رواية احفاد عمران – الفصل الواحد والعشرون
_احفاد عمران_
بارت _21_
……………………………
شهالضياع الماله تالي؟
انه من ياوكت صاير لا ابالي؟
انا اول تالي افز ماعندي غالي
وهذا من يمته البرود
بـروحي هيچ!
شغيرج ياروحي احجي 😔💔
……………………………
اسمر
….
ابتعد حمزه من يمي وانا وكفت على
حيلي امسح الدم البخشمي
تقربت على
صرخه ليان ونصدمت بمنضرها جانت
نايمه بالأرض وايدها على بطنها وتبجي
بس من أم حمزه تقدمت عليها وصاحت
ليان جاي تنزف باوعت على دشاشدتها
من جوه جانت كلها دم وخوانها بس
صافنين مافاهمين شنو يسوون كبل
رحت عليها واني اصيح
اسمر:: لياننن شبيججج
بس تبجي ماتجاوب شلتها بيدي واشرت
العمر بس هوه صافن على ليان إلي تصرخ
بعلو صوتها صحت بي يله استوعب
اسمر:: عمررررر شغلللل السيارهههه
عمر:: ها….. أي أي
أبو حمزه:: شبيهة ليان شبيههههه
محد جاوبه نزلت أم حمزه تركض
الجوه وأنا شايل ليان طلعت من
الغرفه وطلع وراي أبو حمزه بس
حمزه بقه بالغرفه سويت بايات الدرج
بايتين من سرعتي أريد بس اوصل
السياره طلعت أم حمزه من الغرفه
وهيه تلبس بعبايتها وأبو حمزه وراي
طلعت البرا
جان عمر مشغل السياره وفاتح البوب
دخلت ليان على كيفي بالسياره وأنا كعدت
يمها خليته تتمدد صعدت أم حمزه يم عمر
وأبو حمزه كال حمزه يجيبه ورانه شخط
السياره عمر بسرعه وليان بس تصرخ
من المها
ليان:: راححح اموتتتتت يمههه
خليت أيدي على حلكه وأنا احاجيها
اسمر:: اشش ماتموتين بس سكتيي
ليان بصيحه:: اكرهكمممم كلكممم
اخخخخ بطنييي
أم حمزه:: اشش يمه شنو هذا الكلام
عمر:: دوخررر نعللل
باوعت كدامنه سياره وهذا عمر لو بيده
يطيرها السياره ضل يضرب بالهورن
ويصيح عليهم بالك راح يسمعونه
ويسووله طريق ضليت أنا بس اباوع
ال ليان وهيه تبجي وأنا مابيدي شي
عليها وأخير شي وصلنا المستشفى
فتحت الباب ونزلت سحبتها اليم الباب
وشلتها سرعت بخطواتي دخلت
المستشفى وأنا اصيح
اسمر:: سديهههه جيبووو سديههه
جوي ثنين وهمه يدفعون بيها تقربو
عليه نزلت ليان من حضني وخليتها
على السديه وصحت بيهم
اسمر:: اريددد دكتورههه نسائيههه بسرعههه
اجت أم حمزه ووكفت تباوع على حاله
بنتها التكسر القلب عمر راح ماعرف
وين ضليت أنا واكف اتانيهم يدزولي
دكتوره نسائيه
شويه واجه عمر وويه
دكتوره باوعت على ليان وكالت
دكتوره:: شبيهااا البنيه شنو هاي حالتها
أم حمزه:: يمه وكعت على بطنها وصارت
تصرخ وتبجي ونزفت….
اخذنها ممرضات ثنين دخلنها بالغرفه
وأنا فركت راسي وكعدت على كرسي
ضليت اهز برجلي……..
………………………..
