رواية سقطت كالنجمه بقلبي وأنارته الفصل الرابع عشر 14 – بقلم نهله جمال

~ سقطت كالنجمه بقلبي وأنارته ~ part 14

● ف نظرت في عيناها ولم أجدني هناك ف علمت أنني أهدرت حياتي بالقرب من لم تحبني يومآ ●

○ في شقة جدة نيروز ○

فؤاد : هههههه وشك قلب أصفر ليه ؟ أنا بهزر مش متجوز

تنهدت راندا وهي تأخذ نفسها ثم قالت : تهزر او متهزرش ميخصنيش ، اتفضل جدة راندا جوه

جدة راندا : تعالى يابني يا أهلآ وسهلآ

دخل فؤاد وجلس على الأريكه بقربها وقال : أنا أسف على الإزعاج بس إنتي عارفه بابا في المستشفى وإحنا لسه مكملناش كلامنا في بيع بيت جدو

جدة نيروز : كلام ايه يابني ! مش لما أبوك يقوم بالسلامه الاول

فؤاد : لا معلش هو موصيني اني لازم اكلم حضرتك

جدة نيروز : إتفضل إتكلم

فؤاد : هنلبس أنا وحضرتك ونروح لنيروز في شقتها نقعد معاها ونقنعها

جدة نيروز : إنهارده ؟

فؤاد : أتمنى

جدة نيروز : أيوه يابني بس نيروز شايله مني جامد بسبب جوازتها

راندا بوقاحه : سامحيني يا طنط هي كانت هتلاقي أحسن من هشام فين ؟

فؤاد : احترمي نفسك انا بنت عمي ألف من يتمناها

جدة نيروز : سيبها يابني تقول اللي تقوله أصل قلبها مجروح يا عيني ، مش كدا يا راندا ؟

إحمر وجهه راندا من الخجل ف قالت : طب همشي أنا

فؤاد : إستني هنا

نظرت له راندا منتظره أن يتحدث ف قال : هنروح أنا وإنتي لنيروز في بيتها دا لو مش هيضايقك يا طنط

جدة نيروز : مش هيضايقني يابني لا بس متخليش راندا تضايق نيروز بكلامها

فؤاد وهو ينظر لراندا بخبث : متقلقيش انا هعرف أتصرف معاها ..

○ في منزل نيروز ○

كانت تجلس على الفراش بجانب هشام الممدد ف قال : نروح نكشف عليكي لاتكوني واخده برد في بطنك

نيروز بإرهاق : لا خلاص ماشي الحال أنا كويسه

هشام : مش باين عليكي

نيروز : يووووه .. بقولك ايه انا من بكره هنزل الشغل

هشام اعتدل بغضب في الفراش وقال : لا طبعا ! شغل ايه وزفت ايه مفيش شغل

نيروز بغضب وقد احمرت عيناها : انا بقولك مش عشان أستأذنك ! بقولك عشان هنزل فعلا

هشام : طب جربي تنزلي كدا

نيروز : انا هنزل فعلآ واللي عندك اعمله

ثم قامت من الفراش بغضب ف سمعت صوت باب الشقه يرن ف ذهبت وفتحت الباب ووجدت أن راندا وفؤاد يقفون أمامهت ف تنهدت ثم قال فؤاد : مفاجأه مش كدا

نيروز : أهلآ يا فؤاد ، إتفضلوا

دخل فؤاد وراندا وأغلقت نيروز وراؤهم الباب

فؤاد : إيه أخبارك

نيروز بابتسامه مصطنعه : بخير تحبوا تشربوا ايه

قاطعتها راندا وهي تقول : أمال هشام فين

نيروز وهي تتفحصها قالت بخبث : في أوضة النوم

إحمر وجهه راندا وشعرت أنها تريد البكاء ف قالت : هو مش هيطلع يسلم علينا

نكزها فؤاد في قدمها ف تألمت ف قال فؤاد لنيروز : أكيد هو مرهق واحنا جينا ف أول أيام جوازكم أنا بس جيتلك في موضوع مستعجل

نيروز : هعمل نسكافيه تعالى معايا يا فؤاد

ثم نظرت نيروز لراندا من أولها لأخرها

دخلت المطبخ ف جلس فؤاد على كرسي الطاوله ووضعت نيروز كوبان وبهما سكر ونسكافيه وقالت : قول يا فؤاد

