رواية بين قبضتهم وقلبه – الفصل التاسع والعشرون
29
▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭.
❂رقــــــو ـ الجـــوهر ❂
بـين قبضتهُم وقلبة
قناة تلي :
💙 .
..
انتَ وعيـــونك الـي
انتَ صـوتي الداخلـي
انتَ إذا مـحسوب بلـوه
إنـه بـيك اريـد ابتـلي
..
………
باوعت لـ توته غافيه نومتها بفراشي اندگ الباب دخلت شيلاء
شيلاء : دَيهم اجه ينتظرج برا .
فركت عيوني يوجعني من البچي وصدعت من الصدمة
ياقوت : كليله يروح ما اريد اشوفه
شيلاء : شبيكم
ياقوت : مابينه
صفنت بيه شويه وراحت شواي واجه دَيهم ضرب الباب بقوة فززني اني والطفلة
ياقوت : هيج يدخلون لبيوت الناس!
توته صارت تبچي شلتها من الجربايه وهو قرب مني وانفاسه تخوف
ديهم : تكسرين كلمتي وتطلعين؟
تعرفين التكسر كلمة زوجها شنو عقابها عند الله! تجاهلت كلامه نومت توته على صدري
ياقوت : اش حبيبي توتي لتبچين يروح عمه
ديهم : خرا جاي احجي وياج
تجاهلته مسكني من ايدي وعصرها بقوة ونتر
ديهم : ياقوتَ غاح افقد اعصابي ؟
ياقوت : اهوو وخرر ايدك
ديهم : من احجي وياچ لا تتجاهليني
ياقوت : استغفر الله العظيم واتوب اليه
باوع لـ توته غافية على صدري وده يموتها
ديهم : هذا الاستهتار شنو؟
ياقوت : خطية البنية فززتها
ديهم : نوميها بالفراش
ياقوت : وانت شعليك؟
ديهم : كلت نوميهااا بفراشهااا
ياقوت : اهووو دوخرر تلعب النفس
اريد امشي من يمه رجع مسك ايدي ويعصرها بقوة ويحجي
ديهم : نوميهاا بفراشها غاح انعل ***
ياقوت : وخرر ايدك دتأذيني شبيييك
اخذها من ايدي وفززها من الخوف صارت تبچي صاح شيلاء تاخذها
عيونه تجدح شرار اخذتها شيلاء وراحت سد الباب وقفلة علينه
ـ شكوو جاي اني مو كتلك وجهك اكره اشوفه
ما اطـ ـييييقك
تقرب يمي وايديه ترجف و دمارات كصته طاكات شويه وينجلط
ـ هسه ترجعين وياي لـ بيتنا
ـ ههههه قصدك بيتك انت ونور
ـ ح اتخبللل عليج ترررااا
ـ وانتَ ع اساس صاحي؟
ـ ترررجعين ويااااي هسه
احجي وياه ببرود كتله
ـ ما اريد ارجع
اباوع لعيونه حمر من العصبيه وانفاسه مخيفة حصرني ع الحايط وصحت من الخوف
ياقوت : ااشهههببب
صم حلكي بأيده واردف بعصبية
ديهم : اششش لتحاولين محد يسمعج
ياقوت : عليك الله عوفني ماريد ارجع وياك اني مرتاحه هنا
ديهم : تحلمين اعيفج ترجعين وياي
بعدني ما اتهنيت بيچ اريد اشبع منچ
يحجي ويتوسل ارجع وياه صحت
ياقوت : مااااماااا
ضربني على حلكي ونتر
ديهم : وجع صوتج
انهاريت بالبچي شاغت روحي حسيت شي حار ينزل من شفتي لمستها بأيدي شفت الدم ينزل منها
احس الحرورة صعد الراسي وكعت بالكاع ارجف خايفه منه نزل يمي بالكاع ومسح على راسي وكال
ديهم : صدكيني مو قصدي اأذيج بس انتِ
ماتسمعين الكلام
اندگ الباب اجانه صوت امي
ابابيل : ياقوتَ دَيهم يمج؟
ياقوت : ااي ماما يمي
احجي وياها وصرت امسح بشفتي من الدم كالت
ابابيل : ارجعي ويا زوجج دامه اجه وتعنالج
دَيهم باوعلي وابتسم بخبث قرب يمي وصار يمسح بشفايفي مركز بيهن وحجه بخفوت
ديهم : سمعي كلام امج وامشي وياي .
اخذ الدم من شفايفي وخلاه بحلكه يضوگه بكل تمعن وكأنو ماكل شي يشتهي من زمان غمض عيونه وتنهد ذايب وگال
ـ حتى طعم دمچ ادمنتو ألذ من المخدرات تصدكين انا اموت بيچ وبدمچ
ـ والله حرام عليك ترا تعبانه اني بس متحسون بيه
ـ يعمري التعبان بس تتعبين يمي مو يم اهلج
وكف بطوله ورث جكارته وكال
ـ البسي عباتج يلا
وكفت لحيلي تخوصرت وكتله
ـ ما البسها وما اريد ارجع وياك
تقرب مني مبتسم بأستفزاز ونفخ دخان الجكاره بوجهي صرت اكح وجهي صار احمر واختنگت كوه احجي
ياقوت : روح ما اكدر ارجع وياك
ديهم : واعيف هذا الملاك يم اهلو
تنشل رجلي اذا صدك
ياقوت : دَيهم
ديهم : همم
ياقوت : خيبت ضني بيك والله
ديهم : ياااا
ياقوت : نور من دخلت حياتنه وانتَ مو طبيعي
بس تتهرب وتتختل مني خايف لا اشوفك تحجي وياها واني ساكته ومتحمله على امل يجي يوم واخلص منها
ـ عيدي شگلتي اتختل؟ وخايف؟
شمر الجكارة بالكاع طفاها برجله وجرني من ايدي بدون تفاهم وصار يدور بالكنتور على عباتي
ـ عليك الله دَيهم والله ما اريد ارجع اني وياك انتهينه خلاص نور اخذتك مني اني خسرتك
ـ بالبيت نتفاهم
ـ حتـلو ارجع بطلت احبك بطلت تعنيلي
صرت شخص عادي بنضري
ـ انا قابل حتى لو ما اسوى نعاى بنضرج يبا انا احبچ والله العظيم البيت وحشه بدونج حتى ما اكدر ابقى بي اتخيلج بكل زاويه تفترين وتضحكين لج حتى صوت ضحكتج ما يطلع من راسي
ـ وعلاقتك بـ نور شنو هاي؟
ـ يُبا وراسج ماعندي شي وياها اعتبرها بمقام خواتي والله نفسي ما تدنى عليها
ـ والصورة شتسوي بمحفظتك؟
ـ لا اله الا الله هم ردينه ياقوتَ البسي عباتج يُبا لبسها الي وخله الشال على راسي واني منفجرة بالبچي واشاهك
ديهم : يا امي وجهج احمر ليش
ـ مم مادري
ـ من دخان جكارتي اتحسستي !
