رواية احفاد عمران – الفصل العشرون
_أحفاد عمران_
بارت_20_
يحسب المرء عَزيزآ
في قلوب أحبته،
ثم يأتي موقف ينهي كل هذا الظن….
……………
“”ليان””
باوعت بعيونه جانن حمر وكله عصبيه
خفت احجي ضليت بسكوتي نزلت عيوني
على ايدي الترجف حاولت اصيطر عليها بس
بقت على رجفتها كام بسرعه وتقدم وكف
مقابيلي
أسمر:: شنو هذا
ليان:: ش…نو
رفع الموبايل وخله بنص وجهي وهو
يصيح بصوت عالي
أسمر:: شنوووو هااااييييي
ليان بخوف:: أسمر بس خل افهمك
ابتعد عليه وكف
صفحه
فرك راسه
ورجع باوعلي ضحك وصاح
أسمر:: شتفهمينيي هاااا شتكولين بله
أسمر أنا جنت اضحك عليك اسمر أنا
وكعتك بين اشباكي
ليان:: اسمر بس اسمعني…
اسمر:: اششششششش كاافيييي
صوتجججج ماسمعهههه
ليان ببجي:: أسمر الله يخليك اسمعني
والله انجبرت ماجان بيدي
اسمر:: هههههههه هاي ياهي منهن
الماجانت بيدج
ليان:: اسمر
اسمر بصيحه:: كااافيييي لا تسمعيني
صوتججج إبد
عافني وطلع لطخ الباب بقوه كعدت
بمكاني وضليت ابجي شيصير لو كتله
من البدايه ماجان صار هيج أبدا
ضليت على كعدتي مكتفه اديه وابجي
انفتح الباب بقوه ودخل اسمر اجه بسرعه
رفعني من أيدي صرت مقابيله لزم زندي
بقوه وهو يحجي صاك على اسنانه
اسمر:: منووو هاذاااا هاااا
ليان بتلثم:: ل…يث
أسمر:: شنوههه
ليان:: ليث ليث هاذا
ترك أيدي ورجع خطوتين اليورا باوعت
عليه يباوع بستغراب وكأن مامصدك
اسمر:: ليث ماغيره
هزيت راسي بمعنى أي تقدم عليه وهمس
اسمر:: احسابه عندي وانتِ احسابج ورا
رجع لطخ الباب بقوه بحيث كعدت
جمانه وصارت تبجي خليت الها الملهي
وكعدت أفكر بالي راح يصير
_هاي هيه ليان
_ارجعي لاهلج ماكو بعد سبب الوجودج اهنا
كمت اخذت جنطه جبيره وصرت ألم
بملابسي ماخليت شي إلي بالكنتور كله
خليته بجنطتي صرت أدور بكل أنحاء
الغرفه على موبايلي بس بعدين تذكرت
هو يمه شويه وانفتح الباب دخلت ريم
ريم:: شنووو هذا الصوت العالي
ماجاوبتها ضليت اشيل باشيائي إلي على
الميز اجتي وكفت كبالي
ريم:: حجيتي لاسمر
هزيت راسي بمعنى لا باوعت بوجهي وكالت
ريم:: ليش ماحجيتي إله
ليان بهمس:: لأن بلاساس هو عرف
ريم بعيطه:: عزززااااااااا
ليان:: عفيه عفيه لمي علينه الجوارين
ريم:: ولججج شلوننن عرف وانتِ ماحاجيه إله
ليان:: جهازي جان بيده واكيد هذا الحقير
ليث داز رساله جان
ريم:: يمه يمه ليان اني خايفه عليج من
اسمر شراح يسوي
ليان:: مايسوي
ريم:: واثقه
ماجاوبتها رحت الجنطه وشحطتها اليم
الباب بس صار ألم خفيف ببطني ماهتميت وأخذت الجنطه الثانيه هم خليتها يم الباب
وريم بس تباوع عليه مستغربه
ريم:: هاي شنو ليان وين رايحه
ليان:: راجعه البيت اهلي
ريم:: واسمر
ليان:: هاي هيه خلصت جنت مجبوره
اضل وياه وهسه هو عرف ماكو داعي
لضلتي اهنا
ريم:: ليان فكري زين ترا اسمر يح……
ليان:: ريمم كاافي ماكو شي افكر بي
ومستحيل افكر
ريم:: ل…..
