رواية احفاد عمران – الفصل الثالث والعشرون
_احفاد عمران_
البارت _23_
حنيتلك وأدري اليحن
يبجي ويموت بسكَته
مو مال المعاتب بعَد
راح المعاتب وكَته
ومِن ياهيِ ابدي بفركتَك
خليتِني مَلعَل و أون
ماضل وجَع ما ضكته.
………………………
باوعت ريم عليه وإني ضليت اباوع
الها صفنه وحده بالثانيه مانعرف شنو
نسوي شون سمعنه وشوكت مأدري
حمزه:: سئلت سؤال جاوبن عليه
بلعت ريكي وجاوبت بخوف وكأن إني
ماعرف شنو إلي يقصده
ليان:: شنو اخت ليث الها أيد
دار وجهه مني وماجاوبني رجع على
ريم وكال الها
حمزه:: هاي بعدها اجذب عليه ريم
انتِ احجيلي
ريم:: شنو احجي
حمزه:: احجي اخته لليث صح إلها أيد
بسالفه ليان وليث
باوعت عليه ريم ورجعت التفتت
لحمزه وهي تكول
ريم:: اني ماعرف إذا جانت الها أيد
بالسالفه أو لا بس بخطوبه أمل ليان
نسته الموبايلها وصدفه اني رحت لغرفه
أمل لكيت ياسمين بنت خالتي شايله
موبايل ليان
حمزه:: لحضه لحضه يعني إلي افتهمته…
ليان:: مانتهم البنيه حمزهه
باوع عليه بغضب وصاح بوجهي
حمزه:: انتِ بالاخص تسكتين وما تسمعيني
صوتج أبدا
حيل حزت بخاطري ونوب كدام ريم
دنكت راسي علمود ميشوفون الدمعه
إلي واكفه بطرف عيني ماراضيه تنزل
ريم:: حمزه تره مو بالصياح
حمزه:: هه هه مو بالصياح هيه شخص
يهدد بيها وما تحجي وانتِ شايفه وحده
شايله تلفونها وماتحجن
ريم:: شتريد مثلاً تجي تكول الك تعال
حمزه هاذا واحد جاي يهدد بيه وبعدين
اني من عرفت بهذا الموضوع نصحتها
تكول لاسمر
حمزه:: تكول لاسمر وأنا شنهي أهنا
ابيع خضره….. أنا اريدن رقم هاي
بنتها لخالتج
ريم:: ياسمينن
حمزه:: أي هيه اريد رقمها
رفعت راسي باوعت لحمزه بصدمه
شنو شيسوي بالرقم مالتها كبل كلت
ليان:: شنوو حمزه شتسوي برقم البنيه
حمزه:: أنا مو كتلج تسكتين
ريم:: ومنين تجيب الرقم وشنو تسوي بي
حمزه:: ثنينجن مادخلجن انطني الرقم
ريم:: اني ماعندي
لتفت عليه وخزرني من كل عقله راح اكله
هاك هاذا الرقم رفعت كتافي بمعنى
ماعندي واردفت
ليان:: أصلا ماعندي موبايل يم اسمر موبايلي
حمزه:: خوش خوش أجذبن
عافنه وطلع من الغرفه بقينه وحده صافنه
بوجع لخ اخير شي ضحكت ريم وكالت
ريم:: ولج هاذا اخوج بس لا….
ليان:: ابد ولا تفكرين بهل شي
ريم:: وبله صدك
ليان:: شنهي ياخذ وحده ماشايفها لا
ونوب اخوها جان يهدد اخته…. انتِ
وين عايشه
ريم:: ههههه عايشه يم أخوي إلي هوه زوجج
ليان استغفرالله
ريم:: شنهي مجذبه
ليان:: بله سكتي
ضحكت وراحت نزلت علمود تخلي واحد
من الولد يجيب حاجات جمانه واني ضليت بالغرفه يم زيد وجمانه
خليت جمانه كدامي وصرت احاجيها
_جمونه حبيبتي
_ضلي يمي مشتاقتلج
احجي وياها ومن كل عقلي راح ترد عليه
شويه ونفتح دخلت ريم نضرت إلي
بنظرات خبيثه وكالت
ريم:: انتِ صدك زوجه خال حيه
ليان:: يااا يااا ليشش.