ـ يمكن
ـ عندچ حساسيه مو زين عليچ الدخان انا اسف ابوي انتِ والله نسيت
ـ هنه وحده ثنتين حتى تتأسف
صارن هواي على گلبي دَيهم
ـ ابوس ايدچ اسمعيني
ـ ابد ما اسمعك كل ما اتذكر صورة نور بمحفظتك روحي تطلع من صدري
ـ يبا اخلي ايدي ع القران واحلفلج ماعندي شي وياها
ـ اشش خلاص كافي حلفان
عض اصبعه بعصبيه وكال
ـ اااخخخ يـ نور اخخخ بس خل يصفه بالي والله لأراويج نجوم الضهر
اخذني من ايدي وكال
ـ امشي
ـ ما ارجع
ـ يارب صبرني
حجيت واني اناشغ
ـ اموت ولا ارجع وياك
ـ لو تموتين مستعد اخذج وياي جثه بكلا الحالتين متبقين هنا يااااقوتَ
ضليت ابچي ما سكتت حضني وصرت اضرب بي
ـ وخرر عني دَيهم انتَ دمرتني
قيدني بأيديه الاثنين وحاضني غصب عني ودافن راسه بركبتي حجه والحسره بصوته
ـ اشش حبيبي كافي ابوس ايدچ انتِ لازم تسمعيني سمعيني فدوه
ـ شسمع دَيهم ما اريد اسمع اعذار كاذبه
ضل يبجي وياي ويكول
ــ الله يخليج لا تعيفيني ياقوتَ انا اضيع بلياچ والله ياريت تحسين بوجع گلبي وانتِ بعيده عني لا تحرميني منچ اترجاج اترررجااااج ياقوتَ
حاضني ويحجي واني منفجره بالبجي وهو يبجي وياي
ـ دَيهم الخيانة توجع تضل حسرة بالگلب ودوم اسأل نفسي بشنو قصرت وياك؟ ونوب ايدك تنمد عليّ ودتأذيني اني ماجنت متوقعتك هيج تطلع اني حبيت حنيتك وخوفك عليّ دَيهم وتالي تأذيني هيج
ـ اخخ يا بوويه اخخخ يبعد غيحي والله حقج عليّ انا اعصابي ما اضبطها مسودن وغيرتي مسيطرة عليّ
باوع بوجهي واحتضن خدي بكفوف ايديه وعيونه مليانه دموع وكال
ـ بس احبج والله احبج ياقوتَ محد گدر بهل سهولة ياخذ گلبي انتِ وبس ياقوتَ انتِ گدرتيلي وسيطرتي عليّ بحيث هسه تكدرين تحييني وتكدرين تاخذين غيحي بأيدج بكلمه منج تطيبين جروحي وبكلمة ثانيه تهيجين جروحي كلها انا احبچ ياقوتَ اموت اذا ما اشوفج يوميه حتى لحياتي ماكو معنى اذا انتِ مو بيها حتى يومي مو كامل اذا ما اشوف عيونج
الـ هَايم بيهن
ما جاوبته بس ابجي واشاهگ لزمت ايديه المحاوطه خدي وصرت اشهگ اكثر واحس حيره بداخلي متردده ارجع وياه وهو بدأ يقنعني بكلامه
اخذني من ايدي وكعدني ع الجربايه وكعد كبالي ماسك ايدي باسها وشمها
ـ اخذي غيحي بأيدج هاي ولا تبعدين عني
ابوس ايدچ ارجعي وياي وانا مستعد اثبت لج ماعندي شي وياها اي شي تردين اسوي حتى تصدكيني ياقوتَ والله تعبت من الحلفان
دموعچ چون گلبي والله يبا بسچ كافي تعبتيني
ـ روح دَيهم
ـ لا لا مستحيل ارجع بدونج ياقوتَ انا حاضر باللي ترديه والله بس لا تكولين غيح وعيفيني والله مااا اعيفج الله يخليج لا تعذبين گلبي امريني شنو تردين حتى تصدكين انا ماعندي شي وياها امريني وكلشي يرخص الج
ـ تحضرها هسه كدامي وتوعدني بعد متروح تشوفها ولا تتواصل وياها
ـ وعد وعد والله وعد
فتح تلفونه يريد يحضرها بعدين اتراجعت وكتله
ـ لاا لتحضرها
ـ ليش
ـ خابرها
ـ شنو
ـ اتصل عليها
ـ تحجين صدك
ـ خابرها وافتح مكبر صوت
ـ تردين اثبت لج ماعندي شي وياها عن طريق مكالمة؟
ـ اي ولا تكللها اني يمك
اتصل بيها جاوبته فتح مكبر صوت وكللها
ـ ها ام اريج شلونج
ـ هلا دَيهم بخير جاي اتصل بيك متجاوب شعجب
ـ والله مشغول وهم ياقوتَ ماخذه كل وقتي
ـ اي الله يساعدك اريج مشتاقتلك
شويه وادفنه من سمعتها هيج حجت خزرته كاللها
ـ ها صدك يلا امركم انا و اميرتي
ـ لا دَيهم تعال وحدك
ـ ليش
ـ يمكن ياقوتَ تغار عليك وتسويلك مشكله
ـ هههه لا مرتي حبابه تثق بيه وبعدين انا حاسبج وحده من خواتي وانا بمقام اخوج ليث مو صح؟
ـ ها اي صح
سكتت شويه وغيرت الموضوع وكلتله
ـ اريج تكول شوكت يجي بابا
فقدت اعصابي واخذت التلفون منه وصرت اغلط وافشر عليها