ليان:: ويننن هاييي خرببب
ضليت مسويه نفسي ادور على فد شغله
بس حتى ماتضل تسئل بيه اسئله خلت
وطلعت واني هم خلصت وحضرت كل
شي أخذت صايتي وشالي لبستهن تقربت
على جمانه وبستها بخدها بقوه واني
اشم عطرها إلي ماكدر افارقه بس
ابعدت عليها واخذت جنطتي الصغيره
خليتها بايدي فتحت باب الغرفه واني
عيوني على جمانه النايمه شلون راح
اعوفها واروح وحدي بس هاي هيه اني
ماكدر بعد أضل أزيد من هيج تحملت
هواي وصبرت بس نفذ صبري وبعد ماكدر
لازم ارجع وارجع اطلب الطلاق من جديد
طلعت من الغرفه وكلت إني بعدين ادز
عمر يجيب الجنط نزلت جوا مالكيت بس
ريم كاعده بالصاله هي وزيد رفعت راسها
وباوعت عليه واردفت
ريم:: راح تسويها
ليان::ماعندي خيار ثاني
ريم:: على الاقل خلي أسمر يرجع
وروحي
ليان:: لا رايحه إني ماريد اضل أكثر
من هيج
ريم:: هاي هيه شنو تسوينه إني راح
اوكف وياج
تقربت عليهم اخذت زيد من حضنها
بوسته كامت ريم وهم سلمت عليها
انطيتها زيد وإني اكول الها
ليان:: ديري بالج على جمانه
ريم:: بعيني اخليها
مشيت وطلعت من المطبخ لباب
فتحته وطلعت جاي امشي لبيتنه
حسيت اختل توازني ماكدرت امشي
بعد عيوني صارت عليها غواش أريد
بس اشوف الحايط على أي جهه
ماكو كل شي ماشفت وكعت
بالارض وماحسيت بعد بشي
……………………
“” اسمر””
طلعت من البيت رايح البيت الك***
ليث بعدني بنص الطريق واجاني اتصال
شلت تلفوني باوعت أبو مصطفى جيرانه
اترددت ارد عليه بس فتحت خط وحاجيته
اسمر:: أهلا وسهلا أبو مصطفى
أبو مصطفى:: يبه وين ما أنتَ موجود
ارجع البيت باسره وقت
ستغربت منه ليش هيج حجه رجعت كتله
اسمر:: خير خوما أكو شي أبو مصطفى
ابو مصطفى:: ياخير يبه تعال بسرعه
هاي مرتك ليان واكعه بنص الشارع
وزحمه اتقرب عليها دكيت الباب عليكم
ماكو أحد يفتح
وكفت السياره بسرعه شنو واكعه بنص
الشارع شبيها سديت الخط بسرعه
وشخطت سيارتي رجعت منين مااجيت
سويت الطريق عشر دقائق ووصلت البيت
طبكت سيارتي ونزلت بسرعه باوعت ماكو
بس أبو مصطفى واكف ببابهم رحت عليه
بسرعه وأنا اسئله
اسمر:: أبو مصطفى وينها ليان
أبو مصطفى:: يبه أنا راح من بالي على
أهلها رحت البيتهم وطلعلي حمزه اجه
شالها ماعرف وين اخذها
طلعت تلفوني ادك على حمزه ماكو
مايشيله ضليت ادك عليه مافتح خط
ترخصت من أبو مصطفى وخليت
رحت دكيت الباب مالهم طلع إلي عمر
اسمر:: عمر بلا زحمه عليك دك على حمزه
عمر:: شنهي ماعدك موبايل وتتصل عليه
اسمر:: عمررر دك عليه
طلع تلفونه واتصل على حمزه اشرت
اله يفتح سبيكر فتحه وجاوب حمزه
حمزه:: ها عمر
اسمر:: حمزه وين ليان وشبيها
حمزه:: أنت منين طلعت
اسمر:: عوف هاي السوالف وكلي لياان وينن
عمر:: لحضه ليان شنو تسوي يم حمزه
ترا هيه ماجايتنه
حمزه:: عمر كل لليمك شويه ونجي
سد الخط وماخلانه نسئله باوع عليه
عمر وكال
عمر:: شنو شبيها ليان
…………………………..
