رواية بين قبضتهم وقلبه – الفصل الثامن عشر
18
..
أني يمك يا حبيبي ولا تضوج
ابقى كل عمري اسمعك للاخير
وحتى لو منعوني ما اوصل عليك
عادي اصيرن طير والگربك اطير
ياحبيبي دموعك تجويني حيل
..
ديهم : يغدون يبعدونييي عنججج ياقوتَ الله ياخذ روحييي قبل لا اسويهاااا .
هذا شديحجي سارة منو؟ يبعدووو عني شنو شهل حجي نطقت كلامي واني اتقربله
يااقوت : دَيهم كوم من الكاع شبيك؟
صرخ بيه خرعني .
ديهم : لا تگررربين ياقوووتت خليج خليج بعيده انا مابيه شي اشش
يباوع للزاويه ويحجي مايخليني اتقرب منه يا يمه هذا شبي
ياقوت : ددد دَيهم شنو بالزاويه شتشوف؟
حجه وعيونه موسعهن بشكل مخيف
ديهم : اشوف عيونهم مليانه دم واسنانهم بارزة سوده وملامحهم شاحبه صفرة واشوف اعضائهم معفنه واضافرهم الطويله وريحتهم القذرة وريحة الدم المتحلله .
هو يحجي وانا شويه واسويها ع نفسي من الخوف
ديهم : اشوف الجثث التنهش بلحمي وسناسل تلتف حوالي رگبتي والعرابيد والحيايه السامه التبتلعني واسمع اصواتهم التهمس بكلام مو مفهوم واحس بخطواتهم تقترب مني وتهمس بأذني واشوف ضحكاتهم العريضه وحلوكهم التتشگگ كدام عيني تشجعني الغلط واشوف اشوف روووح قذرة وهيه قائدتهم تحاول تسيطر على جسمي وتكرررهني بيججج ياقوووتتت
ياقوت : يمممهههه دَيههم
رحت يمه احاول ارفعه من الكاع جسمه يرجف وانفاسه تتلاهث ونضراته ثابته ع زاويه دفعنيي وشمرني وراه وصاح
ديهم : عيفوهااااا لحد يكرب الهاااا اخذييييي غيحييي ولا تگربين الها .
صار يضرب بالكاع ويصيح
ـ لا تگربين الهااا
دموعه تنزل وصوت شهگاته عاليه اول مره اشوفه هيج مكسور وضعيف
صار يحجي ويا روحه بلغة مو مفهومه غريبه اول مره اسمعها ويأشر بأيده عل زاويه وعليه ومره يضحك ومره يبچي ومره ينصدم ومره يرجع طبيعي عفته ما قربتله خفت يأذيني وهو مو بوعيه
لزم راسه وگام يعيييط
ديهم : اخخخ اخخخ
يضرب براسه بثنين ايديه اخترعت رحت يمه احاول امنعه ما يأذي نفسه قيدته من ايديه وكتله
ـ حبيبي للاا دَيهم لااا لتسوي بروحك هيج كافييي مستمر يضرب براسه صرت ابجي عليه صحت بي
ـ دَيههمم كافييي راااسك حبيبي فلشته من الضرب . فز وباوعلي مخترع ولونه مخطوف
ديهم : ياقوتَ وين انا
ضميته لصدري ابجي
ياقوت : يمي حبيبي انتَ يمي
حضني والرجفه بجسمه
ديهم : ما اذيتج مو ما اذيتج
ديهم : لااا ما اذيتني لتخاف دَيهم اهدأ .
عكد حواجبه وشكله صار عصبي ونتر
ديهم : ماخايف وخرييي ععنيي ماخايف
ياقوت : دَيهم انت زين؟
ديهم : اي اي شبيه يعني بس ابعدي عنييي ابعدييي
ياقوت : ليش
ديهم : ابععديي ياقوتَ لا تعاندين
بعدت عنه كام لحيله يهلوس ويه روحه ضليت فاتحه حلكي من الصدمة من شفته هيج
راح دخل للحمام يسبح رحت احضرله ملابس ورجعت يم الحمام حجيت من ورا الباب
ياقوت : ديهووم حضرت لك ملابس
ديهم : عفيه جُمارتي
رجعت الضحكة شاكه حلكي مدري شجاني
اخترق اذني صوت بنيه وهيه تحجي بصوت ناعم
ـ دَيهم ياقوتَ هههههههههه
تردد اسمائنه وتضحك بغرابة وسعت عيوني ورجف گلبي من صوت ضحكاتها ومستمره تردد اسمائنه وتحجي بهمسات مو مفهومه وكأنو لغة من عالم ثاني رجليه جمدت وفجأة صوت الضحك صار عالي اسمع خطوات جايه من ورايه بأتجاهي التفتت اشوف احس شي اخترق جسمي شهگت وانلطشت بالحايط عبالك احد دفعني انفاسي تتلاهث لميت جسمي ورجليه بأديه وبقيت متجمده بمكاني واتراجف وصوت الضحكة مستمر براسي يتردد وصوت نسوان تبچي وذيابه تعوي شواي وطلع دَيهم من الحمام باوعلي وانفزع اجه يمي والخوف بعيونه
ـ ليش ترجفين هيج بويه شبيييجج؟
ما جاوبته يحاول يرفعني من الكاع ويحجي
ديهم : انا يمج حبيبي كافي
بقيت ساكته كعدني ع الجربايه وكعد بصفي ضمني بحضنه
ديهم : اش اهدي شبيج احجيلي بويه
ياقوت : مم.مادري حسيت شي دفعني ع الحايط ديهم : يتهيئ لج لتخافين
الرجفة بيه ماتروح باسني براسي وهمس
ديهم : كافي شمعتي انتِ بين ايديه اهدي
ياقوت : مما اسيطرر مو بيدي
ديهم : انا يمج مو كافي ترجفين اش كافي
حسيت بالأمان وهوَ يسولف وياي حاولت ابتعد عنه حجه بحسره
ياقوت : حبيبي خليج يمي خليج بحضني
ارتخه جسمي بقيت بحضنه وهوة يحجي
ديهم : يمته يحن گليبج علينا
اريد احجي سكتني باس راسي وكمل كلامه
ـ مو كافي انا وگلبي ارحمينا .
هذا وين يحجي غير انا ميته خوف من الصار وهوه وين يفكر .
ياقوت : احس گلبي يوجعني وهوى قوي دخل براسي .
حسيت الخوف بعيونه كبر
ديهم : خبله كلشي ماكو بس انتِ خوافة تخافين وهوَ يحجي وياي رن تلفونه جاوبة
ديهم : ها مُنير شكو واذا مبلغ عليه خله يبلغ گُللهم دَيهم يكول انا مو خايف من شكم واحد خسيس وجبان ومن ضمنهم ابويه
صافنه بي يمه هذا شيحجي بس لا صدك احد مبلغ عليه وليش يبلغون ؟؟؟ سد الخط ورجع يحجي وياي
ياقوت : دَيهم منو مبلغ عليك
ديهم : اوفف شگد احبچچ بربوگتي
كرص خدي وباس اصابعه
ياقوت : جاي اسألك جاوبني
ديهم : خلينه نام بشررفج .
