رواية بين قبضتهم وقلبه – الفصل الثالث والعشرون
23
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
❂رقــــــو ـ الجـــوهر ❂
بـين قبضتهُم وقلبة
وتعالو بقناة تلي تعالو ياقوت تحجي بيها
قناة :
💙 .
..
لتخليني وَحدي منين اعَرف الناس
لا أكدر اعاشر لا خِلك عِندي
أحب شلون غيرك من أود شلون
انه وياك كُلش خَلصت ودي
..
غيحت اركض يمها
ديهم : شبيييج شصاير
ـ ابووووووي ابوووي رااحححح ولكك ابوووي ماتتت وعافنيي .
ديهم : ششلون ماات
ـ مننن االقهررر على اخوووي ولكك ماااااتت ياااابوووويهه تعاال وين تعوفني ووتروح بووويه
تبجي وتلطم حرت شسوي وياهاوشنو اكول الها البنيه منهارة واخوها فاقد وعيو وميدري بالدنيا وين وهوه وين
شفت ابوها كبالي مغطينو يعني صدك مات وولككك ديهم الرجال مات وانت لسبب
غيحت يمو واحجي
ديهم : عمو ابريني الذمه وسامحني خطيتك غيح اضل برڪبتي .
رجعت يم البنيه تبجي
ديهم :قضاء اللّه وقدر اختي ادعيلو بالرحمة لاتسوين هيج بغيحج
خليت ايدي على جتفها واني احجي وياها دفعت ايدي وصاحت
ـ وخرررر اصلااً ابوووي مات بسببك انتتتَ المسؤل عن موووتهه منووو بقالييي بهل دنيااا بوووويه تموت وتعوفني شلووون .
اجو الدڪاترة اخذوو ؏ التشريح راحت ترڪض لزمت ابوها ماتقبل ياخذو وتصيح وتبجي
ـ ياااابويه شلوون تعووفني موو انييي بنتتك وحيدددتك يااابويهه انيي اول بناااتك انتَ مو كتلي ماعوفج الا من اشوف اطفالج واطفال اخوج شلووون يااابهه تررروح وتعوفنه كوووم بووويه كووم حاجيينييي فدوة اروووحلك .
سحبتها اني قيدتها ماخليها تروح اخذو ابوها للتشريح المسشتفى ترستها ترس بعياطهاا وبجيهاا اليشوفها يبجي وياها
ذڪرت ياقوتَ عفت البنيه رحت اامشي راح الياقوت وهيه تصيح
ـ الله لايوفقك الله ينتقم منك ان شاء االله تلكاها بمرررتك ابوووي مات من قهره على اخويه ان شاء االله تموت مرتك ووكلبك ينجوي مثلي واكثر
نزلت دموعي وانا امشي ياربي لاااتاخذها مني
طبيت على ياقوت لكيتها كاعده لامة نفسها بلبطانيه
غيحت يمها ابتسمت وكلت
ديهم : حبيبي الـعَندليب ليش خايفه بويه
ياقوت : ممنو هنا شكوو
ديهم : ماكوشي حبيبي تعللي هلج لتلفون االعبي
عينها ؏ الباب خايفه
ياقوت : شنوو هذه الصوت
ديهم : يحيلي ماكوشي انسي انا يمج ماتثقين بيه
هزت راسها بـ اي
ديهم : هاي انا يمج
كعدت ابتسمت وهمست
ديهم : ها أهاا هاي ڪعدتي
ياقوت : لاتعوفني وتروح اخاف
ديهم : وعدد ما اعيفج
ياقوت : اڪو اشباح بره مو
ديهم : حبيبي ڪلشي ماڪو لاتخافين ڪل االاشباح راحو من زمااان
ياقوت : لاتڪول حبيبي ماتستحي انتَ.
ديهم : صار بويه صاار
تباووع للتلفون تريدو كتلها
ـ تريدي!
ـ اي
انطيتوو الها وصوت البنيه عاالي ماسڪتت بس تبجي الحمدالله ياقوت الخوف غيح منها كالت
ياقوت : هاي انيي!
باوعت مطلعه صورها بتلفوني وتباوع
ديهم : اممم انتِ
ياقوت : ايمت اخذتهننن وشجابني عليك
ضليت ساڪت اتأمل اخبالاتها طلعت صورة ثانيه وڪالت
ياقوت : يمهه عزززه اني ايمت هيجج لبست
ديهم : حبيبي تسألين هوااي ماتملين
ياقوت : منووو انتَ وليش يمي يوميه
ديهم : ههههه انا الجنتل ماان مالتج
ياقوت : منوو جنتل ماان هوه نفسه سبيدر مدري شسمه
ديهم : ههههه اي نفسو نفسرر تريدين تشوفيه
ياقوت : اي
ديهم : حيبي اشغلو الج
شغلتو الها هاي اندمجت تشاهد وتضحك عجبها الوضع وانا صافن شسوي مادري
شواي وخلصت
ياقوت : يعني تڪمز ع البييوت
والشسمه وتنقد الناس مثله
ديهم : شعليه بالنااس بويه انا بس االج انا اجيت احميج
ـ منو دزك
يااربي شكد تسأل ووفضوليه
ـ حبيبي محد دزني اانا اجيت
لزمت ايدها بستها وكملت كلامي
ـ انا انخلقت علمودج شمعتي
تاكل بشفايفهاا وترفع حاجبهاا وتفكر شويه وانجلط من اسألتها .
ـ شسمه جيبلي ماي
ـ عطشانه
ـ اي
غيحت اجيب الها لاكتني نفس البنيه
ـ هااا كعدت مررتك وفرحت بشوفتهااا واني كلبي محتررك على اابووي واخوي وينهاا كعدت مووو
صارت تصيح تسمع ياقوت كالت
ـ تعااي شوفي خطيبح المتربي تعااااي
ـ اسكتيي لا تسمعج ماتذكر شي
ـ خطيييتي بركبتك الله يحرمك من شوفتهااا مثل ماحرمتني من ابووي
جريتها من ايدها دفعتها بلغرفه مالت اخوهاا
ـ لاااتدعيين اذا ابوووج ماات هذه يوموو انا مالي ايي ذنبب
ـ والك عييين تصيح وتحجي وتدااافعع عن نفسسك فوك شينك كوت عينك
ملخت غيحها تملخ
التفت لمحت ياقوت وراي وتباوع الها وشويه وتبجي
ـ يااقوت غيحي الغرفتج
ـ منو هاي ليش تبجي
ـ ياقوت ماسمعتييي شكلت
ـ يبنيه ليش تبجين
ديهم : ييااااااقوت الغرررفتجج غييح اكفررر
اخترعت من صوتي نزلت دموعها ورجعت
باوعت للبنيه تريد تروح الياقوت كتلها
ديهم : ياااويلج اذا تكرربين صةبها او اتأذيهاا وحق خالع باب خيبرر اندمجج .
