رواية خيانة لا تغتفر – الفصل السابع
البارت السابع
يعقوب والغرباء
البارت السابع
#جمانه السعيدي
من بعد هاي الحادثه امي أخذت احتياطاتها
من حسن
كلبها ماكان مطمن من ناحيته
رجعت تكعد كل النهار بلمحل وهو حس مجاي يكدر ياخذ فرصته
مثل قبل وهذا الشي حيل ضوجه منها
اذا تبقى كاعده ومكابلته بلمحل يطلع حجه ويدخل للبيت
حسن..من رخصتج حجيه اريد اروح انام البارحه مانمت
الحجيه…براحتك
هبه على طول يم بيبيته بلمحل
تلعب وتاكل حلويات
البيت من جوه بس سحر بي
يدخل جوا حسن وبعد مايطلع
لو يكول اربد اروح للصحيات ويدخل للبيت وبعد مايطلع
اتكررت هاي الحاله اكثر من مره
كل النهار كاعد جوا يم اخته
لان الحجيه مكابلته وكاعده بلمحل
وهو هذا الوضع مايصرفله
يررد ياكل بكيفه وياخذ فلوس
وامي كاعدتله كعده
الحجيه ماتقبل تعوف المحل بيد حسن
لان تعرف هو مو انسان امين على هذا الحلال
بعد كم شهر راح تلكه المحل على الحديده
بعد ابد ماانطته الامان
وهذا الشي مخلي يعقوب حاس بلاحراج من هذا الموقف
امي….يمه هذا حسن مااعرف شبي
يعقوب….شبي
امي…كل شويه وداخل للبيت اشرب ماي
لو اروح للصحيات
يدخل وبعد ما يطلع
لو كلش كلش يكول اروح انام
يعقوب…وشنو يعني
امي….اني مامرتاحه وضعه مو طبيعي
يعقوب…انتي ليش تكرهي ترا ما مسوي شي موزين
امي…كلبي مامطن اله
يعقوب…. يمه انتي هليام مااعرف شبيج قلقه
ترا الوضع طبيعي اخته كاعده جوا ويدخل يمها
جمانه السعيدي
حسن…شلون وياا هاي العجوز واكفه بلعومي
سحر…كله منك شلون تاخذ هيج مبلغ اكيد تحس بيك
حسن…وهسه اريد حل
اني مال اطلع ادور شغل مثل قبل مستحيل
شلون جنت متونس بلمحل
ادري شلون حست بيه هاي عجوز البين
سحر…اصبر بلكت تتعب تتمرض وانت ترجع تاخذ مكانها
حسن…تتمرض صدك هي موعدها ضغط
سحر…. منتضمه على الاكل والعلاج اني اطبخلها وحدها
اذا الاكل شويه مالح لو بي دهن ماتاكل منه
حسن…لازم اكو حل مايصير ابقى هيج
اكلج اني راح اطلع شويه وارجع
سحر….الله وياك
بما ان الحجيه رجعت تكعد بلمحل يعني ما متواجده بلبيت ويعقوب بلدوام
وهبه طفله حسن كان ماخذ راحته بلبيت
واي شي يسوي محد.يعرف بي
جمانه السعيدي
ثاني يوم طلع حسن ورجع على سحر
حسن.. تعاي لكيت الحل الهاي المشكله
سحر… انت ماتكعد يمعود لا تخرب علينا خوش مكان
كاعدين ناكل ونشرب وعايشين
بس انت مستحيل تبطل هاي سوالفك
حسن…اسمعيني بس
سحر…يله اسمعك
حسن…نقتلها
سحر….يمه شبيك تحجي صدك غير يكشفونا
حسن…لا مايكشفونا
سحر….لا عيني اني اخاف ما توصل للقتل
حسن…اهوووكامت تلغي اسمعي زين
انتي كلشي مراح تسوين غير تنطيها حبة الضغط كل يوم
بلبدايه تنطيها وحده لمدت كم يوم
وبعدين حبيتين بليوم واذا كالت اخذت حب ضغط
تكولين لا مااخذتي وتقنعيها تاخذ حبه ثانيه
سحر…وشلون راح تموت يلفهيم هي عدها ضغط وتأخذ كل يوم حبه
حسن…هسه راح اشرحلج شلون
اني البارحه رحت الأكثر من صيدليه وسئلتهم شنو العلاج الي يرفع الضغط
بدو يعددولي العلاجات الي ترفع الضغط
وخاصه اذا الإنسان جبير بلعمر
اني اشتريت اكثر علاج يرفع الضغط
هذا العلاج يسبب احتباس السوائل وياثر على الكلى
وبعدين اذا اخذت منا كل يوم حبايتين
راح يحبس الاملاح بلجسم
هنا وضعها راح يتخربط وانت كلما تتخربط تنطيها حبايه
على اساس تحاولين تنزلين صغطها
اكيد مراح تتحمل راح تموت موت طبيعي
ومحد راح يشك بينا