“” ليان””
مشني الممرضات بسديه ودخلني الغرفه
واني اصيح من الألم حسيت سجاجين
ويضربن بنص بطني ماكدرت اتحمل
وصرت اصيح على الممرضات
ليان:: شتانوووووون خلصونننيييي
من الوجععع يمهههه
_حبيبتي اهدئي هسه تجي الدكتوره
دخلت الدكتوره وهي تحاجي الممرضه
الدكتوره:: خليلها مهدئ
تقربت الممرضه وكوه سحبت أيدي مني
شكلت إلي كانولا واني ابجي من ألم
بطني خلت المغذي إلي وضربت بي ابره
مادري الشنو
ضليت اني اتلوه من الوجع
لحد ما بعد ماحسيت بشي………….
الصبح….
اسمع اصواتهم يتهامسون بيناتهم فتحت
عيوني ببطء باوعت عليهم جانو كلهم
موجودين اسمر حمزه وعمر وابوي وامي
وحتى جدو عمران وعمو ماجد راحت عيوني
على عمر وصحت عليه بصوت ناصي
ليان:: عمر
التفتو إلي كلهم طفر اسمر وحمزه
ووياهم عمر اجوي عليه
اسمر:: شلون صرتي
حمزه:: ليان انتِ زينه
عمر:: ليونه
ماهتميت الهم ثنينهم رجعت على عمر وكلت
ليان:: عمر عطشانه
عمر:: هس هسه اجيبلج مي اصبريلي
طلع من الغرفه راح يجيب مي وذوله
واكفين فوك راسي اتقدمت امي
وباستني من كصتي
امي:: يمه شلون صرتي
ليان:: احسن بس بعدها بطني توجعني
امي:: هسه يمه تجي الدكتوره ونشوف
شتنطيج حتى يروح الألم
اتقدم جدو عمران وعمو ماجد عليه
جدو عمران:: الحمدلله على سلامتج بنيتي
ليان:: الله يسلمك جدو
عمو ماجد:: شلونج ليان
ليان:: احسن
أثناء حجينه دخل عمر بيده بطل مي
تقرب عليه ورفعني على كيفه خله
وراي مخده علمود اسند ضهري عليها
عمر:: على كيفج ليونه
رجعت ضهري على المخده بس حسيت
بألم خفيف فتح بطل المي وقربه إلي
شربت شويه ووخرته من يمي
دخلت الدكتوره باوعت عليه وضحكت
الدكتوره:: شلون صرتي ماما
ليان:: شويه احسن
الدكتوره:: ممكن تعوفونه أنا وليان وحدنه
امي وهي تكوم:: أي أي يله حمزه عمر يله يمه
طلعت امي من الغرفه وطلعو وراها
حمزه وعمر والباقي كلهم طلعو أخير
شي اسمر باوع عليه وطلع سد الباب
ورا جرت كرسي الدكتوره وكعدت مقابيلي
الدكتوره:: ليان تحبين لأطفال
ستغربت من سؤالها شجاب الاطفال
هسه بس جاوبته
ليان:: أي احبهم
بس ليش…
الدكتوره:: ماما ليان أريد اكلج على موضوع واتمنى تتفهمين
ليان:: اتفضلي دكتوره احجي اسمعج
الدكتوره:: ماما أنتِ حامل
فتحت عيوني بصدمه وإني اهز براسي
بمعنى لا
ليان:: لا إني مو حامل لا
الدكتوره:: ليان ماما أنتِ حامل وهم
بشهر الثالث تعرفين ردتي تسقطي