ضلت تصيح وتبجي عيفتها غحت جبت ماي ورجعت لكيتها ڪاعدة ع طرف الشباك مدندله رجليها منو واحنه بطابق ثاني ياااابويييه ماتن رجليه وڪع الماي من ايدي باوعتلي وضحكت
ـ يااقوت شسويين
ـ الله هوى ديهمي
ـ عزه بعين ديهمج يبربوووك
ـ شبيك
ـ يااقوت تعتاي يمي
ـ هئ هههههه
تقربت يمها مديت الها ايدي
ـ انطيني اايدج بابا
رفعت اجتافها وكالت
ـ ماا
ـ حبيبي لاتعاندين تعاي اخذج ونطلع منا
ـ جذاب متطلعني
تحجي وياي وعينها جوة ع السيارات صرت موبعيد عنها كلش كتلها
ـ ياقوت حبيبي ايدج اخذج وننزل
ـ هئ خليني هنا دديهمي حلو
كاعده ع الحافه شويه وتوكع كلبي صار بطني من الخوفف
تقربت الها اكثو وعيه تبتسم وفرحانه بت الجلب
ـ حبيبي جُماارة انطيج تلفون تلعبين
ـ ما اريده
ـ قطارات ماتلعبين
ـ هئ
هَـب الهوى وشعرها غطى عيونها غافلتها وجريتها من الشباك وصارت بين ايدي دكات گلبي صارن الاف مو بس الف من الخوف
ضلت تلهث من الخوف
ـ ياقوتَه حبيبي مو بقصدي اخوفج اسف بوويه ضميتها لصدري ساكته
ـ حبيبي لتسوين هيج بعد توكعين يبعدي
ساكته مانطقت بحرف جبت الها الماي
ـ تعاي اشربي شربت
اندگ الباب فات الدكتور
ـ ممكن تتفضل برا اشوف حالتها
ـ انا ردت دكتوره
ـ انا اشرفت عليها واعرف حالتها
ـ ما ادري جيب لي
ـ ما احتاجك
انا اسولف وياه اجت ياقوتَ وشعرها طالع تلعب يمي حسيت نفسي بلشماعيه وهيه جنها مخبله وهيج وتفتر شويه واكتلهاا
ـ ياقوتَ شعرج بويه ميصير
الدكتور يسولف وياي وهيه تضحك وتفتر ثولتني الدكتور : بس اشوفها خاف عقلها مو تمام
ـ شقصدك بعقلها مو تمام؟ وبعدين صارلها …
اخذت المحفظه من جيبي وانا ااحجي شبيها هاي البنت يمه تخبلت مرتي
ـ حبيبي ياقوتَ اكعدي خل نسولف مثل البشر
صارت تضحك وتلعب عليّ
ـ جيبي المحفظة ياقوتَ
ـ هئ ههههههه
تضحك وتلعب فريرة عليّ الدكتور يحجي كلشي مافهمت منو بسببها كال
الدكتور : تصرفاتها مو طبيعية
ـ لا هاي وياي تصرفاتها الطبيعية انا اعرف…
ولجج ياقوتَ بوويه اكعدي ربي صبرني عليها بوويه غيح اموتج .
مستمره جنها طفله تلعب وتدور عليّ اخذت سويچ السيارة وتكمز تلمس بشعري ماتوصلوو
ـ حبيبي ما اشاقة وياج كافي ابوس ايدج
الدكتور ضل مصدوم من عدها عبالو فقدت عقلها
بقى يمنه شويه شافها وعافني يمها وطلع
ـ بوويه فضحتينه ضحكتي علينا الاوادم وهاي مستمره تضحك وتكمز تريد تلوح شعري ونوب رجعت على خشمي تريد تلزموو
ـ لا حبيبي شدسوين
ـ خشمك يخوف
ـ افا ليش
ـ مثل الوحش
وهيه تسولف فتحت المحفظه مالتي شافت صورتها كالت
ياقوت : ليش تضم بصوري بتلفونك وهنا ؟
ـ احبـچ
صفنت تفكر عضت شفتها ورجعت خزرتني مو راضيه دنگت يمها كتلها :
لَمّا رَآني في هَواهُ مُتَيَّمًا
عَرَفَ الحَبيبُ مَقامَهُ فَتَدَلَّلا
فَلَكَ الدَّلالُ وأَنتَ بَدرٌ كامِلٌ
ويَحِقُّ لِلمَحبوبِ أَن يَتَدَلَّلا
ساكته تباوع لي اخذتها من ايدها كعدت انا وياها ع السديه تربعت يمها مركز بعيونها الحلوة اوف شمشتاگلهن كلت
ديهم :
وإنِّي في هَوى اليَاقوتِ مُتَيَّمٌ
وما ليَ سِوَى اليَاقوتِ عَشِيقًا
وَدِدتُ لو أنّي في يَومٍ أُعَانِقُهُ
وأُخبِرُهُ أنّي في هَوَاهَا غَرِيقًا
ابتسمت حسيتها فهمتني وفهمت ابياتي وشعّري الها
ديهم :
مَرِضَ الحبيبُ فزُرْتُهُ
فمَرِضتُ من أَسَفي عليهِ
شُفِيَ الحبيبُ فزارَني
فشُفِيتُ من نَظَري إليهِ
بنت الچلب علمودج صرت شاعر نزار قباني ما ينافسني
ـ طيني تلفونك
ـ ردينا ياقوتَه حبيبي مو هسه بالليل
سمعت صوت البنيه رجعت تصرخ وتبجي وتدعي عليّ صوتها وصل لـ يمي باوعت لـ ياقوتَ كالت
ـ شبيها ابوها مات ؟
احتضنت وجهه بأيدي ابتسمت الها وهمست
ـ حبيبي لتفكرين بشي انا يمچ
سمعتهم يسكتون بالبنيه يحاولون يهدوها
باوعت لـ ياقوتَ خايفة
ـ تعاي يمي
اجت وضميتها بحضني
ـ اوف لو تبقين خايفة دوم احسن بلكي متفارگيني
……..
