رواية احفاد عمران الفصل الثاني والعشرون 22 – بقلم ضحى اليوسف

_أحفاد عمران_

بارت _22_

🌱

………..

………..

‏اتبــــــاها ونغـࢪ بيـڪ… 𓅂

والنـاس ألمـها… ♕

والعــده‍ هيـج انسـاטּ✧

تـࢪفـ؏ خشمهـا ♡

…………

………..

ليان…..

رجعنه نباوع لامي اشو باوعت علينه

وصاحت بينه

امي:: دروحو هو إنتو نفس ابوكم

كامت وهيه هم دخلت الغرفه باوعت

على عمر إلي ضام ضحكته

ليان:: فجرها فجرها لا تحبسها

عمر:: ولج ههههه خرب هههههه

ليان:: عمررر اسكتتت

عمر:: ولججج متزاعلين وراحو الغرفه جميع

ليان:: هسه شبيك أنتَ مخلي عينك عليهم

عمر:: دمشي امشي سدوها النفسنه… تعالي

نطلب شي من برا بعد

ليان:: يااا وهذا الاكل وين اودي

عمر:: خلي الحمزه من وره مااكلنه شي

لمينه المواعين اني وعمر  والأكل

خلينه كله بثلاجه وعمر ماخلاني

اغسل المواعين خلاني اكعد وهو

غسلهن بدالي خلصهن وندار عليه وكال

عمر:: أي ليون شنو مشتهيه

ليان:: اممم خلي افكر

عمر:: فكري فكري على راحتج

راح جاب كرسي وكعد يمي بالمطبخ

ضليت اني صافنه شنو اوصي يجيبلي

فجأة تذكرت الشاورما الجابها اسمر إلي

بنص اليل ابتسمت وباوعت على عمر

عمر:: ها قررتي شنو اطلب الج

ليان:: ممم شاورما

عمر:: وبعد

ليان:: هاي هيه شنو طلابه

عمر:: ادللي جنج على شاورما

طلع تلفونه وراسل المطعم وكالوله

شويه ويوصلون الطلب ضلينه إني وعمر

كاعدين ونسولف ونحجي على أيام الصغر

أخير شي وره نص ساعه يله خابرو العمر

طلع عمر من البيت يستلم الطلب وإني رحت كعدت على الطاوله بصاله اجه هوه وشايل

علاكه بيده وكارتون نزل الكارتون يمي

وهو يكول

عمر:: طلبت الج بيتزا لأن ادري بيج تحبيها

ليان:: ياا عمر شسوي بيها هواي وماكدر

اكلهن كلهن

عمر:: دكلي هسه أنتِ شعليج قابل أنا

جايبهن الج

ليان:: المن لعد

عمر:: أنا جايبهن لأبن اختي أنتِ ياهي

ليان:: اعرف بيكم والله اعرف راح

تحبونه أزيد مني

عمر بشقه:: شنو نحبه ولج نكوم

نموت عليه

باوعت عليه ولا اراديا نزلت دمعتي على

خدي انتبه عليه عمر ضحك وهو يكول

عمر:: بجت بجت

كبل خليت أيدي على وجهي وصرت

ابجي على شنو ماعرف بس حسيتها

فرصتي كعدت ابجي اجه عمر يمي

وهو يحجي

عمر:: صدك تحجين على شنو تبجين ليان

ليان:: راح تحبو أكثر مني

باوعت عليه اشو هاذا رفع ايده وغم كصته وضحك

عمر:: صدك ليان تغارين من ابنج من هسه

ليان:: انييييي اغااااارررر ومن منووو

ابنييييي أنت شتحجي

عمر:: دكلي وكرمينه بسكوتج

مسحت دموعي وكعدت اكل واكل اكلت

البيتزا واكلت لفه الشاورما اخير شي

باوعت لعمر بعده لحد لأن كل شي

ماماكل وبس يباوع عليه

ليان:: الله وأكبر جايب العشه وصافن علينه

عمر:: لا مو أكو بنيه قبل شويه كالت

ماكدر اكلهن كلهن وينها وين راحت

ماجاي اشوفها

ليان:: اهوو عمر سويته فلم غير من وراك

اكلت هلكد غير أنت زعلتني

عمر:: دكلي بالعافيه حبيبتي

خلصنه اكل وهم خطيه ماخلاني اكوم لم

الطاوله ونضفها واجه جايب علاجي

ليان:: ماتكلي شوكت اخلص منه

عمر:: يله ياليان هو شنو قابل

ليان:: ماحبه اموت منه

عمر:: يله اخذي الخاطري

شربت العلاج واخذت الحبايات بلعتهن

ليان:: شنو اليوم راح انضل جوه سهرانين

إني نعست راح اصعد الغرفتي أنام

عمر:: أنا هم نعست يله كومي

راح عمر قفل البيبان وصعدنه الغرف

هو راح الغرفته وإني دخلت غرفتي

تمددت على الجربايه ونمت من التعب

وكأن إني مشتغله اليوم كله………

……………………

ريم…….

