رواية احفاد عمران – الفصل الثامن
الكاتبه ضحى اليوسف
#احفاد عمران
بارت _8_
هلي وشهكات گلبي وكلها منكم
هلي وعضات لاصابع كلها منكم
هلي وسوواد عيوني كلها منكم
هلي واللهه لو بيدي جا ماضليت عدكم
هليي لو بيدي مأاكبر
………………………………..
”
حمزه
”
جنت كاعد بغرفتي واكلب بجهازي بس
فجأة دك باوعت الاسم اسمر ستغربت
ليش داك بهذا الوكت فتحت خط
وخليته على اذني وحجيت
حمزه:: لك هاا شعندك داك عليه
ليان ببجي:: حمزه… شهكه… تعال شهكه….
الي فدوه
حمزه بقلق:: ليان حبيبتي شبيج هاا ليش تبجين
ليان:: حمزه الله يخليك تعال أخذ… ني
كمت على السريع اخذت سويجي وطلعت
بدون ماكول لاحد وكل البالي تعاركت
هي واسمر صعدت بسيارتي وشخطتها
وأنا أريد أوصل بسرعه وصلت ونزلت
بسرعه رحت على رقم للغرفه دكيت
لباب ماكو رجعت دكيته هم ماكو دكيته
المره الثالثه وجان ينفتح
واشوف ليانتي ببدلتها وشعره للمبعثر
وعيونها الخضر هسه صرت اشوفهن
حمر دم وكلهن دموع طبيت كبل وحضنتها
وامسح على شعرها
حمزه:: ليونتي حبيبتي شصاير شبيج
ليش تبجين
ليان ببجي:: عاف..عافني
حمزه بستغراب:: منو عافج ها وبعدين
وين اسمر
ليان:: اسمر عافني
مافهمت شي منها بس ردت اهديها
حمزه:: اشش اشش هسه تعالي وياي
وبعدين نحجي…. يلا روحي نزعي هاي
البدله ولبسي غير شي
هزت راسها بمعنى أي ومسحت ادموعها
وراحت على الجنطه
دخلت أنا وسديت الباب كعدت على القنفه
جانت موجوده بالغرفه ضليت صافن شصاير
ليش هيج وين اسمر هواي اسئله بالي بس
مو وكتهن لأن حاله ليان متسمح اسئلها
هيج شي
طلعت من الحمام وعيونه مورمه مبينه هم
جانت تبجي كمت أنا وعدلت قميصي
وكلت الها
حمزه:: يله تعالي
////////////////////////
“”ليان
“”
اخذت جنطتي وطلعت إني وحمزه من الغرفه وونزلنا طلعنه من الفندق كله صعدني بسياره وصعد ماحجينه شي وضلينه ساكتين بس إني دموعي على خدي وكاتمه شهكاتي ماريد حمزه ينتبه عليه بس منتبه
حمزه:: هاج
التفتت عليه لازم بيده كلينس ومقدم
ه إلي أخذته منه وصرت امسح دموعي
إلي ننزل عشره عشره
وصلنا للبيت نزل واشرلي انزل ورا دخلنا
البيت هدوء ماكو صوت مبين الكل نايم
لزم أيدي وصعدنه الدرج بهدوء وصلني
لغرفتي وكال
حمزه:: روحي رتاحي هسه ونامي وباجر
إنا احجي وي الاهل وبعدين احجي وياج
هزيت راسي بمعنى أي باسني براسي
وراح دخل غرفته دخلت إني الغرفه
وتمددت على الجربايه ودموعي صارت
تصب حسيت هاي فرصتي ولازم ابجي
واطلع إلي بكلبي ضليت ابجي واسب
بنفسي على اليوم إلي حبيته بي
وتعلقت بي ضليت ابجي وافكر بي
أخير شي غفيت وإني مادري بروحي
كعدت على اصوات عاليا وصياح طفرت
من بكاني بسرعه واني بالي كله أحد من
اهلي صار عليه شي نزلت جوه واشوف
الكل موجود بيت جدو عمران وبيت عمو
جاسم كلها موجوده حتى البناات لمحني
جدو عمران وصاح بصوت خلاني اضل
جامده بمكاني
جدو عمران:: تعالييييي ولججججججح
كلها باوعتلي وكلها تباوعلي بحقد وشر
باوعت على امي وابوي إلي جانو يباوعون
عليه بصدمه ماجانو متوقعين إني بصباحيه عرسي نايمه يمهم
جدو عمران:: تعالي تعاااييي
التفتت عليه جان كاعد وياشر إلي علمود
اروح يمه مشيت خطوات وإني ابلع بريكي
رجلي رجل اطخ برجل من الخوف إلي
إني بي هسه وصلت يمه واني منزله راسي……………..