لطفلج لو مالحكو عليج وجابوج
نزلت دمعه حاره على خدي وإني اهز
براسي بمعنى لا ولا ماريد اتقبل الحقيقه
تقربت عليه الدكتوره وهي تكول
دكتوره:: ماما هاي نعمه ليش تبجين
المفروض اتفرحين راح تصيرين ماما
ليان:: ما…ريده ماريده
دكتوره:: شنو إلي ماتردينه
ماما
باوعت على الدكتوره وحجيت وإني
دموعي تنزل بغزاره
ليان:: الطفل ماريده نزلي ماريده
الدكتوره:: يا ماما ميصير تكولين هيج
هذا رزق والله رزقج شلون ماتردينه تعرفين
أكو ناس تتمنى هذا الشي وانتِ بكل بساطه تكولين ماريده
ماهتميت ولو شويه الحجيها وصرخت
بعلو صوتي
ليان:: كتلجججج ماريدههه نزللوووووو ماريدهههههه
على اثر صوتي دخلو كلهم الغرفه إني
شفت اسمر لو تخبلت كعدت كعود
وصرت اصيح بوجهه وكلها مستغربه
من حالتي
ليان:: اطلللعععع براااا ماريد اشوف وجهكككك
اجه عمر حضني بقوى وهو يهمس باذاني
عمر:: اشش ليان عيب العالم شتكول
ليان ببجي وصوت ناصي:: خلي يطلع
ماريد اشوفه
اسمر:: ليان خلينه نحجي…
عمر:: اطلع اسمر مو وكت حجي هسه
امي:: يمه شجاج
جدي:: استغفر الله ربي يوميه مسويلنه
سالفه وفاضحينه بين العالم
كامت الدكتوره تحجي وهي موجه الحجي إلي
الدكتوره:: ليان ماما نفس ماكتلج هاي
نعمه من ربج لا تسوين هيج بنفسج وبالطفل
مشت طلعت برا الغرفه باوعت عليهم واحد
واحد ماستغربو من حجي الدكتوره صرت
ادير بعيوني عليهم كلهم وإني أكول
ليان:: جنتو تعرفون مووو
امي:: يايمه اذا عرفنه أو لا شنو اليتغير
جدي:: ليان لصيرين خبله مو أول بنت
تحمل أنتِ
ليان:: هه ماراح اكون أول بنت تحمل
بس راح اكون أول بنت تنزل طفلها
إمي:: لياااننن شنووو هذا الحجي
جدي:: عوفيه أم حمزه معذوره بعده
عقلها ماراجع الراسها
ليان:: لا إني……….
ردت احجي وارد عليه بس رفع ايده
عمر وخلاها على حلكي مانعني الحجي
وصاح بيهم
عمر:: كاافييي تضغطون عليهااا خلوهاا ترتاح
ماجد:: صوتك عمو شلون ترفعه على
الأكبر منك
عمر:: يابه من رخصتكم خلوها ترتاح
طلع جدي وطلعو وره كلهم رجعني عمر
على مخده سندني وهو يحجي
عمر:: شجاج ليان شبيج تخبلتي
ليان:: ماريده
عمر:: أي عفيه لا تردينه بارك الله بيج…
هيج تردين اكلج مثلاً
ليان:: عمر كافي لبيه مكفيني لزيدها عليه
عمر:: هوه شنو الكافي هاا تردين تكتلين
روح بريئه هاي عود أنتِ الصلين وتقرين
قرآن وتعرفين هاذا الشي حرام
ليان:: ماكدر ماريد شي يربطني باسمر..
