رواية احفاد عمران – الفصل الحادي عشر
الكاتبه ضحى اليوسف
بارت_11_
برَاسي الـما دَرو باعو مثاليات!
أنَا أخلاق المِشو وَيايَأعدلها
…………………………….
“”ليان””
ليان ببتسامه وهمس:: أنتَ مو رجال لو
رجال جان التزمت بحجايتك مثل الزلم
ومن كلت بعد مارجع وماتشوفين وجهي
جان التزمت وصرت كدها لكلمتك
نزل أيدي من وجهه ورفع راسه ليفوك
دقائق ونزل راسه ولابتسامه مرسومه
على وجهه بس مو ابتسامه عاديه لا
ابتسامه باستهزاء وحقاره قرب وجهه
يم وجهي وهو يكول
اسمر:: اذكرج شلون جنتي تبجين وتصيحين
اسمر لا تعوفني
بحجايته رجعني سنه ونص ليورا وذكرني
بكلام إلي كلته أو بلاصح إلي تندمت كلته
باوعت عليه يباوع عليه ويضحك واني
أريد احجي كلمه ماكو كل الحجي راح
من يمي بس طلعت كلمه وحده وكوه
نطقتها
ليان:: حقير
ماخليته يحجي ولا باوعت بوجه كبل
ركضت الحمام دخلت وقفلت الباب فتحت
المي ونهاريت بالبجي الخايس يذكرني
بالي سوه اني الك
من بعد ربع ساعه كاعده بالحمام ابجي
بس كمت غسلت وجهي باوعت بامرايا
على وجهي إلي متغير بسببهم مو ذيج ليان
إلي جان الكل يكول إلها انتِ أحلى وحده بحفيدات عمران هسه اني صرت ابشع
وحده
ضليت صافنه على روحي بس
بعدين همست بيني وبين نفسي
_والله لندمكم واحد واحد
طلعت من الحمام جان متمدد على الجربايه
فتحت ابواب الكنتور وطلعت ملابسه
رميتهم على الجربايه باوع عليه وعكد
حواجبه واردف
اسمر:: ليش طلعتيهن
ليان بهدوء:: يعني مدتشوف وين اخلي
ملابسي
اسمر:: رجعيهن ليتعقجن
ماهتميت إله ورحت على الجنطه فتحته
وصرت اطلع ملابسي إلي جبتهن وعلك
بيهن سديت الكنتور ومارجعت ملابسه
التفتت على الميز موجودات كومه عطورات
رحت اخذت سله النفايات ورجعت لميز
وصرت اخلي بيها عطوراتها كل هذا اسوي
تحت انضاره بس ماكال ولا حجه شي ذبيتهن كلهن اخذت جنطتي وصرت اطلع العطورات
مالتي ولمكياج كله رتبته على الميز كام هو
غير تشيرته وراد يطلع رجع التفت عليه
وحجه وكأن ديأمرني مو يطلب
اسمر:: رايح اشوف العياده حتى اشوف
شوكت افتحها وانتِ لما اجي الكاج
مرجعه كل شيء المكانه
درت عيوني عليه ورجعت اكمل ترتيباتي
طلع وسد الباب حيل
أوي شبي هذا
خليت شوي تمر الدقايق يلا انزل
حتى ماشوفه
شويه ونزلت جوه دخلت المطبخ
لكيت عمه سناء تغسل مواعين
الضاهر ماتعرف جنتها رجعت
ضحكت بمكر وتقربت عليها وصحت
بصوت
ليان:: صباح الخيررر عمتوووو
كمزت من مكانها والتفتت عليه وهي لازمه كلبها
ليان:: شبيج عمه ادري شفتي جنتج لو
وحش وهيج اخترعتي
عمه سناء:: شجابج أنتِ
ليان:: ابنج جابني
مبين ماعجبها الوضع ضحكت بوجها
وتقربت عليها وكلت بصوت حنون
ليان:: ياعمه تغسلين المواعين وعندج
جنه ماقبلها
اشرت الها تسويلي مجال صفت شويه
على صفحه واني اخذت الجلأفه وصرت
علساس خوش بنيه واغسل مواعين
انداريت على عمتي لكيته تباوع
عليه وصافنه
ليان:: عمه روحي اكعدي لا تصير
توجعج رجليج
كبل راحت كعدت ولا حجت
اخذت زاهي بيدي شوي ولوصت أيدي
بي لزمت الجلافه وشلت كم ماعون بيدي
علمود متكول عمده سوتها انداريت عليها
بسرعه وبحركه سريعه ازحلكن المواعين
من أيدي فتحت عيوني بصدمه وإني اشوف المطبخ انترس كزاز باوعت على عمتي
إلي جانت تباوع على المواعين المكسره
وفاتحه عيونها عبالك ممكسره الها مواعين
عبالك كسرت رجليها حجيت وإني احاول
ابرر على سوايتي
ليان:: عمه شوفي والله هن ازحل….
