رواية بين قبضتهم وقلبه الفصل السابع والعشرون 27 – بقلم رقو الجوهر

▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭.

❂رقــــــو ـ الجـــوهر ❂

بـين قبضتهُم وقلبة

قناة تلي :

💙 .

..

ـ گرة عينك دَيهم على هل مره شلون مره معدله شو تعاي تعاي .

تخذني من ايدي كعدنه ناكل

ديهم : حبيبي انتبهي من الغسالة مره ثانيه لتخلين ايدج عليها ابتعدي عنها من تشغليها

ياقوت : صار .

يمه فدوه هذا يخاف عليّ

ياكل وتفكيره بعيد مو وياي وساكت صرت اشك بي ونور العوبه مدا تطلع من راسي ونوب هذا اليجيني للبيت يدك بالشبابيك شنو يريد مني؟ وليش الا بيتنه يجي عليه من دون البيوت؟ ورسالة التهديد الوصلت دَيهم بليلة عرسنه منو هذا وشنو يريد من عدنه

ونور شلون اتخلص من عدها بدون ما اجرح دَيهم واذي بكلامي لأن اني اعرف ميعوفها لأن هو جان سبب بموت اخوها وابوها واني اريده يبقى خايف مني لا اشوفه يحاجيها لان من تصير الشغلة كدامي بعد ما يهتم لي ويكعد كدامي يتواصل وياها شتسوين ياقوتَ شتسوين منين تجيج هاي المصايب يعني لـ ايمتى؟ شوكت ارتاح

ديهم : حبيبي راح اخابر صاحبي يجي يسوي الكاميرات يخليهن يسجلن

ياقوت : اي عفيه دَيهم اريدك تشوف بعينك حتى تبطل تكلي تتخايلين

ديهم : انا مصدكج شمعتي واثق بكلامج بس يمكن من اطفال الجيران يلعبون هنا لا تخلين ابالج وتتعبين راسج الحلو هذا ماريدو يفكر بس بيه

طلع يخابر صاحبه كملت غده ونضفت المطبخ ورحت اسبح اجاني صوت دَيهم يم الباب

ديهم : اجيج

ياقوت : تعال

ديهم : احححه صايره جريئة

ياقوت : غير زوجي قابل واحد من الشارع

دفر الباب فززني وكال

ديهم : شگلتي

ياقوت : دَيهم خرعتني شبيييك

ديهم : حلكجج افررركوو اذا تلفضين هيج اشييياااء قذرررههه

ياقوت : اطلع وسد الباب بارده بعدين نتناقش اريد اتچفن

ديهم : يااااقووتتت تتجاهلين كلاااااميي مو جاي اكل خرررااا

ماسكني من ايدي ويصيح

ياقوت : انا ماكلت شي كتلك غير زوجي مو و …

ديهم : لا تحجييهاااا خررررب لااااا تكوليههااا

ماا تفهمييننن

ضربني على راسي بخفة وهو معصب وكال

ديهم : راسج هذا اكسررررووو اذا يفكر بغيرري

فـ ما بالج بلساااانج اذا لفض اسم احد غيري .

ضليت مخترعه من تصرفاته

ياقوت : لا دَيهم انتَ متغير 180 درجة

ديهم : لا سويهن 200 درجة احسن

راد يروح رجع وكال

ديهم : باووعيي ايااااج ثممم ايااااج اسمع بيج جايبه طاري احد على لسانج حتى لو انا ماكنت موجود . وجهه اتغير لونه من العصبيه وصوت انفاسه يخوف

ياقوت : ديههممم ايدييي وجعتنيييي

نفضها بقوة صارت توجعني عافني وطلع كملت وطلعت لكيته ينزع بملابسه يريد يسبح دخل للحمام اخذت ملابسه اعدلهن حتى اغسلهن

لمحت شعر بنية على قميصه مو مثل لون شعري

هذا شعر لونه اسود وانا شعري عسلي عيوني صارن براسي من العصبيه انتظرته لمن يسبح ويطلع مدري شلون اتحملت وماطبيت كتلته

طلع ينشف بشعره باوعت لتلفونه يرن نور تتصل

ـ جاوووبهاااا هاي حبيبةة الروووح

ـ نعل ابوها نعال براسها

ـ ترا ادري بكلشي دَيهم

ـ بشنو تدرين بالله؟

ـ ادري بيك تروح تشوف نور وتكعد يمها هي وبنتها

ـ انا جنت السبب بموت اخوها وابوها ودا اسوي واجبي معندي شي وياها

ـ خوش واجب واااااجبك تخلييي بنتهااا تصيحك بااابااا مووو

ـ ياقوتَ …

ـ وانا شمدريني!! يمكن تكوون بنتك صدك وناصب عليّ وانيي مجرد لعبة بأيديك

ـ ياقوتَ اسمعيني

ـ لاااا ما اسمععككك هسه تفهمنيي شعندك وياها وبنتهاا شكو تصيحك بااااباااا اجه

يمي وكال

ـ اهدي خلينه نتفاهم .

ـ ما اتفاااااههممم اريد اعرف القندرة نوور شجابهاااا بطريقنه لو هذا هم حضييي الدنيا من شافتني ارتاحيت كالت يلاااااا خل نشمرلها مصيبه اسمها نور مثل سارة الله يذكرها بالخيررر تذكرهاااا لو ناسيهااا

ـ راح اكففررررر انطينييي مجال افهمجج

ـ شنو تفهمني؟ تفهمني نور وبنتها صارو من مسؤوليتك؟ ولازم اتقبلهم بحياتي؟ لااا ما اتقبلهااا هسه تحضررررهاااا كدااااامي

ـ حضرررتج تسوين المصايب واناا ابتلي واوكع بيهههااا انتِ بسببج صااار الحادث ودعمت اخوها وموتووو هو وابوهاا وهسه جايه تحاسبيني على غلط انتِ سببووو غصب عنججج تتحملين نتائج افعااالجج

ـ اني سبب شنوو؟؟ عييد الكلام الكلته دَيههمممم ساكت ما يجاوبني صحت وكتله

ـ عيييييد كلااااااامككك

ـ الحااادث بسببج صااار ونور تورطت بيهاا هم من ورا راسج وعنااادجج هذا ولسااانج السليط الما يسكت ولا يتفاهم انتِ شفتي رسائل خراا ساررررة بتلفوني وچنه بالسيارررة وعصبتي من شفتيهن

و اندعمنههه هذا الصااااررر كله بسببججج تحملييي اللي انتِ بي اريد گلبج يحترك مثل ما حرگتي كلبي يحجي واني مركزه بكلامه هذا شديحجي اني كلشي ما اتذكر اتأثرت بكلامه وصرت اتذكر اشياء من الحادث و راسي وجعني مسكت راسي وهو يسولف ويلوم بيه عصرت عيوني بقووة وصرخت

ياقوت : كاااافيييي اششش اسكتتتت لااااا تحجييي لاا لاااا اششش

اجه يحاول يفك ايدي من راسي وانا ماسكته واصرخ

ياقوت : يوجععنيييي دَيهم والله رااااسي يأذينييي

ديهم : ياقوتَ حبيبي شصارلج؟؟ ابويه شبيج اوكفي فكي ايديج بابا اسمعيني لا لتضربين رااسج لاا بابا ح تأذين نفسج

راسي صار يأذيني بشكل اكبر واحس دماغي يريد يتطشر من مكانه بس افكر بكلام دَيهم

ـ ياااقوتَ حبيبي احاجييجج لا تسوويين هيييجج باوعيلي ابويه

ـ وخرر عني دَيهم لا تحجي وياي روح خلي نور وبنتها يفيدوك

ـ بويه ليش هيج وياي؟ راح تبجيني وياج والله

لا تبجين انا اسف بويه عصبت و ما ادري شنو حجيت

ـ شلون انا سبب الحادث والحادث شلون صار دَيهم احجييي

ـ انا السبب بالحادث والله بس فقدت اعصابي وصرت امسلت بسوالفي

ـ والشعر اللي على ملابسك

ـ يا شعر

ـ شعععررر بنييةةةةة دَيههممم منين اجةةةة

على ملااااابسك فهمنيي

ـ اهدي بويه انا افهمج

ـ احجييي راااح اتخبلللل

ـ يا علي الاكبر تخليني احجي ام لسااان لو شلووون

ماحجي وبس ابجي كال

ـ ياقوتَ سمعيني ابوس هل ايدين الحلوة هاي  وغلاتج وداعت حبنا ماعندي شي وي نور وبنتها صح تصيحني بابا …

ـ وانتتتت فرحاااان تصيحك بابااا هاااا دَيههمممم اطلعععع براااا راااح اتخبللللل

ـ خليني ب …

قاطعته وصحت

ـ تحضرههاااااا هسه كدااااامي دَيهههممم احضرررررهاااا لو اني لو هيّ .

