رواية ملاكي الحارس الجزء الثاني 2 – الفصل الرابع عشر
البارت بعنوان / إقامه إجباريه “
هشام محاولآ تدارك الموقف : فكروا فيها شويه ! مقدمناش أي حل تاني احنا هربانين من كريستوفر عشان نخطط وننتقم منه ودي البلد الوحيده اللي مش هيعرف يوصلنا فيها عشان كبيره جدا
فؤاد : أيوه يا هشام بس العيشه هناك صعبه زي ما بنسمع !
هشام : اللي عنده حل تاني يقول
نظروا جميعهم لبعضهم البعض بإنكسار ف ابتسم هشام قائلا : عظيم
دخل هشام ليأخذ زوجته ف استندت بيرلا بياس على مقدمة السياره وهي تضع يدها على فمها بإرهاق
فؤاد بقلق : انتي كويسه يا حبيبتي ؟
بيرلا بابتسامه مصطنعه : أووه أكيد كويسه احنا أفضل حال من غيرنا
جيمي بضيق : انا مش عاوز أروح هناك
بيرلا : بلس ون يا جيمي ، بس هشام قال اللي عنده حل يقوله ، كريستوفر مش سهل نصفيه دا ثعبان
خرج هشام وهو يحمل زوجته التي أفاقت بإرهاق ف ما أن رأوها حتى قالوا بسعاده : حمد الله على السلامه
جانيت بإرهاق : ميرسي
هشام بهمس لجانيت : هروح أجيب حجات ناكلها للطريق مع جيمي وفؤاد ، بيرلا هتقعد معاكي في العربيه لحد ما نرجع
جانيت : اوك يا حبيبي
قبل هشام عنقها ثم وضعها في السياره واغلقها بينما جلست بيرلا معها حتى عودة هشام
فؤاد : مش فاهم هنجيب ايه
هشام وهو يسير بإتجاه المتجر : مش عاوزين نجيب اي خبز أو حاجه هو بس عصاير وألبان وممكن كيكه للأطفال
جيمي : والأكل ؟
هشام : من مطاعم بقى هنلاقيها ع الطريق
جيمي : هولي شيت ! ع كدل لما نوصل مصر هناكل فول
هشام بضيق : يلا لو سمحتوا يلا خلونا نخلص
♡ في سيارة هشام ♡
بيرلا لجانيت : معرفش جوزك بيعمل ايه
جانيت بصدمه : إيجيبت ! يعني مش هنرجع البندقيه تاني ؟
بيرلا : جانيت هنرجع اطيد بس الفكره هنعيش فين في مصر وهنعمل ايه والناس هيتقبلونا ولا لا
جانيت بإرهاق : كل دا همك ؟ أنا ع الاولاد خايفه ميرتاحوش
بيرلا : سيبك من الاولاد ، احنا لسه منعرفش مصيرنا ايه
جانيت : المهم اني مع هشام ، انا ف أي حته معاه هكون كويسه
♡ في سيارة جيمي ♡
كانت مارال ترضع صغيرها ولكنه كان يرفض ويبكي
اعتدلت في جلستها وقالت : في ايه يا مامي انا كدا هبرد هتاكل ولا لا ؟
ظل يبكي ف تأففت مارال وهي تخرج هاتفها وتتصل على جيمي
♡ في المتجر ♡
كان جيمي يتفحص تاريخ الصلاحيه الخاص بالمنتج ف امسك بهاتفه ورد قائلا : هالو
مارال : ابنك مش ؤاضي يرضع لا على سما ولا على ارض وبيعيط ، عايزه زبادي علبه وبسكويت بس يكون رقيق وعسل
جيمي : شوفي كل اللي انتي محتجاه عشان اجيبه
مارال : هو دا بس يا حبيبي ، وهاتلي أنا مياه فواره
جيمي : أوك اقفلي العربيه عليكي كويس ، باي
مارال : باي
ما ان انتهوا من التسوق حتى حاسبوا على الأغراض ووضعوها في السياره وركب كل منهم برفقة زوجته في سيارته
أدار هشام السياره وهو ينظر لجانيت قائلآ : أفتحلك حاجه تشربيها ؟
نظرت له جانيت وهي تقول : مش عاوزه اروح مصر يا هشام
وضع هشام يده على المقود وهو يقول : حبيبتي ، مقدر انك عمرك ما روحتيها وانك اكتسبتي لهجتك من والدتك ، بس صدقيني احنا مضطرين ، اقفي جمبي !
اقتربت منه جانيت ثم قبلته ، ظل ينظر اليها ثم نظر للخلف وجد الأولاد نائمون ف ابتسم لها ثم انطلق بالسياره
♡ في سيارة جيمي ♡
كان ينظر لمارال وهي قد خلطت البسكويت بالزبادي بالعسل وتطعم صغيرها ف قال بطفوليه : ما تدوقيني يا مارال
مارال بصدمه : نعم ؟ ادوقك ايه دا سيريلاك مينفعش
جيمي : يعني ايه مينفعش يا هانم ؟ هما كاتبين على ظهر العلبه ممنوع لجيمي ومن هم في سنه ؟
مارال بضحك : انت بجد عاوز تدوق ؟
جيمي : ليه لا !
