رواية احفاد عمران – الفصل التاسع عشر
_احفاد عمران_
بارت _19_
“طَلع كُل الِرسمَته أوهَام بَأوهام .
“وَأرسِم على الظَلام بقَلم كِحله .
“انتِرس راسْي الثَلج واتأمل تعود .
“وبعد مَاضل وكِت منطيك مُهله .
“بدله عرسي خلصتْ تفصال .
“ومِن شيِب الزلِف فَصلت بدله .
………………….
“”ليان””
ماتخيلت يجي يوم واسمعها منه
ماجنت متوقعه أن فعلاً راح يحبني
وخر مني وباوع عليه بلعت ريكي
صافنه بوجهه ماعرف شنو ارد شنو
أكله اني أصلاً
ليان:: شن..و هاي اسمر
ضحك وهو يكلي
أسمر:: اليوم بس أنا أريد احجي ممنوع
الحجي الج
ليان:: بس….
اسمر:: لا بس ولا شي خليني احجي أنا بس
ضليت اباوع بعيونه إلي جانت مدمعه
ماعرف من شنو رجع كمل كلامه
أسمر:: ليان أنا آسف
ليان:: على شنو
اسمر:: على كل إلي صار بسببي
ليان أنا ماعرف إذا جنتي راح تكدرين
تسامحيني على إلي صار وياج بسببي
أو لا بس ارجع واكولها الج أنا آسف
ضليت ساكته وضل هو يباوعلي
يريدني احجي
_ليان لسكتين اريدج تحجين
ليان:: هذا كله من الماضي و ماكو اي
فايدده من هذا الحجي هسه
اسمر:: لا أكو فايده أنا مليت وأنا أريد
احجيلج باقرب فرصه بس ماجاي اكدر
اواجهج بس بعد ماكدر ليان
ليان:: ش……
اسمر:: اشش خليني أنا احجي….. تعالي
لزمني من أيدي مشاني خلاني اكعد على
الجربايه بس هو كعد كبالي على الارض
حجه وهو بعده لازم أيدي
اسمر:: ليان أنا أريد احجي كل شي اليوم
ليان:: شنو تحجي
اسمر:: ليان اسمعيني…
هزيت براسي أي واني صافنه عليه واتاني
شنو يريد يحجي وشنو إلي ماجان يكدر
يحجي وهسه راد يكوله ضليت ساكته
وهو حجه
اسمر:: ليان أنا ماجنت رايد اعوفج
بالفندق بهذاك اليوم بس اجاني اتصال
ضروري وجان هذا الاتصال كلش مهم
بالنسبه إلي…
ماتحملت كلامه وهو يذكرني بهذاك إليوم
قاطعت كلامه كبل ودموعي نزلت على خدي
ليان:: شنو هذا الاتصال ها شنو الاتصال
إلي خلاك تعوف مرتكك بنص الفندققق
اسمر:: مات
ليان:: من…و المات
اسمر:: اخوها ليان اخوها مات
باوعت بعيونه وهمست بصوت مخنوك
ليان:: اني شنو ذنبي
اسمر:: ماذنبج انتِ ما الج أي ذنب أنل أنا الك**** إلي عفتج ورايه وماهتميت الج ليان
ليان:: اسمر كاف…..
