رواية احفاد عمران – الفصل التاسع
#احفاد عمران
بارت _8_
والتعَبـان مِـن روَحة يا گـاع تَبرد جروَحة !.
……………………………….
“”ليان””
مرت سنه ونص واني على حالي ماتغير
شي من حياتي 24 ساعه بالغرفه محبوسه
طول هالسنه ونص إلي مرت واني ماطالعه
من البيت أبدا
البنات ماشايفتهن أبدا لأن محد يرضى
التقي بيهن ولا يرضون هنه يلتقن بيه
عرفت من ماما ريم حامل فرحت الها
لأن تستاهل وامل دخلت جامعه بس
ماعرفت شنو طلعت معدل ولا عرفت
على شنو قدمت
واني باقيه اتحصر على دراستي إلي
بسبب جدي عمران تركتها أبوي تغيرت
معاملته وياي وصار كلش بارد ومايهتم
إلي بسبب حجي جدو عمران
امي وحمزه وعمر همه الوحيدين
إلي سندوني بهاي الفتره
أما اسمر محد يعرف بي وين غير أنو
هو مسافر وخلاص ماعرف إذا جانو
يعرفون شي وماكايلين إلي
“” قبل سنه وثلاث أشهر “”
تصنمت بكاني واني اشوف حمزه واكف
يباوعلي ومكتف اديه لصدره ويحجي ببرود
حمزه:: يله ست ليان قاطعناج
ليان:: حمزهه
حمزه:: يله شكيها لايدج يله
ذبيت السجينه من أيدي وصحت عليه
ليان:: حمزهههه كااافيييي
حمزه بصياح::لا مو كافيييي
اجه دنك لزم السجينه بيده وقدمها الي وهو يحجي
حمزه:: هاج يله اخذيها اخذيهاااا
وشكي
ايدج يلههههههه
شمرتها وكعدت بالارض ابجي واحجي
ليان:: كااافييي مليتتتت محد يحس بيه
محد عاش شعوري أنتم كلشي ماتعرفوننن
خليت أيدي على وجهي وصرت ابجي
بصوت عالي ماحسيت غير اجه وحضني
بقوه واني ابجي واشهك
ليان:: حمزه كرهتها الحياتي ماريد اعيش بعد
حمزه بعصبية:: اذا اسمع هذا الحجي مره ثانيه اكفخج على حلكج منو يستاهل هيج تسوين
علموده……..وهسه كومي نطلع
شويه بالحديقه
وخرت منه واني امسح بدموعي باوعت
عليه واردفت
ليان:: ماريد اطلع روح أنتَ
حمزه:: ليانننن شنو تضلين حابسه نفسج
اهنا تخبلتي
ليان:: ماحابسه نفسي بس مالي خلك
اطلع عوفني براحتي
حمزه:: عود راح اصدكج
ليان:: أي صدكني
عافني وراح وواني هم تعوذت الشيطان
وكمت تمدتت على الجربايه ورجعت نمت
///////////////////////
“” المستقبل””
“”
ريم
“”
زوجوني من إلياس بوكت كلش قصير
وحتى عرس ماسوينه كله طلب من جدو
عمران بس لأن يريد يتم الزواج اليوم
قبل باجر
ورا زواجنه ب11 شهر عرفت بنفسي
حامل بوكتها اني ماجنت أريد الطفل
بس إلياس عكسي
“”
قبل 5 أشهر
“”
جنه كاعدين بالغرفه اني كاعده ادرس
واليأس يطكطك بالحاسبه
بس طلع جكاره
وورثها اني شميت الريحه لو چن انكلبت
معدتي ذبيت الكتب وكمت على الحمام
اتقيئ اجه ورأي الياس هوه وجكارته
يمسح على راسي
الياس:: حبيبتي شبيج
غسلت وجهي وسديت خشمي بيدي
حجيت واني كوه اتنفس
ريم:: الياس ذبها راح اموت
الياس:: اسم الله عليج شبيج اخذج المستشفى