ياقوت : متشبع نوم؟
غمزلي تك عين وكال
ديهم : هوَ اليشوفج كبالو يشبع
ضربته على ايده بخفه خزرته وصحت
ياقوت : دَيههمم لا تغير الموضوع منو مبلغ عليك
ديهم : يهمج تعرفين ؟
ياقوت : اي طبعاً يهمني
ديهم : حتى تخلصين مني
طلع جكارته باوعلي وابتسم
ديهم : حبيبي بيها مجال تغيحين تشعليها الي من الطباخ؟
ـ هئ
ـ مشكوره عمو ماتقصرين
راح يورثها بنفسه وهنا الفرحة الكبرة! شفت المفتاح البيت عل رف ناسي طرت رحت اخذته وضميته يمي رجع وبحلكه الجكاره
ـ معقولة اهلج ما يدرون لهسه؟
ـ لو يدرون جان اجوك گطعوك
ـ هممم ههههه كومي سويلنه ريوگ احسن ما اگطعج رفعت حاجبي وكتله بضوجه
ـ هم جايبني غصب وهم تريد اطبخ لك
تقرب يمي يلعب بشواربه وشعره مبلل
ـ نشف شعرك.
جرني من خصري صرت يمه همس باذني
ديهم : تخافين عليّ
صار يهز بشعره يم وجهي متعمد يبلل وجهي بشعره ياقوت : ذرة خوف ماكو بكلبي
ديهم : بنياتييي
ياقوت : هاااا شكو
ديهم : مثلاً مثلاً
ياقوت : همم
ديهم : لو هسه اجوي واخذوني منا بتهمة مخدرات ويغيدوج تشهدين وتكولين يكبسل غاح تكليلهم يكبسل؟
ياقوت : وانت ياهو يكدرلك؟
باسني وشمني بخدي بقوه
ـ محد گدرلي وجاب راسي غيرج
ـ تبوسني وتشمني شنو هاي؟
ـ شُمامته لـ دَيهم انتِ
رجع باسني وشمني دفعته ورجع عليه
ـ دَيههم كافيييي بديت اضوج
ـ عافيته دلوعتي يغيحلج فدوه دَيهم واهله يبعد غيحي
صرت خفيفه واوزع ابتسامات
ديهم : احبچ جُمارتي
دفن راسه برگبتي يشم مثل الچان مخنوك وهسه رجع يتنفس
ديهم : اريدچ هيَ كووه اررريدچ لو كل الدنيا توگف بوجهي اررريدچ لا تنطين بيه شمعتي
ـ شتقصد؟
ديهم : غيحي بين ايديج لا تفرطين بالغيح التحبج وفضلتج ع الكل دَيهم هايم بيچ خليها ترجية بأذنج
صار الليل واجه ينومني بحضنه غصب
بلكوه فلتت من ايدة
ديهم : بنت حكومي تعاي يمي
ـ وخررر ما اثق بيك
ديهم : افا ليش؟
ـ ساقط
ديهم : هذا الساقط يخاف عليچ ترا
ـ هئ يخاف بس ع نفسه
ديهم : دتعاي بشرفج
انطيته ضهري وصار وراي
ياقوت : انام بالكاع ترا
اجه يمي ولزگ بيه وهمس بأذني
ديهم : ماتحسين بيه ياقوتيي؟
دفعته بأيدي من صدره لطش
ياقوت : استغفر لله مانام يعني؟
تقرب حلكه صار يم أذني وهمس قشعر جسم
ديهم : اموت بخيالج شعملتي بحالي يـَ ياقوتهَ يول شعملتيي
حضنه دافي ذبت ذبت مانطقت ولا بحرف
ـ ماتحجين تخليني اتلهف لصوتج حراام عليج
ـ دَيهم ابعد انفاسك من اذني
قرب شفايفه اكثر لمسن اذني وهمس
ـ يبعد اليتسودن من يسمع اسمج
ايده طوقتني ويلمني لحضنه ويحجي وياي ويبوس بخدي لحد ما نمت ما احس بشي بعد بس خليت على بالي اريد اشرد منه وما ارتاحيت بنومتي .
بعد مده كعدت وهوه نايم وغركان بسابع نومه اخذت المفاتيح من جوا الجربايه وطلعت امشي ببطئ متوجهه للباب نزلت من الدرج وعيوني ع الغرفه خاف يكعد ويصيدني وصلت الباب واحاول افتحه ما ينفتح البيت ضلمه كلشي ما اشوف يارب ينفتح يارب شو هذا مايفتحح راح اتسودن رجعت احاول افتحه ماكو اخترعت من اجاني صوته يضحك
ديهم : ههههههههه ماكو مهرب مني شمعتي .
التفتت اشوفه واكف ومچتف روحه بأيديه اقترب مني يبتسم بخبث جرني من ايدي ياخذني
ـ دَيهم طلعنييي منااا ما اريد ابقى يمك
صرت ابجي اخذني للغرفة متجاهلني ذبني ع جربايه وكفت بطولي ورحت يمه
ـ خلينييي اروووح ما الك حق تمنعني
ـ مريتي انتِ شلون ما الي حق
ـ مو مررتك عوفنييييي اكرهك ما تفهم
انطاني ضهره يسحب انفاسه بنفاذ صبر يشرب بجكارته ومخنوگ
ـ حاسب نفسك رجال من تسجني بهذا البيت الزباله؟ راح يدور بالكناتير وخابص روحه ومضيگ عيونه
ـ شدورررررر تعال طلعني مناا انا مو چلب انبح طلعنييي
رجع باوعلي وبأيده شال واجه يمي
ياقوت : اللههه لا يوفقك العارررر شتريد تسويي
لزم ايدي ربطهن بالشال وكعدني بالكاع ربط رجليه كمل وباوع بعيوني لمس خدي بأصابعه
ـ سحلتي زلمه مشورب الناس تطلبو بالأسم وانتِ تشردين منو؟.
ابعدت وجهي منه احاول ما اخلي يلمسني
ـ هذا مو حب هذا مرض نفسي
راح يمشي بعيد عني يريد يطلع من الغرفه صحت علي.
ياقوت : المكبسل السكير ابو النسوان لو تموووت ما اصير على ذمتك
ديهم : هههههههه هسه انتِ شنو مو على ذمتي مثلاً
ياقوت : تعال الجباااان تعال فك ايدي
ماهتملي عافني وطلع ما اسمعله حس بعد .
