رواية سقطت كالنجمه بقلبي وأنارته – الفصل الثامن
عن فيروز لما حكت : في أمل ؟ إيه في امل 
●
●○ في منزل هشام ونيروز ليلآ ○
هشام وهو يجلس بالصاله وبجانبه نيروز على الأريكه : مقولتليش كلمتي ماما ف إيه ؟
نيروز : حاجه بيني وبينها
هشام : لو عاوز اعرف هعرف ! ف مش فاهم ايه الجو دا
نيروز : هي في حجات مينفعش تتقال قدام الرجاله
هشام : ما علينا جهزتي الشنط ؟
نيروز : أفندم ؟
هشام : هو ايه اللي أفندم ! بقول جهزتي الشنط مش في ميعاد طياره بكرا وسفر لألمانيا وشهر عسل !
نيروز بغضب : وأنا المطلوب مني اشتغل عندك واجهزلك وأنا عروسه ؟
هشام : هي تيته مكلمتكيش عن إحترام الزوج خالص ؟
نيروز : إحترام زوج ايه انت صدقت اننا متجوزين انا قولتلك اصبر عليا بس يمكن نتطلق ولا حاجه
هشام بأبتسامه منكسره : ماشي
ثم قام وتركها بالصاله بمفردها
جلست لمدة خمس دقائق ولم تتحمل فضولها ثم اقتربت من باب غرفة الأطفال وطرقته بهدوء سمعت صوت هشام وهو يقول : أتفضلي
إقترب نيروز ودخلت ووجدته يضع حقيبته ويرص بها ملابسه ف قالت بصدمه : إنت بتتكلم بجد هنسافر بكرا ؟
هشام بإبتسامه : أنا كلمت إبن خالي يمسك المعرض لحد ما نرجع بس الظاهر انك بتاخدي كل كلامي بهزار
نيروز بتوتر : طب أعمل ايه انا مش جاهزه
هشام : إيه اللي مش جاهزه إنتي يادوب هتحطي هدومك في الشنطه وخلاص
نيروز : ليه هو انا زيك ؟ انا لازم اجهز نفسي واجيب كريمات
هشام : مش لازم كل حاجه موجوده هناك
نيروز : ايوه برضو مفهمتش أخد هدوم أد أيه
هشام : اللي تحبيه
نيروز وهي تخرج من غرفة الاطفال وتذهب لغرفتها تضع الحقيبه على الفراش : هوووف يا ساتر على برودك قال اللي تحبيه معندوش إجابه مفيده ، امممم أبدء بأيه ويا ترى أخد إيه ؟
○ في شقة المهندس ○
والدة راندا : يلا يا راندا العشا
راندا : شكرآ يا ماما ماليش نفس
والدتها : لا ماليش نفس ايه انتي ابوكي يشوفله صرفه معاكي دا انتي حتى الغدا مدوقتيهوش واكلك في الثلاجه
راندا وهي تبكي قالت بغضب : يوووه حتى الأكل هتجبروني عليه
والدتها بغضب : حسك عينك تتعصبي عليا أن شالله ما طلتي اللي بياكل على ضرسه ينفع نفسه
كانت راندا تجلس على فراشها وهي تبكي وتقول بخفوت : في الأخر إنجوز نيروز أم وش كشر اللي مش بتعبره طب وأنا ! محسش ناحيتي حاجه !
تذكرت ذلك الشاب الذي اصطدمت به وأوقعت على قميصه العصير ف قالت : كانت نقصاك إنت كمان قليل الذوق بيقول عني غبيه تلاقيه من معازيم العروسه ما هو نطع زيها زلسانه طويل ودبش
○ في شقة هشام ونيروز صباح اليوم التالي ○
إستيقظ هشام على صوت في المطبخ ف قال : مش معقول العصفوره رجعت تاني !
قام وارتدى حذاءه المنزلي وخرج من الغرفه وذهب بأتجاه المطبخ ، وجد نيروز تجلس على الطاوله وأمامها طبق كبير من البانيه وورق العنب ف قال هشام بصدمه : صباح الخير
نيروز بحزن : صباح النور
هشام : احم مش عايز أسد نفسك بس غلط عليكي الأكل دا على الصبح
نيروز بغضب : ما انت لو جايب لانشون او جبنه او حتى مربى أفكر مكنتش اعترضت لكن انت بتقفل باب الاوضه عليك بتسبني بعضعض في العفش
هشام : طب اهدي ما انا شرحتلك موضوع الفطار دا
جلست نيروز مره أخرى بحزن ف سحب كرسي طاوله وجلس بجانبها وقال : مالك
نيروز : قلقانه اوي
هشام : من ايه ؟
نيروز : بخاف من الطيران اوي وتجربه جديده اني اروح لبلد زي كدا
هشام : احنا بس كنا بنحاول نكون اد المقام
نيروز ببلاهه : مش فاهمه !