ليان……
فتحت عيوني ببطء شفت حمزه فوك راسي ويباوع عليه ابتسمت بوجهه واني اكول إله
ليان:: شنو اليوم طالعلي بالحلم
ضحك وهز راسه بمعنى لا طلع من يمي
باوعت جنت نايمه اني على سديه
ومحاوطاتها ستائر واضائه قويه بالغرفه
رفعت راسي دااريد اكوم بس صار عندي
ألم قوي لزمت راسي إلي جان لافينه بشاش وصحت
ليان:: اخخخ راسيي
اجه حمزه بسرعه وويا بنت هم مو بنت
جانت مره جبيره تقربو عليه وكال
حمزه:: شبيججج ليش صحتي
ليان:: راسي يوجعني شبي وين انجرحت
ليش لافي
_ماما انتِ واكعه على راسج وصايره ضربه
قويه عندج بس أن شاء الله ماكو شي
باوعت على حمزه
ليان:: شوكت وكعت ماواكعه اني
حمزه:: ليان اجه علينه أبو مصطفى جيرانه
وكال بتكم واكعه بالشارع طلعت لكيتج
واقعه ونايمه بنص الشارع شلتج
وجبتج للعياده يضمدون جرحج
هزيت راسي بمعنى اي وسكتت ما اعرف
شنو احجي تقرب عليه وساعدني اكوم
بس استوقفنه صوت الدكتوره
_لازم تسويلها تحاليل واشعه تأخذ الها
علمود نطمئن عليها اكثر
حمزه:: شكرا دكتوره تعبناج
_واجبي
لزمت ايده وكمت على حيلي بس لحد لأن
أحس الغواش مارايح من عيوني وبهاي
الحضه يله اتذكرت شلون وكعت بالشارع
ضليت مجلبه بحمزه لحد ماوصلني السياره صعدني وصعد ورجعنه البيت
أول مادخلنا الفرع شفت اسمر وعمر
واكفين بباب بيتنه تقربنه عليهم وطبك
السياره حمزه اجه اسمر باتجاهي فتح
الباب وهو يكول
اسمر:: ليانن شبي راسجج
ماحاجيته لزمت الباب وطلعت من السياره
على كيفي اجه عمر عليه بسرعه
عمر:: تعالي تعالي
لزمني ومشاني البيت دخلنا البيت ماكو
أحد هدوء تام دخلني عمر الصاله وكعدني
على القنفه
عمر:: ارتاحي
رجعت ضهري على القنفه وضليت اباوع
بالسكف دخلو حمزه واسمر وهمه يحجون
باوعو عليه وصفنو بيه
ليان:: خير
اسمر:: خير خير يله كومي نرجع البيت
حمزه:: كومي رجعي وي رجلج
ضليت اباوع عليهم ذوله صدك يحجون
ماتحملت وصحت بيهم
ليان:: مارجععع
اسمر:: شو تعالي
اجه باتجاهي وراد يجرني من أيدي ب
س صاح بي حمزه
حمزه:: ايدكك لكك
اسمر:: كووميييي
ليان:: والله العظيم مارجع بعد
كمت بسرعه وصعدت الغرفه دخلت غرفتي
وقفلت الباب بس اجه وصار يدك بالباب بقوه
اسمر:: لياننن إذا ماتفتحين الباب اكسره
على راسجج
ليان:: روححححح ماريد ارجعع وياك
اسمر:: تسوين المشاكل وتصيحين ماريد
أروح وياك مووو أنا الج افتحيييي البابببب
ليان:: اسمررر روح منهه مارجع بعددد
اسمر:: ماترجعين مو……..
حمزه:: اسمر روح منه
اسمر:: لا بالك اخليها يمكم وأنا ارجع
عمر:: أول وتالي ترجع البيتك وهيه تبقه اهنا
اسمر:: قسم باللُّه العظيم مارجع واعوفها
ضليت اسمع بيهم شلون يحجون تقربت
على الباب وصحت عليه
ليان:: ارجع البيتك واريد باجر الصبح
اوراق طلاقي موجوده
اسم:: ليان اذا ما فتحتي الباب راح اكسره عليج…..
