رواية سقطت كالنجمه بقلبي وأنارته – الفصل التاسع
أقترب قليلآ وإنظر داخل عيناي ، هل رأيت ذلك الألم لإنني أحبك وأنت لا تشعر ؟ ●
○ في مطار ألمانيا ○
وصل هشام ونيروز ألى فندق الإقامه ف قالت نيروز : بليز قول اللي كنت هتقوله في الطياره
هشام بتوتر : بصي من الاخر ملقيتش غير غرفه واحده فاضيه ملقيتش غرفتين ف هنضطر أنا وأنتي ا ..
ولم يكمل حديثه حيث قاطعته نيروز بغضب وصوت عال : نضطر نقعد مع بعض في نفس الاوضه ؟ في احلااااامكك انت اصلا مش عاجبني من ساعة ما ركبنا الزفت الطياره
هشام : شششش وطي صوتك شويه في ايه
نيروز : اتفضل روح للإستقبال إتصرف لا إلا أقسم بالله ما هطلع أي حته وهقعد هنا
هشام بغضب : إنتي هتهدديني ولا ايه ؟ مبعرفش اتكلم ألماني انا
نيروز بصوت عال : اااه قول كدا دي حجه جديده دي ولا ايه
هشام : ششش قولتلك وطي صوتك اتفضلي اتكلمي معاهم انتي بنفسك عشان تتأكدي اني مش بكدب
اقتربت نيروز من الاستقبال وحدثتهم باللغه الانجليزيه : مساء الخير ، كان زوجي قد حجز غرفه للإقامه ولكنني أفضل الجلوس بغرفه بمفردي
الاستقبال بإبتسامه : مساء النور سيدتي ، نأسف لإنه لا توجد غرفه فارغه
نيروز بغضب : ماذا تعني ب لا يوجد ! هل هكذا تتعاملون مع زبائنكم
هشام وهو يسحب نيروز من يدها : هتفضحينا هنا شكلك صح ؟
نيروز : لا اوعى كدا معلش خليني اشوف اللي بيقول مفيش دا
هشام وهو يسحبها للأعلى : الراجل مش هيطرد الناس عشان يقعد سعادتك اتفضلي بقى معايا
○ بعد مرور ربع ساعه في الغرفه ○
كانت نيروز تجلس على الفراش وتهز رجليها ف قال هشام : بطلي تهزي في رجلك وترتيني !
نيروز بغضب : انت تسكت خالص انت منطقتش كلمه واحنا تحت
هشام وهو يفتح أزرار قميصه : الراجل قالك مفيش زفت فاضيه ! مش عافيه هو مش هنضرب الناس
نيروز وقد قامت وقالت بصوت عال : انت مجنون بتعمل ايه !
هشام : وطي صوتك مش هقول تاني ! بهبب ايه يعني بقلع القميص الرحله متعبه وعايز ارتاح
نيروز بغضب : لا خد بالك احنا هنقعد هنا مع بعض !
هشام : ايوه ايه المطلوب أنام بالقميص ؟
نيروز : هيهي خفه لا تقلع لما انا أخرج
هشام : طب اتفضلي اخرجي عشان أقلع
نيروز بصدمه : أنت بتطردني عشان ماليش أوضه انام فيها
هشام وقد اتسعت عيناه : لا انتي مجنونه بجد انتي عايزه تجيبي اجلي صح
نيروز : انا هدخل الحمام تكون غيرت هدومك
هشام : اتفضلي
○ بعد عشر دقائق ○
خرجت نيروز من الحمام ووجدت هشام قد بدل ملابسه وتمدد على الفراش ف قالت : نعاااااام !
انتفض هشام وقال : الله يخربيت عيشتك كنت هقطع خلف
نيروز : تقطع ولا متقطعش انت جاي تنام هنا ولا ايه هو انت دولفين هتنام دلوقتي ؟
هشام بتماسك : استغفر الله العظيم ، اه هنام لو مفيش عند سعادتك مانع
نيروز بغضب : لا احنا جايين نتفسح مش ننام
هشام : ما انتي لازم تقولي كدا طول الطريق في الطياره وانتي نايمه هتحسي بيا ازاي
نيروز : اتفضل اتصرف لا الا والله اشغل اغاني بصوت عالي واقلق منامك
هشام : هقوم اتنيل البس ، مش عارف ربنا بيعاقبني على ايه انا طول عمري كنت كويس مع الناس
دخل هشام الحمام الملحق بالغرف ليبدل ملابسه
○ بعد ساعه في مطعم على البحر ○
نيروز وهي تأكل : امممم الاسباجيتي بالجبنه تجنن ، تاخد حته ؟
هشام بإرهاق : شكرا مش عايز
وضعت نيروز الشوكه بعنف اصدر صوت عال ف انتفض هشام بعد ان كان ينعس ف قال : انتي مجنونه ! في ايه مالك
نيروز : انا اللي فيه ايه انت جايبني تطفحني اللقمه !
هشام : انتي قولتي جعانه ف جبتك هنا ايه المشكله
نيروز : المشكله انك لاوي بوزك معرفش على ايه
هشام : يمكن عايز أنام مثلا ؟
نيروز : واللي عايز ينام دا مش بتغدى عشان ينام مرتاح ؟
هشام : هاكل حاضر
إنتهوا من طعامهم وقاموا ليتجولوا قليلآ
○ في غرفة الفندق ○
دخل هشام برفقة نيروز الغرفه ف جلست على الفراش وهي تخلع حذائها وتقول : يااااه ع التعب بس يوم جميل فعلا البلد هنا حلوه اووي
هشام بنعاس : اه فعلا وسعي بقى عشان انام اديني عملتلك اللي انتي عيزاه اهو
نيروز بصوت عال : ايييييه
انتفض هشام وقال : بقوولك ايه مبحبش الصوت العالي
نيروز : انت قليل الذوق اساسا عايز تنام ع السرير وانا اترمي ف اي داهيه ؟
هشام : ما تنامي جمبي هو انا هاكلك مثلا ؟
نيروز : اييووووه كدا بان على حقيقتك انت بتجيبني واحده واحده !
التقط هشام وساده وغطاء وذهب ناحية الاريكه وقال وهو ينام : لا واحده ولا خمسه انا هتخمد هنا اشبعي بالسرير
تمددت نيروز على الفراش وهي تقول : أيوه هشبع بيه يسلاام ع الراحه
○ صباح اليوم التالي ○
أستيقظ هشام ودخل الحمام ثم خرج نظر للفراش ف لم يجد نيروز ف قرر أن يلبس ملابسه وينزل ليسأل عنها الإستقبال
هشام : صباح النور ، هل رأيتم زوجتي التي أتيت إلى الفندق معها ليلة أمس ؟
الاستقبال : صباح النور سيدي ، نعم زوجتك في البوفيه المفتوح منذ نصف ساعه
هشام بإتساع أعين : يا ستار يارب
أتجه هشام إلى البوفيه ف أقترب ووجد نيروز تجلس وأمامها صحن الإفطار وكوب من العصير ويجلس معها رجل أمامه نفس الصحن ونفس كوب العصير
ضغط هشام بقوه على يده وهو عيناه مرتكزه عليهم وقرر أن يقترب منهم ..
الفصل التالي اضغط هنا
يتبع.. (رواية سقطت كالنجمه بقلبي وأنارته) اضغط على اسم الرواية لتجد الفهرس كاملاً بجميع الفصول.