سحر….يمه انت تخوف منيين جبت هاي الفكره
حتى الشيطان مافكر بيها
اني كمت اخاف منك
حسن…لازتخافين انتي حبيبيتي شلون تخافين مني
انتي بس نفذي الخطه مثل ما كتلج
وما الج شغل بالباقي
جمانه السعيدي
سحر…وينه العلاج جبته
حسن…اي هاج من باجر تبدين اول حبايه
وبعدين تنطيها حبه الصبح
والثانيه من تكون كلش مشغوله تنطيها الحبايه الثانيه
بحيث ماتكون مركزه فهمتي لو لا
سحر…فهمت الله يستر وما ننكشف
حسن…انتي مستحيل يعقوب يشك ببج خوش ممثله
جايبه دور البريئه مضبوط
سحر…الي تمشي وياك شلون ما تتعلم منك
انت محترف الله يسلمك
من اليوم الثاني بدت سحر تنفذ الخطه
سحر…عمه اخذتي العلاج مالتج
ام يعقوب….لا نسيت روح جيبلي الشريط تلكينه يم راسي
سحر.. صار عمه تدللين
راحت جابت حبه وحده من العلاج الجديد
راسا خلته بايدها هاج عمه افتحي حلكج
ام يعقوب…اني ابلعها جيبيها
سحر…لا حبيبتي اني اخليها بهذا الحلك الحلو
خلتها بحلك عمته وشربت مي
هذا اليوم عدا على خير
اليوم الي بعدا هم اخذت حبه وانطتها الام يعقوب
لليل عمتها كامت تشكي ضغطها صعد
يعقوب…اليوم مااخذتي علاج
سحر.. شلون اني انطيتها بايدي العلاج
ام يعقوب… اليوم ضغطي حيل صاعد
يعقوب… غير جاي اتعبين بلمحل انتي بعد كبرتي مو مال هيج شغل وتعب
عوفي حسن بلمحل
امي.. المثل يكول عينك على حلالك دوه
يعقوب…عوفي المحل كافي بعد لا تكعدين بي
امي…اني اليوم مشتغله هذا الشغل متعوده علي
بس اليوم اني تعبت
يعقوب…قبل وحد وهسه وحد انتي كبرتي مو مال كاعده بامحل من الصبح لليل
امي…لا تعب نفسك باجر اصير احسن
روح نام يم زوجتك
سحر….لا عمه ينام يمج انتي تعبانه واني اخاف عليج
يعقوب…اي صدك روحي خلي فراش بغرفة امي
انام يمها اليله
سحر…تمام
جمانه السعيدي
يعقوب…نمت يم امي كعدت بليل تكرمون اروح للتواليت
تقرببا الساعه ثنتين وثلث
رحت للتواليت من رجعت شفت حسن كاعد
طلع من غرفة نومي وراح للاستقبال
يعقوب…هاا حسن شبيك
حسن…بطني توجعني ورحت كعدت سحر اريد حبايه
مال مغص
يعقوب…اخذك للمستشفى
حسن… هااا لا سحر انطتني حبايه بلكت اصير احسن
واذا ما تحسنت حالتي
اروح للمستشفى تصبح على خير
يعقوب . …وانت من اهل الخير
رحت الغرفة النوم لكيت سحر ممده
…شبي حسن
سحر…هاي انت كاعد حسن عنده مغص
واجا كعدني يريد علاج انطيته حبايه بلكت يصير زين
يمكن مستبرد
يعقوب… ديربالج خاف يتخربط بليل
كعديني أخذه للمستشفى
سحر…لا هسه يصير زين لاتخاف علي
اليوم الي بعدا الحجيه اخذت الحبايه وتعبت حيل
عافت المحل بيد حسن ودخلت جوا
ام يعقوب….يمه سحر اريد ليمون راسي راح ينفجر
لازم اروح للدكتور هليام مااعرف شبيه
ضغطي ولا ينزل ابد
سحر…اي هسه عمه صار
عصرت ليمون وانطتها ام يعقوب شربت اليمون وتمددت
ماتكدر من الضغط
ثالث يوم انطتها وحده الصبح
اتخربطت ام يعقوب فد مره
ام يعقوب…يمه سحر اتصلي على يعقوب راح اموت
سحر….انطيج حب ضغط
ام يعقوب.. غير اخذت وحده الصبح انتي جبتيلي حبه
سحر…لا عمه انت مشتبها اني ماا جبتلج حب ضغط
ام يعقوب….شلون انتي جبتلي
سحر… اثر عليج التعب ابد مااخذتي علاج
أم يعقوب….هااا اكول راسي يوجعني جيبلي وحده
سحر…اي هسه اجيبلج
جابتلها حبايه ثانيه واخذتها
للحكايه بقيه تفاعل حلو مثلكم
الفصل التالي: اضغط هنا
يتبع.. (رواية خيانة لا تغتفر) اضغط على اسم الرواية لتجد الفهرس كاملاً بجميع الفصول.