رواية بين قبضتهم وقلبه – الفصل السادس والعشرون
26
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭.
❂رقــــــو ـ الجـــوهر ❂
بـين قبضتهُم وقلبة
قناة تلي :
💙 .
..
من بين عالم مليء بالرفض
أتيت انت لـ تصبح قبولي الوحيد
..
اسمع صوت نور يمها تكلها
نور : كليله شوكت تجي
باوعت لـ دَيهم يتحرك مو مرتاح بنومته خفت يفز على صوتي رحت للحمام ببطئ
ياقوت : وين امج انطيني احجي وياها
نور : هلا ياقوتَ الف مبارك طالعة تخبلين ما شاء الله
ياقوت : وين ناويه توصلين احجيييي شكووو شعندجج ويا رجليييي بواگات الرجال انتن
رادت تحجي ما خليتها كملت كلامي
ياقوت : وحق الله حلگج اشكه اذا شفتج بعد اتصلتي بـ دَيهم متستحين متكولين عريس نايم
يم مرته وبليلة عرسه اخابره لا وبمنوو شاده ضهرج بـ بنتج اريج مسكييي نفسجج نوووررر من افقد اعصابي العب الغالي ع الغالي
نور : ياقوتَ انتِ فاهمه الموضوع غلط
نور : بعدج متعرفين اني منو وشنو ممكن اسوي لحد هسه ماشفتي مني غير وجهي البريئ والحلو اذا اطلعلچ وجهي الثاني اخليج سنين ادورين على كرامتج ماتلگيها
نور : يااقوت
ياقوت : صدككك نسواان متستحي يلااااا بعد لا تتصلين تفففف
سديته بوجهها رجعت يم دَيهم نايم نومته تجنن يبعد روحي تعبان من العرس والهوسة طول اليوم قربت بسته بشفته ونمت بحضنه حضنه دافي ختلت بي وغغيت
بعد مدة حسيت ايد على شعري باوعت لكيته يدخن بصفي ويمسد بشعري
ديهم : بويه ليش كعدتي
ياقوت : دَيهمي بطني تأذيني
ديهم : بيه ولا بيچ ابوي انتِ
سحبني نمت على رجله وعاصره بطني بقوة تأذيني
ـ حبيبي تأذيج حيل؟
ـ اي
اخذت تلفونه اشوف الساعة ب1 بالليل طلع من الغرفة راح مدري شيجيب شواي واجه بأيده كوب حليب حار و غطاني باللحاف انطاني الكوب وكال
ديهم : اشربي حتى تدفين وهم يخف الالم
اخذته اشربه تقرب يمي يحجي وياي
ديهم : حبيبي بعدها تأذيج
ـ شوي
ـ شوي لو هواي؟
ـ هئ شوي
ـ هههههه مو گادر انام من فرحتي بيچ انام وارجع افز اشوفج يمي خايف يطلع حلم مو حقيقة
ـ هيج تحبني دَيهمي؟
ـ مو بس احبچ هَيمان بيچ وبالخلقچ
سكت شويه ورجع كال
ديهم : ياقوتَ حطيني بوريدچ انا اريدچ حاس بالبُعد وانتِ يمي شلون چنت عايش بدونج ما ادري
ضل يحجي واني دموعي تنزل
ديهم : لخاطري لا تبچين والله اكعد ابچي وياج
مسح دموعي وكال
ديهم : انا مقدسچ مفضلچ ع الدنيا كلها شمعتي حياتي نورت من صرتي بيها حتى بيتي وغرفتي باعي حتى گلبي يشع مضوي من حبچ
هو يحجي واني صافنه بسوالفه وبس ابتسم تسرسحت
ديهم : لجج انا زلمه وهاي شواربي وارجف كدام عيونچ كلشي ماهزني ياقوته الـ هزتني بس عيونچ جابت راسي من سابع سماء
خجلت وغيرت الموضوع وكتله
ياقوت : دَيهم محد هنا بالبيت؟
ديهم : كلهم غااحوا بس باجر معزومين ببيت اهلي نتغده يمهم تمام
ـ تمام دَيهمي
ـ عيديها
ـ هئ
ـ عيديها جُماره عيديهاااا
ـ دَيهمي
ـ عيووون دَيهمج اغديلج فدوات مو بس فدوه باسني بخدي شويه ويشلعه اجينه انام مانكدر بس نسولف ونتشاقه ونحجي ع العرس والفعاليات الصارت والبيت هدوووء ماكو احد بس انا وياه
ديهم : ياقوته بشرفج تعاي خ نبلش
ـ شنو
ديهم : اححح
مسك اردافي يعصر بيهن
ياقوت : لا ميصير
ديهم ; يصير ياقوتَ يصير
ـ هئ
گلبني على بطني وعضني من اردافي الجلب
ياقوت : اااويي خرب ابوك
ـ وابوج بت الچلب
صار يكفخ بيه بس يشاقه ما يسكت ردت اكله على نور وليش بنتها تصيحله بابا لأن لحد هسه الموقف خله دمي يغلي غلي بس اني متقصده ما اكله اريد اشوف وين يوصلون اريده يضل مطمئن
وعباله ما ادري بشي غفينه اثنينه بعد مدة كعدت شفته نايم اخذت تلفونه بهداوه اذكرت الرمز مالته اسمي كتبته وفتح بسرعه دخلت ع رسائل
لكيت رساله تهديد واصلته من رقم مجهول صرت ارجف من الخوف طفيت التلفون ورجعته لمكانه رجعت نمت يمه اول ماتمددت كمز فوكاي
ديهم : شسوووين
ياقوت : ردت العب قطارات بس بطلت
ديهم : ليش حبيبي تحسين بوجع ليش ما الج خلك يروحي
ـ دَيهم بطني تأذيني
ـ سوده عليّ بويه شسويلج هسه تعي خل ابوسج صار يبوس بوجهي بعيوني وبخشمي وبخدودي وبشفتي نوب حتى اسناني باسهن
ـ دَيهم الليلة هاي حيل مختلفة عن باقي الليالي
ـ حتى النوم مفارگ عيوني كل ما اغفى افز اشوفج يمي خايف يطلع حلم ما مصدك صرتي اليه ياقوتَ اتمدد يمي ودفن راسه بركبتي يشمني غفينه ورحنه بسابع نومه .