ـ طبعاً انتِ  انتِ الدنيا بكبرها جمرتي ما اتجرئ حتى اباوع لغيرج وانتِ موجوده انا احبچ جُماره وعلي الاكبررر احبچ يابه والعباس ابو فاضل احبچ ورُسلو وانبيائو واهل بيتو احبچ

ـ جذااببب

ـ  فهميي  انا بدونچ اضيع امسحي دموعج حبيبي لخاطري لا تبجين ابوس هالعيون انا

ـ احضررررهااااا اذا تحبنيييي

ـ صار بوويه تأمرين امر اغاتي انتِ

ـ يلااااااا راح امووووتتت ترا اختنكتتتت

ـ بويه انطيني مجال احجي ابوس ايدج ترضيها كاعد اتوسل بيج چني طفل

سكتت وهو كمل كلامه

ـ الشعر ما اعرف منين اجه لملابسي وداااعت عيونچ الما الي غيرهن وصخمه وبنتها يعني بنيتي زحمة احضرها وهيه ماعدها احد وفوك هذا كله انا العايل عليهم وموتت اخوها

ـ هههذاااا موو عذرررر

ـ طيب سؤال بويه

ـ كووول دَيههمم كوووللل

ـ لو انا احد دعمني وموتني تعوفينو بحالو؟

ـ هئ اشگه وصلتين

ـ البنيه عافتني وحتى شكوى ماقدمت ضدي

ـ طبعااااااا ما تقدم شكوى ضدددككك تررريدككك انييي اعرررففف تحبككك دَيههمممم والله تحبكككك احساااسسي ميخييبب

ـ اشش كافي ياقوتَ كافي خبال بابا انا احبچ بس الچ لو تحبني الدنيا بكبرها محد اخذ عقلي وسودني غيرچ انچبي يلااااا لا تكولين بعد فلانه وعلانه تحبك تلعب نفسي ترا

ـ دَيههمم

ـ ها ابوي ها امي تردين تسبيني سبيني ورزليني واكتليني هم بس لا تبقين زعلانه كلشي ولا زعلچ جُمارتي هسه احرررك البيت بكبروو اذا ما رضيتي والله

ـ احررركههه دَيهم احرررركه اصلاً اني مشتعلهه بنااار يااهووو ليطفيني

راح للستارة وبأيده الجداحه يريد يشعل البيت

ـ هيج تسوين بيه ياقوتَ انا اعلمچ.

دَيهم شيسوي يمه هذا صدك يسويهااا رحت اركض ومسكت ايده

ـ لا دَيهم كل عقلكك البيت شعليه

ـ كلشي بدونج ما يسوى البيت ، المال ، حتى هذا الهوى ما استاهل اشمو بدونج ياقوته ولج فتيتي گلبي فَت قاسية وگلبج ما يلين

ماسك خاصرته ويلوب ويكول

ـ اوف اوووففف يـ جُماره

طلع جكارة ورثها وكعد يشرب رحت يمه كتله

ـ تتوجع؟

ـ گلبي يأذيني جُماره من تزعلين توكع الدنيا

من عيني

ـ كافي سد الموضوع اني اسفه

ـ حن بويه حن وانا احن ولك مو بس احن اشمرر غيحي بـ سد الموصل لعيونك

ـ بس شلووون تصيحككك باباااا شلووون انا ما ارضى دَيهمي

بوويه والله متصيح بس مرات تتوهم عبالها ابوها

ـ دَيهمي محد يصيحك بابا غير اطفالنه

ـ احححا ويجون يشبهونج لا دَيهم ينتهي ع الاخير اذا جان عندو بلوه يصيرون بلوتين .

نحجي وندك الباب كال

ـ اجه صاحبي حتى يسوي الكاميرات خليج هنا ولا تطلعين حتى فّيج ما اريد المحوو

ـ صار حبيبي

ـ يعيون حبيبج انتِ تعاي بوسه

ـ دَيهم الباب كسره

ـ خرب شيب الخلفووه خليه خليه تعاي بوسه

رحت يمه باسني بشفتي ولزگ ميقبل يروح

ـ دَيهم الباااب

ـ اشتعلوو الباب واهلوو عيفيه جُماره خليني بالنعيم . بس يحضن ويبوس ويشم ويعض بالكوه شلعته كال كلامه وهو رايح

ـ فديتچچ دادة ولا ينمل منچ والعباس ادري عسل خوما عسل خرب بأمريكا

هو راح وانا نمت تعبت من خبالاتي وزعلي وطنكورتي بس ابد مو مرتاحه لـ نور وبنتها رغم كل محاولاته لأقناعي ماعنده شي وياها بس احس بيها تريد تاخذه مني خايفه اخسره صح عايش يمي ويموت بيه ما يتنفس نفس اذا مو اني موجوده بس رغم كل هذا حريصة على انُ ما اخسره وهذا الحب يدوم ويبقى وياي صار هو كل اهلي عوضني عن ناسي كلهم محد ياخذ مكانه بگلبي هو الوحيد الاستوطني وعاش بيه

ـ بعد مرور شهر ـ

دَيهم صار يشتغل بمطعم واعتمد على نفسه وهو اصلاً مو ناوي ياخذ شي من ابوه ولا يريد احد يسوي فضل علينا وبعدين يعايرنه بشي اختار يعيش العيشه اليريدها هو ميريد احد يعيشه

وهو هم يعجبني لأن ما يخلي احد يسوي فضل عليه يتعب بنفسه ويوصل بنفسه و يعيش بتعبه ميحتاج منية احد وعنده عزة نفس ما يطلب من احد حتى لو كانو اهله

واهله هم كذالك شدو عداوتهم وياه لأن اخذني غصب عنهم .

كاعدين اني و دَيهم ورن تلفونه ابوي يتصل جاوبه وكال

ديهم : هلا عمو شلونك ها ياقوتَ؟ لا والله مو يمي انا طالع

ضربته وحجيت بهمس

ـ انطيني احجي ويا ابوي

ـ جؤ اشش

رجع يحجي ويا ويباوعلي ويخزر

ديهم : ماشي عمو ان شاء الله امركم سلملي على عمتي واشهب ونوار مع السلامة .

ياقوت : ليش ما خليتني احجي ويا ابويي

ديهم : جؤ يولي متحاجي

ياقوت : مشتاقتله

ديهم : اگطمم السااانج لتكوليهااا كداااميي بععدد

ياقوت : كوم اخذني لأهلي

ـ جؤ

ـ اخذني دَيهم اخذني اريد اشوفهم

ـ ها ياقوتَ بلشنه يلا صارلج شهر يمي

ـ ميخالف حبيبي بس اشوفهم ونرجع

ـ اذا اخذج ماتباتين! ترجعين وياي

ـ اكيد كتكوتي ارجع وياك

ـ والله مال الزم الكتكوت واملخ راسوو يُبا هاي شواربي وتصيحيني كتكوتي

ـ تره ازعل

ـ ترا انا كتكوت ابن كتكوت .

ضحكت وضميته بادلني الحضن يشمني بركبتي وكال

ديهم : تستاهلين انتِ التعب تستاهلين تنزل عليچ دموعي اوفف يبعد الاودهم احبچ .

ياقوت : اموت بأسمك دَيهمي

ـ اوف يبعد اسمي كومي بدلي نغيح لأهلج

ـ والله؟

ـ وعيونچ الما ارفض الهن طلب

رحت بسرعة بدلت وهو يحجي بالتلفون ويشرب جكاير جكاره وره جكاره سطرني كملت وكتله

ـ دَيهوم كملت يلا نروح

ـ شو انداري اشوف.

انداريت اجه يمي وكال

ـ  تباً لجمالچ تشگين شگ اغار عليچ حتى من عيوني والله اوف شلون بيه تعبتيني جُماره

ـ هههههه نبطل مانروح يعني؟

ـ يَهه يَهه كل هذا الجمال الواكف گبالي واكدر اكول لا ينكطع الساني من مكانو اذا صدك يلا امشي بويه اخذني لأهلي وهو كل الطريق يسولف ما سكت ويعض بأيديه

وصلنه بيت اهلي وكال

ـ شمعتي من هسه اكلج والقران اذا مارجعتي ويايه اجيج تالي الليل اخطفج واشرد بيچ وانعل ابو اهلج لابو اهلي هم

ـ ارجع وياك حبيبي والله ارجع بس اعصابك

ـ اي لا تضوجيني واتهور واسوي شغلات ماترضي حتى اسلام الله

ـ راح نضل بالسيارة نسولف

ـ يلا ننزل

توا اريد افتح الباب قفله وكال

ـ بوسيني

ـ خليني انزل خبل

بوسيني واخليج

ـ هئ .

