبوني بس لا تدعون عليّ اخاف الله يجازيني وتطلع حوبتكم والله يعاقبني بـ ياقوتَ غالية گلبي
ـ اسمها ياقوتَ؟
ـ اي ياقوتةَ عمري جوهرتي النادرة الثمينه اللي مايجي بعدها احد يمها وتنتهي الدنيا كلها
ـ الله شكد حلو حبك الها الله يشافيها وتطيب وترجع لك .
سكتت ما رديت عافتني وغيحت
ديهم : حبيبتي اميرتي الدلوعة مالت دَيهم انتِ عندي عتاب وياج قاسي من تكعدين طوولتي عليّ ههوايي باعي الدنيا ضلمه بدونج حتى الليل مو حلو وانتِ مو بي
غيحت للستارة وخرتها وفتحت الشباك نسيم الهوى بارد
ـ حتى الهوى يدورج يوميه الليل هادئ واليوم هَـب فاگدج يغيحي الدنيا بكبرها فاگدتج مو بس انا مكانج فارغ شيوخ وسلف ما يعوضوو
اليوم الثاني
اتصل بيه رقم غريب جاوبت اجاني صوت سارة
سارة : الله لا يوفقك دمرتنا اني وخطيبي شكو دازله صوري
طلعت من يم ياقوتَ وكتلها
ديهم : انچبي واكلي خرا بربوك انعل ابوووج لابو الجابج عليه بنت الل اخخخ تدرين لو الزمج اطلع ضيم وقهر ياقوتَ كله بيج ولججج ماتدرين شصار بحالي من عمايلج شكو شكو ملاحكتني قسماً بالله اذا شفتج نوب دازتلي مسج او متصله اتعنالج للرمادي انعل والديج ونوب ما اجي احاجيج اجي على ابوج واحجيلو كلشي حتى على علاقتج بيه قبل سارة : خطيبي فضحني يمشي ويسولف عليّ يكول كوادها داز صورها الي هسه انت صرت كواد
ديهم : اي انا كواد اهم شي كسرت خشمج يا بربوك الله لا يوفقج وحق القران اذا صار شي بـ ياقوتَ
ياااااوووويلج اخليج تركضين وتكولين دَيهم بعدو وراي بت الچلب شسويتي بينا دمرتينه الله يدمر حياتج
سارة : ديه …
تريد تحجي وسدييتو بوجهه
حضرتها من كل البرامج وغيحت راسي
خابرت بلال وكتلوو
ديهم : بلال غيح للبنك اسحب لي مبلغ وجيبو الي للمستشفى
ـ شتسوي بي
ـ بس جيبو الدعمتو من سويت حادث محتاج علاج وفلوس ماعندي خلصت
ـ هسه جايك
شواي واجه جايبلي الفلوس وياه اخذتهن وغيحت للحجي ابو الولد دكيت الباب محد فتحوو فتحتو ودخلت لكيت البنيه نايمه يم اخوها وابوها ماكو عيفتهم وطلعت رحت لدكتور المشرف على حالتوو سددت مبلغ علاجاتو كلها وخليتو التكاليف كلها على حسابي ورجعت لـ ياقوتَ .