الصبح اسمع صوت العصافير بره حسيت احد يوخر الستاره مالت الشباك عصرت عيوني وغطيت راسي باللحاف
اجاني صوته وهوَ يدندن وخر اللحاف عن وجهي ورتب شعري وره ذاني
ديهم : جُماره گلبي كومي كافي نوم اشتاگيتلج . غلست ما اريد اكوم نعساااانه
ديهم : ادري تسمعيني كومي بويه والقران اشتاگيت لـسوالفچ
ـ دَيهم شويه عفيه
حسيت بأنفاسه قريبة طبع بوسه بخدي وكال
ـ غاح اعضچ
ـ شوي واكوم
ـ شكد تعاندين عّليتي لگلبي عّل حسيته انتچه وراي يرتب بشعري قرب شفته لركبتي طبع بوساته يبوس ويشم يسرسحني من يسوي هيج همس بأذني
ديهم : نبرة صوتج ودفو انفاسج من البارحة لليوم جانو مهدء الي … منين اجيتي ياقوتَ شنو هاي الصدفة الغريبة الخلتني اشوفج بيوم طلعتج من المدرسة وگلبي يفز عليچ
وسعت عيوني مصدومه والتفتت
ـ احلففف؟؟
كمزت من مكاني كتله
ـ اسبح واجيك تسولفلي شلون شفتني اريد كلشي بالتفصيل
كلت كلامي واني رايحة اسمعه يضحك طلعت من الحمام لكيته ماكو رحت للمطبخ ادوره لكيته يسوي ريوگ والجكارة بأيده رحت امشي بأتجاهه ببطئ اريد اخرعه
ديهم : شايفج جُماره گلبي شايفج
ياقوت : هههههه انطيني على كد عقلي وخليني اصدك انُ انتَ ما شفتني
حضنته وبقيت متمسكه بي وهو يسوي ريوگ التفت شافني وكال
ـ شو اشوف
باوع لملابسي وصاح
ـ الله تخبليييين بووويه على كولتج تجننيين
ـ صدك حلوة دَيهمي؟
ـ انتِ من غير شي حلوه ونوب لابستلي احمر بوويه ماشوف بعد من جمالج ادعم الحايط عبالي دربي اخذني بأيده لحضنه باسني بخدي واني بس اتبوسم كمل الريوگ واني كاعده يمه ع الكاونتر اسولف خلاه ع المائدة واجه نزلني
ـ كافي سوالف اكلي
ـ هئ مو جوعانه
ـ من البارحة مو ماكله ومو جوعانه وانتِ مريضة حبيبي اكلي لا تمرمرين گلبي
صار يوكل بيه 3 لگمات بحلگي ولگمه بحلكه
ـ دَيهمي شنو عندك طفل يوميه حليب
ـ وانتِ شنو لعد
ـ ها؟
ـ والله طفلةة
هئ دَيهم هئ اني اتزوجت هسه يعني جبيره
ـ طفلة بعيني لو ينترس حضنچ جهال
رن تلفونه شاف الاسم وسواه ميوت
ـ منو؟
ـ يولون حبيبي ناس فاضيه
ـ منو دَيهم؟
ـ سالم
ـ مو سالم
ـ شقصدج؟
ـ تعرف قصدي دَيههمم
ذب اللكمه من ايده وكام غسل ورجع كعد
ـ قصدج نور
ـ اي دَيههممم نووورر شععدها تتصلل بييك
سكت شويه وكال
ـ انا الآف المرات كتلج محد ياخذ مكانچ بگلبي
ـ اثق بحبك دَيهم بس ما اثق بالنسواااان
ـ اعصابج شكو تصيحين هاج بوسه ممح يلا اهدي
ـ تعال احجي وياك
عافني وراح للغرفة رحت وراه لحكته
ـ اتحضري بويه نغيح لأهلي توا سالم خابرني غدانه اليوم يمهم
ما جاوبته فتحت الكنتور طلعت ملابسه وطلعتلي ملابس اجه يمي يضحك واني طافره روحي شويه واكتله يمسح بشواربه وهمس
ـ تغارين ؟
ـ ماعندي عقل اذا اغار عليك
ـ اندمج دلوعتي على هذا كلامج
ـ يمه خفت صرت ارجف
ـ لسانج طولان هو لسانج الجاب راسي وحبيتچ
بدل ملابسه وكال
ـ راح اطلع بره كملي والحكيني
ما جاوبته بس يضحك عافني وطلع ياقوتَ شتسوين حتى تحركين كلبه؟ شتسوين ايي لگيتها اختاريت ملابس ماترضي ابد تسودنه مو بس ماترضي لبست دراعة خليجيه لونها ابيض ومطرزه بكرستال وبيها فتحات بالردن لبستها وخليت ميكب ناعم وحُمره حمرررره طووخ وبالمسكارة برزت رموشي وخليت عطر سابع جار يشتمه لبست الكعب وخليت شعري مفتوح بس ذبيت الشال على راسي لبست تراجي شويه طوال واضحات وطلعت رايحتله
لكيت ابن عمه يمنه واكف يسولف وياه
ـ يلا حبيبي نمشي
ابن عمه ضل فاتح حلكه وصافن بيه دَيهم التفت وشافني دمارات گصته طگن وايديه صارت ترجف بالكوه حجه وكال
ـ عمر بليل اجيك
ـ عمر تمام اخذ راحتك ديهوم نتلاكه بالشارع عود مالحك ابن عمه يوصل باب الحوش واجاني خشمه ينفر من العصبيه جرني من ايدي خلعها الا شويه
ـ اووي دَيهم علكيفك
دخلني للبيت وهو ضاغط على ايدي
ـ يااااااقوت شنووو هذااا الخرراااا اللي مخليتووو بوجهههججج
ـ ليش ما عجبك؟
مسك راسه وصاح
ـ اخخخ ياالله محد غيرررج غاح يجلطنيييي يااااقوووتتت ماعدنه حفلة تراااا
سكتت ما جاوبته وهو يحجي اريد اجلطه ليش بس اني اغار وهو مرتاح
ـ وملاابسجج هااايي شنووو؟ شنوو يااااقوووتت لابسة ابيض وجايتني وكدام ابن عمي همم ولججج كدااااام ابن عميي وشعررررج شكوو طالعع غطيييي ياقوووتتت
ـ ما اغطي اني عروسه لازم يشوفوني هيج
ـ ترا انا ما خذج موو همااا
فقد اعصابه لزمني من فك حلكي وكال
ـ لييش تحركين كلبي ياقوووت ليييش
ـ دَيهم دتوجعنيي
دفعني وفززني انگلب وحش ضل يدفع بيه ويصيح
ـ تمشييين تنزعين اللابسته هسههه وهذا وجهج بعد ما اررريد اشوفههه هيييج وطلعاات ماكوووو بععدد منا لمن تعقلين ومتسوين البراسج انا اعررررف تردين تحركين گلبي متعمده ياااااقوووت انتتتتِ متعمده
صرنه بالغرفة وهو يدفع بيه وشبهه يضربني
دفعني ع جربايه وقرب مني سحب كلينس وفرك شفايفي يمسح الحمره دموعي صارت تصب من عصبيته ما ادري هو هيج من يعصب
ـ ابچي ياقوت ابچي اتحملي نتيجة افعالج الطايشة صار يفرك وجهي بكلينس ثاني يحاول يمسح الميكب كله يمسح بقسوه خدش وجهي واني مغمضه عيوني وابچي حجه بخفوت
ـ لا تلعبين بناري تحترك ايدج تره
باوعلي عيونه شويه ويطلعن وهوه طالع كال
ـ وطلعتج هاي كدام ابن عمي احاسبج عليها لو عمري يوم وملابسچ بدليهااا لا اكفر بدينج والحكيني ع سيارة بسرررعة بس تتأخرين اجيج نوب
ضليت ابچي بالغرفة مصدومه منه خرعني بعصبيته شواي ورحت للشباك باوعت له كاعد ويدخن بالحديقة وايديه ترجف ويحجي ويا روحه يمه تخبل رجلي بس والله ما اروح وياه ع السواه بيه اجه متوجه للبيت رحت ركض وقفلت باب البيت عليّ صار يدگ بالباب ويصيح
ديهم : ياقوتَ افتحي الباب