/////////////////////////
“” ريم””
كعدت الصبح على صوت أمي وهي تكول
أمي:: كومي ريم
ريم بنعاس:: مممم بعدني نعسانه
أحس صارت عندي لحضه ادراك
اسمر وليان راح يجون من الفندق
ولازم نتستقبلهم بسرعه كمت باوعت
على أمي شفتها ضايجه
ريم:: يمه شكو صاير شي
أمي:: ريم بسرعه حضري نفسج راح
نروح لبيت عمج يوسف
ريم بستغراب:: بيت عمو يوسف ليش
شعدنه غير راح يجون اسمر وليان
ولازم نستقبلهم
أمي:: ريم بدون حجي حضري نفسج
ونزلي جدج رايد الكل اهناك ماعرف ليش
كلت بكلبي””ماطول بيها عمران يعني
مصيبه مو جمعه”” كمت دخلت سبحت
على السريع ولبست نفنوف مستور طويل
ولفيت حجابي عدل ونزلت بسرعه لكيت
بس أمي وابوي علساس احنه شكد هوه
إني وأمي وابوي واسمر مرات متواجد
أما أمجد إلي أصلا سافر قبل عرس
اسمر بيومين
تجهزو همه هم وطلعنه نتمشى لبيت عمو
يوسف موجودات سياره عمو ماجد دخلنا
كلهم متواجدين شافتني أمل وجتي عليه
أمل:: ريم شكو شصاير
ريم:: علمي علمج
التفتنه كلنا على جدو عمران وهو يصيح
على عمو يوسف
جدو عمران:: تريدد اضمهااا عبالك محد راح يعرففففف
عمو يوسف:: بويه شنو ضام ماضام شي
جدو عمران بستهزاء:: ماضامهااا أمشي
صيحلي ليان خلي تجي
عمو يوسف وهو مافاهم شي:: ليان شتسوي
يمي وهيه البارحه عرسها
جدو عمران:: لكككك يوسففف تجذب
عليهههه وطمطم لبنتككك
راد يحجي عمو يوسف بس صاح جدو
عمران على ليان إلي جانت واكفه على
الدرج ورادت ترجع تصعد بس ندارت لمن
جدو عمران صاح عليها كلها صارت تباوع
عليها بصدمه ومن ضمنهم إني إلي مو
فاهمه شي ليان شتسوي اهنا واسمر
وين شجاي يصير
اشر الها جدو عمران تروح يمه نزلت تمشي
وهي منزله راسها وحاضنه أيد بأيد وايديها ترجف
وكفت مقابيله بدون ماترفع راسها
كام جدو ووكف كبالها
وسئلها
جدو عمران:: رجلج وين
ماردت وبقت منزله راسها تقرب عمو
يوسف الها وكال الها بهدوء
عمو يوسف:: بابا وين اسمر ها جاوبي
رفعت راسها اله ووهي عيونه مغوركه
من الدموع واردفت
ليان:: ما… عرف….. ماعرف عافني
لزمها جدو عمران ولطشها راجدي حيل
وكعها بلكاع كلنا نصدمنه ليش هيج سوه
جدو شنو السبب دنك عليها عمو يوسف
ولزمها وكومها على كيفه
جدو عمران بصوت عالي:: ليش عافجج
ليشش شنو شاف وعافججج شمسويه
كلها سكتت محد يجرئ يرد بوجه جدو
عمران لا أم ولا إب ولا أي شخص ليان
ماحجت شي بقت بسكوتها ودموعها
تنزل تقرب جدو عمران ولزم شعرها
صاحت متوجعه
ليان:: اخخخ شعري جدو الله يخليك
