رواية ملاكي الحارس الجزء الثاني 2 – الفصل الرابع
رواية 
ملاكي الحارس2 part 4
ملاكي الحارس2 part 4” {مِن اللامنطقيّة أنّ خُيوط الشمس التي تبعُد عن كوكبنا ملايين الكيلو مترات تأتي إليّ كُل صباح، وأنتِ لا تأتي ” 
}
}♡ صباح اليوم التالي ♡
كان الجميع نائمآ في حالة هدوء ماعادا آسر وجميله أولاد هشام وجانيت
آسر بهمس لشقيقته : زي ما اتفقنا اعملي اللي قولتلك عليه دا لو عايزه تشوفي ماما
جميله : ايوه بس احنا منعرفش مامي فين
آسر : سمعت عمي جيمي بيقول إنها بتنام في متجر الحلوى
جميله : خلاص حاضر هعمل اللي انت قولتلي عليه
قاطع حدييهم دخول بيري إبنة بيرلا وفؤاد وهي تضع يدها بجيب فستانها القصير وتقف أمامهم ببرود
آسر : نعم ؟ ما تيجي تاخديلك صوره ؟
صنع بالون بالعلكه الخاصه بها ثم قالت ببرود : بتعملوا ايه في المطبخ الصبح
جميله بإستفزاز : وانتي مالك
آسر : متتكلميش يا جميله طول ما انا واقف ، اه صحيح انتي مالك ؟
بيري : عندك حق انا مالي بيك وبأختك الغبيه
جميله : والله ما في غبيه غيرك ومتغاظه عشان لوحدك وانا ليا أخ
بيري وهي تلتقط حليب الفراوله الخاص بها : ما انا كمان هيبقى عندي أخ
ثم ارتشفت القليل منه وأكملت : أو أخت لسه هفتح بطن ماما وأتأكد
آسر : يعني مامتك حامل ؟
بيري : أها مش هبقى لوحدي بعد كدا
أغلقت غطاء الحليب الخاص بها ثم قالت : يارب اللي يشرب من بعدي يتسمم
جميله : ماهو اكيد اللي هيشرب من بعد هيتسمم
آسر بسخريه : هق هق هق
نظرت لهم بيري بإستعلاء ثم صعدت لغرفتها فيما قال آسر لجميله : يلا هبدأ دلوقتي
♡ بعد خمس دقائق ♡
جميله تصرخ وتبكي وهي تركض لغرفة والدها هشام الذي كان نائمآ عاري الصدر
أيقظته وهي تبكي : بااابي الحقني آسر ضربني يا باابي
قام هشام وهو يفرك عينيه ثم قال : إهدي يا بابا تعالي في حضني طيب
إحتضنها ثم صرخ بصوت عال : آسر !!
جاء آسر ووقف بأدب أمام والده ف قال هشام بغضب : إزاي تمد ايدك على أختك الصغيره ؟
آسر : عشان شتمتني يا بابا
هشام : شتمتك تيجي تقولي اجبلك حقك بس تمد ايدك عليها لا انت فاهم !
آسر بحزن : حاضر أسف
قامت جميله وخرجت خارج الغرفه ووراؤها آسر فيما تمدد هشام على الفراش مره أخرى بإرهاق وقرر أن يقوم ليأخذ حماما ساخنا
♡ في غرفة فؤاد ♡
دخلت بيري يهدوء ووجدت والديها لازالوا نائمين ف أيقظت والدتها
بيري : مامي اصحي ! يا مامي اصحيي
قامت بيرلا بإرهاق وهي تقول : قولتلك مليون مره متخبطيش ع بطني كدا بتوجعني
بيري : انا جعانه
أفاق فؤاد وقام وهو ينظر لساعة يده ف قالت بيرلا : أمال لو مكنتيش واكله بيتزا أد كدا إمبارح !
بيري : أيوه دا امبارح احنا دلوقتي الصبح
فؤاد : خلاص يا بابا انا هعملك اكل عشان ماما تعبانه
بيرلا بشك وهي تنظر لإبنتها : أمال ايه اللي على بوقك دا يا بيري ؟ شربتي حليب فراوله الصبح على بطن فاضيه !!
