رواية خيانة لا تغتفر – الفصل الخامس
البارت الخامس
يعقوب والغرباء
البارت الخامس
#جمانه السعيدي
يعقوب….كل يوم تصرفاته بيتنا تثبتلي هي انسانه محترمه
وامينه على بيتي
بديت افكر ارتبط بيها
اي ليش لا ارتبط بيها
هم احميها من المجتمع والناس
وهم تستقر وتعيش ويانه
اني شفت تعاملها وياي وويه هبه
حتى امي ارتاحت من دخلت البيتنا سحر
بقيت اراقبها واراقب شغلها لمدت ست اشهر كاملات
ابد ماعدها قصور من اي نوع
بلعكس اني اتعودت عليها
حتى هبه متعلقه بيها
بس هيج خطوه مو سهله اكيد
قررت اخذ رائي امي بلموضوع واشوف رائيها
انتضرت بليل من طلعت سحر
وقررت افاتح امي بهذا الموضوع
يعقوب….امي اريد احجي وياج بموضوع
امي…اي كول
يعقوب….شنو رائيج بسحر
امي….شبيها
يعقوب….زين شغلها اخلاقها وضعها شنو رائيج
امي…خوش بنيه شاطره
يعقوب….شنو رائيج اذا اخطبها
امي…تخطبها
يعقوب…اي اخطبها بنيه مسكينه لا اهل ولا مكان تسكن
ليش مااطلب ايدها من اخوها
اكيد راح يفرح اذا اني خطبتها
هي تعلمت علينا تعرف وضعنا واحنا هم نعرف وضعها
حتى هبه تعلمت عليها
امي….يايمه ماادري خاف ابوها يعرف وتصير مشكله
ابوها مو خوش ادمي
شلون تزوج بته
اذا رحنا خطبناها منه راح يعرف مكانه ووين ساكنه
وساعته لو يطلب مهر غالي لان محتاج فلوس
لو يرفض يزوجها حتى يستغلها ابجوز هسه هو يدور عليها
ايجوز اذا طلبت ايدها نفتح عليها باب
ابوها يعرف مكانها ويااذيها
يعقوب… زين احجي وياا اخوها واشوف رائيه شنو
اذا يقبل بهاي الزواجه بدون علم ابو زين
واذا رفض خاف ابو يعرف ويسويلهم مشكله اصرف نضر عن الموضوع
بس اني الصراحه عاجبتني
هادئه ثكيله مرتبه شغلها حلو ما عدها طلبات هواي
امي….اي اني وياك هي خوش بنيه هسه صارلها ست اشهر عدنا ما شفنا منها شي موزين
حتى تعودنا عليها
يعقوب…افتح الموضوع وياا اخوها واشوف
امي…بكيفك
جمانه السعيدي
يعقوب…طلعت التليفون واتصلت على اخوها
من اول رنه رد عليه
يعقوب…السلام عليكم
حسن…عليكم السلام اهلا وسهلا
يعقوب….شلون صحتك انشاء الله مرتاح
حسن….الحمد لله ماشي الحال
يعقوب…اريد احجي وياك موضوع اذا تسمح
حسن…تفضل هااا خوما سحر ضوجتكم
يعقوب…لا بلعكس سحر ماكو منها
بس اني اذا اتقدم واخطبها عندك مانع
حسن….لا طبعا ماعندي مانع اتشرف بيك بس اخذ رائيها
واشوف اذا تقبل لو لا
تعرف ماكو زواج بلغصب
اذا هي وافقت اني موافق
يعقوب…وابوك
حسن…شبي ابوي
يعقوب…اذا صار ووافقت سحر اروح اخطبها من ابوها
حسن….لا ما يحتاح اني كافي
اني اخوها وولي أمرها الخطبه تكون مني
بس محتاجين وقت
واني ارجعلك الخبر
يعقوب.. بس مااريد مشاكل
حسن…لا تخاف ماكو مشاكل اصلا ابوي لزمو وهو شايل مخدرات وبلفحص طلع يتعاطى وعندا قضيه قديمه
