رواية احفاد عمران – الفصل الرابع والعشرون
_احفاد عمران_
بارت _24_
…………………….
الخوة امانة واني امانة بركبتك التعوفني
…………………….
ليان……
باوعت بعيونه بصدمه أريد استوعب
كلامه شنو من كل عقله يحجي لو هاذا
ديريد يستفزني بس حتى ارجع إله
ليان:: شنو هاذا الگلام
اسمر:: مثل ماسمعتي أنا رايد ابني
أو بنتي اريده يمي
ليان:: بس…
اسمر:: لا بس ولا شي ثاني أنتِ جنتي
مجبوره عليه وهسه أنا اكلج ياها
مامجبوره تربينه لابني هم أنا اريده
وأنا اربي
ليان:: اسمر
اسمر:: اشش ليان كافي أنا حجيت
العندي وهسه أنتِ بعد
القرار الج…….
يله أنا اروح احسن ماتكعد بنتي
مشه وطلع من البيت ضليت إني بمكاني
ودموعي صارت تنزل وحدها مشيت وكعدت
على الكرسي الموجود بنص الحديقه ولميت
رجليه الصدري وخليت راسي عليها وصارت دموعي تنزل مثل الشلال
ليش مايفتهمني ماريده ماكدر ارجع يمه
ماحبه إني ماحبه شلون ارجع يمه شلون
يريدني اعيش وي شخص ماريده
ومامتقبلته بحياتي فجأه صار صوت
ورأي انداريت لكيته عمر
عمر:: شبيها الحلوه
ليان:: مابيه
عمر:: ممم مبين
اجه كعد كبالي ولزم ايدي باوع بعيوني وكال
عمر:: منو بجه بنيتي الصغيره
هو كال هيج واني انفجرت بالبجي
وهوه حار بيه
عمر:: ليانن شبيج تبجين شصاير
ليان:: ايريد ياخذهه
عمر بستغراب:: شياخذ
ليان:: ياخذ ابني
عمر:: ياهو هاذا الياخذه
ليان ببجي:: اسمر
اشو هاذا طكها بضحكه خله ايده على
حلكه علمود يمنع ضحكته بس ماتوقف
ورجع يضحك
عمر:: ياخذ ابنج ومنو اسمر
ليان:: شبيك عمر هو هو كلي
عمر:: أي أي بله شنهو كلج
ليان:: كلي بس تجيبين الطفل اخذه منج
عمر بضحك:: اسمر كلج بس تجيبينه
اخذه منج
ليان:: اي هو كلي
عمر:: ولجج انتِ من كل عقلج مصدكه
بكلامه
ليان:: غير هوه كلي هيج
عمر:: وانتِ لأن كلج هيج كاعده اهنا
وتتبكبكين
ليان:: اهوو عمر روح ادخل جوا
عمر:: لحضه لحضه هاي شنووو
باوعت عليه وانتضره يحجي
تقرب باوع بوجهي ورجع صفك
أيد بأيد وطكها ضحكه
ليان:: شبيك عمر
عمر:: ولجج مخاطينج صارت اذب
باوعت عليه مصدمه من كلمته وصحت بي
ليان:: عمرر بعدددد لا تحاجينييي
عفته ومشيت باتجاه البيت بعدني جاي
امشي وهو اجه مشه بصفي رفع ايده
وكبل حضني وهو يضحك واني أريد
اوخره ماوخر دخلنا البيت جانو بعدهم
كاعدين على العشه باوعت أمي علينه
واردفت
أمي:: يله تعالو أكلو
ليان:: ماشتهي بعد
امي:: يايمه شكلتي انتِ
ليان:: هاي هيه بعد ماكدر اكل
عمر:: عوفيها على راحتها من تشتهي
انا اجيب الها من برا
امي:: براحتكم
كام أبوي غسل ودخل غرفته وامي
خطيه لمت لمواعين وكامت غسلتهن أما
حمزه على كعدته واصلا هو مااكل شي
ليش كاعد ماعرف التفت علينه وباوع
على عمر
حمزه:: عندك شي باجر
عمر:: لا
حمزه:: لعد تحضر باجر معزومين يم رسول
عمر:: شعنده رسول
حمزه:: ماااعرف انا
عمر:: خير أن شاء الله
عفتهم ورحت كعدت على القنفه اجه
عمر وهم كعد وحمزة هم كام غسل
وكعد يمنه صاحت امي عليهم
امي::تردون جاي
عمر:: لا
حمزه::لا
لتعبين
نفسج اذا نريد اتكوم
ست عموره تسويلنه الجاي
عمر:: ليش ماتكوم النه ست حموزه
حمزه:: انجب لك
عمر:: منو البلش لياااننن
باوعت عليهم وغميت نفسي على
سوالفهم بس ماحجيت شي ولا
وكفت وي واحد بيهم
ضلينه كاعدين وامي هم انضمت النه
بالكعده راح عمر طلع من البيت شويه
واجه شايل علاكه بيده وضل بالمطبخ
وبس صوت اجياسه ولمواعين ينسمعن
صاح عليه حمزه
حمزه:: شجاي تسوي الفاره بالمطبخ
عمر:: شعدها الفاره حاطه خشمها
اتناكرو وهذا بالصاله والثاني بالمطبخ
اجه عمر شغل التلفزيون ووجهه من
جهازه على كارتون سنافير باوعت
