رواية بين قبضتهم وقلبه – الفصل الرابع والعشرون
24
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
❂رقــــــو ـ الجـــوهر ❂
بـين قبضتهُم وقلبة
قناة تلي :
💙 .
..
واليحِبك
مايشِوف الناسَ
بَس أنتَ يشِوفك
اليحِبك يعتِنيك
واليحبَك
يبيع عُمره ويشِتريك
..
نور : كووم خويههه ليث كووم يبعد اختك شلون تعووفني انيي اختك وحيدتك وو بنتي بنتي منو الهااا بعد وانيي منو الي كوووم ياااخويي اروحلك فدوه كووم وسمعني صوتك كلي نويره نويره تعالي وجيبي وياج اريج مشتاقلها يااااا يمههه شلعووك من گلبي واخذووك هم ينذب التراب عليك يا ابوو طول الحلو .
شالوه يريد ياخذووه وهيه متمسكه بي ماتقبل تعوفو ياقوتَ تريد تغيحلها ما خليتها
ديهم : حبيبي لا لا تروحين وضعج مو تمام تتأذين تراجعت وبقت وراي خاتله ونور تصرخ وتعيط
نور : لا لاتاخذوووه ما شبعت شووف منه يممهههه اخوووي ولكك اكعدد يبو ضحكةة الحلوه كتلي ما اعوفج باقيلج سند وينك ياخوويه ما اصدك لا لا ابد ما اصدك تعووفني وترووح كوووم اخيتك بدونك تضيييع منوو بقالي من بعدك محد بقالي عفتوني وحدي انت وابوي خليتوني للدنيا الما ترحم ياا خوويه .
بچت الاوادم كلها وياها ياقوتَ شويه وتبجي كوة مسكتها
ديهم : امشي ياقوتَ
ياقوتَ : نعوفها هيج؟
دَيهم : عيفيها ياقوتَ ماتسكت ملچوم گلبها على ابوها ونوب اخوها الله يساعدها محد يكدر يهديها مانكول غير الله يصبر كلبها
اخذتها ورجعت للغرفة و ياقوتَ مصدومه واهجس بحلكها سالفة تريد تكولها
اخذنا السكوت اثنينه و رجعت كالت
ياقوتَ : نور ماعدها اخوان بس ليث مو؟
دَيهم : اي ماعدها هيه واخوها الوحيدين لأبوهم ياقوتَ : وهسه مات ابوها ومات اخوها محد بقالها؟ دَيهم : هذا هم حضي من دعمت اخوها صارو يموتون واحد وره الثاني
ياقوتَ : و نور وين زوجها؟
دَيهم : متوفي قبل3 سنوات
ياقوتَ : وانتَ منين تعرف كل هاي المعلومات؟
دَيهم : حبيبي هيه حجتلي
ياقوتَ : اها شوكت حجتلك سولفلي بالله؟
دَيهم : ياقوتَ وين تريدين توصلين؟
ياقوتَ : ما اوصل بس احس هاي البنيه راح نتورط بيها
دَيهم : شسالفة ياقوتَ ليش نتورط حتى الكاميرات بوقت الحادث كالو الغلط من الاثنين مو بس انا يعني هو هم ما شافني
ياقوتَ : حتـلو دَيهم اني مو قصدي تنسجن يمكن البنيه توكع براسنه لأن ابتلينا بدم اخوها وابوها
دَيهم : واحنا شكو توكع براسنه
ياقوتَ : دَيهم ترا انييي مو غبية
دَيهم : والله صدك اول مره ادري
ياقوتَ : دَيههمم مشتهي نتعارك انتَ
دَيهم : ياقوته شنو تردين تكولين بالضبط فوتي بالموضوع بسرعه!
ياقوتَ : دَيهم اني خايفه هاي البنيه متعوفنا بحالنه! دَيهم : قصدج انا اتكفل بيها ؟
ياقوتَ : ياريت بس تتكفل دَيهم احس البنيه راح تطلب اشياء اكبر
ـ اها
حجيت وحكيت ارنبة خشمي وتقربت يمها وكتلها
ـ حبيبي شكتلج انا قبل هل مره تحرم عليّ
بنيه غيرج انا عندي بنية وحده وساكنه بگلبي وهيه ياقوتَ محد ياخذ مكانج امحي الفكره من راسج الحلو جُماره
حجت والحسرة بصوتها
ـ لتعوفني بعد كل هذا التعب دَيهمي
حضنتني وكالت
ـ اني اعرف متعوفني لأن بأسوء ايامي تحملتني
وو حتى انتظرني 6 اشهر بدون ماتتعب بقيت يمي بوقت كلها عافتني احتويتني من الناس كلها ما رادتني انتَ عوضي من الدنيا دَيهمي
مسحت على راسها بأيدي وكتلها
ـ اذا ما اتعبلك اتعب لمنو وليدي واذا خبالاتج
ما اتحملها اتحمل منو ثقي بحبي ياقوتَ لو تفرين الدنيا كلها مراح تلگين احد يحبج كثري
ساكته بحضني حضنت خدها بأيدي رفعت راسها بأصبعي السبابه وصارت عيونها بعيوني
ديهم : اثاري الدنيا عينچ يابعد عيني
ابتسمت وكالت
ياقوتَ : احبك لو يشتلونك گزازه بمجرى دمي
دَيهم : احبچ يا بلوة گلبي الحلوة
الضحكة شكت حلكها
ـ ياقوتي
ـ هممم
مثبته حنجها بصدري ورافعة راسعها تباوعلي
ارتب بشعرها ورا اذنها واحجي وياها حجيت بهمس
ديهم : تحبيني
ياقوت : جؤ
ديهم : حبيني ياقوتَ حبيني بشرفج
ياقوت : جؤ
ديهم : حبيني ماضل وكت هذا الوطن بي حرب
ياقوت : احـبك دَيهمي
ضليت اضحك من الفرحة عبالك اول مره اسمعها منها
ـ حبيني بعد مرة
ـ دَيهم خل نسولف
ـ حبيني بعد بيه عمر يستاهل سنينچ
اجانه صوت نور وهيه تبچي وتعيط ما هدئت المستشفى خبلتها بعياطها
