رواية بين قبضتهم وقلبه – الفصل الخامس والعشرون
25
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
❂رقــــــو ـ الجـــوهر ❂
بـين قبضتهُم وقلبة
قناة تلي :
💙 .
..
وخذتهـا
ومن خـذتهاا الـله الأحساس
أحـس بس هيه يمـي
وخـلصت الـناس
..
سمعتها تصرخ وتبجي غحت من الخبل وصلت بيت نور دكيت الباب ما تفتحو دكيتوو مره ثانيه ردت اشلعو واجت فتحتو الي وبين ايديها اريج بنتها فاقده وعيها اخذتهن وغحت ع المستشفى ونور كل الطريق تبچي ماسكتت
ـ نور كافي هسه نوصل وتشوفيها كلشي مابيها بس يجوز نوبة برد او اكلت شي مو صحي
ـ دَيهم بنتيي اذا صار الها شي انتحررر .
وصلنه المستشفى اخذتها من ايدها وصعدت بيها بسرعة للطابق الفوك كلت للسكرتير
ديهم : حالة طارئة البنيه فاقده وعيها
ـ اكول للدكتور وارجعلك
غاح يبلغو ورجعلي بسرعه دخلنه والبنيه حيلها ميت بين ايديه اجت نور تبجي تريد تدخل ويانه
ديهم : لا نور خليج هنا انا غاح ادخل وياها
ـ متررريد ادخلني وياكم حتى لا اسمع شبيها موو؟
ـ بيش تردين احلف لج اذا بيها شي ما اضم عليچ لو حرف اسمعي كلامي نور خليج هنا
دخلنه انا واريج شافها الدكتور فحصها
ياارب بس لا نوب بنتها تموت علمود اتورط خوش ورطه نوب .
الدڪتور : الطفلة بحالة اكتئاب حاد وعدها تفكير مفرط اكو شغلات جاي اتأثر عليها
ـ شلون يعني
الدڪتور : الطفلة جاي تنقهر شايله بكلبها قهر مال كبار صدمتني رغم عمرها صغير
انطاها ابرة شويه وكعدت كملنه من يم الدكتور وطلعنا واريج تمشي وياي اجت نور شالتها وباستها
نور : اريج يبعد روحي ليش تخوفين الماما عليج
رن تلفوني توا اريد اجاوب وكالت
ـ شبيها اريج شكالك الدكتور
ـ مابيها بس ماكله شي مأذي معدتها
اباوع للطفلة تباوعلي وتضحك فلك موطفله
نور : بس اني ما انطيها غير اكلها اليومي
تقربت يم اريج وكتلها
ديهم : يمكن الفصعونه ماكله شي بدون ماتدرين . صرت ادغدغ بيها وهيه تضحك اخذتها من نور وخليتها على چتافي وكتلها
ديهم : يلا عمو نرجع للبيت
اريج : اريد عصير عمو
ديهم : يبعد غيحي تدللين
نور تمشي ورانه .
رجعنا للبيت واريج لعبت فلك بالسيارة وبملابسي دمرتني عصير وچبس وبس تضكك سطرتني
نور : مشكور دَيهم لو ما انتَ ما اعرف جان شصار بيه
ديهم : شهل حجي نور احنا مابينه شكر
وصلتهن للبيت ونزلت نور اريج مو راضيه تنزل مسكت ايدي وتبوس بيه وتحجي
اريج : عمو انزل تعشه وياي
ديهم : عمو بعدين هسه مستعجل
اريج : لا لا عمو انزللل
شويه وتبچي
نور : اريج ماما عيب عمو عنده شغل
اباوع لـ اريج بجت كتلها
ديهم : عيفيها نور غاح انزل اتعشه لخاطرها
خذتها ونزلت للبيت و اريج ما سكتت بس تضحك من فرحتها
طبيت للبيت نور غاحت مدري وين اريج يمي تلعب بشواربي لعبت نفسي
ديهم : لا عمو الا شواربي تحبهن البلوة الخابصه كلبي
تضحك ومستمره تلعب كالت
اريج : بابا جوعانه .
دمعت عيوني حسيتها محرومه من حنان الاب ونوب خالها وجدها محد بقى الها
ديهم : عيديها اريج شكلتي
اريج : بااباا
اجت تركض ضمتني مسكت ايدي وكالت
اريج : امشي ناكل بابا امشيي
ديهم : حبيبتي اريج ماما جوه عيب من تجي خليها تصب النه عشه
شواي واجت نور كالت
نور : كوم دَيهم الاكل جاهز بالمطبخ
غحنه تعشينه واريج كاعده يمي حتى امها متريدها
نور : اريج تعودت عليك
ديهم : ما شاء الله عليها تسولف هواي
رن تلفوني ياقوتَ تتصل طلعت و جاوبتها
ياقوت : حبيبي وين انتَ؟
ديهم ; انا بالبيت اميـرتي
ياقوت : دَيهم گلبي يأذيني
ياربي هاي من تحس احساسها كارثة غيرتها غاح تموتها
ديهم : جُمارة گلبي
ياقوت : همم
ديهم : شبي گلبج يأذيج حبيبي اجي هسه اخذج ونطلع نفتر
ياقوت : هئ دَيهم مالي خلك
ديهم : تعشيتي
ياقوت : لا احس شي وقابض على روحي ميخليني اتنفس
ديهم ; طيب اجي اخذج اشوف شبيج؟
ياقوت : هئ
ديهم : والله حيرتيني يُبا
ياقوت : خايفه دَيهم
نطقت كلماتها والحسرة بصوتها
ديهم : من شنو يا امي
ياقوت : ما ادري اكو خوفة بگلبي مجاي تروح
ديهم : اغدي فدوه لخوف گلبج بنياتي لتخافين انا يمچ بعد يومين لعرسنه وهاي سوالفج ؟
سكتت رجعت كتلها
ديهم : يول بسـلا خايفه من ليلة عرسنه؟
ياقوت : هههه اكيد اخاف بس هذا خوفي مو سبب ليلة عرسنه
ديهم : حبيبي خليها ابالج حتى بليلتنه اذا مو مستعده ما ح اضغط عليج انا من اخذتج اريدج يمي تكونين قريبة مني وعيني متفاركچ مو كلشي بالشهوات وما اغصبج غصب الا بيومها
ياقوت : فدوه اروحلك يروحي
ديهم : بس انتِ هم ارحمينا جُماااره انتظرنا كل هاي السنين عوضيني تره استاهل تعوضيني
ياقوت : هههه كافي دَيهم
ديهم : احبچ واحب اسمچ واحب كلشي بيچ ويخصچ وينتمي الچ شمعتي احب عيونچ الوسيعة الحلوه الچتلتني بنضرها يول عيونچ قيّدتني وانا الـحُر
ضلت ساكته من تخجل متعرف شترد تكضيها توزع ابتسامات لو تتحمحم
ديهم : يلا حبيبي انا غايح شواي واخابرج بس اخلص شغلي
ياقوت : تمام دَيهمي بالك ع نفسك
سديتو والتفتت شفت نور واكفه تتسمع النه فزيت يمه هاي شبيها
نور : ياقوتَ
ديهم : اي صدك ماكتلج عقدنه بالمحكمه اليوم
نور : ها صدك والله
ملامح وجهها اتغيرت ولونها انخطف
ديهم : من الصبح عقدنه واتغدت يم اهلي وقبل شويه رجعتها لـ بيت اهلها من خابرتيني علمود اريج انا يمها چنت
نور : دَيهم تحبها
قاطعتنه اريج اجت اخذتني للصالة شواي و اجت نور جايبه الچاي
ـ هاك دَيهم