ريم:: تلعبين بجمانه وعايفة وليدي زيودي
ليان:: عابت الج بالي شو شنو واصلا ابنج
لحد لأن ماينتبه
ريم:: ليان الحيه
ليان:: ريم الحيه
ريم:: دمشي لجج…… همزين لكيت عمر
وكتله وخطيه راح البيتنه
ليان:: ها عمر موجود
ريم:: أي
ضلينه كاعدين بالغرفه ومانزلنا أبدا وعمر
جاب جنطه جمانه وكبل سوينه الها ممه
ونامت وزيد هم نام فجأة صارت رنه
موبايل واحنه وحده صافنه بالخ
ريم:: ماتردين
ليان:: على شنو أرد
ريم:: موبايلج جاي يدك
ليان:: شبيج ريم هوه اني منين عندي
موبايل شنو نسيتي هاذا موبايلج
ريم:: يااا اهمداني صدك هاذا مالتي اني
مخليه هيج رنه
ليان:: هنيالي أي والله
وفعلاً كامت على الجنطه مالتها وطلعت
موبايلها انتبهت عليها باوعت بي وابتسمت
بس انطته رفض انطته ورجعته الجنطه
مالتها وجتي كعدت يمي
ليان:: احم احم احم منهو هاذا
ريم:: إلياس
ليان بصدمه:: إلياس
ريم:: أي شبيج
ليان:: وجج من شوكت تحجون انتو
ريم:: احم خلي احجيلج
ليان:: احجي احجي ترا بعد ماتحمل
الفضول يذبحني
…………………………..
ريم……. قبل كم يوم
نومت زيد بغرفه اهلي لأن محد
موجود بالبيت وكلت خلي اغسل
الطارمه عفت زيد بالغرفه وخليت
الباب مفتوح حتى لمن يكعد انتبه
على صوته
طلعت برا وشكلت الصونده بالماطور
وشغلته وصرت اغسل الطارمه واني
جاي اغسل فجاه أندك الباب طفيت
الماطور ورحت دخلت البيت اخذت
الشال خليته على راسي وطلعت للباب
فتحت الباب انصدمت وانا اشوف
الياس كدامي بدون مافتح حديث
ويا كبل كتله
ريم:: انتَ شجابك اهنا
إلياس بضحكه:: رجليه جابتني
ريم:: روح الياس روح اسمر ما موجود
إلياس:: هذا ياهو الكالج انا جاي على اسمر
ريم:: شنو تسوي اهنا لعد
إلياس:: اجيت اشوفج
ريم:: وهاي شفتني يلا روح
إلياس:: هلو منين متعلمه هذا الحجي
ريم:: اهووو إلياس روح منه هسه
الجيران تضل تحجي علينه من وراك
إلياس:: شحده اليحجي وأنا موجود…. شو
خلي افوت ماتستحين موكفه زوجج بالباب
ريم:: إلياس روح محد بالبيت شتسوي
تدخل جوه تصفن بالحياطين
إلياس:: العبب حبيبي وحدك بهل ساحه
اشو هذا ولا اهتم لي ودخل للبيت واني
واكفه متصنمه بمكاني وصافنه عليه شنو
الياس تخبل لو هو اصلا خبل من الاساس
تاففت وسددت الباب ما اهتميت اله
أن هو دخل البيت رجعت شغلت الماطور
وسحبت الصونده وغسلت الطارمه
لحد ما كملتها يلا لميت الصوندا
ودخلت جوه
لكيته كاعد بالصاله على القنفه وحاط
رجل على رجل ويلعب بموبايله رحت
اني كعدت مقابيله وكلت
ريم:: اي خير استاذ الياس اليوم ذاكرنا
رفع راسه وباوع لي بنضرات حب ماعرف
حنيه ماعرف حقد وكره ماعرفت افسرهن
نزل رجله وذب الموبايل وكعد عدل مقابيلي
إلياس:: ريم ارجعي
ريم:: مارجع
إلياس:: شني هيه بكيفج تردين بعد
العالم تحجي علينا
ريم:: طلقني وبعد العالم ماتحجي
باوع علي بنظره خزره على العصبيه كلت
هاي هيه راح انكتل مابيها مجال بعد بس
إلياس:: حلم حلم
ريم:: احلامك غير
ألياس:: ريم عوفي هاي السوالف وكولي
الي ليش ما ترجعين
ريم:: تعرف نفسك كلش زين
الياس:: لا ما اعرف كولي الي
ريم:: اهو روح لحبيبتك الياس
إلياس:: يا حبيبه ريم
ريم:: حبيبتك اللي مسميها على موبايلك
نرجس اثنين
اشو هذا طكه بضحكه وظل يضحك
واني بس صافنه اخر شيء ما تحملت
ريم:: على شنو تضحك شنو اني
مضحكه كدامك
الياس:: لا حبيبتي شنو مضحكه بس
انتِ فاهمه الموضوع غلط
ريم:: ههههههه لا فاهمه غلط ولا شي
اني حجيت وياها وكالت…..