فؤاد : بصي طبعآ إنتي عارفه إن عمك في المستشفى

نيروز : أه أخباره إيه سامحني مقدرتش أروح بقالي يومين عندي برد ف معدتي شديد

فؤاد : هو مش هيبقى كويس يا نيروز غير لو وافقتي

نيروز بذهول : على إيه بالظبط ؟

فؤاد : على بيع بيت جدك أبو ابوكي

ميروز بصدمه : اييه ؟

○ في الصاله ○

قامت راندا تتجول في أرجاء الشقه وهي تنظر للأساس من حولها وتقول : كل دا بقى ليها ؟ بيتها هي وهشام .. هي محبتهوش زيي ، كل دا كان من حقي أنا

إقتربت من صورة زفافهم الكبيره المعلقه على الحائط ونظرت بها طويلا وهي تقول : بارده ، واقفه زي الصنم جمبه

وجدت شخص يتنفس خلفها ف ألتفتت وجدت هشام ف ابتسمت ولكن سرعان مازالت إبتسامتها حين قالت : هشام مال دراعك

هشام بفضول : خير خير حاجه بسيطه ، انتي بتعملي ايه هنا

راندا بخجل : انا جيت أنا وفؤاد عشان نتكلم مع نيروز في موضوع مهم

هشام : فؤاد ! وهما فين ؟

راندا : في المطبخ بيعملوا نسكافيه

هشام بغضب : نعم ياختي ؟ بيعملوا ايه وسيبتيهم لوحدهم

أبعدها هشام عن طريقه وإتجه الى المطبخ وقال : مش المفروض الضيوف مكانهم الصاله ولا انا غلطان

نيروز بغضب : إيه قلة الذوق دي دا إبن عمي

هشام : متتكلميش معايا كدا يا مدام

استشاطت نيروز غضبآ وطادت أن ترد ف قال فؤاد : هشام ليه حق يضايق ، انا فعلا اسف مكانش المفروض أدخل المطبخ

هشام : طب ما انت إبن اصول أهو أمال إيه بقى

فؤاد : أنا أكيد ابن أصول عشان كدا هستأذن ، ياريت يا نيروز تفكري

نيروز : أكيد هفكر وأكلمك يا فؤاد وبعتذر عن اللي حصل

فؤاد بابتسامه : ولا يهمك

خرج فؤاد وسحب راندا من يدها التي قالت : اااي اصبر شويه

ثم ذهبوا ناحية باب الشقه وخرجوا وأغلقوه خلفهم

○ في المطبخ ○

هشام بغضب : تردي على ايه وتكلميه ف ايه

نيروز : ميخصكش ! أكور تخص عيلتي انا وبس متخصكش

هشام : متطلعيش جنونتي يا نيروز وردي أحسن لك

نيروز : برضو مش هرد سيبني في حالي

إقترب هشام منها وقال : لو مردتيش مش هيحصل كويس

نيروز : شيل ايدك دي عني وطالما إنت راجل اوي كدا ما تطلقني ليه جابرني اعيش مع واحد مش طيقاه !

صفعها هشام وقال بغضب : طب انتي طالق يا نيروز

نظرت له نيروز بصدمه وهي تضع يدها على وجهها ..

○ في سيارة فؤاد ○

كان يقود وراندا تجلس بجانبه ثم قالت : هو طردنا من بيته ولا ايه

فؤاد وهو يرتدي نظارته الشمسيه : مش مهم ، المهم اني كلمت نيروز في الموضوع ومستني ردها

راندا وهي ترجع ظهرها الى الخلف : هووف طيب يلا روحني البيت بقى

فؤاد : لا بييت ايه يا حلوه اقسم بالله ما هسيبك

راندا : إنت أهبل ولا إيه عندي مذاكره وجامعه كتير

فؤاد : وحياة أبويا اللي راقد في المستشفى تعبان دا ما هسيبك غير لما اعرف إيه حكايتك مع هشام ، هنروح نتغدا في أي حته عشان جعان وتحكيلي كدا بهدوء ايه حكايتك معاه

إرتفعت دقات قلب راندا وهي تنظر لفؤاد بخوف ..