ـ رجعتي تعاندين ح ارجعج للبيت

بسته ولزك ميقبل يهدني

ياقوت : ديهوم كافي بعدين نكمل

ديهم : وتخليني مشتعل هيج

ياقوت : اليلعب بناري يتحمل حركها

غمزتله فتحلي الباب يضحك ونزلنه دخلنه لبيت اهلي سلمنه. ودخلنه اتعشينه يمهم واخذت تلفوني

من شيلاء كاعدين كلنا بالصالة و دَيهم كبالي يلعب بشواربه يباوعلي ويتبوسم فضحنه دزلي مسج

ديهم : اوفف ياقوته ما اتحمل بعد كومي نرجع لبيتنه

ياقوت : انچب دَيهم بعد وكت

ديهم : اكلها ما اتحمل تگلي بعد وكت كومي لا اطفر عليچ كدام حكومي هسه والزمج

ياقوت : هههه يلاااا تعال .

اندگ باب بيت اهلي راحت شيلاء تفتحه اجه ابن خالي يدور على اشهب

ـ شلونكم

ـ  هلا والله شلونك شلون الاهل؟

ـ الحمدالله شلونج ياقوتَ صدك رتوجه تسأل عليج

ـ تسأل عليها الجنه يارب شلونها مانجحت من السادس

ـ السادس وما ادراك ما السادس ساحلها سحل ههههه ـ خطيه الله يوفقها سلملي عليها امانه

ـ يوصل ، فدوه شيلاء صيحيلي اشهب

باوع وشاف دَيهم كاعد دخل يسلم عليه

ـ دَيهم هذا فراس ابن خالي و فراس هذا دَيهم زوجي

فراس : ياهلا

مد له ايده تصافحو و دَيهم شويه ويدفنه نزل اشهب اخذ ابن خالي وطلعوو

دَيهم : تعاي ياقوتَ اريدج بسالفه

ياقوت : خير دَيهم

كال كلامه وهو رايح

ـ الحكيني

لحكته بالحديقه واكف ويلتفت يمين ويسار رحت يمه وكتله

ـ ها حبيبي

ـ من خرررااا بحبيبجج ولججج انا شكم مره وصيتجج هاااا متفهميييين

اباوع له ايديه ترجف فتح دگمه الدشداشه الي يم رگبته اختنگ من الغيره يمه فدوه

ياقوت : دَيهمي شسويت انا ؟

ديهم : لا تدلعيييين ومدررييي شتسوووين شكووو تسلمين على ابن خالج شكووو وبعدين هوو شمدري انتِ هنااا هاااا ؟؟؟ وليش اجه من احنا اجينةةةة؟؟ احجي ياقوتَ جاوبيني

صوته صار عالي وهو يحجي كتله

ـ اهلي يسمعونك شيكولون علينه

ديهم : خلهم يكولووون اليريدووو ابنننن خاااالججج الكووواااد شمدري احنااا هنااااا فهمينييي ياقوتَ

راحح اكفرررر

ياقوت : شنو قصدك دَيهم؟؟ تشك بيه لو شنو؟ كول ليش تلاوف بالحجي

ديهم : اييي اشك واملص رااااسجج هم اذا طلع صددككك

مسكني من ركبتي خنگني كل عقله ونتر بعصبيه ديهم : وهذا الساااانججج اليسلم ع الراااايح والجاااااي يوم من الاياااامم اكطعووو واعلگووو بركبتج تذكاااار الج دَيههمم شيسووووي اذا تنكسرررر كلمتووو فاااااهمههه يالخاااااتوووون

ياقوت : وخرررر ايدك خنگتني دَيههمم

فقد اعصابه وتحول شخص ثاني وايديه ترجف وهو خانگني بأيده وعيونه انگلبن حمر

ـ فااااهمهه يااااقووتت!! مححد الووو حققق بيججج اكثررر منييي

ـ وخرررر راح تموتني دَيهم

صرت اكح وعيوني دمعت هدني وابتعد عني انطاني ضهره يحاول يمحي الرجفة من ايديه طلع جكارته ورثها واني اكح وبصعوبة اجر النفس

ـ امشي نرجع

اليوم ابات يم اهلي ارجع وحدك

التفت لي شويه ويدفني

عيدييي شكلتييي؟؟؟ تردين تبقيييين هناااا و دَيهم مشعول ابوو ابوووه يلااااا كداااامي ع السياااارة واني ابجي كتله

ـ ما اريد اروح وياك

ـ يااااااقوت ع السيااااارة ح اكفرررر استغفر الله عاندته راجعه لبيت اهلي سمعت خطواته اجاني كتله ـ ما اريد ارجع ويااااك وخرررر دَيهم انتَ متغيرر جاي تأذيني بتصرفاتك انتَ مو دَيهم الحبيته!

ـ لأن اغاااارر عليجج گلتي متغغيررر؟ ولجج اخخخ ح تجلطيني انتِ امشيييي اصعععدييي بالخررراا السياااارة

ـ وخر ايدك ما اصعد اريد ابقى يم اهلي من تعقل ارجعلك

ـ هااا يعني انا خبل؟؟؟ هيج تشوفين يااااقوتت؟ هسه اعلمججج ع الخبلل شيسووويي

جرني من ايدي غصب ياخذني للسيارة واني ارافس ما اريد ارجع ويا ودموعي تصب

ياقوت : عوووفنييي دَيههممم ما تكدرر تجبرررنيي

ـ الييي وغصب وهذا عناااادج بطلييي يااااقوت ترجعين ويااااي يعنييي ترجعييين

ياقوت : ما ارررريد ارججعععع مو كووووه عوفنييي ديهم : چن هيه بكيفجج ماترررجعييين امشييي وياااااي يااااقوت لو تبچين دمم هم ماااا اخليج هناااا

اشهب : شبيكم صاير هنا شكو؟؟

دَيهم عاف ايدي وكال لـ اشهب

ديهم : لا شهوبي ماكو شي بس ح نرجع للبيت ماضل وكت مو ياقوتَ؟

اشهب : شبيج خويه ياقوتَ ليش تبجين

سكتت ما جاوبته رجع كال

اشهب : اذا حابه تضلين هنا ضلي باتي بغرفتج بعدها مفروشه .

باوعت لـ دَيهم يخزر بيه ويهز لي راسه بـ لا

ياقوت : اي شهوبي اريد ابقى هنا هيج يومين وارجع احس مشتاقتلكم

اشهب : خويه لا تبجين ابقي هنا اني هم ماشفتج زين والله مكانج خالي يوميه افگدج من ازوجتي لهسه

وكفت بصف اشهب واباوع لـ دَيهم الحسره بعيونه شويه وينفجر

اشهب : حبيبي دَيهم خليها هنا واني ارجعها باجر

او بعد باجر ما شفناها عدل

دَيهم يبلع بريگه يحاول يجمع الاحرف من العصبيه يريد ينطق شي بس صعب بلسانه وبالكوه نطقه وكال

ـ تمام شهوبي يلا اترخص

اخذني اشهب و دخلنه للبيت و دَيهم بعده واكف مكانه ينتظرني اغير رائيي صعدت لغرفتي باوعت له من الشباك صاعد بالسيارة وينتظر رن تلفوني هو يتصل ما جاوبته ضل يتصل  فوك النص ساعة حرگ التلفون ودزلي مسج

ديهم :  انعل ساسج والخلقچ الليلة شوفيلچ مكان تلبدين بي لأن ماخليها تعدي على خير

شفتها وما جاوبته رجع كتبلي

ديهم : مصختيها كلش كدام اشهب والله لأطلع هذا الدلال كلو من عيونچ العمص

هم شفتها وما جاوبته

ـ  لتجاوبين انا اعلمج على ربج شيسوووي

مسكت التلفون وقفلته وضليت ابچي واتذكر شلون خنگني وافكر هذا ليش هيج تبدل فجأه

خايفه لا يطلع نفس اهلي ونفس قوتهم وتجبرهم وقسوتهم عليّ خايفه يجي يوم وهذا حبه الكبير الي يسيطر عليه بشكل كامل لأن اي شي يزيد عن حده ينگلب ضده خايفه ينگلب حبنا ضدنه خايفه من غيرته الزايده اخاف تتحول الى شك بيوم من الايام لأن اذا الشك دخل الگلوب مستحيل يطلع منها اما يدمر صاحبها او يدمر كلشي حواليه الشك مرض وموت بطيئ بدلت ورحت لفراشي انام والتفكير قلقني بصعوبة يلا كدرت انام

بعد مدة حسيت ايد مقيدتني وانفاس دافيه بركبتي خفت ماتن رجليه التفتت وشفته توا اريد اصرخ صم حلكي بأيده سحبني لجسمه انفاسه يم اذني وهمس ـ تعانديني ياقوتَ ؟

صرت ارفس بي وادافر اريده يوخر ايده عن حلكي عصر خصري بأيده وكال

ـانا تعانديني جُماره ؟ وتستصغريني كدام اخوج صرت اضرب بي على ايده احاول اخلي يهدني قافل

ـ اوفف باوع شلابسه وتريدني اعيفها هههه

اختنكت كاتم انفاسي بأيده كال

ـ اشش تكومين هسه ترجعين وياي فاهمه؟

وخر ايده عن حلكي سحبت نفس بقوه وارجع ازفره  كتله بخفوت

ـ انتَ اتخبلت ؟

احجي واكح وعيوني دمعت

ـ ولا حرف امشي كدامي

ـ ما ارجع الا من تعقل دَيههمم تصرفاتك كلها غلط

ـ مااا تفهميننن انتِ جااااي اكلجج امشييي كداااامي

ـ ما خليني هنا وباجر اجي

ـ و دَيهم اتسوووودنننن يعيفجج ويرجع للبيت وحدوو  كوووميي يااااقوتَ لا تكفرررينييي

ـ دَيهم انتَ متغير وصاير ت ….