ياقوت : انعل ابوج لابو بنتج بنت الچلب محد غيرررج علمهاا تصيحه بابا
اباوع لـ دَيهم يلطم يريد بس يسكتني وكوه حاصر الضحكه
ياقوت : وانتَ الثاني تنچب حسك ما اريد اسمعه
لا تضحك تضحك على حرگة گلبي
خله ايده على شواربه يمسحهن يخفي ضحكته
نور : حبيبتي ياقوتَ شلونج
ياقوت : اصيرر زينه بس تعوفين دَيهم بحاله
نور : والله ما …
ياقوت : عرفنه دعم اخوج وابتله بدم اهلج
بس مو توصل بيج تفكرين شلون تاخذيه من مرته لا حبيبتي اني مو هيج غشيمه حتى تقشمريني وحق رربجج ايدج الخلت الصورة بمحفظة دَيهم محد غيري راح يكسرها الج
احجي وهيه ساكته تتحمل اهانات وعادي عدها
ياقوت : عفية بشر هيج ماعندج كرامة وتتقبلين الاهانة بكل رحابة صدر من الله لا يوفقج ولا يهنيج حرامات الله اخذ ابوج واخوج وخلاج انتِ
نور : ياقوتَ اهدي وفهميني شكو
ياقوت : كلشي ماكو بس عوفينه بحالنه وعليج بنفسج وترا على فكرة الشارع متروس زلم ماخليتي الا رجلي تحطين عينج عليه
سديت الخط بوجها وكلت لـ دَيهم
ـ هسه توديني عليها اريد اشرب من دمها يلا يشفي غليلي
كال وهو يضحك
ـ هيج تغارين عليّ؟
ـ دَيههممم
ـ ها ابويه
ـ اخذني عليها
ـ جؤ تولي
فتح تلفونه حضرها وخلاه بجيبه
ـ وهسه امشي نغيح لبيتنه
ـ لا ما اروح
ـ بعدج ما مصدكه معندي شي وياها؟
اخذ ايدي وهيه ترجف من العصبيه باسها وكال
ـ ياقوتَ لازم ترجعين وياي اذا ما رجعتي مادري شنو يصير بيه الله يخليج ارجعيلي
ـ دَيهم
ـ رجفات ايده
ـ واجعه وياك
ـ احلفي
ـ بس ما اريد نور بحياتنه بعد ولا حتى طاريها ينذكر ـ تغديلج فدوه جوه رجليج الحلوه هيه وطوايفها واهلها ابويه انتِ
ـ كلام رجال
لزم شاربه وگال
ـ كلام رجال وغلات عيونج .
رجعت للبيت وياه وهو طول الطريق يسولف ماسكت وطاير من الفرحة
ديهم : ام راس انتهيت وما قنعتج ترجعين وياي
ياقوت : همم لعد انتبه المره الجايه يمكن ما ارجع نهائياً
ديهم : شحدچ؟
ياقوت : شتسوي يعني
ديهم : اخذج سحل من شعراتج ذني
ـ هئ متكدر
ـ سهله اهددج اذي نفسي اذا مترجعيلي
ـ متسوي شي سوالف بس
ـ الايام تثبت لج دَيهم شنو
وصلنه البيت وشفنه هوسه بيت عم دَيهم انطاني المفتاح وكال
ـ طبي جوا بس اشوف شبيهم وارجعلج
ـ ديهم شكو
ـ بويه ما ادري طبي للبيت
راح لبيت عمه واني طبيت للبيت نزعت عبايتي والشال وسبحت وشسورت وخليت ميكب وحُمره ورديه عود اسويله اغرائات وهو ماكو استغربت ليش تأخر شواي واجت بنت عمه هنادي وكالت
ـ ياقوتَ عمج ابو دَيهم مريض ماتدرين؟
ـ امااانه والله ما ادري ايمتى مرض
ـ والله من المغرب لهسه ويكولون وضعو مو زين متغيحين تشوفينوو
ـ بلي اروح شلون لعد
اخذت عباتي وشالي لبستهم وكتلها
ـ هنادي تروحين وياي مو؟
ـ اي اروح اهلي كلهم هناك و دَيهم هم هناك
ـ صدك شنو هاي الهوسه يمكم؟
ـ هو على عمو غيدان جانت يمنه ريهام تبجي عليه وتعيط لمت علينا الاوادم كلها
ـ يااا خطيه والله ميستاهل
قفلت الباب ورحنه لبيت عيالي لأن قريبين بصفنه دخلنه للبيت اني وهنادي لگيت بيتهم مليان عالم وهوسه وكلها ما اعرفها اني غريبة بنصهم يبوووو نوب كلها زلم
هنادي : لا تخافين ياقوتَ ذولي كلهم ولد عمامنه وخوالنه
رحنه صاعدين للطابق الثاني ع النسوان واجاني صوت واحد يكول
ـ ياقوتَ؟
التفتت باوعتله ضحك وكال
ـ مرت دَيهم صح؟
ـ اي
ـ انا ابن عم دَيهم اسمي رائد
مد لي ايده يريد يصافحني كتله
ـ اهلا وسهلا
هنادي : هذا ابن عمي ارسلان ساكنين بأربيل
شافني ما صافحته وخر ايده وكال
ـ خبلنه دَيهم ماعرفنه شيريد ههههه محد گدرلوو غيرچ
اجه الثاني وكال
ـ هلا بـ بنت السادة شلونج
ـ هلا
ـ انا محمد اخو رائد
ـ اتشرفت .