اسمر:: اششش خلي احجي……من يوم
العرس قبل مانروح القاعه جان يسر مسوي
حادث ماكدرت اروح يمه بس خليت شخص
يمه بالمستشفى ويطمني عليه ليان يسر
حسبه ماجان الهم أحد فقط امهم الهم
وتوفت بفتره خطوبتنه … قبل ماادخل
الفندق اتصلو عليه وكالو توفه
نزل راسه على رجلي وهمس بصوت مخنوك
اسمر:: ماكدرت اتحمل ليان ماكدرت ردت
اروح اشوفها اطمئن عليها بس ماجنت
اعرف راح يصير شي انجبرت اسفرها
وازوجها حتى اخليها يمي ماردت
اضلمها ولا اضلمج
ضحكت ضحكه طالعه بقهر وغصه بيها
رفع راسه باوعلي سحبت أيدي من ايده
ليان:: ماردت تضلمني ها
كمت ردت اروح الحمام بس بسرعه
لزمني وحضني وهو يهمس بذاني
اسمر:: خليني احجي خليني اكمل كلامي
ماتحملت صلافته وكبل رفعت أيدي
ودفعته من صدره واني اصيح عليه
ليان:: شتحجي هاااا شتحجييي تعرف
اني شصار بيهههه تعرفففف خلي
احجيلككك خاف محد بشركك
اسمر:: ليان…
ليان بصياح:: شنوووو ليااان هاااا
شنووووو بالوقت ال انته نايم بحضنهااا
اني شنووو صار بيههه تعرففف جدي
يشحط بيه ويضربنييي كدامم الكل
ويتهمنييي انييي انييي بس بس أنت
ههههههههه عادي عليك كل شي
صارر….. اسمر أنت دمرتنييي دمرتها
الحياتي دمرت مستقبليي
تقرب عليه وهو يكول
اسمر:: اصلح كل شي ارجعج الدراسه
اخلي حمزه يحاجيج وحتى ابرر الكل
سبب سفرتي وليش خليتج بالفندق وحدج
ليان:: ههههههه اسمر أنت واعي
لو سكران ماكو شي راح يتغير أن
حجيت أو لا شنو إلي راح يتغير مثلاً
هااا تكدر ترجع احترامي بين الكل لو
تكدر تخلي إلي نفس ارجع ادرس بين
البنات الاصغر مني هاااا
أسمر:: ليانن
-كافي اسمر اني مليت من نفس الكلام
اسمر:: ليان عندي امانه الج
ليان بستغراب:: أي امانه
مارد عليه راح الكنتور فتحه وطلع علبه
اول مره انتبه الوجودها دائما من جنت
اعزلهن ماموجوده علبه او اي شي ااتقدم
على الجربايه ورجع الجرارات طلع مفتاح
كل هذا واني بس واكفه صافنه عليه فتح
قفل العلبه وفتحته صار يكلب باوراق هواي
اخير شي طلع ضرف قدمه الي
ليان:: شنو هذا
اسمر:: هاي امانه يمي جانت الج
وماكدرت اضهرها الج بس هسه
ماكدر اضمها اكثر من هيج
ليان:: م..ن منو
أسمر:: من رسل….. اششش لا تحجين
هسه شوفي شنو بيها….. أنا طالع
ماخلاني حتى احجي كلمه عافني
وراح كبل طلع كعدت على الجربايه
افكر شنو هاي ياترا وليش الأمانة
إلي وين تعرفني هيه كومه افكار
براسي ذبيت الضرف بصفي وضليت
افكر بس ماتحملت كبل شلته وفتحته
فتحتها بيدي وإني أيدي ترجف رجف
كوه سيطرت على نفسي وضليت لازمتها
“”اعرف من راح تقرئين رسالتي هسه
انت صايره الام البنتي “”جمانه””
ليان أنا أعتذر منج ومادي اذا جنتي راح تسامحيني بس جمانه مالها ذنب باغلاط
ابوها يمكن شلتي بكلبج عليها لأن هي
بنتي بس ليان جمانه انحرمت من امها
لا تحرميها منج هم أنا خاطرت بحياتي
بس علمود بنتي تنور الدنيا ماريد شي
ياذيها ماريد الناس بعدين تصير تعايرها
بأن هي أمها ميته جانت امنيتي احضنها
واشم عطرها بس اعرف بنفسي ماراح
احقق هاذي الامنيه اريد اطلب منج
طلب واتمنى ماتردي ديري بالج على
جمانه صيري أم الها مو زوجه أب لا
تعامليها معامله مره الأب عامليها
معامله الام
والي طلب ثاني من تكبر جمانه لا
تكولين الها أن امها الحقيقيه ميته
اريدج تصيرين امها من بعدي وتصير
تصيح كلمه ماما الج
ماجنت حابه هيج يصير بحياتنه بس
احنه الاثنين هواي اتاذينه
لو مهما يصير لا تتخلين على
جمانه ليان
R…
دموعي مانشفت طول مااني اقره الرساله
اكملها وارجع أقراها من جديد ودموعي
حاره تنزل على خدي ماعرف شنو صار
بيه أحس انهاريت كمت بيه مابيه الحمام
غسلت وجهي بمي بارد باوعت على نفسي
بالمرايا
وهمست
_مستحيل اتخلى على جمانه هي بنتي اني
طلعت من الحمام رحت الكنتور أخذت
تراك خفيف ودخلت سبحت.. طلعت رحت
أخذت لشسوار وشسورت شعري بعدني
دااريد اشده الشعري وانفتح الباب جان
بالي أسمر بس دخلت عمه سناء وهي
شايله جمانه
عمه سناء:: شنوو نمتووو وعايفينها يمي
بس تبجي
مارديت عليها بس تقدمت اخذت جمانه
من أيدها هيه هم بعد ماحجت ماعرف
شعجب خلت وراحت مشيت وخليتها
بكركوتها هي أصلا نايمه وين جاي تبجي
بس هيه الضاهر تريد تصعد وهيج كالت
وإني هم تمددت على الجربايه ونمت…..