صفن بيه ويتانيني اكمل الكلام بس اني سكتت
الياس:: شنو كالت ريم احجي
ريم:: ههههههههههه تريد احجي شنو كالت حبيبتكككك
كبل كام وتقرب عليه راد لزم أيدي بس
كبل رفعت اصبعي اله
ريم:: دير بالكك دير بالككك إلياس
لا تتقرب عليه ولا تلمسني اني اكرهك
الياس:: على شنوووو كرهتيني هااا
بس لأن جاوبتي على جهازي وطلعت
بنيهههههه هاي هيه كرهتيني من كيفج
ريم:: إلي الحق ان اكرهك واحقد عليك
اني اني بسببك ردت اخسره لابني
تعرفففف
إلياس:: اششش كاافييي ماجان عندي
خيار ثاننننييي انتِ كبل اسرعتي
ريم:: ههه إني إلي تسرعت ردتك تجي
تجي وتحجيلي بس أنت لا وينن كاضيه
وي الخاتون
إلياس:: ولجج ياخاتوننن ولججج هاي البنيه جانت جزء من مهمه ووسلموها الي
ريم:: تضحك على منو أنتَ الياس
ترا إني مو ريم القديمة البسرعه
تصدك بيك………
إلياس:: اوكفي
ستغربت منه راح على تلفونه شاله
وضل يكلب بي لحد مابين عندي اتصل
على شخص تقرب عليه وفتح مايك
إلياس:: السلام عليكم…….
{{ حفاظآ على المعلومات }}
نصدمت ماجنت اعرف أكو هيج آشياء
بشغلهم باوعت اله هو سد التلفون
ويتانيني احجي
ريم:: مهما يكون بلاخير أنتَ ضميت عليه وماحجيتلي
إلياس:: يعني……………….. تردين اكعد
احجيها الجج تخبلتي أنتِ
ريم:: والي سويته بيه هااا
إلياس:: أنتِ جبرتيني عليه
ريم:: ههه اني كل حجي وكلت أنتِ
نزلت دموعي بدون مانتبه تقرب عليه
ولزم وجهي بثنين اديه وهو يحجي
إلياس:: كافي ريم ماكدر اتحمل بدونج
ارجعيلي ورجعيلي وياج وليدي زيد شنو
ذنبي بسبب………….. انحرم من عائلتي
ريم:: مأريد ارجع أريد اضل يم اهلي
إلياس:: وانا شنو موقعي
ريم:: ارجع الهاي المسميها نرجس 2
إلياس:: اللهم الصبرر الصبرر
……………………
ليان…..
ليان:: وليش مارجعتي ريم هو اثبتلج
أنتِ جنتي غلطانه وبالنهايه يبقه هو
زوجج وابو ابنجج
ريم:: اعرف اعرف بس..