عمه سناء:: اشش ولج تعرفين شكد صار
الهن عندي ذني
ليان:: ياعمه إني اشتريلج الأحلى منهن
عمه سناء بعصبيه:: مدريد أمشي روحي من جدامي
ضحكت ومشيت بسرعه الغرفه دخلت وجتي
عيني على ملابس أسمر وهو وصاني عليهن
_غير يدلل زوجي
اني إلك اتدور يرجعن مثل ماجانن يي مو
تدلل
شلتهن كلهن فد شيله وكعورتهن ورحت فتحت الكنتور كوه وهنه بيدي وشمرتهن
بالكنتور شمر مو تعليك والله يالله يريد
اكعد وعلك إله تمددت على الجربايه
وضليت كاعده بس أخير شي كمت
اغفي لأن كاعده من الصبح غفيت
واني مادري بنفسي………
////////////////////////////
“”ريم””
رجعنه للبيت واليأس بشر اهله وهم فرحو
هواي بينه وانو راح يجي أول طفل النه ولد
مرن يومين جنت كاعده بغرفتي وارتب
بجربايه دخل إلياس وركع الباب حيل
باوعت عليه كله اعصاب مبين وحتى
دمارات وجهه مبينه ماحاجيته لأن اعرف
راح نتعارك بس احاجي رجعت ارتب
بالجربايه هو أخذ ملابس ودخل الحمام
اني بسرعه بسرعه رتبت الغرفه ونزلت
جوه لكيت بس عمه اقبال عمو موسى
ماموجود كعدت يمها على القنفه
باوعت عليه وابتسمت
عمه اقبال:: شلونه حملج يمه
ريم بهدوء:: زين عمه
سكتنه وهي دايرته على التلفزيون على
مسلسل وكاعده تباوع واني هم كعدت
اباوع وياها على الواهس بس فجأة
تذكرت لازم اخذ علاجي
استرخصت
من عمتي وكمت صعدت الغرفه بس قبل
مادخل سمعت صوته مبين جان يحجي اتصال
إلياس:: هسه أنا جايج
نصدمت وي منو جاي يحجي يعني جاي
يحجي وي بنيه فتحت الباب ودخلت
بسرعه التفت عليه وعبالك تلبك
من دخلت اني كبل حجه
إلياس:: يله حبيبي بعدين احجي وياك
وسد الخط باوعت عليه وحجيت
ريم:: وي منو چنت تحجي
إلياس بارتباك:: هاء…. وي نرجس
ماحاجيته بس بنفس الوقت ماقتنعت بكلامه وحسيته ضام شي عليه رحت الثلاجه الصغيره
إلي هيه بغرفتنه وطلعت علاجي وبطل مي……..
