رواية سقطت كالنجمه بقلبي وأنارته – الفصل العشرون
رواية ~ سقطت كالنجمه بقلبي وأنارته ~ part 20
● في حديثنا الأخير الذي تذكرته الأن وددت لو أنطق لك بما أشعر به بقلبي ولكن قسوة عيناك وقتها منعتني ●
○ صباح اليوم التالي في شقة نيروز ○
أنهت فطورها وإتجهت ألى عملها بمدرسة النور وعندما دخلت وجدت أن مكاتب المعلمين فارغه ف اتجهت الى غرفة الاجتماعات
نيروز عندما دخلت : صباح الخير
الجميع : صباح النور
المديره : تعالي اتفضلي اقعدي يا ميس نيروز
جلست نيروز بهدوء ثم ابتسمت وقالت : لاحظت تجهيزات في المدرسه ف قولت اكيد في حاجه
المديره : نظرآ لإن الطلاب عندنا بيعانوا من مشكله في نظرهم ف قرر بعض الجمعيات الخيريه التبرع للمدرسه لضمان جودة تعليم أفضل وتطويرها طبعا فلوس الجمعيات دي من الناس الكبار ورجال الأعمال في البلد ودوركم ك معلمات انكم تشرحوا طبيعة اللي بيحصل ل ..
قاطعتها نيروز بذهول : معلش ثانيه واحده هو حضرتك قولتي رجال أعمال؟
المديره : اه
نيروز : تق تقصدي كلهم يعني؟
المديره : ميس نيروز حضرتك عندك مشكله في كدا؟
نيروز : اه لا ممم بصي حضرتك الموضوع هيبقى متعب بالنسبالي لاني زي ما حضرتك شايفه حامل والمجهود وحش ليا
المديره : حضورك لابد منه عشان لازم طاقم المدرسه بالكامل يكون موجود
نيروز بصدمه : يعني ايه
المديره بابتسامه عمليه : يعني جهزوا نفسكم وفصولكم عشان رجال الأعمال هيمروا بزياره ميدانيه حاليا
ثم قامت وأنهت الاجتماع بينما بقت نيروز في حالة ذهول على مقعدها
○ في مطار القاهره الدولي ○
خرج فؤاد من الطائره برفقة زوجته هايدي الحسيني ولاحقتهم كاميرات تصوير الصحافه
هايدي : يعني كان لازم تقطع رحلتنا فجأه كدا
فؤاد : معلش يا حبيبتي الجمعيه الخيريه سيبالي خبر مهم حضوري في مدارس المكفوفين اللي اتبرعت ليها
هايدي : ماشي اوك هستناك في الفيلا
فؤاد : لا يا حبيبتي ما انتي مش هتروحي فيلتنا
توقفت هايدي ورفعت حاجبيها وقالت : ليه بقى ؟
فؤاد : عشان ماما حابه تشوفك
هايدي : وهي طنط مينفعش تأجل تشوفني لبكرا عشان جايه من السفر مرهقه وعاوزه ارتاح ؟
فؤاد : معلش يا حبيبتي انا لسه جاي معاكي برضو ف لازم اروحلهم انهارده
هايدي : لا كدا كتير
فؤاد : عشان خاطري
تنهدت هايدي وقالت : اوك بس لو سمحت متخليش حد يضايقني بنص كلمه
فؤاد : اوعدك
ابتسمت له هايدي وساروا باتجاه السياره
○ في مدرسة النور للمكفوفين ○
جلست نيروز على البيانو وهي شارده ومتوتره من ذلك اللقاء المرتقب
أحد التلاميذ : أبله نيروز مش هنعزف ؟
أفاقت نيروز من شرودها وقالت : هنعزف يا حبيبي يلا تحبو نعزف ايه ؟
أحدى التلميذات : أنا قلبي دليلي
ابتسمت نيروز وقالت : الله ذوقك جميل يلا نبدأ
ثم بدأت بالعزف
○ في منزل والدة فؤاد ○
قبلت ابنها ثم قالت : حمد الله ع السلامه يابني
فؤاد : الله يسلمك يا أمي ، بابا أخباره ايه
والدته : لسه زي ما هو ربنا يتم شفاه على خير
هايدي : ازيك يا طنط
والدة فؤاد بابتسامة حب : ازيك يابنتي زي القمر ربنا يحفظك
ابتسمت هايدي : من ذوقك
فؤاد : هايدي يا ماما هتقعد معاكم لحد ما اخلص اجتماع المدرسه واجي من فضلك متضايقوهاش
والدته : في عنينا يابني
فؤاد : ممم أمال فين راندا ؟
والدته : تعبانه شويه واخده برد في معدتها
فؤاد : محتاجه دكتور ؟
والدته : لا يابني عملتلها حاجه دافيه واتغدينا بره وروحنا زورنا ابوك في المستشفى لسه راجعين ف دخلت ترتاح
فؤاد : طب هخش أبص عليها قبل ما أنزل
والدته : طيب يابني
دخل فؤاد الغرفه واغلق الباب ف وجد راندا ممده على الفراش ف اقترب منها وجلس بجانبها وقال بهدوء : أنا رجعت
راندا بكسل : حمد الله ع السلامه
فؤاد : الله يسلمك يا حبيبي أن شاء الله السفريه الجايه انتي اللي معايا فيها
راندا : شكرا مش عاوزه منك حاجه
فؤاد : يعني هي دي مقابلتك ليا بعد ما رجعت
راندا : من فضلك اطلع برا واقفل النور
فؤاد : هخرج بس ابقي افتكريها
خرج فؤاد وأغلق باب الغرفه خلفه بعنف ف ضمت راندا الوساده بقوه وبكت كما لم تبكي من قبل
○ في منزل هشام ○
كان قد ارتدى تلك البدله الفاخره والتقط مفاتيح سيارته وذهب بإتجاه مقر الاجتماع ” المدرسه ” وكالمعتاد لم تغب نيروز عن عقله
○ في المدرسه ○
أنهت نيروز العزف ثم التفتت للتلاميذ وقالت : الموسيقى احساس وكلها مبنيه على تخيلاتكم عارفين ليه ؟ لإن الخيال دايما بيتوقع الأحسن طول ما خيالك شغال وجميل وانت بتعزف ف انت هتعزف اجمل مقطوعه حصلت او هتحصل
أحد التلاميذ : هو ممكن حد كفيف يكون عازف شاطر ؟ رغم عجزه !
نيروز : أنت مش عاجز يا أحمد إنت من حقك تعمل كل حاجه وتكون بارع فيها كمان ، أه تقدر تكون عازف ليه لا ؟
وبينما هي تحدث تلاميذها دخلت زميلتها وقالت بحماس : يلا يا نيروز جهززي الفصل بتاعك بسرعه
نيروز بتوتر : ليه في ايه ؟
زميلتها : رجال الاعمال وصلوااا
تنفست نيروز بسرعه حتى شعرت بألم في معدتها ف وضعت يدها على بطنها وقالت : اااه مش قادره
رأيكم يا حلوين وتوقعاتكم وأكمل ولا لا ؟
الفصل التالي اضغط هنا
يتبع.. (رواية سقطت كالنجمه بقلبي وأنارته) اضغط على اسم الرواية لتجد الفهرس كاملاً بجميع الفصول.