رواية احفاد عمران – الفصل الثامن عشر
#احفاد عمران
بارت _18_
أنتَﺎخـر نفس
وشگد عزيز تصير
وبلحضة الموت تريدنا نملك؟
خيط ؏ـلى اللحم كل لحضة صرت ويلي
لـو كل الجروح تطيب مافلك
…..
“”ليان””
التفتنه ثنينه على أسمر إلي جان يباوع
علينه وعيونه بكصته تقدم بخطوات
سريعه ووخر أيد إلياس
أسمر:: ايدك لك
باوع عليه الياس متت خوف كلت هاي
هيه راح يحجي اني شورطني وحجيت
اله بس بصدمني من اتجاهل الموضوع
وسئل اسمر
إلياس:: وين ريم
اسمر:: ماتريد تحجي وياك…. وبعدين
تعال شنو إلي صاير لدرجه ريم ماتريد
تسمع صوتك
إلياس:: اسمر لا تدخل اني وياها
اسمر:: لا تنسه هاي اختي
إلياس:: لا والله نسيت الحمدلله ذكرتني
ماهتم الأسمر وطلع برأ وركع الباب التفت
عليه اسمر وهو بعصبيته وصاح
اسمر:: فوتي جوه وإذا الكاج برأ نوب اكسرجج
عفته ودخلت بسرعه لكيت ريم مو بالمطبخ
اكيد راحت الابنها كعدت وحدي وضليت الف
كبه خلصتهن وكمت غسلت المواعين وصعدت
يم جمانه
وهيج مر كم يوم علاقتي باسمر بلشت
تقوه أكثر وريم تريد تفاتح اسمر بموضوع
الطلاق بس تخاف رجعت ريم وصارت تنام بغرفتها وزيد جبنه إله كركوت نفس جمانه
اما عمه سناء فاماعرف هاي الفتره صرت
احسها متغيره وياي أمل بعد العرسها
سبوع واحد
جنت كاعده بالغرفه ويمي جمانه نايمه
دنيا ليل كلها نايمه واسمر لحد لان ماجاي
شلت تلفوني وتصلت عليه كبل جاوب
ليان:: اسمر وينك
اسمر:: جاي بالطريق
ليان:: احم اسمر
اسمر:: هممم
ليان:: عادي اوصيك شي تجيبه وياك
اسمر:: كولي شنو تردين وأنا اجيبه
ليان:: اخاف تقلد عليه وتكلي مثل لاطفال
اسمر:: ليان احجي شنو محتاجه مشتهيه
اجيبلج شي وياي
ليان:: أي اشتهيت شغله
اسمر:: ياصبر…. ولج احجي راح اوصل
البيت وانتِ ماحاجيه
ليان:: اسمر اني مشتهيه جبس باليمون
باوع والله هو مو مال جهال واني يعني
اشتهيته شسوي بعد
اسمر بضحك:: هذا ياهو الكلج الجبس
بس لأطفال…… بعد شنو تردين
ليان:: ماريد شي بس هذا الجبس
اسمر:: يله أنا شوي واوصل
سديته منه وضليت كاعده بالغرفه العب
بموبايلي هلايام خلصانه من المجهول
الماعرف منو هوه لأن انطيت رقمه إلياس
وكال أنا اتصرف بعد فرحت هواي وكلت
بلكي هاي هيه يفك ياخته عني واني هم
احجي الأسمر واخليه يطلكني وارجع لاهلي
بالنص ساعه دخل اسمر شايل علاكه
جبيره اتقرب عليه وانطاني ياها
ليان:: شسوي بيها
اسمر:: غير انتِ طلبتي
ليان:: اسمر اني طلبت جبس واحد مو علاكه
اسمر:: تاخذيها لو ارجعها
ضحكت واخذتها من ايده فتحتها لكيته
جايبلي من الجبس نفسه وعلى إطعام
منوعه وجايب نوتيلا وكرزات اخذت
الجبس الحامض وعفت الباقي على
الكومدي اليم الجربايه شغل التلفزيون
اسمر واجه تمدد يمي فتحت الجيس
وقدمته إله
ليان:: هاك
اسمر:: شكرا ماريد
ليان:: بكيفك
صرت اكل واتلذ بالطعم عاجبتني الحموضه
مالته خلصته بس احس بعد اريد اخذت من العلاكه اليمي بعد جيس وهم اكلته رجعت