ياقوت : ما افتحه
ديهم : افتحيي ياقوتَ غاح اتخبل
ـ والله ما افتحه
ـ حبيبي اعترف قسيت وياج بس تصرفاتج غلط
ـ روح لأهلك وحدك ما اروح اني
ـ وانا گلبي يطاوعني اغيح بدونج لا مستحيل
يلا بابا افتحي الباب
ـ ما افتحه دَيهم روح
سمعته راح يستغفر واني بس ابچي اخترعت منه وفجأة اسمع الباب الثاني ينفتح كمت ارجف
يمه اجاني والله اجاااانيييي
ركضت متوجهه للغرفة اريد اطب واقفل الباب عليّ ما حسيت غير بأيديه تسحبني وتقيدني
صم حلكي بأيده ماخذني للغرفة واني ارافس وخر ايده عن حلكي وهوَ يضحك كرص خدي وباس اصابعه
ـ انهووس بيچ من تعانديني
راح اخذ مفاتيح الابواب كلها صحت علي
ـ عوفنييي ما اريد اروح وياك روح وحدح
ـ تغيحين وغصب هم
ـ ما ارووح
ـ چنها بكيفج هيّ
الجكاره بحلكه ويسولف خله المفاتيح فوك الكنتور حتى ما الوحهن اجه يمي وكال
ـ ليش مو متحضره ابقي بذني الملابس بس حمررره نعااال لونها احمرر ممنوع بنعال افرك حلكج اذا شفتج مخليتها بعد وعطرررج الواصل سابع جااار شگ خشمي على فكرة لجج اخخخ ياقوتَ والله لو اموتج ما يبرد گلبي
دمعت عيوني وغطيت وجهي بأيديه اخفي دموعي كعد يمي تنهد وكال
ـ شمعتي اسف وحق الله اسف انا خبل ابسط تصرف افقد اعصابي ادري قسيت عليچ سامحيني بويه . مسك ايدي ابعدهن عن وجهي يمسح دموعي
ديهم : ضلي لابسه ذني الملابس بس لا تلوصين بوجهج لا تخليني افقد اعصابي واذيج وانا مو بقصدي كومي بويه يلا
صار يبوس بيه بالكوه يلا رضيت
يحجي وياي واشهگ بعدها الحسره بصوتي
ديهم : كافي ابوس ايدچ كافي ابوي انتِ كومي نغيح والله ماضل وكت وهاي اهلي كل شويه يتصلون بيه وهسه ساعة 11 كومي
باسني براسي رحت غسلت وجهي وخليت ميكب بس خفيف خاف يكتلني
لحكته وكفت بالباب اباوعله اجه يمي مسك ايدي وعينه على سطح بيت عمامه شويه وينفجر من الغيره واسمعه يدردم بكلام مو مفهوم صعدني بسرعة بالسيارة روحه طايرة خايف احد يشوفني صعد يمي وبساع صعد الجام بالطريق
ـ بعدچ زعلانه مني؟
ـ جؤ
ـ احبچ جمرتي
ـ اي صحيح
ـ دمعتج تهد حيلي والله بس تصرفاتج تجبرني اقسى عليج
ضليت ساكته ماجاوبه وهوه يحوس يريدني بس احجي
ـ اضحكي بربوك
ـ مو عاجبني اضحك
وصلنه بيت اهله بيتهم مو بعيد قريب توا اريد انزل كال
ـ تعاي بوسه
ـ وخرر
ـ اوكفي
نزلت وراد ينجلط نزل وهو يدردم كفخني بالسبحة مالته شايل الدشداشه ويمشي بصفي
ياقوت : زرورك زرك طالعات
ديهم : ندري بيچ بيضه بس مو تشوفين غيحج علينا احنا الزرك
ياقوت : انجب الاملح
ديهم : هذا الاملح الكدام يحبچ حب امج وابوج ماحبوج بكدوو
استقبلونه ودخلنه جوا اتغدينه ورحت كعدت يم ابو دَيهم وكضاها يضحك ويسولف ويتشاقه
كلش حباب سويتله جاي شربنه سوه دَيهم كاعد كبالنه ويهز برجله من التوتر والعصبيه شويه وينجلط غـيدان : انا اكول ليش دَيهم قفل عليج اثاري سوالفج حلوه ماتنمل بنيتي
دَيهم يباوعلي ويخوزر بيه الچاي بأيده وكع من ايده وانكب ع الزوليه كام ابوه وكال
غـيدان : بنيتي شويه واجي بس اتوضى دا اصلي الضهر لا تروحين سوالفج حلوه
راح و دَيهم حجه بخفوت
ديهم : رجعتي تعاندين ياقوتَ اكفررر بدينجج هسه لو شلوون
ـ ابوك بمقام ابوي لا تتخبل يلا عاااد
ـ وانتِ فرحانه والضحكه شاكه حلكج ويكلج بنيتييي لا تضحكييين ياقوووت صوت ضحكتج عاااالي غاح اكفرررر
ـ لا انتِ اتخبلت
ـ لا انتِ تردين تسووين بكيفجج بس انا اعلمجج عض اصبعه وطبع اسنانه عليه وايديه ترجف هذا شبي شسوي هسه
سكت شويه ورجع كال
ـ كووومييي ياقوتَ غيحي يم البناااات لا تكفررريني .
رحت واني مصدومه يمه هذا شجاه بس لا تلبس بي جني
اخوانه ما شفتهم مستحين مني لأن بعدني غريبة عليهم ومو متعودين عليّ بس البنات
ريماس : كل صديقاتي وكرايبنه يسولفن بعرسكم يكولن يجنن يجننن وكل الناس حاسدتج على حبوو الج يكولون يغيح ويرجع يمها يشوفها ميكدر يفاركها
ياقوت : وبعد شحجوو
ـ واكو ناس حاجيه عليكم ومنتقدتكم لأن ركصتو بعرسكم بس يولون لا تهتمين مضغوطين من جمالك الخلاب
ـ هههههه انتبهي لا يسمعج دَيهم
يلعب الغالي ع الغالي تره
ـ اكلج شي؟
ـ كولي
خفظت صوتها وكالت
ـ ولد عمامي وخوالي وجماعة اخواني شايفيج يكولون اية من الجمال محد اخذ هيج بنيه بديرتنه . حسيت كلامها شويه غريب كلتلها
ـ شيقصدون يعني
ـ اصبري بعدج متعرفين شي حتى الاعزب هنا غاح يخيل عليچ
ـ وشما سوو انا مزوجة هسه ما يهون عليّ دَيهم لو يخلون كبالي ديرة مليانه زلم
ـ هههه دَيهوم حباب ماكو منه بس عيونج الكل عليج انتبهي
قاطعت حديثنه مرت بلال وهيه تكول
ـ شلونهن الحلوات
ـ بخير
ـ تعالن نشرب چاي
العامله جابت الجاي وصبت النه وشربنه كالت مرت بلال
ـ اي ياقوتَ البارحه بيش ساعة نمتووو هههههههه
ريماس : بشرفج احجيلنه شلون جانت الليلة
رغد : هههههه اخويا من فرحتوو هسه كل شويه يفز عبالو حلم يلكاها يمو ويرجع ينام
ريام : بنااات دتخجلن البنيه كافيي اسكتن عيب عليجن هذا شي خاص بينهم
ديهم : ياقوتَ كومي نغيح
التفت شفته واكف يباوعلنه وضايج
ـ وين
ـ اخذج لـبيت اختي مريم
رحت وياه نتمشى كتله
ـ دَيهم وين صايره اختك
ـ هاي وره بيت اهلي
نمشي اني وياه والناس تباوع علينه من فوك السطوح والبلكونات عبالك مو شايفين اثنين مزوجين وهو ماسك ايدي كال
ـ ياقوتَ لتباوعين عليهم يولون
كضاها كل الطريق يخزر هذا ويحجي على ذاك وصلنه بيت اخته واول ماشافتني اجت عليّ تبوس بيه وتهلهل وعيالها فرحو بشوفتي واستقبلوني بكل حب لكينه ريهام يمها موجوده ما اجت ولا باستني ولا باركتلي وبس تكص بيه بنضراتها
بعد مده رجعنا اني و دَيهم للبيت وهو طول الطريق ماسكت بس يسولف .