ما كملت كلامي و جرني من ايدي شال تلفوني طلعني سحل وخايفه اعلي صوتي ويكعدون اهلي يشوفونه هيج اخذني للسيارة واني بس ابجي فتح الباب وصعدني غصب وسده بقووة فززني اجه صعد يمي وكال

ـ ااانا مشعوول سلفههه سلفااااي وانتِ تررديننن تبقينن هناااا انا الچ ياقوتَ انا الچ سهله اااناا تسوووينن بيه هيييجج

رن تلفونه واحنا راجعين كتله

ياقوت : رد عليهاااا هااي نور حبيبة الروووح شكوووو جاااي عليّ امشييي روحلهااا اااذا انتتتتَ حضرررر ما حضرتهااا لخااااطررري

ديهم : اكفرررر هسه وانتِ السبب اسكتيييي كاااافييي ياقوتَ نعال براسهااا انعل ابووج لابووهاااا سكت شويه ورجع كال

ـ ابچي عقابج ما خلص ابچي لجج اناا تحرگين كلبي هيييج ياقوتَ هاي كلوو لأن عرفتيني احبججج تتعمدين تشلعين گلبي لجج ااخخ اااخخخ

وصلنه البيت واني ساكته بس اشاهك خايفة منه فتح باب السيارة وكال

ـ انززلييي

ما جاوبته كال

ـ يااااااقوتَ لا تمرمرين گلبي

جرني من ايدي ماخذني للبيت سمعنه صوت ضحك من سطح الجيران باوع دَيهم وشافهم ولد عمامه يسهرون ع السطح وانا لابسة دشداشة ربع ردن والدلعه واسعه وشعري طالع لا شال ولا عباية وكف كبالي متعمد حتى م يشوفوني اخذني للبيت فتح الباب و دفعني وكعت بالكاع دخل وقفل الباب علينا

ديهم : شوفي انا اتحملت عنااادج وصلاااافتج هاااي هوواااي مره ثااانيه من اكلج ترجعين وياي للبيت يعني ترحعيييين فاهمه

ما جاوبته بس ابچي رجع ضربني بخفة على راسي ويحجي

ديهم : فااااهمه جاااوبينيي

هزيت له راسي بـ اي هذا يخوف

ـ وبعدين شنو هذا اللابسته وانتِ بيت اهلج هيج لبس اكسرررج اذا لبستي انووب بس يميييي هيييج تلبسيننن يااااااقوتَ المن لابسته هاااا المنن لأبن خاااالججج لو لأخوااانججج لو شنووو فهمينييي شدسوووين انتِ

مدنگ يمي ويحجي شويه ويفرمني بأسنانه

ـ دد دَيهمم واذا لبست هيج  بيت اهلي مو ببيت احد غريب وابن خالي شجابه بالطاري شعندي وياه؟

صك على اسنانه بنفاذ صبرر وعض اصبعه السبابه بقوة كام لحيله يروح ويرد وصار يضرب براسه ويكول

ـ  وتكليلي بيت اهلججج واااذااا خررراااا بيتتت اهلججج متفكرريينننن اححدد يشووفججج ههييججج ماتحسينن بنااار گلبييي الكوواااااد ههاااا ترردين تموتيينييي من الغيررررره ياااااقوتَ

يضرب على كلبه  ويكول

ديهم : متفكرررينننن بيةةةة وبالجااااي يصيررررر بگلبييييي من اشوووفجج هييججج اصلاااااا بس اتخيل انجلطط مو نوووب اشوووفج من خرررربب **** خرررب ****

انرعبت منه كمت لحيلي رجليه يرجفن ما وصلت الغرفة وكعت بالباب رجعت كمت وصلت الجربايه اتغطيت بالبطانيه وحتى راسي غطيته واسمع صوته يحجي ويكفرر

اجه يمي وسحب الغطه ومسك فك حلكي وخنگني ع الجربايه

ديهم : حتى ولددد عميي شااافووج من السطحح بهاي دشداشتججج القذرررره مال ال**** هسه تنزعيهاااا ياااقوتَ ما اريد اشووفججح لابستهااا بععددد حتى بينج وبين نفسجج ما اررريدج تلبسيهاااا

مسكها وشگها عليّ واني لابستها وكال

ـ وانتِ فرحااانهههه شاااافوووججج بيهاااا من انعل *** من **** منننن السوااااااچ

ـ عوووفنيي دَيهم اتخبلتتت شجااااك وانييي شعرفني بولد عمك ع السطحح عوفنييي لا تشگهااا احجي وارجف واناشغ شگگها ونزعها الي وشمرها بالگاع

ديهم : ما اررريد اشوووفهاااا بسلة الخرا النفاياااتتت تلزميهاااا وتحررركيهااااا ما اررريد حتى احد يلمحهااا فاااهمه انعل *** لبوو *** گلبي الكوووااااد الحبچ

جريت اللحاف اتغطيت بي رجع كشفني وفرك حلكي بأيده وكال

ديهم : وهذااااا حلگجج اررريد اررربييي

ما يرد السلااااام لحد شلووون تشعلين گلبي بناااار كدام اهلج وتسلمين على ابن خاااالججج الخراااا هاااا .

يحجي وايده ترجف دفعت ايده وصحت بوجهن

ـ وخررر عنيي ومرررض انتَ مو صاااحي مريض نفسي

الساااانج اكصووو ياااقوتَ ااااذاا يلفض اسممم احد غيرررري فااااهمه

جريت اللحاف اتغطيت وانا اشاهگ وروحي تريد تطلع من البچي سمعت خطواته طالع راح وعافني

حاولت انام ما كدرت وهم بردت لأن المسودن شگگ دشداشتي وبقيت بدون ملابس رحت لبست تراك و فتحت تلفوني اتصفح لكيته متصل ع الواتساب ودازلي رساله كاتب

ديهم : انا يم ولد عمي ع السطح سهران لا تنتظريني شفتها وتجاهلته بعد مدة ساعة 4 الفجر سمعت قفل الباب يتحرك عرفته اجه طفيت التلفون واتغطيت عود نايمه ما اريد اشوف شكله اقتربت خطواته مني وارتجفت منه خفت يرجع يتسودن ويأذيني صار يمي وهمس

ديهم : شبيها ام عيون حلوة ما نايمه ؟

تجاهلته كعد يمي تقرب مني وحضني من وره اللحاف ويتنهد بحسرة وخنگه سكت شويه ورجع ڪال

ديهم : اغار ياقوتَ والله اغار

ابتعدت عنه ما اريده يلمسني حجه بهمس

ديهم : اغار حتى على انفاسج اخاف يشاركها غيري  والله اغــار من الهوى اليدخل بصدرج لو بأيدي احرمج حتى الهوى  انا اعرف تاليتج تعيفيني بسبب غيرتي الزايده كون الله ياخذ غيحي قبل لا اشوف هذا اليوم

صرت ابچي وهو يبچي وگال

ـ انا خايف

خايف لا تمر نسمات وتشتهي بروحج مكان

خايف احد ياخذج مني خايف تزهگ غيحج من غيرتي وابقى وحدي  انتِ كل اهلي وناسي ياقوتَ لا تخليني حتى لو قسيت عليچ ابوس ايدچ

اذا احد يلمح خيالج اتسوودن مو نوب تحجين وتبادلين غيري بالكلام متعرفين شصار بحالي من اجه ابن خالج وشلون يباوع لج ويحجي وياج وانتِ تضحكيلوو يااااقوتَ لييييش تضحكيلووو؟ ليييش مافكرتي بحالي اااخخ لجج انا گلبي يهواج والله لو بطل يهواچ انتزعوو من مكانوو واررميه ما يلزمني بعد حتى عيوني ما الها داعي اذا ماتشوفج ياقوتَ . ياقوت : روح دَيهم ما اريد احاجيك

ديهم : كلشي بيدج ياقوتَ حتى ضحكتي انتِ ترسميها على شفتي وانتِ تمحيها حتى حزني بكلمة منج ينچفي ويتبدل لـ فرحة