رجع بعد مده سمعت صوت خطواته جاي بأتجاهي ويدردم ويه نفسه دخل للغرفة يباوعلي بنضرات ثابته ويبتسم
ياقوت : اكرررهك كره عدوي ماكرهته هيج
كعد كبالي ع الكرسي يتاملني
ديهم : شعملتي بحالي ياقوتَ
خليتيني اطر الرمادي وتكريت وسامراء خليتي هذا المسودن يطر الغربية كلها حتى يشوفج يتمنى بس يسمع كلمة منج وتگليلي اكرهك ؟
ـ اي اكرهك
ـ يبعد الغربية وعشايرها وسلفها احبچ
ـ حبتك المنايه
ـ حبيني انتِ اخخ يا ياقوتهَ لو تحبيني حتى الله يحبني والدنيا تصير بخير وامي ترضى عليّ .
ـ الله ياخذك انت ودنيتك واهلك
ـ الله ياخذني ولا ياخذج مني انا قابل
ـ شنو من بشر انتَ؟
ـ بشر يموت بطولج بس ماتحسين
ـ اكرررهك
ـ مريض بحبچ وعساني ما اشفى
ـ هذا مرض مو حب هذا خبااال دَيهم جاي تضيع نفسك ضحك
ـ بس بدونج اضيع شمعتي وبيچ ارجع الگه غيحي ـ فك ايدي
ـ جؤ
ـ اذا انتَ صدك رجال فك ايدي والله اسويك وصلتين
قرب يمي وثنه ع ركبته وكال
ـ شاربي مو عليه اذا ما ربيتچ يا ياقوتَ
ضحكت بعالي صوتي وحجيت بسخرية
ـ هم حاسب عندك شارب روح شيله احسنلك
اباوعله ما اتأثر بكلامي وعيونه مليانه حُب تجاهي ولا يتأثر .
صار الليل وهو ماكو عايفني وحدي بالغرفة
اسمع اصوات تجي من الحمام بنية تضحك بعالي صوتها وتنطق بأسهم دَيهم وكأنما اثنين يتشاقون طلعوو من الحمام اثنيناتهم دَيهم ويا وحده بس شكلها كلش حلوه تشبه الحوريات و دَيهم يشاقيها ويضحكها وما حسو بوجودي وكأنو ما موجوده كعدو ع جربايه واني بالكاع صارو بصفي والبنيه
شبه بدون ملابس دَيهم يباوع الها بلهفة وعيونه مليانات حب الها صرت اصيح علي
ياقوت : منووو هاييي الله ياخذك دَيهم شدتسويييي
صارو يسوون حركات غير لائقة ومتجاهلين كلامي
ياقوت : تحرركك اعصابييي دَيهم فك ايديييي اكوم ادوس بطنك وحق الله
صرت ابجي واصرخ بدون فايدة ومستمرين بحركاتهم كبالي غمضت عيوني ودرت وجهيي متعمده ما اشوفهم اسمع صوت ضحكاتهم يعلى واصوات تطلع منهم قذرة صرت ابجي واناشغ وصوت صرخاتي يعلى
ياقوت : كافيييي لا تضحكووون كافييي اطلعووو من الغرفةةة اطلعوووو لا تسوون هيججج دَيهم الجلب اطلععع
اختفى كلشي انتبهت دَيهم يمي يهدي بيه
ديهم : ياقوتَ حبيبي شجاج ليش مرعوبه يا امي؟ باوعتله والمكان هدوء مابي احد
ـ وخرررر لا تلمسنييي تحرك اعصابي موو تتقصد تجيبها هنا كدام عيني وخرررر
ـ شتحجين وليدي اجيب منو ماكو احد غيرنه هنا
ـ جذااااب واحد خااااين وما الك اماننن
تقرب يمي يحاول يهديني وحجه بخفوت
ـ شمعتي ماكو غيرج بكلبي والاسمو الله
غطيت وجهي اخفي دموعي
ـ لا تخفيهن دموعج خناجر وانغرزن بكلبي خليهن ينغرزن انا السبب بدموعج لا تخفيهن
ـ فك ايدي ورجليه
ـ صار بويه بس اوعديني
هزيت راسي بـ اي
ديهم : لا تبجين ولا تصرخين اغيدج عاقله
ـ تت تمام بس فكني
فك رجليه وايديه احس جسمي متكسر من الكعده طول الوقت اريد اكوم لحيلي ما اكدر
ديهم : تعالي يا امي
رفعني من الكاع وكعدني ع جربايه سحب الكرسي خلاه كدامي قربه مني وكعد عليه لزم چفوف ايدي يسولف وياي ويبوس بأيدي حجه بحسره
ـ ابقي يمي ياقوتَ حبيني ولا تهديني كون تدرين شصار بيهبليا بتيني والله وصرت ابين اكبر من ابوي والله كووم من التعب خليتيني نحل جسمي وذبل من ما اريدك گلتيلي لو بس تدرين ماتلوميني عيشتيني برعب حرب العراق الثانيه ابقيي يمي شمعتي ابقي يميي تبقين امنيتي للأبد تحرم عليّ بنيه غيرچ باقي اتحسر عليچ لأخر نفس الله لا يشفيني من مرض احبچ احبچ ياقوتَ احبچ
يكولها ويبوس بأايدي
ياقوت : دَيهم شفتك ويه وحده هنا ع جربايه
ديهم : يبعد غيحي يتهيألج ما اسويها انا
ياقوت : والله شفتكم والبنيه حلوه حيل
ديهم : شقاعد تحكين انتِ
ياقوت : دَيهم احجي عدل تعرفني ما افهم بلهجتكم
ديهم : اوكِ شدتحجين انتِ
ـ والله شفتكم انت وبنيه
صفن يستوعب الحجيته
ـ عمغي نامي هسا ومن تصحين نحكي
ـ ماكدر انام
ـ هيج احتغگتي بناغ الغيره من البنيه وتصغخين؟ يحجي ويغمز
ـ دَيهم حجيكم لو طگه ما افهم منه ارجع احجي مثل قبل مثلي شلون جنت تحجي
ديهم : بووويه والله ماكو غيرنه بالبيت وبعدين ياهي التسوه وافضلها عليچ لجججج انتِ الغيح مال دَيهم .