وحكمو سجن ١٥ سنه بعد اني وسحر مالنا غير بعض
اطمن ماكو مشاكل
يعقوب…تمام شوف رائي سحر شنو اني مستعد الكل طلباتكم
سحر….انشاء الله خير
جمانه السعيدي
يعقوب…ثاني يوم بقيت كاعد على نار
وكانما اول مره اخطب وازوج بدلت وكعدنا نتريك وهي بعدها مااجت
من اجيت اطلع للدوام هي اجت
فتحت الباب اريد اطلع وهي لا كتني بلباب
سحر…اسفه اتاخرت شويه تعبانه اليوم
يعقوب….سلامتج الف سلامه اذا تعبانه وماتكدرين لا تشتغلين اليوم
سحر….لا اشتغل الي تكدر علي
يعقوب….اخذج للمستشفى
سحر….لا ماكو داعي شوية تعب
يعقوب….تمام ديري بالج على هبه اني احاول اخلص
دروسي واطلع قبل نهاية الدوام
حتلو ابدل الدروس وياا المدرسين المهم ارجع من وكت
طلعت للدوام اليوم عندي بس ٣ دروس رتبت وقتي وياا المدرسين ورجعت الساعه ١١ الصبح للبيت
دخلت لكيت امي كاعده بلمحل وهبه تلعب يمها
شلت هبه ودخلنا جوه لكيتها نازعه الحجاب ورافعه ثوبها وتمسح
اني راسا كحيت ودرت وجهي
يعقوب…شلون صرتي
راسا هي نزلت ثوبها ولبست ججابها
سحر….الحمد لله زينه
يعقوب…ليش تمسحين انتي مو تعبانه
سحر….مااكدر اكعد اريد اشتغل
يعقوب…عوفي اني اكمل بمكانج
سحر…لا خلصت
يعقوب…دخلت بدلت ملابسي وطلعت
سحر…تتغدا
يعقوب…بعد وقت اصلي وبعدين نتغدا ارتاحي اني اكمل بمكانج
وكفت باوعت عليه ودنكت احس اكو كلام تريد تحجي
يعقوب…اكو شي
سحر….لا بس الكلام الي كلته الاخوي امس
يعقوب…اي
سحر…تريد تزوجني
يعقوب….اي
سحر…انت متاكد
يعقوب….طبعا متاكد ليش هذا السؤال
سحر….انت تعرف حياتي السابقه يعني مراح تعيرني بابوي بلمستقبل
يعقوب….شنو هذا الحجي انتي شنو علاقتج بابوج
انتي رافضه تصرفاته والهذا السبب انهزمتي منه
بعدين انتي صار اكثر من ست اشهر تشتغلين هنا
ماشفنا منج شي موزبن
سحر…يعني انت مقتنع بيه
يعقوب…ليش تكولين هيج طبعا مقتنع لو ما مقتنع ليش اطلبج للزواج
سحر…اني موافقه
يعقوب… موافقه على الزواج
سحر….اي موافقه
يعقوب…واخوج
سحر….اخوي يكيف يخلص من مسؤليتي
هو الي قنعني بهاي الزواجه يكول استاذ يعقوب خوش انسان واكثر واحد راح يحافظ عليج
يعقوب….زين على بركة الله وين اشوف اخوج واتفق ويااا
سحر…وين يعني احنا ماعدنا بيت مثل الناس
لو على الكهوه لو يجي هنا للبيت
يعقوب…شنو على الكهوه عيب هيج اتفاق يكون على الكهوه بليل اني اتصل علي يجي هنا يتعشى عدنا ونتفق على التفاصيل
سحر…براحتك الي تشوفه مناسب سوي
جمانه السعيدي
راسا طلعت التليفون
يعقوب….هلو حسن شلونك
حسن..الحمد لله
يعقوب.. معزوم عدنا للعشى
حسن…تسلم مااريد اكلفك
يعقوب….لا تعال للبيت نتعشى سوا احجي وياك بموضوع مهم
حسن. تمام
اذن الضهر وامي اجت اصلي