ـ ما اريد مشكوره
بالي يم ياقوتَ لأن جذبت عليها وكتلها بالبيت انا اعرف تحترگ بنار غيرتها اذا عرفت انا يم نور يارب كون تعدي الامور على خير اريد اغيح و اريج ماسكتني ماتقبل تعيفني بس تكمز فوكاي شواي اريج تعبت ونامت
ـ نور انتِ من هسه اعتبري نفسج انتِ واريج معزومات على عرسي وباجر ادزلج السايق مالتنه ياخذجن تشترن احتياجاتكم لا تبخلين على اريج بشي تمام
ـ ان شاء الله دَيهم
رجعت للبيت اهلي مخبوصين بالتجهيزات يحضرون بطاقات الدعوة ويشترون ملابس
ـ دَيهم وين ح تسوي عرسك بالبيت لو بالقاعة
ـ لعد ماضل براسي عقل اسوي عرسي بالقاعة ريماس : ديهوم بالقاعه احلى وارتب
ـ من يطلعلي كرون اسوي بالقاعة وكدام المصورين تستعرضن اشكالجن ومرررتي يممهه مرررتيي شلون ارضاها مصور يصورها غير انجلط عمي سدوو الموضوع بيتنه شحلاتو اسوي العرس بالبيت
ـ براحتك بس بعدين مو تكول ماكلولي
د جؤ ما اكول انا رايدو بالبيت
كعدت الصبح من النوم ياقوتَ حاركه تلفوني حرك بالاتصال خرب انه نسيت ما اتصلت عليها البارحة لا يا الله منو يخلصني من لسانها هسه اتصلت عليها كالت
ـ ها ديهوم صاير تجذب هواي
ـ حبيبي والقران تعبت البارحه كلش ومن اجيت بسرعه نمت ما ادري ع نفسي من التعب
ـ حبيبي دزيت لك صورة بدلة العرس والحنه شوفهن عجبني
شفتهن وعيوني صارن براسي من الصدمة
ديهم : حبيبي ذني بالغرفة استحي اخليج تلبسيهن مو كدام العالم نوب اصبري اسبح واجيج انا اختار
سبحت ورجعت احجي وياها
ـ حبيبي تحضري هسه جايج
ـ الله صدك دَيهم
ـ يبعدي شعندي غيرج
ـ لا تطول عفية ما الحك احجز صالون وبدلات
ـ دقايق تلكيني يمج .
بعد مدة وصلت بيتهم لكيتها تنتظرني بره لا هاي صدك متحمسه هل مره صعدت بالسيارة يمي وهمست الها
ديهم : هيج متلهفة تردين تصيرين يمي ما جنت ادري والله
كفختني على ايدي وكالت
ياقوت : انچب دَيهم والله ماكو وكت تخييييل باجر حنتي وانا اليوم يلا احجز
ديهم : عادي حبيبي كل تأخيرة بيها خيرة
غحنه انا وياها شافت بدلة كالت
ـ هاي هاي دَيهم
ـ جؤ ياقوتَ انا اختارلج
ـ لا حباب تبقى بنفسي
ـ اذا عليج تمشين وياي مصلخة
ـ اريدها اريدهاا دَيهم
ـ جؤ ياقوتَ هاي لا تستر ولا ادفي حتى **** ماتغطي .
باوعت الها زعلت
ديهم : لو مو بس تزعلين لو تضربين راسج بالحياطين ماتلبسين هيج
اختاريت الها ثنتين على ذوقي ومستورات وبالكوه اقتنعت رجعنه للبيت والخاتون ساكته
ـ جُماره گلبي
ـ ها
ـ تحجين عدل لو افرك حلكج
ـ من هسه صرت تتحكم بيه بعدك ما اخذتني
ـ ياقوتَ لا تجلطيني تره بس الگرن يخلي مرتو تلبس التريدو وتطلع جسمها وصدرها انا مو گرن اعذريني انتِ اخذتي رجال
سكتت ما حجت اتندمت لأن عليت صوتي عليها زعلتها وباجر حنتها اخخ دَيهم بس امسك لسانك
ديهم : بلوتي الحلوة
ياقوت : ههمم
ديهم : احـبچ يا غيح دَيهم
باوعت لي وحركت حواجبها بضوجه
ديهم : دلليني شويه لا تصيرين نحسه
نزلت الجام اشتم هوى
ـ الجو اليوم على گولة الحلوة جُماره يجنن
ـ شوكت كلت اني؟
ـ دائماً تكولين يجنن يجنننن
قلدتهن صوتها ضحكت كتلها
ـ لج بابه دضحكي مو عَليتي لگلبي عَـل
وصلنا البيت نزلت وياها
ـ وين دَيهم
ـ اريد ابقى يمج
ذ حبيبي عيب اهلي يشوفوك
ـ لچ يُبا العيب بالجيب تعاي .
اخذتها من ايدها بيتهم فارغ ماكو احد
ـ ديهم اكعد بديوانيه على ما ابدل واجي
ـ بس اطولين تلگيني بغرفتج
غاحت وانا غحت لديوانيتهم ماكو احد افتر بكيفي سمعت صوتها جايه ختلت الها وره الباب اول ما دخلت مالحكت تلتفت ومسكتها حجت بهمس
ياقوت : عزه بعينك دَيهم شدسوي
حضنتها ودفنت راسي بركبتها اشمها وهمست الها ديهم : شيصبرني منا لـ بعد باجر يـَ جُماره
ياقوت : وخرر دَيهم هسه يجي ابوي هو دائماً يكعد بالدوانيه
ـ كوه متحمل نفسي ما اصبر ياقوتَ ما اصبررر تحاول تشرد مني كالت
ـ حبااب لا هسه يجون والنبي
ـ جمرتي
ـ ها احجي بسرعة
ـ اعترفلچ …انا احبچ حيييل احبچ
ـ ادري دَيهم وحق الله ادري بس ابتعد فدوه هسه يجي احد
ـ اشعري بالحب نحّوي حبيني عليچ العباس
ضحكت وفضحتنا بالكوه سكتت ركزت بشفايفها شوي واموع بالكاع احبها وهيه تسولف ماتسكت بستها بشفايفها وهيه تسولف فزت وصاحت
ـ دَيهم عليك الله عوفني
ـ مخبل اعوفج
ـ ابويييي هسه يجي ويشوفنه
ـ بوسيني واعيفج
باستني بفهاوة كلتلها
ـ جؤ جُماره اريدنها حيييل بوسة بلهفة
باستني بقوة سرسحتني
ـ فدوا تغيحلچ نسوان ديرتنه يبعدي
ـ هسه عوفني يلا
ـ بوسي بعد مره واعيفج
ضليت مقيدها وره الباب ونتهامس وهيه بس تتوسل اعيفها دفنت راسي بركبتها اشمها
ياقوت : دَيهم بشررفك عوفني
انفتح باب الديوانيه دخل حڪيم
باوع علينا وشافنه ابتعدت منها وكتلو
ـ شلونك عمو
خزرنه اثنينه و ياقوتَ خجلت و طفرت من يمنه المصيبه عيني صلفة ما خجلت وليش اخجل غير مرتي ما جاوبني عافني ومشى فرطت ضحك رجعت ياقوتَ وراه وكالت
ـ دَيهههممم فضحتنااا
كرصتها من خدها وكتلها
ـ يغيح ديهمچ انتِ
ـ روح دَيهم ابوي ضاج منك
ـ تبوسيني واغيح
ـ دَيهمم ماتوب روح قبل ليجي ابوي
بستها غصب وطفرت من يمها ضلت تحجي وراي وتسب بيه
خابرتها وانا راجع
ياقوت : دَيهم صورلي الغرفة
ديهم : جؤ ميصير
ياقوت : ليش
ديهم : ماتشوفيها الا من اخذج عروسه لـ بيتنه
ياقوت : هئ دَيهم شوفني هسه
ديهم : ياقوتَ حبيبي لا تعاندين كتلج بعدين يمكن مسوي لج مفاجأة
ياقوت : همممم تمام .