ليان بتسائل:: بس شنو
باوعت على جمانه وذبت حسره عرفت
ليش هاي الهبله ماترضه ترجع ثاري
علمود جمانه
ليان:: جمانه….؟
باوعت عليه وهزت راسها بمعنى أي
ليان:: أنتِ خبله صدك تحجين يعني شنووو ماترجعين علمود بنت اخوجج
ريم:: شنوو نسيتي هاي بنت أخوي العفتيها وامنتيها يمي
ليان:: اخخخ منججج….. ريم تره حرام
عليج أنتِ اشيلين ذنب حارمه الطفل من
ابوه وحتى بعد ماثبتلج أنتِ مستمره
بهذا الشي
ريم:: اووف ليان ماعرف ماعرف شسوي
ليان:: إني اكلج ياها ارجعي وسكتي
ريم:: وانتِ ليش ماترجعين لعد
ليان:: إني اختلف عنج بهواي…. وهسه
كافي حجي كومي ننزل جوه احسن
ريم:: والجهال
ليان:: شكو عليهم امشي لتصيرين وهواسيه
كامت وياي ونزلنه جوه بس عفنه باب
الغرفه مفتوح لكينه أسمر وحمزه ووياهم
عمر هم يلعبون دومنه ذول مو عفناهم
واحد مخزر لثاني وووحد كون يكتل الثاني
ذول شكلبهم باوعنه إني وريم وحده على
الثانيه هزينه ايدنه وعفناهم رحنه المطبخ
لكيت امي دتحضر عشه
ليان:: يمه اساعدج
امي:: لا لا لا أنتِ بس روحي كعدي
كل شي ماريد
ليان:: هسه إني شسويت داسئلج
أمي:: وأنا جاي اجاوبج يلا يمه يله ليونه
روحي كعدي
ريم:: وخري وخري إني اساعد عمه
صابرين انتِ روحي كعدي
ليان:: اوووووففف
كعدت على الكرسي وخليت ايدي جوه
خدي واني صافنه عليهن وهنه ضلن
يحضرن سوه راحت ريم طلعت خيار
وطماطه ونطتهن إلي وهي اتاشر على
الطاوله
ريم:: روحي كعدي على الطاوله ثرمي الزلاطه
ليان:: أهنا اثرمها
أمي:: وين اهنا شعندي طبله اهنا ومادري
ليان:: لا اكعد بالكاع
أمي:: لا
ليان:: اوكف على الكاونتر
أمي:: لا… لا تعاندين وروحي ثرمي الزلاطه بالصاله كعدي على الطاوله
كمت اخذت نجانه وسجينه واخذت
التخته”” ماعرف كلمن يسميها على
مراما”” وكعدت بالصاله على الطاوله
جتي ريم جابتلي الخيار وطماطه ورجعت
المطبخ ضليت إني اثرم ونضرات أسمر
عليه ماهتميت اله وضلت عيني على
ايدي تثرم لا اروح اكصها لايدي
خلصت الزلاطه وماما وريم خلصن العشه
وصارن ينقلن بي للطاوله وعمر يساعد بيهن خلصنا كل شيء والتمينا على الطاوله قعدت
انا وريم وحده بصف الاخ واسمر وعمر
وحمزه كعدوا على جهه ما ارتاحت لهم
ولا لكعدتهم وعرفت وراهم شي
خلصنه وكامت ماما وريم يشيلن بالمواعين
وعمر يساعد بيهن بدالي وخطيه ريم غسلت المواعين ونظفت المطبخ واني ما خلوني
اكوم الا اكعد
ليان:: ترا مو حاله هاي
أمي:: اسكتي واكعدي
ليان:: اووف
عمر:: اصبري اصبريي انا اشتغل بدالج لحد
ما اطلعهن من بين عيونج
خلصناها سوالف وضحك وتعلوله حلوه
لحد ما اجانا صرخه جمانه صارت ناس
تباع على ناس طفر اسمر من بكانه وصعد
فوك اني ما كدرت اكوم ضليت كاعده
بمكاني حسيت كلبي وكف ورجلي ماتن
خفت ليكون اللي ببالي صح وخفت
لا يكون صاير عليها شي كلها كامت
لحكت اسمر بس اني ما كدرت اكوم
من مكاني
………..
أسمر….
اثناء كعدتنا وسوالفنا سمعت صرختها
لبنتي ما شفت كدامي وكبل صعدت فوك
للغرفه لكيت الباب مفتوح دخلت الغرفه
لكيت جمانه على الجربايه مكلوبه على
بطنها رحت عليها وشلتها كبل وهيه
مستمره تبجي وتصرخ بصوت عالي
وعلى صرخاتها بجه ابن ريم جتي
ريم ماعرف منين طلعت وراحت
الابنها تسكت بي
ضليت انا اسكت بجمانه لحد ماسكتت
بس ضلت تشهك بحضني ودموعه تنزل
التفتت لكيتهم وراي عمر حمزه ام حمزه
وريم مقابيلي شايله زيد دورت بعيوني
عليها بس ماكو هيه اجه عمر عليه واخذ
جمانه من ايدي
عمر:: جيبها جيبها
ام حمزه:: الف الحمدلله والشكر الحمدلله
مابيها شي
رجعت باوعت على ريم وكالتلها بعصبيه
ام حمزه:: صدك تحجن تبقن الجهال نايمين عالجربايه وتنزلن جوا
ريم:: عمه والله ماعليهم ش…..