بقيت يمها بعد 5 ايام وانا ما فارگت ياقوتَ وحتى النوم نسيت طعموو ليل بنهار كاعد يمها واتأملها تصحى وتحجي وياي
باوعت للتلفون شفت الساعة 10:30 ليلاً غايح وراد يمها گلبي مو مطمئن من دون الليالي كلها اللي نمتها يمها اليوم مو مرتاح ماعرف ليش وكفت صفنت عليها تتنفس طبيعي بس جسمها جاي يضعف ويذبل اكثر اجيت ابدللها رفعت ضهرها خليت مخده جواه كعدتها بدلت الها ملابسها ومشطت شعرها وضفرتوو الها يوكع بأيدي خصل خصل اوف شدعي عليج يا سارة الله لا يهنيج يارب لا تختبر صبري بيها اختبر صبري بكلشي الا بيها ما اكدر انا انسان ضعيف يمها قصيت الها اضافر رجليها وايديها وبست ايديها صايرات انعم واترف لأن نايمة ومتشوف الهوى يبعد طولي رجعت مددتها واتمددت يمها احجي وياها
ديهم : جُمارتي اشتاقيت لج شوگ اليتيم لـشوفة اهلوو لجج تدررين اشهگج بكل جرة نفس والله صار
اربعة اشهر ماشفت راحة وعايش مثل الچلب بالشوارع متشرد بيتنا ما طبيتوو انتِ بيتي ياقوتَ من اجي يمج الگه اماني كلوو بيچ انتِ ملجئي اليحتويني بوقت اللي محد يتقبلني انتِ النفس الاخذوو جُمارة لجج حتى الزاد احضرو اريد اكلو واتذكرج مو وياي واشيلوو من كدامي ما اضوكوو والله يحرم عليّ الزاد من بعدچ
صرت ابجي واحجي وياها وهيه هامده وباردة بصفي ماتحرك ساكن ارتجيت ع المخده اتأملها اتأمل عيونها التعبانه الحلوه المتلهف الها
ـ لهفتي عليچ ما تخلص يا بوويه ونار اللي بضلوعي ما تطفى لمن امووت اشوفج كبالي وتحجين وياي طوولتي هواي شمعتي والله طولتي
احجي وياها والتمس رموشها بأطراف اصابعي
ـ يلا كومي ياقوتَ الوقت يمر بصعوبة بدونج ابووس ايدج ياقوتَ اكعديي انا ضااايع والله ضااايع بعمري كلو ماصرت هيج ضعيف ومابيدي حيله ابوس ايدجج اكععدييي ياقوووت
مرريتي كوومي يابوويه والله تعبت وانا انتظرج يارب لا تختبر صبري بيها اكععدي ياقووته انا ميت بلياچ ميت والله ميييتتت اكعدي وسمعيني ضحكتج الاحبها خليني اعيش بضحكتج انا عايش على حسچ عايش يابووويه
صرت ابچي واشهگ سمعتها تون
فزيت من فرحتيي واحجي ووياها
ديهم : ياقوووت بوويه يبا ياااقوووت تسمعيني ابوس ايدج ردي تسمعيني ياااقوت امي اكعديي . انفض بيها اريدها تصحى وتجاوبني بقى صوتها يطلع تحاول تحجي بس ماتكدر وعيونها مغمضتها بس عرفتها تسمعني خليت المخده ورا ضهرها كعدتها واحجي وياها
ـ ابووي ياقوووت اكعديي لا لا لتنامين لااااا اكعديييي .
ردت اصيح الدكاتره اتراجعت لأن من اصيحهم يطلعوني ميخلوني يمها رجعت احجي وياها واضرب بيها راشديات خفيفة
بعد محاولات فتحت عيونها بصعوبة
ياقوت : مم
تريد تنطق بشي بس ماتكدر عيونها تفتح وترجع تغمض رفعتها وخليتها بين ايديه وضامها لصدري واحجي وياها
ديهم : ياااقووتت اكععدييي لا لا تغفين لاااااا حبيبي ياااقووتت اانااا دَيهم اصحييي اووف يمممةةة يارب تكعد ياااارب لا تفجعني بيهااا يا بووويه شمعتي اكععدي