وصلت البيت وكلت للسايق يغيح ياهذ نور وبنتها يشترن ليريدنه
طبيت للبيت خواتي وبنات كرايبنه تارسات البيت مشغلات الديجي ومشتعل الجو
ديهم : ولجنن يملكوفات شتسون
اباوع لرموسه بسرعة غيرت الاغنية عرفتهن جانن ينتظرني وخلت اغنية
:
وين دورها ولكاها
وجان صاحبها وخذاها
وجان عاشگها وخذاها
وجان صاحبها وخذاها
وجان عاشگها وخذاها
وجان رايدها وخذاها
الضكحة شكت حلكي
ديهم : رمووسه شهل فعاليات هاي تره كوه ماسك غيحي ما ركصت
ريماس ; اركص خويه اركص برد گلبك متت وما صارت لك
باوعت ريهام ماكو صعدت لغرفتي وعيفتهن يهوسن
ـ ياقوت ـ
ساعة 9 خابرني دَيهم
ديهم : ياقوتَ حبيبي سالم ينتظرج بره يوصلج للصالون لأن انا مشغول لازم ارتب وضعي
ياقوت : تمام حبيبي
ديهم : انزلي بسرعه لا تتأخرين
بسرعة نزلنه لأن اني متحضرة
سالم : شلونج خويه
ياقوت : تمام سالم انتَ توصلني؟
سالم : اي اصعدي
صعدت ووياه صاحبه صاعد ليگدام يسولفون ويضحكون خابرني خواتي
سلطانة : راح نلحكج اشهب راح يوصلنه دزيلنه عنوان الصالون
ياقوت : تمام منو راح يجي منجن
سلطانة : كلنا اجينه بس شيلاء متقبل تجي .
ههههههه حسوده وحقوده وغيرانه ومتريد تجي
اصلاً هيه حتى مافرحت من عرفت راح نزوج
طول الطريق دَيهم وياي ع الخط ونسولف ونضحك سده وراح لمحت صاحبة لـ سالم يباوعلي بالمراية
ما شال عينه ابد ابعدت انضاري عنه احاول ما اخليه يلمحني ومستمر يباوع ما نزل عينه صرت ارجف خفت منه سفط السيارة سالم
ـ ياقوتَ محتاجه شي اجيبلج وياي؟
ـ لا سالم بس استعجل مابقالي وقت للصالون
ـ بس اشتري ماي مسافة واجي .
نزل سالم وبقينه اني وهذا
يباوع ونضراته تخوف جسمي يتراجف خايفه منه ما ارتاحيت له ابد
احس عيونه بيهن حجي يريد يكول شي اجه سالم وكملنه طريقنه وهذا سلومي هم اثول ما ينتبه لو دَيهم جان هسه صايده من زمان ودافنه وصلني للصالون واجن خواتي وراي دخلنا للصالون اختاريت ميكب يناسب بدلتي هيه لونها احمر وكلها كرستال ناعم والدلعه على شكل مربع وملكية تجنن والتاج وياها كملت مكياجي وخابرت دَيهم
ـ صوريلي اشوف
ـ جؤ اريد تنصدم من جمالي
ـ يااا بويه انتِ من دون شي طرگاعه ونوب حمره ومدري شنو لا لا ما اتحمل اكثر يصعد عندي السكر من حلاتج
ردت اكله على صاحب سالم واتراجعت خفت يتعارك وياه ويموته ما ناقصنه واليوم مميز ما اريد اخرب كلشي
ديهم : حبيبي شو ساكته
ـ ماكو شي حبيبي
ديهم : ضامه عني شي ادري
ـ هئ ابد
ـ گلبي ينغزني احس تره!
ـ احساسك غلط
ـ اممم يلا حبيبي شواي واكون يمچ
ـ تمام حبيبي
سديت الخط و رحت البس بدلتي خواتي ساعدني بيها .
وكفت كدام المرايه احاسيسي كلها اتغيرت احساس غريب يدخل گلبي ودگاته صارت سريعة والابتسامة شاكه حلكي وام الصالون والعاملات يتأملني
ـ يمه جمالج عروستنه تخبلين تخبلييين بالاحمر . خواتي يباوعن لي صفح ماكو بكلبهن اي حب اليه وبوجوهن واضح الحسد كالت وحده من العاملات.
ـ اصبري اذكرت اغنية توصف جمالج خل اشغلها كلتلهن ام الصالون
ـ اي ونسوو عروستنه يا حضها اليوم محد كدها الكل يتمنى يكون بمكانها
شغلن اغنية :
من فوك رمش العين الغرة مياله
صلوا على النبي العروس غزاله
ومن فوك رمش العين الغرة مرفوعه
صلوا على النبي العروس مربوعه
مسكن ايدي العاملات وام الصالون وصارن يركصن وياي ويتمايلن بخصرهن واني الضحكة شاكه حلكي حبيتهن كلش لطيفات ويايه
رن تلفوني وكوه سمعته طفن السماعة وكالن
ـ اجه اجه المسعد ابن المسعدة
ياخذ بنت الغزلان مو بنت الـسادة
هوسهن بيها وضحكني
ديهم : حبيبي اجيت
ـ جاي انتظرك بالصالون
سد الخط سألتني العاملة
ـ اجه؟
ـ اي اجه
ـ. بدلن الاغنية بناااات
شغلن غنية تجنننن :
ـ وانا بين ايديك
تُهت فـ مكاني
وانسيت معاك
عمري وزماني
والوقت فات
وياك ثواني
قربني ليك سبني
اعيش احساسي بيك
واگفة انتظره يفتح الباب ويجي ياخذني شويه واوكع رجليه ترجف من الحماس واول مافتح الباب اجة هذا البارت من الاغنية
ـ بتحدى العالم كلو وانا وياك
وبقول للدنيا بحالها انُ انا بهواك
وانُ انت حبيبي وقلبي وروحي معاك
قربني ليك سبني اعيش احساسي هواك
اجه يمشي بأتجاهي والدمعه بطرف عينه بچيت قبله صار يمي باسني بجبهتي وباس ايدي بعدها وشايل ورد خلاه بين ايديه ورجع حضني ودموعه تصب يحاول يخفيهن وهوَ حاضني ويشاهگ
ـ انا عشقي ليك عشق القمر
للنجمة والليل والسهر
والشوق اليك فوق الخيال
واحتمال كل البشر
من يوم لُقااك حلوه الحياة
بتحدى العالم كلو وانا وياك
وبقول للدنيا بحالها ان انا بهواك
ان انت حبيبي وقلبي وروحي معاك
وهو بحضني مقيدني ضامني ويبچي اسمع العامله تكله
ـ لا تبچيها مكياجها ح يدمر
وهو متجاهل كلشي حسيته ذب تعبه كله بحضني
الاغنية مشتغله وي كل بارت احس يحجي عننه
ـ اتحدى بيك كل الوجود
وياك اكون او لا اكون
انا مش ح اعيش من غير هواك
انا قلبي عاشق للجنون
من يوم لُقااك حلوه الحياة
خلصت الاغنية وبچت العالم ويانه باوع بوجهي مسح دموعي وبعدها دموعه و تنهد وكال
ديهم : انا وانتِ مثل اللي يتعب وهوَ ينتظر يشوف ايامه الحلوة انا التعبان وانتِ ايامي الحلوة .