عمر:: هووووب هوووب تكسره على منووو
حمزه:: اسمر روح هسه وبعدين تعال احجي فضحتونه بين الجيران من الله يفضحكم
ماسمعت بعد صوت الهم وكل بالي هاي
هيه راح فتحت الباب شويه على كيفي
باوعت ماكو أحد كبال الباب رجعت
سديته وتمددت على الجربايه فجأة
انفتح الباب ودخل اسمر
ليان:: أنتَ شسوييي اهنا
اسمر:: ست ليان ماتردين ترجعين
ليان:: نعم مثل ماسمعت
اسمر:: وتردين ورقه طلاكج توصلج
ليان:: نعم
اسمر:: أي وشنو تردين بعد
باوعت بعيونه وكتله بضحكه
ليان:: اخلص منك
بحركه سريعه اجه تقرب عليه لزمني
من ايدي وشحطني ويا
ليان:: اسمرررر هد ايدي
مارد عليه فتح الباب وطلعني يشحط
بيه نزلني كوه ردت ادهرب على الدرج
مانطاني حتى مجال امشي على كيفي
شفت امي بصاله كبل شهكت لمن شافتني وصاحت
امي:: يمه ليان
وكفني واني انهاريت بالبجي كعدت
على البايه وضليت ابجي اباوع حمزه
موجود وكل هذا صار ماحجه جتي امي
عليه مسحت دموعي ولزمت راسي وهيه
تحجي بخوف
امي:: ولجج ليونه يمههه شبيي راسجج
ليان:: مابيه شي
امي:: شلون مابي يمه ليش لافته
ليان:: جرح بسيط
اسمر:: يله ليان كوميي
ليان:: ماريد ارجع
اسمر:: ليان لتخليني اتصرف غير تصرف وياج
عمر:: ياخي ماتريد ترجع وياك شجلبت
اسمر:: ليان ترجعينننن لووووو شنووووو
ليان:: مارجع
اسمر:: هاذا اخير حجي عندج
هزيت راسي بمعنى أي ودموعي تنزل
حاره على خدي
اسمر:: خوش
نزل وطلع من البيت باوعت على امي
وهيه دمعتها نزلت تقربت عليها واني اكول
ليان:: يمههه شبيج ليش تبجين
امي:: شلون ترديني مابجي وأنا اشوف
بنتي هيج حياتها
ليان:: ماكو شي يمه…. اني صاعده
باوعت على حمزه بحقد بس هو ماباوع
عليه كمت على كيفي وصعدت الغرفه
دخلت وقفلت الباب وكعدت بالكاع
انفجرت من البجي على حالي
كمت تمددت على الجربايه ونمت….
كعدت على صوت امي
أمي:: يمههه افتحيلي الباب…
ليان يمهه ليش ماتردين
كمت واني افرك بعيوني فتحت الها
الباب باوعت وكالت
امي:: يمه ليان زينه انتِ
ليان:: أي لعد شبيه
امي:: يمه احسج مو طبيعيه
ليان:: شنو تحسيني لعد مخبله
امي:: لا يمه مو هيج…… تعالي انزلي
وياي يله خلي نسوي العشه
هزيت براسي هيه نزلت واني ضليت شويه
يله نزلت مالكيت غير حمزه كاعد بالصاله ماهتميت اله اتجاهلته ومشيت المطبخ لكيت
امي كاعده تلف كبه رفعت راسها باوعت
عليه وضحكت
امي:: سويتهن اليوم اعرف بيج تحبين الكبه
ابتسمت الها وكلت
ليان:: اكليهن يمه
امي:: أي يابعد امج طلعي الطاوه وخلي
زيت بس خلي يحمى فدنوبه يلا تخليهن
حتى مايفتلن
ليان بضحكه:: شسالفه يمه ترا اني جنت
اسوي وياج قبل واعرف
امي:: عادي يمه كلت خاف نستهن بعد الزواج
ابتسمت الها ورحت طلعت الطاوه خليت
زيت وخليته يحمى فدنوبه اخذت كبه
وصرت أخلي بالطاوه واكمز من الزيت
ليطفر عليه دخل بابا من برا ورحت
سلمت عليه وهم سئلني على راسي كلت
اله جرح بسيط وهمه يبالغون ووره بربع
ساعه اجه عمر جايب ويا كباب جاهز
كملنا العشه وسوت امي زلاطه بين
ماخلصت تكلاه طلعت الخضره هم
وراحت امي ترتب الطاوله وإني صرت
احضر وانطي الها ودت كل شي ورحنه
كعدنه كعدت بصف عمر ومن الجهه الثانيه
أمي صرنه ناكل صرت اكل بشهاوه صار
عمر ياخذ ويخلي كبالي وإني بس أكل
ضليت اكل واكل رفعت راسي عليهم
لكيتهم يباعون عليه كوه بلعت لكمتي
