رواية خيانة لا تغتفر – الفصل السادس
البارت السادس
يعقوب والغرباء
البارت السادس
#جمانه السعيدي
يعقوب…. وجود سحر بحياتنا غير هواي اشياء
كمنا نحس بالاستقرار اكثر
شايله البيت شيل على راسها
مهتمه بهبه وتراعي امي
كل يومين يجي اخوها يشوفها ويطمن عليها ويروح
على طول هي تتصل علي
اني جبتلها تليفون هدية عرسنا
انتم ماتعرفون اني شكد سعيد بوجودها بحياتنا
احس نفسي لكيت الانسانه المناسبه
البيتي وبنتي بدون ماادور واتعب
كلما اشوف وضعنا مستقر احمد ربي واشكره الف مره
فات شهرين بعد زواجنا علاقتنا اني وياها كلش حلوه
ابد مااذكر اهلها كدامها باي حديث
اكول خطيه خاف تتحسس
ومنطيها حرية تتصرف بلبيت بكيفها
ومثل ماتريد
جمانه السعيدي
بعد اربع اشهر من زواجنا اجيت لكيتها كلش ضايجه
يعقوب.. هاا حبيبي شكووو
سحر…لا ماكو شي بس شويه ضايجه
يعقوب…ليش ياستار
سحر…ماكو شي
يعقوب…احجي يمكن شغله بسيطه واكدر اساعدج عليها
سحر…حسن
يعقوب…حسن اخوج شبي
سحر… طلع من الشغل يكول اكو مشاكل ومااكدرت اكمل
يعقوب…اي
سحر…ماكو شغل صار ٣ ايام يفتر على شغل وماكو
يعقوب…اي عادي اكيد يحتاج وقت يله يلكه شغل
سحر… شلون مو فلوسه خلصن
وابو الفندق مهدده لازم يطلع اذا مادفع
هذا الولد ماعنده حظ ووين يخليها عوجه
يعقوب…ماكو مشكله خل يجي هنا بيتنا كم يوم لمن بلكه شغل
سحر…لا عيب من عمتي
يعقوب…شنو القصه ينام بلاستقبال ليش عيب قابل هو غريب
سحر…هااا اتصل علي يجي هنا
يعقوب…اي اتصلي لا اوكفي اني اتصل شنو عليمن
هيج يتحسس قابل هو غريب
يعقوب….الووو هلو حسن
حسن…هله ابو هبه شلونك
يعقوب…شنو القصه حبيبي تعال هنا عين غطا وعين فراش قابل انت غريب
حسن…لا مااريد ازاحمكم
يعقوب…شنو ازاحمنا قابل راح نشيلك فوك راسنا
بيت جبير والحمد لله
حسن…لا مايصير
يعقوب…لا يصير شنو مايصير تعال يله منتضربنك
حسن…اجي بس لمن الكه شغل والزم فلوس
اطلع من بيتكم موتزعل عليه
يعقوب…. تعال ولله كريم
جمانه السعيدي
لليل حسن جاب جنطة ملابسه واجا
يعقوب…امي حسن يبقى عدنا كم يوم لان طلع من الشغل
امي..هلا بي
اتعشينا ونام حسن بلاستقبال
وثاني يوم طلع يدور شغل رجع الضهر ضايج ماكو شغل
بقى اسبوع يطلع ويرجع ماكو شغل
يعقوب….سحر تعاي
سحر…شكو
يعقوب.. هاج هاي ٥٠ انطيهن الحسن مصرف
وكليله لا يضوج على الشغل اني اخوه وشيحتاج بلخدمه
سحر…الله يحفظك ويزيد الرزق عليك
يعقوب….ازمه وتعدي هسه يلكه شغل بس الموضوع محتاج صبر شويه
راحت سحر تنطي الفلوس الاخوها
سحر…هاك هاي ٥٠ من يعقوب مشي بيهن امورك منا لمن تلكه شغل
حسن…شكرا اتشكري منه
سحر…مو تصرفهن دبر امورك بيهن
حسن….ما تقترحين علي اشتغل وياا الحجيه بلمحل
اساعدها تبيع اذا تحتاج مسواك
واي شي ينطوني قابل
المهم اطلع مصرف يومي
سحر…اي عمتي تعبانه خل احجي وياا يعقوب بلكت يقبل
جمانه السعيدي
سحر…حبيبي عندي موضوع اريد احجي وياك بي
يعقوب…اي اسمعج
سحر…اولا حسن حيل يتشكر منك لان انطيته مصرف
يعقوب…بس هاي
سحر…لا جايتك بلكلام عندي اقتراح
ليش ماحسن يلزم المحل ويساعد عمتي على الشغل
عمتي تعبانه وماتكدر عاد هو يساعدها
يعقوب…خوش مقترح خل احجي وياا امي
اني ارجع من الدوام تعبان اريد انام وارتاح
وهي مو مثل قبل ماتكدر
اروح هسه احجي وياا امي واشوف رائيها
يعقوب دخلت غرفة امي
امي حبيبتي كاعده
امي…اي كاعده تعال شتريد
يعقوب…شنو رائيج حسن يساعدك بلمحل
ينظفه يرتب الغراض الضهر انتي نامي وهو يبقى
فاتح المحل ليش كل شويه الباب تندك
ونومج قلق الصبح هو يفتح المحل علما انتي تتريكين