عوف شعري
دفعها بالكاع بقوه لدرجه حسيت اعضامها
تكسرت رفع ايده بوجها وصاح
جدو عمران:: جنت مخليلج معزه تختلف
على بنات اعمج اثاري هيج تسوين وتنزلين
روسنه بالارض
ليان ببجي:: والله ماسويت شي ينزل راسكم بالكاع
جدو:: هشش ماسمع صوت الج….. يوسففف
يوسف برتباك:: ها يبوي
جدو عمران:: تاخذها وتحبسها بغرفه
ومدرسه بعد ماكو الها ولا طلعه خليها
حالها حال الجلب
لزمها عمو يوسف يشحط بيها شحط ولا
عبالك بنته
ليان:: بابا بابا والله اني ماعليه هو هو عافني
صعدها فوك لزمت أيد امل واشرت الها
نصعد ورا ليان
احنه مشينه وصاح جدو
عمران
جدو عمران:: ويننننن انتن
باوعنه عليه وكله اعصاب مايتحاجه
ريم وامل بخوف:: يم ليان
جدو عمران بعصبية:: امشن ماكو بعد
ليان ودير بالجن الكاجن يمها
بعد
خنسنه وبقينه بمكانه نزل عمو يوسف بس
وي نزلته دخلو حمزه وعمر باوعو بصاله
وضلو صافنين بستغراب
تقربو وثنيهم سلمو
حمزه+عمر:: السلام عليكم
الكل:: وعليكم السلام
حمزه بتسائل:: شصاير اهنا شعجب اليوم ملتمين
جدو عمران بصياح:: من وره طايح الحظ اختك غير
فتح عيونه على وسعهن وصار يباوع على
الكل واحد وره لخ بعدين اردف بصوت عالي
حمزه:: ليانننن وووويننن
عمه صابرين بدموع::: فوك يمه اخيتك فوك
باوع عالكل بأسف وصعد الها
///////////////////////////
“”حمزه””
ركضت صعدت لغرفتها فتحت الباب دخلت
على كيفي لكيتها متمدده على الجربايه تبجي وتشهك كلبي نمرد عليها رحت عليها لزمت
كتفها وصحت بيها “” ليان لا تبجين “”
هيه شافتني لو چن كايللها زيدي بعد بالبجي صارت تبجي وتحجي وياي وأنا بي اسمعها مابيدي شي
ليان:: و…. لله هو هو عافني كتله أي…
بشهكه…. كتله لتعوفني ما ما سمعني
عافني عافني
صرت امسح بدموعها واحجي وياها
اريده تسكت ماكو
حمزه:: اشششش كافي حبيبتي كافي
ليان:: جدو جدو يكول نزلتي راسنه
بالكاع…. والله والله ماسويت شي هوه
عافني اتوسلته كتله لتعوفني بس عافني
حمزه:: كافي ليان راح تموتين روحج
ليان ببجي:: كلبي…. كلبي يوجعني حمزه
ماكدر ماكدرر
بيدها وتضرب كلبها وتحجي ماتحملت
حضنتها حاولت اهديها بس أبد صارت
زيد ماتنقص ضليت حاضنها بالساعه
وهيه بس تشهك وتصيح “” هو عافني””
ثكلت انفاسها وخرتها شويه من حضني
لكيته غافيه بس بعدها تشهك وخرتها
على كيفي وخليت راسها على المخده
علمود تنام براحه اكثر كمت من يمها
وطلعت باوعت على الجوه ماكو أحد
يعني رايحين مانزلت ورحت لغرفتي
ضليت كاعد اهناك……..