ريم:: الياس يامستشفى بس ذب الجكاره مو لعبتها الروحي
ذبها بسله الزباله تكرمون طلعت اني بسرعه
احاول اسحب النفس وهو وراي ويباوع عليه بستغرب مستغرب من حالتي هاي عفته
ماحجيت شي ورحت تمدتت على
الجربايه نمت
كعدت على صوت الياس وهو يكعد بيه
الياس:: كومي ريم
ريم بنعاس::: ممم كايمه
الياس وهو يجر الغطه مني:: كومي ريم
كمت باوعت عليه وصحت بصوت
ريم:: يعنييي ميصيررر الواحد ينااممم
إلياس بعصبيه:: لسانج ريممم لتخليني أمد
أيدي عليج
عفته ماحاجيته ورحت الحمام غسلت وجهي وطلعت خليت شال على راسي ونزلت لكيت
عمه اقبال بالمطبخ
ريم:: عمه اساعدج بشي
عمه اقبال:: لا يمه ماعندي شي
ماكعدت كمت احضر وياها الخفيفات لأن
عمو رايح يجيب سمج مسكوف حضرنه
الخضره والطرشي وعمه اقبال مسويه
تمن أحمر دخل عمو موسى باوع عليه
ابتسمت واردفت
ريم:: الله يساعدك عموو
عمو موسى:: ويساعدج بنيتي….. هاج
هذا السمج
اخذت العلاكه منه وفتحتها طلعت السمج
لو طلعت روحي خليت ايدي على حلكي
وركضت على المغسله صرت اتقيئ جتي
عمه اقبال ورايه وهي تصيح على إلياس
عمه اقبال:: إلياس يمهه وينك
غسلت وجهي وركبتي باوعت بالمرايه
شفته دينزل بسرعه اجه علينه ماحاجيته
وهو كبل حاجه امه
إلياس بستغراب:: شبيج تصيحين يمه
عمه اقبال بخوف:: يمه مريتك ماعرف
شبيها دباع وجها شلون اصفر
ريم:: عمه مابيه شي
عمه اقبال:: يامابيج شي أنتِ شايفه
نفسج شلون صايره
إلياس:: حضري نفسج العصر اخذج
المستشفى خلي يسوولج تحاليل
حجيت واني أعبر من يمهم
ريم:: ماكو داعي لروحه….
عمه راح ارتاح شويه بغرفتي
عمه اقبال:: روحي يمه روحي ارتاحي
عفتهم وصعدت للغرفه تمدتت على الجربايه
بس فجأة نفتح الباب ودخل الياس
كله اعصاب
الياس:: ريممم
ريم ببرود:: نعم
الياس بعصبيه:: اشو صايره ماتعرفين تحجين
ريم:: خليت الحجي إلك
بسرعه اجه ولزم فكي فركه إلي وهو
صاك على اسنانه ويحجي
الياس:: ريممم لطلعيني من طورييي
ريم:: اليا..س وجعتني
عافني وكام طلع لزمت فكي متوجعه
_كسر بيدك كون
وهيج مر سبوعين على هاي حالتي إذا اكل
لو اشتم ريحه الاكل كبل اتقيئ عمه اقبال
خطيه حايره بيه واليأس يوميه يريد
يوديني الدكتوره بس مارضه بعناده
إلا بيوم جنت متمدده على الجربايه
ودخل الياس مرسومه عله وجهه
ابتسامه وبيده علاكه صغيرونه اجه
يمي ونطاها إلي واني مستغربه
شبي وشنو هاي
ريم:: شنو هاي
الياس ببتسامه:: افتحي وشوفي
فتحت العلاكه وطلعته بيدي جان تحليل
حمل منزلي باوعت على إلياس بستغراب
ريم:: هذا المن
ألياس:: الابويه
ريم بصدمه:: عزااا شيسوي بي عمو موسى
ضربني على راسي ووضحك باوعت
عليه واردفت
ريم:: الياس المن هذا
الياس:: المن يعني الج اكيد
ريم بستغراب:: إلي بس اني مو….