ياقوت : جااااانت بنيه وياك شفففتها بعيني
ديهم : تغارين من هاي البربوك تغيحلج فدوه ولو هيه ما موجودة اصلاً بس من غيرتج صرتي تشوفين اشياء ما موجوده
ياقوت : لا ما اغار بس شفتها بعيني
ديهم : يبعد داغي والله ماكو احد غيرنه هنا
ياقوت : ها يمكن حلمت بس ما اتخيل اني مو خبله صفن اكثر يستوعب كلامي عكد حواجبه وتفكيره تشتت
ديهم : شمعتي
ـ همم
ديهم : هسه ارجع يمج ما ابعد
طلع التلفون من جيبه يخابر وطلع برا
****
ديهم : مُنير خرا وينك؟
ـ ها خير جنت اتغده
حجيتلو عن سارة وشلون سحرتني وشنو صرت اشوف وكتلو
ديهم : ميرو السحر احس تحول لـ ياقوتَ
ـ شلون يتحول قابل مرض معدي؟
ديهم : يا زمال انا لأن دوم يمها وحتى ملابسي لبستهن فـ يمكن تحول الها
ـ احمم خويه اذا تنام يمها حقه يتحول عليها
ديهم : انجب العااار شو متعرف تسولف؟
ـ اعصابك والحل شنو؟
ديهم : اذا شافت الاشوفو انا ماتتحمل ياقوتَ تنجن رسمي اغيد حل سيد شيخ سحار اي شي اغيد اخلصها منو
ـ سيد مضبوط لازم
ديهم : دورلياه من جوا الكاع انبشو وجيبوو انا الكاسر ضهري هيه صارت تتخيل وتشوف اشياء ما موجوده
ـ انطيني وقت ماكدر الكي بسرعه
ديهم : تمام مُنير بس فدوه اغيحلك لا تنساني
ـ بعيني .
رجعت الها متمدده بالفراش ونضراتها مشتته ومليانه حيره جسمها يرجف مثل السعفه وتعض بشفايفها ديهم : عادي انام بصفج؟
سوتلي مكان بصفها ورحت اطفي الأضوية
ياقوت : لااا خلي
ـ حبيبي انا يمچ لتخافين
نمت بصفها اباوعلها ودي اطفر اموتهاا بالعض احبها احبها يربييي اگزگز عليها بس ماكدر خايف اخوفها انطيتها تلفوني علمود تتلهى
ديهم : هاچ بي العاب شمعتي
اخذتو مني وهمست
ـ شنو الرمز؟
ـ اسمج بالانگليزي
انرسمت الضحكه على وجهه ارتجيت عل مخده اتأملها دخلت للالعاب تلعب القطارات تحبها كلش هيه حتى انا نزلتو علمودها انطتني ضهرها وهيه تلعب ماكدر الزم روحي مررت ايدي بضهرها من جوا الملابس احس بشعر جسمها الاوبري الناعم مثل الريش على ايدي
ياقوت : ددَيييههم راح اخسر
دَيهم : عادي بس لا تخسريني
ياقوت : اموتك بس اخسر
ديهم : شحلاتو الموت من ايدچ
مستمر امرر اصابعي على ضهرهاا
ياقوت : جؤ دَيهم خسرتنييي
ديهم : بكل خساراتج تلگيني ربحج لا تضوجين بويه قربت يمها بست خدها مسحتو البربوك تستنكف مني ـ حباب لا تخسرني مره ثانيه
ـ جؤ الا اخسرج
متجاهلتني وتلعب باللعبة شعرها مغطي المخده من طولو يبعد طولي حولت ايدي على خصرها المسه بحنية
ياقوت :دييهمم ايدك
ـ انا خطية
ـ هئ مو خطيه
قربت اشتم ركبتها وشعرها
ـ اووففف شمعتي گوه مسيطر ع غيحي والله
ـ وخرر دَيهم راح اخسر
ـ تعبتيني جُمارة .
متجاهلتني وتلعب حسيت بجوع وهيه هم خاف جوعانه
نطقت كلماتي وانا طالع
ـ جُمارة يا جُمارة مرمرتني احوالنا ومرمرتينه .
لكيت بالثلاجة بيض وجبن بس هسه عصر مو مال بيض بس ماكو شي غيرو يلا نمشيها سويتلها بيض عيون وجبن دورت الها عصير ماكو لكيت برتقال خليتو بالخلاط اغيد اسويلها عصير اجتني مخترعة تركض وتلهث حجت بأرتباك
ياقوت : دَيههمممم شفت واااحد طوويل ههواااييي واكف كدام الشباك ويصيح بأسمككك ووو يكول اريد اخذ روووحه
ـ حبيبي بنياتي ماكو شي هدي
ـ بليي دَيههمم يريد ياخذ روووحك اني سمعته والله تحجي وموسعه عيونها مرعوبه
ـ تعاي وياي اشوفج ماكو احد
اخذتها من ايدها وصرنه كبال الشباك
ـ هه هناااا جااان والله العظيم دَيهم شفته
حضنت وجهه بأديه واحجي وياها
ديهم : شمعتي ماكو شي ثقي بيه انا يمج
اتغيرت ملامحها وبرطمت بزعل وعيونها فاضت بدمعها
ياقوت : جذاب مو يمي توا عفتني ورحت
ديهم : شكد ما ابتعد تلگيني يمج
ضميت راسها لصدري انفاسها تلهث وگلبها يدك سريع الله لا يوفقج ساارة عقابج ما خلص بس خل اشوفج مره ثانيه اطلع ضيمي بيج .
نوب هاي ترجف بين ايديه يارب عبدك ضعيف ومابيدو حيله
ديهم : خليج هنا اجيب الاكل وارجع
ـ لااا اخذني وياك
عضيت شفتي مبتسم
ديهم : كون تبقين تتخايلين حتى تضلين يمي دوم
ـ لتخليني هنا وحدي اخاف
تحجي وشاده ايدي رحنه سوه للمطبخ والتلفون بأيدها رجعت تلعب وكاعده عل كاونتر
ـ بنياتي؟
ـ همم
ـ ما اشتاقيتيلي؟
ـ هئ
ـ كافي لعب خنسولف
ـ بس مره وحده واطفي
سويتلها عصير وانا چاي خليتو ع الكاونتر يمها انتظرها تطفي عاد ماتقبل هفيتو من ايدها وهيه تلعب
ياقوت : دَيهههممم بعد شويه وافوز
ـ كافي خدودج اختفن اكلي
ياقوت : ما اريد جيب التلفون
ـ اكلي وانطي الج
ماتقبل تاكل سويت الها لگمه ردت اوكلها ابعدت وجهه عني زعلانه
ـ يلا عاد لا تتصرفين مثل الاطفال اكلتها من ايدي وهيه الممنونه ضليت اوكل بيها ونسولف
ـ ياقوتي
ياقوت : ها
ـ تحبيني؟
ياقوت : ماعندي عقل احبك؟
ـ وهسه على اساس انتِ عاقله؟
ياقوت : انچب
ـ ياقوتي شمعتي
ياقوت :هااا ها ولك ها سطرتني شتريد
ـ مثلاً مثلاً انحكمت مؤبد هم تجين تزوريني ومن يعدموني هم تبچين عليّ؟
ياقوت : اني شايفه يحكموك وكايله لا!
ـ يول تكرهيني وانا الحَبيب؟
ياقوت : دَيهم وخررر راح اتقيئ.