مادري شكد مر من الوقت وحسيت شي
يلاعب شعري ويهمس باذاني
_احبج
ماهتميت ورجعت كملت نومتي لحد
ماجمانه كعدت سويت الها ممه ورضعتها
ياها ورجعنه نمنه الصبح…….كعدت على
صوت أسمر
أسمر:: ليااانن يله اكعدي….. ليان شوفي ب
يش الساعه وانتِ نايمه…. لياااننن
عدلت نومتي وباوعت عليه واكف على
المرايه ويمشط بشعره رجع التفت اليه
وشافني اباوع إله
أسمر:: يله كومي يا أم عيون الخضر
ماحاجيته كمت وكفت قريب عليه
مديت أيدي أخذت قراصه من الميز
ووكفت وره اشيل شعري ليفوك لأن
أثناء النوم ملخبط شال العطر وصار
يرش على نفسه وإني صارت معدتي
تكلب كبل طفرت الحمام اتتقيئ اجه
أسمر ورايه صار يلم بشعري
أسمر:: شبيج ليان
ماتحملت ورجعت اتقيئ حسيت طلعت
روحي لحد ماغسلت وجهي ورجعت
الغرفه واسمر ورايه ورايه
أسمر:: ليان شنو شبيج
ليان:: ماعرف
أسمر:: اخذج الدكتور
ليان:: لا مايحتاج مابيه شي يمكن لأن
كثرت بالعطر انت وهيج كلبت معدتي
أسمر:: شنو جديده عليج مو أنا كالمره
من اطلع هيج
ماحجيت شي عفته رجعت عدلت
الجربايه ونضفت الغرفه وهو بس
صافن عليه أخير شي كسر السكوت
وهو يكول
أسمر:: ليان أنتِ زينه
هزيت راسي بمعنى أي بدون مااحجي
حضرت ملابس العرس واخذت دشداشه
عاديه البسها دخلت الحمام سبحت……..