اخذت نوتيلا وصرت اكل بيها بس صاح
بيه اسمر
اسمر::ليان كااافيي تخبطين
ليان:: اسمر عوفني اكل
اسمر:: ترا مامانعج تاكلين بس لا
تخبطين لأن راح تكلب معدتج
ماهتميت اله ورجعت اكل وهم طلعت
جبس واكلت اول جبسايه منه ولعبت
نفسي طفرت بسرعه الحمام اتقيئ
اتقيئت يلا ارتاحت اجه اسمر وراي
وهو يكول
اسمر:: أنا شكلتتتت هااا مو كلت لا
تخبطين ليششش تعاندين
ليان:: شسوي يعني إذا اشتهيت
لا اراديآ نزلت دموعي باوع عليه
وصفن بس طكها بضحكه
اسمر:: ولجج تبجين على جبس باجر
أروح اجيبلج كراتين مو بس جبس واحد
ليان:: وخر خليهن الك ماريد
عفته ومشيت الجربايه تمددت عليها
وتغطيت اجه وراي رفع الغطى وتمددت
بصفي تقرب وحضني دفعته بس ماكو
ليان::وخر عوفني
أسمر:: قابل أنا يمج
ليان:: ترا حاضني
أسمر:: لا ماحاضنج أنا حاضن مريتي
ليان:: أسمر وخر
أسمر:: اشش شكد تحجين خلينه انام
عفته مارديت عليه لأن أصلا إني نعسانه
وجنت اتاني يجي علمود انام………
مرن يومين جنه كاعدين بصاله إني
وريم وعمه سناء بس عمو بالغرفه مالته
واسمر فوك لان جمعه وكلها كاعده واحنه
جاي نسولف سئلتني ريم
ريم:: ليان شوكت تجيبين ملابس العرس
ليان:: مامستعجله عود على كيفي
ريم:: شنو مامستعجله هوه شضل
بعدني ماراده عليها اندارت على عمه
سناء وهي تحجي
ريم:: يمه اليوم العصر اخذي ليان السوك
عمه سناء:: وليش عيني عدها رجال
وهو ياخذها السوك
أسمر:: أنا اخذها
باوعنه عليه دينزل من الدرج وهو
يدكم بزرار قميصه باوع عليه وابتسم
أسمر:: تحضري أنا اخذج واشتري اليعجبج
ابتسمت وهزيت راسي بمعنى أي اجه
كعد يمنه على القنفات راحت ريم الغرفه
وطلعت زيد جتي كعدت يمنه حللته وخلته
يتمغط وجمانه نايمه فوك انداريت على أسمر
ليان:: أسمر شلون نزلت مو جمانه فوك
أسمر:: ماعليها شي نايمه
كمنه إني وريم نسوي غده…
العصر …….نايمه بس اسمع اسمر يصيح
باسمي ماهتميت وكملت نومتي بس فزيت
فزه عمري من رش مي على وجهي
ليان:: يمهههههه
اسمر وهو يضحك:: وصمه كومي يله
باوعت عليه شايل كلاص بيده رجع خله
بايده مي بايده وهم رش عليه صحت بي
ليان:: اسمررررر
اسمر:: صوتججج يله كومي ولج
ليان:: شكو خليني نايمه
اسمر:: دكومي اوديج المول تشترين ملابس
هسه يله طخت بالي ليش كعدني
كمت واني اتئفف اخذت بنطرون
وقميص طويل بس اسمر…
اسمر:: أنا كم مره كلج بنطرون ماكووو
باوعت عليه ورسمت ابتسامه على وجهي
ليان:: بس اليوم خليني
اسمر:: لا اليوم ولا بأجر ولا بعد سنهه
ليان:: ياا سموري شبيج
اسمر:: ليان لتعوجين حلكج مثل ياسمين
ثاني شي أنا ماحب أحد يصيحني هيج
ليان:: لعد خليني اطلع بالبنطرون
أسمر:: لياااننن
ليان:: اووف بطلت
رجعت البنطرون واخذت فستان حلو
ومرتب دخلت الحمام سبحت ولبسته…..
طلعت شسورت شعري وخليتله دهن مي
ورد سويته كعكه حتى يلوك وي لبسي
طلعت تكرمون حذاء كعب ولبسته واسمر
على حطته كاعد ويكلب بموبايل خليت
شويه مسكاره وتنت.
