رواية حارة كرياكو الفصل التاسع 9 – بقلم نهله جمال

رواية حارة كرياكو part 9

لقد حطمت قلبي .. وهذا ذنب لن يغتفر أبدآ ..

فض بعض من العساكر الاشتباك الدائر بين كريم ونورسين وزبائن المقهى وأخوا بعضا منهم الى قسم الشرطه لتحرير محضر

ركبت نورسين سيارة الشرطه وبجانبها كريم ثم قالت له بغيظ : مش هعديلك اني اول مره ادخل قسم الشرطه كان بسببك

كريم : انا كمان اول مره ادخله ف انا ذنبي ايه بقى

نورسين : متتكلمش!

إنتقلت السياره إلى قسم الشرطه

ما ان وصلوا حتى قابلهم احد المسؤولين ولكن رتبته أقل من نوح الزهار قال : قدامكم حل من الاتنين يا يحصل صلح بينكم يا نحرر محضر ونخش ف حوارات

أحد الفتيات : دي قطعتلي شعري!!

المسؤول : مش عاوز صوت! شوفوا هتعملوا ايه يلا!!

وبالطبع استقروا على الصلح وذهب كلا منهم الى حاله

* في المدرسه *

جلس ايبو برفقة همس في غرفة المعلمين وهو يقول لها : انا مكنتش متخيل ان تدريس البنات صعب كدا

همس : اكيد صعب لانهم في سن المراهقه ، قولتلك لو احتاجت مساعده قول بس انت تقريبآ استكبرت

ايبو : مش استكبار ولا حاجه بس حبيت بدايتي تكون اني اعتمدت على نفسي

همس : شيء حلو فعلا ، هو انت وكريم اخوات؟

ايبو : لا ولاد عم بس انا ابويا وامي بيسافروا الخليج كتير بحكم شغلهم وكدا

همس : اها واللي عايشه معاكم دي خطيبته مش كدا؟

ايبو : اه بنت خال كريم ، اسمها شعائر بس بتحب كريم اوي

همس : وانت بقى مش خاطب ليه؟

ايبو : انا كنت خاطب زميلتي في الجامعه وكنا خلاص هنتجوز

همس : وبعدين حصل ايه

ايبو : مش هعرف اقول عشان كدا هبقى بعيب فيها ، الله يسهلها بقى

ارتجفت يد همس وهي تمسك بكوب القهوه وترتشف منه ببطيء وهي تنظر لإيبو ..

* في حارة كرياكو *

نزل كريم من منزله بعد ان قام بتغيير ملابسه ، وجد نورسين تفتح المتجر الخاص بها ف قال : لسه زعلانه مني ؟

أرادت هي ان تصنع من تلك اللحظه نهاية المزحه ف ابتسمت وقالت : زعلي يهمك ؟

كريم : اكيد

نورسين بوقاحه : هو انت معجب بيا يا كريم ؟

ارتبك هو ثم قال : بصي هو انا ..

نورسين بصوت عال جدا حتى خرج اهل الحاره الى شرفة منزلهم : يعني معجب بياا ! يعني بتحبني! كل داا وانت خاطب ، بقى ينفع كدا

نظر لها كريم بدهشه ثم انكسار وهو يرى ان جميع اهل المنطقه ينظرون له ، وما زاده ألمآ هي نظرة شعائر المنكسره له وكأنها تقول خذلتني..

.

.