ياقوت : رووح دَيهم كافي

ديهم : انا اعترف اذيتچ وخوفتج بس لا تحرميني منچ احرميني العافية ولا تحرميني گربج

سكتت ما جاوبته كال

ديهم : يلا جُماره شوفيني عيونچ الاحبها

سحب اللحاف من فوكي غطيت وجهي بأيديه متعمده ماريده يشوف دموعي جرني من ايدي

ياقوت : عوفني دَيهم

ديهم : تعاي يمي ابويه انتِ

ضمني لصدره يشم بركبتي

ديهم : ااشش اسف بويه والله اسف

ـ ميفيد الاسف دَيهم انتَ متغير ههوااااي وايدك جاي تنمد عليّ وتأذيني لعد شنو الفرق بينك وبين اهلي

ـ يااااقوتَ كلشي سوي بس لا تستفزيني بأحد ثاني انا اموت ولا غيري يسمع همس صوتج كافي يابوويه والله اسف لا تبچين

مسح دموعي وكال

ديهم : اضحكي خل يرجع نبض گلبي لـ مكانوو مستمره بزعلي وما ناويه اراضي حتى يعرف مره ثانيه يضبط اعصابه وما يأذيني هيج باسني بعيوني و كال

ـ انا لگيتچ من بعد دعوى شكبرها لا تضنين دموعچ تهون عليّ  ما اريد اي بشر يلمسچ حتى لو بنضره  انتِ شي يخصني ياقوتَ  احبچ بطريقة امچ الحبلت بيچ وجابتچ ماحبتچ هيج احبچ بخبااال ياااقوتَ  ضمني يشم بيه وحجة بخفوت

ديهم : ضميني ياقوتَ ضميني اشفيلي كل جروحي محد غيرچ يكدر يشفيني انا هَايم بيچ

ياقوت : دَيهم …

قاطعني وهوه يكول .

ديهم : ها ابويه ها امي ها يدنياي انتِ

ياقوت : اني مشكلتي هواي احبك

ديهم : احلى مشكلة يابعد غيحو لـ دَيهم انتِ

ياقوت : والله جد دَيهم

ديهم : عيونو وگلبو لـ دَيهم هَايم بيچ

ياقوت : مشكلتي احبك وبكلمتين تقشمرني وتراضيني

ديهم : انا عاشگج

ـ تكدر بسالفتين تغير مجرى دمي مو بس تغيرني

ـ يغيحلج فدوه دَيهم

ـ اني احبك وما اكدر ازعل منك شنو الحل انطيني حل

ـ حبيني يبعد حيلي استاهل تحبيني

ـ شما تسوي بيه ما اكدر ازعل منك

ـ افديچ بغيحي اغيحن فدوه لرسمة هل وجه الحلو شو تعاي بوسه

ـ لااا وخررر

باسني غصب وكال

ديهم : احبچ جُمااااره احبچ اووفف حتى گلبي جَمر من حبچ هسه يشع شع مضوي

ياقوت : وخرر ايدك اريد انام

ديهم : جؤ متنامين

ياقوت : دَيهم خليني اناام

ديهم : جؤ تضحكيلي وانام

ـ باجر

ـ الدم ما يمشي بيه اذا ما اشوفن ضحكتج

ـ خليه ماريده يمشي

ـ ليش

ـ عقاب الك يلااا نام

ـ افاا هيج كارهتني

ـ اموووت منككك رعبتني قبل شويه

ـ ههههههه لهسه طعم الدم من اصبعي بحلكي لجج فقدت اعصابي مو زين ما كتلتج

ـ هممم ع الجايات تسويها

ـ يلا عاد جُماره ح تبقين لازمتها عليّ

ـ هئ مو لزمه هاي حقيقة

كفخني على اردافي واني منطيته ضهري وكال

ديهم : شلون شايله هل قساوة وانتِ ترفه ههواااي ترفه .

ياقوت : اممم فعلت وضعية اللواكة

ديهم : كومي وحق الله ماخليج تنامين

صار يدغدغ بيه موتنيي عافني عدلت كعدتي

ياقوت : وهسه كعدت يلا سولف شعندك

ديهم : جُماره

ياقوت : ها

ديهم : دموعچ چون گلبي انا اسف بويه لأن قسيت وياچ

ياقوت : ميفيد الكلام اريد افعال

ديهم : يعني اشيلج وارگعج بالكاع

حتى تصدكين انا شكثررر احبچ ومتندم؟

ياقوت : سويها اذا بيك حض

ضربني راشدي وكال

ديهم : لسااانج هذا اخخ منووو كل المصايب الطاحت على راسي من لسانج حتى هيج حبيتجج واتسودنت بيج بسببو للسانج

اني اضحك وهو مكزكز ويحجي

قرب شفايفه من شفايفي وهمس

ديهم : خلي شفتج على شفتي واحجي‏ اريد احفظ طعم صوتج

شفته لمست شفتي وهمس ذايب

ديهم : احجي ياقوتَ احجيي اريد احس بطعم السوالف من شفافج الـ دهورن حالي ومرمرني . يحجي ومغمض عيونه خله اصبعه على شفتي يلتمسها بحنية ويحفظها

ديهم : بسهن يرجفن شفايفج رجفن گلبي

انفاسنه امتزجت كال

ديهم : حتى انفاسج ما يشاركچ بيها غيري احرمچ الهوى ياقوتَ والله احرمچ انتِ بس الي

دفعته وكمت من يمه حاول يمسكني ما كدر شردت عض شفته السفليه وكال

ـ غايح لجماعتي شواي وراجعلج

كتله بدلع

ـ اريد انام دَيهووم

كال كلامه وهو رايح

ديهم : جؤ ماكو نوم اليوم

سمعته يقفل الباب وهو رايح رحت سبحت وطلعت رطبت جسمي وخليت ميكب كل تفكيري هو ليش هيج تغير فجأة وشسوي ويا حتى يرجع نفس قبل فتحت الكنتور ادور شي البسه يخليه يتخبل عليّ بلكي يعقل هذا المتسودن لبست ملابس نوم شفافه واني واكفه كدام المرايه سمعت قفل الباب ينفتح رحت للمطبخ ختلت دخل دَيهم وراح كعد بالغرفة

ع الكرسي ماسك راسه بأيده وكال

ديهم : ياقوتَ وينچ

طلعت امشي بأتجاهه وهو يتصفح بالتلفون مو مركز وياي صرت بالباب وكتله

ياقوت : عادي ادخل؟

ديهم : تعالي .

رفع راسه باوعلي دخلت للغرفة واني اتمايل

فك حلكه وفتح عيونه على وسعهن من منظري

حتى ماكدر يرمش تقربت منه وخليت اصبعي تحت فكه وغلقت حلكه وكتله بدلع

ياقوت : شنو ماعجبتك؟

فرك عيونه بأيده ورجع يباوعلي من فوك ليجوه يتأملني ومركز بيه .

سحبني بحضنه وكعدني على رجله همس بأذني

ديهم : احبج شمعتي مييت بيج

جرني عليه انفاسه صارت على ركبتي مشه خشمه على طول ركبتي واخذ نفس عميق

باسني بخفة برگبتي وبقى مستمر رجع على شفايفي واخذ شفتي السفليه بين شفايفه ويبوس بيها بقوة

ديهم : تردين تخبليني ياقوتَ احبببج

……….

حسيت بأصابعه تدخل بخصلات شعري باوعتزه واتذكرت الليلة المضت ابتسمت وكتله

ـ شوكت كاعد

ضحك بطرف شفته اختفت ضحكته وكال

ـ هوَ انا نمت حتى اكعد ؟

كمل كلامه وباسني بشفتي ورجع حجه وهو يتأملني

ـ منين طلعتي لي انتِ انا هايم هايم بيچ

ضربني على خدي بخفة وكزكز عضني من خدي وكال

ديهم : اوففف اوووففف

ياقوت : لا تعض فدوه

ديهم : ويلوموني ليش احبك لكك انت النفس مال انا

ضل يشاقي بيه وضحكني لمن فحطت وراح يلبس بقميصه وكف كدام المرايه يعدل بشعره ويحجي

ديهم : اليوم ريوگ وليدي انا اسويه

باوعلي مبتسم وعيونه تلمع راح للمطبخ عضيت طرف شفتي وراه وكلت

ـ هيج الاغرائات تسوي بيك ؟

غطيت وجهي وضحكت بدلع

كمت غسلت وجهي باوعت بالمرايه ركبتي وصدري كله اثار حاولت اتلمسهن مكانهن يأذيني غسلت وكملت وطلعت لبست البرنص ورحت يمه بالمطبخ يطبخ وياكل شربت ماي من البراد وتبده على جسمي بدون ما ادري التفتلي اكلني بنضراته طفى الطباخ وتقرب يمي اخذ الكلاص من ايدي شالني وخلاني

ع الكاونتر دفن راسه بركبتي يشمني من اذني وهو نازل لصدري وهمس ذايب

ديهم : تتعمدين تسوين هل حركات كدامي ؟

ياقوت : ممادري وبللت …

قاطعني واحتضن خدي بأيديه يبوس بشفتي اجانه صوت من بره وقاطعنه الشباك صاير وراي باوع دَيهم للشباك شاف صاحبه يدگ بالباب الخارجي عگد حواجبه بضوجه نزلني من الكاونتر نتر

ديهم : كداام الشباك ما اريد المحچ .