بس اريد اروح وذوله لزگو انوب هنادي تضحك وياهم وتشاقه كتلها
ـ هنادي امشي نروح للبنات
رائد : اعذرينه ياقوتَ خاف ازعجناج
محمد : اتعودي علينا ياقوتَ احنا هيج ولد العمام ننجمع ونضحك ونسولف سوا بنات وشباب
ياقوت : لا عادي ماكو مشكله
التفت يمين ويسار خايفه لا المسودن يشوفني صعدت الدرج وعفتهم يسولفون واسمع ولد عمامهم يسألون هنادي
ـ ياقوتَ منين وشكد عمرها وشتحب وشنو تكره واي برج وصح هيه بنت السادة
تجاهلتهم وكملت طريقي لكيت البنات بالغرفة
و ريهام كاعده تبجي على ابوها
بس شافتني كالت
ريهام : كلو من كصتج دخلتج علينه ابد مو خير ماجبتي وياج غير المرض لأبوي اذا صااار عليه شي اررريدووو منججج
صارن يهدن بيها النسوان واني كعدت بعيد عنها بدون ما احجي شي لأن حاسه بوجع كلبها مقهوره على ابوها
ريهام : مدري شسويتيلوو لأخوي وخليتي يحبج وضل لاحكج مثل المجنون حتى كسر كلمة ابوي واتزوجج غصب
يهدن بيها واني كاعده وحدي صفنت على روحي وعرفت فعلاً الغريب يبقى غريب رجعت كالت
ـ وبكل گوايةة عييين جايه تشوفينووو والله اذا صار عليه شي يا ياقوتَ ماتلومين الا حالج ابوي بسببج اتمرض و وصل للموت امشي اذلفي لا تسوين نفسج الچنه الحبابه
ريماس : ريهام كااافي عيب عليج هاي مرت اخونه لو نسيتي احترميها لخاطر دَيهم
ريهام : والله انعل ابوج لابوها لابو دَيهم
ياقوت ; يلااا بس عااااد لا تسبين
ريهام : الهاشميه شيكدرلج كدرتي تاخذينها كلها بصفج
ياقوت : احترمي نفسج ريهام لا تشوفين ساكته عبالج ما اكدر اسب واغلط ساكته لأنج اخت دَيهم جان عرفت شلون احجي وياج
ريهام : ما عوزني اخاف من بنت شارع
ياقوت : اكلي خراااا لا اجي اشگ حلكچ***
باوعي لنفسج ليش لحد هسه بدون زواج ولا احد يتقدم لج شوفي نفسج شمسويه من مصايب ومحد يريدج
علت اصواتنه وكوه ماسكيني اريد اكتلها فار دمي عليها ما حسيت الا بأيد واحد تسحبني من وره ويطلعني من بين النسوان هذا رائد كال
ـ فضحتونه ياقوتَ
ـ كول لبنت عمك خل تعرف تسولف لا وربها ادفنها
ـ ختولي خبله هاي
ـ لا مو خبله بس لسانها طويل وتغلط هواي غلطت على ابوي وحق محمد اندمها اذا عادتها مره ثانيه احجي ومعصبه وهو مركز وياي لمحته يضحك ويحاول يكتم ضحكته
ـ شبيك تضحك مجاي اشاقه ترا !
ـ شكلج غريب وانتِ معصبه
قاطعتنه ريماس وكالت
ـ ياقوتَ اجه دَيهم ويدور عليج
رحت اشوفه اسمعه يسأل ويكول
ـ وين مرتي
شافني واني جايه بأتجاهه و رائد وراي
ـ ها دَيهم
عگد حواجبه وخزرني بضوجه وگال
ـ تعاي اريدچ بسالفة
طلعنه برا وهو عاصر ايدي بقوة عبالك راح اطير وبس يريد يوصل الباب الخارجي ميريد يخليني بينهم طلعنه برا الحديقة مليانه ناس رجعنه للمطبخ العاملة تفتر كاللها
ـ ممكن تخلينه وحده ؟
ـ حاضر بابا
طلعت واني ارجف عرفته معصب و خايفه يأذيني
ـ شنو هذا
ـ شنو
ـ نعال بحلكج شنو هذا ؟
خليت ايدي على شفايفي اغطيها اذكرت الحمره ما مسحتها
ـ اسفه والنبي ديهوم نسيت امسحها
ـ والله ؟
ـ وغلاتك ديهوم
ـ انا شكم مره حذرتج
ـ هووااااي
ـ ياقوتَ تتعمدين تحرگين گلبي لو شنو ؟
ـ هااا
ـ اذا ما وريتج مثل ما وريتيني ور يول اطلع معتب وحگ علي
تحمحمت ونعمت صوتي وكتله
ـ اي شلونك
ـ شلوني شلوني مشعول ابوي وماكل تبن هاي سوالف تسويها ؟
ـ دَيـهمي
سكت شويه وعگدة حواجبه انفكت خله الجكاره بشفايفه طگ الجداحه شعلها واخذ منها نفس وانفاسه تسارعت واردف بصوت مبحوح
ـ يول غيحوو انتِ
ـ احبك
ـ اموت بطولچ انا يول هيچ تعملين بحالي خليتيني مثل المسودن افقد عقلي من شفت الحمره على شفايفج
ـ ههههه والله نسيت اسفه بابا
ـ امسحيها يبعد حيلي امسحيها قبل لا امسحج انتِ والخلفوج من الغربيه كلها
طلع كلينس من جيبه ومسحها بأيده يتأمل عيوني ويتبوسم ضم الكلينس بجيبه
ـ يدمرك
ايديه حاوطت خصري بهداوه الطاوله وراي حصرني عليها وهمس
ـ خليه يدمرني هوَ انتِ خليتي شي بيه ما دمرتي
ـ مشتاقتلك ماشبعت منك اليوم
ـ اوف يول انا طاك گلبي عليچ .
ضليت اتأمله كال
ـ لا تباوعيلي
ـ ليش
ـ مو زين عليّ تدهور احوالي
ـ احب عيونك شسوي
ـ وانا احبچ بكل تفاصيلچ
يحجي ومثبت ايده ع الطاوله حاصرني بين ايديه وانفاسه كلش قريبة مني
ـ باوعلي زين
ـ جاي اباوع يبعد غيحي
ـ انا روحك مو بعدها
ـ انتِ غيحي والنفس الاتنفسو
ـ اوعدني
ـ اشش بدون وعود انا ما اعيش بدونچ
ـ خايفه
ـ لو كرهتيني وعفتيني اضل لاحگج وراج وراج طول ما انا اشتم الهوى
ـ ياااي دَيهوم شكد حلو كلامك
ـ اموت بيچ
ـ محد تاخذك غيري ؟
ـ محد وغلات عيونچ ليش منو تستاهل تاخذ مكانج يبا انتِ الهوى الاشهگو
غطيت وجهي اضحك فرحانه وخجلانه مدري شجاني
ـ جؤ ابعدي ايدج اشوف وجهج مشتاگلو
ـ ريس تحبني؟
ـ احبچ صارت قديمه الكارثه يول رايدچ بخبال الكارثة اتسودن اذا يمر يومي وما اشوف هالعيون الكارثة مهووس بيچ حتى بأحلامي تجيني تعبتيني وجهي صار طماطيه كتله
ـ طيب خجلت ارحمني شويه
لامس خدي بأصابعه عيونه تتأملني وگال
ـ احب عيونچ
خليت ايدي على صدره وابعدته ببطئ اعانده وكتله ـ منو الما يحبهن رَيس
ابتسم بطرف شفته وهمس
ـ ياروح الرَيس انتِ
رحت طالعه من المطبخ مسكني من ايدي ورجعني لمكاني حاصرني بين ايديه وعض شفته وتقرب مني وگال
ـ عجل هيج مركزه بيه حتى لقبي عارفتو ؟ .