ديهم : شواي وراجع ما اطول
غحت لكيت بنت نور مخترعة من امها وبچيها وضامه غيحها بزاويه الغرفة وتبچي وامها منهارة بالارض وجهه كلو دم من اللطم والعياط مجرحه وجهها بأضافرها
نور : ليييث خويه ليش عفتني انتَ مو كلت
ما اعوفج شلون تعوفني بعد ما فرحت بيك ياخوي ما عرست كبال عيني وماشفت ضناااك يااا خوويه عمتت عيني عليك
غحت لبنتها اخذتها يمي
ديهم : عمو لا تخافين انا يمچ
نور بس تبچي والبنيه مفزوعه تباوع الها ضميتها لصدري وحملتها غحت يم نور
ديهم : نوور انتِ العاقله الفاهمه الجبيره شلون تسوين بغيحج هيج وبنتج هاي مو خطيه ماتفكرين بيها
ما تجاوبني مستمره تعيط لزمتها من ايدها وصحت ديهم : نوووورررر كاااافييي بنتججج غيح تتخبل خطيه فكرريي بيها ما الها غيرررج
سكتت مسحت دموعها وكالت
نور : وانييي واني مو ابوي واخوي راحووو ولكك دَيهم راااحوووو
لزمت ايدي وصارت تبچي
ياربي شسويلهااا انا مشكلتي ما اعرف اواسي احد
ـ نورر ميصير تسوين بنفسج هيج وحق الله هاي بنتج خطيه فوك ما هي يتميه انتِ هاملتها البنيه خطيه مخترعة ضميها احضنيها اي شي سوي
سكتت واخذتها من ايدي ضمتها كمت اريد اطلع رن تلفون نور جاوبت وكالت
تور : تكدر تجي تاخذني شلون يعني ابقى بالمستشفى
سمعت كلامها ورجعت
ـ اوصلج اذا تريدين؟
ـ لا زحمه دَيهم
ـ كولي وين اوصلج
ـ يم بيت خالتي هنا قريب
ـ اسبقيني وانا هسه نازل لاحكج
غحت لـ ياقوتَ وكتلها
ـ حبيبي ما اطول شواي واجي
ـ وين رايح دَيهم؟
ـ حبيبي كتلج ما اطول لا تسألين هواي
ـ ووين رايح
احجي وياها وادور عل سويج السيارة كتلها
ـ ابوس ايدچ جُماره ماعندي وقت بس ارجع احجيلج مح باي
غحت للسيارة لكيت نور بره
ديهم : هاي السيارة اصعدي
صعدت وكل الطريق تسولف ماسكتت
نور : دَيهم عفت ياقوتَ وحدها
ديهم : سباعية ما اخاف عليها تعادل 10 ازلام
بنتها بس تبچي ماسكتت
ديهم : شبيها تبچي
نور : يمكن جوعانه
سفطت السيارة نزلت اشتريت الها ورجعت
نور : تعبناك ويانه
ـ فاتحة اخوج وين تسووها
نور : ما اسوي ماعندي فلوس اسويها
ـ خير ان شاء الله
اباوع لحالها يمرمر الگلب متبهذلة حتى لبسها مو مثل الناس وبنتها ميته جوع عرفت حالتهم الماديه مو زينه گلبي اذاني وحسيت بتأنيب الضمير وانا السبب بالصار وياهم
شأكول شحجي حتى اكفر عن غلطتي
ديهم : نور سجلي رقمي يمج
نور : لا دَيهم
ديهم : سجلي يمج شنو تحتاجين بس اتصلي تره اعرف بكلشي نور انا مو غشيم ادري انا السبب بموت ابوج واخوج وانا السبب بحالتج هاي واعرف انتِ ماعندج احد يمكن حتى بيت ماعندج
نور : بيت اخوي الچنه كاعدين بي اخذه عمي اخو ابوي وميقبل يرجعه يكول انكلعي عسما تكعدين بالشارع ما يهمني
صارت تحجي وتشكي وتبجي كالت
نور : عمامي طردوني ما يريدوني وو خوالي هم كذالك وامي ميته قبل 10 سنين عافت المسؤوليه كلها عليّ وهسه راحو ابوي وليث خلوني وحدي ما اعرف شلون اعيش وشلون راح اكدر اعيش بنتي هو بس فراكهم يحتاجله حيلين
ديهم : سجلي رقمي يمج ولا تاكلين هم شي وعلى السكن بس هل فتره ابقي بيت خالتج وبس يصفى بالي اأجر الج بيت انتِ وبنتج تكعدن بي وكلشي يوصلجن حتى مصرفجن من ملابس من اكل من طلعات من كلشي ابد لا تشيلين هم
نور : ابد ما انسى فضلك وانتَ مبين ابن اصول
ديهم : وانا هم ما انسى فضلج رغم كل الصار بيج ماغحتي وقدمتي شكوى عليّ لو احد غيرج جان شمرني بالسجن من زمان جداً اشكرج
نور : مو انتَ السبب دَيهم الله راد هيج يصير واخذ ابوي واخوي مني ما اعرف بعد الله شنو ضام الي يمكن يعوضني عن كلشي
ديهم : انا صح لهسه حاقد عليج لأن حاولتي تموتين مررتي بس يلا ح انسى لخاطر المواقف الصارت بيناتنه
نور : ههههه چنت منهارة وما اعرف شنو اتصرف اتمنى تسامحني من كل كلبك ما اريد احد يشيل بكلبه عليّ
ديهم : لا ابد انسي كلشي فات مات
دلتني المكان وصلتها يم بيت خالتها يبين صغير وحالتهم هم تعبانه نوب كتلني القهر بزيادة
ـ نور اسمعي انا ما اعيفكم انتِ واريج ابقى اتابع اخباركم بس طلب صغير منج يبعد اخيج
ـ كول
ـ ادعيلي ازوج البلوة الخابصه گلبي احس دعائج مستجاب لان يتيمه
ـ ههههه ان شاء الله ماتصير لغيرك .