طلع وعافني رحت للغرفة حتى ريوگ ما اتريكت مالي نفس ضوجني لأن نتر بوجهي

بعد مدة رجع وبأيده صينيه الريوگ

نزلت نظري عنه وبرطمت بزعل خله الصينيه كدامي وكرصني من خدي بخفة وسرق بوسه من شفايفي وگال

ديهم : وليدي زعلان مني ؟

حضن وجهي بكفوف ايديه وصار يبوس بيه ماترك جزء ما باسه حتى ما خلاني الحگ احجي توا اريد احجي سكتني بوسه على شفايفي بقى يدغدغ بيه يضحكني ما عافني الا من سمع صوت ضحكتي وابتسامتي انرسمت على شفايفي خلاني بحضنه وصار يوكلني

ـ دَيهم …

ديهم : اشش نكدج غاح يخرب كلشي علينا

من خلصنا ريوگ طلع جزء من صدري باوعله ورفع حاجبه نومني عل جربايه على ضهري وفتح البرنص حك طرف حاجبه وهو يضحك وكال

ديهم : هيج مسوي بيچ انا ؟

ديهم : لعد اني!

ضربني بخفة على خدي رن تلفونه

شاف اسم المتصل تغيرت كل ملامحه واخذ التلفون وطلع خارج البيت يخابر

بقيت بحيرة والتساؤلات محتله افكاري احس بي شي مو طبيعي كمت بدلت لبست شلحه مارونيه وكعدت ماكو شي اسوي شواي واجت ريماس

ريماس : شلون چنتنه الحلوه

ياقوت : هلا رموسه حبيبتي سويتي زين من اجيتي ضايجه وحدي

كعدنه نسولف وكالت

ـ  يمااااا هاي شمسوي بركبتج وبصدرج المصكوع؟؟ عرگ وجهي من الخجل بساع خليت ايدي على صدري احاول اخفي الاثار ابتسمت وكالت

ـ بس حقوو ما الوموو محد يقاوم هل جمال

غيرت الموضوع وكتلها

ـ ريماس اجيب لج ماي تشربين هـ هسه اجي

طفرت للمطبخ وهيه فاكه حلكها مصدومه من الشافته رحت للمطبخ مسحت عرگ كصتي من الخجل وحاولت اغطي صدري بالدشداشه حتى مايبين شي اخذت الماي ورحت يمها

ريماس : ياقوتَ اكو شخص ارسلج سلام وياي

ياقوت : منو؟

ريماس : واحد كال سلميلي عليها هواي هواي واعتذريلي منها بنفس الوقت

ـ غير اعرف منو وليش يعتذر؟

ـ يسلم عليچ لأن صرتي عزيزه على گلبوو وانتِ بعيده و يعتذر منچ لأن ما تغزل بيچ وانطه لجمالج حقوو

رفعت حاجبي مستغربه وكتلها

ـ هههههههه صدك تحجين شهل تمسلت؟

ـ والله ما امسلت صراحتاً ياقوتَ انتِ الف واحد يتمناچ تكونين من نصيبوو

رفعت حاجبي بأستغراب اكثر وصفنت بيها هاي شتحجي؟؟

ريماس : يكول مرتاحه بزواجها؟

ياقوت : الحمد لله

ريماس : يكول حاسس بيها مو مرتاحه ويتمنى يسمع صوتج ولو لمره وحده

ياقوت : رموسه اختصريلي هذا يا قندره هيج

يحجي ومنو سمح له وشلون يتجرأ؟؟؟

تقربت مني وحجت بخفوت

ريماس : معجب سري

كالت كلامها وغمزتلي

ياقوت : دليني وينه حتى انعل ساسه اني مزوجه شله بهل حجي؟

ريماس : بعدين تعرفين كلشي بوكتو حلو

غيرنه الموضوع وضلينه نسولف ونضحك دزينه اندومي وببسي طبخنه واكلنه و رحنه اتمددنه بالغرفه النعس بعيوني و ريماس تتصفح بالتلفون وتضحك وتراسل كمت طفيت الضوه وكتلها

ـ رموسه انا راح انام البيت بيتج لا تترددين

ـ يبعد عمررري ياقوته احتاج سلامتج

غطست بنومتي وماعاد ادري عن شي

بعد مدة كعدت على سوالف ريماس و دَيهم ريماس تكول

ـ يلا خويا دامك اجيت انا غايحه

ـ ابقي رموسه بعد وكت اتعشي يمنه

ـ لا خويا مشكور من الصبح انا يم ياقوتَ ماخليتها كلت الا من تجي لأن جانت نايمه وما يمها احد

ـ تمام رموسه دربالج من الطريق

ـ ماشي خويا يلا باي

راحت وااني كعدت فركت عيوني و باوعت لـ دَيهم باسني بشفتي بطرف شفتي البوسه لاحت خدي ابعد خصلات شعري وگال

ديهم : نايم ملاكي ؟

ياقوت : همم وين چنت

ياقوت : بالمطعم بابا كومي حضريلي ملابسي

اريد اسبح احس جسمي متكسر

ياقوت : يساعدك الله حبيبي تعبان؟

ديهم : كلش والله

ياقوت : سوده عليّ من حيلي لحيلك حبيبي

سحبني لحضنه يلعب برموشي وكال

ـ  اسم الله عليچ لا تحجين هيج

ـ اذا تعبان اسبح ونام يروحي

كال وهو يلعب برموشي وخدي

ــ ما اعيفج وانام كل تعبي يغيح من اشوفج كبالي

ـ احـبك دَيهمي

ـ باجر اخذج اشتريلج كلشي تحبينو

ـ انذ مو ماديه ولا اريد الفلوس اني اريدك الك دَيهمي اني حبيت دَيهم حبيت روحه حبيت حنيتك حبيتك مثل ما انتَ كلشي ما اريد من الدنيا بس تبقى يمي

ضحك  وهو يتأمل عيوني وكال

ديهم : شمسوي بحياتي والله رزقني بهيج مخلوقة ؟

ياقوت : متعرف شكد احس بالسعادة والامان

من اكون يمك انسى كلشي وتبقى بس ضحكتي مرسومه بشفايفي

دنگ باسني بشفايفي وگال

ديهم : اريد اعرف شنو اللي سويتو وهيج تحبيني احس امي ما حابتني مثلج

ياقوت : انچب

ديهم : هههههههه

رحت اطلعله ملابس من الكنتور

ـ تلبس هذا لو هذا ؟

صافن بيه ويتأملني من فوك ليجوه لوحتله بأيدي وكتله

ـ بسبس وين صافن؟

ـ بطولج الحلو بشعرج اليشبه خيوط الشمس بخصرج الفااارني فررر

كام لحيله عاض شفته السفليه ويبتسم بتلاعب

صار يمي مركز بجسمي باوع عليّ من فوك ليجوه وكال

ـ ناويه تذوبيني اليوم ؟

ـ لا بس …

جرني ولصقني بجسمه وكال

ـ اشش انتِ جاي تلعبين بناري

ـ ددَ يهم الحمام..

. قاطعني وگال

ـ تتحملين حرگها ؟

يعصر بجسمي بأيديه من گفه الدشداشه رفعها ومرر ايده من جواها انفاسنه اختلطت وانا ذبت بين ايديه رن تلفونه صار يصيح بزعل وحرگه گلب اخذ التلفون جاوبه وكلامه غريب متقطع وبتوتر مو مرتاح بوجودي اخذتله الملابس للحمام ورجعت لكيته مكمل اتصال

ياقوت : حبيبي الحمام جاهز

فات من يمي ضربني على اردافي

غمزلي وكال

ديهم : كبرانه

ياقوت : اووي لا

ديهم : اموت ع الاوي مالتج اخدررر اذوووب

كال  كلامه وهو رايح

جهزت العشه على ما طلع من الحمام وخليته

ع الطاوله بالمطبخ اجه ينشف بشعره وكال

ـ معدله مريتي تعادل 10 نسوان

ـ اممم هاي كله لأن طبختلك عشه

كعد ياكل ضحك وكال

ـ جؤ بعيني تعادلين الدنيا بكبرها

توا اريد اكعد ع الكرسي كال

ديهم : تعاي يمي بابا

رحت يمه كعدني على رجله يوكلني وياكل وياي

رن تلفونه صاحبه يتصل جاوبه وكال

ـ هسه دقايق واجيك بس اتعشه

نزلت راسي بزعل كال

ـ بويه زعلتي لأن ح اطلع؟

هزيت له راسي بـ اي

ديهم : بنيتي ما اطول اوعدچ نص ساعه واكون يمج

ـ  نص سااااعة بسسس!!