ديهم : شبيج بويه
ياقوت : وخررر
دفعتني ونزلت راحت تركض للحمام لحگتها
ديهم : لجج ياقوتَ شجاج؟
اتقيئت الاكل كلو رجف كلبي من شفتها هيج كعدت يمها بالكاع تبچي وتناشغ وجهه اصفر مثل الليمونه
ـ كومي ياقوتَ الكاع باردة هنا
ـ عوفنييي
ـ كومييي لا تعاندين
ـ شسويت بيه دَيهم احس روحي ضايعه
ـ امي وابوي انتِ بس كومييي
ـ وخرررر ايدك اريد ارجع لـ بيتنا .
ـ انا بيتج
ـ اريد اهلي
ـ انا اهلچ وامچ وابوچ وكلشي تريدي اصيرلج بس لا تكولين رجعني
ـ رجعنييي
ـ ياقوتَ تطرين گلبي طر من تكولين رجعني
ـ شتريد مني خيانة وخنتني
ـ اريدچ بس ماجاي تفهميني تعاندين هواي ابوس ايدج لا تخليني افقد اعصابي واتهور واذيج
ـ من اجيت لهذا البيت واحس بي اشياء تفتر وتمشي هنا وهنا واسمع اصوات ضحكاتهم دَيهم خاف مسكون هذا البيت؟.
يابويه شدعي عليج سااارة وهيه تسولف رجعت تلعب نفسها وطارت للحمام تتقيئ لحكتها رجعتها حاولت انسيها
ديهم : احمم جُمارة
ياقوت : ها
غمزتلها وهمست
ديهم : يجوز حامل
ياقوت : لا ما لمستني يممهه دَيهم احلففففف ما لمستنييييي
كمزت من يمي خايفه
ديهم : ههههه شبيج حبلانه من جني ترا انا زوجج هسه بس ناقصنه نعرس
ياقوت : يعرس عليّ جني ولا انت راحت اتمددت بفراشها
ديهم : ماتشبعين نوم؟
ياقوت : تعبانه دَيهم عضام جسمي تأذيني
تقربت ابوس بوجهه وايديها وزنودها نايمه على بطنها ابوس بضهرها
ديهم : وهسه طاب؟
ياقوت : زاد الوجع
ضربتهه بخفه على حلكهه
ياقوت : اوي حلكي لا تكفخ
لزمتها موتتها تدغدغ اختنكت من الضحك
ياقوت : كافييي دَيهم بس عوفنييي والله ما عاد اكدررر اختنكتت يوللل عوفنييي
ـ حتى بعد ماتسولفين من كيفج
ـ انطيني التلفون العب
ـ جؤ
ـ جيبه
ـ تلتهين بي وتعوفيني
ـ اريد العب ضايجه
ـ اي حبيبي نلعب ليش لا
ـ يلا يلا انطيني
ـ يلا انزعي بسرعه .
نزعت قميصي حتى الدكم مافتحته
ـ شكد مسربت وساقط واني على نيتي صدكت
بستها من شفايفها وكلت
ـ اووف يلا حبيبي
ـ اويي لا تبوس ايع
عاندتها وبستها مره ثانيه وعضيت خدها بقوه
ديهم : حبيبي انا كوه متحمل اشوفج وما اگرب لج هسه بعد مابيها مجال
صارت تدفع بيه وتصيح
ـ دَيهم شل حركات ترا خرا حرااام
ـ اش حبيبي صوتج ما اسمعو
تريد تفلت مني جريتها من رجلها احاول اخوفها حتى لا تضل تغلط
ـ وخرررر الچلب
ترافس قيدتها بأديه واجت عيونها بعيوني واخذنه السكوت اخذت شفافها بين شفايفي بطلت تمنعني ابعد عنها ذابت البربوگ رجعت بعدت عنها
ديهم : انا صح ساقط بس اخاف عليچ من الهوى اليمس خدجج
احجي وياها والبس قميصي واغمز الها
مره ثانيه بس تذوبين بين ايديه استغل الفرصة وافترسچ
صافنه تباوعلي عفتها ورحت اسبح لأن الجو صيف وحار .
ـ ياقوتَ ـ
صار الليل نايمه بحضنه سمعت اصوات تعوي جايه من الشباك بلعت ريكي ومركزه بالصوت ونوب هذا مقيدني بحضنه خانگني خنگ
ياقوت : دَيهم ديهووم ابو النسوان؟
ـ ها ينار ضلوعي
طبع بوسه براسي
ـ اريد التلفون العب
ـ بوسي وانطي الج
ـ شأبوس؟
قرب شفايفه وهوه يكول
ـ بوسيني
ـ ما
ـ تبوسين وانطيه الج
ـ ايع
ـ بوسيني وشتردين اسويلچ
ـ اي شي؟
هز راسه بـ اي بسته وكتله
ـ يلا كوم رجعني لأهلي
ـ ههههه الا هاي اخذي غيحي ولا تكوليها
ـ لعد انطيني التلفون
ـ جؤ حضنيني اول
ـ صعبة دَيهم
ـ جؤ سهله حضنيني وانطيج التلفون
حضنته ختلت بحضنه
ياقوت : جيبه
ـ مابيها مجال تبوسيني مره ثانيه؟
ـ جيبهه امانة مديجي نوم لعيوني
باسني بعيني ورجع باس الثانيه
ـ يبعد داغي شحلاتهن دافيات دافياااتت هاج بويه العبي
اخذته دخلت عل ارقام احاول اتذكر رقم شيلاء
ديهم : بابا لا تعب غيحك السيمكارت فصختو وضميتو
باوعتله هذا مغمض شلون شافني؟ قيدني بحضنه اكثر وكال
ديهم : اووفف شحبججج بربوكتيييي
ـ اووي كسرت ضلوعي وخرر
ـ لو بس ماتكليلي وخرر تورين گلبي ور .
فتحت اللعبة وصرت العب اندمجت راح الخوف من كلبي و هذا يبوس بخدي بدون ما يجر نفس بوسه وراها شمه
ياقوت : كافييي
ـ حتى بحلالي ما اتهنى شكد خبيثة
ياقوت : هئ وخرر
ـ لا تتحركين من يمي واذا تحتاجين شي كعديني لا تروحين وحدج للمطبخ
بعد مدة نام وبقيت وحدي
وانا كاعدة العب اجاني صوت من الصالة بنيه تنعى وتلطم وتبجي وكأنُ احد ميت جوا رجف گلبي والبيت ضلمه ندست دَيهم اكعدة
ياقوت : دَيهم دَيهم وسم كوومم
ما يرد عيني عالباب واكعد بي مايقبل يكعد
ـ دد ديههم اكعد خايفه
باوعتله وجهه كله دم وعيونه طالعات برا واكعات بالفراش صرختت
ياقوت : يمممههه
كمزت من مكاني اجت سلاسل بالكاع تجاهي قيدت رجليه وسحلتني عل صالة واني اصررخ
ياقوت : ديههممم الحگ راح ياخذونيييي يمههه ولكك تعااال
فجأه لكيت روحي بالصالة قربت مني نفس البنيه الشفتها ويا دَيهم ونفخت بأذني بقوووة قشعر جسمي وريگي نشف واتراجف مغطيه وجهه بشعرها مامبين وخرت شعرها ونزلت يمي بالكاع
ـ دَيهم اليييه شسويتيله حتى يحبجج هييج وشايف منج .