صرت اكل بشفايفي وكتله
ـ امم مو مركزه بـ …
همس بخدر وكال
ـ لا تسوين هيج
ـ شنو
ـ شفايفج
ـ هاا شبيهن
ـ كافي تاكلين بيهن .
ـ ها لا ما اكلهن
سند جبينه بجبيني وغمض عيونه ذايب واصابعه تلمس شفايفي تحفظهن توا يريد يبوسني وصاحت العامله من وره الباب
ـ بابا انا يجي يسوي چاي لماما انا يدخل عادي؟
ـ لا انا اكيد اكو احد داعي عليّ ما اتهنى بيچ
رجع يحاجيها وكال
ـ تعاي سبأ تعاي اشتعلو اهل ماما واهل بابا وياهم دخلت سبأ تضحك وتباوع لي همست الها
ـ عادي عادي اتحمليه لخاطري
ـ ماما انتَ طيب
ـ ياااااي يبعد روحي
التفت لي وگال
ـ حضنيها يبعد غيحي وبوسيها هم بردي گلبج
هز راسه وكال
ـ الحگيني للسيارة
ضحكنه اني والعامله على سوالفه شواي وصار صوت صياح وعياط برا صاحت ريام
ـ يمممةةةةة دَيهم و رائد تكاونووووو
ريماس : يممةةةاخوويااااا
طلعن يركضن كلهن طلعت وراهن ماشوف كلشي بس اسمع صوت دَيهم وهو يگول
ـ ااانحررررك والسواااااك اگطع لوزتك بأيدي .
خوات رائد يعيطن ويردون بس يفكو
ـ لاااااا يمةة دَيهم عليك الله عيفووو
امه تصرخ وتكول
ـ يمه دَيهم عيفو لوليدي لا تأذي ابوس ايدك
ابعدتهن عن طريقي وجان اشوف دَيهم حاط الخنجر على رگبة رائد وخانكه بأيده الثانيه وعيونه حمر دم من العصبيه وغركانين بعرقهم اثنينهم
ياقوت : دد دَيهم شدسوي؟
دَيهم : لحد يدخل بيناتنه طبوو جوه
ام رائد اتخربطت واخذنها للبيت وبس يتعايطن دَيهم : احجيي شعندكك ويااا مرتي وليش تمدلها ايددككك احجييييي ابن****
رائد : شعندي وياها والله ياقوتَ مثل اختي سناري دَيهم : اااخخخخخ لا تلفض اسمها بلسانك والله اگطعووو الك
ثبت الخنجر اكثر على رگبته وگاله
ـ لا تلفض اسمهها لاااااا تلفضةةةة
خوات دَيهم يبجن واني هبطت العركه بسببي
ـ دَيهم حبيبي اهدأ الله يخليك
ـ ارررجعي مكانج يااقوت لا تگربين
بلعت ريگي خايفه وموسعه عيوني من الصدمة حلك دَيهم كله دم وايد رائد تنزف غرگانين بدمهم اثنينهم ولد عمهم يحاولون يفكوهم و دَيهم مُصر وحاط الخنجر على ركبته ويگله
ـ تفتر على مرتي بغيابي ولك عااار خلها ابالك هيه مو رخيصة حتى تنطي بيه كدام الرايح والجاي
رائد : دَيهم هدني خلينه نتفاهم والله ماسويت الها شي
دَيهم : شنو ما سويت الهاا ولك بكاميرات اهلي شفتك مديت ايدك الهاا
سالم : دَيهم لا تتخبل انطيني الخنجر
دَيهم : وخررر سااالم لا تكفرررني لا تتقرب والله اذيك
بلال : ديههمم الخنجرررر نزلووو هذا ابن عمك شلون هيج تتصرف وياه
دَيهم : والله لو يصير ابن نبي مو بس ابن عمي وعينووو على مرررتي!!! والله اانحرررر لوزتووو واشرب من دمووو وما يشفى غليلي .
محد يكدر يكسر كلمته ويتقرب منه كلهم خايفين مبتعدين
ديهم : ولككك احجيييي شنو ناااوي على مرررتي هاااا حابهااا لو شنووو ح اكفررررر احجييي .
غرز طرف الخنجر بركبة رائد وايده ترجف وانفاسه تتلاهث ضغط ع الخنجر وجرحه بركبته يحاول يگطع دمار رگبته صرخت اخت رائد
ـ يااا ويلييي اخوووييي يديهم ابوس ايدك لا تذبحو راحت ومسكت ايده تريد تبعده عن اخوها اني بس ابچي مصدومه من منضرهم معقوله ذوله هيج عايشين ع الخناجر والاسلحة التم الامن مال البيت على دَيهم يريد يخلصون رائد من بين ايده اباوعله يهمس ويشاور بأذن رائد وراسه يهتز من العصبيه ودمارات فكه شويه وتنفجر واحد من رجال الامن كال لـ دَيهم
ـ عيني رَيس بس هدي اعصابك واستغفر ربك شنو مشكلتكم
دَيهم : انتَ شغلتك تخدمنه لا تدخل بمشاكل ماتعنيك اررررجع لمكانك
بقى الرجال واكفه بمكانه صاح
ديهم : كلت اررجع
تراجع الرجال واشر بأيده للرجال الباقين يتراجعون محد كدر ياخذ الخنجر من ايده ويخلص رائد و رائد روحه جاي تطلع خانگه بأيده وجهه صار يتغير الوانه
اني واكفه مصدومه واسمع الاوادم الغريب والقريب يحجون ويكولون السبب من مرتو لا ماهيّ ما يصير كل هذا وناس تتهامس وتكول يجي يوم وهاي الهاشميه تخليه يبتلي بدم واحد ويضيع عمرو غمضت عيوني ابچي واشاهگ رموسه يمي تهدي بيه
ـ ياقوتَ محد غيرج يهدي دَيهم ويخليه يتراجع يكتل رائد قوي نفسج وحاجيه خليه يهدئ يلا يا حبيبتي