وحجيت
ليان:: شبيكم تباوعون عليه
أبوي:: بويه أنا الاعرفه ماتحبين الكباب
شعجب تاكلي
أمي:: اكلي اكلي يمه ماعليج بيهم
عمر:: شوفو جان الكباب يضل على حطته
وهسه خلصته بسرعه ليان مطلوبه عشه
ليان:: شسالفه عمر هوه كباب
ابوي:: عوفي بويه يتقشمر وياج اكلي بالعافيه
ماهتميت الهم ولا شويه ورجعت اكل
لحد ماشبعت كمت غسلت ورحت المطبخ
صرت اعزل بي اجت امي جايبه المواعين
امي:: وخري يمه أنا اغسلهن
ليان:: يمه إني واكفه واكفه إني اغسلهن
بس بلا زحمه عليج سوي جاي
سوت امي الجاي وإني ضليت اغسل
مواعين ودت الجاي وإني خلصتهن
عفتهم جوه وصعدت فوك ضجت وإني
كاعده وحدي كمت رحت الغرفه عمر
مالكيته دخلت وصرت ادور بالغرفه
على موبايل مالكيت دخل عمر فجأة
وباوعلي مستغرب
عمر:: ليان محتاجه شي
ليان:: عمر جان عندك موبايل قديم وينه
عمر:: من زمان انطيته الابن أحمد يلعب بي
ليان:: اووف
عمر:: ليش أنتِ شسوين بالموبايل مو
اشترالج موبايل
ليان:: هااا مووو نسيته اهناك
عمر:: سهله أنا بأجر الصبح اروح اجيبه الج
ليان:: ها لا خلي يولي ماريده
استغرب مني وليش هيج احجي بس
إني بسرعه طلعت حجه وطفرت من الغرفه
ليان:: إني نعست اروح انام….. تصبح
على خير
عمر:: وانتِ من أهل الخير
طلعت من غرفته وباوعت الغرفه حمزه
جانت مفتوحه وهو واكف كبال الكنتور
يكلب بالملابس التفت إلي بس اني
ماهتميت وكبل درت وجهي منه
ورجعت الغرفتي……………..
وهيج مرن كم يوم جنت كاعده بصاله
إني وعمر وناكل نمنميات ونباوع فلم
دخل حمزه من برا وكعد على القنفه
كبالنه ويهز برجله حاجه عمر
عمر:: خير ياطير شبيك
حمزه:: خير
عمر:: لعد شبي وجهك مايتفسر
حمزه:: ليث متعرضيله بالطريق وكاتلي
وهسه هو بالمستشفى ناقلي
من كال ليث حسيت احتلني الخوف والرعب
إلي جنت عايشته قبل كلت بدون وعي
ليان:: سواها
التفتو ثنينهم عليه
عمر:: شني هيه
ليان:: ماكو شي نعست أريد انام
كمت مشيت وإني لازمه كلبي بيدي اكيد
هذا أسمر اكيد اني متأكدة صاح وراي عمر
عمر:: لج أنتِ شايفه نفسج شلون صايره
بطه من النوم
ماهتميت إله وصعدت ضليت كاعده
بالغرفه بنص ساعه وإني افكر اخير
شي طلعت نزلت جانو بعدهم كاعدين
رحت العمر ومديت أيدي
ليان:: انطيني تلفونك
عمر:: شسوين بي
ليان:: انطيني يا هسه
شاله فتحه وخله بأيدي صعدت الفوك كبل
دخلت الغرفه وكبل طلعت رقم اسمر اتصلت
عليه باول اتصال جاوب وهو يكول
اسمر:: شنو مشتاقلي
ليان:: سويتهههه
اسمر:: شعدج متصله عليه
ليان:: اسمر ليش ليش هيج سويت
اسمر:: بلا لغوه زايده
ليان:: اسمر الله يخليك احجي ليش هيج
سويت باليث وووشبي هسه
اسمر:: لجججججج حيوانهههههه اذكري
نوب اسم ذاككك الخايسس وشوفي إذا
ماجي هسه افركه الحلكج
ليان:: اسمررر شششنووو كلتتت النفسكككك
من هسه هو بالمستشفى هاااا اكيددد هسهههه
راح يكول لحمزه على الصور وحمزه راح
يذبحني ومايرفله جفن
اسمر:: لجج أنتِ مخبله………..
حمزه:: على ياصور ليث يكلي
ضليت متصنمه بمكاني ماتحركت غمضت
عيوني وإني اقرأ الشهادة ضل اسمر على
الخط يحجي ويصيح باسمي بس ماكدر
أرد لو افتح حلكي بحرف واحد الخوف
والرجفه ثنينهن محتلاتني ماعرف شلون
راح اواجه اخوي بهذا الشي
حمزه:: سئلتج ياصور
انداريت عليه وإني رجل اطك برجل من الرجفه
ليان:: هوو….