امي يمين يسار وكالت بستغراب
امي:: وينهم
عمر ليان حمزه:: منو همه
امي:: الجهال وينهم
ليان:: يمه ياجهال شنهي مخلفه غيرنه وماندري
باوعت على عمر وكالت
امي:: كل واحد بكد البعير ومطلعلي سنفوره
عمر:: روحي يمه روحي يم رجلج عوفينه
ماعليج بينه
ماحاجته بس هزت راسها وصدك راحت
الغرفتها دخلت وطبكت الباب
عمر:: اهلنا فلا ينكعد يمهم
شغله الفلم وراح المطبخ جاب كاسات
الكرزات وجباسه خلاهن بطبله ب الوسطى
ورجع جايب بيده قواطي وبطل عصير
اجه عليه وانطاني العصير
عمر:: مو زين عليج الغازات جبتلج عصير
ابتسمت واخذته من ايده ضلينا كاعدين
الوقت متاخر اخر شيء طفينه التلفزيون
وصعدنا فوك كل واحد راح لغرفته ينام….
وهيج مرت الايام الى أن بيوم خلصنه
ريوك واني جاي اغسل المواعين اندك الباب
محد موجود من الولد ولا أبوي بس اني
وامي بالبيت صحت على امي
ليان:: يمهههه الباب جاي ايدك
امي:: جيت جيت… وووينن شالي
جتي امي وهي تخلي الشال على راسها
طلعت تفتح الباب اني ضليت اغسل
بالمواعين دقائق ودخلت امي وهي تكول
امي:: شوفو منو اجانه
باوعت بيدها جمانه وايدها الثانيه شايله
بيها جنطه صغيره ضحكت وكلت
ليان:: يمه يمه بنيتي شنو هاذا الصباح الحلو
كبل رحت نشفت أيدي واخذتها من امي
ابوس بيها لأن حيل مشتاقتلها انتبهت
لامي إلي جانت تباوعلي كتلها
ليان:: منو جابها
امي:: اسمر
ليان:: اسمر… شعجب
امي:: رايح العياده مالته وريم راجعه العيالها
واكيد ماكدر يخليها يم سناء
ليان:: ماعرف بس الحمدلله جابها إلي
امي:: روحي يمه بصاله لضلين وي الطفله
بالمطبخ….. وهاج هاي حاجاتها
هزيت براسي بمعنى أي رحت عليها اخذت
الجنطه من ايدها ومشيت الصاله وخطيه
هيه كملت التنضيف
مخليه جمانه يمي على القنفه واكركر الها
جتي امي كعدت يمي
ضلت كاعده الحد
ماكسرت سكوتها وكالت
امي:: يمه ليان شعجب انتِ واسمر
علاقتكم مو هلكد
باوعت عليها استغربت شنو قصدها
ليان:: شلون يعني
امي:: انا ماعرف غير أدور الجؤاب منج
ليان:: ها ههه لا ماكو شي علاقتنه زينه
امي:: يمه خاف صاير شي احجيلي لضمين
عليه
ليان:: يايمه شنو مثلا يصير بس اني شوي هرمونات الحمل ماثره عليه وهو ملتهي
بعيادته….. ها ها ها اعترفوو مليتو مني
امي:: خايب دروحي ملينه منج شنو ولج
أنتي لو تعيشين العمر كله يمي ماامل منج
ليان:: هممممم شو مامصدكه اني
امي:: يايمه انا لاحضت علاقتكم مو شي
وانتِ هواي هاملته
ليان:: ههه شنو ليش هاملته
امي:: يعني يمه انتِ صح اخذناج علمود
انداريج وتصيرين زينه بس مو تجاهلين
رجلج وتهملينه من يجي اكله جوعان تعال
بات اهنا تعال نكعد يايمه صح بيت ابوج
هاذا بس بالنهايه اسمر رجلج ولازم تهتمين
باصغر تفاصيله
ضليت صافنه شحجي هسه مثلاً يمه اني
ماريده لو يمه هو بلاساس يكلي بس تولدين
اخذ الطفل خليت وضليت ساكته بس كتلها
ليان:: أن شاء الله
امي:: الحجي وياج ميفيد اروحن انضف
الطارمه احسلي
ليان:: يمه تعالي اكعدي يم جمانه واني
اروح اغسلها
امي:: لا ضلي انتِ يم البنيه
كامت وطلعت برأ ضليت اني يم جمونه
حياتي شويه وصارت تبجي سويت الها
ممه وخليتها بيدها ترضع كلت خلي تتعلم
هي تلزم ممتها بيدها شويه ودخل عمر من
برا أول مانتبه الجمانه فتح ايده وهو يكول بصوت عالي
عمر:: لكك هايي منوو يمنه وأنا اكول
البيت منور
ليان:: احنه كاعدين ترا
عمر:: وانتِ ياهو الحاجي وياج
ليان:: ها ها بعتني
عمر:: ابيعج وابيع عشيرتي واشتري جمانه
ليان بضحكه:: اعذرني مو للبيع
ضحكت واجه وخر الممه من حلك الطفله
وشالها يلاعبها كمت بسرعه واني احاجي
ليان:: عمر عوف الطفله لضل تخض بيها…..