اليوم الثاني ياقوتَ نايمه وانا نايم يمها ع الكرسي سمعت صوت الباب ينفتح فزيت شفت طفلة صغيرونه اجت يمنا
ـ عمو اريد ماي عطشانة
ـ اشش يبعد عمو احجي على كيفج لا تكعد مرتي باوعت لـ ياقوتَ وكالت
ـ هااي مرتك عمو
دنكت يمها وكتلها
ديهم : اي مرتي عمو
ـ حلوه تخبل عمو وين لكيتها ؟
ديهم : هههههههه لگيتها بالچبس تعاي انطيج ماي اخذتها من ايدها شربت ماي ومو ناويه تغيح
ديهم : عمو وين اهلج؟
ـ هاي ماما بصفنه
ديهم : هسه ماما تفگدج
ـ ماما تبچي عمو
ديهم : ليش
ـ تبچي على جدو
صفنت شويه استوعبت يمكن هاي البنيه تصير بنت البنيه اللي ابوها مات
غيحت اخذها لـ امها لكيت البنيه كاعده وتبجي واخوها صاحي بس ما يتحرك غيحت يمو وكتلو
ديهم : شلونك خويه
ـ الحمدلله على كل حال
ديهم : طبعاً انا ماعرف شلون اعتذر منك حتى اعتذاري مايفيد ولا يجيب نتيجة
بقى ساكت ودموعو تصب على ابوه
ديهم : كلشي قضاء وقدر وهذا يومو لـ ابوكم لا انا ولا انت سبب
ـ صح كلامك ونعم بالله
اختو شويه وتدفني سكتت وتتسمع النه كتلو
ديهم : خويه انا حاضر باللي تريدو حتى القانون ذاك موجود اذا تريدون حقكم بالقانون
ـ عيني كلشي صار الله كاتبه
ديهم : طبعاً هو الكاتبو الله يصير بس للمرة الثانيه اكلك اذا تحس انا السبب بموت ابوك انا مستعد اتحمل المسؤولية
ـ لا خويه مالك علاقه ابوي انسان مريض وتعبان ومن سمع بيه مشلول تدهورت صحته وماتحمل هذا يومه
اختو حجت بعصبيه وكالت
ـ عود شوفوني فقيير وجااااي اعترف بذنبي امشي اطلع برا لا تجي علينا بعد رووح يم خطيبتك روووح هاي كعدت وعاايشه وحياتكم شحلاتها بس انيي ابوي مات واخوي انشل وحياتي ادمرت اني ما الي غير ابوي واخوي واحد راح والثاني مشلول گبالي والسبب انتَ حسبي الله ونعم الوكيل .
من تحسبت الله عليّ كزبر كل جسمي تخيلت ياقوتَ يصير بيها شي وحوبتهم تطلع بيه صرت اخاف احد يدعي عليّ وانحرم منها رجعت كالت
ـ انه ارمله وبنتي يتيمه حوبتنا وخطيتنا بركبتك وابقى اتحسب الله عليك لما امووت مثل ماحركت كلبي على ابوي
تحجي وتبچي وتعيط عياط ما جاوبتها عذرتها لان هيه بحاله صدمة ومو واعية للي تكولو عيفتهم ورجعت يم ياقوتَ
لكيتها نايمه مثل الملاك والدمعة بطرف عيني اجيت يمها امسد بشعرها والحسرة بغيحي مختنگ خايف اخسرها من السويتو بالبنت واخوها وابوها بس والله الله يدري بـ نيتي ما جنت ادري ومو متعمد يارب خطيتهم لا تلحكني
ـ اليوم الـتالي ـ
اجت دكتوره وكالت
ـ دكتور علي كلفني بحالتها وانطاني كل تحاليلها وسوناراتها حالتها التشخيصيه كامله عندي صارت ممكن تنطيني مجال افحصها
ديهم : اي تفضلي
ابتعدت فحصتها وكملت و كالت
ـ اثار الضربه اللي براسها متشافيه وحتى جروح جسما بدت تختفي بس تحتاج سونار دوبلر رباعي الابعاد لدماغها حتى نتاكد الضربة ما اذت دماغها
ـ واذا اذتو شيصير؟
ـ صعب ترجع تتذكر لأن حسب شكلها واضح ناسيه كلشي والمستشفى كلها تحجي بحالتها وشلون انتَ تعاملها مثل الطفلة وماتجرحها طبعاً اهنيها عدها هيج شخص يتحملها بأسوء حالاتها واصعب ايامها بس طبعاً صحتها اهم من كلشي
ـ شوكت نسوي الدوبلر؟
ـ بس تصحى من النوم اذا تكدر
عافتني وغيحت غحت يم ياقوتَ واحجي
ديهم : حبيبي ياقوتَ كومي …ياقوتَ ابوي انتِ اكعدي
ـ بس شويه دَيهمي
ـ جُماره كومي لا تعاندين
جريت اللحاف من فوكها
ـ هئ وخر
جرتو ورجعت تغطت شسويله هسه
ـ حبيبي ابوس ايدج اسمعي الكلام لا تمرمرين گلبي كوومي لا تخليني اضل اصيح
كعدت فتحت عيونها تباوعلي ورافعه حاجبها شكلها مومال وحده مريضه ومسويه حادث
ياقوت : شكو كاعد من الصبح شهل طاقة العندك . اخخ كزكزت عليها وهيه مدنفشة توا كاعده من النوم. عضيتها من ايدها كفختني وكالت
ـ اوي دَيهمي شدسوي لا تعض
ـ جؤ الا اعض
رجعت عضيتها مره ثانيه من خدها تمسح بخدها وتحجي
ياقوت : اووي اضوج لا تعيدها
ضليت صافن بيها نسيت حتى شكالتلي الدكتورة ديهم : كومي اميرتي اخذج
ياقوت : وين
ديهم : تتعالجين
ياقوت : ليش؟
ديهم : علمود راسج الحلو يرجع يتذكرني
تدرين ياقوتَه ياريت تنسين كلشي وبس انا تذكريني اخخ
ـ وليش اتذكرك انت منو؟ وليش اهلك مديحيك يمي ـ ههههههههه كومي
فتحت الها المغذي من الكانونه غمضت عيونها خايفه توجعها
ـ فتحي عيونچ حبيبي كملت
فتحت تباوع لي وكالت
ـ وهسه وين نروح
ـ امشط لج ونغيح
مشطت الها وكملت لزمت ايدي بدون ما كتلها شويه و اطيرررر من الفرررحة اخذتها لقسم السونارات واجه السره مالتها وبس تحجي
ياقوت : دَيهمي وين ماخذني؟
ديهم : ياقوته ليش تخافين ابوية انتِ انا يمج وياج ما اخليج
طبينه للدكتور كاللها
ـ تمددي
تباوع لي تريدني اقبل ابتسمت بوجهه بمعنى اتمددي اتمددت اجه الدكتور وبأيدو الجهاز مال السونار وصار يحركو على راسها بفحصو من كل الجهات والشاشه كدامنه تبين خلايا الدماغ والاوعية الدمويه وهيه لازم ايدي وشادتها بقوة مثل الطفلة