رجعت لـ ياقوتَ لكيتها نايمه ياربي هاي شكد تنام اجت الدكتوره كالت
ـ كعدها اشوف حالتها
بالكوه كعدتها عبالك طفلة
ـ مرمرتي
ـ دَيهم شبيك متخلون احد نايم
ـ ام لسان اكعدي شكد تنامين
انوب الممرضه بس تضحك علينا فحصت صماخها الحلو وسألتها شكم سؤال عن الحادث مو متذكره شي من عندو كالت الدكتوره
ـ الحمد لله تتذكر كلشي الا الحادث ماتتذكره وهذا يعني صاير عدها فقدان الحادث ما بعد الصدمة من قوة صدمة الحادث دماغها ماتحمل رجعت تتذكر كلشي الا وقت الحادث وهذا الشي هم بي خير الها هيج افضل
ـ يعني ما يأثر عليها مستقبلاً؟
ـ لا ابداً بس احتمال جبير ترجع تتذكر الحادث بأي وقت لأن حسب الدوبلر مالتها الخلايا جاي تنمو والطبيعي ترجع تتذكر بعد اشهر او يمكن اسابيع المهم كونو يمها ولا تخلوها حاولو تشغلون عقلها بأي شي لان اذا تذكرت ترجع حالتها تسوء
ـ مشكوره دكتوره .
عافتني يم الخبله
ديهم : ياقوتةُ عمري
ـ شكو
ديهم : افا زعلانه؟
كعدت يمها العب بخدها دفعت ايدي وكالت
ـ دَيهم لا تتلوك روحي لاعبه تره
ديهم : تردين بوسه حتى ترد غيحج
ـ هئ وخر ايدك دَيهم
ديهم : اعرف ضجتي لأن اتأخرت بس جبت لج وياي شي تحبينوو
ـ شنو
ـ سمچ
ـ ما احبه
ـ بنت الچلب موتيني من طار عقلج اول ما صحيتي
اريد سمچ والله لو شايفه منظرج وانتِ تاكلين جان تغطيتي بسبع بطانيات من المستحه
ـ دَيهم لا تغير الموضوع وين رحت
ـ ضروري اكلج وين؟
ـ اي
ـ وعد ماتضوجين؟
ـ ما اوعدك يمكن شي يضوجني وما اتحمل
ـ وصلت نور وبنتها يم بيت خالتها ورجعت
شويه وتدفني من كلت هيج
ـ الععب وبعد بعد شسويتو بالله كل الطريق سوالف وضحك وشقة واخذت رقمها
ـ ياقوت خل افهمج
حجت تقلد صوتي وحركاتي وكالت
ـ هسه كتلها نووور انا حاس بتأنيب الضمير وانا السبب وسامحيني وما اعيفج انتِ وبنتج اووييي الحساس محد ذبحني غير احساسك
ـ دامج تعرفيني ضميري صاحي ليش تزعلين
ـ دَيهم النسوااان يبوگن الكحل من العين يمكن انتَ نيتك الها طيبة وتعتبرها مثل اختك بس هيه لا وخاصتاً هيه فاقده زوجها .
سكتت شويه صفنت بكلامها لكيت كلامها صحيح
ـ ياقوتَ حبيبي
لزمت ايدها تسحب نفسها مني
ـ ام طنكوره ح اكتلج هسه عاد
كالت بحسرة
ـ دَيهم اغاااار
شويه وتبچي قربت يمها باوعت بعيونها اطمنها وهمست الها
ـ تغارين من النجوم وانتِ الگمر ؟
ـ دَيهم مو بأيدي اخاف غيري تاخذ مكاني بگلبك صارت تبچي كل عقلها
ـ تغارين وانتِ اگرب منهم لـ گلبي ؟
يول تغارين وانتِ الثابتة بينهم ؟
انتِ الحال والمال وكل العيال وام الدلال انتِ مريتو لـ دَيهم معقولةة تغارين من وحده ماتجي لـ اثر رجليج انتِ معشعشة بضلوعي جُمارة .
ماتسكت زادت بالبچي
بالكوه سكتت شواي وكالت
ـ شوكت نطلع منا مليت
ـ حبيبي يومين ونطلع حتى انا مليت
ـ اريد اشتم هوى اشوف الناس دَيهم مخنوگه احس جبل وكاعد على گلبي
ـ يا امي ليش هيج تحجين؟
ـ ما ادري دَيهم گلبي ينغزني كل شويه احس اريد ابچي بس مو كادرة
ـ كل هذا البچيتي وتكولين مو كادره؟ هسه اذا اجرج بموال شرط ماتسكتين لـ باجر .
