رواية ملاكي الحارس الجزء الثاني 2 الفصل الخامس 5 – بقلم نهله جمال

رواية ملاكي الحارس 2 part 5

{ ولكنني والله أصبحت أخاف كثيرآ ، أشعر أنني فقدت ذلك الضلع الذي يحميني ويخاف على قلبي من أذى الحياه ، أصبح أشد قسوه من الحجاره }

♡ في متجر الحلوى ♡

قامت جانيت وهي تمسح فمها وأمسكت بأدوات التنظيف لتزيل الاستفراغ ف قال هشام : شكلك خدتي برد ابقي اتغطي بالبطانيه اللي جبهالك جيمي كويس

نظرت له جانيت بعدم إستيعاب ثم قالت : ولما انت متابعهم كدا ايه جابك انهارده ؟

هشام : عشان لازم اخدك معايا مقر المافيا ، لازم اواجهك بيهم

جانيت بتصميم وهي تقترب منه : مش هيحصل يا هشام انا مش هروح

شرد قليلآ بعيناها المرسومتين ك أمواج البحر ، غرق في التفاصيل الصغيره بعيناها ف إبتسمت هي رغم عنها ولكنها سرعان ما أعادت وجهها لوضعه الطبيعي ف قال هشام وهو يتنهد : هيحصل لا إلا وتربة هيلين ما هتشوفي ولادك نهائي

وضعت يدها على فمها وهي تنظر له قائله : من إمتى وانت قاسي كدا يا هشام ؟

هشام بعناد : من انهارده لو حكمت ! انتي انسانه خونتي حوزك المفروض بيتي كله يكون في أمانك طول ما أنا برا مش تروحي تاخدي ورق من مكتبي تديه للكلاب دول !

جانيت : هاجي معاك يا هشام بس بشرط

وضع هشام يده بجيبه وهو يقول : ليكي عين تتشرطي ؟

جانيت : مش حابب تسمعه

هشام : أحب اوي

جانيت : تطلقني

هشام بابتسامه : جميل جدا ، موافق ، بس يا ترى هتقدري تعيشي من غير ولادك ؟

جانيت وهي تقذف بالمكنسه وتصرخ بوجهه قائله : انت ايه يا اخي معندكش حد غير ولادي تهددني بيه ؟

هشام : وطي صوتك ! أمال انتي مستنيه ايه أسيبهم ليكي بعد الطلاق ؟

جانيت : انت حقير

هشام : ما انتي معرفتنيش في مسجد ولا كنيسه دا انتي عرفاني وانا بقتل وبشتغل مع مافيا طبيعي لو ابويا نفسه خاني هعمل معاه كدا ويلا بقى عشان استنيتك كتير

هذبت شعرها بيدها ومسحت عيناها من الدموع المعلقه بهم ثم قالت : ماشي يلا

أمسكت بأكفالها وخرجت خارج متجر الحلوى فيما أمسك هشام بالباب واغلقه ووضع مفتاحه في جيبه

جانيت باعتراض : مفتاح ال ..

قاطعها : شششششش هتبقي تاخديه لما نخلص المشوار

جائت لتركب في الخلف في السياره ف أغلق هشام باب سيارتها بقوه ثم قال وهو يقترب منها : اوعي تحاولي تستفزيني ! انا مش سواق الهانم !! اركبي قدام من غير شوشره وبهدوء كدا يلا يا حلوه

ركبوا الاطفال بالهلف بينما ركبت جانيت بجانب هشام ، ركب هو في مقعده ف أصدرت السياره صوت أن عليه ربط الحزام ف ربطه وجاء ليربطه لجانيت ف ضغط على بطنها بقوه ف صرخت بألم : اااه

نظر لها هشام بشك ف غضت شفتها السفلى قائله : عندي برد في معدتي ف بتوجعني ياريت يكون ضغطك ع الحزام بالراحه شويه

هشام وهو يعتدل في مقعده : ماشي

….

♡ في غرفة بيرلا ♡

فؤاد : قولتلك مليون مره لازم اروح

بيرلا : وانا وبيري وابنك اللي لسه هييجي

فؤاد بغضب : انتي عايزه تخليني افقد اعصابي ؟ صح !! هو ابني اللي لسه هييجي دا مين اتخابث وحمل فيه

جلست بيرلا على الفراش ثم قالت : يعني ايه ؟ يعني اسقطه !