ماخلاني اكمل قاطعني وهو يكول
الياس:: لا مو ولا شي كومي يلا
سحبني ويمشي بيه لحمام دخلني واني
احجي “الياس اني مو حامل”” ماجاوبني
وسد الباب وصاح عليه
الياس:: يله سوي وخلي نشوف حامل لو لا
ماعندي خيار ثاني وكالت خل شوف واني
متأكدة مو حامل سويت حسب التعليمات
إلي مكتوبه عليه وتانيته شوي لمه تطلع
النتيجه
ضليت شايلته بيدي وافتر فر بالحمام
رفعته وباوعت بي والصدمه جانت
خطين يعني حامل
جانت صدمه إلي لأن اني ماردت اطفال
إلا اكمل السادس إلي بسببهم خلوني
اتركه وزوجوني
طلعت لازمته بيدي اجه الياس بلاهفه
اخذه من أيدي باوعت عليه أول
ماشافه همس
_الحمدلله والشكر الك يارب
اجه عليه حضني بقوى بس اني مابادلته
الحضن بعد عني وباوع عليه وعكد حواجبه
الياس:: ريم حبيبتي شبيج
ريم:: مابيه شي بس هذا الطفل اني ماريده
ردت أعبر منه بس لزمني من أيدي
وحصرها حيل توجعت بس كتمت
الوجع بداخلي وماحجيت
إلياس:: شنو هذا الحجي ريم مخبله انتِ
ريم بصياح:: اييي مخبلههه ارتاحيت
هسههه…. عوف أيدي
إلياس:: ريممم كااافي إذا اسمع انوب
هذا الحجي احسبي الله ماخلقج
ريم بصياح::لا مووو كاففييي مو
كافففييي أنتَ الكافييي مليت منك
انيييي مليت تعرف شنو يعني مليت
كرهتكم كلكم
الياس:: كرهتيني… مليتي مني
.؟
باصبعي وصرت اضرب على صدره واحجي
ريم:: أي أنتَ بالذات اني كرهتك…. وهذا
الطفل البطني ماريده ولا راح اخلي
لزمني بقوه وطبكني على الحايط وهو
لازمني من زنودي ويضغط على قبضته
حيل
إلياس بعصبية:: ابني إلي بطنج هسه ماراح اخليج تفرطين بي علمود مصلحتج سمعتييي
ريم بوجع:: إلياس ايدي
إلياس:: اششش لا تقاطعيني…. دوام
ماكو بعد لا مدرسه ولا شيء وعليج
الشي الوحيد تهتمين بالي بطنج وبس
ماكدرت ادفعه لأن لازم أيدي بقوه بس
صحت بوجهه
ريم:: مو بكيفك دراستي اكملها وغصبآ
على الكل
إلياس:: غصباً على الكل مو كتيلي
هزيت راسي بمعنى أي ودموعي بلشت تنزل دفعني بقوه على الجربايه وصحت متوجعه
ريم:: اخخخخ
انداريت عليه فرك راسه ورفع اصبعه
بوجهي وهو يحجي
إلياس:: اثاري طلعت عينج بدلالي بس
شوفي منه وجاي أنا الج
عافني وطلع ولطخ الباب حيل ضليت
على كعدتي ابجي لحد مالعبت نفسي
وركضت للحمام اتقيئ
…..
وهيج مرات الايام ولاشهر واني والياس
واحد ماله دخل بالثاني من عرفو أهلي
إني حامل كلها جتي تباركلي وحتى
جدو عمران اجه باركلي……….
ولاحد ال5 أشهر ضلت حياتنه إني
واليأس هيه هيه ماتغير منها شي
جنت كاعده أكلب بجهازي إلي بعد
ماتزوجت يلا خلوني اشيل جهاز بيدي
دخل إلياس وراح الكنتور طلع ملابس
اندار عليه إني بسرعه نزلت راسي
ضليت مسويه نفسي مندمجه بجهاز
إلياس:: حضري نفسج اخدج الدكتورتج
ريم:: ماكو داعي
الياس:: ماسئلتج يله كومي
ريم:: ههههفففففف
إلياس:: ريممممم
كمت بدون ماحاجي رحت لكنتور فتحته
وتوني لزمت البنطرون صاح عليه بصوت
عالي خلاني خانسه بمكاني
إلياس:: ماكووو بناطير
بس عناد بي سحبت البنطرون والقميص
ودااريد اروح الحمام بس اجه عليه بسرعه
ووكف بطريقي
ألياس:: أنا شنهو حجيت
ريم بستهزاء:: عفوا شنو حجيت ماسمعت
إلياس بضحكه:: الضاهر جلدج يحكج