ماريد ارجع إله بسبب طفل
عمر:: منوو كلج ترجعين إله ليان إذا جنتي ماتردينه أنا مستحيل اقبل اترجعين إله
ماتحملت خليت أيدي على وجهي وصرت
ابجي واحجي وي عمر
ليان:: راح تجبروني أي تجبروني اعرف بيكم
عمر:: منو يجبرج وشحدا اليجبرج وأنا موجود
وخرت أيدي عن وجهي وباوعت بعيونه
واني احجي
ليان:: توعدني ماتخليهم يجبروني ارجع
الأسمر
ابتسم وتقرب عليه لزم أيدي وحجه بحنان
عمر:: ماتسمه زلمه إذا خليتهم يجبروج
ترجعين…. بس أنا هم اريدج توعديني بشي
ليان بستغراب:: بشنو
عمر:: ماريدج بعد تكولين ماريد الطفل
هزيت براسي بمعنى أي
عمر:: لا ماريدج تهزيلي راسج احجيها اوعديني
ليان:: خلاص اوعدك بعد ماتسمع هاذا
الكلام مني
عمر:: عفيه ببنيتي
ليان:: شنو بنيتي تره مو اكبر مني بهواي
هيه خمس سنوات
عمر:: ميخالف تبقين الصغيره
ليان:: عمر اختنكت كافي خلي انروح البيت
عمر:: بعد خلي الدكتوره اجيك وضعج
ليان:: مابيه شي زينه صرت وحتى ألم
بطني راح
عمر:: ميخالف
ضلينه نسولف اني وعمر وهوه يحاول
بس يضحكني واني حايره بالي بطني
أكيد اسمر راح يرجعني ويا ماطول
عرف اني حامل بس شوي طمنت من
انطاني وعد عمر واني هم هاي المره
مستحيل ارجع
اثناء حجينه دخلت الدكتوره باوعت
عليه وكالت
دكتوره:: ماما سجلت الج خروج لأن
مايحتاج بعد تضلين
عمر:: دكتوره يعني نكدر هسه نخرجها
دكتوره:: أي بس أريد منكم شغله
ليان+عمر:: شنو هيه
دكتوره:: سجلت الها ادويه اريدكم تخلوها
تمشين عليهن
وما تزاغل بيهن ومن يخلصن ترجعونها إلي اجيكها
عمر:: أن شاء الله دكتوره خليها عليه
رجعت عليه
دكتوره:: تنامين على ضهرج ماما طفلج
مهدد بلاسقاط لازملج راحه…… توتر
ماريد لان راح ياثر عليج وعلى الطفل
وانا هم وصيت زوجج اسمر عليج
ليان بستغراب:: دكتوره أنتِ تعرفي لاسمر
الدكتوره:: اسمر جان هو واختي بالجامعه
نفس القسم ونعرفه من هذاك الوقت….انا
اترخص عليج العافيه ليان
ليان:: الله يعافيج
طلعت هيه ودقايق دخلت امي
امي:: ها يمه ليون شلون صرتي
ليان:: احسن…. أريد اطلع اختنكت منا
امي:: يله يمه هسه شويه ونطلع بس
لما يكملون الإجراءات
هزيت براسي بمعنى أي كعدت امي
وضلينه بالنص ساعه عادين بس عمر
يمنه انفتح الباب ودخل حمزه درت
وجهي منه بس اجه تقرب عليه ولزم ايدي
حمزه:: خل اساعدج تكومين
نترت ايدي منه حجيت واني اباوع العمر
ليان:: عمر تكدر تساعدني اكوم
حمزه:: ليان كتلج خلي اساعدج ليش
اطلبيها من عمر
ليان:: شكرا ماريد مساعدتك
عمر:: كومي كومي ليان خلي نطلع ترا
أنا هم اختنكت
كام من الكرسي واجه عليه يساعدني
لزم ايدي وضهري ويخليني اكوم على كيفي
عمر:: ليان اشيلج خاف بعدج متالمه
ليان بابتسامه:: شسالفه عمر اكدر امشي
كومني على كيفه وكفت على حيلي بس
أحس رجليه ميتات بس مشاني خطوات
بطيئه جتي امي سندتني من الصفحه
الثاني بهل دخل اسمر بيده علاكه تقرب
على امي واردف
اسمر:: أم حمزه هاي ملابس لليان
زحمه هيج تطلع
امي:: والله راح من بالي
أول مارفع عينه بعيني نزلت عيوني
منه طلعو برأ كلهم مشتني امي كعدتني
على السرير
وغيرت ملابسي…..