حيلها ميت بين ايديه رفعت ايدها ترجف وخلتها على ايدي نطقت بصعوبة ولسانها ثكيل
ديهم : وو وين اا اني
ديهم : انتِ يمي يمي ياقووت يميي انا دَيهم حبيبي انا دَيهم اصحييي
فتحت عيونها وركزت بيها وهمست
ياقوت : مم ممنو دد دَيهم
هبطت وانهد حيلي مو متذكره شي
ديهم : ياااقوت اصحييي لا تنامييين اصحيييي . دكات كلبي صارن الف لأن كعدت حسيتها صحت بين ايدي فتحت باوعتلي بس نضرتها بغرابة وانا دموعي تصب
ياقوت : اني وين
من نطقت كلماتها فرفحت من الفرحة ضميتهاا لصدري بكل ماعندي من قووه ودفنت راسي بركبتها اشمها
ديهم : بوووويه كعدتي والله ما مصدك كعدتي والله ما مصدك ياا بويه متت خوف عليج ولج والله متتت وما كعدتي
اسمع صوت انفاسها مصدومه ومستغربة مو نفسها ياقوت الاعرفها
ياقوت : انتَ منو وليش احنا هنا
ردت انجلط من سمعت كلامها هيج
ديهم : ياقوته تشاقين وياي اكيد؟
ياقوت : اشاقه شنو
صارت تبعد نفسها عني وتبعد بأيديه من وجهه والخوف بعيونها والاستغراب
ـ باااقوت انا دَيهم تت تذكرين من تعاركنه بسيارة وسوينه حادث؟
ـ عوفني انت منو وحادث شنو
دفعت ايدي بقووه ابتعدت عنهاا
دَيهم شدسوي شلون اتذكرها بالحادث ميصير يمكن مو زين عليها رجعت يمها احاول الزم ايدها لمت غيحها واحتضنت نفسها خايفه مني
ــ حبيبي ماتذكريني؟
هزت راسها بـ لا
ـ افا تنسيني وانا الحَبيب ؟
ساكته ماترد اخذت ايدها ترجف لزمتها بستها وكعدت يمها
ديهم : شمعتي انا دَيهمج حبيبج انا زوجج انا الما يعيش بدونج معقولة ماتذكريني؟
ساكته ماترد يااااربي غيييح انجلط تنهدت بقهر وحسره وكتلها
ديهم : جُمارة تعرفين انتِ منو؟
هزت راسها بـ لا ودموعها صارت تصب
ـ ياقوتَ حبيبي سمعيني صوتج ع الاقل تهزين راسج شكو
نطقت كلامها بصعوبة وكالت
ـ ياقوتِ منو ؟
ـ يااابووويه ممن صددكك غيييح انجلط اااذا صدكك .
فزت وانرعبت من صوتي بسرعه سحبت ايدها وضمتها بحضنها خايفه مني ولك دَيهم شدسوي خايفه منك جُمارتك والله وكت الجانت تجي لحضني ركض صارت تخاف مني
ابتعدت منها وابتسمت بوجهه بلطف احاول ما اخوفها كتلها
ديهم : غيحوو لـ دَيهم انتِ اهم شي كعدتي يُبا حتـلو ناسيه الدنيا بكبرها انا قابل بس شفتج كدامي متعافيه تسوى الدنيا عندي غيحت كعدت بالكاع بعيد عنها وهيه تباوع لي مستغربة وماتدري الدنيا وين وهيه وين والكارررثة حتى ماتعرف غيحها منووو ياا بوويه شأعمل وياها هسه
طلعت جكارتي ورثتها واهجس اول مره اشربها بقهر وهيه صافنه بيه تباوع لي مخترعة
ـ جوعانة؟
ـ اي
ـ شنو مشتهيه اجيب لج؟
ـ بكيفك
كمت لحيلي متوجه للباب اغيح اجيب الها والصدمة من صاحتني وكالت
ياقوت : ولد مشتهية سمچ مشوي
نوب تكلي ياولد ااانااا ولدددد وكفت باوعت الها مدري اضحك مدري ابجي
دبهم : تأمرين امر جُمارة
طلعت اشتري الها
رجعت لكيتها مطشرة الغراض تطشر الجابهن الي سالم هنه مالاتها ولابسه قراصة الاشتريتها الها بشعرها
ـ احمم
شافتني وكمزت خايفه