اخذني من ايدي والهلاهل ترگع فوكانه رموسه وخواتها كلهن بس ريهام ماكو والعاملات وياهن مطربات ع الواهس وكف بالباب وسحب الگبع اللي على راسي وغطى وجهي وايديه واخذ دنبوس من العامله خلاه بالگبع كبال صدري وغطاه كلش زين ضم جسمي ميريد احد يشوفني ورفع لي البدلة وحضني جوه ايديه خيَم عليّ مثل الـحُࢪ اليخاف على شاهينته وراسه يم راسي يسولف وياي ومتجاهل الدنيا بكبرها
وكلها تهوس حوالينه ويهلهلن رفعت راسي احاول اشوف الشارع شفت السيارات ما الهن حد ولد عمامه وخواله كلها جايه وياه همس بأذني
ديهم : ياقوتَ بغلاتي عندچ لا ترفعين راسچ .
رجعت دنكت راسي وكملنه طريقنه للسيارة واسمع بس صوت ضحكته يمي فتح باب السيارة وخله ايده على راسي حتى ما اتأذه صعدني واجه صعد بصفي واني كلشي ما اشوف غطاني تغطي حتى دربي ما شفته هو وصلني للسيارة .
توا اريد ارفع الگبع عن راسي صعد الجام مال السيارة وهيه مضلله واحنا صاعدين وره
ياقوت : حبيبي شو ورا صعدنه؟
ديهم : رجل خالتي يسوق اليوم انا اريد اگابل عيونچ الـ هيمان بيها .
اجه رجل خالته وخالته هم اجت صعدت كال
ديهم : هاي خالتي لحجيتلج عنها شوفي شوفي شسمنها غاح تخسف السيارة
موتني ضحك صعدو وهو مسك ايدي وبس يضحك ما سكت وكل شويه يعدل بشواربه ويكول
ـ اخذج واكسر خشم كل واحد كال متاخذها واكسر عيون المارضو هل حلوه صارت مالتي .
اني بس استحي يربي شجاني
ـ اليوم الخجل فوول علكيفج بابا اليوم الحنة مو العرس .
واحنا بالطريق خالته سبورتيه شغلت اغنية وصارت تصفك وتطك اصبع وتهلهل كالت
ـ شو بس اطگلج صوره وخري الگبع
دَيهم : لا خاله فدوه لا تكشفين وجهها نوصل واخذي الها براحتج
بالكوه قبل اخذت لي صوره وحده وضل يدردم ويستغفر وي روحه وصلنه بيت اهلي ونزلني ضامني جوه ايده خايف احد يلمحني ولد عمامه وخواله يهوسون ورانه
دخلنه كعدنه ع الكوشه شواي وخواته وامه وخالاته جابن الحنه والحلقات
وكفنه نلبس الحلقات اخذ الحلقه وايده ترجف مسك ايدي والرجفة ما فاركتنه لبسني الحلقة واجه دوري لبسته وحضني كدامهن همس بأذني
ديهم : هاي اللحضة صح تأخرت بس اوعدج اعوضچ عنها .
صاحن يهوسن وفززنه
ـ حنيها ولك حنيها
وصل الحنه لحجول رجليها
حنيها ولك حنيها
وصل الحنه لحجول رجليها
اباوعله ايده ترجف اخذ الحنه وفتح چف ايدي ماسك ايدي وايدينه ترجف خله الحنه بچف ايدي ورموسه انطته كلينس مسح اصابعه مد ايده لـ جيبه طلع ورقة ام المليون وخلاها بأيدي الحبايب عاااطن بعلو صوتهن
:
حنيها ولك حنيها
وصل الحنه لحجول رجليها
انطنه الورده شدها على ايدي .
بالكوه شدها ايده ترجف يروحي فدوه اروحله ابوس الرجفة اني والله .
صار الليل و صاحوله ولد عمامه واشهب وياهم
نوار ماكو هو حلف من اتزوج ما يحضر عرسي عرفته طلع وابوي هم طالع لأن احنا عدنه
ميصير ابو البنت يحضر بيوم حنتها او عرسها بقيت ويا خواته وكرايبه ترسو البيت ترس ويركصن ويتمايلن كبالي شيلاء كاعده وملامح وجهه ماتتفسر مليانه حقد وشر وامي مو مهتمه يعني شي عادي حتى دمعتها مانزلت اصلاً هيه جانت بس تريد تخلص وخواتي ركصن شويه وكعدن مو من كل كلوبتهن الحقد والحسد مسيطر عليهن وچناين امي ما قصرن ردحن من كلوبتهن اخذنه صور لما شبعنا شواي واجه اشهب سلم عليّ وكال
اشهب : شلونها اختي الحلوة
ـ بخير شهوبي
اشهب : باجر تفارگينه والله صعبه
ـ اجيكم ما اگطع شعندي غيرك ياخوي
كعد يمي سولفنه هواي خلصت الحنه وكلمن راح لبيته واني رحت سبحت وبدلت ومشطت وحجزت موعد اكرلك لأضافري باجر و شيلاء احجي وياها بس مو مثل قبل ماكو ميانه بينه …
اليوم الثاني من الصبح تلفوني يرن ديهم يتصل
ـ ها ديهوم
ـ عروستي الحلوة نايمه
ـ همم
ـ فدوه غحت لهل ملاك النايم كومي بويه دزيت لج سالم ياخذج للصالون
ـ مابيها مجال شوي انام
ـ جؤ حبيبي ماضل وكت ساعة 8 ونص ماتلحكين
ـ طيب وليش سالم؟ اريدك انتِ توصلني
ـ حبيبي وراي عرس وحاجز موعد يم الحلاق ساعتين ما تفض تردين اطلع اخرع كدام الاوادم
ـ عفيه لا تطلع حلو
ـ ليش بويه
ـ اغار ديهومي
ـ هسه اذب غيحي من الطابق السادس من الفررررحة احبچججج من تغارين عليّ جعل محد غيررك يغار .
اجه سالم واخذني وهم صاحبه وياه استغفر الله هذا شجاه وهم بس يباوع صرت اكل بأضافري وشفايفي من التوتر والخوف ما اريد احد يباوعلي غير دَيهمي حتى نضراته تحسسني بالامان غير عنهم وصلني ونزلت للصالون وخواتي هم لحكني كملت ميكبي واضافري خابرني دَيهم
ـ كملت اميـࢪتي ؟
ـ هئ بعد بس جوعانه ديهوم
ـ يخسى الجوع هسه ادزلج اكل
شواي واجه الاكل اتغديت اني وخواتي
العاملات وام الصالون متحمسات اكثر مني شواي واجت ريماس خلت ميكب واتحضرت وتهوس وتكمز وتركص ما مصدكه عبالك هيه راح تتزوج مو اخوها واني كاعده اضحك عليها واصور بيها كالت العامله
ـ البسي بدلتج حتى نسوي لج التسريحة .
رحت البسها ولحكتني ريماس و رغد ساعدني لبستها واجيت كدام المرايه للمره الثانيه احس بنفس الاحساس گلبي يريد يطلع من صدري اسحب نفس وارجع ازفره اهدي ياقوتَ اهدييي مو حلم هذا حقيقة راح تاخذين التمناه كلبج وحبه
دمعت عيوني واني اتأمل شكلي بفستاني الابيض الي كل بنية تحلم تلبسه ويا الشخص اليختاره كلبها وطبعاً لازم يكون الشخص الصح مو اي شخص الاختيار مهم .