امي:: يله يمه
سندتني ومشينه طلعنه من الغرفه
جانو اربعتهم يم الباب
أبوي:: يله عمر جيب اختك وتعال
اسمر بستغراب:: وين يجيبها
عمر:: وين يعني البيت اهلها
اسمر:: هههه نكته بايخه يله ليان
تقدم عليه وكف كبالي حمزه
حمزه:: هوب وين
اسمر:: شنو سالفتكم مرتي رايدها
حمزه:: مالك مره يمنه
ابوي:: بعد اتكافشو من الشعر ولمو
العالم علينه
امي:: وكتكم هسه خلي نطلع
اسمر:: يله ليانن
خفت احجي بس تشجعت باوعت
عليه وكلت اله
ليان:: ماروح وياك
اسمر:: ولجج لا تخبليني وينن تردين
ترجعيننن يم حمزهه إلي راد يتسبب
بقتل طفلنا إلي مااجه على الدنياا
ليان:: يبقه اخوي
التفت عليه حمزه وباوعلي بعيون
ندمانه بس ماهتميت الهم ضلو يتناكرون
بينهم وهاذا يصيح تروح ويأي والثاني
يكله وياي تقربت خطوتين على عمر
ولزمت ايده اندار عليه واني كلت
ليان:: خلي نروح
عمر:: أمشي امشي خليهم اليل اهنا
سندوني هوه وماما ومشينه طلعنه
من المستشفى واسمر حمزه ورانه
اسمر:: عمر بسيارتي
حمزه:: عمر إذا وديتها لسيارته
ماتدخل البيت بعد
عمر:: يمه بس ضلي يمها خمس دقايق
راح عمر على الشارع وصارو يصيحون ورا
حمزه:: ولكك وين موليي
اجه اسمر وكف بصفي وحجه وياي
اسمر:: ارجعي وياي ليان
نزلت راسي ماحجيت بس امي ردت عليه
امي:: خليها يمه خليها يمي أنا اداريها
اسمر وهو موجه الحجي إلي:: أنا
اداريج اعوف العياده وأنا ادرايج
اخليج بالغرفه وماخليج تنزلين بايه
ليجوه اكلج شربج كله أنا أنا مسؤل عليه
صرت اطكطك باصابيعي ومنزله عيوني
لأرض ماريد اخلي عيوني بعيونه حجيت
واني مدنكه
ليان:: ماريد ارجع يمك بعد
اسمر:: ليان ترا البطنج ابني
رفعت راسي ردت احجي بس قاطعني
عمر وهو يصيح
عمر:: يله يله اسمر لهلك وأنت حمزه
لهلك تعالي ليان
اجه عليه واشر لامي هم التفتت ردت
المح ابوي ماكو مشيت ويا اثاري رايح
موكف تكسي بس حتى ماواحد منهم
يكول اجه وياي صعدت اني واني ليورا
وعمر يم السايق ومشينه البيت
وهيج مرن يومين اني كضيتها كاعده
بالغرفه وبس امي مرات تجي تكعد يمي
وتسولف وياي لو ماكو عمر كضاها يمي
كاعد وبس يحشش فوك راسي حمزه
حاول مره ومرتين يعتذر بس اني جنت
متجاهلته اسمر ماعرف شي عليه
جنه كاعدين اني وعمر نباوع فلم بغرفتي
فجأة اندك الباب صاح عمر
عمر:: أدخل ادخل
دخلت امي وهيه تحجي:: شنهي كتعدين الهسه
عمر:: ديله هسه احنه ليوين كاعدين
امي:: دسكت اسكت… هاج ليونه ماما
اجت نحوي وقدمتلي الماعون جان
عباره عن فواكه
ليان:: يمههه الخاطررر الله كااافيي
تره بطني خضرت
امي:: اشش لجج هذا احسن شي
بي فيتاميناات
ليان:: يمههه كاافي ماريد بعد
عمر:: جيبي جيبي يمه هاي بتج مو وجه نعمه
كام أخذ الماعون من ايد امي راد
يرجع يكعد وكلت بسرعه
ليان:: برأ عمر براا اكل لا تاكل أهنا
عمر:: اسم الله الزهره شنهي انكلبتي شيطانه
ليان:: عمررر
عمر:: عابت علساس ميتين على غرفتج
طلع وهو شايل الماعون باوعت أمي إلي وكالت