وكفت كباله رفع راسه باوعلي من فوك
ليجوه واشر باصبعه وكأن ماعاجبه
أسمر:: هيج اطلعين
ليان:: أي لعد شلون
أسمر:: روحي بابا روحي لبسيليج شي فوكه
ليان:: أسمر شبيكك هسه إني شلابسه
أسمر:: اشاقه وياج يلا امشي
هسه هذا صدك يحجي ضحك وكام
اجه وكف يمي باوع عليه وكال
أسمر:: شبيج يله
لزم أيدي مشيني ويا طلعنه من باب للغرفه
واحس صارت عندي لحضه ادراك جمانه بالغرفه
ليان بصيحه:: يااا اسمررر جمانههه
أسمر مامهتم:: ماعليها شي
ليان:: شنو ماعليها شي شو وخر
فلتت ايدي منه ومشيت الغرفه
دخلت رحت الجمانه شلتها وهي نايمه
طلعت من الغرفه ونزلت على كيفي علمود
ماتحس وتكعد مشيت لحد ماوصلت غرفه
عمامي دكيت الباب على كيفي طلعت
عمه سناء باوعت عليه من وره خشمها
ليان:: عمه خلي جمانه يمج بين
مانروح ونرجع
عمه سناء:: وليش عيني قابل أنا مخلفتها
وناسيتها
ماتحملت كلامه وكبل كلت الها
ليان:: ولا إني مخلفتها وناسيتها
وبالنهايه تضل حفيدتج
ماخليتها ترد وكبل انطيتها جمانه
وطلعت وره أسمر وتوجهنه المول…….
“” نختصر الطلعه “”
رحنه المول…… اخذت فستان لون بيجي
منفوش من فوك اليجوه ماضاب على
الجسم واخذت الريم هم واحد بس غير كل
بس اني وياها نفس ألون واخذت وياهن ت
كرمون احذيا لون ماروني ماعرف ليش
هذا الون بس حسيت يناسبهن ويكعد
وياهن أكثر
اخذت مقشرات الجسم ومن هاي
السوالف واخذت عطورات ماخذت
أي شي يخص الميكب لأن إني بالاساس
ماحب اخلي هاي الاشياء فامالها داعي
اخذتي الهن
رحنه على ملابس الاطفال واخذت بدله
الجمانه نفس لون فستاني وهلمره حبيت
إني انسق وياها وهم اخذت الها حذاء
تكرمون لون ماروني وقراصات علمود
العب بشعرها لعب ورجعت الملابس
الولد اخذت قاط كامل الزيودي
واخذت إله حذاء تكرمون وهم
نسقته وي لبسه واسمر اخخ اسمر
يمشي ورايه ويدفع الحساب وطلعنه..
كاعده إني بصف أسمر وهو يسوق بس
فجأة وقف السياره باوعت عليه واردفت
ليان:: أسمر ليش وكفت
أسمر:: اشش تعالي
نزل من السياره بس إني مانزلت ضليت
كاعده اتحول من الطرف الثاني وفتح
الباب ضحك وكال
أسمر:: هيا انزلي أيتها الأميره
ضحكت ونزلت سد الباب ولزم أيدي
ممشيني ويا باوعت كدامنه مكتوب
مجوهرات ال…………… استغربت
شنسوي اهنا
ليان:: أسمر وين رايحين
أسمر:: شوكت تصيرين تمشين
بدون ماتحجين
ليان:: ياا هسه إني شحجيت
أسمر:: أمشي أمشي
مشينه ودخلنا المحل خلاني أسمر
اوكف على صفحه وراح يحجي وي
واحد من الولد انطه علبه واجه عليه
وكف كبالي ومدلي العلبه ابتسمت واردفت
ليان:: اسمر هاي إلي
أسمر:: لا بس لزمي العلبه
ضجت من كلامه بس شسوي عيب
هسه نتعارك كدام العالم خليت ولزمت
العلبه فتحها وطلع منها عقد بس
أسمر:: ديري وجهج لجج
صارت غصه بداخلي بس كابلت
وماخليت دموعي تنزل درت وجهي
عنه بس اكدر المحه شديسوي طلع
العقد من العلبه واخذ العلبه من أيدي
نزلت اديه ودرت جسمي هم من يمه
فجأة حسيت شي يتسلسل على ركبتي
لمسته وضحكت يعني إلي اكيد المن
قابل لبسه إلي لزمته بيدي ورفعتها
الوجهي جانت كلاده ميداليتها
مكتوب عليها اسمر انداريت إله
ليان:: شنو هاييي اني ليش البس
كلاده باسمك
اسمر بضحكه:: لأن انتِ زوجته لاسمر
ابتسمت بوجهه واني اكول
_اخ لو تدري ليش اني وياك
راح دفع الحساب وطلعنه بعدنه بالسياره
واجه سؤال براسي فلازم اسئله إله
ليان:: اسمر
اسمر:: هممم
ليان:: قبل فتره كلت إلي عندي مفاجئه
الج
اسمر:: أي
ليان:: يعني هاي المفاجئه
باوع عليه ورجع اندار يسوق
اسمر:: لا
ليان:: لعد شنيه
اسمر:: ليان خلي يكون عدج صبرر صبرر
ليان:: شوف هوه اني صبوره هوا…….