طلعت لافه شعري بالخاولي باوعت أسمر
ماكو وجمانه على الجربايه تلعب
_هذا شلون يخلي الطفله هيج وحدها
رحت يمها خليتها بنص الجربايه وحاوطتها بالمخاد لأن هاي الايام صايره تكلب على
بطنها أخاف عليها خليتها ومشيت نشفت
شعري وشسورته بسرعه وسويته كعكه
دخل أسمر وكعد يم جمانه يلاشي بيها
وإني ضليت احضر بالاشياء الاحتاجهن
اندك الباب
كام أسمر فتحه دخلت ريم
بسرعه تحجي
ريم:: ليان انطيني القميص البرتقالي
غميت كصتي وإني اكول الها
ليان:: شبيج منو يركض وراج وهيج مستعجله
ريم:: دنطيني ياعيني
أسمر:: انطيها انطيها لا يغمى عليها
رحت الكنتور طلعته ونطيته الها والفاهيه
خلت الباب مفتوح تقربت وسديته درت
نفسي وشهكت
ليان:: يمهههه
أسمر:: وصمهههه
ليان:: شعندك واكف اهنا
أسمر:: مو أريد اكلج على فد شغله
ليان:: احجي
أسمر:: ليان
ليان:: ها
أسمر:: أنا احبج
هزيت أيدي على سوالفه وعبرت منه
رحت الكنتور جمانه طلعت الها فستان
عادي لأن أمس من لبست الها بدله
حسيتها تضايقت منها رحت يمها
صرت افل شعرها من الاستيكه إلي
جنت مسويتها ستوته واسمر فوك
راسي يحجي
أسمر:: على كيفج لا تاذيها
أسمر:: ولججج لياننن شعرهااا
أسمر:: شلون راح تخليها تعيط
ماتحملت اكثر وخرت ايدي منها وصحت بي
ليان:: تعاللل حلهااا أنت ماطول هيج شاطر
طلع تلفونه من جيبه وهو يباوع بي
باوع عليه وكال
أسمر:: هذا صديق إلي جاي يدك
خله وطلع شرد من حجيي رجعت فليت
شعرها على كيفي ودخلتها الحمام سبحتها…….
خلصت الجمانه كل شي ومابقه شي ناقص
باوعت الساعة1 الضهر وإني بدون ريوك
وغده بس ماهتميت حضرت كلشي وبقة
بس ارتب نفسي بسس……. اندك الباب
وفاتت ريم بيدها صينيه بطنها لفات
وقوطيه ضحكت وكالت
ريم:: هاي اسمر جاب غده لفات من برا
وكال إلي صعديلها لأن ماتكدر تنزل
خلت الصينيه ورجعت حجت بسرعه
ريم:: مستعجله مستعجله
طلعت بسرعه ماخلتني احجي واني
هم جنت جوعانه اخذت الصينيه
وكعدت يم جمانه على الجربايه
وصرت اكل
خلصت وكمت غسلت وصرت بسرعه
بسرعه احضر همزين جنت مكمله شعري
بسرعه لبست الفستان وخليت ميكب خفيف
خلصت كل شي تقريباً واجه اسمر دخل
الغرفه باوع بوجهي وابتسم
تقدم نحوي وهوه الابتسامه على وجهه
وصل يمي واردف
اسمر:: شطالعه اليوم
قرب وجهه على وجهي وباسني بخذي
كلبي نبض بقوه واحنه بهل قرب وكأنما
هاي أول مره يتقرب مني ابتعد عليه
وهو يضحك
اسمر:: ولجج صايره خرسه
ليان:: شيل بتك وأنزل بسرععهه
اسمر:: لو ندري هيج جان سكتنه اهون النه
راح شال جمانه وهو يبوس بيها نزلو
جوه واني هم كملت واخذت الجنطه
مال جمانه ونزلت وراهم لكيت عمه سناء
متحضره أول ماشافتني وكمزت ادردم
عمه سناء:: ليش عيني نازله هسه جان
ضليتي اليل
ليان:: عمه اذا اضل اليل شلونح احضر
عرس امل عيب افوتها مره الثانيه اضل
اليل بغرفتي
عمه سناء:: ولجج ليان صايرلج السان
وتحجين
ليان:: عمه هو منو ماعنده لسان ويحجي
أضن اني وحد
ريم خلت ايدها على حلكها تخفي ضحكتها
أما اسمر جان واضح ماعجبه النقاش كام
اخذ الجنطه من ايدي ردت اخذ جمانه
منه بس
اسمر:: عوفيها أنا اشيلها بالسياره انطيج ياها
طلع وطلعنه وره وريم الي حايره بزيد
لأن نايم وتخاف لا يكعد عليها ويشلع
كلبها فتح السياره اسمر راحت عمه سناء
كعدت يمه بالصدر صعدت اني ورا مباشراً
وريم بصفي الباب بعده مفتوح تقدم
وانطاني جمانه وصعد وتوجهنه البيت
عمو جاسم