مارال : يا صغنن ! طب خد
أخذ جيمي منها وتذوقه ثم قال : واو ، من زمان مكلتش حاجه عجبتني كدا
مارال : ربنا يصبرني ، طب انا جعانه هنقضيها عصاير طول الطريق ؟
جيمي وهو يدخل ويقود : خلينا نشوف مسيو هشام هيخلينا نتغدى فول ولا طعميه
مارال : أه ابتدينا هتقعد تتكلم بالطريقه دي وتكرهنا في السفريه
جيمي وهو ينظر لها بنصف عين : مارال حبيبتي عاوز افهمك حاجه ، احنا هنروح نتنيل نقعد هناك مش رايحين سفاري نتفسح وكدا ؟
نظرت له مارال بضحك ولم تجبه ف نظر امامه حتى لا يفتعل مشكله معها
♡ في سيارة فؤاد ♡
فؤاد : خرجي من شنطتك الباسبورات عشان احنا وصلنا لنقطة تفتيش بوابة البندقيه
بيرلا بحزن : هتوحشني البندقيه !
التقطت حقيبتها وأخرجت الباسبورات
♡ في نقطة التفتيش ♡
الشرطي لهشام : إلى أين
هشام : إيجيبت
الشرطي : هل ضمنت أن السفر بالسياره أمن على الأطفال ؟
هشام : بكل تأكيد يا سيدي
نظر الشرطي داخل سيارتهم ثم قال : رحله سعيده نتمنى لكم العوده مره أخرى
هشام : أنا أيضآ أتمنى ذلك
سارت سياراتهم ، لمدة ثلاث أيام حتى وصلوا إلى الميناء المسمى ب نويبع الخاص ب مصر
دخلت سياراتهم بهدوء ف وجد هشام ثلاث رجال يرتدون الزي الأبيض يقتربون من سيارته قائلين : الرخص ! وهم يشيرون بيدهم !
أخرج هشام أوراق السياره وأعطاها للشرطي الذي نظر بها ثم نظر داخل السياره قائلآ : وجايين منين ؟
جانيت بإرهاق : italy
نظر لها الظابط وهو يقول : ما هو الجمال دا مش مصري برضو
هشام برفعة حاجب وقد كان على وشك أن يفتعل مشكله قائلآ : كيس جوافه انا ؟ ولا انتوا هنا مبتتكلموش مع رجاله ؟
الشرطي : يا باشا نورتوا مصر والله وكل سنه وانت طيب
هشام : وانت طيب ، عندكم مناسبة عيد هنا في مصر ؟
الشرطي : يا باشا كلك نظر كل سنه وانت طيب طالما ورقك سليم
هشام قد اخرج من جيبه ورقه بمائه جنيه قد بدل الأموال من الصيرفه لجنيهات مصريه وأعطاها للشرطي الذي ابتسم وقال : افتح البوابه للبشوات
مرت السيارات وقاموا أخيرآ بدخول مصر
جانيت بدوخه: الجو حر اوي ، هشام افتح التكييف
أغلق هشام النوافذ وفتح مكيفات السياره وهو يقول : كويس كدا ؟
جانيت : جميل أوي ، هنوصل الفندق امتى ؟
هشام : هههههه فندق ؟
جانيت بصدمه : أمال هنقعد فين وننام فين
هشام : هنأجر في حته مش معروفه ، عشان كريستوفر انتي نسيتي !
♡ في سيارة فؤاد ♡
بيرلا بإعتراض : يعني ايه حته مش معروفه ؟
فؤاد : هشام اللي طلب عشان كريستوفر اكيد هيبعت رجاله تدور علينا مينفعش نكون في فنادق او في حتت معروفه ، ممكن منطقه بسيطه
♡ بعد مرور ثلاث ساعات ♡
كانت جانيت قد غفت بينما صف هشام سيارته وقال بهدوء وهمس : جانيت ، اصحي يا حبيبي
استيقظت جانيت على عينا هشام العسليتين ف ابتسمت بهدوء وهي تقول : احنا فين
هشام بهمس : متهيألي تشوفي انتي بنفسك
التفتت جانيت للنافذه وهي تنظر لها بإبتسامه وسرعان ما بهتت ابتسامتها وهي تستوعب ، اعتدلت في جلستها بقوه وهي قلبها يخفق بقوه وتقول : ايه دا
نزلوا جميعهم من السياره ، ينظرون حولهم بتعجب
اقتربت بيرلا من إحدى البنايات تتفحص حائطها وفي ثوان قليله كانت قد نزلت على رأسها مياه ف نظرت للأعلى بصدمه بينما قالت المرأه الشعبيه : يختاااي يقطعني كل يوم أبل حد كدا ، هي مياه الغسيل بهدلتك ؟
بيرلا : are you a fu**in crazy !
فؤاد : اهدي بس
بيرلا : اهدى ! شيييت
جانيت بهدوء : هشام متفقناش على كدا مينفعش نقعد هنا
هشام : لو مش خايفين على ولادكم تعالوا نطلع من هنا
كان جيمي يقف وهو يرتدي قبعته السوداء ف جتء طفل غير مرتديآ بنطال ووقف أمامه ف قال جيمي بصدمه : انت ازاي نزلت كدا ؟ فين الشوز بتاعك كمان
قالت مارال بشفقه : يمكن طفل مشرد يحراام
فجأه وجدوا سيده ترتدي جلباب منزلي وتقترب من الطفل وهي تمسك ملابسه الداخليه وتلبسه وتقول : بتجري ليه وانا بشطفك يا ابن الكلب ؟
وضع جيمي يده على اذنه ثم قال بغضب : مش عاوز اسمع ولا اشوف تلوث اطتر من كدا بليز !
.
الفصل التالي اضغط هنا
يتبع.. (رواية ملاكي الحارس الجزء الثاني 2) اضغط على اسم الرواية لتجد الفهرس كاملاً بجميع الفصول.