كملت تسريحة شعري ورموسه تكمز فوكاي ما سكتت من فرحتها شواي واتصل دَيهم
ديهم : بلوتي الحلوة جاهزه؟
ججيت والخجل بصوتي
ـ اي وين انت؟
ريماس : ها ها خجلانه خجلانه باع العياااره
ديهم : جايين بالطريق دقايق ونوصل البسي الگبع وغطي جسمج بويه لا تمرمرين گلبي
ـ لا دَيهمي بدون گبع احلى
ـ لا ياقوتَ لااا حرام وحق الله حرام اخاف عليج من عقاب الله ماتفهمين
ـ تمام صار
ـ اغيح فدوه لـ مريتي الـ تسمع الكلام يلا بويه البسي وغطي نفسج دقايق واكون يمج
شواي ورجع اتصل كال
ـ ياقوتَ بلغيهن ما اريد صوت اخذج ونطلع بسرعه وشيريد يسون خل يسون بالزفه لأن كلش ماكو وكت اريدچ بحضني بسرعة
يحجي ويضحك
ياقوت : بنات لمن غراضجن وع سياراتجن كبل دَيهم ميريد يتأخر
ـ شكو مستعجل اليوم للصبح مينام هههههههههه لبست الگبع وغطيت جسمي كله حتى ايديه وسمعتهم كالو
ـ اجت زفةة العروسه اجتتت
جسمي يرجف عبالك اول مره راح اشوفه
وكفت كدام الباب انتظره فتح الباب وراسي بالكاع شفت بس حذائه والجكليت ينطش فوكانه والهلاهل ترگع رفع راسي بأصبع الابهام شفته وفز كلبي من كشخته لابس رسمي واسود يمممةةة شويه ويغمى عليّ من جماله باسني بجبهتي والضحكة شاگه حلكه مسك ايدي بقوه ورفع بدلتي ياخذني
وبوسط هاي الهوسة كلها مشغول بيه وهمس سمعت بس صوته وهوَ يكول
ديهم : بهداوه لا تعثرين بويه انتبهي وصلنه السيارة
صعدنه ليوره قرب باسني بجبهتي و احتضن وجهي بأيديه وحجه بخفوت
ـ ما مصدك صرتي اليه انا بحلم والله
نزلت دمعته حضني اجه رجل خالته وخالته هم كاللها ديهم : ها خاله شنو رائيج تنامين ويانه اليوم
ـ هههههه ديهوم انتِ اخر العنقود مو بس امشيلك اكسرلك السيراميك هم
همس وكال
ديهم : استلم استغفر الله ياربي
مشينه والزفه ورانه والهورنات والهلاهل والناس تهوس من السيارات وصلنه بيت اهلي وهوَ ضامني بحضنه قبل لا ينزلوني كال
ـ اذبحج اذا تنزل دمعتج من نطلع منا
ـ اهلي دَيهم
ـ اش كافي انا اعرف شلون اسكتج
نزلني يم اهلي اوعدهم ودعتهم و شيلاء صارت تبچي وامي وراها بچت اجت امي وبأيدها قران انطته الي وضمتني
ابابيل : الف مبارك يمه ياقوتَ تتهنين يارب
بچيت من كل كلبي لان اول مره تحضني واحس بحنانها اجت شيلاء بعدها هم حضنتني وبچت شيلاء : مكانج راح يبقى فارغ ياقوتَ راح اشتاگلج هوااااي
كتلها واني اناشغ
ـ ماتجين بالزفه وياي؟
ـ بلي اجي رجعت
حضنتني ونسيت كلشي صار بيناتنه بهاي اللحضة وهالمرة صدك بچيت على فراگ اهلي رغم جانو كلش مو زينين ويايه ودعت الچناين بچينه كلنه حتى اهل دَيهم ويانه
اجه دَيهم ياخذني وبيدة باقة ورد بأيده خلاها بأيدي صار القران والورد بيدي رجع باسني بخدي واهله وكرايبه واصدقائه صارو يهوسون ويكولون
ـ اخذنا شمعة بيتكم خلوو الفلوس تفيدكم
واخذنا شمعة بيتكم خلوو الفلوس تفيدكم
وهلهلوله هلهلوله يا اسلام الله اندعوله
وهلهلوله هلهلوله يا اسلام الله اندعوله
واسمر ويخبل كل القوط تلوگ عليه
اسمر ويخبل كل القوط تلوگ عليه
طلعني من بيت اهلي و مخيمّ ومسوي فياي عليّ بذراعة احس ضامني من عيون الناس خايف عليّ من نسمة الهوى لبسوة عباية الدواوين لفني بيها ويمشي وياي وصلنه السيارة خله ايده على راسي لا اتأذة صعدني واجه صعد يمي وهاي خالته ما سكتت بس تهلهل وتغني وتصفگ مشينه من بيت اهلي وصوت الرمي صار ورانه ولعوها كرايبه وبقوو يرمون لحد ما طلعنه من ديرتنه واني ما سكتت بس ابچي على اهلي وفراگهم احس صعب عليه
ـ ياقوتَ بويه استقبلج بورود وتستقبليني بدمع كافي بغلاتي عندج .
صار يمسح بدموعي واني اناشغ يباوع بوجهي ويسكت بيه مسك ايدي باسها وكال
ديهم : ما اخليچ تحسين بغيابهم وغلات عيونچ الماكو اعز منهن كافي بويه لخاطري لا تبچين
بالكوه سكتت ضل يضحك بيه ويتشاقه ونساني اهلي وطوايفهم هم
خالته ماسكتت شافت عيوني حمر كالت
ـ اضحكي بنيتي اضحكي دَيهم بصفج وتبجين هذا الشهم محد يحصلو عافهن واختارج
ضلت تهلهل وشغلت اغنية
فزت بيج فزت بيج الا بيتي اخليج
ويا غنوة اغنيج واغنيج
وعلى حبي اهنيج واسندنچ واباريچ
واسهرلچ واناغيچ واناغيچ
باوعت لـ دَيهم غمزلي ويضحك مسك ايدي يحاول يفرحني صار يتمايل ويا الاغنية ويضحك ويكول
ـ يلا وياي وياي
صار يغني ويا الاغنية
ديهم :
وعساچ بخير يهواي والله يديمچ وياي
يا تالي تعبي ورباي وربااي
ويلي يشاركني بالراي
احتاجج انا هواي
عازة ورده للماي للماي
وفزت بيج فزت بيج
الا بيتي اخليج ويا غنوة واغنيج واغنيج
اباوع الديهم فرحاان شويه ويطير حجه بصوت عالي
ديهم :
الزلمه على اليحبها يعارچ ويطگ
وياخذ رادته ويفوز بيها
وخذتها ومن خذتها الله ع الاحساس
احس بس هيه يمي وخلصووو الناس
طكيناها بضحكه سوه كرصني من خدي ورجع كال
ـ اوو نسيت المكياج لا اخربه
وصلنه بيتنا والهوسات مستمره
نزلني وطبينه جوه و خواته صارن يهوسن
ـ واحنا خوات العريس اليوم نلعب جوله
ـ واخونه خوش اخو يستاهل الهوسه
كررنها هواي ورجعو جماعته يهوسون
ـ ديهومي ماخذ رادته وعايف بنات ولايته
ـ ديهومي ماخذ رايته وعايف بنات ولايته
اباوعبه الضحكه شاكه حلكه وهو يباوع لي ونضراته تكول ما مصدك صرتي الي
طلعو بره كل الزلم وحتى دَيهم اخذووه وياهم
يمه رجلي وين اخذووه اجت رموسه وكومتني من الكوشه تركص وياي وبنات كرايبهم كلهن يباوعنلي بيهن المتفاجأت وبيهن الفرحانات وبيهن الحاقدات وبيهن الحاسدات وبيهن الخبث واضح بعيونهن الف عين وعين عليّ شاورت رموسه وكتلها
ياقوت : رموسه شغلي اغنية ساجدة عبيد
من فدوه لـ زلمتي .