ام حمزه:: يا ماعليهم شوفي البنيه شصاير بيها
اسمر:: ماصار شي أم حمزه هيه جمانه
دائما تكلب على بطنها وتبجي مو جديده
ام حمزه:: الحمدلله بهاي ولا بغيرها
باوع حمزه بالوجوه وكال
حمزه:: ليان وين
باوعوا كلهم على ريم وريم باوعت عليهم باستغراب وكالت
ريم::ليان بقت جوه يمكن ما صعدت
ام حمزه:: شعجب ليان ما صعدت
اسمر:: يله خلينا ننزل
طلعو همه كبالي وانا وراهم طلعت
جمانة بيد عمر يلعب بيها نزلت انا قبله
بس وكفت من صاح حمزه على ليان
وهو يروح عليها بسرعه
حمزه:: ليان شبيججج
باوعت على ليان جانت لازمه كلبها
وكوه تجر النفس نزلت بسرعه عليها
وانا اكول
اسمر:: ليااانننن
تقربت عليها ووخرت حمزه من يمها
لزمت ايدها لترجف صرت افرك بايدها
الترجف وانا احجي وياها
اسمر:: ليانن حاجيني
حجت وهي بصعوبه تجر النفس
ليان:: جم….انه
ام حمزه:: ولج يمه شجاج
اسمر:: ام حمزه بلا زحمه عليج بس كلاص مي
أم حمزه:: أي أي هسه
راحت خطيه تجيب مي وأنا حاير باليان
إلي ماعرف شبيها كعدت يمها على القنفه
ولميته بحضني اباوع على حمزه كوه
مصبر نفسه وما حاجي شيء ضليت
حاضن ليان واهدي بيها جتي ام حمزه
وبيدها كلاص مي
أم حمزه:: هاك يمه خليها تشرب
اخذته من ايدها وقربته على ليان شربت
شوي من عنده ووخرته خليت الكلاص
يمي على الطاوله ورجعت عليها احجي
وياها
اسمر:: ليان انت زينه
بعدها تريد تحجي وتقدم حمزه كعد
مقابلها وهو يحاجيها
حمزه:: ليان شبيج
ليان:: جم…. جمانه وينها ه.. هي
هي زينه
ريم:: زينه جمانه.. بس انتِ شبيج ليان
چن ماصدكت كلامها رجعت باوعت
بوجهي وهيه عيونها حمر دم
ليان:: الله يخليك صدك مابيها شي
جمانه زينه
ماحاجيته وكبل صحت على عمر
اسمر:: عمررر… ولكك عمرر…..
هاذا وين
أم حمزه:: هاذا وين راح وأخذ البنيه…….