واحنه نحجي رن تلفوني نور تتصل بلشنه شيفضها بعد كتلج اساعدج بسـلا تلزكين طيفتو وباوعت
لـ ياقوتَ تباوع لي غمزت وكالت
ـ نويره هاي؟
ـ قندرة براسج نعل ابوج لابوها
ـ خليني اشوف شو
ـ ياقوتَ اكعدي
اجت يمي تريد التلفون
ـ ياقوتَ ما اريد اجاوبها
ـ طييينيي انا اجاوبهاا اشوفها شتريد
ـ حبيبي عيفيها عيب
ـ جؤ دَيهم جيب التلفون
ـ جؤ اكعدي ياقوتَ خل نسولف
ـ هااا تخاف اجرحها بالكلام موو تخاف على مشاعرها نعل ابوك لابوها
ـ ياقوتَ البنيه يتيمه ما الها احد مو عوزها انتِ ام لسان
ـ شعندك وياها ومتقبل اجاوبها؟ جاووبها كدااامي يلااا
ـ سدتو بس تتصل انوب تدللين بعيني
ـ جذاااب متريد اسمع شتحجون شعنددككك وياااها ح اتخبل علييك هسه
يمه هاي تغار كل عقلها كتلها
ـ حبيبي والعباس ابو فاضل والكفل زينب ماعندي شي وياها
ـ متجاوب مو بسيطة
غاحت كعدت مسافة عني ياربي تصرفاتها تسحل الواحد شسوي وياها
متتت وما رضت متت افتقدت رموسه ما اجت خابرتها
ديهم ; شو ما اجيتي؟
ـ ما كدرت عندي امتحان سلملي على ياقوتَ هواي هواي
ديهم : يوصل احنا طالعين باجر او اللي بعدو
… اليوم الثاني …
نايم ع الكرسي وهجست ضوه الشمس بعيني يضوي من الشباك ضوجني كعدت باوعت لـ ياقوتَ ماكو بفراشها والباب مفتوح ووين غاحت ياا بووويه طلعت اركض انا والخبل سوه دورتها بالحمامات ماكو لاكتني حجيه جبيره بالعمر
احجي والهث كتلها
ديهم : يمه فدوه ما شفتي بنيه مرت هنا
ـ شكبرها
ديهم : مو جبيرره هواي يمهه بعدها حديثة وگصيرة ـ لا ابني ماشفت
طلعت اركض مثل الخبل ياهو الاشوفو اسأل عنها حتى الشرطي اللي بالمستشفى صار يدورها ويايه وانا اسأل بالناس اجه ولد صغير وكال
ـ عمو يكولون مرتك بالشارع شايفيها
لا ياالله جان صدك هسه تندعم هاي شجاها طلعت اركض مثل الخبل بس اريد اوصلها نزلت من الدرج حتى المصعد ما انتظرتو صرت بالارضية وعيني تدور عليها بكل الوجوه وبيهم طخيتهم بدون ما ادري كضيتها بس اتعذر من الناس طلعت بره واشوفها كاعده على حافة الرصيف ومتربعة هم ولا شال ولا صخام وشعرها طاااالع ولكمممم بدوون شااال
رااح انجلط غحت يمها كعدت يمها صافنة وغايحه بعالم ثاني
ديهم. : حبيبي انتِ بنتتت السااااادة شلون شعرج طالع هيج ياقوتَ الناس تباوعلج عبالهم تخبلتي دمعتها نزل وهيه صافنه بالناس اريد اكتلها على تصرفاتها هاي بس دمعتها كسرت ضهري وسكتت
ـ حبيبي شبيج احجييي
ـ مخنوگه
ـ االف اسم الله عليچ يا امي ليش مختنگه
ـ ماعرف الدنيا شنو راح تسوي بيه اكثر من السوته يوميه اكول ارتاحيت وما ارتاح گلبي يأذيني دَيهم اريد ابعد عن الناس كلها واعيش وحدي لمن اموت ما اريد احد يذكرني او يفگدني اريد اموت وارتاح من كلشي حيل تعبت بحياتي دَيهم
بچيت وياها وهيه تحجي الناس تباوع النه وكلها صارت تسولف وتتهامس اسمع واحد يكول
ـ هذا مرتوو مسودنه بس يحبها
كلها صارت تعرف بحبنا وبخبالاتنه صارو يعرفون بكلشي
ـ وااذا تبعدين انا منو الي؟ مافكرتي بحالي ماگلتي دَيهمج خطيه اعرف تعبتي بحياتج بس وغلات عيونچ الماكو اعز منهن انا يمچ واعوضج عن كلشي والله انسيچ ما اخليج ياقوتَ مستحيل
مستمره تبچي ما سكتت يربي الناس تباوع انفضحنا ـ انا اعرف الحارگ گلبج الحارگ گلبج نور
ـ شجاب نور بالطاري؟
ـ امبلا ياقوتَ هيه السبب وهاي ح احضرها كدامج لزمت ايدي تمنعني احضرها وكالت
ـ والله مو هيه السبب بس اني ماعرف شبيه
ـ احلفي بغلاتي
ـ وغلاتك دَيهم
مسحت دموعها كتلها
ـ كومي نغيح اميـرتي المستشفى تعبتج انا ادري . واحنا راجعين للغرفة الناس تتهامس علينا مصدومين من علاقتنه الغريبه هاي وحده تكول لـ امها
ـ يمه يمه شوفي شعررهااا يجننن
شويه واكتل ياقوتَ من الحادث نست حتى نفسها غحنه للغرفة لمينه غراضنه كلها وهيه تسأل ما سكتت
ـ حبيبي ارجع لـ بيت اهلي
ـ اي حبيبي بس مؤقت ح اخذج هل فترة تعبت بعد مابيه اتحمل بُعدچ عني
ـ دَيهم تجي تشوفني يوميه؟
ـ عيني الما تشوفچ اشلعها من عرجها يا عرج عيني البسي شالج نغيح لبستوو ضمي شعرج ولو هوَ المستشفى كلها شافتوو
تضحك وتلبس بشالها كتلها
ـ عقابج بعدين مو ناسي تره
اخذتها وطلعت وكل الطريق تسولف
ياقوت : ديهوم
ـ امريني حبيبي
ياقوت : اريد كِندر
ـ حبيبي يصير بعدين؟
ياقوت : هئ هسه ارريد
ـ تدلل علينا ام لسان شعدنه غيرها
جبت الها واجيت مسافة ورجعت
ـ ديهمي
ـ هاا حبيبي تره صدعتيني
ـ شو هيج وياي؟
ـ اسف امريني
ـ اريد ماي
اباوع الها تاكل كِندر مثل الخبلة شويه وتاكلني نزلت اجيب الها ماي رجعت لكيتها غافية هاي يمكن الضربه سوت عدها ادمان للنوم عيفتها نايمه وصلنا بيت اهلها و رن تلفوني نور تتصل طفيتو وكتلها
ـ ياقوتَ اكعدي
ـ دَيهم حلوه حلوه
ـ شنو
ـ النومه هنا
تحجي وهيه مغمضه
ـ ياقوتَ لا تدللين يلا عاد
ـ بربك بس شويه
لازمه ايدي وحاضنتها وانا مكزكز عليها ودي اكلها صفنت شويه بيها ورجعت اكعدها
نور تتصل ما بطلت سويت التلفون صامت دوختني دينم : ياقوتَ ح اسحلج اكعديي كافي اريد اغيح عندي شغل
كعدت وكالت
ياقوت : دَيهم ايمت وصلنه؟
ديهم : من زمان جماره انزلي يلا
توا تريد تنزل لزمت ايدها قربت منها وحجيت بخفوت
ديهم : بوسيني
تقربت تريد تبوسني ولمحت حڪومي اجى
ديهم : اها بلشنه ويا حكومي
ياقوت : هههه روح روووح بعدين
نزلت من السيارة وادركت غيح تبعد عني سحبت غيحي وياها من نزلت غاحت لأبوها باسها يسولف وياها گلبي اذاني اشتعلت نار بيه وانا اشوفهم عصرت عيوني بقوه وتنهدت طلعت جكارة اورثها شفت ابوها جاي بأتجاهي بسرعة شمرت الجكاره احتراماً اله عود هيه غاحت للبيت وانا نزلت اسلم عليه
ـ شلونك عمو
ـ بخير وانت شلونك
ـ بخير عمو
ـ اتوكل ابني خاف عندك شغل
ـ تمام عمو
رجعت وكفتو وكتلو
ـ عموو هل فترة اخذ ياقوتَ بس اكمل اثاث البيت
ـ الله كريم ابني
طبطب على اجتافي بأيده بستو من راسو اتلوگلو حتى ميضل مراقبني
رجعت للبيت وك العادة لكيت مرت بلال وخواتي متعاركات وصايرة بالنعل ناس تغلط على ناس
عفتهم رحت اريد اسبح اتصلت نور ياالله
هاي ما تمل ما تجزع جاوبتها
ديهم : هلا نور جنت مشغول
نور : اسفه ازعجتك بأتصالاتي بس محتاجه شكم شغله
ديهم : ثواني بس اخلص شغلي وارجع اخابرج . سديتو بوجهه خابرت ياقوتَ وصيتها تاكل وتسبح وتنام لأن ما شايفه نوم هاي البنيه سودنتني
……
بعد مرور مدة كملت البيت اثاث وصار كامل وجاهز بس اخذها لـ ام راس دائماً اغيح اشوفها واكعد يمها واسولف الها ماخليتها وحدها ونور دائماً اراجعها هيه وبنتها و اجرتلهن بيت وحدهن واتكفلت بمصاريفهن كامله .