ـ ها جنت اريد ااا شسمه
ارتبكت وهيه تحجي استحت مني خليت الها الاكل ع السديه وكتلها
ـ تعاي اكلي
صافنه تباوعلي خايفه تجي وانا يم الاكل ابتعدت وتراجعت عن مكانها واشرت الها بحواجبي ع الاكل ورمشت الها بعيوني الاثنين ابتسمت الها احاول اخليها تتعود عليّ انرسمت الضحكة على وجهه بخفة غيحت للسديه صعدت بالكوه القزمه وكعدت تاكل نوب هاي تاكل بسرعة شويه وتبلعني وانا ميت ضحك عليها
ـ جُماارتي شربي ماي لا تغصين
ـ هئ مو عطشانه
تاكل حتى النفس ماتسحبوو والـ هئ مالتها ما مبطلتها لهسه يبعد امي وابوي شحلوه سوالفها
ـ احمم دلوعتي تخليني اكل وياج؟
بقت ساكته واللكمه ذبتها من ايدها
ـ اشاقة وياج اكلي بويه اكلي
ضلت تاكل وتاكل وانا كاعد بعيد عنها
صارت تكح وتريد تبلع الاكل ماتكدر تبلعوو فزيت خايف عليها غيحت يمها
ـ شبيج ياقوتَ؟
ماترد بي تأشرلي على بلاعيمها عرفت وكف بلاعيمها سن من السمچ لزمتها من راسها احاول اخليها تطلع السن الكف بلاعيمها ماكدرت هيه
شربتها ماي ما غيح بعدو واكف
ـ. بوويه خلي اصبعج بحلكح زوعي الاكل كلوو تأشرلي بـ لا وعيونها صارت تدمع اختنكت رادت تموت ياربي شسوي شسوي يارب دخيلك ساعدني انطيتها خبزه شويه جبيره
ـ اكليها ياقووت حتى يغيح السن
تأشرلي لاا وهيه ميته تكح واختنكت النفس حسره عليها خليت الخبزه بحلكها غصب وشربتها الماي شهكت اول ما شربتها وغيح السن طلع من بلاعيمها غيحها ردت الها صارت تكح وتبچي
ـ وخررر شسويت بيه طلعت الماي من خشمي
تخوزر بيه وتحجي كزكزت عليها ما مصدك هيه كاعده كبالي ومتعصبه ييا بووويه فدييتتت كرصتها من خدها وبست اصابعي مسحت خدها وهيه خازرتني
ـ وخررر شهل حركات
عيفتها راجع لمكاني
ـ منو انت وشكو جايبني بهاي الغرفة الزباله؟
صارت تمسح وجهه بملابسها كتلها
ـ ام وصخ يمج كلينس دمرتي ملابسج
ـ انت مالك علاقه عووفني
ـ شحبچچ يوول
سكتت ورجعت كلت وانا مچتف جسمي ومرتجي ع الحايط
ـ اخخخ لجج متت وما كعدتي ما صدكت تكعدين ابد ما صدكت
صرت افتح بالشاش مال ايدي المكسوره كتلها
ـ شمعتي حتى طبت بعد ما اريد لا علاج ولا اي شي اررريدج بس انتِ
اباوع الها احجي وابتسم وهاي تخوزر بيه
ـ حتـلو تكتليني مو بس تخوزرين بيه المهم كعدتي ممح
شمرت الها بوسه بالهوى انجلبت
ياقوت : ادبسز دايح ابن شوااارع اطلع برررااا
ـ جؤ انا مكاني يمج حتى نومتي اذا مو بحضنج ما احسب نفسي نمت
مستمره تمسح بخدها لان كرصتها وبستو كتلها
ـ باسج تمساح ترا شوفيني شحلاتي اخبل الف بنيه تتمنى البوسه منييي
ياقوت : هه واني مو من الالف بنيه للأسف
ـ كلشي ناسيه وماتذكرين بس السانج السليط مو ناسي كلشي بعدو نفسو يلعلع ويهدد ويعاند
رن تلفوني وفزت خايفه
ياقوت : هذا شنووو؟؟
ديهم : دخيلك ياربي يُبا هذا تلفوون مو جني اهدي شبيج اشهب يتصل
جاوبتو وكتلو والفرحة بصوتي
ـ ها شهوبي ياقوتَ صحت
ـ احلفف؟
ـ والله وهاي كدامي كاعده تاكل
ـ اجي اشوفها .