ـ ديهم ـ
بعد مرور 3 ايام
جنت طالع رجعت للبيت لكيت ياقوت ترتب بالغرفة ومخبوصة
ياقوت : ها الدايح زين اذكرت عندك مره
كزكزت عليها غحت يمها بستها من خدها ورجعت عضيتوو صارت تكمز انچلبت عيفتها وطبيت للحمام اسبح
ديهم : جُمارتي المنشفة
اجت جابتها وكالت
ياقوت : هاك دَيهم
فتحت الباب مسكت ايدها تريد تشرد سحلتها وياي للحمام
ـ دَيهم عندي شغل مو وكت لواكتك
ـ مشتاگلج ماتحسين بيه انتِ ؟
ابوس بيها وهيه ترافس تريد تشرد ضربتني على بطني وجعتني وشردت مسكتها من ايدها ماخليتها تشرد رجعت قيدتها اخذت شفايفها ابوسهن بقسوة وخرت اباوع لشفتها طلع دم منها
ـ فلك فلكچ مو مره حتى الدم طعمو عسل
ـ دَيهم وجعتني مو هيج
ـ احبچ واحب كل قطرة دم تجري بجسمچ
شردت مني سبحت وطلعت
ـ ديهوم تعبانه ما اطبخ غده دز دلفري
ـ تحت آمرج اميرتي
اخذت التلفون ادز لكيت نور تتصل ياقوت يمي انطيتها رفض ما اريد اجاوبها كدامها غير تنجلط غحت امشط كدام المرايه ياقوتَ صافنه وتاكل بشفايفها
ـ ياقوتي
ـ ها حبيبي
ـ شبيچ بابا حبيبي
ـ دَيهم راحت الدوره مني اليوم
فرفشتتت الضحكه شكت حلكي غحت يمها رفعتها من الكاع وفريتها
ـ دَيهم لا توكعني ههههه علكيفك
نزلتها بالارض واحتضنت خصرها بأيدي وكتلها
ـ يلا ياقوتَ انزعي بسرعة بسرررعة
ـ لا دَيهم بالليل
ـ ما اتحمل والعباس ابو فاضل انا خطيه
رن تلفوني كالت وهيه غايحه
ـ ديهوم اجيب لك عنب وياي
ـ اريد فراولة بس من هاي البين زرورج
اجاني بس صوت ضحكتها تبتعد جاوبت اللزكه نور كتلها
ـ ها نور
ـ شلونك دَيهم بالي يمكم بيكم شي؟
ـ لا مابينه نور بس فرحتي جبيررره اخذت الاحبها بعد تعب سنين اعذريني زحمه اجاوب احد وهيه بحضني
ـ لا عادي بس اريج خبصتني تسأل عليك
ـ شو طينيااها
اريج : اريج ها بابا
ديهم : هلا حبيبتي اريج مشتاقلج بابا
اريج : ماتجي
ديهم : حبيبي امرج هل يومين ماشي
اريج : لا بابا هسه هسه
ديهم : حبيبتي ما اكدر مرتي الحلوة تزعل
قاطعنه صوت ياقوتَ وهيه جايه كالت
ياقوت : دَيهمي تطلعني اليوم اتونس ضايجه
ـ اريج حبيبتي شواي اخابرج
سديت الخط بوجهه ولك دَيهم شكدك شكبرك تخاف من هاي القزمه اجت وبأيدها صحن فواكه
ـ حبيبي جيبيللي بقلااااوه جيبيلي كلشي حلو مثلج اليوم اريد اطلع ضيم الـ 3 ايام بيچ
ـ هههه دَيهوم خل نطلع بالليل.
ـ جُمارتي تطلب وارفض؟ له له عيني وهدبها ترخص لج .
صارت تضحك اكزكز عليها من تضحك بستها وهيه تضحك صارت توكل بيه كتلها
ـ جؤ ما اريد
ـ ليش
ـ اريد منا
جريت دلعة صدرها بأيدي وصرت اطبع بوساتي بصدرها رن تلفوني باوعتلي تضحك
ديهم : اليوم مانخلصصصص
كمت ودفعت الكرسي بأيدي وكع وانكسر
ـ دَيهوم شجاك مو هيج
ـ ي*** الواحد حتى اذا يريد يبوس مرتو ما يخلوو اخذت التلفون وطلعت برا نور تتصل استغفر الله ولجج شتررردين ابتليت ودعمت اخوج جاوبتها وكتلها
ـ ها نوور
ـ دَيهم اريج ماتقبل تاكل تكول الا من ايد بابا دَيهم والله تعبتني
ـ هسه جاي ثواني واكون يمها
سديتو وغحت الها اشتريت الها بطريقي العاب وحلويات وصلت ولاكتني بالباب تركض دنكت يمها ضميتها وحملتها بين ايديه طبيت للبيت و اريج بس تضحك ماسكتت طايرة من الفرحة نور صافنه علينا وتعض باضافرها دخيلك ياعلي
اريج : حبيبي ليش طولت
ـ حبيبتي ازوجت وعروستي يمي ماكدر اخليها
اريج : اخذني وياك اني وماما
نور : اريج ماما عيب عمو عريس وين تروحين وياه ـ عيفيها بعدها طفلة متعرف
ضليت كاعد ويا اريج نسولف ونضحك واشاقي بيها اتصلت بيه ريماس و اريج ماتهدئ ما جاوبتها شواي ودزتلي مسج
ـ حبيبي دَيهم انا ياقوتَ وينك
ـ جُمارتي طالع وي جماعتي
ـ بالي يمك وخايفه
ـ حبيبي لتخافين اقفلي الباب ولا تطلعين لمن ارجع
ـ لا تطول عفيه ريماس راح تروح هسه وتعوفني وحدي و احس بكلبي خوفه
ـ لتخافين بويه شواي واكون يمچ .
اخخ تحس هاي تحسس يررربي كارثة مو بنيه اريج بس تكمز فوكاي دخت دختتتتت شواي واجت نور يمي تفتر بدون شال ولابسه دشداشة ربع ردن
كل عقلهااا هاي شدسوووييي غضيت نضري وسويت نفسي مشغول بـ اريج العب وياها اجت نور وكعدت بصفي كمت غايح وكتلها
ـ نور انا غايح
ـ اوكف دَيهم
ـ بالج على اريج
حجيت كلامي وانا طالع حتى ما التفت الها اسمع صوت اريج تصيحني كملت طريقي وصعدت بسيارة ورجعت للبيت
طول الطريق افكر بكلام ياقوتَ يمكن صدك نور تفهمني غلط انا اشفق عليها وهيه عبالها احبها وبعدين انا جنت سبب بموت اخوها وابوها شلون ممكن تفكر تحبني ؟ لا دَيهم شيل هاي الافكار من راسك انتَ محد يحبك غير البلوة الخابصة گلبك وصلت البيت دگيت الباب
مافتحتوو دكيتوو مره ثانيه وصحت
ـ ياقوتَ حبيبي انا دَيهم اجيت
متجاوبني لعب گلبي حسيت بيها شي او متأذيه اذكرت ضام المفتاح مال الباب الخلفي جوه الشتل غحت جبتوو وفتحتوو طبيت والبيت هدوء
ـ ياقوتَ ابويه اجيت وينج
ماكو متجاوبني ردت انجن ركضت للغرفة وصحت
ـ ياااااقووتَ وووينجج
اجاني صوتها من الحمام
ياقوت : دَيههممم انت اجيييتت
ـ حبيبي وينج تعاي ليش بالحمام
طلعت تركض واجت يمي ضمتني خايفه وترجف ولونها مخطوف وتبچي
ـ شبيج بويه شصاير وياج
بس تبچي ماترد كتلها
ـ يا امي شكو شصاير كلبي مات والقران
ضامتني بقوه وتبجي وتشاهگ رفعت راسها تباوع لي وعيونها غرگانه بدمعها وكالت
ـ دَيهم اكو احد يدگ بالشباك مال غرفتنه
ـ تتوهمين حبيبي ماكو احد
ـ لا والله ما اتوهم اني سمعت احد يدگه ويضربه بقوه
ـ كافي يُبا انا يمچ كافي ترجفين
استغفرت بهمس اخذتها وكعدتها ع جربايه وكعدت كبالها مسكت ايديها يرجفن اطمنها
ـ ياقوتَ تتخايلين ماكو احد بابا ابوس ايدج كافي ترجفين
ـ دَيهم والله سمعت احد يدگ بالشباك صدك يعني ما اتخيل
ـ اهدي حبيبي اهدي
بست ايديها وكملت كلامي كتلها
ـ هسه ح ادز على كاميرات واخلي للبيت داير مدايرو تمام
هزت راسها بـ اي
ـ وتلفون عندي واحد بالجراره استخدمي على ما اجيبلج تلفونج من يم اهلج
ـ اريد تلفوني دَيهم
ـ جؤ حبيبي يشغلج عني وانا ما اريد احد ياخذ من وقت غيري .