فؤاد : خلاص يا بيرلا اهدي
بيري : كنت جعانه
بيرلا : ربنا يرحمني من برودك يا شيخه اللي معرفش ورثاه من مين
ضحد فؤاد بصوت عال : ههههههه قال متعرفش ورثاه من مين
ضربته بيرلا على يده بغيظ بينما هو ظل يضحك
♡ في غرفة جيمي ♡
كان يجلس على كرسي مكتبه الخاص به بينما تجلس مارال على الفراش وهي تمشط شعر إبنتها وتقول : كويس انك قررت تشتغل من البيت
جيمي : أه كويس عشان الناس اللي بتقعد تقول ( يقلد صوت مارال ) مش بشوفك غير ساعتين في اليوم انا مضغووطه
مارال : بتتريق؟ ما دا اللي بيحصل فعلآ عشان كدا كويس انك نقلت شغلك للبيت
كاد أن يدخل طرف الخيط في الإبره ف جاء إبنه الصغير وفرقع بالونآ بجانب والده ف انتفض جيمي ووقع الخيط والإبره ف قال بغيظ : اه يا قليل الادب يا عديم التربيه
ثم قام ف اختبيء الولد خلف مارال التي قالت : خلاص معلش طفل بيلعب معاك
جيمي : وسعي بقولك !
مارال : لا مش هوسع يا نهار اسود عايز تضرب الولد ! سيبه هربيه بطريقتي
جيمي : وسعي يا مارال بدل ما أسيبلك البيت
مارال بعناد : لا مش هوسع وانت مش هتسيب البيت
دغدغها جيمي ف ضحت وظلت تنتفض بينما قال ابنها : يا مامي خبيني انتي هتضحكي لسه
بينما ظل جيمي يدغدغ مارال وهي تضحك بسعاده
♡ في غرفة هشام ♡
إرتدى بدلته السوداء ووقف يضع العطر المفضل له أمام المرآه ف وجد الباب يطرق ف رد قائلآ : إدخل
دخل آسر وبرفقته جميله ف قال آسر : بابا ممكن أخد جميله لله بالعجله في شوارع البندقيه وأشتريلها كب كيك ؟
هشام : ممكن بشرط تاخد بالك منها ومتتأخروش
آسر : أوعدك
هشام : معاك فلوس ؟
آسر : أه معايا
هشام وهو يضع يده بجيبه : خد دول كمان
آسر بخجل : خلاص يا بوب معايا
هشام بضحكه قصيره : خد يا ولد !
أخذها آسر ثم امسك بيد جميله وركضوا للخارج
♡ في متجر الحلوى ♡
كانت جانيت تأكل ساندويتشآ قد اشترته ، شهيتها مفرطه الى حد كبير ولا تعلم السبب ربما الحمل ! وبينما هي تأكل لمحت من خلف الزجاج طفلين يقتربان من المتجر وما ان دققت النظر حتى وجدتهم آسر وجميله ف قالت بسعاده : يا الله شكرا يا الله
ثم قامت وفتحت باب المتجر وسحبتهم الى الداخل بدون ان تغلق الباب وهي تحتضنهم : وحشتوني اوي يا روح مامي بتاكلوا كويس ؟ عمتو بيرلا بتأكلكم ؟ بابا بيعاملكم ازاي !
جاء لينطق آير ف سبقه صوت رجولي هاديء قائلآ : أبوهم بيعاملهم أحسن معامله ، دا حتى انا عارف انهم كانوا هيجولك وسبتهم ممنعتهمش في اب حنين زيي كدا يا جانيت ؟
ارتعب آسر وجميله عندما رأوا هشام والدهم يقف أمامهم وبفمه سيجار فاخر
جانيت : وحشتهم وكانوا عايزين يشوفوني
هشام : هترجعي البيت بس هتتحبسي فوق لحد ما ييجي معاد اننا نروح مقر المافيا واواجهك بيهم
جانيت : مش هروح في حته
اقترب هشام منها وهو يقول بصوت غامض مخيف : مسمعتش ؟
جانيت وهي تشم رائحة عطره أصابها غثيان ف قالت : مش ه ر و
ثم استفرغت ، نظر لها هشام بصدمه وهي تجلس على ركبتيها وتستفرغ بينما جلس جميله وآسر بجانب والدتهم ليطمئنوا عليها
الفصل التالي اضغط هنا
يتبع.. (رواية ملاكي الحارس الجزء الثاني 2) اضغط على اسم الرواية لتجد الفهرس كاملاً بجميع الفصول.