رواية الضوء الخافت الفصل العاشر 10 – بقلم نهله جمال

رواية الضوء الخافت part 10

[ بين اليأس والامل، بين اليقين والقلق، بين العودة واللاعودة، وبين اللامبالاة والشعور .. هل تفهم فزع أن تبقيك الاشياء عالقاً في دوامة المنتصف دون أن يكون بمقدورك فعل شيء ؟ ]

..

أين نحن الأن ؟ في القاع ! جيد على الأقل لن يكون هناك سقوط مره أخرى

أضواء تصوير إنتشرت في المبنى ، ورائحة الدماء المجمد كانت قادره على أن تصيبك بالغثيان ، أما الحديقه التي كانت تجمعهم ليجلسوا سويآ إمتلأت بعربات الإسعاف

ظابط الشرطه : وحضرتك كنتي فين لما إنتحروا بالمنظر دا ؟

المشرفه : كنت في مكتبي

ظابط الشرطه : معندكيش اي رقابه على مرضى إكتئاب وناس كان معظمهم بياخدوا جلسات كهربا على المخ في المستشفيات النفسيه ؟

المشرفه ببكاء : انا مستعده لأي تحقيق وأي جزاءات بس أطمن هما في حد فيهم لسه عايش ؟

ظابط الشرطه : لو كان قلبك واكلك عليهم كدا كان أولى تحطي عينك في راسك وتراعي انهم شباب لسه ومكتئبين ، عايز أرقام أهاليهم ، باقي اللي هنا كويسين ؟

كان أمير ورائد والبقيه جالسون يرتجفون وأعينهم متسعه مما حدث

* في حديقة المبنى *

الطبيبه فريده : إظاهر إن البنت دي انتحرت من فوق السطح ، مفيش أي مؤشر إستجابه خالص والنبض متوقف تماما والنفس ضعيف دا غير ان في كسور متفرقه في جسمها يعني ممكن متقدرش تمشي تاني ورقبتها مكسوره تماما ف لو هنشيلها لازم يكون بعنايه وحذر تام ، قدامنا شعره واحده عشان نلحقها ، هعد واحد اتنين تلاته نرفعها ع التورلي عشان تتنقل المستشفى ونقوم باللازم ، يلا واحد اتنين تلاته بسم الله

رفعوها مره واحده ووضعوها على الفراش ثم اخذوها سريعآ نحو سيارة الاسعاف واغلقوها ثم ساروا الى المشفى سريعآ

* عند نافذة المبنى *

الطبيب : قلبه ضعيف جدا ومش مستحمل جرعة الدوا اللي اخذها ، للأسف المنوم دا مفعوله قوي جدا والمفروض مريض الأرق ( الارق هو عدم القدره على النوم يلجأ المريض للأقراص المنومه حتى يحصل جسده على الراحه التامه )

المفروض مريض الأرق بياخد نص قرص في الاسبوع لكن الشاب دا اخد تلات أقراص مره واحده ، المهم حط الفون بتاعه في كيس عشان هيتنقل المستشفى نشوف هنقدر نلحقه بعملية غسيل معده ولا أمر ربنا هيكون نفذ ومتعلقاته الشخصيه نسلمها لأهله في المستشفى

حملوه ووضعوه على الفراش ثم نقلوه إلى عربة الإسعاف ..

* في حمام غرفة إيلين *

مذبحه كامله من الدماء غطت الأرضيه ، وقفت الطبيبه بحيره وهي تقول : دي مش هنعرف نلحقها لا ، النبض بيروح وييجي في ثواني حصلها تمزق في ألأنسجه الدمويه للإيد وتقطع في الشرايين أدى إلى نزيف حاد ، عندنا فرصه ضعيفه جدا جدا اننا نلحقها بإننا ننقلها دماء كافيه ونخيطلها الجروح دي ، شيلوها معايا بهدوء ..

حملوها ووضعوها على الفراش ثم نقلوها لسيارة الاسعاف ..