وصلنا نزل اسمر فتح الي الباب علمود انزل براحتي نزلت وسد الباب دخلن عمه سناء
وريم وبس احنه ضلينه واكفين وهو يحجي
اسمر:: اذا بجت اتصلي عليه
ليان:: نسيت جهازي بالبيت ماجايبته
اسمر:: صدك تحجين ليان شلون تنسينه
ليان:: نسيته هسه شسالفه
اسمر:: اذا شيبتج دزيلي اي طفل صغير
تشوفي أنا كاعد يم الولد
ليان:: خوش
بعدنه واكفين وطبكت سياره التفتت
وابتسمت واني اشوفها سياره حمزه
وبصفه امي نزلوا وقفل السياره اجتي
امي تبوس بوجهي وهي تحجي عليه
امي:: ولج يمهه ليش ماتجينه
ماتكولين
عندي أهل
تحاجيني بس اني عيني على حمزه الي
ماباوع بوجهي أبدا
غصه بنض كلبي
صارت وصلت دمعتي العيني بس اجه
اسمر وهو يحاجيني
اسمر:: يله ليان امشي ادخلي جوه موزين عليج
امي:: ليش يمهه شبيها خوما مريضه…ليان
باوعت على أسمر اتاني ينطي جواب
الامي اخير شي باوع عليه وضحك
اسمر:: لا عمه مابيها شي بس هسه إذا
تضل أكثر جوه الشمس يموع هذا الي
على وجهه وتطلع صديقي
ليان بصدمه:: اسمرررر
اسمر:: يابه جذب اكو احلى من مريتي
ضحكو هوه وماما بس قاطع ضحكهم
حمزه:: يمه أنا يم الولد من تردين ترجعين خابريني
عافنه وراح البيت احمد لأن همه قبل
فتره انتقلو وهسه الشباب راح ينجمعون
اهناك باوعت على امي
ليان:: يمه حمزه بعد ميحبني
امي:: يمه شلون مايحبج بس هوه بعده
ماخذ على خاطره تهون يمه تهون
اسمر:: ليان يله فوتي جوه ليجي أحد بعد
هزيت براسي ودخلنا اني وامي جان الكل
موجود وصوت الهلاهل وديجي بصوت
عالي بس جمانه نفس حالتها صارت تعيط
ماكدر ادز طفل الشارع اخاف عليه خليت
واخذتها ورا البيت لأن جانت اكو حديقه
بنهايه رحت كعدت على كرسي وصرت
اسكت بيها بالخير انطيتها الملهي وسكتت
ضليت كاعده اشتم الهوى النضيف
وريحه الورد التخبل بس فزيت من
حسيت ايد انخلت على كتفي كبل صحت
ليان:: يمههه
التفتت عليه وانصدمت من شفته الياس
وهو ياشر الي بمعنى اسكتي
ليان:: الياس انت تخبلتتت شسوييي اهنااا
الياس:: اششش ولججج صوتتتجج
ليان:: احجييي ليش اجيت أهنأ
الياس:: ليان اكو موضوع لازم نحجي بي
ليان بستغراب:: شنو هاذا الموضوع
اليأس:: عرفت الشخص الي هددج
ليان:: منوو هوه ها
اليأس:: ليث
ليان:: منو ليث
اليأس:: ليث ابن خاله اسمر اخ ياسمين ان تعرفيهم
صارت لحضه ادراك عندي وهسه يله
طخت بالي
ليان:: صديقق حمزههه
اليأس:: بضبط
ليان:: شنو يريد مني هااا ليش هيج
جاي يسوي
اليأس:: ليان ماعندي اجوبه على اسئلتج
بس لازم تكولين لاسمر قبل ماتكبر
ليان:: ماكدر ماكدر شلون اكول اله اكو
شخص يهددني
ريم:: منو يهددج
التفتنه ثنينه على مصدر الصوت جانت
ريم واكفه بصدمه وشايله ممه زيد
بيدها وتباوع علينه تنتضر جواب راح
اليأس عليها بسرعه
اليأس:: ريم حبيبتي…
ريم:: لا حبيبتي ولا شي جاوبوني على سؤالي
إلياس:: ليان جاي تتهدد بصورها
ريم بصدمه:: شنووووو
ليان:: ريم فدوه صوتج لحد يسمعج
اجتي عليه بسرعه وهي تحجي ومامصدكه
الحجي وأن شخص يهددني
ريم:: ليان شنو هذا الحجي شون تتهددين
ومحد يعرف اسمر مايعرف مووو
هزيت براسي بمعنى لا وبجيت كبل
اخذت مني جمانه كعدت على الكرسي
وضليت ابجي
ريم:: بس كليلي منو هذا هاا وشيريد منج
إلياس:: ليث
باوعت على الياس وكالت
ريم:: ياليث
إلياس:: ابن خالتج
ريم:: مستحيللل شلون هيج يسوي وشيريد
منج
ليان:: ماعرف ماعرف
ريم:: ماجاي تدخل عقلي ليث شنو
يستفاد إذا يهدد ليان بصورها……….