شغلتها وكابلتني وخواته وبنات عمه وخاله مسكن اطراف بدلتي ويدورن حواليه ويغنن وياها واني انطربت ويا الاغنية وصرت ارد وياها
ياقوت :
من فدوا لـ زلمتي العايشة بجاله
يحبني وماكو وحده غيري تحلاله
حقي هوايه احبه اعرفه يحبني كلبه
حبايب هلهلولي حبايب صفگولي
واهله تقدمولي ونيشان جابولي
عندي بكل فخر بحييبي اتباها
قصتنا بعرس وبحب ختمناها
دخل دَيهم وعيونه صارت عليه وانطرب وياي اجاني يطگ يصبغ ويغني وياي
ديهم :
اليوم الجو اشعله واسوي احلى حفلة
حبايب هلهلولي حبايب صفگولي
صار يمي وهو يضحك حضن خصري كدام الكل همس بأذني وكال
ديهم : كافي اخاف عليچ من عيون الناس
ياقوت : قصدك من عيون الحياية؟
ديهم : تغيحلج فدوا كل وحده حيه اقهريهن اكسري عليهن شوفيهن مرت دَيهم منو علميهن دَيهم منو اخذ اخذ اميرتهن و شيختهن واترف وحده بسلفهن اباوعلهم شويه ويدفنونه نضراتهم غريبة
ريماس : اصبرو اطلعلكم اغنية
شاورها دَيهم ورجع يمي مسك خصري وراسه مثبت براسي وبس يتبوسم واشتغلت اغنية وهوه يغني وياها
ديهم :
عيون الناس تحسد كل حبيبن
يردون ابتعد عنك واعوفك
واذا انتَ جرح ماريدك تطيب
اروف بصفك ولا ما اروفك
من احضنك احضن الدنيا بديه
حبيبي وغاليه عيونك عليه
بسرعه الوكت صاير يخلص وياك
الهوى انت واذا رحت اختنگنه
واذا طلعت شمس فوت انت للبيت
لأن شمسين معناها احتركنه
شالني كدامهن حاضني ويفر بيه شويه وابچي وبالكوه سكتني لمحت نور وبنتها موجودات بالعرس شويه وانجلط
ـ دَيهم نور شتسوي هنا؟
ـ انا عزمتها
ـ لييييش؟
ـ حبيبي عيب هيه مو زين من عدها ما سجنتني ابوها واخوها ماتو من وراي خلاص سدي الموضوع ابوس ايدج اليوم ما اريد نتعارك او اغثج بحجايه
رجع شاور رموسه واجه شغلت اغنية الثانيه بس هالمره بالي طفر بعيد مو يم دَيهم عيني ع العوبه نور
ـ صبلي من ايدك ماي ورد
عطرك يخليني انسعد
دَيهم يغنيها ويتمايل كدامي ويتمضحك يريد يضحكني كوه صار يغني ويا الاغنية ويأشر عليه
ـ اه واه من ايدي كل البلا من ايدي
من صافحتها اتكهربت واتسرب لوريدي
طگيتها بضحكه ما تحملت لأن حركاته تجنن وحافظ الاغنية هم ضل يغني
يا اهل الهوى خبروني
شفتوا ورد يطلب ورد؟
اه واه من راسي
كل البلا من راسي
سلمها من اول يوم
كل مفاتيح احساسي
يغني و يطگ اصبع قرب باسني وكمل
دايخ ويفكر بيها
ويكول ماعندي قصد
صبلي من ايدك
ماي ورد عطرك يخليني انسعد
الك سلطة على گلبي والك بس
الك ملك مسك خدك والك باس
ولك بس ولك اهدأ ولك كافي
ولك بس يا ورد الورود
اجرحت اديه ياورد اجرحت اديه
وصبلي من ايدك ماي ورد
يغنيها ويضحك سرسحت عليه شويه واكتله وبنات كرايبه يباوعوله متتت من غيرتي
رحنه للمصور ناخذ صور كال المصور
ـ تبقين بالگبع لو تنزعي
ديهم : لااا ما تنزعوو تبقى بي
ياقوت : دَيهم الصوره تطله مو حلوه!
ـ ياقووتت اغاااار ارحمينيييي
ـ اوك اهدأ حبيبي لا تعصب
ـ خليه على راسچ بغلاتي عندچ
ـ هاهيه خلاص موافقة
غمز لي فرحان اخذنه صور وكملنه كال المصور
ـ وهسه صوره للعروس وحدها
دَيهم : وووليش وحدها؟
المصور : هو هيج لازم تعال اوكف يمي وانتِ المصور اضحكي
اباوع لـ دَيهم خازرني ويأشرلي بمعنى لا
ويأشرلي بأصبعه على ركبته بمعنى اذبحج خفت منه ما ضحكت والمصور ينتظرني اضحك
المصور : باوعي لـ زوجج
باوعتله وكال
المصور : ضحكها ضحكها
سوالي حركة غمض عيونه الاثنين وكزكز عليه وبعدها غمزلي وضحك ضحكت وطگلي صوره المصور اجه دَيهم كال
ـ يلا بويه بسرعه اريد اطلع المهر من خشمج اليوم باوعتله شويه وابچي
ديهم : اسف والعباس اشاقة
اخذني ورجعنه لـ بيتنا والهوسه بعدها والاغاني تردح خلاني يم الحبايب وراح ع الزلم بس يطفر ما يكعد شواي واجو شايلينه على اجتافهم وهو نازع السترة ويتمايل ويهوسون
ـ وجان صاحبها وخذاها
ـ وجان عاشگها وخذاها
ـ وجان صاحبها وخذاها
نزلوه يمي وكملو هوسوو
رغد : حبها ولك حبها ولا تخاف من امها
ـ حبها ولك حبها ولا تخاف من امها
تقرب لخدي وباسني والضحكه شاكه حلكه
ـ زفينا الجان مسربت
ـ مايلفي اله بنص الليل
ـ وزفينا الجان مسربت
ـ ما يلفي اله بنص الليل
كملو على هل موال
ـ واخونه خوش اخو يستاهل الهوسه
ـ واخونه خوش اخو يستاهل الهوسه
اجاني صوت شيلاء وخواتي وهنه يهوسن ويبچن
:ـ
ـ جبنالك ورده اشم بيها بس كون الورده اداريها
ـ جبنالك ورده اشم بيها بس كون الورده اداريها .