مستمره ابچي والعياط والصياح من حولي كلش عالي و دَيهم ماسك رائد ومستمر يناقشه بالكلام يريد يعرف شعنده وياي واخت رائد تحاول تبعد دَيهم من رائد وتتوسله وفجأه اخترع على صرخة دَيهم وسعت عيوني بصدمه وشفت خنجر دَيهم مغروز بكف رائد وبنفس الايد الحاول يصافحني بيها وجه دَيهم ما يتفسر يشبه الوحش اتغيرت كل ملامحه ويتلاهث سحب الخنجر من ايد رائد واجه بأتجاهي وعياط النسوان ترس المكان راحن يركضن على رائد اباوع للخنجر بأيد دَيهم ينگط دم بالكاع وحلكه مجروح وحاجبه مطبور ينزف دم فات من يمي ريحة الدم شگت خشمي
دَيهم : الحگيني للسيارة
لحگته و اسمع ريهام تكول
ـ حسبي الله ونعم الوكيل عليج شني من مره حتى ولد العم سويتي فتنه بينهم الله لا يوفقج سمعها دَيهم وصاح
ـ رريههاااامم
انخلست بس سمعت صوته انفاسها كتمتهن صعدت بالسيارة و دَيهم طول الطريق ساكت واني ساكته محجيت حرف خايفه منه وصلنه البيت ودخلنه جوه
وهو ساكت بس ايديه تتراجف وانفاسه ما هدئت رحت نزعت عباتي والشال و جبت عدة الاسعاف وكعدت يمه اخذت تعقيم وقطن اريد اعقم جرح حاجبه خليت التعقيم وصك فك اسنانه وغمض عيونه يكتم الوجع
ـ وجعتك؟
ـ مو مشكله كملي
ـ حبيبي
ـ ها
ـ ماكو داعي لكل هذا
ـ وانتِ طايب لج يتقرب منج ويحاجيج عادي؟
ـ لا مو عادي دَيهم بس رائد …
مسك ايدي وعصرها وكال
ـ السانج اگطعوو اذا لفض اسمو مره لخ نفضها لأيدي بكل قوته حسيتها نملت من الوجع ابعد وجهه عني يحاول ما يباوعلي وگال
ـ ليش مگتيلي رائد حجه وياج
ـ شفت الموضوع مو مستاهل
ـصدك والله ؟ هههههههه
عض شفته بقسوة وگال
ـ انتِ ماتفهمين بالكلام
طلع جكارته ورثها وينفخ الدخان بوجهي وساكت سكوته خوفني بقى دقايق هيج يسوي لمن اختنكت اخر شي خلصها وطفاها برجلي شاغت روحي صميت حلگي بأيدي اكتم المي ودموعي تصب ماتوقعت هذا التصرف منه غلغل اصابعه بخصلاتي ببطئ وسحبني من شعري وهمس
ـ شفتي شلون الموضوع مو مستاهل !!
ـ رجلي تأذيني دَيهم شسويت
ـ اششش هسه حسيتي بوجع گلبي ؟؟
غمضت عيوني ابجي ما اريد اباوعله ملامحه مرعبه انفاسه تلفح بوجهي ونتر بخفوت
ـ حتى مره لخ ماتضمين شي عني
ترك شعري عافني وراح يسبح طلع لبس ملابسه ونام مو هامته ولا حتى صاحني مو مثل كل مره يمه هذا شجاه فجأه هيج اتغير
ضليت بالكاع ابچي بمكاني واشاهگ
ـ اشش حسج
صميت حلكي بأيدي احاول اكتم شهگاتي ورجلي حاره من الچويه
دَيهم : اي هيج اريد انام لا تزعجيني .
بعد مدة رن تلفونه خفت اروح اشوف منو يتصل ويصيدني ويطيح حضي هو كعد بنفسه جاوب
ـ الو
باوعلي وحجه متعمد يقهرني وكال
ـ هلا وغلا شلونج نور سويتي زين من اتصلتي ضايج وكاعد وحدي
صار يمسح بشواربه ويحجي ومثبت انضاره تجاهي وفجأة تغيرت كل ملامحه وكال
ـ شنووو؟ هسه جاي انا مسافة الطريق
كام بسرعه يدور ملابسه يبدل كال
ـ ياقوتَ نامي ولا تنتظريني
ـ رايح لـ نور
ـ معليج
ـ وديني لأهلي
ـ كافي ما مليتي وديني وو وديني انسي ما تعتبين الباب
ـ حسافة انطيتك فرصة وقبلت ارجعلك
ـ ما الج غيري ترجعين وانتِ الممنونه
عيطت وبجيت وتوسلت بي ياخذني لأهلي تجاهلني وطلع قفل باب الغرفة عليّ وباب الخارجي هم
بعد مدة كعدت والدنيا صبح و دَيهم مو راجع لهسه
بطني تأذيني جوعانه ضليت انتظر وانتظر وهو ماكو كرهت روحي من اذكرت شلون يخابر بـ نور البربوك كدامي ويستفزني وشلون طفاها لجكارته برجلي باوعت لرجلي لحمها وارم وملتهب اتهورت وفقدت اعصابي ما حسيت بنفسي الا واني بالحمام وبأيدي مكينة الحلاقه مالت دَيهم كسرتها وطلعت الموس مالتها رحت قفلت باب الحمام حتـلو يجي ميكدر يطلعني كون ما يلحگ عليّ كعدت بالگاع احاول اگطع وريد ايدي بس ما اتجرأت ضليت اتذكر كلشي مريت بي وشكد انذليت وانهانيت وانضربت منهم الطرفين اهلي و دَيهم كلهم نفس الخريط ودموعي عشرة عشرة سمعت صوت دَيهم
دَيهم : ياقوتَ
بسرعة شمرت الموس جوه الغسالة حتى لا يشوفه دك باب الحمام وكال
ـ ياقوتَ تسمعيني؟
ما جاوبته وعيوني تصب
ـ بسـلا سويتي بنفسج شي؟ لا يا الله
صار يضرب بالباب رحت فتحت الباب ومريت من يمه بدون حتى ما انضرله لحگني وگال
ـ من اصيحج ليش ما تجاوبين؟
اتمددت ع الجربايه وسحبت الغطه
ـ جاي اكل خرا
ـ تعبانه
ـ اريد احاجيج
ـ من اكعد نحجي
ـ ياقوتَ
ـ رجائاً دَيهم اترجاك
ـ ماتاكلين
ـ مالي نفس
اختفى صوته واسمع خطواته راح للمطبخ غفيت والدمع تارس عيوني .