* في غرفة إيبو *

وقفت الطبيبه الاخيره مع فريق العمل الخاص بها وهي تتفحص عيناه بالضوء في يدها : مفيش استجابات حيويه ، خبط راسه بإستمرار في حائط الغرفه مما أدى إلى نزيف داخلي في الرأس وإرتجاج في المخ ، نسبة نجاته لا تتعدى ال 5% ، ممنوع منعآ باتآ إنعاشه بجهاز الصدمات الكهربائيه لان مخه مش هيستحمل أبدآ وممكن نفقده في اي لحظه ، وضعه حساس ف هنشيله بكل عنايه سوى ، واحد اتنين تلاته ارفعووه بسم الله

وضعوه على الفراش إتجاهآ لسيارة الإسعاف

..

أخذت الشرطه المشرفه الخاصه بمبنى أوسكار الى قسم التحقيقات موجهه لها تهمة الإهمال والتقصير أتجاه الشباب المنتحر ..

* في المشفى – غرفة العمليات *

بدأ الأطباء كلآ منهم في مهامه الخاصه لمحاولات بائسه لإنقاذ الشباب

الطبيبه فريده المسؤوله عن عملية رزان : من الوقعه حصلها تمزق في الرئتين ، في دم في جسمها لازم نخرجه من غير ما نضغط على صدرها لان صدرها متمزق ، هات أنبوب الشفط هوصله للرئتين وأحاول أشفط الدم دا

كانت تعمل ما بوسعها لإنقاذ الفتاه

…

الطبيب المسؤول عن كريم

الطبيب : للأسف حتى لو اتعمل غسيل معده هيفضل في أثار جانبيه لان الدوا خد وقت وعمل مفعوله خلاص ، هنعمل غسيل المعده ونديله شوية منشطات او فيتامينات تيقظ حواسه ولله الامر من قبل ومن بعد ..

….

الطبيبه المسؤوله عن إيبو : هنضطر نفتح غرزه سنتي عشان نخرج الدم اللي في الرأس بس دا لازم يحصل بحذر عشان منفقدش المريض وزي ما نبهت قبل كدا ممنوع منعآ باتآ أي انعاش عن طريق جهاز الصدمات الكهربائيه لانه بيعاني من ارتجاج واي حركه صغيره هيبقى خطر على حياته

…

الطبيبه المسؤوله عن ايلين

الطبيبه : هيتنقلها أكياس الدم كل كيس دم هيدخل جسمها على ساعتين كاملين عشان الجسم يستوعب الكميه وينشر الدم في الاعضاء بالتساوي وبالتالي هنكون انقذنا 30% من حياتها ، اما الانسجه الممزقه هنحاول نعالجها ونخيط الجروح ..

* في قسم الشرطه *

ظابط الشرطه : قررنا نحن اللواء ( … ) بتوجيه تهمة الاهمال والتقصير لمشرفة مبنى أوسكار في عملها ويتجدد حبسها أربعة ايام على ذمة التحقيق

المشرفه : مفيش أمل أخرج من هنا ؟

الظابط : مفيش حاجه اسمها مفيش امل ، اكيد فيه هتخرجي لو الاهالي أخلوا ذمتك من مسؤولية أولادهم غير كدا لا ..

* في المشفى *

غرفة العمليات الخاصه بإيلين : للأسف يا دكتوره أكياس الدم في المستشفى مش هتكفي حالة المريضه لازم نلاقيلها أكياس دم من نفس فصيلة A+ للن الوقت عامل مهم لحياتها ..

…

غرفة عمليات ايبو : قدرت أخرج الدم من راسه وهبتدي أخيط الغرزه بس المشكله إن فقدنا النبض تماما !

….

غرفة عمليات كريم : قدرنا نعمل غسيل المعده بس للأسف حصل تأثير سلبي عليه واحتمال يروح في غيبوبه !

…

غرفة عمليات رزان : تن تن تن تن تيييييييييييييت

الممرضه : دكتوره احنا فقدنا المريضه !!!