////////////////////////
“”ليان””
فزيت مخترعه واني اسمع صوت طفل
يبجي كمزت من مكاني ونزلت بسرعه
واشوف عمه سناء لازمه الجاهل إلي
يبجي صارت عندي لحضه ادراك
هي بنيه مو ولد نزلت وكعدت تحت
انضار عمتي وهي تباوعلي بنظرات حقد
ليان:: شبيها بنت زوجي تبجي
عمه سناء:: ليان كومي شيليها وسكتيها
ليان بضحكه:: شنو رئيج اخذها بلاحضان هم
عمه سناء:: يوووو عليج كومي سوي غده لعد
ليان وهي تكوم:: يدللون اهل زوجي
ضحكت ورحت المطبخ لكيتها مطلعه دجاج مخليته على السنك
ابتسمت ورحت اخذت
سجينه وقطعته وخليته بكدر وخليت شوي
كركم ونوم بصره وشلت علبه الملح طلعت خاشوكه اكل وخليت على الدجاج اربع
خواشيك ملح مترسه
_لو اشيلها لو اركب عادي هاي ركبت
شغلت الطباخ وخليته شوي وحمستها
وخليت عليها مي
ورحت كعدت يم
عمتي وهي كاعده ترضع بالطفله
ماهتميت لزمت الريموت بيدي وبقيت
أكلب بالتلفزيون كامت عمتي وطلعت
الطفله الغرفه مالتها وراحت المطبخ
شويه وسمعت صوت بالمطبخ بس ماهتميت
ولا تحركت من مكاني دخل اسمر الصاله وهي شايل كارتون جبير بس مال شنو ماعرف
وصعد فوك شوي وصاح باسمي
اسمر:: ليان جيبيلي العده وتعالي
ليان وهي كاعده بمكانها:: انزل واخذها……. ماشتغل عدك اني
سمعته يستغفر بس نزل غصب عنه وأخذ
العده وصعد فوك ضليت اني كاعده باربع
ساعه بس بعدين صار عندي فضول هذا
شديلعب فوك كمت باوعت عمتي بالمطبخ
دتسوي شعريه
_سوي سوي بعد عيني
وصعدت على الدرج وصلت الغرفه ماكو
صوت فتحت الباب على كيفي ودخلت
باوعت عليه كاعد بالكاع وديشد بس
ماعرف شنو هذا إلي جايبه لأن
هواي اشياء بي
رفع راسه وباوع عليه ورجع يكمل
شغله رحت كعدت على الجربايه واردفت
ليان:: شجاي تلعب
اسمر:: چاي العب دعابل تلعبين وياي
ليان:: مضحك
رجع يشد بيهن كتلني الفضول واني أريد
اعرف شنو ديشد وشنو هذا وشنو ديسوي
تقربت شوي وباوعت ع ورقه إلي كدامه
جان مرسوم الشي إلي ديشده وهو يمشي
على هذا الاساس تقربت شويه
وشفت مرسوم كركوت يعني جايب كركوت
البنته بس معقوله يريد ينومها اهنا مستحيل
حجيت واني احاول أفهم منه
ليان:: انصحك نزله جوه شده لأن راح
يكون صعب عليك بعدين تنزله
اسمر وهو يشتغل:: ومنو كالج انزله
بكانه اهنا
ليان بصياح:: هلوووووو تريد تجيب بنتك
تنومها اهنا اني مابقى اهنا انام بغرفه ريم
اسمر بضحكه وهو يرفع راسه:: وهذا ياهو
المطي إلي ينطيج مفاتيح
ليان:: أنتَ اكيد
فتح عيونه على وسعهن واني انتبهت على الجفصه بس يلا عادي أصلا جتي عدله
طفرت قبل مايحجي شي ونزلت جوه
لكيت عمتي مكمله الغدا باوعت على
الساعه 12:31 يعني مآذن رحت توضيت
ومشيت الغرفه عمه سناء دكيت الباب
ودخلت لكيتها تعلك بملابس باوعت
الطفله نايمه على الجربايه
اندارت إلي باوعت عليها وحجيت
بصوت ناصي
ليان:: عمه أريد جادر الصلاة ما عندي
طلعته من الكنتور ونطته إلي اخذته
ورحت الصاله اخذت تربه وسجاده
وكفت على مصلايتي أصلي
شوي ونزل اسمر من فوك باوع عليه
وراح لمغسله توضه وجاب سجاده
وتربه ووكف كدامي يصلي
خلصنه الصلاة وعمتي هم مصليه بالغرفه
بس عمو ماموجود معزوم يم صديق إله
واني كيفت على هذا الشي وهمزين