من بعد كل إلي صار إني صرت اهتم

بجمانه وعندي زيد صارت مسؤليه كلش

جبيره عليه امي ماتحط ايدها لا بزيد ولا

بجمانه معتزله عليهم أسمر كضاها بالعياده

مالته واني كله طاح براسي

جنت كاعده بغرفتي ويمي جمانه

وزيد وثنينهم كاعدين جمانه صارت

كعد كعود وزيد توه يلا صار ينتبه

لشخص دك تلفوني شلته اسمر جاي

يدك فتحت خط وحجيت

ريم:: عاش من سمع صوتك

أسمر:: ليسمعج يكول ماسامعه صوتي

صار هواي

ريم:: غير من أمس ماشايفتك ولا

سامعه صوتك….. شعجب اتصلت عليه

اسمر:: حضري نفسج وحضري الجهال

ريم بستغراب:: ليش شكو

اسمر:: بس ارجع اخذكم لبيت عمي يوسف

ريم بفرحه:: اللُّه يعني راح اشوف ليان وأخيرا

اسمر:: يله روحي حضري الجهال

ريم:: خوش خوش

سديته منه واني طايره من الفرح لأن

ماقبل اسمر اروح اول ماطلعت من

المستشفى وكال خليها ترتاح يله

اتروحين إلها كمت الكنتور طلعت

ملابس الزيد وجمانه جمانه سبحتها

بس زيد لا اخاف يتمرض لبستها نفنوف

جويتي وزيد بدلتله هم خليت جمانه على

الجربايه وحاوطتها بالمخاد علمود متروح

على جهه وهم اطمئن أن هيه مراح توكع

لأن هيه متزحف بس تكعد بعدها

اخذت ملابس ودخلت الحمام سبحت

وكملت……. طلعت على المرايه داالف

بحجابي فجأة انفتح الباب ودخل اسمر

اسمر:: ها كملتو

ريم:: أي ماعدنه شي خلصنه

تقرب باس زيد وشال جمانه ويلعب

وياها ويضحك بيها ابتسمت على

منضرهم كملت لفه حجابي ورحت

على زيد شلته

ريم:: يله كملنا

اسمر:: امشو

طلع من الغرفه وهوه شايل جمانه بايده

واني ورا امشي وشايله زيد

بأيدي جاي ننزل الدرج وطلعت امي

من المطبخ باوعت علينه وصفنت بينه

امي:: وين رايحين

اسمر:: اغير الهم هوى

امي من ورا خشمها:: وشنوو الهوى

مايتغير النا بس الهم

ماخلاني احجي اسمر وكبل كال

اسمر:: تردين تغيرين هوى روحي لبسي

عبايتج وتعالي ويانه البيت عمنه يوسف

امي:: يااا وانا اروح البيت يوسف ويم

صابرين لا روحو منريد هل هوى نغيره

ابتسم اسمر وندار عليه واني ضحكت

على سوالف امي راحت كعدت على

القنفه واحنه كملناخ مشينه طلعنه من

البيت وتوجهنه البيت عمو يوسف اتمشينه

ووصلنا لأن همه مو بعيدين علينه دك الباب

اسمر وطلع حمزه باوع على أسمر ورجع

باوع عليه

حمزه:: اتفضلي ريم

اسمر بستغراب:: وانا شنو أهنأ طنطل واكف

صار يدير بوجه يمنه ويسار وهو يكول

حمزه:: هذا ياهو منين اجه هالصوت

رفع ايده اسمر ولزم كتف حمزه وخره صفحه

اسمر::دوخر

وخره على صفحه ودخل ضحكت

ودخلت ورا طلعت عمه صابرين

وهيه تلف بشالها

عمه صابرين:: وي هلا عاش من شافج

تقريت عليها وبوستها واني اكول الها

ريم:: ونتٖ العايشه عمه شلونج

عمه صابرين:: بخير يمه بخير ….اتفضلو

اتفضلو

رجعت سلمت على أسمر ودخلنا اني

وأسمر سوه دخلنا الصاله جانت ليان

كاعده ومكابله التلفزيون باوعت علينه

وكامت طفرت بسرعه تعدل بملابسها

تقدمت نحوها واني الابتسامه على وجهي

ريم:: ولو متأخره بس الحمدلله على سلامتج

بوستها وضحكت هيه

ليان:: عادي عادي حبيبتي كلنا العراق

رجعت باوعت لاسمر إلي شايل جمانه

وصافن عليها ولابتسامه مرسومه على

وجهه تقربت عليه ليان واردفت

ليان:: شلونك

اسمر وهو يطلع من صفنته:: بخير وانتِ

ليان:: زينه…. انطيني ياها

اسمر:: هاج اخذيها

رفعت اديها واخذت جمانه من حضن

اسمر وهي تبوس بيها بحنيه وتحجي وياها

_ اشتاقيتيلها اليان ياعمرها اليان أنتِ