فؤاد : انا مش زباله عشان اقتل روح دا ابني وانتي مراتي عادي ! بس بفهمك انه مكنش وقته ومشوار مقر المافيا دا انا لازم اروحه تمام ؟

بيرلا : انت ليه بتكلمني ع انك رايح تتفسح ! دول مافيا مش ساهلين الله اعلم هيعملوا فيكم ايه !

فؤاد : سيبيها على الله

جائت بيري لتقف بجانب والدها ثم قالت : بابا مش هتعملي المرجيحه بقى

فؤاد : هعملك احلى واحده في الجنينه بس سيبينا دلوقتي عشان بتكلم مع ماما

بيرلا وهي تأخذ منشفه : لا وعلى ايه ما الكلام خلص انت مصمم تروح هناك روح عشان يبقى جوزي واخويا في يوم واحد

جلس فؤاد على الفراش بغضب وهو يقول : مش فاهم انتي بتقدمي الشر ليه ولا دي هرمونات حمل بتخرجيها عليا !

بيرلا بصوت واضح من الحمام : خلاص انتهى !

بيري لوالدها بهمس : بابي

فؤاد : همم

بيري : طلقها احسن

فؤاد : ههههههه ..

…

♡ في غرفة مارال ♡

كانت تمسك بالصحن وتطعم ابنها ، تبرد له الاكل تاره وتطعمه تاره اخرى ، خرج جيمي من الحمام وهو يجفف شعره بالمنشفه : انا عايز شوربة كريمه انهارده بما انك هتروحي السوق

مارال : ما انا خلاص جبت الحاجه مقولتليش من الاول ليه

جيمي بغضب : يعني ايه يا هانم خلاص مش المفروض تساليني ؟ وبعدين الفرش دا متغيرش من امبارح ليه

مارال بهدوء : عشان بأكل الولد ، اه انت عايز تتخانق عشان تغطي ع موضوع انك تروح مقر المافيا معاهم صح؟

جيمي : لا مش صح

تركت مارال صحن الطعام وهي تقول : لا بقى صح وانا لسه عند رأيي انك مش هتروح

جيمي : والله حلو دا ست تمشي كلامها على راجل لا انا هروح يعني هروح وياريت متفتحيش الموضوع دا

نفثت مارال بعنف ف حذف المتشفه عليها وهو يقول : وغيري الفرش بتاع السرير قولت

مارال بغضبب : الله !

♡ في حديقة المنزل ♡

صف هشام سيارته ف نزلت جانيت وأنزلت أطفالها وسارت باتجاه المنزل ف قال هشام بغضب : جانيت !

وقفت هي بينما دخل اطفالها المنزل ف قال : هنام في اوضة هيلين ونامي انتي مع عيالك في الاوضه ودا رحمه مني ليكي

جانيت بسخريه : لا كتر خيرك

أمسك هشام بذراعها بقسوه ف صرخت : اااه

هشام : انا ماسك نفسي عنك وعن اني اهينك بعد اللي عملتيه ودا مش عشانك دا عشان ةلادنا بس لكن انا صدمتي فيكي كبيره

تملصت من بين يداه وركضت لداخل المنزل ف دخل وراؤها وأغلق الباب ..

♡ في المساء على طاولة العشاء ♡

أنهى هشام وجيمي وفؤاد طعامهم وظلوا منتظرين بينما قال هشام : سنه لحد ما الست هانم تحن علينا وتخلص لبس

فؤاد : بالراحه عليها يا هشام مش كدا

ثم قال فؤاد موجهآ حديثه لزوجته بيرلا : وانتي افردي وشك دا شويه المشوار مش ناقص نكد

بيرلا : اللي انت صممت تروحه ؟ هه

كان جيمي يشرب الحساء ومارال تنظر اليه ف شعر انه سيستفرغ ف قال : انتي بصالي في اللقمه ليه ؟

مارال بنكد : بذمتك ليك نفس تاكل وانت رايح لثتالين قتله برجليك

ترك الملعقه الخاصه به ثم قال : خلاص شكرا نفسي اتسدت ، مبسوطه يا مدام ؟

وبينما هما يتحدثون سمعوا صوت حذاء على الارضيه الناعمه ومن الواضح انه حذاء عالي ، رفع هشام عيناه ببطء وهو ينظر لجانيت وكأنه يراها للمره الأولى ! كانت جميله للحد الذي لا حد له حتى انه بمجرد ان رأها كان يريد ان يخبأها من أعين فؤاد وجيمي .

رأيكم ؟ وتوقعاتكم واكمل ولا لا ؟.