ماموجود صاحتني عمتي نصبح الغده
ابتسمت بوجوهم ورحت وراها دخلنا
المطبخ وصارت هي تصب واني أودي
الميز اسمر كاعد ويراقب بيه واني
ماهتميت ضليت ااجيب واخلي أخير
شي عمتي كعدت واني رحت جبت
الطرشي وخليته كدامهم وكعدت شالت
الخاشوكه عمتي وبلشت عود تاكل اني
توني لزمت الخاشوكه وصاحت هي
عمه سناء:: مي ولك اسمر ناوشني مي
ولك يمه بسرعه
كام اسمر مخبوص بيها ومايعرف ليش
تصيح صب الها مي شربت وكالت
عمه سناء:: شنوووو هذا الملح بلاكل
باوعو ثنينهم عليه فتحت عيوني وصحت
ليان:: ملح منين اجه خشوف عمه
خاف متوهمه
مديت أيدي اخذت الخاشوكه واخذت
شوي من التمن لا بأس مابي شي رجعت
على المركه اخذت شوي وخليتها بحلكي
وركضت كبل المغسله ذبيتها وغسلت
رجعت عليهم ومسويه روحي مصدومه
من المركه المالحه بس بنفس الوكت
اعرف أسمر كاشفني بس ماحجه شي
ليان بصدمه:: شنهو هاي عمه أصلا إني
خليت شوي ملح بس
بعدها عمه سناء تريد ترد عليه بس
أسمر مشه بتجاه الدرج وديصعد فوك و
صاح “ليان ورأي”
كلبت عيوني وصعدت بس شنو خطوه
خطوه على كيفي اصعد بي هم وصلت
دخلت الغرفه لكيته يتانيني أول مالتفت
عليه وصاح بوجهي
أسمر:: ليوين تردين توصلين بتصرفاتج ذني
ليان بهدوء:: للمريخ
أسمر بصياح:: لللليييااااااننننن
ليان:: نعم
اسمر:: الضاهر الحجي وياج مايفيد
عافني وطلع من الغرفه والله يالله وإني
هم ضليت بالغرفه ماريد انزل خلي سناء
تغسل المواعين شنو خدامه عدها
واغسلهن الها رحت شغلت التلفزيون
وكعدت اباوع على فلم
ضليت مندمجه ويا الفلم بساعه وبعدين
جعت خرب من وراهم ماكلت طفيت
التلفزيون ونزلت جوه رحت المطبخ
فتحت الثلاجه واخذت خياره وطلعت
خبزه ولفيت الخياره بالخبره واكلتها
_ اهمداني شجاني وخليت الملح
تندمت على الساعه إلي خليت بيها
الملح الهم اثاري محد انضر غيري
خلصت وصعدت فوك وطلعت نفس
الفلم لأن بعده ممخلص وضليت اباوع
عليه لحد ماغفيت كبيت على صوت
عمه سناء وهي تصيح
عمه سناء:: ولججج لياااننن وينج
كمزت بسرعه نزلت شفتها لابسه
عبايتها مبينه راح تطلع
ليان:: هاا عمه
عمه سناء:: وينج صالي ساعه اصيح…….
يلا إني طالعه تعالي جوه لضلين فوك
وغفلي الباب ورايه
ليان بتسائل:: عمه وين رايحه
عمه سناء:: اهنا يم جوارينه رايحه بواجب
هزيت راسي بمعنى أي وهي راحت لمطبخ
بس رجعت وصاحت عليه
عمه سناء:: جمانه بالغرفه ديري بالج عليها
ليان:: اخذيها وياج
عمه سناء:: أمشي لج اخذها وياي شنو….. يلا تعالي اقفلي الباب
هزيت راسي ومشيت وياها طلعت وإني
قفلت الباب ورجعت كعدت بصاله وضليت
أفكر بمصيري وشسوي علمود اخلي أسمر
يشرب من نفس الكاس الشربت منه
ابتسمت بخباثه وكمت مشيت خطوات
هادئه وفتحت باب الغرفه مال عمو
جاسم وسناء وفتت لكيت الطفله نايمه
على الجربايه تقربت وكعدت يمها على
الجربايه ادنيت ومددت تقربت عليها
وحضنتها شميت ريحتها لترد الروح
تقربت أكثر وهمست يم اذنها
ليان:: اعرف أنتِ مالج ذنب بس
تبقين بنته لاسمر اسفة……….
يتبععععععع……….
///////////////////////
الكاتبه ضحى اليوسف
#احفاد عمران
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.