يمه باركيلي سحر وافقت على الزواج
امي…وابوها
يعقوب…ابوها محكوم ١٥ سنه سجن يعني جهالنا يصيرون بطولنا وهو بعد ما طالع من السجن
امي.. واخوها موافق
يعقوب….اي
امي……انشاء الله خير
يعقوب…عزمت اخوها يتعشى عدنا اروح اجيب مسواك العصر
امي.. علاج الضغط خلص جيبلي وياك علاج
يعقوب.. انشاء الله
رحت العصر للسوك وجبت احلى مسواك
رجعت كعدت بلمحل حتى امي وسحر يحضرن العشى
كان عشى فاخر
بعد اذان المغرب وصل حسن
لابس بنطرون جينز وقميص حالق شعره طالع حلو
اتعشينا كلنا سوا حضرت سحر الجاي
وأخذت المواعين تغسلهن بلمطبخ
يعقوب…اكيد تعرف الموضوع الي اليوم انجمعنا علي
اني سئلت سحر وهي موافقه
حسن. واني هم ماعندي مشكله بس تنطيها مهر حالها حال البنات اتمنى ماتكسرها لان ماعدها احد
يعقوب…لا ابد مراح اكسرها اني راح ارفع قدرها
تستاهل سحر
مهرها حاله حال البنات خمسه بخمسه
بس اني غرفتي جديده وتسكام مراح اغيرها
حسن.. براحتك
يعقوب .. نكول مبروك
حسن….شلون تعقد ماعدها هويه يصير تعقد على هويتي
يعقوب…يصير اذا عقد شيخ
بس المحكمه مايصير
حسن…اعقدو عقد شيخ هسه وخل أتم الزواجه
وبعدين اني افرغ نفسي وارجع البيتنا بلكت الكه هويتها
واجيبها وتعقدون محكمه
يعقوب… انشاء الله يمتى نعقد
حسن.. براحتك يمتى ما يعجبك ماعدني مشكله
يعقوب …خلاص يومين علما نجهز نفسي نعقد هنا بيتنا
حسن.. اي هنا بيتكم احسن
يعقوب.. شكرا اخوي ماقصرت
حسن….بلخير والبركه عليكم تتهنون انشاء الله
بديت احضر للمهر شي بسيط لان اريده عائلي
مااريد الناس تدخل بحياتنا
وهاي منيين وبت منو وشلون عرفتوها هذا الكلام يسوي مشاكل ولا يقدم ولا يااخر
دزبت على منى وشرحتله الموضوع فرحت حيل
لان هي هم عاجبتها سحر
كلما تجينا يكعدن يسولفن سوا
انطيت مهر سحر الاخوها بيده هو حر يتصرف بي هو واخته
هي رايحه مشتريه ذهب هي اخوها
ودزيت على منى تروح تشترينها شغلات المهر
فستان حلو تحجز بلصالون
اجيب جكليت وكيك يومين بقت عدنا منى تحضر
للمهر
بيوم المهر ماعزمت احد بس ثنيبن ولد اصدقائي
وحسن اخوها حضر
ومنى وزوجها عقدنا بليل كانت حفله بسيطه بس كلش حلوه
طبعا هبه رادت بدله مثل العروسه
جبتلها بدله بيضه تخبل كاعده بحضن سحر ما تقبل تكوووم
بعد الحفله اصدقائي باركولي وطلعو
ومنى زوجها اخذها وراح
وحسن راد يطلع
حسن.. اوصيك على سحر لان ماعندي غيرها بهاي الدنيا
دير بالك عليها
يعقوب …اخليها بعيوني
حسن…مبروك الف مبروك
يعقوب…الله يبارك بيك
ازوجنا اني وسحر بنفس اليله الصراحه اني كلش مرتاح وسعيد بهاي الزواجه
للحكايه بقيه
الفصل التالي: اضغط هنا
يتبع.. (رواية خيانة لا تغتفر) اضغط على اسم الرواية لتجد الفهرس كاملاً بجميع الفصول.