سكتت وانا اتاملها
غحت للشباك باوعت ماكو احد والدنيا مغرب قرب الجو يضلم رجعت يمها وكتلها
ديهم : بنياتي كومي بدلي نطلع
ياقوت : وين
ديهم : اخذج نتعشه بره ونسهر وشنو بنفسج اخذو الج .
ياقوت : دقايق واجي
غاحت تكمز فرحانه
ـ اميࢪتي لبس مشلح وحُمرره تشيب راسي ما اريد
ـ صار
شواي بدلت واجت
ـ يبووو ملااااك ونازل من السماء مو بنيه شو انداري عين الباردة عليج مرتي والف هنيالي بيچ تعاي بوسه بستها وهيه بس تضحك
بالطريق خابرت وصيت على كاميرات للبيت لأن كلام ياقوتَ خوفني ابد مو مطمئن وانا ادري ياقوتَ ماتجذب ولا تتخيل مستحيل صرت اخاف عليها خايف عمي العايش بالخارج يأذيها ويحاول يحرگ كلبي بيها لأن هسه عرف نقطة ضعفي وح يستغلوني على هذا الاساس اخذت ايدها ابوسها واشمها اباوعلها الخوف بعدو بعيونها دندنت واباوعلها
ديهم : سَمسَم …
يگلبي لو تشوفه انوب سَمسَم
عسى كلمن يحسده يضوگ سَمسَم .
هيّ ضحكت وعضيت شفتي وكتلها
ديهم : ناعم والكلام بشفته سمسم
ياقوت : كافي دَيهم مابيه اضحك
ديهم : الله نطاج ضحكة وعيون تشگ شگ هل زعل كلو عليش اضحكي يُبا جعل محد غيرج يضحك ويسحل گلبي .
اتعشينه وسهرنا ورجعنا وهيه طول الطريق تسولف فرحانه ماسكتت وصلنه البيت تريد تدخل وكفتها وكلت
ـ جؤ اميرتي غمضي عيونج
ـ ليش دَيهم؟
ـ غمضي جُماره لا تسألين هواي
غمضت عيونها ومسكت ايدها ادخلها للبيت
ـ الوزج تلوز اذا طلعتي تشوفين
ـ هههه هئ دَيهم والله ما اشوف شي
دخلنه تنهدت بلهفة وكتلها
ـ فتحي عيونج
فتحت عيونها وتباوع للغرفة عيونها صارت يلمعن من كد فرحتها صارت تكمز وتكول
ـ الله دَيهمي يجننن شوكت سويت هيج وهذا الورد طبيعيي اييي والنبي ورد جورييي طبيعي
رجعت يمي وانا اتأمل لهفتها
ـ عساني ما انحرم منك دَيهووم
شويه واتخربط يررربيي اسمي حلو بلسانها مدري شلون تكولوو غحت للباب قفلتووو ورجعت يمها
ـ امشي بدلي بسرعة
ـ ها
ـ حبيبي 3ايام متحمل وين اولي بغيحي ونوب انتِ تفرفرين كدامي بـ**** ارررحميني
نزعت سترتها توا تريد تطلع ملابس كتلها
ـ حبيبي ميحتاج انزعي من الحمام للجربايه
وسعت عيونها وكالت
ـ دَيههممم والله انام واعوفك
اخذت ملابس وغاحت تسبح رن تلفوني نور تتصل مسكت التلفون قفلتوو نهائي وشمرتوو اليوم من صدك ما اريد ازعاجات شواي وطلعت ياقوتَ من الحمام انصدمت من جمالها شويه ويغمى عليّ نوب لابسة وردي وقصير اباوع الها خجلانه متت ضحك عليها بگلبي
ـ ياقوت ـ
طلعت فستان النوم القصير شويه واموع من الخجل مغطيه صدري بأيدي وشعري ملفوف بالمنشفة اباوع لها يمسح بشواربه احسه يتحلف بيه يمااااا انطيته ضهري غحت للمرايه تنهدت وكلت
ـ خلييج ريلاكس ياقوتَ اشش اهديي لتخافين اهديي .
صرت ادور عل حُمرره اريد اخلي لـ ابو شوارب كال
ـ ميحتاج انتِ حلوه من دون شي بس بالحمره تشيبين راسي بجمالج
ما جاوبته خليت حُمره ومسكاره واتعطرت نسيته حتى اذا موجود اندمجت وفجأة احس بي واكف يمي يسحب المنشفة من شعري وسحب جسمي لجسمه بقوة حسيت بأنفاسه بركبتي همس بصوت ذايب وكال
ـ شجاني وصرت استلذ بيچ حتى قساوتج وعنادچ ولسانج السليط ونضراتج الشاعلة بگلبي نيران صرت اهيم بيها وانچوي وانا الممنون !
ـ دَيهم …
قاطعني وضغط بأيديه بقووة على اردافي وطبع بوسة بركبتي ورجعت شفته لاحت اذني وهمس بخفوت وصوت خدران
ـ اشش ولا حرف خليني هَيمان ومستلذ بيچ .
صار يطبع بوساته بركبتي وعلى ضهري
احس برجفة شفايفه و جسمه دافي مثل لهيب الجمر محاوطني دفاني دارني عليه وصار وجهي بوجهه احتضن خدي بأيده واخذ شفايفي بين شفايفه بقوة يطفي نيرانه المشتعلة وايدة الثانيه على اردافي يعصرهن بقوة اخذ ايده الي على خدي يمررها على صدري نزل خيط الفستان من كتفي وهو مستمر ماخذ شفايفي بين شفايفه
ابتعد يفتح بدكم القميص ورجع دفن راسه بركبتي يبوسها بشراسة وجعني اخذني لجسمه واحس بأصبعه ينزل خيط الفستان من كتفي الثاني وايده الثانيه رفعت اطراف فستاني وايده لاحت اردافي كزبر جلدي وصرت اتفاعل وياه اكثرر
فتح سحاب الفستان وكع من على جسمي وصار بالكاع والضوه طافي وبس الشموع مضويه وريحة ورد الجوري معبيه الغرفة اخذتنه بغير عالم وساكتين بس لهفتنه ونارنه الما تطفى تحجي مسك راسي بأيده ويحاول يلتهم شفايفي بأقسى ماعنده من قوة گطع انفاسي ومقيد راسي بأديه وهو يلتهمهن بلا رحمة. همس بأذني
ديهم : بداخلي شخص ملعون يشتهيچ من وانتِ طفلة صار الوقت الاطفي بيچ كل نيراني الچويتيني بيها اريدچ ، بحُب ، بلهفة ، بعنف ، بقوة ، بشراسة ، بكل شي ارريدچ اريد اشبع وارتوي انا الـ عطشانج صار سنين .