ام بلال : وعيون الغزالة عيون جنتنه
صلوا على النبي والصيده صيدتنه
زفونه للغرفة دخلنه واحس گلبي يريد يطلع من صدري لحضة مليانة خوف وحب بنفس الوقت
ما اعرف شلون اعبر بس لحضة كلش غريبة حتى الدم بجسمي ماعاد يعرف مجراه اباوع لـ دَيهم سد الباب والتفت واني مغطيه وجهي بالگبع صار يمي رفع الگبع عن راسي وفتح الخيط مالته ونزعه الي شمره ع الجربايه هذوله برا شو النوب رجعوو يهوسون ويكولون
ـ اتونس خويه اتونس سد البردة وسد الباب
اتونس خويه اتونس سد البردة وسد الباب
سالم : اليوم يومك يا بطل العب لعب ع الجربايه
اليوم يومك يا بطل العب لعب ع الجربايه
ياقوت : هههههههه
ديهم : هههه مخابيل ما يسكتون بعد خطيه خلصت كلوبتهم ما صدكوو اعرس
ـ جبنالك برنو ماملعوب بسرگيها
ـ جبنالك برنو ماملعوب بسرگيها
دَيهم سمعهم فار دمه بسرعه اتصل بـ سالم
ديهم : تسكتهم لا اطلع اشرب من دمهم وحق الله كلنه هوسوو بس مو هيج هوسات طايح حضها ضرب الباب بقووه وصاح
ديهم : كاااااافييي سكتووو
اجه يمي تنهد وكال
ـ اعذريني حبيبي عصبت بوجهج انا اسف
ـ عادي دَيهم
ـ وين اللهفة شو ماكو لحضة ادورها
صار يدور جو الجربايه ضحكت وكتله
ياقوت : دَيهم البدله ضوجتني نزع السترة وشمرها ع الجربايه غمزلي وهوه يكول
ديهم : انزعج
ياقوت : لااااا اني انزع
ديهم : يلا ح اكعد ودبري غيحج
نزع حذائه باوعلي وكال
ديهم : شبيج صافنه نزعي غيحج يلا
ياقوت : اطلع بره
ديهم : تحجين صدك؟
ياقوت : والله
ديهم : هو هذا اليتزوج طفلة اخخ
يدردم ويفتح بأزرار قميصة ما كملهن باوعلي يضحك واجه يمي قرب مني انفاسه صارت تلفح بوجهي ايديه حاوطت خصري يحاول يفتح القيطان مال البدله رن تلفوني
ديهم : يا طلابه الماتخلص
خابر على شيلاء اجت اخذت تلفوني وكللها
ديهم : اخذي وياج لبيتكم لا تخلي بيتنا
ياقوت : لا دَيهم تلفوني اريده
ديهم : اششش ولا حرف انا اجيبوو الج بوقت ثاني رجع يمي تقرب مني كلش ايديه حاوطت يفتح بقيطان البدله من الخصر عاگداتها هواي خواته
ديهم : البرابيك يريدن يتعبني بس ميعرفن دَيهم نچر جاب الجداحه واجه حرگه ونگطع وصار يفتح بالقيطان بهدوء ومركز بعيوني والفرح واضح بعيونه فتح القيطان وكمل همس
ديهم : شو انداري اميـࢪتي
انداريت نزعني الردن باسني بچتفي وباسني برگبتي شال البدله وشمرها على صفحة
ياقوت : دَيهم التسريحة راسي يأذيني
كعدني ع جربايه وكعد يمي انطيته ضهري وهو صار يسحب بالماشات من شعري يفتح بالتسريحة
رن تلفونه سواله ميوت
ياقوت : منو يتصل
ـ يولون حبيبي الليلة ما اريد افاركچ
حسيت بيها نور تتصل بس ما لحيت وياه شواي واجاه مسج فتحه و تعابير وجهه كلها تغيرت
ـ دَيهم اكو شي؟
ـ ها لا حبيبي ماكو تعاي افتح لج التسريحة
حسيته ابد مو طبيعي بي شي ساعة ما كملنه التسريحة
ـ ياا بووويه تعبت وما فكيت شعرج جيبيلي ماي
ـ هئ
الحمام بنفس الغرفة رحت اسبح
ـ بس اتوازه اطفر عليچ تره
ـ وحق الله اغرگك بالبانيو
سمعت صوته يضحك واني رايحه طبيت للحمام وقفلت الباب هذا يخوف اخاف منه يسويها اسمعه يغني ويدندن شواي واجه يم الباب
ديهم : جُماره هاي ملابسج خليتها الج يم الباب
ـ تمام روح
ديهم : لا غاح ابقى بس تطلعين اصيدج
ـ بشرفك لاا
اسمع ضحكته وهو رايح واني اسبح والشامبو مغطي عيوني سمعت قفل الباب وكع وهو يحاول يفتح باب الحمام بسرعة غسلت وجهي نخرعت من شفته يمي اريد اصيح سد حلگي بأيده وهمس
ديهم : بعدهم هنا يسمعونه .
حجه وهو مركز بعيوني وكال
ديهم : بس تعلين صوتج يضنون دنسوي شي اكبر . ضليت صافنه بي ماحجيت وخر ايده عن حلگي حجيت بخفوت وگتله
ياقوت : دَيهم ماتستحي انتَ
ديهم : غير مرتي والله طلابه هاي
خله شامبو على راسه يسبح والجو شتاء وبارد واني ارجف وهو جسمه حار يلهب
ـ شنو انتَ ضد البرد
غسل وجهه من الشامبو والدوش يصب فوكانه قرب مني احتضن وجهي بأيديه وكال
ـ بس يمچ اشتعل
اخذ شفايفي بين شفايفه يبوسني ذبت حتى عيوني طفن والرجفة احتلت جسمي وهو شعره منه ماتنهز ثابت مثل الجبل ومقيدني حسيت بشفايفه تنزل على ركبتي يمرر لسانه احس بنعومه كزبر جلدي وهو يكرر ويطبع بوساته بشراسة على ركبتي اندگ باب الغرفة وفز دَيهم
ديهم : حتى بغرفتي لحكتوني من خرب حضك دَيهم ريماس : دَيهوووم جبتلكم العشه
ديهم : خليه يم الباب
ـ لااا ديهم يبررد افتح الباب بسرعه يلااااا
ـ يارب صبرررني اليوم يمكن للصبح ما ح ندبرها بسببهم ههههههه
عافني وراح يلبس ملابسه وطلع عليها اخذ العشه وصاح من وره الباب وكال
ديهم : شمعتي بسرعه كملي حتى تتعشين وراچ حرب .
رحت للباب ركض قفلته
ياقوت : السااااقط ما اثق بيك بعد
ديهم : ههههههههه
كملت ولبست ملابسي ولفيت شعري بالمنشفة طلعت لكيته كاعد ينتظرني كعدت يمه توا نريد ناكل اندگ الباب.
دَيهم : باب الكاظم صار ياهو الي يجي يتبارك بي . كام يفتحه اجت خالته وكعدت ويانه ع العشه وصارت تسولف ماسكتت
ـ اتعشو يمه اتعشو واسبحو سوه ونامو سوه
عود تعلمنه عبالها منعرف دَيهم حصرته الضحكه يباوعلي ويغمز كاللها
ديهم ; اي خالة صار
صاحوله اخوانه بره ولحكتهم خالته رحت يم الباب اتسمع عليهم
بلال : خاله ترا دَيهم كلشي ميعرف غاح يفضحنه سالم ; فوكاها البنيه غريبه يبوووويي
خالتهم : عمت عينوو چان صدك ما يعرف امداااك دَيهم امداااااك ح تفضحنه
دَيهم بس يضحك عافهم واجه لكاني وره الباب
ديهم : اضحكي جعل محد غيرج يضحك
اخذني من ايدي رحنه نتعشه يوكل بيه ويحجي ما يسكت
ـ اكلي اكلي حبيبي
اليوم يومك يـ دَيهم العب جوله .