ريم:: شو وخر خلي أروح اسبح
مشيت خطوتين بس بنفس الوكت
رجعت خطوتين من صاح
إلياس:: بس تلبسين البنطرون احسبي رجليج مكسره وأنا اكسرهن الج
ريم:: اللهم طولج ياروح
مشيت رجعت لكنتور رجعت البنطرون
والقميص جان عندي نفنوف مال حوامل
اخذته ورحت الحمام تحت انضاره سبحت
ولبست النفنوف ولفيت شعري بخاولي
وطلعت لكيته متمدد على الجربايه مشيت
وكفت كدام المرايه وخرت الخاولي ونزل
شعري لحد خصري اخذت دهن وصرت
ادهنه وبعدين شسورته حتى ميضل
رطب واتمرض شيخلصني من إلياس
رجعت لكنتور ونسقت شال وي النفنوف
ولبسته رجعت أخذت جنطتي وخليت بيها
موبايلي ووكفت كباله رفع راسه باوع
عليه من فوك ليجوه
إلياس:: زينه
ريم بتكبر:: ماماخذه رئيك
إلياس وهو يكوم:: بلا لغوه ويلا امشي
مشه بتجاه الباب وفتحه وطلع هزيت أيدي ماعاجبني وطلعت ورا نزلنا تلكتنه عمه اقبال
عمه اقبال:: ها يمه راح ترحون
إلياس+ريم:: أي
عمه إقبال:: خير أن شاء الله يمه
طلعنه شغل السياره وصعد واني هم
صعدت يمه ومتوجهين لدكتوره مالتي
وصلنا نزلنه من السياره ودخلنا العياده
جانت أكو هواي مراجعين واني ماكدر
اضل كاعده هواي كبل باوعت على إلياس
وهو عبالك افتهمني كبل هز راسه وهو يهمس
إلياس:: لا تخافين حاجز… يله تعالي نكعد اهنا
هزيت راسي بمعنى أي لزم أيدي ومشاني
ويا خلاني اكعد يلا كعد ضلينه ننتضر بالنص ساعه وجتي السكرتيرة صاحت باسمي كمت ودخلت لدكتوره سلمت عليها وتمدتت على
السديه كعدت هي وصارت تفحصني فجأه
ضحكت وهي تكول
الدكتوره:: ماما تعرفين بنفسج بيج وليد
هزيت راسي بمعنى لا وسكتت ماجاوبت
شي أصلا ما فرحانه بحملي لأن خسرت
هواي اشياء بسببه كامت من يمي وراحت
كعدت على الكرسي مالتها كمت مسحت
بطني ونزلت نفنوفي وكمت كعدت مقابيلها
وهي تحاجيني وتحجي عن التوتر وهاي
الأشياء إلي ميصير ع حمل
بعدين سجلت إلي علاجات وسترخصت منها وطلعت اجاني إلياس بلاهفه وهو يسئلني
إلياس:: ها بشري شلونه حملج
ريم بدون اهتمام:: زين
إلياس:: بين شنو جنس الجنين
ريم ببرود:: ولد
حضني بقوه كدام الكل بعدته مني واني اكول
ريم:: منه العالم الياس
إلياس بستغراب:: وإذا عالم شنو يعني
مارديت بس انطيته الورقه وكلت
ريم:: كتبتلي على علاجات
اخذهن من أيدي ولزم أيدي وطلعنه
صعدني بسياره وراح هو يجيب
العلاج شويه واجه انطاني علاجي ومشه
باوعت عليه وكلت
ريم:: إلياس أريد اروح الاهلي
إلياس وهو يسوق:: يي عود بأجر اوديج
ريم بعناد:: ماريد باجر هسه اخذني عليهم
باوع عليه اخذله صفنه وبعدين هز راسه
باوعت على الطريق غيره يعني راح
ياخذني فرحت لأن راح يوديني
ولأن راح اشوف امجد ماطول هو
جاي وصلنا لبيت أهلي ونزلنا دك
الباب إلياس وطلع امجد سلم
على الياس واني حضني حيل
دخلنا تلكتني امي بس متوتره
ريم:: ماما
امي:: ها…هلا يمه اتفضلو
ماعجبني وضعها وحسيت اكو شي
ضامته بس متوقعت هل شي
دخلت الصاله ونصدمت صدمه
عمري واني اشوف أسمر كدامي
من بعد سنه ونص………..
يتبعععععع……..
/////////////////////////////
الكاتبه ضحى اليوسف
#احفاد عمران
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.