ـ وعد

وخرت من رجله اخذت المواعين اغسلها وهو راح للغرفة وصاحني

ـ ياقوتَ بابا اريد قمصلتي

ـ حبيبي بالكنتور

ـ ما اندلها

ـ هسه جايه

نشفت ايدي ورحت لبستها اله وانطيته سويچ السيارة وصلته للباب الخارجي باسني براسي وكال

ديهم : بويه اقفلي الباب ما اوصيج ولتفتحي لأحد كائن من يكون

هو راح يصعد بالسيارة واني راجعه للبيت

ابن جيرانه مد راسه من السياج وصوفر بعالي صوته فززني سمعت خطوات دَيهم رجع باوعتله اجه بأتجاهي وعيونه تجدح من العصبيه

ـ شهل استهتار هذا ؟؟

ـ مـ مـ مادري منو صوفر من الـ …

قاطعني ونتر بعصبيه

ـ طبي للبيت ياقوتَ!

صرت ارجف من الخوف ما عاندته توجهت للبيت وهوَ يمشي وراي و يدردم دخلت البيت دخل وراي وطگ الباب قفل كملت طريقي للصالة واتلفت وراي خايفه لا يأذيني كعدت ع القنفة لامه نفسي منه اجه گعد كبالي و دمارات وجهه شويه ويطگن

ديهم : منو صوفر لچ ؟

ياقوت : مـ مادري دَيهم والله معليه اني

كلتها والبچيه بصوتي غمض عيونه بنفاذ صبر ويضغط ع القنفه بأيده يحاول يخفف من عصبيته وايديه ترجف كام لحيله عدل ياخه قمصلته وگال

ـ عقابج من ارجع

طلع وقفل الباب عليّ ضليت بمكاني

شواي ومليت من وضعي وليش اخاف منه شيسوي يعني بكلمتين اقشمره رحت للغرفة باوعت شفت الكمبيوتر مالته رحت شغلته العب بي مدري شضغطت ع الماوس وماعاد يشتغل

ولكك خررب ارجع شجاك هم عرفت حضي

يمه هذا مسودن كلشي ولا الكمبيوتر مالته حاولت وياه ما يرجع انهجم يماااا طفيته وكعدت متوتره اگرط بأضافري من الخوف راح تصير الكتله كتلتين عليّ بعد مدة سمعته اجه يفتح بقفل الباب حسيت اطراف رجليه اتجمدت من الخوف دخل باوعلي نزع قمصلته وعلگها وره الباب وهو يحجي

ديهم : ها بويه ما نمتي؟

شمر سويچ السيارة ع الرَف كتله بخوف

ياقوت : للاا

ديهم : ليش خايفه صاير شي؟

كتله بتوتر

ياقوت : هاا مخايفه

ديهم : جريمتج الاولى ادري بيها بس جريمتج الثانيه جؤ ما ادري بيها احجيلي

حجيت واني اكل بأضافري وكتله

ـ لاااا

تقرب مني بهدوء ونضرات حادة وكال

ـ متأكدة؟

ـ ههفف انيي

ـ شبي صوتج شمسويه؟

مسكني من خصري وسحبني لصدره

ديهم : احجي شمسويه؟

ياقوت : هاااا والله ماكو شي بس …

ديهم : اي كولي وارفعي راسج من تحجين

ياقوت : اي بس كول والله مراح اعصب عليچ؟

ديهم : ما اعصب

ياقوت : احلف

ديهم : والله دكولي يلاااا

حجيت بتلعثم

ـ  اني هذا الكمبيوتر

ـ انتِ وكمبيوتر؟ احجي عدل

ـ هوا جنت ضايجه ووو

كال بعصبيه

ـ ايييي

ـ شغلته ومدري شضغطت وو

ـ ووخرب!

ـ لا لا ما خرب

ـ هاااا

ـ هههه ااااي بس الماوس ما يشتغل بس يعني شغلته بسيطه …

تقرب عليّ بهدوء وحصرني ع الحايط وصاح بيه ديهم : ياااقوتتت

جاوبته بخوف

ياقوت : هاا

ـ انچبي وشغلي الكمبيوتر

ـ كككـ كمبيوتررر

ـ اييي شغليه

ـ شغلته ميشتغل

ـ وانتِ لازم تتحملين اخطائج

ـ ميشتغل والله

ـ ليش تتعبثين بأغراضي وبحياتي هاااا

ـ اسفه

تقرب على شفايفي وحجه بخدر وكال

ـ ياقوتَ

ـ  هاا

ـ زعلانه؟

دفعته بخوف ودموعي تصب

ـ وخرر فـ فدوه

رفع حاجبه راح كعد ع الكرسي يشوف الكمبيوتر يفحصله باوعلي واني واكفه اطگطگ بأصابعي وامسح بدموعي

ديهم : ياقوتَ

فززني وجاوبته واني اشهگ

ـ هاا

ـ تعايي

رحت يمه يخوزر بيه واني التوتر صار الف سحبني من ايدي وكعدني بحضنه على رجليه

ـ ااه ايدي

ـ اشش

ـ ا اني؟

ـ گلت اشش عطرچ حلو

ـ امم

ـ خلينه بشغله لا تتملصين وتتهربين

ـ اي شـ شنو

ـ شضغطتي انتِ؟

ـ ما اذكر

ـ تذكري

ـ ما اكدر

ابعد شعري عن رگبتي بأيده وتلمسها بهداوه دفن راسه بركبتي يشمها رجع يبوس بچتفي من سوه هيج كمت منه ورحت للجربايه ركض اتغطيت وبقيت جوه البطانيه خايفه يجي واتذكر من كال عقابج من ارجع

اجه وكعد يمي ع جربايه وخر الغطى عني

لف خصلتين من شعري بأيده وحجه بخفوت

ديهم : طريقة تنفسج  وعيونج لمن تخافين

وصوتچ وانتِ ترجفين كلو مؤذي ياقوتَ

رجع شعرايه ورا اذني واني گلبي يدگ مثل الطبول من الخوف والرجفة احتلت جسمي اريد يعوفني ويروح همس بأذني

ديهم : اذا تبقين على هاي الطريقة

راح اكسر شي اكبر من ضلوعچ

بلعت ريگي اريد احجي بس ضيعت الحروف من التوتر  طلعت خصله من ورا اذني وغطيت وجهي بشعري

ديهم : زعلانه ؟

ياقوت : ليش يهمك!

ديهم : بس شويه وخري شعرچ خلي اشوفج زين وخرت شعري عن وجهي ايدي ترجف وكتله

ـ دَيهم

سند جبينه على جبيني وهمس

ـ غيحو وراحتو انتِ .

فتحت عيوني اباوع لعيونه الذبلانه دفعته اريد اصحصح وكتله

ـ طلگني

ـ تحلمين اطلگج

ـ لليش

ـ احـبچ

تعرفيني اضوج اذا طلع صوتچ

صار يرتب شعري ورا اذاني ويتأملني ويحجي

ـ انا احبچ بس غيرتي عليچ غاح تجيب اجلي وعلى الاغلب اجلنا اثنينه

ـ هاا شلون يعني

ـ اشششش

ـ شبي صوتك

ضرب على راسه واخذ ايدي يبوسها وگال

ـ وانا صاحي متقبل هوسي بيچ بس عيفي احلامي دمرتيني بسچ عاد .

ـ دد دَيهم طلع الفجر

ـ اشش خله يطلع … مشتاگلج

قرب مني ورموشه لمست خدي يبوسني ببطئ اخذ شفايفي يبوسها توقف وهمس بصوت ذايب وعيون ذبلانه

ديهم : عطرچ … صار اوكسجيني .

الصبح كعدت لكيته مو يمي فركت عيوني احاول اصحصح اجاني صوته من الحمام وهو يگول

ـ  كعدت بنياااتي

ابتسمت وكتله

ـ ايي حبيبي

اجه ينشف بشعره رجع لبس نفس التيشيرت الجان لابسه كتله

ـ بدله حبيبي حتى اغسله

ـ ياااا يمةةة بي عطرج افيييييييش

يشمه ويحجي

ديهم : غاح اطلع للشغل انتبهي لنفسج حبيبي والريوگ جاهز ع الطاوله بالمطبخ والغده بالمايكرويف بس حمي زين لا تاكليه بارد وح اخابرلج رموسه تجي تونسج حتى لا تحسين بملل

ـ تمام يروحي

يمشط شعره واني بفراشي اتأمله وابتسم كمل واجه يمي دنگ باسني بجبيني وكال

ديهم : احبچ يا غيحو لـ دَيهم انتِ

ياقوت : واني هم

ديهم : انتِ شنو

ياقوت : هئ ما اكول

ديهم :  گولي ياقوتَ يمكن هاي اخر مره تشوفيني

ـ هاا؟ تحجي صدك؟

ـ والله كوليلي احبك كل ثانيه كل دقيقة غرگيني بحبج اكثر تعبيني شحلات التعب لو يجي منج