ذبت بين ايديه صرت التهم شفايفه بقوة نزل على خصري يطبع بوساته بلهفة
رجع همس بأذني
ديهم : ارحميني ياقوته انتِ وعيونچ و جمالج اليشيب الراس كلهن عليّ ارحميني منين مخلوقة ؟ منين ما اشتمج اخدر المخدرات ماگدرتلي وانتِ وحدچ گدرتيلي احـبچ جُماارتي احـبچ
انتِ الي بس الي ياقوتَ محد ياخذچ مني صرتي الي وملكي الي ياقوتَ انتِ الي انا هَايم هَايم بيچ وبأسمچ وبالخلقچ ماعاد احس بشي صوته ذوبني اخذني لغير عالم .
ـ الـساعه 8 صباحاً ـ
احس بشفايفه يبوس بركبتي واني نايمه ابتسمت والنعس بصوتي وكتله
ـ دَيهمي
ـ يـَ عيون دَيهمج صح النوم اميرتي
ـ صاحي من وكت اليوم
ـ الليلة الي مضت شبعت دلال وترديني ما اصحى من وكت
رجع قرب يم اذني وهمس
ـ صحيت من وكت بس لهسه خدران بطعم شفايفچ . انفاسه دافيه لفحت اذني ضميتها بركبتي
ـ هااا
ـ ديهوم انفاسك تدغدغ
دفن راسه بركبتي يشتمها وشواربه نغزتني
ـ اوي دَيهم شواربك ينغزن
باسني بخدي يضحك وتعمد يخلي شواربه على خدي وفركهن بخدي ينغزني بيهن ضحكت وكتله
ياقوت : دَيهمي والنبي يدغدغن
صرت اضحك وهو مستمر يفرك بشواربه بخدودي رجع دفن راسه بركبتي متعمد يخلي شواربه تلوح ركبتي وينغزن بيه شواي وابتعد مني اخذني نومني على رجله يمسد بشعري ويتأملني يلتمس هدب عيوني ورث جكاره يشربها و مستمر يتأملني وكال
ديهم : انتِ وعيونچ الحلوه عليه شلون بيه
ـ تحبهن؟
ديهم : هايم بيهن عيونچ حنينة چن سوالف قبل مالات اهلنه
طفى جكارته ودنگ باسني بعيوني ويمسد بشعري
ديهم : يـَ نجمة ليلي وضواها
يحجي ويبتسم شواي وكال
ـ يلا شمعتي كومي سويلنه ريوك من ايدج الحنينه
ـ هئ انتَ سوي
ـ تعلمتي ع دلال لازم؟
ـ اممم
باسني بخدي وكال
ـ جعل محد غيرك يدلل بابا ادللي مرمري گلبي احبج من تمرمريني
كمت رايحه للحمام غسلت وتوجهت للمطبخ مسك ثوبي وجرني وكعت بحضنه وكال
ـ اكو شي اطيب من الريوك اذا تنطيني منوو هسه حتى الريوك ما اريدو
حجه كلامه وعض شفته نومني ع جرباية يبوس بيه ما انطاني مجال احجي كاتم صوتي بشفايفه ادفعه واكفخ بي اريده يوخر وهو ولا همه ذايب رفع ايدي فوك راسي وقيدهن شگ دلعة ثوبي بأيد وحده شهگت وكتله
ـ دَيهم ثوبي جديد اشتريته
ـ اشش .
دفن راسه بركبتي يشمها ويحجي
ـ عطرچ دمر احوالي جُماره حتى وانا يمچ احس كلش بعيدة عني انتِ لوعتيني تلوع .
بالكوه خلصت روحي منه رحت للمطبخ ولحكني
ياقوت : اليوم مانتريك؟
ديهم : اتريگنه احلى ريوگ توا حبيبي لتسوين
اجه يمي حاضني من وره كال
ـ اليوم الريوك من هل ايدين الناعمة هاي اخخ ياابهه اخرب واتكهرب
ـ خلي العسل بالصينيه
شالني وكال
ديهم : يلا شو نحطج بالصينيه
ياقوت : ههههه دَيييهم
ديهم : بوويه مو كتيلي خلي العسل بصينية والنبي ماكو غيرج عسل تنگرطييين
نزلني سويت بيض وكملت وخليته بالصينيه وخبز وعسل وجبن وجاي كعدنه نسولف وناكل
ـ ديهوم
ـ عيونو بابا كولي
ـ حلمت بواحد الليلة المضت
ذب اللكمه من ايده ودفع الصينيه فززني
ديهم : انتتتتتِ لييييش تحررركييين گلبييي هاااا تتعمدين لوو شنووو ح اتخبللللل ياقوتَ ح اتخببللللل حجيت بدلع وكتله
ـ هوه اني بيدي ما احلم؟
ديهم : من خررررب هيييج احلامممم خرااا بيهههاااا ياقوتَ بعد شتحلمين لا تسولفيلييييي انججننننن عقلييي يدمررررني والتفكيررررر يكتلنيييي
ـ طيب ما انام بعد
ـ احللففف احرررم عينججج من النوووممم اذا صدك طلعتي حلمااانههه بغيرررييييي ياقووووتتت
اتخبل
وهو يسولف مسك مكان گلبه واختنگ ومسك خاصرته يتلوه
ـ حبيبي اشاقه هاك بوسه
بسته بشفته صاح
ـ تلعبييين بأعصاااابييي ياقوووت تشعليني وترجعين اطفيينييي اخخخ بووويه اخخ رااح انجلط من صدك بوسي بعد بوسيييي
رجعت بسته وكتله
ـ ها طبت
ـ مو بس هدئت ذبت ذبت بوسي بعد بوسي لا تبطلين
ـ ديهوم احبك من تغار
ـ على كيفج وياي بويه مره من المرات تجلطيني من صدك
رحت اغسل ع السنك ومقابيلي الشباك مال المطبخ ومفتوح والشمس مضويه بوجهي دَيهم صاح وفززني
ديهم : يااااقوتتتت شعررررج لا توكفيين كدااممم الخرااا الشباااك غاح اتسوددننننن
ـ ماكو احد حبيبي
اجاني معصب ودمه يغلي دفعني بكل قوته وسد الشباك
ـ امشييييي للغرررفففةةةة
ـ ديه…
ـ صووووتجججج بنت المطي غاح اكفرررررر
اكو اححد اجةةةةة هسه يسمعع صوووتججج
ليش تكفررررينيييي .
رعبني من الخوف لكيت روحي بالغرفة كاعده ومخترعه منه لا يجيني انوب حتى مادري شبسرعه اجيت للغرفه
سمعت صوت خطواته اجه بأتجاهي يمه ايدي ترررجف خايفه صار يمي باوعلي وكال
ديهم : عود خايفة مني البربوك
ياقوت : هئ مو خايفه ديلااا
فتحت الكنتور ادور شي البسه
ـ وغصب عنك البس هذا واطلع افرفر برا
ـ بنت ابوج وسويها وهاي اللي الله كتبها عليچ
ـ بسييطة دَيهم
ـ شوكت ماخليتهن ستيل ويلمعن اخليج تسوين بكيفج
ـ هههه اصبر البسهن ونروح لبيت عمك البصفنه
ـ غاح اشككههه الحلكجج وحق الله سولفي زيين لاااا اصخخممم عيشتججج
ـ ولي يلا البس واجيك
ـ صوجي بالله العظيم انا انطيتج عيين
رحت للحمام البسهن ولحكني دفر الباب شويه ويلزكني بالحايط
ـ يااااقوتتتت كل عقلججج
اخذهن من ايدي وصاح
ـ انعللل ابووويه لابوووو عشيرررتيي اذا ماطلعت هذا الدلال الدللتووو الج من عينج ما انحسب
ع الزلم
ـ حبيبي شو هيج وياي؟
ـ لااا اااانااا حيواااان مووو حبيبچ تعاااااييي انعللل ابوووج لابووو حبيبج لابووو الخلفووو حبيبج وكف كبال الكنتور وكال شكو خرااا ثوب شلوحي وصلوخ تشمرينووو هسه ينشمررر كدااااامي فااااهمه .