كمل الدكتور وتوا يريد يحجي وهيه مركزه بي كتلو
ـ دكتور شواي واجيك فهمني
ما اريدو يحجي كدامها
اخذتها ورجعتها لغرفتها خليت الها المغذي وكتلها
ديهم : لا تتحركين لمن ارجع
ياقوت : دَيهمي وين رايح وتعوفني
ديهم : حبيبي ما اعيفج هسه اجي
ياقوت : اخاف فدوه لا تطول
ديهم : يخسى الخوف وانا يمچ
بستها بخدها وغحت للدكتور بصعوبة لحكني سرة وكدرت اشوفو
ديهم : احجيلي كلشي لا تضم عليّ اذا بيها شي حتى الحگ اعالجها احسن ما تسوء اكثر
ـ اصاباتها بسيطة وتقريباً تعافت بشكل كامل من ناحية الضربات والكدمات دماغها سليم حتى عدها خلايا جانت تلفانه من الضربه هسه راجعه تنمو من جديد
ديهم : وذاكرتها ماكو امل ترجع؟
ـ للأسف فاقدة الذاكره بشكل كامل بس تكدر انتَ بمساعدتك الها ترجع ذاكرتها حاول تذكرها بمواقف صارت وياها قبل واهم شي المواقف تكون جيده بالنسبة الها لا تذكرها بمواقف تقهرها وتسبب الها توتر وقلق لان يصير ضغط على عقلها وتنصدم وتتأذى اكثر بعد
ديهم : يعني اذا اذكرها اكو امل ترجع نفس قبل
ـ كلشي بيد الله سبحانه وان شاءلله ترجع تتذكر لان الخلايا عدها جاي تنمو بشكل جيد اولاً لأن بعدها صغيرة بسن المراهقة وكلنا نعرف بهذا العمر الجسم مستمر ينمو لحد عمر 20 سنة
سكت ورجع كال
ـ هيه هسه شكد عمرها
ديهم : ***
ـ اي بعدها طفلة وتكدرون انتو بمساعدكم تخلوها تتذكر بس شويه شويه عليها لا تضغطون عليها بكلامكم
ديهم : مشكور دكتور
رجعت لـ ياقوتَ فتت للغرفه وانفزعت من شفت البنيه خانگه ياقوتَ ع الجربايه تريد تموتها غحت اركض مثل المسودن وجريتها ضربتها راشدي فريتها فر
ديهم : شدسووين هااا تردين تموتيهااا خرررب بالخلفوووج بنت القندرررة كتلج عندج حق يمي تاخذينو من ذراعي لاااا تگرربين صوبهااااا مررتي عيفيها .
فقدت عليها وصرت اضرب بيها بدون وعي
سمعت ياقوتَ تبچي وعلى صوت بچيها حسيت على نفسي وهديتها طلعت تركض خايفه باوعت
لـ ياقوتَ غرگانه بدمعها وتگح تقربت يمهاا واحجي
ديهم : حبيبي اسف لأن اتاخ ….
ماكملت كلامي ونترت بوجهي هيه نتره وهيه بچيه ياقوت : وخرر عووفنيي انتَ جذااب كلت هسه اجي ورحت ما رجعت
دمعت عيني من كلامها شويه وابچي ضميتها لصدري دكات كلبها الف من الخوف
ياقوت : شبيها تريد تموتني شسويت اني
ديهم : ياقوتَ كافي بچي شمعتي والله اسف اتأخرت شويه بدون قصد
ضلت ساكته ماترد
اخخ ياربي منين اتلكاها من سارة من هاي القندره يارب صبرني على عبادك لا انعل والديهم
قنعتها بصعوبة انو انا اتأخرت بدون قصدي موتتني وما رضت ام راس تعاند
ـ ياقوتي
كلبت عيونها بضوجه وكالت
ـ همم كال ياقوت
ـ حبيبي والله هذا اسمج ياااقووت
ـ هئ اسمي العَندليب
ـ جؤ جذبت عليج انا انتِ اسمج ياقوتَ
ـ لاااا
ـ حبيبي لا تعاندين
ـ والله مو اسمي ياقوتَ وهو اصلاً مو حلو
ـ يخبل شحلاتو اسم على مُسمى
ـ جؤ
ـ هاي مالتي لا تبوگيها
ـ حلوه
عجبتني خلت ايدها على حلكها تضحك حركاتها نفسهن يربي
ياقوت : دَيهمي
ـ غيحوو وامو وابوه وكل عشيرتو
ياقوت : غنيييلي
كالتها بدلع يبووو لهسه تحب اغنيلها
ـ تدلل اميـرتي احمم
تربعت كبالها ع السديه اغني بصوت ناصي
وهيه مندمجه تباوعلي
ديهم :
صغيرة جنت وانت صغيرون
حب عرفناه بنظرات العيون
كًالوا ترة ذولة يحبون
من الصغر لمن يكبرون
مثل النجمة والكَمر
كبر حبنا وازدهر
من عيونك حبيبي
تبتدي دروب السفر
سكتت شويه ورثت جكارتي كالت
ـ كمل دَيهمي
ـ حنجرتي تلفت حبيبي ارحميني خل ارتاح شويه
ـ حباب كمللل
ديهم :
حبنا كبر واحنا كبرنا
محلاه الحب اللي جمعنا
ومثل الطيور احنا صرنا
مثل النجمة والكَمر
كبر حبنا وازدهر
من عيونك حبيبي
تبتدي دروب السفر
ـ احب هاي الاغنية
ـ سامعتها قبل هل مره؟
ـ اعتقد سامعتها بس ناسيه وين وايمت
ـ امم طيب حبيبي سامعة باللي يحب بنية وميقبلون اهلها واهلو ينطوها الو وبعدين يخطفها ويجبرهم ينطوها الو ؟
صفنت ورجعت حجت
ـ هئ ما سامعة اول مره اسمع .
اخخ ولكك دَيهم ذكرها بشي بي حض مو هيج لا تضل اثول
ـ طيب ياقوته ما مر عليچ موقف او حادث صار وياج قبل وتحسي مطبوع بذاكرتج؟
ـ لا ما مر
ـ ياررربي ثوله هاي البنيه ثووووله
ـ كااافيي دخت
ـ انچبي خل نسولف بشرفج
ـ بس اكو حلم دائماً احلم بي
ـ اي اي شنوو؟؟
ـ حادث سيارة وشخص ملامحه غريبة كاعد بصفي چنه نحجي بشي بس مو مفهوم مجاي اكدر اتذكره او اشوفه بالحلم
ـ وبعد بعد شنو؟
ـ بس هيج والحلم ينتهي
اخخ تعبت وانا احاول اخليها تتذكر والله تعبت من الحاله الـلي هيه بيها
سمعت صوت اهلها اجوي عليها هنا الكارثة شيذكرها بيهم دخلو علينا اشهب وامها وشيلاء وايلاف مرت اشهب اجه اشهب يمها ابتسم وكال.