صوتها مرعب وهيه تحجي عكس شكلها
ـ هوس دَيهم بيج راح ياخذج للهلاك اتركيييي روحييي لا ترحميييي حبه الج راح يوكعج بداهيه ودوامه جبيررررره وعميييقه
بقيت فاكه حلكي مترين من الصدمه هاي شدتحجي
ـ جذاااب ترا ديخونج بالخفاء لا تأمنين بي لا تثقييييين
تصرخ بأذني دموعي كامت تطيح عشرة عشرة
من الخوف والخرعه
ياقوا : ش شتردين مني شترديييين
ـ عوفي دَيهم وابعدي عنه وانا اتركج بحالج ماعندي شي وياج
ياقوت : الله ياخذج وياخذه اخذييي شسويي بييي
ـ خليه يكرهج حبي غيره خليه ينجن من الغيره وينساج .
صارت تضحك وصوت ضحكاتها براسي تردد
اجو هواي ناس طالعين مم المقابر والجفن ملفلف عليهم يصرخون ويتوسلون بيه اعوف دَيهم ويمشون بأتجاهي اشكالهم مرعبه اصرخ واضرب احاول اركض ما اكدر مقيديني اجه واحد منهم وخله ايده بصدري دخلها لكلبي نبشه نبش وعصره بأيده
ـ احس بحبج اله جاي احس بي گلبج يدگ بأسمه اقتلعه من مكانه اذا يضل يحبه .
ابتسم بوجهي بخبث وكسر ضلوعي وصرخ ونفث بأذني
ياقوت : دَيهههممم يمممهه گلبييييي ولككك كلبيييي راح يموتونيييي الحكنييييي الله لا يوفقك شسوووييت بيه
غمضت عاصره عيوني وضامه راسي واصيح اجاني صوت دَيهم وهو يمي
ديهم : كافييي ياقوتتت انااا يمججج شبيج
نفضني هز جسمي هز
ديهم : اصحيييي يا امي لتخافيييين
باوعتله وكتله بخوف
ياقوت : وين راااحو جانو هناااا
ضمني لصدره وهو يحجي
ديهم : اش كافي كابوس وانتهى لا تخافين شمعتي
ـ والله والله جانو هنااا اني شفتهم يخوفون
ـ ابوس ايدج كافي وليدي شيليهم من راسج هاي كوابيس ما موجودة اوف ياربي شسوي بغيحي اسمعه يدردم ويكول كله مني انا كله من ايدي رجع
ديهم : شجابج عل صالة سمعت صياحج واجيت مخترع بويه قطرة دم مابقت بيه من خوفي عليج
اخذني للغرفة قرب يمي باسني بجبهتي
ديهم : وليدي تلفوني وين؟
اشرتله عل جربايه اخذه وخله السيمكارت وخابر صاحبه
ديهم : شسويت ع الشغله الوصيتك عليها
ما ادري مُنيررر جبيو الي من تحت الكاع انشبوو وجيبووو شني ما يجي بكيفوو هيه.
ضرب الرف متعصب وصاح
ديهم : جيبووو اليي منين ما كااان منننير ياقوووتت راح تتخبل والله اذا صار عليها شييي ادفنكم انتو
وسااارة محد هجم بيتي غيركم الكواااويد .
اني صافنه بي هذا شيحجي سارة منو والسيد المن؟؟ اجه يمي صاح
ديهم : كوممميي
جرني من ايدي حيل يكومي ويكول
ديهم : البسي عباتج اخذج لسيد يقرالج
ـ ما ارووح اخاف
ـ بنيتي لتخافين جُمارتي انا يمج
ـ شيسويلي السيد يعني
وهوه يدور على عباتي ويحجي كال
ديهم : يقرأ عليج يا امي انتِ
ياقوت : يخوف مو؟
ديهم : ما يخوف ياقوتَ انا وياج ما اعوفج بس لا تسألين هواي هاج البسيها
انطاني العباية لبستها
ياقوت : وين نروح بهل ليل
ديهم : بويه هنا قريب السيد مو بعيد بس امشي . وصلنه باب البيت طلع مفتاح ضامه بجيبه فتح الباب ورجع باوع بعيوني
ـ شمعتي لا تبيعيني كدام احد ابوس ايدچ لا ضلين تشردين مني
هزيت راسي بـ اي رجع احتضن خدي بچفة وكال
ـ ماتعبتي وانتِ تشردين خليها بالج وين متغيحين اجيبج .
ضم راسي لصدره وهمس
ديهم : اغيدج قويه اليوم لخاطري لا تضعفين .
اخذني من ايدي وكفنه بنص الشارع
ـ دَيهم
ـ يبعد اسمه امريني
ـ منو سارة؟ وشمسويه هاي ومنين تعرفها؟
ـ بعدين احجيلج كلشي بس اوعدج اشافيج من اللي انتِ بي .
ـ شبيه
واني احجي وياه خيال بنيه يمر من وراه بوجه شاحب ومرعب وتبوس بركبته وتباوعلي
ياقوت : دد دَيهم هاي هايييي وراااك
اخترعت ولوني انخطف رجليه جمدت ما التفت وراه سحبني يضم راسي متعمد ما يخليني اشوف
ديهم : كافيييي يا بووويه اش اهدييي ماكو شيي ماكوووو لاتباوعييين
احاول ابعده عني اشوفها شدني بقووه
ـ لا لا ياقوووت لاااا خليجج يميييي ياقووتتت لا تباوعيييين اثبتيييي اثبتيييي
ـ دَيهم يريدون ياخذوون روحك انا شفتهم وحذرونييي والله حذرونيي كلولييي ناخذ روحه لو روحج دَيهم يريدونك والله والله يريدونك
ـ محد ياخذني منج اش كافيييي لا تجرفييين ياقوتَ خلاص ماشفتي شي اتفقناااا ماشفتييي محد يكدر يبعدني عنجج
صرت ابجي قيدني بثنين ايديه ويبوس براسي
ـ اصلاً انا اموت بدونچ وليدي ما احسب نفسي عايش اذا ما اشوفچ
من الخوف حضنته اتوسله
ـ لتعوفنييي دَيهم امانةة
ـ ولا اتجرأ ابعد ثانية عنچ انتِ الغيح العايشة بيه جُمارة
ـ ااااصواتتت براسي دَيهم اصواااات ناس تعوي وتنعى وتتوسل راااح اتخبلل يحاولون يأذوني
ـ كافييي ياقوتتت كتلج انا يمج خلاص محد يگدر يأذيج يابويهه انتِ الله ياخذج يا ساااارة بهل يوم حسبي الله ونعم الوكيل بس خل الزمج والله امسح بيج الرمادي كلها.