يصيح وانا اتأمل عصبيته وغيرته ورث جكارته وكال ديهم : تف استغفر الله لجج حتى الجكااااره ما اطفففييي ناررر الشعلتيهااا بگلبي من انعل ابووي لابووو الخلفووونييي لابووو غيرررتي .
ياقوت : دَيهمي
ديهم : هاااا ولجج بابا هااااا
ياقوت : تحبني ؟
ديهم : تسوووين العشيرررة وشييخ الديرة
شلون ما احبج بس ابوس هل طول الحلو تره باقي طگه برااااسي واتخبل من ورااااج
ماكدرت اكتم ضحكتي ضحكت وهو يلوب يلوب وماسك خاصرته رن تلفونه طلع بره يخابر وانا كعدت ارتب الهوسه السواها وطلع واضحك على غيرته وعصبيته اححح احب اضوجه اخلي يغار غصب
شواي واجه
ـ هسه غاح تجي الكاميرات امشي اخذج يم اهلي حتى يشدوهن للبيت
اخذني يم اهله وراح ريماس كاعده يمي كالت
ريماس : ابو الخط مالتي يصير صاحبهم لـ دَيهم
و سالم هذا الغاح ويا سالم وصلوج للصالون
ـ وليش تحجيلي عنه؟
ـ شايفج من اخذوج للصالون يكول تخبل من جمالها ضليت بس صافن بيها من شفتها
ـ ريماس شهل حجي وين يريد يوصل ويدري بيه اني مزوجه
ـ ما اعرف كل الطريق يحجي بجمالج من وصلني للمدرسة
ـ كافي رموسه سدي الموضوع بديت اضوج
ـ بس هو حبااب وحيل سراني بحيث شكد احجيلوو عن حياتي ابد مايسولف ولا يحجي سري
اجت مرت بلال وقاطعتنه وكالت
ـ ياقوتَ جاي اراسلج واتساب ليش ماتردين؟
ـ تلفوني بيت اهلي مو يمي
ـ يبو ليش؟
ـ دَيهم انطاه لـ اختي شيلاء يكول ما اريد ازعاج
ـ ههههه اوو هذا ديهوم كارثه مو رجال
ريام : ماينجرع
رغد. : وهو شيسوي بالكاميرات احنا قريبين منكم والديرة امان
ردت اسولفلهن ع الشفته بذاك اليوم وشلون احد يدك الشباك بس اذكرت دَيهم وصاني ما اسولف لأحد عن شي
ياقوت : ما اعرف دَيهم قرر يخلي كاميرات للبيت يكول آمن الج من اكون انا ما موجود
اجن بنات عمه وكعدنه كعدةة بنات وضلينه نسولف بعد مدة اجه دَيهم
ديهم : يلا مريتي كومي نغيح
ـ ها ها مريتك ههههههه
ديهم : فدوه تغيحلها العشيرة وكل نسوان الديرة داده شعندي غيرها احبل اجيب
ضلن يضحكن على سوالفه اخذني ورجعنا للبيت
ديهم : عزيزة غيحي لا تلعبين بالشاشة
مال الكاميرات ابداً
ـ ديهوم هسه اليجي اشوفه يعني؟
ـ اي بس بعد ما مشتغل التسجيل بيهن الا اجيب احد يعرف بيهن ويسوي التسجيل
ـ تمام حبيبي
ـ هسه اطمنتي
هزيت له راسي بـ اي كال
ـ اهمَ شي راحتج شمعتي
رن تلفونه شاف الاسم وارتبك
ـ ياقوتَ ثواني وارجعلج
كلبي وجعني ما اعرف ليش حسيتها نور لو بنتها بس ما اريد ادمر هاي اللحضات الحلوة خايفه ادور وراه والكه شي يخليني انصدم شواي واجه
ديهم : حبيبي بابا لا تسوين غده دزيت لج دلفري
لا تعبين ايديج الحلوات شو ابوسهن
كعد يمي اخذهن يبوسهن ركز بيه يتأملني وحجه بصوت مليان حنيه وكال
ديهم :
الشمس قد قُسمت نصفين لي ولها
النور في خدها والنار في كبدي
هلا يا نعمة الباري وجنتاه
الانس تاه بمعانيه وجنتاه
مثل عين الشمس تضوي وجنته
الضوه بخده وانه النيران بيه
كمل كلامه وقرب باسني بخدي
ـ شبيها بلوة گلبي الحلوة
ـ مابيه
ـ حافظج تره جُماره
رجع رن تلفونه قفله وشمره وكال
ديهم : انعل ابو التلفون اليبعدني عنج اميࢪتي
ـ فعلت وضعية اللواگه؟
ـ هيه من تشوفج تتفعل من تلقاء نفسها
ـ دَيهم
ـ عافيتو يابه غيحو وكل دنيتو
ـ اريدك توعدني
ـ يُبا وعد
ـ اذا اجه يوم وافترگنه ترجع تحبني من جديد!