ـ احبك دَيهمي بس بعد لا تجيب طاري الموت على لسانك

وصلته للباب باسني بخدي ورجع عضني وكال

ـ غاح اشتاگلج

صعد بالسيارة واني رجعت للبيت بعده ما مشى رن تلفوني هو يتصل جاوبته

ياقوت : ديهوم توا جنت يمي

ديهم :  صرت اتنفسچ ياقوتَ حتى لعيوني ماكو داعي اذا ماتشوفچ

سكتت خجلانه گال

ـ خجلانه؟ وليلة البارحه شنو سوينه

نلعب عريس وعروسه هههههه

ـ دَيههممم خلاص والقران اسده

واني احجي  انسد الاتصال بخدي

رجع اتصل وكال

ديهم :  ليش سديتي التلفون بوجهي؟

ياقوت : والله هاي مو اني هاي خدودي

ـ ابوسهن ااانااا ابووسههننن

ـ هئ ماخليك

ـ خل ارجع وانا اعلمچ منو الما يخليني

ضلينه نسولف هواي اتريكت وتغديت وهو وياي عل خط يشتغل ويسولف

ـ حبيبي عطرچ عطررررچ اووفف مطبوع بملابسي وبأيدي كل شويه اشم ايدي

كتله بخجل

ـ  امم صدك

ـ والله اغديلو فدوه

ـ حبيبي هذا عطري مامخليه ترا

ـ اذا خليتي عطر شسويلج؟ اكلج هوَ انا اكَلتج اصلاً

ـ شنو اكله اكلتني ههههه

ـ من جسمج العطر كُله صار بجسمي هسه اشتغل وعطرج شاگ خشمي حتى ذبت ذبت والله

ـ اوويي ههههه

ـ گزگزت عليج والله

سكت شويه ورجع كال

ديهم : عيفينه من هذا كله ليش خايفه امس؟

ياقوت : م ما خايفه

ـ ليش متباوعيلي امس؟

ـ باوعت ترا

ـ كووةةة احب عيونچ انا متباوعيلي ليش؟

خايفه لأن على صوتي عليچ البارحة؟

ـ  صراحة اي صاير تخوف دَيهم

ضحك وكال

ـ  اباوعلج شكد بريئة من تخافين ودي اضمچ بين ضلوعي

ـ اني خايفة من عقوبتك ونوب خربت الكمبيوتر مالتك متت بدمي

ـ جوا رجليج حبيبي معقولة انا اقسى عليچ بسبب شي تافه؟

ـ دَيهم

ـ ي اميرتو يحيلو يعافيتو يدنيتو يااا يمةةةة يملاكو انتِ

ـ الصوفر مو اني…

ـ اشش خلاص بابا انسي انا حيوان وغيرتي مسيطرة عليّ و اعترف قسيت وياج بويه

ـ اني نسيت كلشي من امس بس غيرتك تخوفني

ـ عود گلت بس ارجع اكص لسانك بس شفت الخدود والعيون والبرائه البيچ نسيت حتى اسمي نوب مخربه الكمبيوتر من شفتج شلون ترجفين گلبي فز عليچ همت همت بيچ

ـ هههه ماعرف احس خوفه بگلبي هل ايام!

ـ مني؟

ـ يمكن

ـ اوعدچ اعصابي اضبطها ما اريد اذيچ انا امانچ ياقوتَ

بسرعه غير الموضوع وكال

ـ  گيتر شعرچ لابسه بأيدي كل شويه اشمو وابوسو بي عطرچ صاحبي كل شويه يگلي غرگنا ياعمو سامي ههههههههه

اخجلت مدري شجاني غيرت الموضوع وگتله و

ـ وشعري بشنو اضبه ؟

ـ اشتريلج غيرو

واحنا نسولف سمعت صوت احد يمشي برا و دَيهم صار عليه لود بالمطعم وسد الخط وراح رحت اركض للكاميرات اشوف منو طلع نفسه ذاك الشخص اللابس گبع اسود ويخوف يضرب بالشباك بقوه ردت اموت من الخوف واني اباوعله اجه مقابيل الكاميرا ويأشرلي افتحي الشباك وجهه كله مغطي بقناع اسود شويه واسويها على نفسي من الخوف يسوي حركات غريبة كدام الكاميرا وكأنو يعرفني اني واكفه كدام الكاميرا واشوفه ويرجع لشباك الغرفة يضربه بقوة ويفتر داير مداير ع البيت وجسمه متوسط الضخامه والطول ردت اتصل بـ دَيهم بس هم كالعادة راح يكلي تتخيلين ضليت اباوعله اشوفه شيسوي واني عندي مفاتيح البيت كلت اذا كسر الشباك ودخل عليه اطفر من البيت واشرد

بعد مده تعب من المحاولات وراح واعصابي بقت متوترة والخوف محتلني واتسائل هذا منو وشيريد مني؟ وش تعني حركاته كدام الكاميرا؟ ضل عندي فضول صار الليل وجنت واكفه بالمطبخ  اسوي عشة النه انا و دَيهم وسمعت صوت الباب دخل دَيهم يكول بصوت مبحوح

ديهم :

انتِ مو ؏ الگاع مشيچ

والله مشيچ على روحي

شويه عيني تصبري

وحني يالمابيچ لوله

بلچي يكسر خاطرج من خاطري

انا ذوبني الحنين

وانتِ كلبج ما يحن وحجري

صح انتِ احلى من البنات

وانتِ واحلى من الورود

شويه عيني تساهلي

كلشي الچ وانا بس الماكو الي

انتِ وردة جوري حمرة وانا ذابل

بيه فقر الدم وراثي ومنچلي

ضحكت من سمعته صار يمي حضني من وره ودفن راسه بركبتي باسها وكال

ديهم : شلونها اميرتي؟

ـ بشوفتك صرت زينه

ديهم : اووفف شمشتاگلج خرب بالشغل اليبعدني عنچ

ـ جوعان حبيبي؟

ـ جوعانچ

ـ احححا

ـ عيدي شگلتي

ـ احا

باسني بشفتي وكال

ـ اوف ويلوموني ليش احبچ

راح كعد ع الكرسي كدام الطاولة ينتظر العشه رحت يمه دنكت اريد اخلي ماعون البيض ماسمعت بس صوته وهو يكول

ديهم : مو صدر ضيم جهنم الغربيه اشتعلو الخلفوك دَيهم

ـ انچب

رحت اجيبله الچاي واسمع صوته وراي يگول

ديهم : خل اكمل عشه وانا اعلمچ الينچب منو

جبت له الچاي سحبني وكعدني على رجله

ديهم : خليچ يمي

ياقوت : ثگيلة عليك

ديهم : اخف من الريشة على گلبي

نسولف وناكل سكتت شويه كال

ـ احجي خليني احس بطعم سوالفج

ـ خلصت منين اجيب حجي

ـ صدك انا متحلف بيچ

ـ ليش؟

ـ شلون تگليلي طلكني؟

ـ مم ماعرف بس بوقت عصبيه

ـ حتـلو بوقت عصبيه الطلاگ لتجيبيه على لسانج بعد …. شليتي گلبي من حجيتيها

ـ صار حبيبي

كملنه اكل كال

ـ تعاي قربي

ـ ها

غمزلي وكال

ـ نسبح سوا

ـ هئ اثتحي

ـ مو بكيفج

شالني واخذني للحمام

ـ دَيهم الجو بارد اتمرض والله

ـ اوف انا ادفيج ماخليج تتمرضين

ـ انچب واسبح

اريد اطلع مسك راسي يبوسني بشفتي ونزل على ركبتي يشمها ويبوسها وهمس

ديهم : عطرج عطرررج طول اليوم معلگ براسي دمرررني

ضربته بعضلات بطنه كال

ديهم : اخخ بنت الچلب

شردت منه واني احجي

ـ اسبح

ـ هسه فلتي مني شواي وين تفلتين دوريلج مكان تلبدين بي

ـ ههههههه موجود الكنتور

ـ **** انتِ والكنتور

ضل يسبح واني رتبت المطبخ و رحت للغرفة وهو بعده بالحمام لكيت محفظته شامرها ع الجربايه اخذتها گال

ديهم : حبيبي حضريلي القميص الاسود

ـ اي حبيبي صار بس وين طالع؟

ـ ويا صاحبي بالمطعم

ـ يعني ابقى وحدي

ـ افا ما اخليچ

اذكرت صورتي بالمحفظه جان مخليها فتحتها اريد اشوفها بعدها لو طلعها

وسعت عيوني بصدمه وواني اشوف

صورة نور وبنتها بمكان صورتي وكاتب عليها

ـ نونتي ـ حسيت الدم صعد لراسي وسخنت من المنظر الشفته يحجي وياي واني مصدومه وايدي ترجف وغصة بلاعيمي صارت

يتـبع …

▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭

شلونهن حلواتي نفس ماوعدتكم اليوم ثلاثاء والبارت طويل 😿❤️احبكم