رواية حارة كرياكو الفصل السابع 7 – بقلم نهله جمال

رواية حارة كرياكو part 7

يا ليتها تقترب وتقتل تلك المسافه التي تؤول بيني وبينها

صرخت شعائر عندما وجدت نورسين مقتربه لذلك الحد من كريم : ايه المسخره دي !

ابتعدت نورسين عن كريم ببرود قائله : ممم سوري مكنتش اقصد كنت هقع وهو سندني

شعائر بسخريه : لا اسم الله عليكي وانتي بقى في حارة كرياكو كلها محدش بيعرف يسندك غير كريم صح !

غضب كريم ف صرخ بشعائر للمره الأولى : بتقولي ايه ؟ اطلعي فووق

نظرت له شعائر بصدمه ثم تجمعت الدموع في عيناها وهي تقول بغل : اشبع بيهااا

صعدت للأعلى بينما وقفت نورسين وارتسمت على وجهها علامات الضيق الحقيقي ف قال كريم ملطفآ الأجواء : أنا اسف امسحيها فيا انا

نورسين بتصنع : أنا اللي غلطانه مكنش يصح اقع عليك كدا

كريم : معلش حصل خير المهم متزعليش وانا هطلعلها

نورسين : وانا هروح شقتي ومش زعلانه خلاص

ابتعدت نورسين عنه لتذهب لشقتها بينما كان ينظر كريم لطيفها وهي ترحل

دخل كريم شقته واغلق الباب ف قالت والدته : ممكن أفهم في ايه ؟ ايه اللي بنت خالك بتقوله دا

كريم : هي فينها الانسه المحترمه ؟

والدته : بتعيط في اوضتها وياريت لو هتكلمها ف اي حاجه يكون بعدين عشان هي منهاره

ضغط كريم على اعصابه ثم قال : طب ايبو فين ؟

والدته : جاله تعيين في المدرسه الجديده وقاعد بقى بيشوف المنهج بتاع البنات

كريم بصدمه : هي مدرسة بنات !

والدته : أه يابني بس كويسه يعني وهيشتغل فيها بشهادته

كريم : الله يصبره والله طب هدخله

والدته : طيب يابني

* في غرفة ايبو *

جلس كريم أمامه ثم قال : وعرفت هتتعامل معاهم ازاي ؟ من غير كسوف وحواجز لانك المفروض هتكون قدوتهم ؟

ايبو : هحاول يا كريم

كريم : لا مفيش هحاول انت الصبح لازم تروحلهم جاهز !

ايبو : يعني اعمل ايه !

كريم : اولا البنات لو حسوا انك ضعيف هيستهزقوا بيك

ايبو : انا مش ضعيف انا محترم

كريم : متبينش ليهم انك محترم عشان هيستهزقوا بيك

ايبو : تمام

* في غرفة نورسين *

كانت تجلس على فراشها وهي تحدث همس في الهاتف : وبس ياستي فضلت تهلل ووشها قلب الوان اول ما شافتني مع كريم

همس بضحك : يخربيتك ياريتني كنت صاحيه عشان اشوفها وهي بتتفقع

نورسين : لا ولسه كل يوم من دا هخليها تكره نفسها

همس : هو انا مقولتلكيش ؟

نورسين : ايه !

همس : المدير قال عاوزنا بكرا في المدرسه ضروري معرفش ليه

نورسين : هيرفدوكي

همس : افتكري خير دا انا ما صدقت لقيت شغل بشهادتي

نورسين : تلاقيه حابب يحلو عليكم مش اكترر ، انا مخنوقه اوي ما تيجي ننزل شويه ؟

همس : خليها بكرا بقى الوقت اتأخر

نورسين : انتي عايزه تموتيني بكرا ايه مش بتقولي في اجتماع مهم !

همس : هو انا هروح المدرسه هموت هناك ! ما انا هتنيل هرجع يلا سي يو

نورسين : باي باي

* صباح اليوم التالي *

إستيقظت نورسين لتاكل مع والدها ووالدتها ثم تنزل السابعه صباحآ بنشاط لتفتتح المتجر الخاص بها

وجدت سيارتين جديدتين أمام البنايه ف نظرت لهم بإعجاب وبينما هي تدقق بهم سمعت صوت كريم من وراؤها يقول بحنان لمس قلبها : عجبوكي ؟