ولك عميرررر
عمر:: ها ها ها
كل احنه رفعنه روسنه ليفوك باوعنه
عليه شايل جمانه ويباوع من فوك
علينا اشرت الى ينزل استغرب بس
نزل اول ما نزلت طفرت ليان من
حضني راحت على جمانه كبل حضنتها
تبوس بيها وصارت دموعه تنزل
ليان:: شبيج امي ليش هيج ها ليش صرختي
رجعت تبوس بيها رفعت راسها وصارت
تباوع علينه وهيه تبجي بجي مو طبيعي
ليان:: ش..نو صار ليش هيج بجت ها
اسمر:: ماكو شي ليان بس هي جانت
مكلوبه على بطنها وبجت
ام حمزه:: يمه ماكو شي الحمد لله
ليان:: متاكدين ما جاي تجذبون علي
اسمر:: وليش نجذب عليج
رجعت تبوس بيها ومشت خطوات
رجعت كعدت على القنفه باوعت الساعه
ماضل وكت اشرت للريم يلا
اسمر:: يله ريوم
ريم:: أي
أم حمزه:: ها يمه شنو وين
اسمر:: ماضل وكت لازم نرجع
عمر:: ابقو بعد علمود ليان لأن جمانه يمها
باوعت على ليان كاعده وحاضنه
جمانه حجيت وأنا نضراتي عليهن
اسمر:: خلي جمانه اليوم تضل يم ليان
انا حجيت هيج هيه كبل رفعت راسها
باوعت عليه
ليان:: يعني اليوم راح تبات يمي
اسمر:: أي خليها يمج
ضحكت وعلى ضحكتها ابتسمت
هزت راسها بمعنى شكرا
اسمر:: يله ريوم جيبي الزيد
اخذت زيد من يمها وهيه راحت صعدت
فوك وليان على كعدتها
عمر:: باجر تجي
حمزه:: لازم يجي
اسمر:: أي اجي ونشوف
نزلت ريم من فوك شايله جنطه زيودي
ولافه شالها زين
ريم:: يله
اسمر:: يله امشي
………………………
ليان……
تقربت ريم بوست امي ورجعت جتي
عليه وهيه تضحك
ريم:: ماوصيج اليوم نوميها بحضنج
ليان بابتسامه:: أي ارريد انومها بحضني
ريم:: يله مع السلامة
انتبهت لاسمر جاي يباوع عليه بس من
درت وجهي اله كبل دار وجهه عني وباوع
الريم ومشو طلعو… حمزه فرك رأسه وصعد
كبل فوك وامي قفلت البوب ودخلت الغرفه
وعمر اجه كعد يمي وهو يضحك
ليان:: خير شنو مناسبه هاي الضحكه
عمر:: تعرفين شنو قررت
ليان بستغراب:: شنو قررت
عمر:: جمانه اخذها لابني بالمستقبل
ليان:: هلووو هو أنتَ لحد لأن مامزوج
ونوب تريدها لابنك وهاا هاي إذا اجاك
ولد بالاول مو بنيه
عمر:: هسه انتِ شعليج انا جاي اكلج حتى تسويلنه واسطه بالمستقبل واخذها لابني
ليان:: اني مانطي جمانه لواحد اصغر منها
عمر:: ايباا ماتنطيها مو هوه بكيفج
ليان:: لعد بكيفك
عمر:: انا ما إلي أي شغله جمانه أم عيون
الزرق محجوزه لابني
ليان:: ايعععععع اني مانطيها جنه الحيه رهف
ارتجه على القنفه وابتسم وكال
عمر:: الله شوكت يجي هاذا اليوم واشوف
أطفالي من حبيبه كلبي رهف قبل مأ رب
العالمين يأخذ امانته
ليان:: عمرر شنو هاذا الحجي احجي
حجي بي خير
عمر:: ترا كل احنه باجر عكبه نموت
ماكو شخص يبقه العمر كله
ليان:: اعرف عمر بس أنت على شنو
كاعد تحجي
عمر:: اهووووو…. دجيبي جنتي خلي
نصعدها فوك ماضل وكت يله
انطيته جمانه وكمنه صعد هو قبلي
واني صعدت ورا دخلت الغرفه وهو
خله جمانه على الجربايه وطلع رحت
اني تمدتت يمها عدلتها يمي على الجربايه
ونومتها نمت واني مخليه خشمي بركبتها
……….. ماكعدت عليه غير مره وحده
جوعانه سويت الها ممه ورجعت نومتها
كعدت الصبح جمانه على نومتها ابتسمت
وتقربت عليها بستها بخدها وكمت اخذت
ملابس ودخلت اسبح…………..