اشهب : ها ياقوته شلونج
باوعتلي مستغربة وكالت
ياقوت : منو ذولي؟
شيلاء بس تبچي وامها شويه وتنفجر بالكلام كتلو ديهم : اشهب كوم وياي
طلعنه برا نحجي
ديهم : اشهب ياقوتَ ماتتذكر شي ترا حاول
لا تضغط عليها شتكلك كللها اي
اشهب : وشنو الحل خما تضل هيج
ـ جؤ ما اخليها هيج
حجيت والفرحة بصوتي وكتلو
ـ شهوبي الدكتور كال جاي تتحسن حالتها حتى خلايا الاوعية الدمويه جاي تتعافى
ـ وانت شلون تبقى هيج تفكر بيها وقالق بالك؟
ـ اشهب ما يهم المهم ياقوتَ ترجع تتذكر عمري كلو فداها مستعد ابقى انتظرها العمر كلو
ـ اووف ياخوي منين اجتنه هاي المصيبه ما ادري
ـ الله كريم شهوبي لا يضل بالك ثق بكلامي انا متأكد غيح ترجع تتذكرنه كلنه واحد واحد
ـ ان شاء الله
ـ صدك تعال اخوك نوار وين؟
ـ حاولت اجيبه يجي يشوفها ميريد
ـ طبوو مرض انا ماريدو يجي اذا شافتو تسوء حالتها
ـ ابوي جان يريد يجي ويانه بس عنده شغل ما يكدر ـ عادي اشهب ياقوتَ متحتاج احد وانا موجود وانتَ هم ماتقصر
ـ العزيز دَيهم وانت هم مابيك قصرة
غيح من يمي وهمست
ديهم : كلكم نفس الخرا كواويد ولا واحد اجه وسأل عنها وشاف شبيها ال**** ينشد بي الضهر احسن منكم .
اجاني صوت امها تصيح طبيت عليهم لكيتها تحجي على ياقوتَ وتصيح
ابابيل : اذكررري ياااا غبيةة بس اذكررري خل ياخذج ابن المسعد ويخلصنا ولجج انتِ شسويتي بالدنيا هجمتيها هجم مصايبج ماتخلص
وكفت بوجهه امنع ياقوتَ تشوفها
ديهم : عمه اطلععي برراااا
ابابيل : لا تدخل كلام بيني اني و بنتي
ديهم : بنتچ هيه مرررتي لووو نسيتييي
ابابيل : خليني احجي وياها بلكي تذكر
ديهم : رجائاً عمةةة كلامج يغثهااا واخاف عليها يصير بيها لو تكعدين بهدوء لو تطلعين برا بلا مطرود اترجاج
سكتت وغاحت كعدت شيلاء يمها تبجي و ياقوتَ مصدومه منهم
ديهم : شيلاء
احاجيها ماترد صحت بيها
ديهم :شييلااااء
فززتها هيه و ياقوت اثنيناتهم
ديهم : لا تبچين يمها كووومي شكو تبچين مابيهااا شي شحلاتها
غاحت وكعدت بصف امها
اشهب غايح راد ويباوع لمرتو كعدت يم ياقوتَ وحجيت وياها بخفوت
ـ ياقوتَ؟
ـ دَيهمي منو ذولي
ـ حبيبي ذولي اصدقائي يعرفوني
ـ ليش تصيح عليّ هاي الحجيه
يااارب صبرني ماتخلص اسألتها
ـ حبيبي خيولون متنامين؟
ـ هئ دَيهمي هاي الحجيه شايفتها قبل بس ابد ابد مو حباابه
ضليت اضحك حتى وهيه ماتذكر شي متحب امها قربت وجهي يمها وكتلها بهمس
ـ ماتنبلع
ـ اي والله بس تصيح دَيهمي وهاي البصفها منو؟
ـ حبيبي هاي جبتها تشتغل عندج
ـ شلون يعني
ـ تمسح الارضيه تغير جرجف الجربايه تغسل ملابسج كلشي تريدي تسويه الج
ـ الله يعني بعد ماتبدلي انت
ـ جؤ محد يلمسج غيري انا المسؤول عنج
ـ شوف هاي بربوك مبينه
ـ مني
ـ هاي الكاعده بصف الحجيه
ـ تغيحلج فدوه يبعدي لا تشغلين بالج وتفكرين هواي .
انطيتها تلفوني تلعب قطارات وامها بس تلووب مدري شبيها
ابابيل : لا هاي شخطت رسمي وانتَ دَيهم كل عقلك ترجع تتذكر لا يااابه لا انساها
ـ انتو شعليكم؟ انا عاجبني ابقى يمها محد بيكم الو فضل عليها فضلكم ما اريدوو
اشهب توا يريد يحجي ورن تلفونو جاوب وكال
اشهب : شنووو شلووون مااتتت .
اخترعنا كلنا من السمعناه الا ياقوتَ رايحه بعالم ثاني ام ياقوتَ راحت يم اشهب وكالتلو
ابابيل : شكووو منوو ماات نوار بي شي لو ابووك؟؟ سد الخط يبچي وساكت ومرتو هبطت
ايلاف : وجدااان بنتنه بيها شي اشهببب؟
هز راسو بـ لا ومستمر يبچي صاحت بي امو
ابابيل : احجييي اخوك بي شيي
اشهب : روسلان ابن نوااار ماات
صارت تعيط وتلطم وتبچي
ابابيل : كلشي ماشفت من ضنااااك ينوااار عمت عينيي عليك يااا يمهه ولككك امشيي اخذني اشوف حفيديي ماشبعت منه شووف يبعد بيتي ياااا يمه ايلاف بس تبچي شيلاء كومت امها من الكاع. اخذتها برا
ابابيل : شلوون مااات ولجج شيلاء شلوون هو مابي شي اخر مره رحت شفته يم امه كلشي مابي مثل الورد توا مفتح ع دنيا شيلاء
شيلاء : اهدي يا يمه اهدي هسه يصير بيج شي اهدي
ياقوتَ تتسمع الهن صارن يذكرن اسماء نوار ومرتو وحكيم و ابنو روسلان واشهب ركزت بيهن وكع التلفون من ايدها ولزمت راسها وشدت عليه بكل قوتها وغمضت عيونها
ـ ياقوتَ حبيبي شبيج؟
ـ وخرررر وخررررر اووفففف رااااسي
ـ شبي ياقووت شبييي راسج بويه
ـ راحح ينفجررر يوجعنييي دَيهمي يأذيني حيييل ضميتها لحضني احجي وياها احاول ما اخليها تسمع كلامهن لما غاحن وعيفتها
ـ ياقوتَ شلون صرتي؟
ـ زينه
ـ وصماخج الحلو؟
ـ زين
ـ مو جوعانه
ـ جؤ كتلها كولي هئ كالت لا جؤ
ـ تعانديني
ـ جؤ
ـ ياقوتَ
ـ جؤ
ـ لزكتي
ـ جؤ
ـ اكوم اطلع واعيفج
ـ لاااا حباب اشاقة وياك ضل يمي
صفنت اتأملها وهمست
ديهم : انا حاير وين اضمچ جُمارة بگلبي بغيحي بعيوني بين ضلوعي بشرياني الابهر؟ وين اضمچ دليني
وانا احجي وياها باوعت شفتها غافية ياا بويه هاي ماتشبع نوم ح اكتلها
بعد مدة اندك الباب كلت
ـ ادخل
اجت البنيه اللي دعمت اخوها
ـ اطلععي براا
ـ بس خل افهم..