دنيا عصر اجه ابوي وكال
غـيدان : دَيهم حضر نفسك غايحين لـ بيت عمامك
ـ خير اكو شي؟
غـيدان : ناخذ المهر لـ مرتك ونتفق ع الحاضر والغايب
ـ ثواني يابه واجيك
غحت لغرفتي اهلي مخبوصين بالروحه ويخابرون بولد عمامي يغيحون ويانه رتبنا الوضع وننتظر بولد عمامنه بره اتصل بيه عمر ابن عمي
ـ ها دَيهم جهزتو
ـ اي جاي ننتظركم
ـ دَيهم ودي افاتحك بموضوع بس خايف تزعل مني
ـ احجي ازعل منك شنو عيب عليك
ـ شورطك ويا الهاشمية تذكر مرتي شسوت وهيه هم من عرجهم
ـ عمررر مررتي انا غيررر تختلف عن النسوان كلها محد يعرفها مثلي مررتي ماعدها هيج سوالف
ـ انا نصحتك قبل تخطبها وهسه هم نصحتك قبل لا تنطي مهرها وتتورط
ـ احلى ورطه يا اخي انا اريد اتورط انتو شنو خصكم؟
ـ انا هم حبيتها متت بحبها لمرتي وتالي شردت وتركت اطفالي بركبتي مافكرت غير بغيحها
ـ عمرر تريد نبقى صحبان
ـ اي
ـ بعد لا تفتح لي هيج مواضيع اذا مرتك شردت هذا مو يعني مرتي هم تشرد وليش بالله لأن كرايبها اصابعك مو كلها سوا عموري
ـ بكيفك يا خوي انت ابن عمي وانا اخاف عليك ماكدر انصحك اكثر من هيج
ـ هاهيه مشكور ع نصيحة محد طلب منك
سديتو بوجهو يلعبون النفس ما يخلون احد فرحان شواي و اجوي ولد عمامنه وغحنه وصلنه بيتهم كعدنه بالمضيف اخوانها زينين وياي نوار ما يحاجيني بس اشهب وابوها نوعاً ما تحسنت علاقتو بيه قدمنه المهر لأبوها واتفقنه ع الغايب وبس كملنه اباوع لـ سالم اتصل بـ ابن العم بره واكف وگلو
ـ هاهيه فضت هل اسبوع ناخذ چنتنه
غحت ابوس ابوها من راسو و صوت الفشك اجانه ترس الديره ترس صافحتهم بالسرة وصلت يم نوار صافحتو من طارف خشمو يسلم عدلت شواربي من صارت عيني بعينو وضحكت بخبث شويه وينجلط
وانا كاعد يمهم دزيت مسج لـ ياقوتَ
ديهم : بلوتي الحلوة وينچ
ياقوت : بالبيت حبيبي سويتلك چاي طيب لو لا؟ ديهم : من ايدچ حتى السم طيب
ياقوت : هههههه خواتي اخترعن من الرمي الصار بره
ديهم : كليلهن ابن الغربية يكول صوت الرمي هذا بگلب كل واحد كال ابد متصير لك هايه
اليوم التالي
اخذت ياقوتَ وغحنه اخذنا كلشي محتاجينو جهزنه لعرسنه كامل مابقى ناقصنه اي شي
ديهم : ياقوتَ باجر من الصبح اريدچ جاهزه
ياقوت : ليش
ديهم : نغيح نعقد محكمة حجزت موعد وعندي واسطة بسرعه يعقدون النه
ياقوت : تمام بيش ساعة تريدني؟
ديهم : بكل وقت اريدچ يا ام عيون حلوه
ياقوت : انچب قصدي بيش الساعة
ديهم : بل 7 الصبح
ياقوت : اوكِ
اليوم الثاني اتصلت عليها ساعة 5 كتلها ياقوتَ كاعده؟ كالت توا انتَ كعدتني كتلها جايج بالطريق تحضري كالت اوكِ
ــ ياقوتَ ـ
بدلت بسرعة ومتحمسة وارجف مدري شبيه وطايررة من الفرحة وگلبي يخفق بقووه بعد ساعة اتصل
ـ جمرتي انا بره
ـ اصبري بس البس حذائي
ـ من هسه اكلج اذا كعب وينشلع عليج بنص الطلعه لو تموتين ما اشتريلج واحد بداله
ـ حبيبي مو اني گصيرة الكعب شويه يطولني
ـ هو الله ما طولج تردين الكعب يطولج استعجلي القزمه
سديت التلفون ونزلت بسرعه لكيته واكف ويدخن شكد يدخن يسطر الواحد باوعلي مصدوم وكال
ـ الله اليوم لبسج يخبل شعجب مو مشلحه
ـ اروح ابدل تره
ـ انچبي واصعدي شحلاتج هيج صعدت واجه يمي صعد
ـ عفيه شمعتي لبسج هذا يرضي حتى الخلفوني مو بس يرضيني .