بعد مدة كعدت لكيته يمي رفعت راسي عن المخده والمخده مبلله بدموعي
ديهم : مسويتها ع المخده
يحاول يضحكني بس اني بيا حال حتى مالي خلگه تجاهلته وخرت الستارة الجو يخبل والدنيا عصر طبيت سبحت ولبست ملابسي بالحمام وطلعت ياكل عنب ومتمدد يتحرش بيه
ـ احنا زعلانين الملابس ليش تلبسيهن بالحمام عود تحرميني اشوف جسمج ؟
تجاهلته نزعت المنشفة من شعري وانطيته ضهري فتحت الجراره ادور گيتر لشعري شمر حبة العنب متعمد وطخت بأردافي
ـ بربوك انا الچ
عقمت الچويه مال الجكاره وخليت الها بلاستر واتمددت ع القنفه بالصالة انتظر شعري ينشف فتحت التلفون ضايجه واتصفح بي ريماس دزتلي مسج وكاتبه
ـ ياقوتَ ضروري بليل اشوفج
ـ تعاليني للبيت دَيهم ميخليني اطلع.
دخلت تيك اتصفح طلعلي فيد رجال جايب لمرته بوكيه ورد و حليب شوكولاته واني عشقي هذا الحليب ضليت اضحك ويا روحي من لطافتهم وجمالهم وبهاي اللحضة اتمنيت محد تتورط مثلي بواحد مهووس ومريض بالغيرة والشك اجاني صوت دَيهم وهو يگول
ـ اممم حليب شوكولاته
كمزت مخترعه طفيت التلفون وكتله
ـ لتتعبث بخصوصياتي
ـ تحبين الحليب
ـ للاااا
ـ هههه ولسانج ذاب من شاف الحليب
ياريت هيج يذوب عليّ
گلبت عيوني بضوجه رحت لبست شالي اريد اطلع برا طلع بوجهي فززني
ـ گلبي راد يوگف منين طلعتلي
ـ وين؟
يحجي ومركز بيه مچتفه جسمي بأيدي وعيوني متجاهلته كال
ـ باوعي بعيوني
باوعت وكتله
ـ ها خير
ـ وين رايحه
ـ اكعد بالحديقة اشوف شمس رب العالمين
ـ شعرج طالع
عدلت شالي وكتله
ـ تأمرني بشي ثاني رَيس؟
ضحك وكال
ـ شحلاتها بحلگج
ـ وخر من طريقي
صفن شويه وكال
ـ التراچي
ـ يا الله شبيهن التراجي
ـ انزعيهن
ـ ترا هنه مضمومات جوه الشال
ـ يلمعن من ورا الشال .
ـ لا اله الا الله
ـ انزعيهن يلااا
نزعتهن وشمرتهن بالكاع
ـ اوامر ثانيه ؟
ـ اي
سحب الشال عن شعري وصار يلفه على ايده يلفه ومركز بعيوني واني نضراتي اله كلها حقد ودي ادفنه
ديهم : ليش حارمتني منچ
خله ايده الملفوف بيها الشال على خشمه ياخذ نفس يشمه وغمض عيونه براحة ذايب فتح عيونه وابتسم بطرف شفته وكال
ديهم : شمشتاگ لعطرچ
رجع يشم بالشال ويردد
ـ حتى وانا كارهچ ميت بيچ ، شلون ما ادري !
ـ شوكت اخلص منك !! طلعت روحي.
راد يلمس خدي بأصابعه ابتعدت منه حجه بهمس
ـ ما تخلصين مريض بيچ انا ماتخلصين مني
لو يدفنوني تحت سابع ارض تضل غيحي تنده بأسمج وتلاحگج .
ـ شو وخر اريد اطلع
يتحرش بيه ميخليني اطلع ومنين ما اريد افوت يوگف بوجهي مخلي ايديهه بجيوبه ويتبوسم ومنزل راسه يباوع لي كال
ـ القساوة الشايلها گلبج منين اجتج
ـ برد گلبي الچـان يچوي
ـ سهله انرجعوو نخليه يچوي
توا اريد اطلع مسك الباب وكال
ـ حتى قساوتج وياي احسها حنينه
ـ ما ناوي تخلص دراما
نزل راسه يضحك ورجع رفعه عاض شفايفه
ـ افتحه
ـ شأفتح؟
ـ الباب
ـ لا اخخ عبالي افتح شي ثاني
ضربته على ايده اخذت الشال لبسته وطلعت معصبه وادردم
اخذت رواية بكتاب كعدت برا بالمرجوحه اقراها واتمرجح براحة نوب صرت اقرا بالرواية واضحك بدون وعي طلع مغير ملابسه وكاشخ على الاخر كال ـ هييي ضحكتج
ـ حرام اضحك؟
ـ اي حرام عندج اعتراض
حجيت بخفوت وكلت
ياقوت : هففف ياربي صبرني
ديهم : ادعي بالصبر ادعي الصبر حلو
عافني وراح طالع يديح ابن الدايح غابت الشمس رحت اتوضيت وصليت المغرب وسويت عشه حسيت بدوخة كلش قويه مسكت الكانتور احاول استعيد توازني وراسي مستمر يدور يادوب كدرت امسك الكرسي وكعدت اتصلت بيه رموسه وسولفنه لحد ما تعبنه سدته وراحت بقيت بمكاني شواي ورحت للغرفة اتصفح بالتيك كاعدة عل جربايه العب بشعري احاول ارتب الشي اللي بداخلي وتدمر من زمان وفجأة يوصلني مسج من دَيهم كاتب
ـ وينج منو اللي چنتي تحجين وياه؟
تجمدت اصابعي جنت وحدي بالمطبخ محد ويايه بس شلون عرف؟ حطيت ايدي على گلبي وايدي ترجف باوعت حواليه ماكو احد! فجأة الغرفة ماعاد تحسسني بالأمان ركضت للشباك وخرت الستارة بخوف ماشفت شي خارج البيت فتحت تلفوني اجاني هواي رسائل من دَيهم كاتب
ـ انتِ الي فاهمه؟
محد يحقلو يقرب يمچ اذا شفتج مره ثانيه تحجين ويا احد صدگيني ماتعرفين شنو غاح يصير بحالج وگع التلفون من ايدي وكأنما وكع الامان من روحي كعدت بالكاع حضنت نفسي واهمس
ياقوت : ليش كلشي احبه يتحوّل سجن
حتى حتى هوَ .