ضل يدردم ويا روحه بعد مدة رن تلفونه وجاوب
ديهم : خرا وين صرت يمعووود
سده منه وكال
ـ ايدج بويه
انطيته ايدي اخذني مشي ع الشارع اجت سيارة صاحبه صعدنه واخذني يم بيت غريب صغير ومفلش وقديم مثل بيوت الطين القديمة نزل واجه فتحلي الباب نزلني
مُنير : هذا بيته
دخلنه جوا لكينه مرته اباوع الها صرت اشوفها شريرة واسنانها تخوف طوال ولسانها يوصل لخشمها تباوعلي وتضحك اباوع لـ دَيهم يحجي وياها طبيعي ويسألها عل سيد
ياقوت : دديهم خلنطلع منااا
ديهم : بويه اصبري
مستمر يحجي وياها وهيه مركزه بيه صحت
ياقوت : يماااااا الحكولييي هاي شبيهاااا
دَيهم بسرعه جرني لصدره وضم عيوني حتى ما اشوف
ديهم : اشش كافي حبيبي ياربييي عبدك مسحول سحل ماتريحو عاد مو كافي .
اسمعها تكله
ـ اكعدو السيد هسه يجي انتظرو بغرفتة الخاصة اخذني دَيهم كلشي ماشوف خاتله بحضنه كعدنه ننتظره
ديهم : تريدين التلفون تلعبين باللعبة التحبيها؟
ياقوت : هئ
ديهم : لا تخافين شمعتي بس يجي السيد ويفضنه عاد
يحجي بعصبيه اجه السيد وكعد كبالنه
ـ اسمائكم
دَيهم انطاه الاسماء صفن يباوع لـ دَيهم بنضرة مليانه يقين
السيد : ابني انتَ مسوالك سحر
ديهم : ادري ادرييي بس انا اجيتك علمود ياقوتَ راح تتخبل مرتي
السيد. : هاي مرتك؟
ديهم ; اي مرتي
السيد : لا هاي خطيبتك ليش تجذب
فار دمه دَيهم ونتر
ديهم : عقد سييييدد يعنييي مرتيييي بس اقرالي عليها
بقى السيد ينضرله بنضرة يقين
السيد : السحر منك وانتقل عليها لو عن طريق اللمس لو عن طريق الملابس ويمكن السوولك السحر رجع جدده بأسمها او ناوي يسيطر على جسمها
ديهم : وخرعني انعللل ابوجج يا سارة خرا بعرج الجابوج اذا صدك سويتيها
ياقوت : شبيك خرعتني سارة منو والمن مسويه سحر؟
السيد : ابني لازم انتَ اقرالك بالاول بعدين البنيه
ديهم : انا كلشي مابيه من انتقل الها انا طبت ماعاد حتى احلم ولا اتخيل اقرالها هيه
السيد : لا يجوز يا ابني السحر انتَ مصدره لازم تتعالج انتَ منه بعدين هيه
تقرب يم السيد وبلش يقرا اله و دَيهم عاقل يمه خفت لا يتخبل علينه شيصير بحاليي هوَ المعقلني جان اتخبلت كمل ورجع يمي يغطي بوجهي بالشال
ياقوت : م ما اشوف هيج شدسوي
ديهم : غطيي وجهج راح تقربين يمو ويقرالج
ياقوت : ميحتاج اغطي وجهي
ديهم : عجل شلون بويه وعيونج طالعه ورموشج ياقوت : دَيههممم عميت
ديهم : غطيهن بويه غطيهن
وخرت الشال بعصبيه
ياقوت : وخرر هيه قرايه قابل يباوع لخلقتي
ديهم : شبيج شبييج ياقوتَ ترا جايبج حتى يقرالج مو حتى يشوف عيونج
ياقوت : حتى لو
ديهم : غطيهن لا ادفنج
ياالله شوكت ينچب هذا غطيتهن واخذني يمه كعدت كباله
ديهم : سيد اقرالها بالعصاية لا تخلي ايدك تلمسها السيد : خفف غيره ابني البنيه بخطر مو وكت غيرتكم .
اباوعله اشوفه مثل المغوش يتنفس بعصبيه شويه وينجلط صار يقرالي السيد واحس روحي اختنكت انفاسي ضاگت وجسمي نمل كله وصوت بنيه تبجي وتكول
ـ دَيهم اليه
صار يتردد بأذني مره تضحك ومره تبجي
صرت ارجف دَيهم يريد يتقرب يمي وصاح بي السيد السيد : ارجع خليك مكانك
تراجع دَيهم وسمع كلام السيد عيوني صارن يطفن والرعشة احتلتني واسمع القران يقرء السيد مثل الابر تنغرز بأذني سديت اذاني امنع وجعهن فز دَيهم مخترع توا يريد يضمني وصاح بي السيد
السيد : ارجعع اابني اكلك ارررجع
كمل قراية ومن كمل معت بالكاع مثل الزبده هبطت حسيت بس ايدين دَيهم رفعني وخلاني بين ايديه رش بوجهي ماي شهكت وكعدت لحيلي اكح اسمع دَيهم يحجي وياي بس كلامه كوه افهمه
ديهم : ياقووت تسمعيني انا دَيهم تشوفينيي
احس يضربني راشديات خفيفة حجيت بلسان ثكيل
ياقوت :اا اسمعك
ديهم : يابوويه الله لا يوفقني لو ما مگرب يمج اشرفلي هيج گربي صار مرض الچ
بعدني ما مصحصحه زين اسمع السيد يكله
السيد : المسويتلك السحر بنيه ونيتها تبعدكم عن بعض
ديهم : ادري بكلشي بس انا السبب ياقوتَ ما الها علاقه ماتتحمل روحها ناعمة
السيد : سحر تفرقة مسوالكم والجـان يحاولون يلعبون بعقلها وعقلك يحاولون يفرقون بيناتكم بأي طريقة
ديهم : وشنو الحل سيد
السيد : الحل عندي ان شاء الله وشفائكم راح يكون على ايدي بأذن الله
انطه شي لـ دَيهم ويكله
ـ شربه الها بالماي واشرب وياها هم ويوميه تقرا عليها سورة البقرة وقت النوم وانت ما تحتاج قراية لأن ماعاد انت المستهدف غاليتك هيه المستهدفة يعرفوها نقطة ضعفك واستغلوك دربالك واضبط اعصابك لا تأذيها ترا هاي من اعمال الشياطين و دائما تعوذ من الشيطان
ديهم : يعني سيد هيج ينفك السحر ونتخلص منو ان شاء الله
السيد : ان شاء الله يا ابني بس لا تشيل ذكر الله من لسانك واهم شي هيه خل تلتزم بالكتلك عليه واهم شي الورقة بالماي وتشربها الها طلعنه من بيت السيد راجعين للبيت واني راسي يدور وعيوني مغوشه يحجي وياي دَيهم واني بعاالم ثاني اسمعه يحجي ويا صاحبه ويكله
ـ كول للزباله سارة بس الزمها اطلع حسرتي على ياقوتَ كلها بيها اذا ما شربت من دمها ما يطلع اسمي الحُـر .