مشينه ووصلنه المحكمه نزلنه وانا شابگه ايده طول الطريق نوب لگه جماعته هناك شكد يسلم عليهم ويعرفهم ناس هوااي والقاضي عليه ازدحام كملنا اجرائات عقد الزواج و بعد معاناة دخلنا للقاضي وگفنه كدام القاضي ويانه شهود ثلاثه من جماعته
لـ دَيهم واني جسمي يرجف ومرتبكه ما مصدكه راح نزوج رسمي واصير مرته كال القاضي
ـ هوياتكم وهوية اهاليكم
انطاهن اله دَيهم ورجع وگف بصفي غمز لي ويضحك شويه وكال القاضي
ـ بسم الله الرحمن الرحيم
حضَرنا اليوم لعقد النكاح بين:
الزوج: دَيهم غيدان علي
والزوجة: ياقوتَ حكيم عبد القادر
بحضور الشاهدين العدلين
باوعاي القاضي وكال
القاضي: السيدة ياقوتَ حكيم عبدالقادر هل تقبلين الزواج من دَيهم غيدان علي على الصداق المُسمى بينكما؟
كتله والرجفة بصوتي :
ياقوت : نعم قبلتُ الزواج منه على الصداق المُسمى
رجع باوع لـ دَيهم وكاله
القاضي: وأنت دَيهم غيدان علي
هل تقبل الزواج من ياقوتَ حكيم عبدالقادر على الصداق المُسمى؟
حجه دَيهم وبصوته الفرررحة وكال :
ديهم : نعم قبلتُ الزواج منها على الصداق المٌسمى
كال
القاضي: بارك الله لكما وبارك عليكما وجمع بينكما في خير وبذلك تم عقد النكاح الشرعي وتوثيقه .
دَيهم من فرحته طفر يمي وحضني كدام القاضي والشهود صارو يضحكون علينا حجه بخفوت وكال ديهم : صرتي مرتي غصب عنج وع الخلفوج والله فتحت التلفون واني اضحك وشفت الساعة والتاريخ
الساعه 11:11الضهر 2023/12/5
كرص خدي وكال
ديهم : عافيتي ونفس ريتي انتِ مريتي
ياقوت : دَيهم عيب استحي
ديهم : فديت اليستحون انا فديت
القاضي : تعالو حتى تبصمون ع العقد
انطانه الحبر كال القاضي
ـ السيدات اولاً
خليت اصبعي بالحبر وبصمت ع الورقة كال لـ دَيهم
ـ وانتَ ابصم ابني .
دَيهم اجه يبصم خله اصابعة العشرة بالحبر القاضي فتح عيونه مصدوم وگاله
ـ ابني اصبع واحد يكفي
دَيهم : لا حضرة القاضي اريد ازوجها بالعشرة ولو بيدي ابصم حتى بأصابع رجليه .
اسمع الشهود يضحكون علينا فضحنا المصكوع كوه قنعه القاضي ميصير يبصم بالعشرة واحد بس بصم واخذنه العقد وطلعنه وهذا ما يسكت بس يحجي
ديهم : ياقوته
ـ همم
ديهم : حبيني
ـ ازوجنه وبعدك تكلي حبيني
ديهم : تحبيني لأخر نفس بيچ لو جوه ضلوعي اسألج تحبيني؟
ـ احبـك وغلات شواربك
صار يعدل بيهن ويحجي
ديهم : حتى شاربي حَس بالفخر من سمع بيچ تحبيه ـ همم جوعانه
ديهم : انا شبعان عمري كله ما اجوع بعد
ـ انچب دَيهم بلشنه بالسوالف المسربته
ديهم : ههههههه يا بووويه يـ جُمااره الفرحة
ما واسعتني تدرين ما مصدك بعد يومين اخذج اكرصيني بشرفج كرصته وكال
ديهم : اخخ انعل ابوج مو هيج كتلج اكرصيني ما كتلج الدغيني
هو يسولف واني ابيع ثكل براسه عود عروسه وما اتحاجه رجعنا للبيت كال
ـ اليوم اخذج لـ بيت عيالج نتغده هناك والعصر اردج لـ اهلج
خاف عيب دَيهم
ـ جؤ بوويه صرتي بنيتهم واميرتهم وتاج راسهم هم . وصلنا بيت اهله بوابته كبيررره هواي وبيتهم رئاسي والتاهوات سافطه بالكراج والحراس والاسلحة شايليها والمكان والاجواء شي ثاااني ما ينوصف ضليت بس فاكه حلكي من الصدمه كتله
ـ حيييل شنهاااي طلعتو دوله واحنا مندري
ضحك ورجعت كتله
ياقوت :
ـ اهوو اهلنا العال بيهم يعبر حدود
اهلنا كلوبهم تسمى جلمود .