وترحين ويااا
انتي هم اكعدي وياا اتونسي انتي بعد ماتكدرين
تعبتي
امي…بكيفك اني بس اضوج الضهر من انام وتندك الباب
نوبات المغرب من أصلي لو اروح للزياره والمحل بنسد
خلي يشتغل ونشوف شغله
يعقوب…من باجر خل يعرف الاسعار ويساعدج
امي..انشاء الله
رجعت على سحر
يعقوب…امي ماعدها مانع من باجر يشتغل وياا امي
سحر…ولله مااعرف شلون انتم بشر شنو هاي الرحمه الي بكلوبكم
يعقوب….انتم تستاهلون كل خير
يعقوب…اول مابدا يشتغل حسن فر المحل فر
من الصبح يكعد يفتح المحل
يغسله ويغسل الباب
يرتب الغراض يبيع
فات الشهر الاول وامي طايره بي
جمانه السعيدي
يعقوب…شلون شغل حسن
امي…الحمد لله كمت انام الضهر والصبح الكه المحل يلمع
خوش ولد الله يرضا علي
فات اول شهر سلامات والثاني الثالث تمام
الشهر الرابع
امي يمه يعقوب تعال اريد احجي وياك
دخلنا غرفه امي
امي….يمه اريد احجيلك شغله
يعقوب…كولي يمه شكووو
امي…يمه الغراض بلمحل جاي تنقص والفلوس ماكووو
يعقوب…شلون يعني مافهمت
امي…اني اشك بحسن غراض المحل اعرفهن وحاسبتهن
اني مو غشيمه صارلي ١٨ سنه بهذا المحل
غراض المحل جاي تنقص والفلوس ماكووو
يعقوب…تعاي اني وياج نجرد الغراض واذا يصير نقص
نعرفه
اني مااكدر اتهم حسن هيج اتهام خاف الولد ما ماخذهن
وعيب
امي…اني متاكده من غراضي مثل ما متاكده انت كاعد كدامي
يعقوب…تعاي نجرد الغراض اني وياج ونشوف شنو النقص
دخلنا للمحل نجرد بلغراض كدام حسن
حسن…شكووو
يعقوب…نريد نتسوك ونشوف الغراض راسا اجا اتصال
الحسن طلع واحنا بقينا اني وامي
احاول أقنعها مستحيل حسن يمد ايدا على شي
جمانه السعيدي
داخل بيتنا كان الوضع مختلف واحنا ماندري
حسن…شكو ليش اتصلتي
سحر…..تعال انت ماخذ فلوس غراض من المحل احجي بسرعه
حسن…ليش
سحر…لا تعلي صوتك سمعت عمتي تحجي وياا يعقوب
حسن…هاي مو عجوز شلون عرفت مره جبيره
وعقلها هيج يركز
سحر….لازم ترجع الفلوس لان حسو بيك
حسن…ماعندي صرفت نصهن
سحر…اني انطيك شكد صرفت منهن
حسن…نص المبلغ
سحر…رجعهن
حسن…ميلي
سحر…على كيفك اني انطيك
حسن..شلون ارجعن اكلهم هاي فلوسكم اني خذتهن
وهسه قررت ارجعهن
شلون مراح يصدكون بيه
سحر…باجر اجيب بضاعه للمحل الصبح
وتكول اني جنت اطلع فلوس لمسواك من الدخل
وترتب البضاعه بلمحل
لا يحسون بينا وننطرد ثنينه من هذا البيت
حسن…ميخالف
يعقوب…شكد حاولت اقنع امي مستحيل يكون حسن حرامي
بس هي مصممه على رائيها
وقررت من باجر تراقب المحل وتكعد بي طول النهار
حتى تشوف حسن شلون يبوك من المحل
ثاني يوم كعدنا على صوت حسن وهو بنزل بضاعه ويدخلها للمحل
يعقوب…صباح الخير هاي شنو
حسن….هاي بضاعه للمحل اني جنت اطلع من فلوس الدخل كل يوم مبلغ واسجل شنو النقص الي بلمحل
حتى اجيبه
اعرف انت مشغول والحجيه مريضه
واني ماعندي شي اريد ارتب المحل ومااخلي بي أي نقص
يعقوب فرحت بكلامه
ودخلت كبل علي امي
يعقوب….شفتي شلون انتي جنتي ضالمه حسن
طلع يجمع من الدخل حتى يتسوك للمحل
امي…شنو يتسوك منو عتب علي يتسوك
اني كل شهر اجمع الفلوس واعرف شنومحتاج المحل واجيب
هاي جذبه منه
هاي حركه حتى بداري بوكته عباله تعبر عليه
يعقوب… شنو تعبر عليج امي تعاي شوفي البضاعه
الي جابها
ترا الولد جاي يشتغل ليش هيج انتي كارهته
امي…لان هاي لعبه هذا الولد مو امان صدكني
هذا الولد ورا شي
للحكايه بقيه حبايب ليش هيج التفاعل
ماعندي واهس اكتب بسبب التفاعل
الفصل التالي: اضغط هنا
يتبع.. (رواية خيانة لا تغتفر) اضغط على اسم الرواية لتجد الفهرس كاملاً بجميع الفصول.