قاطع كلامي وهو يضحك ويكول
اسمر:: مبين عمي مبين الصبر العدج
ليان:: هههففف ليش ماتحجي
اسمر:: كتلج خليها الوكتها تعرفيها
ليان:: راح انتضر والله كريم
هز رأسه وضل ماشي وصلنا البيت دخلت
اني لكيت تمو جاسم شايل جمانه ويفتر
بيها بالحديقه ضحكت وتقربت عليهم
ليان:: ها عمو شنو طاحت براسك
ضحك عمو جاسم وهو يكول
جاسم:: أي والله ياعمو…. همزين
جيتو
لأن عندي شغل وهاي عمتج
طلعت الجيران
وماكدرت اخلي ريومه
وحدها لأن جان اوليدها
كاعد
هزيت راسي بمعنى أي وتقربت اكثر
اخذت
جمانه منه ومشيت اجه وراي
اسمر وهو
شايل العلاليك
دخلنا جوا لكيت ريم دتغير ملابس
زيد مانتبهت إلي بس من دخل اسمر
وبيده العلاليك اطلع صوت التفتت
علينه ضحكت وهي تكول
ريم:: وأخيرا اجيتو جنت ضايجه وحدي
ليان:: ههههه
ريم:: شبيج وره فعلاً
ليان:: أي شوفو اني محد يكدر بدوني
ريم:: استقريي
ضحكت وذبيت جمانه يمها على الفرشه
الفارشتها اسمر عاف الغراض وصعد فوك
كمت اني واخذت غراض ريم وزيد
ونطيتهن الها
ريم:: شنو هاي
ليان:: اعرف بيج مامشتريه العرس
جبتلج وياي
ريم:: ياا اني ماروح اصلا
ليان:: مو بكيفج تروحين غصبأ عليج
ريم:: ليان ماكدر اطلع اني زيد بعده
انفاس وهم شون اخذه وهم اصوات
ماكدر
ليان:: شبيج ريم ماتذكرين بخطوبتها
من جمانه هم جانت صغيره وهم اخذناها
ريم:: ماعرف أفكر
ليان:: لا تفكرين ولا شي ترحين ترحين
ضحكنه ثنينه كمت ضلينه كاعدين نسولف
بس أخير شي نامت جمانه كمت شلتها
وصعدتها فوك لكيت اسمر نايم هذا شبي
نايم المغرب نزلت اخذت الغراض وصعدت
علكت الفساتين ورتبت الباقي
رحت يم اسمر واني انده بي
ليان:: اسمر اكعد
_اسمر موزين نوم المغرب
_يا اسمر اكعدد
اسمر:: همممم
ليان:: اكعددد شنو نايم هسه
اسمر:: شويه وكعديني
ليان:: كوم كوم لا شويه ولا شي
ماهتم إلي رجع اندار ونام على بطنه
مكمل نومته اني هم عفته رحت اخذت
ملابس وسبحت لأن طلعت عاده بيه
إذا ارجع من طلعه اسبح لازم
لبست اتراك وطلعت اخذت تلفوني
شفت رسائل من المجهول كلبي
صار ينبض بقوه من الخوف صرت
أخاف إذا أشوف شي إله دخلت
الرسائل لكيته كاتبلي
“ها يحلوه شلونه الوضع
رجعت كتبتله
_شنو يا وضع
كبل رد عليه
” لتقشمين نفسج وكليلي شصار
وياج كدرتي تسوين الردته
باوعت على اسمر إلي جان نايم
ومايعرف بشيء رجعت المحادثه
وكتبت كبل
_كدرت أي كدرت اخلي كلبه ينبض
الي
“عفيه عليج سباعيه”
_هاي هيه كدرت اسوي الردته عوفني بحالي
“” هههههههههههه انتِ صدك غبيه أبدا
ماشفت بغبائج لجج احنه هسه يله
بدينه بالعب على اسمر
نصدمت من حجيه شنو بعدنه من البدايه
_شنو انتَ شجاي تحجي
“” روحي روحي هسه أنا اكلج بعدين
شنو جاي احجي “”
حضرني كبل ماخلاني احجي شي كلبي
رجف نزلت دموعي واني اباوع على
اسمر تقربت عليه وكعدت مديت أيدي
على شعره صرت العب بشعره وهو نايم
دموعي على خدي صرت احاجي بهمس
ليان:: ياريت لو اكدر احجي كلشي الك
واخلص……
تحرك اسمر واني كبل وخرت أيدي من
شعره ومسحت دموعي باوعت عليه
فتح عين وحده وكال
أسمر:: بيش الساعه
ليان:: بال06:05
كام وطلع كبل عدلت الفراش ونزلت ورا….