حمزه:: جاووووووبببيييي بسرعههههه
باوعت عليه وإني دموعي تنزل عشره عشره
ليان:: والله إني ماعليه هو هو اخذهن
اجه بسرعه لزمني من زندي بقوه وصرخ بوجهي
حمزه:: شخذ هااا شخذ
ليان:: ص…..صوري
ماحسيت غير اجاني راجدي قوي حسيت
اذاني صوفرت من الراجدي لزمت خدي
وإني اباوع علية فرك راسه ورجع عليه
لزمني من اكتفي وهو يكول
حمزه:: ولجججج اليوم شسوييي بيج
ليان:: حمزههه والله إني ماعليه والله
هو هو اخذهن إني ماعليه خلي افهمككك
ماهتم إلي عافني وراح قفل الباب راح
الكنتور مالتي يدور بين غراضي لحد
ماطلع حزام
هزيت راسي بمعنى لا
ليان:: لا تضربني فدوه
حمزه:: اسسس تعالي
اسمر:: حمزههههه إذا تمدددد ايددكك عليها
احسب الله ماخلقككك
باوعت التلفون بعده مفتوح الخط اخذته
بأيدي الترجف وإني احجي بخوف
ليان:: اسم…ر تعال اسمر حمزه راح يكتلني
اسمر:: اشش اشش جاي أنا جاييي
لزمني من شعري بقوى لدرجه حسيته
تكطع بيده صحت متالمه
ليان:: اخخخخ شعريييي
حمزه:: تردينه يخلصج مني اليوم
محد
يخلصج مني ولججج أنتِ عااااررررر
صرتي علينههه
ليان:: حمزه إني ماعليه حمزهههه
جرني من شعري بقوه خلاني اوكع بالكاع
ماهتم إلي رجع على الاحزام شاله فجأة
صارت اصوات يم الباب وصوت ابويه
ابويه:: حمزززههه افتححح الباب
ركضت بكل ماعندي على الباب مديت أيدي
على المفتاح اريد افتحه واخلص نفسي بس بسرعه جرني ورجعني
امي:: ولككك حمزههههه افتحه الهل باب
حمزه:: روحووو منههه ماعليكم إنتو
فجأة صارت ضربات على الباب قويه
وصوت اسمر يصيح باسمي
اسمر:: لياننن أنتِ زينه
باوعت الحمزه الشرار بعيونه مارديت على
اسمر ضليت ساكته واطكطك باصابيعي
متانيه موتي يجي بس
كسرو الباب عمر واسمر ودخلو الغرفه
ركضت كبل الحضن عمر وحضنته بقوه
وإني احجي
ليان:: عمر لتخليني وحدي يكتلني أي
يكتلني يريد
تقرب أسمر لزم ايدي وهو يكول
اسمر:: أنتِ زينه
نترت ايدي منه ورجعت على حضن عمر
راح اسمر بسرعه وضرب حمزه على
وجهه جتي امي عليه
امي:: يمهه ليان شبي حمزه
ماجاوبته بقيت اباوع على حمزه إلي ضربه
اسمر على وجهه وخله خشمه يطك دم بس ماسكت رجع الضربه الأسمر ونومه بالارض
وهو يضرب بي بوكسات ماتحملت اشوف
اسمر ينضرب بهاي الطريقه تقربت عليهم
ولزمت حمزه من كتفه احاول ابعده راح
عمر على الجهه الثاني ونريد بس نبعد
حمزه عن اسمر ماكو
ليان:: حمزهه كااافييي
حمزه:: لا تدخلينننن وخريييي
ابويه:: حمززهههههه
عود جاي يبعدني عليهم بس هو ضربني
بقوه على بطني رجعت خطوات ليورا وإني
لازمه بطني من الألم صحت بقوه
ليان:: اخخخخخخ بطنييييي
حسيت شي نزل عليه ماتحملت كعدت
بالارض وصرت اصرخخ من الوجع
وخر حمزه من اسمر وهو يحجي
حمزه:: مو بقصدي
حسيت راح تطلع روحي بهذا
الوجع تقربت إمي عليه ولطمت
على وجها وهي تكول
امي:: ولجج ليان جاي تنزفين…..
يتبععع
……..
….
الكاتبه ضحى اليوسف
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.