ارتجف صوتي وبداخلي خيبة بين الخوف والخذلان
– كيف يكون المُنقذ هوَ السجّان ؟
بعد مده سمعت صوت المفاتيح يعني اجه ركضت للجربايه واتغطيت باللحاف خايفه منه واحس بطني مغصتني من الخوف
ـ دَيهم ـ
دخلت للبيت حيل هدوء
ديهم : اميـرتي ماكو مختفي صوتها
فتت للغرفة باوعت الها متغطيه وترجف جوه اللحاف ديهم : بنياتي شو اشوف وجهج
وخرت الغطه والابتسامه انرسمت على وجها من شافت بوكيه الورد بأيدي والحليب التحبوو
ياقوت : ها دَيهم
متردده تتقرب مني كتلها
ديهم : تعاي بابا تعاي
اجت يمي تاكل بأضافرها
ديهم : جؤ حبيبي لا تاكلين بأضافرج تمرضين يغيحي .
وخرت ايدها وتباوعلي نضرتها تجنن بريئة شويه واكلها
ديهم : هذا لـبنيتي وهذا هم لـبنيتي
خليتهن بأيدها ضلت مصدومه تريد تعبر عن فرحتها ماتعرف شلون كالت
ـ دَيهوم يعني مو معصب مني؟
ـ لا يُبا ليش اعصب؟
ـ لأن جنت احجي ويا رموسه
غيرت الموضوع وكتلها
ـ شو انطيني رجليج الحلوه جبتلج جواريب امس لمست رجليج باردات دفيهن يا امي مو زين عليچ لبستهن الها وهيه مو مستوعبه كل ضنها جانت عبالها ح اذيها دغدغتها وضحكتها واختفى الخوف منها تعشينه ورجعنه نسهر ضامها بحضني وتشرب حليب ـ دَيهوم
ـ يعافيتو انتِ
ـ اريد العب قطارات
ـ مشتاگلج
ـ شوي واطفي
عضيتها من خشمها وكتلها
ـ وعد؟
ـ وعد
بستها بطرف شفتها وهمست
ـ بويه ريحتج ريحة اطفال
ـ احلفف
ـ والله حليب براسوو سطرني سطر
توا تريد تكوم تغسل جريتها من ايدها وكتلها
ـ اموت بعطرچ شلون ما چنتي لا تكومين يا امي لا تعبين نفسج
ـ طيني العب
ـ يعني مُصرة؟
ـ هممم
انطيتها التلفون ضلت تلعب وانا صافن ايمت تكمل
رن تلفوني وهيه تلعب رقم غريب يتصل صفنت شويه وشمرت التلفون عليّ وكالت
ـ جاوبها
ـ اجاوب منو
ـ جاوب نور
فتحت خط ومكبر صوت وكلت
ـ الوو؟
نور : ها دَيهم شلونك ليش حاضرني من رقمي
اباوع لـ ياقوتَ انفاسها تسارعت عرفتها عصبت سديت الخط بوجه نور وكتلها
ـ حبيبي مو مثل ما انتِ مفكره والله مدا احاجيها
ـ اشش دَيهم وين تريد توصل بجذبك؟
ـ عساني بالمرض اذا اجذب عليج
ـ كافي يـَ دَيهم كافي نور انتصرت عليّ وكدرت تكسب محبتك وتبعدك عني اثاري مثل ما كالو الناس عنك انتَ واحد متعدد العلاقات ومتونس بهذا الشي ومتهتم غير لنفسك
استغربت من كلامها كتلها
ـ ليش يا ابن *** گالج دَيهم متعدد العلاقات؟ ارتبكت واتلعثمت بالكلام وكالت
ـ ها محد گلي بس اني عرفتك انتَ هيج وللاسف اكتشفتك حيل متأخره
خليتها تحجي وتغلط وتسب بيه براحتها لأن اعرف لو احلف منا لباجر متصدكني ضليت امشي بالغرفة رايح راد و ياقوتَ بس تبچي
ديهم : الله ياخذ يا نور بجاه النبي محمد كون الله ياخذج چا ليش ما ياخذج ياخذ بس الزين
رن تلفوني نور تتصل جاوبتهاا دمي فاير
ديهم : ولجج شتريدين بيتي وهجمتي ومرتي وطفرتيها مني شبقى بعد بقيت بس انا تاخذين غيحي مثل اخوج وابوج وتكعدين وتسكتين الله ياخذج ياا نوور
تريد تحجي ماخليتها وكتلها
ديهم : حسبي الله ونعم الوكيل عليج الله لا يوفقج ولا يهنيج ولج حتى رجلج محد موته غيرج انتِ فگر بنت فگر
نور : دَيهم اريج مريضه
ديهم : وانا شكووو من انعل ابوج لابووو اريج
لابوو الورطني وياكم
ياقوتَ كبالي تبجي وانا محترگ كلبي عليها وصرت احجي واسب بنور واغلط عليها حتى بس اطفي نار گلبي سديته بوجهه وغحت يم ياقوت احجي وياها ديهم : حبيبي
ساكته متجاوب بس تشهگ طفرت غيحي من سمعت صوت شهگاتها والحسرة بگلبها اخذت التلفون وطشرتو بالحايط صار 60 وصله صار لحم مثروم
ـ ياقوتَ حبيبي التلفون وكسرتو بقى بس راسي تردين تكسرينوو والله فداج جوا رجليج .
احجي وياها وهيه بس تبچي ياربي شسوي
ـ شكد تبجين ما مليتي من البچي؟ اوووف ياااربي اووففف .
اخذتها بحضني وصرت ابجي وياها
ما منعتني منها سلمتني نفسها بصعوبة ما رضيتها وقنعتها انو نور ماتعني لي وحتى تلفوني كسرتو علمودها بس لخاطر ماتزعل
اليوم الثاني رجعت من الشغل وكالعادة اول ماطبيت صحت عليها
ديهم : جُمارتي
متجاوب
ـ وينها جميلتي
صرت ادورها ماكو
ـ اممم اليوم اطلعج ونسهر سوا بس غششيني وين انتِ بابا .
غحت للغرفة وكلت
ياقوته والعباس بس الزمچ اراويج الختيلان على اصولو
غحت للحمام فتحت الباب ماتن رجليه من المنظر الشفتوو
دمها تارس الحمام صحت ويه ركضتي عليها ما وصلتها وگعت بالباب حيلي انتهى و بدون وعي گلت ديهم : يااا بووويه مررتيي احد يلحگنيييي غاااح تروووحح من اااايدييي
يتـبع …
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.