“”اليوم هو حنه امل””
كعدنه الصبح تريكنه اسمر اتريك وراح
العيادته عمو جاسم هم طلع بقينه بس
احنه ولاطفال كمت اني خليت جمانه
يم ريم وصعدت الغرفه اخذت جنطه
صغيره خليت بيها فستاني وبدله جمانه
واخذت اشيائاتي كلهن نزلت الجنطه
جوه ورحت اخذت جمانه ورجعت صعدت
سبحتها على كيفي ولبستها تراك لون
تركوازي عطرتها من عطر الاطفال
ونومتها رجعت اني اخذت تراك
وهم سبحت……
طلعت شسورت وكبسته لان خاف اهناك
مالحك كملت ونزلت جوه باوعت ريم
هيه هيه بعدها كلشي مامسويه حاضنه
ابنها وكاعده
ليان:: ريمم شنو هاااييي
باوعت عليه بستغراب وهي تكول
ريم:: شنو ليان شبيج
ليان:: شنو الحد لان كلشي مامسويه
تعرفين احنه شويه ويجي ياخذنه محمد
ريم:: خايبه شبيج بعد وكت
ليان:: يابعد وكت………دجيبي جيبي
وكومي حضري
اخذته منها وكومتها كوه ماترضه
واصلا اني بالكوه قنعتها تروح وتغير
اجواء ضليت حاضنه زيد وكاعده
العب بخدوده
_لكك شنو هالخدودح الحلوه اكلهن
اني اكلهن
ضحكت على نفسي مخليه عقلي وي الأطفال….نزلت ريم من الغرفه وبيدها
الجنطه مالتها ضحكت واني اكول الها
ليان:: ها خيه اليوم رايحه لاهلج زعلانه
ريم بضحكه::والله عدج سوالف…..شوكت
يجي محمد
ليان::هسه اني اخابر اسمر واكله لان
كال من تخلصن دكي عليه
ريم:: يله لعد روحي اتصلي عليه
انطيتها زيد صعدتخ الغرفه دكيت عليه
ماجاوب اول مره دكيت مره ثانيه يله رد
اسمر:: ها ياحلوو شعدج داك عليه
ليان بضحكه:: ممكن الرقم
اسمر:: اعذريني اختي مزوج مرتي تخنكني
ليان:: جرب ماتخسر
اسمر:: هههههههه…. خلصتن
ليان:: اي اتصل على محمد ياخذنه
اسمر:: يله هسه اتصل عليه
ليان:: خوش
سديته منه ورحت أخذت صايه لأن
لابسه تراك وأخذت شال خليته على
راسي هم لأن لبست صايه نزلت جوه
باوعت ريم وضحكت
ريم:: صلوات لابسه حجاب
ليان:: هههه لا سمي حجاب بالجذبي
ضلينه كاعدين وجمانه وزيد يمنه طلعت
عمه سناء من الغرفه باوعت علينه
وهي تكول
عمه سناء:: شنهي شعدجن متحضرات
وين تردن
ريم:: أسمر كال النه روحن اهناك
هم بنات وهم تتونسن
ماهتمت رجعت الغرفتها ماعرف
شنو سالفتها مرات تصير هي وبس
ومرات تخلي الشخص كوه يشيل
عليها… ماهتمينه الها شويه وسمعنه
صوت هورس السياره يدك
ليان:: اكيد هذا محمد
ريم:: أي قابل لعد منو
عدلت نفسي وشلت جمانه بحضني
واخذت الجنطه شلتها وريم كذالك
طلعنه برا وحرنه شلون نفتح الباب
واحنه شايلين الجهال والجنط
خلت ريم وصاحت على
ريم:: منوو
محمد:: السعلو
ريم:: بله محمد بدون حجي ودفع
الباب افتحه
وصدك دفع الباب وفتحه باوع علينه
وضحك
محمد:: هلا بنسوان اخوتي
ريم صارت ادور حوالياها ما عرف على
شنو ادور بالتحديد
ليان:: ريم على شنو ادورين
ريم:: فد طابوكه شي احطها براسه