أمي:: ليش خليتي يطلع
ليان:: شنهي أريد انام هو لازك يمي
أمي:: هههه يله نامي يمه موزين السهر
سدت التلفزيون وطلعت من الغرفه
ضليت إني كاعده وافكر بنفسي
رفعت أيدي على بطني وتلمستها
_اذا جنت ولد أو بنت إني احبك
_بس أتأكد إني أم مو انانيه
بهل أثناء اجت بالي جمانه وشكد إني
مشتاقتلها ولو بيدي اجيبها يمي تعيش
بس أسمر مستحيل يقبل خليت راسي
على المخده ونمت……
كعدت الصبح باوعت الساعه ب9:20
كمت اخذت دشداشه ودخلت الحمام
سبحت وطلعت لافه الخاولي على راسي
رحت كدام المرايه وباوعت على نفسي
لفيت ايدي وره ضهري ولزمت الدشادشه
بأيدي خصرتها على بطني وتلامست
بطني البارزه ابتسمت على شكلي واردفت
_شلون جنت مامنتبه النفسي سمنانه
ضحكت وهديت الدشادشه ذبيت الخاولي ومشطت شعري هاي المره حبيت امي تضفره
إلي اخذت المشط واخذت قراصه ونزلت جوه لكيت امي كالعاده بالمطبخ هيه شافتني
تخبلت وضلت تصيح عليه
امي:: ولججج لياننن شكتلججج مو كتلجج ماتنزلين جوا أنا اجيبلج التردي
ليان:: شنو اضل معلكه فوك شعندي وحدي
امي:: يايمه غير انخاف عليج وعلى
الروح البطنج
لزمت بطني كبالها وضحكت
ليان:: مابينه شي بيبي
امي:: هههههه…. ليش نزلتي يمه محتاجه شي وبعدين ليش هيج شعرج نافشته هسه يتكطع
ليان:: غير اجيتج اتضفريلي شعري وانتِ
اخذتيني حاصل فاصل
امي:: دتعالي يمه جنج عل ضفره شعر
اشرتلي أروح وراها رحت إني وراها الصاله
كعدت هي على القنفه وإني كعدت كبالها
بالارض انطيتها المشط وبلشت تمشي
المشط على شعري
امي:: ماما ليون طولان شعرج
ليان:: مممممم
خلصت ضفر شعري وشدته بهاي الاثناء طلع بابا من الغرفه باوع عليه وستغرب اجه عليه وإني كمت وكفت مقابيله
ابوي:: بابا ليان أنتِ زينه
ليان:: يااا شبيكم وياي والله زينه زينه
بس ردت انزل شويه جوا شبيكم تردون
اضل محبوسه بالغرفه
امي:: لا يمه بس ابوج هم استغرب
وخاف عليج
ليان:: أعرف والله بس إني زينه مابيه
شي اطمئنو
ابوي بضحكه:: هاي هيه شبيج منفعله بنيتي
ليان:: يابابا اضوج من تسئلوني ليش نازله
ابوي:: يله ميخالف بنيتي اتحملينه
ردت ارد بس دخل عمر ووكف بمكانه
فتح عيونه على وسعهن واجه ركض
عليه ولزمني من وجهي
عمر:: أنتِ بخير زينه أنتِ هااا
رفعت ايدي وغميت كصتي وإني احجي
ليان:: اتفضل نفر زايد
عمر:: شكوو ولج شبيج
امي:: كافي تسئلون بيها ليان مابيه شي
زينه بس حبت تنزل عوفوها….. تعالي ماما
راحت المطبخ وإني رحت وراها كعدت
على الطبله إلي موجوده بالمطبخ اكبال
الكاونتر وأمي انطتني اجبان وكيمر
واخير شي خلت ماعون بي بيض عيون
إني شفت البيض لو تخبلت كبل ركضت
المغسله اتقيئ اجوي ورأي امي وعمر
عمر:: شبيج ليان
امي:: يمكن لعبت نفسها من البيض
رفعت راسي وغسلت وجهي جريت الخاولي ونشفت وجهي انداريت عليهم وإني انشف
بوجهي
عمر:: أنتِ زينه
ليان:: والله زينه شبيكم بس كلبت معدتي
من ريحه البيض
امي:: ميخالف يمه تصير…. يله تعالي ات…..