ولك توها راضعه… يااا عمررر
ماسمع مني وضلي يفتر بيها واني افتر ورا واصيح بس مايسمع مني اخير شي صار
يشمر بيها بالهوى وهو يضحك ابتعدت عليه وخليت أيدي على خصري وضليت اباوع
عليهم بلاخير هو لازمها ورافعها ليفوك كومي وتقيئي عليه وعلى وجه ماتحملت الموقف
وكبل ضحكت
ليان:: هههههههه ولك عمررر شوف شصار بيكك
وخرها صفحه عنه وصاح بيه
عمر:: تجين تاخذيه لو شلون
ليان:: لا لا عوفها يمك بالنهايه هاي جنتك
عمر:: لياااننن
رحت كبل اخذته وهو دخل الحمام الجوه
وصاح عليه
عمر:: ملابسسس
ليان:: أي شبيك تصيح انتَ الشلتها تفتر بيها ماكتلك تعال شيلها
عمر:: بلا لغوه ليان
رحت اني هم غسلت الجمانه خطيه بسبب
عمر هيه هم اتلوصت ورجعت فرشت الها
بالارض وخليتها تلعب صعدت بسرعه بيه
مابيه الغرفه عمر جبتله ملابس ونزلت
دكت الباب عليه وانطيتهن إله دخلت أمي
من بره وباوعت الجمانه كالت
إمي:: يايمه ليش منومه الطفله بالكاع
ليان:: من صعدت فوك وخفت عليها
أمي:: وانتِ ليش صاعدة وعايفتها
ليان:: يطلع عمر ويسولف الج
وفعلاً طلع عمر وكعد يم أمي وضل
يحجي ويحجي بس اخير شي كالتله
أمي:: وانتَ شلون تفتر بالبنيه وهي
توها راضعه والله قليل السوته بيك
ضلينه نضحك على عمر إلي من اجه حمزه هم سولفله وابوي وحتى لمن كعدنه على الغده كال
عمر:: أنا بطلت جمانه مااخذها جنه لابني
خلص اليوم وي مغامرات عمر وجمانه
لليل وكاعدين كلنا بصاله حتى ابويه
اليوم كاعد دك الجرس وكام عمر يفتحه
كل بالي أسمر راح يدخل ويا مثل قبل
توترت شلون راح اباوع بوجه عدلت
كعدتي وجمانه بحضني تلعب بس فاجئني
من دخل عمر بوحده وباوع كبل عليه واردف
عمر:: اسمر يريد جمانه
أبوي بستغراب:: وليش مادخل
أمي:: ولك عمر روح صيحه
حمزه الوحيد ماحجه شي اجه عمر ديريد
ياخذ جمانه من حضني بس أمي استوقفته
أمي:: عمر تعال أنتَ اكعد هيه تطلع
على زوجهه.