هشام : يعني انتي بسبب وظيفتك كنتي بتتعاملي معانا على اننا اقل منك ف قولت اسفرك برا عشان متحسيش بالفرق دا مع اني خريج كلية تجاره يعني
نيروز : أه انت بتلقح بالكلام لا بقولك ايه زي ما وقفتوا جمبنا انت ومامتك ف أنا وتيته معشناش على قفاكم سوري يعني بس من مرتبي كنت بدفعلك تمن الايجار وتصليح السلم عشان تيته متعلقه بالعماره دي غير كدا محدش ليه فضل علينا
هشام : انا مش مصدق وقاحتك
نيروز وقد تركت الشوكه وقالت بغضب : احترم نفسك !
هشام : احترمي انتي كلامك معايا فلوس ايه تهبل ايه اللي بتتكلمي فيه ومين فتح الموضوع دا ومين عايرك بحاجه !
نيروز وقد قامت بإتجاه غرفتها : انا مش هرد عليك انا هروح البس للطياره
هشام : احسن مترديش روحي البسي يا مدام
صفعت نيروز باب الغرفه بقوه ثم امسكت بالوساده ودفنت وجهها بها وهي تصرخ بغضب ثم قالت : الوقح الحقير بيقولي مدام والله لانكد عليك السفريه
○ بعد مرور ثلاث ساعات في المطار الدولي ○
كانت نيروز تجلس بمقعدها في الطياره وبجانبها هشام ف قالت نيروز : يعني مسفرنا المانيا ومقدرتش تحجز درجه اولى
هشام وهو يمسك الجوازات بيده : صبرني يارب
مرت المضيفه بالقرب منهم ف قال هشام : لو سمحتي مفيش قلم أكتب بياناتي أنا والمدام
إبتسمت المصيفه وقالت : أتفضل يا فندم
هشام التقط القلم وقال : ميرسي
كان يكتب وقد اعطى ورقة التعبئه الخاصه بنيروز لها ف قالت : هو يعني ايه الكود المحلي ؟
تجاهلها هشام ف قالت بثوت عال قليلا : على فكره بكلمك ايه قلة الذوق دي
هشام : ششش وطي صوتك ، في ايه ؟
نيروز : عبيلي البطاقه بتاعتي لاني مش عارفه
هشام بسخريه : الف سلامه على ضوافرك
نيروز : اللهم الصبر
عبى هشام بطاقته وبطاقتها ف قال الطيار : حضرات الساده الركاب أهلآ ومرحبآ بكم في طيران المصريه ، يرجى من الركاب ربط الأحزمه حفاظآ على سلامتكم ، الرحله متجهه من القاهره الى مدينة المانيا وستستغرق اربع ساعات وسيكون طاقم المضيفات في خدمتكم طوال الرحله ، رحله سعيده ومريحه ..
أرجعت نيروز راسها للوراء وفعل هشام مثلها بعدما ربطوا أحزمتهم
وبعد قليل جائت المضيفه بعربة الطعام وقالت : مساء الخير ، سمك ولا دجاج يا فندم ؟
هشام : أيه نوع السمك من فضلك ؟
المضيفه : عندنا في سلمون مدخن مع سلطة النعناع وعصير ليمون وفي دجاج بصوص الكريمه والمشروم مع عصير جريب فروت
نيروز : يعني ايه سلطة نعناع ؟ وهل ممكن أخد الجريب فروت مع السلمون ولا بس مع الدجاج ؟
المضيفه بابتسامه : اللي تحبيه يافندم
هشام : أنا هاخد الدجاج
وضعت المضيفه أمامهم الطعام وعندما ذهبت قال هشام : ع فكرا كدا كدا لما نروح هناكل مكنش ليه لازمه تحرجيها
نيروز وهي تلوي فمها بسخريه : كيوت اوي وانت زعلان عليها ، اللي حضرتك مش عارفه ان الاكل مزاج وبعدين براحتي انا شايفه انك تركز ف طبقك بدل ما انت مركز معايا طول الرحله
هشام : انا في حاجه عايز اقولك عليها بس قلقان من رد فعلك
نيروز بخوف : في ايه ؟
هشام : انا …
أكمل ولا لأ ؟ رأيكم وتوقعاتكم 
الفصل التالي اضغط هنا
يتبع.. (رواية سقطت كالنجمه بقلبي وأنارته) اضغط على اسم الرواية لتجد الفهرس كاملاً بجميع الفصول.