اخذني نمشي على بيت اهله وكمل
ديهم :
ومن دم العدو يسگون بالعود
اهلنا الهوسو فوك المچاتيل
ڪملنه سوا واحنا نضحك
ـ اهلنا تعيل محد بيهم يعيل
ـ اهلنا تعيل محد بيهم يعيل
ديهم : امشي خبله خبلتيني وياج وانا شواربي واصلات حلكي
فتحولنه الباب ودخلنا جوا تلگتني ريماس و ريام سلمن عليّ واخذني جوه و دَيهم راح مدري وين دخلت بيتهم جوه يخبل يخبل شكد ما احجي واكول عنه قليل حسيت نفسي داخله بيت بالخليج او السعوديه يشبه بيوتهم حيل حيل اجت ام دَيهم وكالت
ـ هلا بچنتنه الحلوه
شايله بأيدها كيس جُكليت شمرته فوكي وركعتنه بهلهوله شكت اذاني واني مستحيه يربي صوجي اجيت وهذا عافني ومدري وينه
اجت اخته وياها عشيرة نسوان
هوسن فززن كلبي
ـ عين الحاره الحمزه يطفيها
وعين الباردة كل الهلا بيها
كالت ريماس
ـ ديهومي جبنالك مره
من غير حُمره محمره
اجن نسوان هواي هواي انوب يمه ذولي شبيهم
ـ وعيون الغزالة عيون چنتنه
صلو على النبي الصيدة صيدتنه
كملن على هل موال يمه اوكفو بعد ما عرسنه
على صوت هوستهن اجه دَيهم وامه فارطه ضحك
ديهم : بعد ما عرسنا هيح سويتن بس نعرس شتسون
ريماس تضحك كاللها دَيهم
ريماس : اهدي رموسه خاف تموتين قبل عرسي
ما ناقصني .
من كاللهن هيج سكتن
ديهم. : يلا الغده وين ياقوتَ جوعانه
ريماس :هسه ح اخلي العاملة تصب
ديهم : يمه رغد وين؟
ـ بالدوام بعدها ما اجت
دَيهم : ياقوتَ تعاي نغيح لأبوي
اخذني بالكوه ماريد اروح
شافني وكال
غـيدان : تعالي بنتي تعالي .
يصيحني ويضحك
ياقوت : شلونك عمو
غـيدان ; بخير بنتي اكعدي يمي
كعدت يمه كال
غـيدان : شلونج
ياقوت : بخير وانتَ شلون صحتك
غـيدان : الحمد لله بنتي كليلي محتاجه شي ناقصج شي قبل عرسكم كولي لا تستحين مني انا مكان ابوج
ياقوت : لا عمو مشكور اريد سلامتك بس دَيهم ماقصر وياي
غـيدان : شفتي ذني الاجن توا شافنج
ـ اي عمو
ـ كلهن بنات اخوي وهنه ايتام لو دَيهم يريدهن
ما اختارج من بينهن كلهن حتى انا ماكدرت لراسوو لو هيه لو ما اريد صارت مشاكل بينا انا واهلج بس انتِ ما الج علاقه هاي شغلة عداوات قديمة لا تحطين بالج ممكن نقسى عليچ بسبب العداوه احنا الچنه نعزها ولدي كلهم يدللون نسوانهم وانا من اخذتج اريدج ترفعين راسي وراس دَيهم اخذتج بنت الـسادة واريدج على هذا الاساس تبقين
دَيهم واكف من بعيد يباوع النه والضحكه شاكه حلكه
اجت مرت بلال
ـ كومي ياقوتَ نتغده صبو الغده
ـ وانت عمو ماتتغده ويانه
ـ لا بنتي انا غداي شواي ما احب اكل بس ممكن اتعبج؟
ـ اي عمو
ـ اريد چاي طيب من ايدچ
ـ بعيني عمو
دَيهم عكد حواجبه ضاج يغار من ابوه رحت للمطبخ اريد اسويله كلشي ما اندل اجت ريام
ـ انا اساعدج ياقوتَ
حضرت لي ورق الچاي والماي بس فورته و صبيت استكان واخذته لـ ابو دَيهم
غـيدان : عفيه بـ بنيتي اذا چايج طيب بعد ماتخلصين مني يوميه اخليج تجين تسوين لي
ام دَيهم : ريام اخذي ياقوتَ خليها تتغده خطيه هسه جوعانه
اخذتني رحنه نتغده بس البنات ماكو احد ويانه
دَيهم مدري وين طفر
بالكوه اتغديت من المستحه وهنه ياكلن ويسولفن وبيتهم بي روح وسوالفهم حلوه ويضحكون ابد مو مملين كملنه غده رحنه لغرفة مرت بلال كالت
ـ ياقوتَ اريد رقمج ذيج المره تلفونج تكسر بالحادث اراسلج ماكو
ـ اي سجلي يمج
انطيتها رقمي وكالت
ـ بالليل اراسلج
بنات عمه كاعدات يمنه ماراحن مبينات لزكه صرت انعس راسلت دَيهم
ياقوت : دَيهم اريد ارجع لـ بيتنا
ـ اطلعي اني برا
طلعت لكيته واكف يدخن رحت يمه كال
ديهم : ابوي عجبه الچاي مالتج
ـ صدك؟
ـ بعد لا تسوين ايدج اكسرها
ـ دَيهم ابوك
ـ حتـلو واذا ابوي ما اقبل ياقوتَ لا تناقشيني
سكتت ما جاوبته مابيه حيل اتعارك وياه
ديهم : امشي نغيح للبستان مالتنه
اخذني رحنه ساكت واحسه ضايج
ـ دَيهمي
ـ همم
ـ ضايج؟
ـ جؤ بس اشتاگلج ما اتحمل تبعدين عني
بستانهم شكبره كعدنه جوه شجرة الليمون
ـ الله دَيهم ريحتها طيبه
ـ اي حموضه مثلج
ـ كوم رجعني
جرني من ايدي وكال
ـ دتعاااي وين تريدين
يحاول يوخر شالي عن راسي
ـ لا دَيهم خاف احد يشوفنه
ـ ماكو احد حبيبي محد يجي
نزعني الشال غصب كال
ـ اشتاگيت لـ شعرج المسودني
يحجي ويشتم بي واني متقربه بحضنه مخليه راسي
على صدره
ـ ياقوتَ مثلاً مثلاً
ـ مثلاً مثلاً
ـ بيوم العرس شردت وعيفتج شتسوين؟
ـ هم اشرد ادور عليك والكاك وادفنك وادفن روحي وياك
ـ هههههه من تدفنيني خليني بگبرج لا تفصليني عنچ حتى الموت وياج يحلى
ـ خاف بالگبر وعينك على الميته البصفنه
ـ انتِ يمي عود طلعي عيوني اذا سويتها
اباوعله كزكزت على شواربه بسته بشاربه ولحت شفته
ديهم : يايااابة شحياكم هاي النساوين التنحط
ع الجرح
واحنا نسولف اجانه صوت تتحمحم ورانه باوعت شفتها اخته ريهام
ريهام : شعدهم عصافير الحب
حجتها بأستهزاء بسرعه ابعدت نفسي من دَيهم وخليت شالي على راسي
اجت يمنه وكالت
ريهام. : انا شايفه الولد يخطب البنت ويغيح لبيت اهلها يشوفها مو البنت تجي لـ تخطب الولد وتشوفو .