كوه بلعت اللكمه صرت ارجف كملنه عشه وهو كاتم ضحكته باوعت له خله ايده على حلكه عود يمسح بشواربه اني عرفته جذاب يخفي ضحكته حتى لا اشوفها يدري بيه خايفه كعدت ع جربايه وهو راح يدور بالجرارات شويه واجه كعد يمي شايل علبه صغيره فتحها وطلع گلاده لونها فضي وبيها كرستال صغار تجنن
ـ تعاي ابوي انتِ
تربعت كباله رفع شعري ولبسها اليه
ـ تجننن دَيهم
ـ انتِ حَليتيها
صفن بعيوني و رجع حجه وكال
ديهم : سولفيلي ، الليلة يمچ
الليلة احط رجلي على رجلج
وكوة اطيحن وسط حضنچ
الليلة ما اريد الگمر يضوي بغرفتي
الليلة مضوية بحُمرتچ
وجيبي شفتچ
طبعي بروحي اماكن
ارد اصيرن كُلي منچ
وارد اكلچ كلمة وحدة
يا سند روحي وضواية
ويا شمعتي ويبعد اهلي وضحكتي
انا احبچ
باسني بشفتي وهمس
ديهم : حبيني انا استاهل تحبيني جُماره .
ركز بعيوني شويه وكال
ديهم : جُمارة شنو هاي عيونج طالعات يشگن شگ والعباس
ياقوت : حلوات؟
ديهم : سحلن شواربي سحل .
كال كلامه وتقرب مني يطبع بوساته بشفتي
رايحة بعالم ثاني ذبت ذبت اخذني بين ايديه ومددني ع جربايه واتمدد بصفي يبوس بيه بخفة وانفاسه دافيه ويمسد بشعري صار يطبع بوساته بركبتي اثر شفايفه دافي وانفاسه شي ثاني مينوصف حسيت بأيده نزلت على خصري يسحب فستان النوم اللابسته شويه واموع بين ايديه مرر ايده على خصري وشده شويه بقوة وكمل يمرر اصابعه على كل جسمي وصل صدري والرجفة احتلتني شفايفه لمست اذني وهمس والدفو بصوته
ديهم : لا ترجفين ما اتعبچ وغلاتج بوسط عيني اضمچ .
احس شي حار ينزل بين رجليه
ياقوت : دَيهم هذا شنو
ديهم : شنو
ياقوت : وووخر
ديهم : عزه بعينك ديييهمم
ياقوت : نزلت عليه
ضرب على گصته وكال
ديهم : عززززه بعينك دييييهم بس هاي جانت ناقصه وكملت .
اني شويه وابچي ابتعد مني ولبس ملابسه
ديهم : كومي بويه بدلي البسي شي يدفيج ورتبي وضعج وتعاي انام اشبع نوم دَيهم اسبوع ضل نايم لمن ربك يفرجها
حسيته ضاج واني صافنه عليه شلون يحجي
سكت شويه يشرب بجكارته واني اتجمدت بمكاني خجلت منه اسمعه يستغفر
ديهم : استغفر الله العظيم واتوب اليه
اجه يمي وكال
ـ بابا لا تستحين مني انا صرت زوجج كلشي اختلف عادي تصير هيج شغلات من الخوف وانتِ چنتي خايفه ومتوتره انا فاهمج كومي بنيتي كومي بابا . رحت بدلت ورجعت يمه لگيته يتصفح ع تلفون كعدت يمه ساكته ومصدومه من الصار وياي طفى التلفون باوهلي ابتسم وكال
ديهم : تعاي
رحتله كعدت بحضنه وضل يحجي وياي
ـ انطيني ايدج
ـ هاك
فتح چف ايدي ومسك اصبعي وضل يحجي
ـ هاي العجانه وهاي الخبازه وهاي الملايه وهاي المشايه دغ دغ دغ دغ .
صار يدغدغ بيه موتني
ياقوت : هههههههه لا حبااااب ههههه ديهه هههههه لاا ماكدر كافي يول كافي .
عدل شواربه وكال
ـ ليش الذيب بالليل مينام؟
ـ ليش؟
ـ لأن يدور عضام وانا الذيب وانتِ الفريسة مالتي عضني من ايدي كفخته ورجع كفخني
ياقوت : لا لتصير چلب
ديهم : بتت المطي منو الچلب ها ابوچ الچلب
شال المخده وصار يضرب بيه بيها ضوجني وصرت اضرب بي بالمخده شككنه المخدات والريش ترس الغرفة
ـ هيج احسنلج نامي بدون مخده يلا
ـ هئ انام بحضنك
ـ جؤ انا انام بحضنج اليوم
باوعت للغرفة فارش الكاع كلها ورود وشموع والبالونات بالسگف تخبل لونها احمر
ـ دَيهمي
ـ عيون دَيهمج
ـ ضجت؟
ـ افا اضوج وانتِ يمي؟ اليوم اسعد انا اسعد انسان بالدنيا ومحد گدي
ياقوت : واني هم والله
ديهم : انتِ شنو؟ كملي ياقوتَ كملي
ياقوت : اني اسعد انسانه بالدنيا وفرحتي هاي ما اتمنى انطيها لـ احد ابداً يا حضي صرت من نصيبي . احجي وهو مركز بيه يلعب بشفايفي بأصابعه
ديهم : احس انا بحلم ما مصدك ياقوتَ والله ما مصدك انتِ الي وانا وانتِ بيت واحد اسمع انفاسج واتأملج انتِ وغافية واتسمع لسوالفج وابوس ضحكتج كل ما ضحكتي وكل ما اشتاگلج الكاج يمي ما اصدك صرتي يمي و بحضني تذكرين شكتلج ياقوته
ياقوت : همم
ديهم : كتلج اخذج غصب ع اليرضى والما يرضى يول گد الوعد رجالج
مسكت شاربه وعدلته وكتله
ياقوت : والنععممم
ضحك ودفن راسه بركبتي يشمني نزع قميصه واتمدد اخذني نمت على صدره ويحجي وياي
ديهم : جُماره
ياقوت : روحها
ديهم : حبيني
بسته بخده كال
ديهم : لا جُماره مو هنا
بسته بشفته وكتله
ياقوت : هنا كال
ديهم : اي هنا بردي اعصابي
سكت شويه ورجع حجه
ـ شعملتي بحالي ياقوتَ هذا انا محد گدرلي وانتِ بس عيونچ سحلت گليبي سحل حبچ جابني من الغربية لـ سامراء حتى بس اسمع كلمة منج تردلي غيحي انتِ سودنتيني ياقوتَ بعت اهلي وناسي وعشيرتي والديره كلها حتى اشتريچ انتِ ربح عمري ما يهمني شما خسرت المهم ربحت بيج بالاخير
ماتحلى بعيني بنية غيرچ وارجع واكولج تحرم عليّ بنية غيرج لأخر يوم بعمري لو بشنو نمر ياقوتَ مهما حاولو يبعدوني عنج تلكيني يمج حبي الچ اقوى من كلشي انا هَيمان بيچ هَيمان بدفو انفاسچ
نعست وهو يحجي غطست بنومي وماعاد ادري انا وين .
بعد مدة فزيت مدري شجاني مثل من احد كعدني دَيهم نايم ومقيدني بأيديه رن تلفون دَيهم مسوي اهتزاز صار يهتز اخذته اشوف منو وعيوني صارن براسي وطلع لي گرون من العصبيه من شفت
المـتصل ـ نور ـ
جاوبت ونصيت التلفون وخليتها على ااذني بدون
ما احجي شي اجاني صوت بنتها وهيّ تكول
اريج :
وينك بابا
مشتاقتلك
.
يـتبع …
………………………………..
احجولييي رايييككمم بلبااااااارتتتتتتتت
طبعاً نور راح تجلطني انااا اريد اموتها
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.