ليان:: ماكدر بعد ماشتهي شي
عمر:: ليان روحي وتريكي حتى تاخذين بسرعه
ليان:: عمر ماشتهي شسوي
عمر:: مو بكيفج يله بسرعه ليان لا اضوج منج
اتففت ورحت كعدت اكلت شويه علمود العلاج وهم علمود عمر ليزعل ويسويها صدك اخذت علاجي ورحت كعدت بالصاله اكلب بجهاز عمر
واني شايلتها وكلب بي اجتني رساله
من اسم “” رهف”” مكتوب بيها
_عمر وينك ليش ماترد
ماهتميت الرسالة هذا بطران هم رجع
الهاي الحيه اجه كعد يمي واني انطيته
الجهاز
ليان:: اتفضل الحيه راسلتك
عمر بستغراب:: الحيه منهي هاي
ليان:: اخذه وشوف
اخذه من يدي وصار يكلب بي أخير شي
رفع راسه وباوع عليه ضحك وكال
عمر:: لو بس اعرف ليش تصيحيلها الحيه
ليان:: لأن هيه حيه بالاساس
عمر:: ليان
ليان:: نعم
عمر:: انجبي
ليان:: ليش ماتنج…. هاا لا عادي يله
انجبيت اني
عمر:: ههههههههههه
ليان:: خرب يومك مو ضحكه ضيم ضيم
عمر:: ضحكتج غير
ليان:: لا اني ضحكتي تخبل
عمر:: مصدكج يأبه مصدكج
لليل وحمزه ماكو مارجع البيت كعدنه
احنه على العشه بس عمر وابوي ضلو
بس يتصلون عليه
واني ضليت صافنه
عليهم وامي لازمه راسها وتون
ابوي:: أدب*** تشيلون الموبايلات
المننن غير تجابون
عمر:: على كيفك يابه هسه يرجع
قابل وين يروح
امي:: شوو ارجعو اتصلو عليه
ابوي:: بله صابرين ماتسكتين
أنا شجنت اسوي العب مثلاً
عمر:: أنا رايح اشوفه
ابوي:: وين تشوفه أنت لخ
عمر:: اشوفه بلكي يم صديق إله شي
ابوي:: أي مو أنا مضيع طفل عمره
خمس سنوات مو رجال عمره سبعه
وعشرين سنه
عمر:: هسه ليش تسوونه سالفه
خلي نطلع نشوف
بهل أثناء التفتنه كلنا على فتحه باب
المطبخ انفتح الباب ودخل حمزه
باوع علينه كلنا ونزل راسه ومشه
يريد يدخل ويصعد الغرفته بس
صاح عليه ابوي
ابوي:: وين جنت افندي
حمزه:: اهنا يم سجاد
ابوي:: يا سجاد هاذا نوب
عمر:: شبيك بويه ناسي الجيران أنت
ابوي:: اشش أنت ماسئلك…. أي استاذ
حمزه منو هذا سجاد
حمزه:: هسه مو كلك عمر جيران
ابن أبو علي
ابوي:: هاء وليش الهسه شنهي ماكو اهل
حمزه:: ترا أنا مو طفل وتكعد تحاسب
بيه اني اعرف اتصرف….. اترخص
ماخله أحد يحجي كبل صعد الغرفه
باوعنه على ابوي إلي العصبيه طالعه.
من عيونه باوع لامي وصاح بيها
ابوي:: هي هاي تالي تربايتجج
امي:: هم رجعع على صخامم
راح ابوي الغرفه وخلانه واحد صافن
بوجهه الخ…………..
يتبععع….
……
اسفة على البارت
بس نحذف منه
باجر انزل الكم هم بارت
الكاتبه ضحى اليوسف
أحفاد عمران
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.