دَيهم : ريههااام اكرمينا بسكوتج عندج شي زين احجي ماعندج ارجعي للبيت
ريهام : هههه والله يا خوي تاليتك مثل ابن عمك عمر تركض بيها وشايلها مثل الماي بالصينيه ومدللها وميت ميت عليها واخر شي تعيفك وتشرد ويااااريت تشرد لأهلها ااالله يعلم وووين تشرررد
دموعي صارت تصب من وحدها من كلامها
كام عليها دَيهم صار كلش قريب منها وملامحها تغيرت صار يشبه الوحش بأسلوبه وخشمه ينفر من العصبيه
ديهم : رررريهام سدي حلگججج الواكفه كدامج مرتيي تحترميها غصب
ريهام : احترم الناس التستاهل الاحترام مو هايه المدري منين جبتها مدري طگتك بسحر وهيج اتخبلت عليها عفت بنات عمك كلهن وكرايبك واختاريت هاااااي
كالتها وتأشر بأصبعها عليّ
ديهم : تسوه راسج ولجج هاي الكدامجج
الما عاجبتج …
ريهاك :ديهممممم وتعلي صوتك عليّ وانا اختك الجبيره لخاطر هاي الماتسوه
ديهم : اااكص لسان اليعلى عليها وابتر الايد التنمد عليها ارجعععيي للبيت رييهااام غيح انجن هسه
صار يرجف من العصبيه وهو يحجي راحت
وهيه تحجي
ريهام : لا هاهيه امي فرحانه عدها ٣ زلم واحد مرتو مابيها خلفة والثاني عاشگ بنت البدو والثالث جايب لي هاشمية منعرف اصلها من فصلها عود اخر العنقود وگلنا نفرح بي خرا عليكم كلكم سوو التريدو الله لا يهنيكم .
اجه دَيهم يمي وهمس
ديهم : بويه ياقوتَ انا اسف هاي خبله وعصبيه ماتعرف شتحجي
اني بس ابجيي ماكدر اسكت
ديهم : حبيبي والله خبلة ريهام هيه معلمة تره
والطلاب مسوين بيها حاله نفسية ماتعرف شدتكول
ياقوت : دَيهم رجعني لـ بيت اهلي
ديهم : ياقوتَ
ياقوت : رجععنييي
يريد يمسح دموعي مسحتهن قبله عفته ومشيت راجعه لبيت اهله
اجه وراي وبس ساكت ماحجه شي طلعنه يوصلني للبيت والطريق كله ساكتين واني كوه لازمه دمعتي اريد ابچي بعد بس ماريد ابجي كدامه
ـ جُماره
ـ ها
ـ احـبچ
ـ شكد؟
– بكد صبر النبي . وبكد قوة علي .وبكد خلق الحسن
وبكد نخوة الحسين . وبكد جمال العباس
ـ خلصت؟
ـ جؤ اليه خلگ لباجر ابقى اعدد لچ شكد احبچ يحجي وكل شويه يباوعلي
ـ ياقوتَ هذا شنو اللي بخدج؟
مركز بيه وكالها كتله
ـ شنو
ـ شو خل اضوك
لمس خدي بأصبعه ويضوگ بي كال
ـ فلك مو خدود الشايلتهن عسل والله عسل شو انزل اجيب صمون واجي اكل جعت
ماكدرت اكتم ضحكتي
ـ ههههه حتى اليضوج ما تخليه يضوج براحته .
ـ مخبل اعيفج ضايجه غير ارد للبيت يومين ما انام حبيبي اشتاگيت لج من هسه
ـ بسم الله الرحمن بعدني يمك
ـ بعيدة
تنهد وكال
ـ كلش بعيده شما گربتي ضميني ياقوتَ
ـ وين اضمك؟
ـ ضميني اريد بحضنج انچب واستريح
ـ هئ
ـ ابد ماتحنين يول شكد قاسية
صافن بيه ما يشيل عينه راح اموته
ياقوت : على شنو صافن؟
ـ عليچ
ياقوت : جگارتك طفت تره
ـ خلها تطفي انا اشتعلت
حجاها وبعدها تنهد شمر جكارته ورث الثانيه سطرني شكد يدخن وصلنه البيتنا كتله
ياقوت : يلا باي
ـ اوكفي
ـ ها
مالحكت اباوعله عدل اخذ شفايفي بين شفايفه يبوسني احتضن خدي بأيده وحجه بخفوت
ـاتحملي كلامهم لخاطري جُماره انا استاهل تتحملين علمودي لا تهتمين لكلامهم انا اختاريتج وفضلتج ع الدنيا كلها وهذا الحارگ حطبهم همه تباهي بيه كدامهم وزيدي بدلالج اقهريهم وانا يمچ غيضيهم بحبي الچ تباهي بيه استاهل انا جُماره .
كلامه اقنعني اواجههم وما اضل ضعيفة وارد عليهم الكلمه بعشرة وليش اسكت بعد هل مره لا والله ما اسكت
هزيت له راسي بمعنى اي وابتسمت كفخني على خدي وكال
ـ افديج انا من الجدم للراس يبعدي طبي جوه بويه ولا تطلعين ما اريد الطير يلمحج
ـ لا دَيهم انت اتخبلت رسمي
ـ هسه يلا عرفتي انا خبل من اول ما شفتج
عفته اضحك وطبيت للبيت
ـ ديهم ـ
مشيت راجع للبيت رن تلفوني نور تتصل يول مو خبلتيني شتردين نعلا ساعة السودة الورطتني وياج جاوبتها وكتلها
ـ هلا نور محتاجه شي
صارت تصيح وتكول
نور : دَيهم الحگ بنتي مريضه موو زينههه دَيههمم الحگني راح تموت بين ايديه
يتـبع …
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.