قاطعتها وجريتها من ايدها طلعتها برا
ـ من اكلج تطلعين برا يعني تطلعين لا تكسرين كلمتي ـ اجيت اعتذر
ـ يوميه تعتذرين وترجعين تسبين وتغلطين
ـ هل مره غيرر انه اجيت اعتذر لان فعلاً غلطت بحقكم
ـ اعتذارج ما اريدو مو مقبول
ـ ليش
ـ يم ياقوتَ وكلشي ينتهي الا ياقوتَ اليأذيها گلبي يكرهها ويحقد عليه من صدك بعد
ـ وماتعذرني ابوي المات مو اي احد
ـ حتـلو ابووج مو تجين تريدين تموتيهااا مافكرتي هيه ما الها ذنب انا السويت الحادث مو هيه استوعبي ضربت براسها
ـ اسفه دَيهم
انصدمت منين عرفت اسمي كالت
ـ من اجيت لـ ياقوتَ اريد اخنگها كالت هسه يجيج دَيهمي يمووتج ما يرضه تأذيني
تنهدت بحسرة وكتلها
ـ شكالتلج بعد
ـ ضلت تكرر اسمك وتكول هسه يجي دَيهمي ما يخليج تأذيني رجعت اسفه والله اصلاً تندمت شلون جنت اريد اموتها
مسحت دموعي احاول اخفيهن كالت
ـ احس بوجعك صعبه انو ماتتذكرك ولا تتذكر ايامكم هسه هيه مثل الضايعه بنص بحر بس مو حاسه على نفسها
ـ انا يمها ما اخليها لا بد ويجي يوم وترجع تتذكرني شمعتي ما تنساني مستحيل
ـ اني هم زوجي سوا حادث ومات قبل ٣ سنوات وخله بنتي بركبتي حملت مسؤوليه الام والاب
ياريت عايش حتى لو فاقد ذاكرته بس طلبه واخذه وحرمني اني وبنتي منه تخيل حتى ماشافت ابوها جنت حامل بيها من مات
ـ الله يصبر گلبج
كعدت وصارت تسولف ماتسكت
ـ نسيت اعرفك عني اني نور من بغداد
ـ اهلا وسهلا
احجي وياها وبالي يم ياقوتَ
ـ وانت من وين؟
ـ من الغربية تكريت
ـ من اي عمام؟
ـ من البو عيسى دليم
ـ اتشرف بيك
اجت بنتها كالت
نـور : بنتي اريج
ديهم : شفتها اجت يمي البارحة
نـور : تعبتك مو
ديهم : بالعكس ضحكتني تكلي وين لاكيها مرتك تخبل حلوه كتلها لكيتها بالجبس
نـور : هههه اني …
گلبي نغزني هجست ياقوتَ بيها شي قاطعتها وهيه تحجي عيفتها وغحت
لكيت ياقوتَ كاعدة وشاده على راسها بثنين ايديها وتكول
ياقوت : لااااا لاا يمه لاااا لا تخلي يضررربني
عرفتها جاي تتذكر بس شنو تتذكر ما ادري غحت يمها ااحجي وياها
ـ ياقوتَ تسمعيني
احاول افك ايديها عن راسها مقيدتهن بقووه
ديهم : يااقوت بس باوعيلي اسمعيني بويه لا تسوين هيج
ياقوت : لا تضررربني نواااار اني ماسويت شي والله ما اخذتهن .
جاي تتذكر الحقيرر السافل نعلا علا عرجوو ابن الكواااد
فكيت ايديها غصب وصحت بوجها
ديهم : ياقوووت اناا دَيهم اسمعيني .
تحاول تضرب راسها خفت تأذي نفسها
ديهم : ياقوتَ لا لا مو هيج ح تأذين نفسج بوويه لااا ماتسمعني وتحاول تضرب غيحها بأي طريقة ودموعها تصب قيدت ايديها وكتلها
ديهم : ياقوتَ اااناااا دَيههممم تعرفينيي
ياقوت : وخررر نوااار يضربنيييي
فقدت اعصابي وتعبت اريدها تتذكر صحت بيها
ديهم : هسه تذكررينيي موووو بكيفجج ياااقووته تذكرررين من شفتج بالسوبر ماركت مالت ابوج وذبيت لج كلام تعمدت اضوجج تذكرررين يااقوتتت تحاول ماتسمعني تسد اذاناتها
اجبرتها رغماً عنها تسمعني قيدت ايديها الاثنين وصرت اصيح بوجهه
ديهم : ياقوتَ ااانااا دَيهم خطفتج وشردت بيج وحتى راشديات ضربتج واذيتج وانتِ جنتي تكليلي رجعني على بيتنا تذكرين؟؟ و و هااا تذكرين من چنت اجي من الشباك اشوفج واكعد يمج واسولف وياج تذكرين من چنت اجي للملحق بالشتا والكاج بردااانه والمطر مبلل ملابسج وترجفيين
تذكرين ياقوت من چنتي ماتدفين الا بحضني ما جان الج احد غيري يااقوت هسه لااازمم تذكرين غصب مو بكيفج .