دخل حمزه من برا وباوع لاسمر بخزره

ماعاجبه الوضع ضحك اسمر ودار وجهه

منه ماهتم لحمزه راحت ليان جرت

كرسي من الطاوله وكعدت على وخلت

جمانه كبالها وهي تبوس بايده بهل أثناء

حسيت “ليان امها لجمانه ومبعدينه

عليها” لو جنت بدال ليان مستحيل

أحب وانطي هالحب البنت زوجي

رحت اني هم جريت كرسي وكعدت

مقابيل ليان ودك سؤالف وضحك

وذولاك كاعدين واحد يخزر بثاني

ريم بضحك:: وأخيرا راح اصير عمه

ليان:: اهوو أنتِ الثانيه

ريم:: بله عليج الله شنو تتمنين يصير

عدكم ولد لو بنت

باوعت لاسمر ورجعت باوعت الجمانه

وهي تكول

ليان:: اتمنى يجيني ولد علمود يصير

سند الجمانه

ريم:: ياعمرييي الله يكومج بسلامه

أنتِ ونونو

ليان:: الله يسلمج

ريم:: صدك ليان شنو صار ليش ماحجه

اسمر إلي وبس كال نزفت

ليان بستغراب:: شنو يعني أنتِ

ماتعرفين شي

ريم:: لا شنو إلي ماعرفه احجيلي

كعدت وحجتلي كل إلي صار وياها

بلاول انصدمت بس بعدين كلت إلها

ريم:: اكول شي

ليان:: أي شنو..

ريم:: تصرف حمزه مو غلط أنتِ

من الأول غلطتي

ليان:: أعرف والله اعرف بس بسبب

ضربته إلي وجان خسرت طفلي بسببه

حسيت لازم اخذ موقف منه

ريم:: أنتِ شعندج داخله بين عركه زلم

وبعدين تعالي أنتِ مو توج كلتي كلت

ماريده أريد أنزله شنو التغير

ليان:: ريم يبقى طفلي وقطعه من روحي

جنت بحاله صدمه وماعرف شنو اكول

وشنو احجي بس تندمت لأن كلت ماريده ومستحيل اعيد هاي الكلمه بحلكي

ريم:: عفيه عفيه بجنتنه

ليان:: ريم بطلي

ريم:: يااا عزاا ولجج شوكت لعد ترجعين يمنه

مانتبهت النفسي جاي احجي بصوت

عالي كبل ليان تلبكت وباوعت لجه لورايه

انداريت لكيته اسمر يباوع عليها وينتضرها

تجاوب رجعت باوعت عليه وأردفت بصوت

ناصي

ليان:: مارجع

ريم:: ل…..

بعدني ماراده واسمر ادخل بالحديث

اسمر:: ليان ليش ماترجعين

ليان:: اني كلت الك من البدايه مارجع

بعد…… ريم تعالي نصعد الغرفتي

هزيت راسي بمعنى أي صعدت هيه

شايله جمانه واني هم صعدت ورآها…….

…………………………….

ليان……

صعدنه الغرفه وسدينه الباب وضلينا

نسولف اني وريم اخير شي ريم كالت

ريم:: ليان أكو موضوع لازم اكلج

عليه

ليان:: أي احجي

ريم:: اني من كلتو ليث إلي ديهددج

شكيت بوحده

ليان بتسائل :: مني هاي

ريم:: ياسمين

ليان:: ههه شبيج تشكين بالعالم

ريم:: لجج والله ليش ماتصدكيني

ليان:: قابل شنو تستفاد من تسوي هيج

ريم:: اني ماعرف بس اني احساسي

يكول هيه لأن اني مره شفتها شايله

موبايلج بيدها وكتلج عليها

ليان:: عادي وإذا شالته شنو يعني قابل

راح تاكله

ريم:: اخخخ منج ليان ليش مصدكين

بيه هيه الها أيد

ليان:: اوووو سدي هاذا الموضوع

سدينه الموضوع وعلساس ضلينه

نسولف بس اني ضليت افكر بحجي

ريم معقوله ياسمين الها أيد بهاي

السالفه بس لا ماتسويها بالنهايه

هيه هم بنت ومستحيل تسوي

هيج شي لبنت

ريم:: خلي انزل اسوي حليب الجمانه

ليان:: ليش أنتِ جايبه جنطه الها

ريم:: يااا عزااا والله نسيتتتت.

ليان:: خرب حضييي

ريم:: خلي اروح اكول الواحد يجيب

غراضها

ليان بضحكه:: هسه يحطوج ويكتلوج

ريم:: لويش يمه

خلت زيد على الجربايه وكامت داتريد

تطلع هيه فتحت الباب وضهر النا حمزه

باوع علينه ماعرف افسر نضراته وكان

يردن ياكلنا اكل حجه وهو صاك على

سنونه

حمزه:: اخت ليث إلها أيد بصور ليان…

يتبععع………

………

البارت قصير لأن هذا بارت

تكمله 21

الكاتبه ضحى اليوسف