طلعت برا احجي وياه كتلو
ديهم : اشهب لا تجي ياقوتَ ناسيه كلشي خليني بس انا يمها احاول اخليها تتذكر بس ببطئ ما اكدر اضغط عليها خاف تنصدم اكثر
ـ والدكاتره ما شافوها
ـ لا ما صحت احد منهم هسه شواي اخليهم يشوفوها ـ راح ابلغ اهلي
سديتو واتصلت على رموسه
ديهم : ها رموووس شلونج
ـ ها دَيهم شلون ياقوتَ
ديهم : ههههه صحت
ـ يماااا بشرررفك؟ صدك
ديهم : والله لسانها شطولوو تغلط وتسب بيه صارلها ساعة
ـ اجي اجي اشوفها
ـ جؤ لا ريماس لحد يجي ياقوتَ ناسيه كلشي خليها تتذكر بالاول وبعدين تعالو
ـ ياااا حتى انت ناسيتك؟
ـ اي يرموسه نستني وانا الحَبيب اوف يلا بعدين اخابرج
سديتو منها و غيحت يم ياقوتَ وبعدها تاكل يابوويه طلعت ضيم الاربعة اشهر كلها اليوم
غيحت يمها اخذت الاكل من كدامها وكتلها
ديهم : كااافي ما تشبعين؟
ياقوت : ها اصلاً مو جوعانه حيل
ديهم : ههههه اي واضح
اخذت الماعون اشمرو كلت كلامي وانا طالع
ذيهم : اخخ يـَ جُماارة بهذلتي احوالنه وما صحيتي لعبتي بينا فلك
رجعت كمزت يمها ع السديه خافت تراجعت ليوره
ـ كومي غسلي ام حلك
غيحت تغسل غسلت واجت رجعت لمكانها وانا حاصر الضحكة كوه لأن ملامحها تضحك ماتذكر شي حتى انا ماتذكرني ياربي مدري انقهر مدري افرح لان صحت
ـ ياقوتي
ـ شني ياقوتي هاي منو ك
ـ لعد شنو اسمج
بقت ساكته تفكر
ـ ماتعرفين اسمج شنو
ـ ها
دموعها ترست عيونها اتندمت لان خليتها بموقف صعب كتلها
ـ كافي يُبا شمعتي كافي لتفكرين هواي
مسحت دموعها وتصرفاتها تصرفات طفلة نفسها الاعرفها ياقوتَ
ديهم : اممم سمي نفسج هسه وانا اصيحج بي
ياقوت : شنو يعني؟
ـ شرايج انا اسميج؟
ـ اا يلا
ـ غيح يكون اسمچ الـ عَندليب
ـ شنو معنى
ـ طير لونو اصفر زاهي يشرح النفوس و صوتو عذب وصافي ومريح للسمع يشبه الطرب الهادئ بحيث من يغرد بس تتمنين تسمعينوو
بقت ساكته كتلها
ـ وصوتج من تحجين يشبه صوتو تغردين مثل عصفور العَندليب ياخذني لعالم ثاني من اسمعوو
ـ هو هذا اسمي لو تضحك عليّ؟
ـ اسمج بوويه اسمج هسه اذا احد سألج شنو اسمج شتكليلو؟
ـ الـعَندليب
ـ يمن غيحت فدوه لصوتج يبعد صوتي
مبعده نفسها مسافة عني
قربت يمها لزمت ايدها ابوسها واشمها كالت
ياقوت : شدسوي ليش تشم وتبوس؟
ديهم : بوسه ام الشمة
ياقوت : هههه
سحبت ايدها خجلانه وكالت
ياقوت : اا شسمك اريد اروح للصحيات
ديهم : متعرفين اسمي؟
ياقوت : هئ
ديهم : دَيهم بس كولي دَيهمي
ياقوت : دَيهمي
ديهم : اي هيج الناس تصيحني
ياقوت : اني شجابني يمك ؟
ـ كومي بويه اخذج للصحيات مو تردين تغيحين؟
ـ اي
انطيتها ايدي متردده تلزمها كتلها
ـ الـعَندليب
ـ ها
حجيت بخفوت وكتلها
ترا المكان يخوووف بررره ملياااان اشبااااح!