بس تبچي ومغمضه عيونها وراسها ضامتو بحضني اجت نور هيه وبنتها وكفن من بعيد يباوعن الي شلون احاول اذكرها
ـ حبيبي چنت اجيج تعباان من الدنيا وانتِ اللي تحتويني
صرت احجي ودموعي تصب واهجس غيحي تطلع من صدري
ديهم : چنتيي تصيحيني دَيهمي وتتخبلين اذا اجيج تخافين من اهلج يشوفونه حبيبي ياقوت اذكرريني لاااازم تذكريني انا الما يعيش بدوونج انا الضايع
هاااي صار 6 اشهر ما اندل دربي وين ولج حتى بيتي نسيت شلون شكلوو صرتي انتِ بيتي وكلشي اليه . احجي وابچي و ياقوتَ هدئت بين ايديه واسمع بس صوت بواچيها احتضنت وجهها بأيدي الاثنين وصرت احجي وياها
ديهم : شمعتي تذكريني ما تنسيني وانا الحَبيب
ما تنسيني وانا رجالج بويه جُماارة تذكرين من رجعنا بعد ما شردنه وعقدنه تذكرين من بست السيد من راسو من كد فرحتي تذكرين من غمزتلج من الباب وانتِ فرطتي ضحك على حركاتي تذكرين شنو چنتي تكليلي؟ تكليلي احبك ابو شوارب يا بوويه شحلاتها من صوتج ترد لي غيحي
هزت راسها بـ اي نطقت كلماتها وهيه تبچي
ياقوت : اي دَيهم اذكررر
ايديها ترجف وبالكوه حجت هل كلمتين من فرررحتي شبگتها كسرت ضلوعهااا تكسرر
ديهم : يااا بووويه لججج متتت وما تذكررتيني لجج شعملتي بينا يا جُماارة هاي المره من صدك مرمرتينه .
بادلتني الحضن وهيه تبچي دفنت راسي بركبتها اشتم عطرها اشهگها وي كل نفس اشهگو
ديهم : اوف يا بويه اووفف ماتدرين شصار بغيابج لا ليلي ليل ولا نهاري نهار مثل الضايع ما اندل دربي منين اصحى على صوتج وانام على انفاسج واعيش على شوفتج وافرح من اشوف ضحكتج وابچي عليچ من قلة حيلتج ومرضج
متت الف مووته بالدقيقة وما طبتي .
هاي نور لازكه تباوعلنه وتبجي نوب بنتها ماتكعد خبصت الغرفة باوعت بوجهه مسحت دموعها بست عيونها وهمست
ديهم : كافي ياقوتَ اشش كابوس وانتهى انسي تشهگ وتحجي كالت
ياقوت : دَيهم شصار ويانه واحنا ليش بالمستشفى؟ ديهم : حبيبي سوينه حادث واحنا طالعين
ياقوت : ما اتذكر دَيهم شلون صار الحادث
ديهم : وليدي احجيلج بعدين هسه ارتاحي
عرفتها رجعت تذكر كلشي الا الحادث ناسيتو .
اباوع الها ترجف ايديها وما تستوعب الصار وياها وفكرها متشتت لزمت ايديها اطمنها عصرتهن بقوه امحي الرجفه منهن وحجيت بخفوت
ديهم : ابوي وامي انتِ اهدي ابوس ايدچ ارحميني والله تعبت من خوفي عليچ
ياقوت : تمام دَيهم بس اريد ماي
جبتلها ماي شربتها اهجس هدئت والرجفة اختفت منها ونور واكفة واااااكفة درووحيي يمعووده نريد ناخذ بووسه صخااام عزا بوجهج
تقربت كعدت يم ياقوت وكالت
نور : الحمد لله على سلامتج ياقوتَ
ياقوت : الله يسلمج
تأشرلي بعيونها بمعنى منو كتلها
ديهم : اخت السوينه حادث ودعمناه
ياقوت : يااا خطيه خما مات؟؟
نور : شلل نصفي وحالته شويه صعبه ما انطونه امل يرجع يمشي
ياقوت : خطيه يا امي الله يصبركم شكد عمره؟ نور : عمره 23
ياقوتَ : يمه خطيه بعده شاب دَيهم
ديهم : حبيبي قضاء وقدر مو بأدينه الصار كله
نور : يلا اترخص انا اخذو راحتكم ازورج بغير وكت
ياقوتَ : حياج بأي وقت حبيبتي .
بقينا انا والشمعة مالتي غحت يمها واحجي
ديهم : صح النوم يحلو زين من عقلت
صفنت ورجعت وسعت عيونها بصدمة وكالت
ياقوت : ستووب دَيهم لا بشررفك شكد صار لي هيج ؟
ديهم : ههههههه هواي جُماره هواي
ياقوت : يمممةة لاااا احلف بشرررفك دَيهم تشاقه مو ؟
ديهم : ههههه والله ما اشاقة وياج عيشتيني برعب مثل رعب العراق من انعدم صدام
ـ جيب التلفون اشوف التاريخ
انطيتو الها ضلت صافنه فتحت حلكهه وباوعتلي
ـ يمه احنا بسنه 2022 وبشهر الثااانييي
ـ يول جُماره حتى الايام ما الها طعم ولا لون بدونج باهته كلش باااهته
حجيت وكرصت خدها وبست اصابعي
ـ اوي دَيهم عوف التكرص هسه احجيلي شلون سوينه حادث؟
ـ جؤ بعدين
ـ هئ احجييي
ـ تدرين حتى وانتِ فاقدة ذاكرتج تعاندين مرمرتيني بنت الچلب
ضربتها راشدي بخفة حاولت اغير الموضوع ما اريد اذكرها بالحادث .
ـ اذكر من رحنه شفنا بيتنا و اجن بنات عمك وو… قاطعتها وكتلها
ـ اي وطكنج عيين و شويه وتموتين لو ما الله ستر وتلطف بحالي يدري اضيع بدونج ما حرمني منج اشكرك ياربي
ـ هئ ما الهن علاقة
ـ الهن وغصب هنه السبب ماشفتي شلون التموو عليچ عبالك ما شايفين بنية ياهي التجي تلزك بيج برابيك ماتصيرلهن چارة
ديهم : انا جنت ما مرتاح واريد بس ارجعج لأن خفت عليج من عيونهم عيون الناس تحسد كل حبيبين ياحبيبي انتِ
ـ بس لا تنگلب محمد عبد الجبار بعد منو يسكتك قربت شفايفي يمها وهمست
ديهم : بس تبوسيني اسكت اخخ مو بس اسكت اخدرر اذووب بين ايديج الناعمة
قربت يمي وباستني يبوووي شويه واانجلط
من الفرحة
ديهم : اضربيني على راسي خاف حلم
ابتسمت وكالت
ياقوت : احبك ابو شوارب .
هجست الدم رجع مشه بجسمي
ديهم : اشهگج ياقوتَه اشههكچچ .
