رواية حارة كرياكو الفصل الثامن 8 – بقلم نهله جمال

بعد قليل كانت نورسين تجلس في متجرها ف وجدت إيبو يفتح باب سيارته ويقود سريعآ ، أشعلت نورسين شمعه صغيره ووضعت عليها حديده صغيره وهي تتصل خاتفيآ ب همس

ردت همس بصوت نائم قائله : صباح النور

نورسين : صباح الزفت ، مش في اجتماع في مدرستك مهم ؟

انتفضت همس في فراشها ثم قالت : نهار اسود نص مرتبي هيروح كدا

نورسين ببرود وهي تنظر للحديده الصغيره على الشمعه : بنت الكلب حرقت دمي ع الصبح

همس : ايه دا مين دي ؟

نورسين : خطيبة كريم

همس : البتاعه دي تحرق دمك ؟ دا احنا حرقنا قلوب بشوات

نورسين : ما بسببها الموضوع كبر في دماغي وهكمل المقلب

همس : طب اقفلي لاحسن اتأخرت ع المدرسه ، بس هنعمل ايه بعد كدا !

نورسين وهي تمسك الحديده الساخنه بيدها بكل برود : هندق ع الحديد وهو سخن

* في سيارة كريم *

شعائر بغضب : دي مش أول مره تحصل !

كريم : دي جارتنا يا شعائر يعني طبيعي أتعامل معاها !

شعائر وقد على صوتها : لا مش طبيعي أبدآ

كريم وقد نظر لها بصدمه : أخر مره صوتك يعلى عليا ، اتفضلي انزلي الدرس بتاعك

إلتقطت حقيبتها ونزلت وهي تمسح دموعها بغضب وتغلق الباب بقوه

قرر كريم أن يلتفت هو أيضآ لمشروعه الخاص الذي يسهر عليه يوميآ ، مثله مثل أي شاب طموح ..

* في المدرسه *

جلس إيبو أمام المدير بينما وقف المعلمين والمعلمات ف قال المدير : ودا طاقم التدريس بس ناقص واحد هيتعاقب ع التأخير ، حضرتك هتمسك مادة التاريخ لفصل ٢ ثانوي ، ودول بنات أحب ألفت نظر حضرتك انك لازم تكون قاسي وشديد الحزم معاهم

إيبو بهدوء : في ايد أمينه حضرتك

دخلت همس وهي تعدل من قميصها ثم قالت : صباح الخير يا حضرة الناظر

المدير وهو ينظر لهمس بفخر ويوجه كلامه لإيبو : في معلمين ومعلمات نماذج حقيقي مشرفه للمدرسه دي يا أستاذ إيبو

ابتسمت همس ف أكمل المدير حديثه قائلآ : وبالتأكيد الأنسه همس مش منهم ، لانها يوميا متأخره

بهت وجه همس وهي تقول : والله يافندم راحت عليا نومه و ..

المدير : هيتخصم منك اليوم طبعآ لإن المواعيد وإحترامها القاعده الذهبيه بالنسبالي

غضبت همس ف قال ايبو : معلش يا فندم إعذرها الله اعلم هي مرت بإيه إمبارح والله اعلم كمان هي محتاجه مرتبها ف ايه

نظر لها المدير نظره باهته ف ابتسمت له ف قال : اخر مره ! متتكررش تاني

همس : حاضر

المدير : خدي أستاذ إيبو يشوف فصله وبناته

سار معها ايبو في الممر حتى وصل للفصل ف وجد ضوضاء وفتيات تغني ، أمسكت همس العصاه وخبكتها بقوه في الباب ف جلست كلآ منهن في مقعدها

دخل إيبو ثم قال موجهآ حديثه لهمس : خلاص انا بخير ، سيبيني معاهم شويه

همس بميوعه مصطنعه : متأكد

إيبو : إحم ، اه من فضلك

خرجت همس وأغلقت الباب ف قال إيبو : صباح الخير ، مستر محمد إيبو ، مدرس التاريخ الجديد

قالت إحداهن : حضرتك عندك واتس يا مستر عشان لو واقف حاجه معانا نسألك

نظر لها بصدمه ف وجد زميلتها تغمز له ، ف فتح باب الفصل ثم صرخ قائلآ : ميس همس !!!

* بعد المغرب في المقهى *

كان كريم يجلس برفقة نورسين يحتسون القهوه ، وجد كريم فتاه تقول : ابعد عني بقى وامسح صوري ! هو الحب بالعافيه ؟

أمسكها الفتى من ذراعها بقوه ف قام كريم ليلكمه في وجهه

وقع الفتى أرضآ ثم قام واقترب من كريم ولكم تحت عيناه ف وقع كريم بإتجاه الطاوله وهنا قامت نورسين وهي تمسك بكوب القهوه الخاص بها ثم فجأه حذفته في زجهه الفتى ف صرخ من سخونته

جائت إحداهن لتدفع نورسين بقوه وهي تقول : بتمدي ايدك على ادهم انتي مش عارفه دا مين

أمسكتها نورسين من شعرها بقوه ثم حذفتها فوقه

خلع كريم حزام بنطاله وهو يقول : لا كدا الموضوع مش هيتحل إلا بالطريقه دي

خلعت نورسين ساعتها الذهبيه وبدأت في ضربهم وبالتأكيد كان كريم يضرب معها !

* في مقهى اخر *

كان يجلس بالقرب من حبيبته الغائبه لسنوات ينظر لها ويتأملها ، قبل أن يرن هاتفه ليمسكه وهو يتأفف ثم يقول : خير ؟

الشخص الأخر : نوح باشا بعتذر لو ضايقت سعادتك ، في خناقه في كافيه …. وضرب ومش عارفين يفضوا بينهم

نوح الزهار : يابني هو مفيش غيري ؟ محمد باشا فين !

الشخص الأخر : في مأمورية شمال سينا يافندم

نوح وهو يضع سلاحه بجانبه : طب أنا جاي في الطريق

اغلق الهاتف وهو يضع الأغراض بجيبه ويقول : غصب عني مضطر اروحك مع اني ما صدقت قعدت معاكي يا قمري بعد السنين دي كلها

جولييت وهي تأكل قالب الشوكولا : هو مسعد مش هييجي ولا ايه

نوح : يادي مسعد ، يلا بس أروحكم عشان أشوف المصايب اللي ورايا

قامت قمر ولكنها كادت أن تقع ف أسندها نوح برفق ثم قال : يولع الشغل لو إنتي تعبانه !

قمر بإبتسامه : لا أنا بخير !