محمد:: دخيلج عوفيني
ضحكت على سوالفهم اجه محمد
أخذ من عدنه الجنط وهو يكول
محمد:: اتفضلن السياره زوجات اخوتي
واطفالهن
ليان:: محمددد
محمد:: بطلنههه عمييي
صعدنه ثنينه وره ونطلقنه البيت عمو
ماجد وصلنا ونزلنا ونزل محمد الجنط
دخلنا جانت أكو نسوان هواي خدنه
راح من البوس وكل وحده تبوسك عشر
بوسات وأخيرا فلتنه منهن وصعدنه الغرفة
أمل خلينه الجهال على الجربايه وذبينه
شالاتنه وكعدنه
ريم:: يمههه إني استحي بعد انزل
ليان:: وإني هم خلينه كاعدين اهنا احسن
وفعلاً ضلينه كاعدين والغده مانزلنه كلنه
ألهم الجهال يبجون وخطيه البنات صعدن
النه صينيه
خلصو الغدا وكلها بلشت تتجهز
بدلت الجمانه ولبستها الحذاء تكرمون
طلعت تخبل وهي عيونه زرك كمت
وصورتها ونشرتها على الحاله مال
الواتساب وكتبت اليجوه “” بنيتي “”
ماحس إلا كبل اجتني رساله من أسمر
وهو يكول
_اروح فدوه الحبيبه ابوها
قريتها بس ماجاوبت عليه بشي رجع
دك عليه وجاوبته
أسمر:: ليان
ليان:: ها
اسمر:: من تخلص الحفله لا تغيرين لبسج
ليان:: ليش
اسمر:: ماعليج بس سوي مثل ماكتلج
ليان:: خوش
سديته منه وكمت بسرعه بسرعه
بدلت ولبست فستاني وتجهزت على
آخر حبايه وريم هم وملبسه الطقم
الزيد صح شوي جبير عليه بس طالع
يخبل شلناهم ونزلنه وهنه صوت الهلاهل
تركع وديجي بصوت عالي كبل فزت
جمانه وصرخت واريدها تسكت ماكوو
أخير شي اجتي عمه زهور
عمه زهور:: شبيها ليش عاطت
ليان:: عمه ماعرف شبيها يمكن اخترعت
من الصوت
عمه زهور:: طلعيها طلعيها شويه برأ
ليان لا عمه راح ارجع الغرفه أحسن
هزت رأسها بمعنى أي صعدت الغرفه
وبقيت كاعده بالساعتين إني كاعده يمها
ومانزلت وبس اسمع اصوات الهلاهل
ماهتميت وكلت أهم شي جمانه
خلصت الحنه اجه اسمر ياخذنه عمه سناء
مسويه روحه مريضه حتى ماتجي الحنه
وصلنا البيت بعدني أريد اصعد الدرج
وإني حاضنه جمانه بس استوقفني
صوت اسمر
اسمر:: اوكفي ليان
التفتت إله مستغربه شبي
ليان:: ها ليش
اجه تقرب عليه وأخذ جمانه من حضني
راح دك الباب على امه وانطاها جمانه
واجه باتجاهي وإني مثل الفاهيه بس
صافنه عليه لزمني من أيدي مصعدني
الغرفه ويا فتح باب الغرفه
وانصدمت من منضرها جانت مفروشه
فرشه حمره على الجربايه ومطشر عليها
الورد وبالكاع هم وجان أكو شموع
مشغله على الميز سحبني من أيدي
ودخلني الها
ليان:: أسمر هاي شمسوي
ماجاوبني سحب الشال مني وسحب
الصايه خلاهن على الكومدي وقرب
نفسه طبع بوسه على خدي
ليان:: اسم……
أسمر:: اششش خلي اليوم أنا احجي
باوعت بعيونه واردفت
ليان:: شنو تحجي
لزم وجهي بثنين اديه وخله راسه على
راسي وهو يكول بالهفه وحب وحنان
أسمر:: ليان أنا احبج……..
يتبععع….
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.