ولكمممم ايييي
باوعنه عليها اني واليأس وهيه بسرعه
صارت تحجي
ريم:: ولجج ليان تذكرين من اسمر ضربه
وكله إلا اندمك بس لا يريد يستغله بيج
إلياس:: لحضه لحضه شنو هاي السالفه
بلشت ريم تحجيليه على هذاك اليوم
واني بس ابجي على حضي
الياس:: هاي هيه وصلت….. ليان
رفعت راسي باوعت إله باوع الريم
ورجع باوعلي
الياس:: لازم تحجين كل شي لاسمر
ريم:: ليان صح لازم اسمر يعرف
ليان:: شلون احجيله أخاف ماراح يصدكني
إلياس:: أنا موجود وريم موجوده وأنا
اكدر هسه اروح اقدم اعتقال بقضيه
الابتزاز الاكتروني
ليان:: هاي هيه اني راح احاول احجي
الأسمر كل شي
إلياس:: عفيه….. ريم أريد أشوف زيد
ريم:: الله كريم….. يله ليان امشي
ندخل جوه
مسحت دموعي وكمت وياها ضلت هي
شايله جمانه دخلنا جوه جتي أمي عليه
أمي:: يمه ليان وين رحتي سئلت عليج
محد يعرف بيج وين
ليان:: جمانه بجت وطلعت بيها
امي:: زين تسوين يمه ديري بالح عليها
لأن هيه يتيمه
ليان:: يمه لتكولين عليها يتيمه
امي بستغراب:: شكول لعد يمه
ليان:: بنتي هاي اتقبلو الواقع هاي بنتي
إلي وانتِ هم اعتبريها حفديتج
امي بضحكه:: ماضاعت تربايتي بيج…….
روحي يمه روحي يم أمل
رحنه اني وريم يم أمل إلي جانت لابسه
بدلتها البيضه وكاعده تبجي تقربت عليها
وهمست الها بضحكه
ليان:: هسه عليش البجي مو ندري اخذتي
على حب
امل:: ريم سحبيها مني
ريم:: ليش يمهه قابل حاجيه جذب مو ها الحقيقيه
امل:: يا انكلبتن اثنينجن عليه
ضحكنه وضلينه واكفين يمها لحد ماكالو
جتي الزفه وخرت اني على صفحه دخلن
نسوان يهوسن وحتى بنات حلوات هلاهل وتصفيك ماتحملت اشوف هذا الشي وهو
يرجعني القبل سنتين اليوره رحت أخذت
جمانه من ريم ودخلت الغرفه عمه زهور
ضليت كاعده الحد ماصار هدوء وواصوات
ناصيه انفتح الباب التفتت امي ابتسمت
واجت يمي
امي:: ليان ماما اني رايحه
ليان:: الله وياج يمه سلميلي على الكل
وبلاخص حمزه
امي:: يمه لطولين علينه تعالي يمنه
ليان:: يمه ماكدر اعوف جمانه واجي اني
امي:: يايمه ومنو كلج عوفيها جيبيها
وياج خلي تتعرف على بيت جدها الثانين
ضحكت على حجيها
ليان:: أن شاء الله اكول لاسمر
تقربت باستني وودعتني وراحت ضليت
شويه كاعده لحد ماخفت الناس وطلعت
اجه اسمر علينه سلمت على الكل وطلعت
أول ماباوع بوجهي استغرب تقدم عليه
وهمس
اسمر:: ليان باجيه
ليان:: هههه بين عليه جنه نساير امل
هز رأسه بس مبين عليه مامقتنع أبدا