رجع باوعلي ويحجي
ديهم : انا ترباتج بعد غيحي يبعد الداغ واهلو والله لأخلي سارة تركض وتكول دَيهم بعدو وراي يضحكون هوا وصاحبه واني مسطوره براسي سارة منو قندره منو لماذا نحـُن هُـنا .
دخلنا البيت دَيهم لازمني كوه امشي وكعت بالباب ياقوت : دَيهم رجليه ماتشيلني
ـ يبعد الحيل واهلو وانا شكو موجود غير لخاطر اشيلج من تخونج رجليج
ابتسمت بوجهه
ديهم : تعالي ابويه انتِ
رفعني من الكاع صعدني للغرفة
ياقوت : دَيهم الباب بقى مفتوح
رجع قفله واجه يمي بيده كلاص ماي وطلع من جيبه اوراق مكتوب بيها وبللها بالماي لمن الاحرف انمسحت رجع طلعها وخاطها بالخاشوكه وهو يخوط بالماي اشوف الكلاص مليان حشرات يممهه هذا شنو دخيلك ربي قرب يمي وكال
ـ اشربيه حبيبي
ـ وخرررر لو تذبحنيييي متشوف الكلاص مليان حشرات؟
ـ وينها حبيبي توا جبتو الج من الثلاجه قربه على حلكي يحاول يشربني دفعته
ديهم : اشربيييه ياقوووت لا تعانديني
رجعت دفعت الكلاص طشرته بالكاع صار عصبي فار دمه
ـ لييش تكفرينييي ياقووووتتت اوف ياالله اوووففف غيح ابتلي بيج وحق الله
راح يجيب كلاص الثاني وهم طلع ورقه وبللها واجه يشربني الماي
ـ وخرررر دَيهم الماي بي حشراااتتت تريد تموتنييي
ـ بويه انا غيح اتسممو اشربو كدامج
شرب منه كدامي واشوف الحشرات تدخل حلكه لعبت نفسي ورحت اركض للحمام زوعت لمن متت اجه سحلني ورجعني لغرفة
ديهم : هسه تشربيه
ـ والله ما
ـ اشرررربيه
ضليت ابجي واحجي
ـ دَيهم والله بي حشرات اني شفتهن
كعد يمي يتوسلني ويكول
ديهم : يا حبيبي ليش تعبيني هاي تخيلات الماي نضيف وغلاتج
ـ احلف
ـ وغلات عيونج جُمارة
بقيت ساكته ابتسم بوجهي وهمس
ـ ابوس ايدج اشربيه لخاطر تتشافين مو عَليتي گلبي عَل بعنادج .
اخذته منه وشربته صرت اكح ردت ازوع بس كلشي ماكو بطني فرغت
ـ دَيهم احس روحي تطلع
ـ يبعد غيحي اسم الله عليج يلحگج دَيهم اذا صار بيج شي يا امي
كام من يمي متعصب يضرب بالرفوف ويحجي
ديهم : يا سسارة لو الله يخليج بين ايديه هسه اخخخ يكولها ويعض بأصبعه گطعه تگطع هذا شبي رجع
ـ المفروض ذابحها من زمان انا موتتها فاتت لو گاطع لوزتها بالسجينه كدام المطعم جان شفى غليلي بيها
ـ ولك تعال فهمني منو نعال سارة؟
ـ حبيبي وحده ساقطه لا تهتمين .
ـ هاي الخنتني وياها؟
ـ جؤ
ـ بلي هيه
ـ غييحح اكفررر وانتِ السبب
ـ جبان متعترف
ـ قندرة براسها كرهت حتى البنات من وراج
ـ وشعليه اني
اجه يمي كعد وكال
ـ صرت مثل المسودن ادورج بين البيوت واخطف بيچ وصارو يسموني الحرامي وخواتي يسموني بواگ الحلوات وابوي طردني من البيت لأن كسرت كلمتوو وعايش بوسط غربة واجي يمج ادور الامان وتكليلي اكرهك وخنتني اخخخ يا يااقوته اخخ خلي الـ بالكلب بالكلب احسن .
بقيت ساكته هذا هلكد متحمل
راح يدور بالغراض والجرارات ويحجي ويه نفسه
ديهم : اخ يجُماره يا جُماره اخ يشمعتو لـ دَيهم اخ صرت حرامي بسببج يا ياقوته .
صافنه بي هذا شبي؟
طر الفجر والشمس تضوي من الشباك اجه يمي يرتب فراش الجربايه
ديهم : تعاي نامي
ياقوت : مو جايني نوم
ديهم : بس ارتاحي
ـ تطلع؟
ـ جؤ ابقى يمج ما اغيح
اتمدد يريد ينام رحت يمه مدلي ايده وهمس
ـ نامي هنا
مانمت وبقيت بمكاني
ديهم : هههههههه لتخافين ما اگرب لج بيج جني متفيديني .
اتمددت على ايده انطاني تلفونه
ـ العبي ولا تتحركين من يمي
ـ تنام انت؟
ـ جؤ مايجي النوم لعيوني وشمعتي مريضه
دخلت ع العبه وكعدت العب هذا لزگ بيه وصار يلعب بشعري ويعض بيه من ارنبة خشمي
ـ اوفف ابوچ من جابج مافكر شحيصير بحالي؟
ـ حتى اذا الله خالقك ابوي ميدري
ـ هوَ الله يخلق وعبادو يبتلون ولججج شلون بلووه انتِ طركاعة وطاحت على گلبي مرمرتو تمرمر
ـ اي بس وخرر
ـ ماكدر
ـ وخرررر راح اخسرر
ـ احبچ دلوعتي
ـ حبتك حيه وخررر
نزل ايده على صدري وصاح
ـ يا بووويه ذبلان
ـ وخرررر ايدك
كفخته على ايده بخفه
ديهم : اووف لعبتي الصعب انا
واحنا نسولف اندگ باب البيت بقووه فزينه مخترعين اثنينه
ديهم : ياقوووتَ خليج هنا
ـ اهلي اجووو مووو اهليي؟
ارد اصيح صم حلكي بأيده صرت اضربه حتى يعوفني ضمني بالكنتور وقفله عليه وسد باب الغرفة وراح
ـ دَيهم طلعنييي اخااااف من الضلمه طلعنيييي
يتبـع … ♥
رايكم بلبـارت!
كملو البارت واحجولي توقعاتكم بقناة التلي
هذا الرابط اكتبو بلبحث
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.