ـ انا القوي اصير اضعف مخلوق يمچ وتكليلي فراگ ومافراگ لج هوَ انا اگدر اعيفج حتى افارگج شيلي هل افكار من راسج بنيتي وتعاي حبيني
ـ شلون عرفت نفسك تحبني هالكثر ؟
ـ انا وهاي شواربي نصير اخف من النَسمة يمچ
و تكليلي شلون عرفت نفسك تحبني يُبا انا اتخبلت بيچ انا مُدمن هالضحكة وهالعيون الحلوة انعمى على گلبي من يوم عيني شافتج صرت ما اشوف بس انتِ ـ يبعد حيلي دَيهمي
ـ حبيني ياقوتَ حبيني قبل لا افقد صبري
بسته بخده كال
ـ اهوو ياقوتَ مو هنا
اشرلي على شفته وكال
ـ هنا ابوي انتِ هنااا
ـ هئ
ـ حبيني ياقوتَ گلبي ديأذيني حبينيييي
ـ هئ ما احبك
قرب هو باسني وكال
ـ تعاي لحضني جُماره
رحت لحضنه واحجي ويا
ياقوت : ديهوم سولفلي وين شفتني اول مره وشلون كلشي صار لأن مرات افكر شلون حبيتني وهاي
صار يحجي وهو يمسد بشعري ويرتب بي وره اذني
ديهم : اول مره شفتج اجيت من تكريت لـ سامراء وتحديداً ديرتكم صاحبي جان عندو شغلة بديرتكم واجيت وياه سفطنه كدام مدرسة وصاحبي نزل وانا بقيت كاعد انتظر جزعت وانا انتظره وانا صافن ع المدرسه والدنيا طالعه من عيني وكاره حتى غيحي عيني شافتج وفز گلبي وكلشي بداخلي وجانت مو فزه بوويه كارثه لعبتي بيه حتى دمي تغير مجراه وصار يمشي بأمرج
ـ شكبرني يعني؟
ـ بعدچ طفلة هلكدوتج وشايله الشهادة بأيدج وتكمزين وتضحكين
صرت اضحك وياج بدون سبب حتى عيوني تيهت شلون ترمش من شافتج وگلبي الكواد شويه ويطلع من صدري ويغيح يركضلج كوه مسكت نفسي
ـ شجاك دَيهم طفلة هيج تسوي بحالك
ـ حاولت اغض نضري عنچ ولگيت غيحي اباوع لچ وصافن اتأمل ضحكتج
ـ طيب دَيهمي شلون جان شكلي؟
يحجي ويضحك وعيونه تلمع ذايب ذايب
ـ طولج يلا ربع طولي وشعرج ضفيرة يلمع بالشمس يشبه الذهب لونه العَسلي لعب بأحوالي لعب وضحكتج؟ يااابويه تضحكين وانا گلبي مفرفح ويه ضحكتج وعيونج عاصرتهن من ضوه الشمس كوه تشوفين من بياضج وايديناتج صغار يخبلن تبعدين كذلتج عن خدج وتضوجين اذا يمر الهوى وشعرج يغطي عيونج و تاكلين بشفايفج وانا شويه ويغمى عليّ من حركاتج ضليت اتأملج واضحك وي غيحي بويه شجاني ما ادري
اباوعلج معتزله ماتمشين ويا احد واكفه وحدج والحزن تارس عيونچ شواي واجه ابو الخط صعدن كل البنات الا انتِ رحتي تمشين عرفت بيتكم قريب منا اخذت سيارة صاحبي وصرت الحگج اريد اندل بيتكم وبالغلط دست هورن وانا ملاحگج فززتج وخفتي وصرتي بس تردين توصلين البيت ولونج انخطف اتندمت حيل لأن خوفتج ضليت اسب بنفسي وصلتي بيتكم و بسرعة دخلتي جوه رجعت للبيت اضحك وي غيحي ما مصدك عرفت بيتكم رجعت للبيت اسبوع مانمت وملامحج ماطلعت من راسي
ـ ليش محجيت لي من زمان
ـ 3 ايام ما شفتچ عظم وجهي انشاف صرت الوب الوب حاولت انام نمت واجيتيني بالحلم وحجيت وياج ونومتج بحضني وشميت شعرج وضليتي بس تضحكين وانا حاير فرحان هذا حلم لو حقيقة فزيت ولكيتو حلم اتمنيت لو باقي نايم عمري كلو وما كاعد حتى عيوني حبيتها من صارت تشوفج
انتِ احَن واحلى مخلوقة شافتها عيني البرائة تاخذ منج اوصاف اميـرتو لـ دَيهم انتِ عافيتو وكل اهلو وناسو
هو يحجي وانا اتأمل سوالفه لحد ما غطست بنومي وما ادري الدنيا وين
بعد مدة كعدت ومالكيت دَيهم طالع ومقفل البيبان كلها عليّ رحت سويت كهوه شربت وكعدت بالمرجوحه كبال شباك الصالة والجو شتاء بارد يجنن واحس بفرحة ساكنتني ومتنوصف ابداً رجال الراده كلبي وبيت احلامنه و سوالف دافيه وانام بحضنه وعلى صوته ما احتاج اكثر من هيج بعد الله عوضني وزيادة وانا اتأمل كلام دَيهم اليه واتذكر واضحك ويه روحي شفت شي مر من كدام الشباك وكلش سريع يادوب لمحته وصار صوت خطوات كلش عالي وكأنُ واحد يركض يم الباب ماتن رجليه من الخوف ركضت بسرعه سديت الشباك وغطيته بالستاره واتأكدت من البيبان كلها قافلها دَيهم ورايح صارت الخطوات تفتر عل بيت داير مداير وكأنُ شي يحاول يدخل عليّ اتذكرت الكاميرات رحت اركض للصالة اشوفهن لمحت شخص مگبع بملابس سوده خاتل جوه الاشجار وكل شويه يجي يضرب الشباك بقوة يحاول يسمعني ويرجع يختل صرت اتراجف وحيلي مات رحت اركض للغرفة ادور عل تلفون الگلي دَيهم عليه وكلي خابريني بي دورته ومالكيته انضرب الشباك مال غرفتنه انا و دَيهم عبالك يعرفني انا هنا بالغرفة و صار يحجي بكلام مو فهوم رجعت اركض للكاميرات واشوفه يسولف يم الشباك ويحاول يباوع ويشوفني منه بس يريد يلمحني هبطت ودموعي صارت تصب
ـ ددد دَيههممم وينكككك ولككك ديهههممم الحگنيييي يمااااا هذا هذا منوووو يماااااا
اباوعله يحاول يكسر الشباك وكل شويه يروح يختل يخاف لا الجيران يشوفوه ووجهه مو مبين متغطي كله فجأة شرد وراح يركض وكأنُ شاف شي ارعبه سمعت قفل الباب ينفتح صحت وركضت للباب ياقوت : دَيههممم هذا والنبي هذاا شفتهههه وااااحدد يريد يفوت للبيت عليّ دَيهم
انخطف لونه وكال
ياقوت : ووينوووو
راح يباوع بالكاميرات
ياقوت : تووا جان والنبيييي من شااافك اجييتتت شررد والله العظيم جان يريد يكسر الشباااك احجي وابجي وجسمي يرجف
ملامحه تغيرت وتفكيره راح بعيد اخذني للغرفة ويحجي وياي
ـ اهدي حبيبي ابوي انتِ
ـ دَيهم والله شفتةةةة
ـ كافي ابوس ايدج يبعد طولي يمكن جاي تتخيلين
ـ لا تكلي تتخيلين دَيهم انا مو مرتاحه هنا لتعوفني وتطلع بعد اخاف وحديي
ـ صار يا امي صار يـَ تاج راسي بابا كافي ترجفين والله هديتي حيلي اووفف ياررربي صبرك
كعد يمي يبوس بأيدي ويكول
ديهم : لتخافين صرت هنا انا يمچ يُبا
طلع من جيبه قراصات على شكل فراشات وخلاهن بشعري
ديهم : احبچ فراشتي
الضحكه شكت حلكي نسيت حتى الخوف
ياقوت : الله ديهوم جبتهن الي
ديهم : لا الحڪيم يشد بيهن شعراته
لعد المن اذا مو الچ انا شعندي غير فراشتي
كمزت عليه وحضنته من الفرحة وهو يضحك والجكاره بأيده كال
ديهم : بالهداوه حبيبي الجكارة بأيدي لا تچويچ
ياقوت : حتى الچويه من ايدك حنينه
ديهم : ياحلو من علمك ع الكلام الحلو
دفن راسه بركبتي يشتمها ويحجي
ديهم : الله يا عطرج يسوه طوايف هلي
لجج من شنو انتِ مخلوقة ؟ يضيع الوصف بأوصافج يا ام عيون حلوة السابيه گلبي
اندگ الباب باوعتله وضحكت
ديهم : توا كلنا بسم الله
راح يفتح الباب واني رحت للحمام خليت الملابس بالغساله وشغلتها صاحني وكال
ديهم : مريتي اجه الغده تعاي اكلي لا خدودچ الحلوة تذبل
ياقوت : هسه جايه
شواي واجه شافني مشغله الغساله ومخليه ايدي عليها اخترع دفعني عنها
ديهم : يااااقووتَ الغساااالةةة لا تكهربج متشوفين الكهرباء قووويه
ـ دَيهم عادي دوم اشغلها واوكف يمها
ـ اي صلاوات گرة عينك دَيهم على هل مره شلون مره معدله
يتــبع …
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
شلونهن حلواتي انا حالياً بكربلاء بس كعدت كتبتلكم بارت لان كلشووويه وحده تكول لليش مانزلت
جا مو كلتلجن راح اطلع لزيارة وماكدر اكتب😒
المهم هذه بارت وماڪدر ااانزل بعد لبين ما ارجع لببيت كلتلكم صبرو بس للثلاثاء اارجع احبجن
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.