رجعنه البيت كبل بدلت الجمانه ونومتها
ورجعت اني اخذت ملابس وسبحت
وكبل النوم……………
وهيج مر كم يوم جنه كاعدين بالغرفه
اني واسمر ونلاعب جمانه باوعت عليه
شلون مدنك عليها ويضحك على ابتسامتها
اترددت هسه احجيله وكلت بعدين ماريد
اخرب فرحته هسه
اليل جنت اكلب بجهازي وطلع إلي شاورما
ماعرف ليش حيل اشتهيتها وخاصه بعد
ما شفتها باوعت لاسمر نايم شلون اكعده
بس ماتحملت تقدمت عليه وصرت انده بي
ليان:: اسمر….. اسمر…. اكعد اسمر….
اسمر:: همممم
ليان:: كوم محتاجتك بشغله…. ياااا اسمررررر
فز من صيحتي باوع بأنحاء الغرفه يمكن
عباله احتركنه باوع عليه وخزرني
اسمر:: ليان هي هاي سوايه تسوينه
ليان:: هسه اني شسويت غير اريدك تكعد
اسمر:: شنو تردين
ليان:: شاورما
اسمر:: سهله نزلي المطبخ سويها
ليان:: يااا اسمر اشتهيتهااا
اسمر:: لجج بابا وين أكو هسه مطعم
ليان:: والله أكو أنتَ بس روح
اسمر:: ما تتأجل
ليان:: ابد
كام لبس ملابسه ومشط شعره أخذ
سويجه ومحفظته وطلع
ضليت كاعده أتاني بي بس نعست ونمت………..لحد
_ليان كومي
_ليان لتنامين وانتِ جوعانه
_حبيتي كومي يله جبتلج شاورما
ليان:: خليني نايمه
اسمر:: كومي ولج آكلي وارجعي نامي
اختفه صوته بس فجأة ونرش مي على
وجهي شهكت وطفرت
ليان:: اسمرررر
اسمر بضحك:: اششش كومي يله اكلي
ارتاجيت على الجربايه وهو راح جاب
العلاكه طلعلي الفه وقدمها إلي اخذته
من ايده وصرت اكل بيها باوعت عليه
وكلت
ليان:: جايبلي لفه وماتجيبلي عصير
اسمر:: دكلي وسكتي مو زين لكيت مطعم
بعده نوب دور عصير
كملت الفه وكمت غسلت ورجعت تمددت
كام اسمر طفه الضوء وواجه يمي حضني
بقوه ونمنه……
مر كم يوم عادي واني خايفه شلون
افتح الموضوع وي اسمر بس اتردد
جنت كاعده وي ريم بالصاله ونحجي
ريم:: ليان حجيتي الاسمر
ليان:: لا ماكدر
ريم:: شنو ماتكدرين أمشي هسه اتكليله
شوكت تحجين إله لما يعرف
ليان:: أخاف احجي
ريم:: ليان ماكو شي تخافين منه اني متأكدة اسمر راح يتفهم وبلاخص إذا عرف منج
ليان:: هيج برئيج
ريم:: أي ويله كومي هسه تحجين إله
هزيت راسي بمعنى أي وكمت صعدت
فوك خوف على توتر ماعرف شلون راح
احجي بس تشجعت فتحت باب الغرفه
بس جانت إلي صدمه واني اشوف اسمر
شايل جهازي باوع عليه وعيونه حمر
ليان:: إس…مر شبيك
اسمر:: يعني كل هذا إلي عشنه جان وهم لا أكثر………..
يتبععع……..
………….
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.