رن تلفوني ريماس طلعت برا
ديهم : ها رموسه
ـ دَيهم اريد اجي اشوف ياقوتَ
حجيت والفرحة بصوتي
ديهم : يول ياقوتَ اتذكرتني اتذكرتني وانا الحبيب
ريماس : احلللففف
ديهم : والعباس ابو فاضل
ريماس : جاااايه بسررعةةة
سديتو ورجعت يمها تلعب بأضافرها وتدردم
ديهم : بس لا صرتي تشوفين الجن مالتي وتحجين وياه؟
ياقوت : انتَ الجني بحد ذاته تعال اكعد يمي
ديهم : ياالله الله يهديج وتحنين عليّ
ياقوت : تعال وانچب
كعدت يمها ضليت اضحك وحدي من الفرحه
احاول اسكت ماكو بلكوة سديت حلكي تحمحمت وكلت
ديهم : يلا بوسي
ياقوت : عايش ع البوس انتَ؟
ديهم : عايش عليچ
ياقوت ; امم سولفلي شصار بغيابي
ردت اكللها ابن نوار مات وتراجعت ما اريد اشغل بالها بهيج امور
ديهم : ماصار شي بس خبلتيني خليتيني اركض مصلخ بالشوارع
ياقوت : يااا
ديهم : وجعااا والله احجي صدك
غطت عيونها وكالت
ـ دَيهم انتِ ليش سرسري
ـ شمسوي بويه؟
ـ ازرار القميص شكو فاتحهن ومدلع كدامي
ـ مدلع بالشارع غير يم مرتي
ـ دكمهن دَيهم دكمهن صدرك كله طالع
فتحتو بزياده وانا اضحك
ديهم : يلا باوعي دكمتو
ـ شكد ساقط ابد ماتووب
ـ ماتووب منج انا ولا من حبچ
ـ تكدر تغير المواضيع دخيلك ياعلي
ـ جُمارتي بشرفج بوسيني
ـ توا بستك ماتشبع
ـ بووسي
قربت يمي طبعت بوساتها على شفتي انفاسها دافية دفنت راسها بركبتي تشتمها الفاسدة
ياقوت : اشتاگيت لعطرك دَيهوم
ديهم : حَنيتي لي جُماره ؟
هزت راسها بـ اي وكالت
ياقوت : محد اجه من اهلي يشوفني مو؟
ديهم : اجو مرتين بس وتجي امج تصيح وتغلط عليج وطردتها واخوانج بس اشهب يجي يشوفج وابوج بس مره وحده ويخابرني يسأل عليج خيولون حبيبي لا تشغلين بالج بيهم
ـ دَيهمي شفت اهلي شلون وياي ؟
ـ شايف واعرف كلشي
ـ كرههم الي من اني وصغيرة ولحد هسه اسأل نفسي سؤال واحد
ـ شنو ابوي انتِ
ـ اسأل نفسي شنو سبب هل كره هذا والحقد اللي بكلوبهم دَيهم صدكني ابد ما اذيتهم بيوم او سويت شي ما يرضيهم عشت تحت غضبهم وحقدهم المستمر وايديهم المتجبرة القاسية وكل هذا كلبي ميكدر يكرهم او يحقد عليهم شكد حاولت اكون سيئة ما كدرت
ـ يولون حبيبي انا اهلچ
ـ شفت حبهم لـ اخوتي وكلشي حبوو ما عداي
ـ حبيبي توا چنه شحلاتنه غيري الموضوع فدوه
ـ جاي اشكي لك ابو صماخ
ـ يولون حبيبي والله طاريهم يسوي مغص بالمعده ضحكت
ـ صار حبيبي
رن تلفوني كالت
ـ اليوم مانكعد سوه؟
ـ اوكِ خلاص حبيبي لا تزعل هاي قفلنااه
رجع اشهب يتصل كتلها
ـ حبيبي بس هذا المره وبعد توووبه تباوع لي بضوجه
ـ وووعد بس هالمره
ـ تمام
ـ ممح
طلعت برا وجاوبتو كتلو
ديهم : اشهب ياقوتَ تذكرت كلشي
ـ ها صدك؟
ديهم : والله اتذكرت شهوبي
ـ زين احنا هسه عدنه فاتحه روسلان ماخلصت لهسه تكدر تجيبها للبيت
ديهم : لا الدكتور ما يرخصها هسه الا يطمنه عليها اول
ـ تمام كمل الاجرائات وجيبها
ـ تمام
شافتني نور واجت استغفر الله مانرتاح اليوم
نور : سويت عشه لأخويه ليث واتذكرتكم وياي بشي بسيط
ديهم ; كلفتي على نفسج اختي
نور : وين الكلافه احنا مابيناتنه
اخذت الاكل من ايدها لان لحت عليّ هواي كالت
نور : دَيهم اي شي تحتاج اطلب مني لا تتردد
ديهم : مشكوره سلامتج
عيفتها وغحت لـ ياقوتَ
ياقوت : شنو جبت وياك؟
ديهم : نور مسويه اكل لأخوها ومتذكرتج
ياقوت ; يمكن دازته الك مو الي
حجتها بضوجه ونبرة صوتها مليانه غيررة
ديهم : هههه تغااارين
ـ هئ بس شعدها تجيب لك اكل وتجي هنا على اساس تشوفني گلبي مو مرتاح الها .
ذبيت الاكل ع الكرسي وغحت يمها
ـ تولي حبيبي انا عندي لبةة البنات و وردة البنات و شيخة الشيخات شأسوي بيها وبغيرها ياقوتَ گلبي يمچ وقفل كل بيبانه ماكو اي بنية تدخلوو بعد ولا حتى اتجرأ افكر بغيرج ياهيَ التسوه وافضلها عليچ ؟ انتِ ذيج الشمعة المضويه دنيتي ضواج عماني ياقوتَ خلاني ما اشوف غيرچ سحلتي گلبي سحل بت الچلب
ضامه الضحكة كوه ماتريد تضحك بوجهي
ديهم : ماتضحكين مو؟ انا اعلمج
صرت ادغدغ بيها مرغدتها تمردغ لمن عيونها دمعت من الضحك تعبت وعيفتها
ياقوت : انعل ابووك فحطتني ماكدر اتنفس ولك . جبت الها ماي ذبيتو بوجهه شهكت وكالت
ياقوت : مو هيج ابن الصخل
ديهم : لا تغلطين بنت حكومي الكواد
ياقوت : دَيهم لا بللت ملابسي
ـ هاج اشربي بس علكيفج لاتشرگين بعد مابيه حيل
واحنا نتشاقة ونضحك سمعنا صوت عيااط وبچي غحت اريد اشوف كالت ياقوتَ
ـ اخاف اخذني وياك
ـ حبيبي ابقي
ـ هئ دَيهم اخذني فدوه
اخذتها وياي وانصدمت من شفت ليث اخو نور
مغطين وجهوو ونور تلطم وتبچي وتلطم على وجهها رجليه جمدت و ياقوتَ خاتله وراي
نور : خخووويهههه لاتعوووفنيي ليييثثث .
يتبع …
……………………………
نعتذر علبارت تتأخر بس ماعندي نت
كنكت عل جيران وكملت البارت علمودجن
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.