ـ يممهةةة لااا ؟
شدت ايدي بقوه كتلها
ـ خليج يمي ولا تهدين ايدي متفقين؟
طلعنا وهيه تحجي ماسكتت كالت
ـ دَيهمي انت تحميني مو؟
ـ اصيرلج سبايدر مااان اكمز ع العمارات مو بس احميج
ـ منو هذا سبيدر
ـ هههههههه حتى هذا ناسيتوو؟
من خرررب حضك ديهووم .
وصلنه الحمامات
ديهم : فوتي
واكفه تباوعلي متردده
ـ شبيج شمعتي؟
ـ اخاف افوت وحدي
ـ ماكو شي فوتي يلا بويه
ـ انت كلت المكان ملياااان اشبااااح
قلدت صوتي وهيه تكولها نوب حركاتها نفسهن
ـ حبيبي عيب افوت وياج جوه منا العالم شيكولون علينا
ـ لعد حروح بس لا تتحرك لمن ارجع
ـ وعد ما اتحرك يلا واكفلج بالباب
بالكوه قنعتها وغيحت شافتنه الممرضه كالت
ـ مرتك شوكت كعدت
ـ صار ساعتين
ـ ليش مابلغتنه يمكن حالتها مو زينه؟
ـ مابيها شي شواي خلي دكتوره تجي تشوفها
ـ دكتور مشرف على حالتها مو دكتوره
ـ ما ادري دوريلي دكتوره وجيبيها ما اريد دكتور واذا ماكو بلغيني احولها على غير مستشفى .
غيحت وعافتني طلعت ياقوتَ من الحمام
ياقوت : خما تحركت منا؟
ديهم : ياقوت والله ماتحركت
ياقوت : منو ياقووت لزكت بيها اني اسمي الـعَندليب .
هَي هَي نوب هاي عجبها الاسم كتلها
ديهم : اسف نسيت امشي
شدت ايدي بقوه لازكه بيه خايفة من الاشباح هههههههه رجعتها لغرفتها وكعدت يمها
ـ تلعبين قطارات؟
ـ الله ايييي
ـ ولج بربوك شلون تذكرين هاي اللعبه؟
ـ يا لعبة دَيهمي؟
اخخخ من تكول دَيهمي تسحلني سحل
ـ اوف ولج اوف هاج العبي .
طارت من الفرحة كعدت وصارت تلعب ومندمجه
لعبت لما تعبت وغفت والتلفون وكع من ايدها وهيه تلعب غطيتها اتذكر خبالاتها واضحك وي غيحي ولكك دَيهم هاي الخبله تسوي بيك هيج تخليك تصرف مثل الطفل يمها وتنطيها على كد عقلها بعد مدة بديت اغفى غطست بنومتي
فزيت على صوت صراخ وبچي من الغرفة اللي بصفنه باوعت لـ ياقوتَ نايمه بسابع نومه غيحت ارركض مثل المسودن اشوف شكووو
وسعت عيوني بصدمه واني اشوفها تلطمم وتصرخ .
يتـبع …
……………………………..
رايكم بالبارت!
احبكم تعالو بقناة االتلي حبايبي
اني وياقوت نحجي بيها
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.