طلعت من الحمام لكيتها كاعده وتتمقط
ليان:: يمه يمه ببنيتي كاعده
رحت كبل شلتها وصرت افتر بيها بالغرفه
أخير شي صرت اشمرها بالهوى وارجع
الزمها اشو هاي كومي وتقيئي عليه
لوصت كل ملابسي باوعت عليها بصدمه
ليان:: صدككك تحجيننن جمانه يبووو
مشيت خطوه خطوه على كيفي بس
حتى مالط شي ولوصه خليت جمانه
على الجربايه وجبت كلينس مسحت
حلكها وعلى كيفي لحت المخاد
حاوطتها بيهن وركضت كبل الحمام
رجعت سبحت….. طلعت بالبرنص
اخذت ملابسي ولبستهن…. رجعت
اخذت الكلينس وصرت امسح بالكاع
إلي وكع عليها واني اغم بنفسي
_ هسه وكتج تفترين بيها
شلت جمانه ونزلت صبحت عليهم وتريكت
وهيج مشن الساعات اني وعمر مكيفين
عليها وهاذا عمر يدور يوكلها فواكه وامي
تركض وره ميصير ميصير بعدها صغيره
ستغربت من اسمر مااجه عليها بس بنفس
الوقت فرحت حيل لأن بقت يمي
لليل…
جنه كاعدين على العشه وجمانه
منومتها بغرفه اهلي دك الباب وكام
حمزه فتحه شويه ودخلو حمزه ووره
اسمر ضحك أبوي وكال
أبوي:: صدك من يكولون عمتك تحبك
يله تعال ويانه على الواهس
أسمر:: دايمه عمي أنا متعشي كبل شويه
ما كدر بعد….. بس جيت اخذ جمانه
باوعت عليه وإني اتوسله بعيوني ماياخذها ويعوفها يمي بس أكيد مايقبل ما بالنهايه هو ابوها وإني زوجته فقط
أم حمزه:: دبقيها يمنه والله تونسنه عليها
أسمر:: اعذريني ماكدر بدونها أنا
كمت وإني ماريد اكوم بس غصب عني
بدون ماحجي شي رحت الجمانه وشلتها
الحضني مشيت بتجاه أسمر ووكفت
مقابيله انطيته جمانه وأخذه من حضني
ماچن اخذها بس هيه چنه أخذ روحي
وكلبي بنتي من أول ماشفته الجمانه
وإني اعتبرتها بنت إلي ونسيت أن هيه
بنته لاسمر اعتبرته بس بنتي
وكعت دمعتي حاره على خدي بس
كبل رفعت أيدي ومسحتها باوع عليه
اسمر وكال كدام أهلي
اسمر:: ليان ايصير نحجي على انفراد
هزيت براسي أي لأن ماردت افشله كدام أهلي
اسمر:: من رخصتكم… تعالي برأ
الكل:: مرخوص
طلع برأ وإني باوعت على عمر هزلي
براسه بمعنى روحي رحت وره جان
وأكف بنص الحديقه رحت ووكفت
مقابيله أتاني يحجي
اسمر:: ليان شلونج
ليان:: زينه… شكرا على سؤالك
اسمر:: شوكت ناويه ترجعين لشوكت
تردين اضلين اهنا
ليان:: مارجع وإني كلت الك مستحيل ارجع
اسمر:: ليان الوضع هسه يختلف فكري
بالبطنج فكري بجمانه
ليان:: شبيها جمانه
اسمر:: أنتِ كاعده اهنا وتدعين اتحبيها
وتحبيها بس أنتِ مافكرتي بيها أبدا ولا
فكرتي ترجعين وتشوفيها
ليان:: خليها تعيش اهنا يمي
اسمر:: حلو حلو شنو ابوها ميت وتجي
تعيش يمج
ليان:: اسمر إني احبها والله احبها دائما أفكر بيها دائما اسئل عليها بس بس……
اسمر:: بس شنووو ليان بس شنووووو
ليان:: ماريد ارجعلك ماريدك ماريدك
تقرب عليه وهو شايل جمانه نصه نفسه
لمستواي وكال بعصبيه
اسمر:: ماترديني لعد شنو إلي عشنه
قبل فتره هاااااا
الخوف احتلني أخاف منه ومن صوته
العالي اخاف من عصبيته اخاف من
كلشي بي صرت
ليان:: مج….بوره جنت
اسمر بهدوء:: تقربي الج هم جان اجباري
مو برضاتج
هزيت راسي بمعنى أي وهو راح افتر
بالحديقه وبيده جمانه بس اخير شي
اجه وصدمني بالي كاله وچن ضربني
سجينه بكلبي
اسمر:: حضري نفسج بس تولدين
اخذ الطفل منج…………
يتبععع…..
…..
الكاتبه ضحى اليوسف
أحفاد عمران
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.