///////////////////////////
“”ريم””
من بعد كل إلي صار اهلنه اني وأمل
منعونه من ليان ومانروح الها ولا نحجي
وياها وخطيه هيه حرموها من المدرسه
وحتى ماتطلع
مر شهر على سالفة ليان واسمر وليان
ماشفناها أبدا حتى حمزه بقه ماراح لانبار
انجبر يبقى يمها اسمر مانعرف عليه شي
ووين وليش راح بس اني متاكده راح
لحبيبته رسل
حاولت شكد وردت بس اشوف ليان بس
محد يسمحلي جدو حدد موعد زواجنه
اني واليأس بس لأن هيج صار وي ليان
ويريد يخلص من عدنه حتى منجيب
الهم الحجي
بيوم جنه كاعدين كلنا بصاله اني كاعده
على التلفزيون ولازمه كتبي بيدي اقرأ
وابوي شايل تلفونه ولابس مناضره
ويكلب وامي جانت كاعده تلكط خضره
فجأه دك جهاز امي كمت اروح اجيبه
باوعت رقم غريب ستغربت منو هذا
وديته الها امي عافت الخضره من
ايدها واخذت الجهاز مني باوعت
على الرقم هم ستغربت لأن الرقم
غريب كامت وراحت لاستقبال وتلفون
بيدها رحت وراها وسديت الباب
امي:: منو هذا
ريم:: ماعرف اني
فتحت خط وخلته على اذنها وجاوبت
امي:: الووو السلام عليكم منو وياي
فجأة فتحت عيونها على وسعهن وباوعت
عليه عيونها دمعت وهي تكول
امي:: اسمر وينك يمه
تفاجئت اسمر معقوله وكفت يم امي
وخليتها تفتح الصوت علمود اسمع
امي:: يمه تعال وينك
اسمر:: يمه وين اجي أنا مسافر
امي بتفاجئ:: مسافررر من شوكتتت
اسمر:: مو وكتها هسه اشلونكم أنتم
امي:: يايمه احنه زينين بس ناقصنه انتَ
سكت بس بعدين كال
اسمر:: ليان شلونها
امي وهي تغير الموضوع:: يمه هسه ابوك
جاي يصيح عليه بعدين نحجي
سدته منه باوعت عليه ستغربت ليش ماكالت
على موضوع ليان
ريم:: ليش ماكتيله من وره شصار باليان
امي:: اششش لججج الله اعلم شنو
صار وسافر اكيد من وراها
سكتت ماجاوبت شي لأن اعرف ماتنطي
بابنها أبد……..
///////////////////////
“”ليان””
مرت شهرين واني على حالتي شهرين
واني بغرفتي حتى لجوه ماانزل حسيت
نفسي هاي هيه جاي اموت عله البطيئ
حمزه ماعافني ودائما وياي ويحاول ينسيني
بس شنسى من عافني بليله عرسنه لو
من شككو بشرفي
افكاري متلخبطه وماعرف شنو اسوي
سمعت بريم مزوجينه واني حاجين عليه
عود مسافره وي اسمر ههههه اهمشي
ماينجاب طاريهم بشي مو زين
مليت وكرهت نفسي كرهت حياتي ادمرت
خسرت كلشي حتى دراستي وماكو داعي
للعيشه مالتي بعد وقررت انهي كلشي اليوم
نزلت بليل الكل نايم ولبيت هدوء
رحت المطبخ اخذت سجينه وطلعت بسرعه صعدت الغرفتي دخلت وطبكت الباب بقوه
وكفت وصرت بلع بريكي اعرف هل شي غلط ومايصير بس إني مليت كرهوني بكلشي حلو عشته طلعو حياتي من عيوني
خليت السجينه على ايدي وحركت شفايفي
داريد اشاهد بس فجأة نفتح الباب بقوى
تصنمت بمكاني وإني أشوف…….
يتبعععع…….
//////////////////////////
الكاتبه ضحى اليوسف
#احفاد عمران
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.