وصدك عمر خله وراح كعد كمت إني
شايله جمانه مشيت طلعت برأ باوعت
عليه جان يفتر يروح ويرجع انتبه إلي
طلعت ضل واكف من بعيد يباوعلي تقربت
عليه ومن كل عقله راح انطي جمانه وإني
أصلا جنطتها ماجبتها وكفت مقابيله وابتسمت
ليان:: شلونك زوجي
اسمر:: شنو
ليان:: شنو شنو غير جاي اسئلك
على صحتك
اسمر:: شكرا أنا بخير…. انطيني جمانه
ابتعدت خطوتين ليورا وهوه استغرب
ليان:: ماسئلت على زوجتك إذا جانت زينه
اسمر:: هياتج واكفه كبالي كلش زينه
مايحتاج السؤال
ليان:: يله ماطول شفتني الله وياك
اسمر:: أي جيبي جمانه والله وياج
راد ياخذ جمانه بس كبل خليت أيدي
منعته من تقربه
ليان:: ابددد ولا تفكر
اسمر:: شنهيي
ليان:: مانطيها روح
اسمر:: وين أروح غير اخذ بنتي
ليان:: أي وكتلك مانطيها
اسمر:: وشنو هيه بكيفج… شو جيبيها
راد ياخذها من ايدي بس كبل صحت بي
ليان:: بس تتقرب اصيح ولم حتى
الجيران عليك
كتف اديه وباوعلي ولابتسامه مرسومه
على وجهه
اسمر:: أي وإذا صحتيهم
ليان:: مو اكول الهم ديريد يضربني
فتح عيونه بصدمه واشر على نفسه
اسمر:: أنا واضربج لا والحلو وين ببيت
اهلج أنتِ عاقله
ليان:: أهوووو اسمر روح هسه وخليها
الجمانه شعليك بيها
اسمر:: شنو شعليه بيها غير بنتي
ليان:: هسه افتهمنه بنتك قابل راح تكعد
عليها بنص اليل تسويلها ممه لو راح تكعد
من عز نومتك تسكت بيها لا
اسمر:: ليان جيبيها وبطلي هاذا التمسلت
نزلت دموعي بسرعه وصرت اشهك هوه
ستغرب من حالتي هاي وكبل اجه عليه
لزم وجهي.
اسمر:: ليان شبيج ليش تبجين
ليان:: خليها يمي والله ادير بالي عليها
اسمر:: خليها ولج خليها بس لا تحركيني
بهاي دموعج
رفعت راسي اله وابتسمت
ليان:: يعني راح تبقه يمي
اسمر:: دبقيها هسه إني على شنو محروم
من نومتي وانتِ تردين اسهرين عليها
ضحكت على كلامه هوه اخذ جمانه من
حضني وبوسها ورجعها إلي ودعني
وراح طلع
رجعت البيت الكل باوعلي وضل صافن بيه
ليان:: اسم الله شبيكم
أمي:: شعجب جمانه رجعت وياج
عمر:: هاي شسوين مرجعتها دنطيها
لابوها بلكي تتقيئ عليه
أبوي:: عمر
ليان:: كلت لاسمر خليها وخلاها
أمي:: يله لعد يمه روحي نوميها لتخليها
لوكت متاخر ترا تصير تتعود وهي طفله
وفعلاً اخذتها وصعدت فوك نومتها وإني هم نمت…….
وهيج مر شهر مرات اسمر
يأخذ جمانه يمه تبات مرات يمي
مرات مرات تضل أيام يمي ويمه
يوم واحد لأن مو مثل قبل ريم تهتم
بيها عمه سناء ماعليها بجمانه ولا تدخل
بيها وانقهر على اسمر لأن يريد بنته يمه
بس بنفس الوقت مايكدر هو إلي يهتم
بيها فاصارت دائما جمانه يمي وبس مره
ريم راحت الهم ضلت ثلاث أيام بهاي
الثلاث ايام جمانه يمهم وإني اشتاق
الها حيل
أمي عمر حمزه وحتى أبوي حيل تعلقو
بيها وبلاخص هسه لمن صارت تضحك
وتطلع صوت ومرات تكول أبا طايرين
بيها من الفرح إني دخلت بشهر الرابع
إلي سبوع وحملي زين خلصت علاجي
ورجعت على نفس الدكتوره وطمنتني إني
بخير والطفل هم جنت متحمسه هم أعرف
شنو جنسه لطفلي بس كالت “” كاعد كعود
مايبين “”
إني واسمر أحس علاقتنه شويه احسن بسبب جمانه صرنه هواي نلتقي ونكعد سوه ونسولف ونضحك جميع
ليث داخل السجن شنو وليش ماعرف
وبقضيه شنو محد يعرف بس متأكدة
مليون بالميه ذول الثلاثي الهم ايد بيها
كاعدين إني وامي وحمزه اشو
امي ضلت تباوع على حمزه وتضحك
اخير شي كالت
امي:: يمه دخل اخطبلك بنيه
وتزوج وافرح بيك
حمزه بابتسامه:: اخطبيلي خل افرح أنا هم
امي:: يمهه صدك تحجي
حمزه:: مجذب قبل
امي:: لعد مأطول قبلت أنا مخليه وحده بالي
ليان بستغراب:: مني يمه هاي
امي:: فريحه بنت علي أخو سناء….
يتبعععع. ……
…..
الكاتبه ضحى اليوسف
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.